تم تعديل
بقلم زهرة ايلول ٤
وميض هاي معقوله وافقت هيج بسهوله ربع ساعه ودك التلفون رديت علا اختي
علا هلو حبيبي شونك همزين كاعد
وميض هلا بيج اي بعدني ليش خو ماكو شي
علا اكولك اتصلت ايناس شنو خاطبها
وميض اي اليوم رحنه
علا ماشاء الله شو محد كال شنو مو بنتكم اني قاطعني وميض
وميض قبل لاتعتبين اكولج صارت بساع بس الولد والحجي وبالي مليون حسبه من تعرفين تعذريني
علا عوفنه هسه اكول ايناس اتصلت دكول خلي ينسى وميض اصير له
وميض هاي شبيها شنو اخاف من امي قابل شمسويه هي
علا اكولك هي ايناس منو يكدر له ونوب دكول مجبوره من كل عقلك انت
وميض شنو يعني اعوفها
علا شبيك انت ميت عليها وهي مامهتمه تضحك وحسيتها موافقه وفرحانه
وميض لا مو من كلبها امها جابرتها
علا والله هذا حجي قنع بي نفسك خلي اكولها لك ليش اضمها تاكل بكلبي دكول خلي تصير عنده كرامه لايوميا متصل لو داز احد
وميض باعي ايناس متحجي هيج هذا مواسلوبها امها ضاغطه عليها
علا حبيبي انت لن تحبها هيج اعرفك اخويه من يحب بعد ميشوف شي وشيقنعك براحتك اني رساله وصلتها لك يله اخذ راحتك وبوسلي الحجي وماما
وميض الله وياج انتي بوسي عبود ونونو ثاني يوم تصلت على ايناس وهم نفس شي بس كتلها مااعوفج لليل الحجي اجه دخل سلم
الحجي سلام عليكم
وميض وعليكم السلام ورحمة ها حجي شو اليوم متاخر
الحجي يم بيت عمك
وميض ها خير ان شاء الله
الحجي انت عرفت برد ايناس
وميض اي بس هي مجبوره امها تريد ابن اختها هي ماموافقه
الحجي ايناس هي لي دزت عليه هسه وامها ماموجوده واعتذرت مني كالت تبقون اهلي بس اني رايده ابن خالتي ولو وميض متقدم قبله جان قبلت بس ناطين كلمه لبيت خالتي واني كتلها ازواج مو غصب وتبقين بنتي ولي تردي هو لي يمشي وانسي وميض بعد يعترض طريقج وانت لهنا وكافي بعد لاتتصل موغصب لي مايريدك لاتريده
وميض هي رايدتني بس امها قاطعني الحجي
الحجي كتلك لهنا وكافي وايناس مو نوع لي تنجبر وحتى اذا صح المفروض تتمسك بيك وتقنع امها وهي دلوعتها يعني بسهوله تقنعها تكدر دكولها رايده ابن عمي مو هيج لو اني غلطان
وميض حشاك حجي من غلط
الحجي ابني انت ماناقصك شي وبنات عمامك وعماتك وحتى الغريبات موجودات وكتلك لي ميردني ربح مااريده خساره تفضل عليك وليد وانتي تعرفه شنو يله الموضوع ينسد من هاي الحضه تصبح على خير
وميض وانت من اهل الخير هاي هي حجي مثل مكلت
الحجي ها حجيه بعدج صاحيه
الحجيه اي والله مكدرت انام شفت وميض حايره وبالي يمه شبي
الحجي ايناس رايدها ابن خالتها دكول وميض مثل اخويه
الحجيه هااااا من شوكت هاي هسه صار اخوها اني صح مريضه وقليل اطلع من غرفتي بس هم احس باابني وشوف الهدايا لي يجيبها وطلعه والمطاعم ودي وجيب مكالت فرتها وره بالبيت هاي شنو معناها
الحجي سدي الموضوع وديري بالج تفتحي كدام وميض ايناس متوالمه همزين جتي منها عبالج مااعرف لي بينهم بس بنت اخويه اعرفها عيشتنه متلوك لها اجه ابن خالتها شسوي بوميض نفس طينه هي وليد دهدر جدر ولكه قبغه اني اكدر اكلها على بينهم بس اني مارايدها حجيه البنيه بنت اخويه بس متفيد وميض يراد له ام بيت
