#الفصل_الثاني_البارت_الثاني
#رواية_أوكـــســجــيــن
#بقلم_فـجـر_الـمسـاري
#رواية_حقيقيه
#قصص_نور_قلبي
خلصت الحفلة والكل راحوووا… صعدت بدلت
لبست تراك احمر ومسحت المكياج ونمت…
- كعدت ثـاني يـوم الـصبح نزلت اتريك جنت
بالمطبخ وجان اسمع دكت الباب… شفت بابا
زوج خالتي… واني رفعت البردة اباوع منووو..
جاي من الصبـح…
… باوعت من شباك نزل
عدنان من سيارة ولابس نظارات شمسية سوده
لابس بدلتة العكسرية ..
بكلبي كلت شـدعـوه هالتكبـررر… عشتووو ههههه
صاحولي صابرين… ...…
- رحت سلمت عليه شويه كعد 5 دقايق وكام كال محتاجين شي لان رااح يرووح لدوووام ليوم خلصت اجازته
كتله… لا شـكررراا… سلم و طلع جان جاي هوه واحد من اخوانه ..
ومشت يـومين بيـن الدووام بالمعهد والبيت…
وعـدنان لا اتصل ولا سئل… مادري عنه…
بسس صدكوني اي سـعاده مااكووو بقلبي ولا جني
وحده مخـطوبه حتى البـنات من يسئلوني علـيه
اكوووللهم خرررج ولم يـعددد… ههههه
جنـت احس اكووو شي ماعرف شنووو…
وبعد مرور اليومين اتــصـل عـدنان عليه…
جنت فووك ادرس بغرفتي اجتي خالتي كالت
خطيبج اتصل يريد يحجي وياج… مصـدكت
منه من الشيطان… يمكن غلـطان…
نزلت كعدت على التخم واخذت يده السماعه
بوكتها جان التلفون ارضـي ماكووو موبايلات مثل هسه… … كلت
الوووو… اجاني صوت عدنان الخشن الرجولي
الووووو … شلونج
الحمدلله…
كتله انت شلونك. جاوبني زين الحمد لله
بعدهه حجينه حجي عادي مابي اي ملامح
عن رومنسيه او غزل مثل ميكولون المخطوبات ..
حجه عن دووامه وظيـفتة وسئلني عن دووامي
ودراستي… وبعدهه كام كل اسبـوع يتـصل مره
وحده بسسس… يـوم الخميس…
ماعرف ليش اختار هاليوم… ولا سالته…
ويسئلني 3 اسئلة ميـتغييرن… ابـد…. هيه
/ شـلونج - اخـبـارج - شـون دراسـتج /
واني اكله الحمد لله… واسكت ..
حتى كلمة غـززل مكلي او حسسني يحبنـي
صدك جامــد وبلا مشـاعر… وختامها للمكالمه
محتـاجه شي… لا عيـني واسـدة زهكني…
واصـعد لـغر فتي … .صايره نـار ياربـي هذاشبي
مـغـصوب عـليه لووما هو اجه هوه واخته وامه
خـطبوني…
حتى ميحجي عن زواجـنة ولا كلمة حب او حنان
شـدعوة هالتكـبر… جنت اكوول معـقولة
الضباط مـاعـدهم مشـاعر ولا يـحسسون…
جنت احجي للبنات وهما يضحكون لما اكلهم
ماعدهم مشاعررر… بسب وظيفتهم يمكن…
وتعاملهم ويه الجنود واصدارهم لاوامـررر…
- خلصـت السـنة ونجحت من رابـع ورحت مرحلة
خامسة وهاي اخررر سنـة واتخررج معـلمـة…
ومرت سـنة على خـطوبتي من عـدنان…
حتى مسمعت منـه كلمت مبـروك على نجاحي ..
تعووودت عليه… وعلى جـموووده… .
وبعدهه بشـهر تحددد موعـد زواجـي من عدنان
اجه هوه وامه على اهلي وحدددوا وياهم موعد
الزواج ..واتـفقـوا يـكون الـزواج بـشهر السـابع…
زواجنه صاارر زواج تقـليدي…
يعني من منـطقتي زفـوني للبيـتهم للـرمادي
بوكتها جـان الجووو حااارر موووت شهر
السابع تـموز نـاررر… تـدمرت دمــار ..منا الجوو نار
والمـكياج سـاح على وجـهي بحيث الكحلة
ساحت على عيوني ..صارت مثل عيـون البـانـدااا…
وشـعري الي خـربته ام الصالـون الي…
صبغته بذاك الوكت بالاوكسجين… طلع محلووو
يخزززي… وصـار يـلعب الـنفـس ..
