سـآمـحوني عل آلتآخير
#بين _الجدران
#ام احمد
الثامن
بين الحياة والموت ظل يصارع ايام واسابيع بااحد ثكنات العسكريه الطبيه....
حس كوه يفتح عينه وجسمه كل مزوك ومشدد راد يحرك ايديه مكدر
لاتتحرك انت بااعجوبه عشت
اخخخخ جسمي كله عيوجعني
راح انطيك مسكن
بدا يسترجع بذاكرة الي صار وراس من شمروه عليه حس بغثيان
رائحه دم لساته باانفه منظر راسه صديقه يتدحرج أمامه وهو ينفض منه الدم
حاول يكوم ميكدر مايعرف شصاير بيه جسمه كله ياذيه دقايق واجاه أمريكي ومترجم
الحمدلله على السلامه عدنا بعض اسئله
صاغلي شقد فاقد الوعي
اسابيع مامكن تنهض خطر عليك
صدغي عيوجعني
عندك أضلاع متكسره.... نريد نعرف شصار
اخذوني من الفراش وضربوني
منو تعرفهم؟ أسمائهم؟ او تتعرف عل اشكالهم
سكت وحس اذا كال عليهم راح يصفوه قبل مايوصلون الهم ثم هم دود
لا مااعرفهم
اي معلومه ممكن تفيدنا اي شي تذكره
مكدرت اعغفهم لان جنت معصوب العينين
سيد فهد ممكن ان تساعدنا بمعلومه واحنه راح نحميك
قلتولكم مااعغفهم
تركوه بين ألم يعصر گلبه عل صديقه الي فقد حياته وميكدر حتى ينتقم منهم ولا يكدر يكلهم انهم ذبحوه بدم بارد
اوف شكالت روحك وهمه يمرورن سجينه عل رگبتك
ربي انت فوقهم وأخذ بحق هل غجال كبيغ عليك بيهم ياغب فاانهم لايعجزوك
بدا جسمه يتعافى وره ايام رجع عليه الضابط امريكي
هو ومترجم
انت كذبت علينا سيد فهد وهذا مو مصلحتك
اشنو الي كذبته
من عثروا عليك ماكنت معصوب العين.... بعدين انت تعرف الي ضربك وهو راد يحذرك لهذا تركك عايش لو راد جان صفاك
ماعندي شي أفيدكم بيه مااعغفهم
براحتك
ارجوكم حولوني عل غير كامب
نحنا راح نحولك عل غيره طبعا ونتمى ان تساعدنا اكثر
ظل ساكت مامكن ان يثق بيهم داخله يعرف ان همه والتنظيم وجهان لعمله واحده هو هسه حاليا بين كماشتين اذا صار ويه أمريكان راح يموت واذا صار ويه التنظيم أيضا الموت باانتظارهم....
انتقل لغير كامب بعيدآ عن التنظيم زاد عليه عرج رجله اكثر
صارت الدنيا بعينه سوده وظل يشوف كوابيس كلما يغمض عينه يشوف راسه صديقه ودم بكل مكان انعزل عن الجميع وصار يشوف الكل بعين الشك عاش شهر برعب مطبق كلما يخلد للنوم يتخيل احد يخنكه ويفز مرعوب مرت عليه فتره عصيبه من خوف ومرض وكوابيس كل شخص جان بنفس العنبر يصوره جاسوس لان وحيد ومنعزل وميتشارك وياهم لا ابااكل ولا بااي نشاط
تم استدعاءه من قبل الضابط امريكي
اتفضل سيد فهد
ظل ساكت وعيونه تراقب كل موجودين جان اكو ملثمين بالغرفه حس بخوفه واكو شي غلط
سيد فهد نحنا نعرفك ونعرف اخوك منو!