الحجيه ادري والله بس لن يحبها وهاي ثاني وحده خاف بعد ميقبل يزوج
الحجي لا ينسى مثل مانسى نور وميض بهيج مواضيع يفكر بكلبه مو عقله بس ايناس ضحكت بوجها وكع وادري صرف عليها لي عنده كلهم مااخاف عليهم بس هو شايل هما كلبه رجيج مو مثل اخوانه
وميض لصبح مانمت قررت اقطع اجازتي ورجع لدوامي التهي ويه اصدقائي بس ايناس تاكل وتشرب وياي ليش هيج صار اسبوع وسمعت خطبتها اهلي راحو بقيت يم الحجيه حتى مكدرت اطلع صرت ادخن واني عمري كله اكره التدخين بس وحده جرت وحده من رجعو محد سولف شي عادي ماكو شي اعرف الحجي نبهم علمودي بس متحملت بليل اتصلت بيها ردت عليه لن تعرف اني من قبل ماتنخطب متفق على موعد اتصل بيها بس هي وامها بلبيت اخوانها كلمن بيته بس بنفس الشارع
ايناس الو
وميض الو شونج
ايناس وميض ليش متصل كتلك
وميض هسه ردي سلام اول
ايناس كتلك لي بينه نتهى انسى
وميض تدرين شصاير بيه هسه هيج سهله عندج
ايناس عادي يومين وتنسى لااول واحد ولا اخر واحد
وميض معقوله انتي هيج دكولين
ايناس يله وميض تصبح على خير
وميض اوكفي ليش هيج انتي بارده قبل ماجنتي هيج نستي شون تركضين ورايه
ايناس يوووو متمل من هاي لسطوانه وانت كلتها قبل موهسه شي راح بوقته
وميض معقوله انتي هيج دكولين وين لعد مااكدر بدونك اذا يوم مااشوفك ماينحسب من عمري اريد اعرف لي بينه شنو
ايناس وميض كل هذا لايقدم ولا ياخر اخر مره اكولك ماكو نصيب بينه رجاء بعد لا تتصل خلي تصير عندك كرامه هواي لحيت ولا كل يوم متصل لو مخلي وساطه انسى اتمنى لي سعاده انت حتى مباركت لي
وميض ههههههه ابارك لحبيبتي لن نخطبت لغيري تره اني من ادخل احد لن رايدج و اذا علا رادت تصلح بينه لن تحبني تدرين كل شويه انصدم بيج وين راح حبج لي نسيتي طلعتنه وسفراتنه لج نوم ماكادر انام وانتي هيج دكوليلي
ايناس عفيه وميض هيج تفتح عليه المواجع ياريت
وميض اي اذا هيج متوجعه
ايناس كتلك ماما مريضه ولهنا وكافي شوف نفسك صرت لغيرك بعد هاي هي مع سلامه نهيت المكالمه
وميض مر شهر حاولت ويه ايناس وكل مره نفس حجيها اخرتها كامت مترد عليه سمعت بهذا الاسبوع زواجها رحت لبيتهم بس ماموجوده طالعه رجعت لكيت علا هلو شونج بوستها
علا حبيبي الحمد لله انت شونك
وميض ماشيه
علا شبيك شو مو على بعضك بيك شي
وميض كولي شنو لي مابيه
علا وميض لي خلقها ما خلق غيرها ليش هيج تسوي بنفسك وين وميض لي عزة نفسه قاطعني
وميض علا مو بيدي حبيتها متعرفين لي بينه بنت عمي يعني لو غريبه هم اخلي بالي احتمال اهلها مايوافقين عليه
علا مادري شكول لك النار ماتلسع له صاحبها والله هي لي خسرت وانت ربحان وكتلك بوكتها ايناس متلوك لك بس شكل له داخلها انانيه حقوده تعبك ولمره ثانيه اكولك ايناس ماتنجبر على شي ولو ادري بينكم شي كان منعتك بس سبحان الله اول مره ظم عليه
وميض لاهي نجبرت امها متعرفيها
علا حبيبي والله هنيالها عليك كل لي سوته ودافع عنها كوم تره بابا باله يمك
وميض وينه ماله صوت
علا بصاله يله خلي نشوفه دخلنه عليه كاعد هو وسجى سلمت وردو عليه
الحجي وينك شو مختفي البارحه واليوم
وميض مشغول عندي كم شغله
الحجي خو ماشايل بخاطرك على ذاك الموضوع
وميض ياموضوع ها لاحجي الله يوفقها