بحـيث شـكد بجـيت وانـقهرت على نفـسي
لان انـحرمت من كل شي بحياتي…
اهلي… حبي…
وصلـنه للبيتهم بيت جبير وسيارات سـدت لشارع
والمزيـقه وصـوت الهـورنـات نسطررر راسي…
وصـلنه قـبل اذان الـعــصـر .. بـشويه
نزلوني وفوتوني جووه للبيت…
وعـدنان ماشفته بعددد… صـرت اعـصاب منا
الجـووو حار وابجي والمكياج خـررب ..كتلهم
يصحولي عـدنان… اريده…
امه كالت بره ويا الزلم… يمـه
لزمت ايدها وبتوسل ودموع كتلها عفـية خالـه
اريد افـوت لغـرفتي تعبانه … لان طالعه من
الفـجر… اكووو بربكم عرروس تـطلع ب 6
- طبعا قـبل يـوم رحت ام الصـالون وسرحت شعري
وصبغتة…
طلعت ب 6 من بيت خالتي ورحنه يم كرايبنه
وصلنه ب 9 لصبح بعدهه رحت لصالون ومن
لصالون للبيت عـدنان…
اخذتني اخت عدنان وصـعدوني لغرفتي جانت
فووك بالطابق الثاني…
وتركوني ارتـاح… واني بس ابجي حتى من فتت
للغرفه مباوعت على الاخشاب لان كلش عصبية
كعدت على الجربايه… واني مستمره ابجي
صعدتلي امه لعدنان شـافتني ابجي… حضنتني
وكالتلي كـافي يـولي شـجاج هـيج ورمـتي
عـيونج الحلوووات…
كتلها هـسه تصيحيلي عـدنان ..طلعت
شويه واجه عـدنان جان لابس دشداشه بيضه
طبعا مكتلكم من اجه اخذني عدنان من لصالون
جان لابــس زي عـربي .. دشداشه وعكال وعباية
سوده مذهبه…
كلي يـولي شبيج… كل شويه واحد جاي كايلي
العروس تصيحك… واني كاعد ويه الزلـم…
طبعا فتره خطوبتنه طولت سنة…
اقتربت منه وكتله عـدنان صار سنه مخطوبين
ولا مره طلبت منك طلب… اريد اطلب منك
طلب بسس عليك الله بروح كل عزيز على كلبك
لا تـرردنـي .. باوعـلي وجان يزعج عينه
( عقد حاجبه )
- كولي شـرايـدة… اطلبي شـتريدين…
- بلـعت ريكي وكـتله عـدنان بداعـت كل عزيز
على قلبك… اني ماعاجبني لا شـكلي ولا مكياجي
خررب ونفسيتي تعـبت عطش وحرر وبهذله
وطريق تعـب واحس نفسي راح اموت وريحه
الاكل ماليه البيت وتلعب نفسي منه وتضرب براسي
- مااريد هـنا يـصير عـرسي عليك الله اريد بغير
مكـان… وهـو ساكت وصـافن عليه…
عدنان… شبيج يولي… شجرالج…
لزمت ايده بتوسـل وكتله والله اخاف هـنا ناس
طابة وناس طـالعـة… خلينـا نـطـلع لبـغـداد…
كـم يـوم… والله نلحك ونتمم زواجنا بالفندق ..
واني نفسي اشـوف فندق مثل باقـي البـنات ..
ضحــك هههههه وكال يولي خاف منلحك…
صابرين… يله والله نلـحك نـرووح لبـغداد بعد وكت
سكت وهو يباوعلي… ورجع كال نص ساعه
اشوفج جاهزة ترى اذا اتاخرتي اكلب الدنيا عليج
افتهمتي .. ياصابرين .. هزيت راسي .. كتله صااار
وكال يولي حطيتيني بموقف ويه اهلي وعشيرتي
هـسه شيكولون عليه اعوفهم واروح لبغداد ماخذج بالليل ورايح…
للفندق وهاي غرفتنه ..