اكيد وعل هل اساس انتوا جايبين يمكم
نعرف انك عانيت هوايه بدون ذنب
الله عل الظالمين..... هو عايفين المجرمين الحقيقين ومجلبين بيه... بلد تايه
سيد فهد نحنا نريد تصير ويانه وانطيك وعد أن محد بعد يمسك
انت تريدني اكون جاسوس
لا انريد تسحب معلومات من افواه المقاومه العراقيه وتساعدنا عل معرفه هل شي واكيد الك جائزه.... عل كل راس راح نخفف من حكم ست أشهر
اخذ نظره عل ملثمين حوله عرف انه يعرفهم وهمه يعرفوه بدت أمور تتعقد واتاكد ان هسه النار تحاوطه وهيه مسأله وقت وراح تلتهمه
اكدر اخذ فترة افكر
اكيد سيد فهد بس لازم متضيع هيج فرصه ممكن ان يفرج عنك خلال أشهر
نهض وهو عيونه عل ملثم اتنمى يكشف وجهه
طلع منهم ودنيا طافره من عينه شيسوي شيصرف لو يرجع بيه الوكت مايرجع للعراق للأبد شاف من بلده شو كله سجن وعذاب وظلم وهم ياريت عايفيه بحاله
بدت ايام تخنكه اكثر مقضي يومه أبين نوم ومشي لوحده يخاف يتعرف عل احد
ثقته بحوالي انعدمت... اغلب وكته يقضي أبين جدران وساند راسه عل حايط ويشكي همه اتخذ من جدار صديق إله بعد مصار البشر كلهم أعداء إله وانعدام الثقه بيهم
بنص همومه اذكر بنته وشكد كانت ترفه وحلوه عيونها مثل عيون اخته مريم زرقاء صافيه ابتسم رغم همومه وزوجته المسكينه الي شافت منه أتمنى انه يحبها ويشتاكلها بس هل شي مو بيده هو هسه يتمنى يشوف حبيته ويضمها الصدره
هو مشتاق الها اي بس هسه اكو شخص آخر مشتاق إله هم بنته هاي مخلوقه ضئيله اخذت الها مكان بقلبه
جان لازم يروح عل حمامات حتى يبدل ضماداته غسل جروحه وبدأ يضمد وانفتح باب الحمام مدار بال لان هو حمام مشترك بس صار شي مامتوقعه صار البغدادي كدامه وهو اثنين ملثمين ضل ساكت و بلع ريكه وعرف ان هاي نهايته كل فلم حياته شافه بذيج اللحظه
اشلونك ابو سمر
مامليح وهاي انت شايف لساتني اعاني من آخر لقاء وياكم
بالابتسامة ماكره أشر لليمه ان يكوموه ويجيبوه يمه
ماحاجه تضغبوني اقتلوني وخلاص ابعد ايدك عني
ابو سمر شلون نگتل وانت اخو صديقنا
الله يلعنكم ويلعنه اتركوني بحالي
اشوفك زينت لحيتك وشاربك
مادخلك هو هذا دليل الدين عدكم لحيه تقتلون الناس حلال بس تحلق لحيتك حغام
اوووو لسانك طولان... انت تصور اذا نقلوك لغير كامب ممكن تتخلص منه
مجرمين تقتلون الناس أبرياء ابو عبدالله اشعمل حتى تقتلوه
احنه مامجرمين ابو سمر ههههههه انت تكول خوش عنه احنه سهلنا دربه للجنه ودينا للجنه سريعا.... اذا گتلنا ناس أبرياء ارسلناهم للجنه اما اذا ناس أشرار فنحنا خلصنا العالم منهم
ههههه شهل منطق العدكم..... اش تغيدون مني
نغيدك ويانه
اقتلوني وفضوها
نقتلك من نعرف انك صرت تهديد علينا
انا ماقلتو شي عن الحادثه للامريكان
اسمعني هاي آخر مرا اجيك... مرا لخ مراح تغشع شكلنا ماهيج تكولها انتم تغشع هههه راح ندزك للجنهم
تركوه وراحوا معد بالكاع وشال راسو للسماء ربي ساعدني انا تعبتو خلصني منهم ماغيد أشارك بقتل الناس أبرياء.........