الحجي عفيه بيك هيج شي تافه مااريده يأثر عليك الله يكتبلك احسن منها ضلينه نسولف
وميض زوجت ايناس اني نتهيت ذبيت همي بشغل صارت اخذ خفارات اصدقائي حتى ماارجع للبيت كتلهم عدنه شغل احس اهلي يعرفون لي بيه رغم احاول ما ابين لهم انزل كل يومين لو كل ثلاث ايام
نقيب عمار انت راح ضل هيج معقوله وميض تهزه بنيه هيج تسوي بيك هاي لي يركضن وراك احلى منها ورقى منها وانت مداير لهن بالي
وميض ليش ماتسكت احسن لك ولي
عمار اكولك منو من بناتكم شايفها ملازم سعد من جاي يشوفك
وميض منو ماشاف احد هو يمي ومحد دخل
عمار اقصد زوجته شايفه بنيه عدكم
وميض ماادري منو ليش
عمار كايله عليها ل ام ملازم سجاد يريد يزوج وكايل ل امه تشوف له هي وزوجه سعد حامده بيها كدامها
وميض وشجاب زوجة سعد على ام سجاد
عمار جيران اهلها لزوجة سعد وكايله لها شفت بنيه خوش بنيه واصفتها لها وامه كايله له وسجاد سالني لن صلتي قويه بيكم كتله مااعرف هن هواي
وميض صافن بوقتها بس سجى عدنه وعلياء مزوجه طبيعي مو على علياء اكيد سجى والله اذا هي انفضح كدام سجاد هاي الخبله وصوتها العالي
نقيب عمار هاي وين صفنت ماكلت منو من بناتكم
وميض شمدريني منو منهن
نقيب عمار خير ان شاء الله
وميض يله اني اروح ونطي خبر للولد نرجع كلمن ودوامه خلصت عطلتهم
نقيب عمار ها فكيت
وميض يله لضل تهوس وتعكر مزاجي
نقيب عمار سوق زين لامثل ذيج المره
وميض والله كون اخليك كدام السياره حتى اخلص منك
نقيب عمار وداعتك ماتخلص ههههههههه
وميض يله رايح عود بين علينه
نقيب عمار سلم على اهل
وميض يوصل طلعت ورحت لبيت اول ما دخلت صارت كبالي سجى صفنت بله زوجه سعد شافت بيها وكالت لبيت سجاد عليها والله سجاد لو يشوفها تصير نصبه خرب سجاد شيفكني منه ومن لسانه للعصر وجتي ام سجاد متصلين على علياء ومتفقين تجي تشوفها امه كل ضني راح تشوفها ومتوافق عليها دخلت علياء واني اشرب مي ها علايه حمامه غرب
علياء صمله بناتنه ليشوفهن يلزك بيهن طبعا حمامه
وميض والله 😳
علياء اي ليش شكو
وميض قبلت بسجى يعني
علياء اي وشبيها بنيه لكل يتمناها شكلها مقبول ونادره تنحب صاحبه ملكه اجتماعيه
وميض منيه شكلها مقبول
علياء سجى شبيك اصلن ام سجاد تخبلت عليها حتى الولد قبل عليها
وميض ليش سجاد هم جاي
علياء لا بس امه من طلعنه كالت له نفس المواصفات لي هو كايل اريدها وكال على بركه الله
وميض معقوله سجاد لي مايعجبه العجب يقبل بسجى
علياء شبيها شو كلسع وكايل تره اكثر اقربائنه يردوها وابوها مدينطيها وتره صديقك عرف يختار لن يريد لي ترفع راسه بيته
وميض يبوووو ادري هاي بسامير لي مادري الاميره ديانه مطلوبه هلكد
علياء اي الاميره ديانه انت صدك دور نهار كله لازمه مبردها تبرد اضافيرها
وميض هسه اني وين وانتي وين لفتيها
علياء بصراحه وميض ذوقك بنسوان زباله بدون زعل
وميض اي مثل ذوقج مبين من الاميره ديانه اكولج هسه شردو على الناس
الحجيه صدوك شكالو
علياء عمه كالت انطي خبر ل ابوها ونرد لكم خبر بس عمه قبل مايجون كالت ابوها ماينطيها ميقبل يكول صغيره
وميض لعد ليش خليتو ناس تجي شنو استعراض