ترى عـيب يـولي واصدقائي الجايين…
صابرين ..كتله بـزعل لخاطر اهلك وعشيرتك
مستعده اتقبل واكعد هاهيه… عافني وطلع
نزل جوه ومااهتـم بيه… اهم شي عـنده النـاس وعيب من نـاس،واني شنووو ..ليش محد مهتم بيه
- باوعت للغرفه حلووه وجبيره
مسحت وجهـي من المـهرجان الي صايــير
وبـدلت ملابسي ولبست فستان بسيط لون بنفسجي فاتح ورتبت شـعري .
ومشطته وخليت كحلة ..وطلعت من جنطتي حب
وجـع راس ( بـراسيتول ) وشربت حبايتين اثنـين
حسيت راسي راح ينـفجر ..صـارت الدنيا المـغـرب
اتمـددت حتى شـويه ارتـاح…
سمعت دكـت الباب… عدلت كعدتي…
- صعدت ام عـدنان وياهـه نسـوان اخوته اثنين
تـفاجوا من شافـوني، ذابـه البدلة…
- ام عـدنان ..يـولي ليش هيج… نزعتي بـدلتج
والناس بعـدهم جــوه…
يالله كــوومي رجـعـي لبسيها…
صابرين… اني هناا فقـدت وصـرت نـار بـداخلي
كتلهم والله تـعبـانة من الطـريق، ودايـخة وراسي
يــوجعني… .
ام عـدنان… اجتي اخذتني من ايدي وكالت
يـله يا عييني .. يابنيتي ميـصير تحمـلي هيه بس
هاليـوم وتخـلص… شون مجـان اتحمـلي…
- جابوا البدله جنت مخليتها على الجربايه…
ولبسوها الي وخلولي مكيـاج خـفـيف وبـسـيط
حلووو محـبيت اطـوخ حـبيت تـبـرز لون عيـوني
طلعـت احلى من مكياج ام الصالون ..الف مره
كملووووا نزلونـي جوه كعدوني بالاستقبال
هما عدهم استقبال النسـوان وحد …
واسـتقبال الزلم وحـــد… البيت جبير… وحلوو
والكل دك و ركص نسـوان وجـهال…
صبـوا العشئ…
- واني بعـد مـشفت عـدنان من اخـر مرة…
بالاثـنـاء…… كالووووا راح يـفـوت العـريـس
النسـوان خلوووا ربطـات على روسـهن ..
وفـات عـدنان وبـدت الهلاهل والهـوسات
حتى يـزفـونة…
- اني مـدنكة اجه كعد بصـفي وكال…
يـولي خـوما زعـلـتي بـدون مبـاوع علـيه كتله
لا عــادي… بسس دخـت من اصـوات والهـوسة
وجان يصـيح وحده من اخـواته… اجتي
اسمها حورر … كلـلها صـيحي الحـجيـة وينـها
كالتله راحت تـصب العشئ يـم البـنـات ..
كاللها… صـيحـيها… راحــت… .
- اجتي ام عدنان… هااايمه… كللها حجية
اني وصابرين طالعين لبغداد…
-وين طالعين يمه بالليل…
حجزت بالفندق يومين ونرجع… كالتله بسس
يمه مووو هاي غرفتك ويم اهلك… باس راسها
وكللها يمه اني مااخذ اجازة ثلاث ايام وبعدها
التحق للواجب… واريد اروح اني ومرتي…
هم اتعرف عليها وهي بعدها ممتعلمة عليكم
وجووو البيت هوسه… .
يومين ونررجع ..
-- صابرين ..اني بداخلي فرحت كلت يالله راح
اخلص من هالاجواء يومين…
غطوني خلووو البركع على وجهي وطلعوني
ونفس الجنطة مالتي الي اجيت بيها نزلوها الي
من الغرفة وخلوها بالسيارة…
- اما عدنان صعد هو حضر ملابسه دقايق ونزل بايده جنطة صغيرة طلعنه اني وياه فتحلي باب السيارة
كعدت ليورا وجنت مدنكه والبركع على وجهي مشفت شي والدنيا لليل صارت ظلمة…
من صعدت حسيت باحساس غريب وقلبي انقبض
وريحة عطر كفختني وهذا العطر مو غريب عليه
ياربي .. … .
هل العطر اعرفه… اي اعرفه واسمع صوت تنفسه
كلت انت مستحيل… ..
بقلم الكاتبه فجر المساري
أدمن قصص نور قلبي