*****.
عمر عمر امي تغيدك
اشنو اشصاغ
مغف
امي كيفك
مامليحه ياأمي جدك كثيغ تعبان كنينو غاح يعوفنا
امي لاتقول هاكذ قطعتي قلبي والله
انا تعبتو كثيغ منا جدك ومرضه ومنا ابوك ومغامراته ماتخلص
اشعمل ابوي قليلي
ماتنحكا عمايلو.... انا اغوح هسه اغشع جدك
سد مبايل وحس بقهر امو وهمها كبير وحدها
بلال انا غيح عل موصل
اشنو اشقلت
مثل ماسمعت انا غيح أقف ويه امي بمحنتها
اكيد جنيت انت اكيد امي ماتقبل هاكذ
لا تقلها لازم واحد بينا يكون جنبه
حجز إله تكت ورجع عل شقة بالطريق فكر ان يمر عل بيت انعام
لحظات وهو واكف يم بابهم قبل مايدگ الباب انفتح وصارت كدامه كل كلام بداخله اتبخر من شافها وظل صافن عليها
اتفضل انا غيحه اجيب صمون
انا جيتو عليكي
اشنووو
اقصد عليكم اغيد اودعكم
من سمعت كلمه وداع حست بنغزه بصدرها
ويصب غيح
يهمك أمري
رفعت عيونها بعيونه حست باارتباك أمام عيونه الجليديه
انا غيحه
جاوبي
عل شنو
يهمك امري
اكيد يهمني انت ابن ولايتي
لزمها من ايديها وكفها قبل ماتنهزم
ابن ولايتك بس
اي
انعام ريحي قلبي
اشبينو قلبك
حس بيها مدايره بال وبس تريد تروح وخر ايديه منها
غوحي الله معاج
دخل عل شقه يحح اجت عليه ام انعام ودعها بقلب شبه ميت هو آيس من محاولاته متكرره وياها وكل مره ترفضه بصرامه
ودعهم بعد أن بلغهم بقراره بالعودة عل الموصل
طول طريق عودته گلبه يدگ مثل دمام مايعرف شلون راح يحضن امه وابوه حتى ريحة التراب هو مشتاق يشمها... مشتاق لدربونه بيت جده كلشي حلو عافه اهناك... تركيا بمناظرها وطبيعته كلها ماتجي يم ريحة الوطن
بعد رحله هاهو يدخل حيهم أشر لتكسي انطاه العنوان
جانت متغيره مدينه هوايه داخله مشاعر مخربطه خوف عل فرح عل حزن هاهو يعود للماضي الحزين الي فقد بيه اخوه وكف كبال بيت جده اذكر من جان يجي يجيبلهم ده ست الدولمه دقايق وانفتح الباب وصار كدام امه صار سنين ماشافها وشام ريحتها حس روحه حضنتها گبل ماهو يحضنها وصاح يمه هيه ضلت مصدومه وخايفه...... حضنها و يبجي من عافها قبل خمس سنين جان حته شاربه مانبت بعد وهسه صار عنده شارب ولحيه وكبر خمس سنوات
صاحت يمه ابني.... يمه ابني اشجابك من الصدمه امه اغمى عليها
امي اشبيكي احكي
شالها ودخلها عل بيت وظل يغسل وجهها لمن صحت من شافته بدت تبجي وتبوس بيه وتحضن وايديه تكمش بيه كأنما تريد تتأكد انه حقيقه مو خيال
ليش رجعت امي ليش خاف عليك
لا تخافي جيتو اغشعكي وارجع
اخ ياابني شقد مشتاكتلك
اني مامصدك اني معاج هساع... وينو جدي
دتغوح علينو بالمستشفى جيتو اخذ إله ملابس وعملتوله شوربه
اجي معاج
بلكي يغشعك وتتحسن حالو
ان شاء الله
ذاك اليوم نام بشكل عميق وهو أبين اهله امه وابوه
وره يومين من وصلوه عل موصل اتوفى جده انهارت مريم وهيه تودع ابوها الي جان الها كلشي بحياتها جان امها وابوها وظلت ايام بحزن عميق والي خفف عنها وجود ابنها معاها....... (بعد شهر)
امي بعد مالكي حجه تعالي معايه
مااطيق ياابني انا تعلمتو عل هاي العيشه وانتظر خالك يطلع من السجن
امي لمتى تظلين هاكذ علمود جدي وخالي وهاي سنين نحنا مفترقين اني تعبت واحنه متفكيكين احن للمة مالتنا
انا قررتوا وغه أربعين مال جدك اطلك من ابوك
اشنو؟ ليش؟
ابوك ماخله الي قيمه هاي سنين انا اتحملو كل يوم اقول يكبر ويعقل..... هو يكبر ويخرف تعرف قبل ماتجي شفتوا مع جارتنا وقبلها جت مرت فهد عليه شفته يبصبص عليها المغا خافت وانهزمت ابوك ماخله لنفسه قيمه كانينو جحش اي شي يشوفو يركبوا....
امي تعالي معايه
خلي يطلع خالك ويستقر مع مرتو
امي اطلكتي منو الج هوني....
خوالك يمه خلي يطلع خالك فهد وانا اطلق ماغيد بعد اغشعو..... انت بس اتخيل اذا خالك طلع ومرتو قلتلو عل ابوك شو يكون موقفنا
لا امي مراح تقلو لا تخافي.... علعموم انا عندي شغله معاكي بس ما هسه وقتها اعغف بس اغيد اخذ غايج
ول امي انت احكي ولا تقول ماوقتها
امي انا هونيك اغشعتوا بنت
صدك ابني هاي امنيتي ازوجك وازوج اخوك وافرح بيكم
بس هيه....