علياء عيب نكلهم لاتجون ماننطي شنو منعرف بااصول وهي كالت اشوفها بس من شافتها بسرعه خطبتها مبينه متفقه هي وابنها مبين رايدها على معرفت امه
عمه كالت اذا اكو نصيب يجي يشوفها وتشوفه عادي حقهم إثنينهم
وميض وهاي جماله تشوفه ست الحسن
علياء اي الاميره ديانه انت تره زودتها متعجبك لي محترمه نفسها تدري ام سجاد من شافتها كالت اي هي هاي لي ابني واني نريدها
وميض اي شافتها خوش شاغوله
علياء شافتها ليش شايله ادوات تنضيف وتنضف كدامها
وميض اي زوجه سعد سولفت لهم
علياء وزوجه سعد وين شافتها شمدريها تره زوجه سعد بس واصفتها لهم وام سجاد سألت على عمرها حتى عمه كالت لهم بطريقه حلوه بدون متبين لهم بناتي ماداخلهن مطبخ ملتهيات بدراستهن واني كله اسوي عنهن واذا انت عيونك حول وتشوفها مو حلوه هذا شي يخصك
وميض هاي كله لحجي وعمتج متريد تنطي لو تريد تنطيها جان شكالت
علياء هسه انت شغاثك سمعت الحجي صاح على وميض
وميض ها حجي جيت يله دوختيني عفت علياء يم الحجيه ورحت على الحجي ها حجي رايدني
الحجي اي تعال اكعد يمي
وميض كعدت ها حجي خيرك
الحجي اني وياك مو اب وابنه تعرف هذا شي اريد احجي وياك وريد تكون صريح
وميض تدري حجي اني وياك بذات صريح ومااظم عليك شي انت علمتني هذا شي
الحجي شنو لي ماعاجبك بسجى
وميض لا حجي تره مقصدت شي البنيه ماقاصره الله يحفظها
الحجي اني سالتك وكتلك تكون صريح وماقصدت سوالفك انت وعلياء
وميض حجي دكولك قاطعني الحجي
الحجي اقصد شنو لي مايعجبك بيها حتى تكون زوجتك
وميض نصدمت من كال الحجي هيج رديت انت تحجي صدوك لوتشاقى
الحجي ليش اشاقيك اني شايفها تناسبك
وميض لا حجي اعذرني ماقصدت شي بس بهاي اعذرني انت كلامك مسموع بس هذا زواج مااكدر سجى مستحيل ازوجها ماتناسبني
الحجي من ياناحيه متناسبك
وميض من كلها اولها سوالف متعرف سولف شكلها دراستها ممكمله بعدها طالبه
الحجي بس اني اشوفها طبيعيه وشكلها يعني جسمها متروس عادي احلى من ضعيفه وهي موذاك سمن وسوالفها مابيها شي بنيه تسولف على طبيعتها لا تعوج حلك ولا تتموع وبنتنه احنه مربيها نفس طبعنه وبعدها صغيره ودراستها عادي تكملها وهما تاخذ طبعك تتعلم عليك تشكلها شون متريد واني شايفها تناسبك
وميض اعذرني حجي سجى مو هي لي بالي ولي اتمنى ارتبط بيها وتكون زوجتي
الحجي براحتك اني حبيت اكولك لن لبنيه جايتها قسمه كلت اذا وافقت تطلبها ليش تروح لغيرنه
وميض حجي خو مااخذت على خاطرك لو زعلت عليه
الحجي ليش ازعل هذه حياتك واني اجتي بالي كلت يجوز اختيارنه ترضى بي انت بنور متوفقت هي حرجتك تعال اخطبني لن متقدم لها واحد ومنتظرتك صح اني ماوافقت بس هي بسرعه قبلت ليش ضيعه للي متقدم وايناس نفس شي هم حبيتها وسلكت نفس طريق نور
وميض صافن على الحجي كال
الحجي اي ادري بلي بينكم لاعبالك غافل انت بعد براحتك فكر وانطي لنفسك مهله لاجاوب ولادكول الحجي خاف يزعل لا شيل كلشي من بالك شوف نفسك توالم لك ورجال يكدر يغير زوجته مثل مايريد اذا بيها شي طبعا ورجع اكولك سجى بعدها صغيره يله اني رايح اصلي ودعيلك الله يقدم لك كل خير
وميض اي والله حجي لاتنساني بدعاء
الحجي لا ماانساك فكر واخذ وكتك
يتبع
بقلم زهرة ايلول