اشبيها قلي
كانت مخطوبه وخطيبها يمكن مات
وبعدين
امي انا حبيتوها كثيغ بس مااعغف هيه تحبني أو لا
اخخ ياأمي تحبها وهيه ماتحبك حظك مثل حظ امك وخالك فهد مصخم ماعدنه حظ بالحب
انا غاح اصبغ عليها وانشوف تاليتها معاها
قلي حلوووه
كثيغ حلووووه
الله كغيم ياابني اذا من نصيبك تصيرلك
انا هساع اغوح عل غابات انا وأصدقائي اتواعدنا
الله معاك ياابني ديغبالك عل حالك
مرن ساعات وعمر مارجع عل بيته وبدت مريم تلوب تتصل عليه ماكو تليفونه مغلق.........
************.
يعني راح وماسمعتيه كلمه بيها خير
شتريدين أكله احبك
انطيه امل عل اقل
انت تريدين الصدك انا ودي انطيه امل بس كلما احاول اشوف ميثم كدامي
انعام السعاده دائما وقتها ضيق حاولي تنسين الماضي
انت نسيتيه جاوبي نسيتي ياسين
انعام انا اختلف
لا انت يحتاج الج واحد ينسيج الماضي انت عشتي شي صعب ومر وحبج جان كله اغلاط وهاي نتيجتها شوفي روحج بعدج شابه بس اليشوفج يكول عجوز لو سامعه كلام امي وارتبطي برجال كان ابنج عل أقل عنده اسم وهويه
يكفي انعام يكفي ابني راح ارجع عل العراق واروح عل أهل ابوه وأثبت نسبه
بالمشمش
ليش
مرته الكرديه تجي وتنطيج اسم زوجها ويشارك ابنج بالورث ويه ابنها
ماعنده شي انا اعرف
حتى لو ماعنده مااعتقد راح تتقبلج
اني مراح اروح عليها اروح عل اخت ياسين انا عندي ورقه تثبت انا ازوجنا
ورقتج مامصدقه
اهوووو ياانعام كافي يلعنو الحظ
عافت صديقتها ونزلت عل قبو سدت الباب وبدت تبجي حطت رأسها عل حايط واتمنت أهلها يمها ويساعدوها
سرحت بالماضي وهيه تذكر ابوها وشكله من آخر مرا شافته
احنه نريد نسد القضيه حضره الضابط ونتعهد بعدم مساسها بااذى
اي اول نثبت ان صح هيه ورجل مصاب عاقديين لو مزوجين
اي سيدي عاقديين.... وهمه شباب بعد وصارت ابينهم وهيه تصير أبين كل مخطوبين
ضابط الي اطلق الرصاص گال انهم ارتبكوا والمجني عليه هجم عل شرطي
سيدي ابنيه يمكم صار لها فتره واحنا خايفين من الفضيحه
لازم نثبت انها باكر حتى تسقط عنها تهمه
سيدي اكيد هيه باكر
ندخلها للفحص وان شاء الله بس تطلع النتيجة نطلق سراحها
هيه وتسمع حجيهم راد يغمى عليها وهيه تشوف ابوها يأكد انها باكر حست بدوخه لزمت اليده مال كرسي وكعدت حست بمغص
يله ابو حسن أخذها عل زنزانه
ظلت تمشي بخطوات ثگيله شلون راح يكشفون عليها شسوي شتصرف ظلت اليوم كله تلوب هيه مذبوحه منا ياسين ميت سريريا لان طلقه مستقره براسه ودرجة حراره جسمه بالنازل
صاحت عل حارس
الله يخليك عندي حجي جديد اريد احجي
باجر
لا عفيه اريد احجي ويه ضابط وضاح هميم
عنده اجازه ورايح عل بيته
الله يخليك اريد احجي وياه
شلون بله وياج
احولج عل غيره
لا فدوه اريد ضابط وضاح هو وعدني بس اطلب يجي
راح أبلغهم
وره ساعه واجاها الحارس وداها عل غرفه الضابط وضاح
اول مادخلت عل غرفه بدت تبجي
خيرج يابنتي
راح يكشفون عليه باجر واني حجيتلك الي صار ويايه والله شاهد عليه اني ماكذبت عليك
والله وضعج صعب يابنتي
ساعدني الله يخليك
شلون اساعدج
مااعرف تعرف راح يثبتون عليه تهمه وأهلي يعرفون وراح يكتلوني
ورطه يابنتي اني اشوف اهلج يحاولون يدفعون فلوس ويسدون القضيه
كتلك اني مهزومه منهم ثم معبالهم اني مسلمه روحي لياسين والله اخوي يقتلني
يابنتي كدامج حاله وحده بس ان تنهزمين
انهزم اي
اني راح اهزمج منا
فدوه اي الله يخليك
راح أبلغ حارس السجن ان اجاني امر ان احولج عل غير قسم واطلعج منا
ظلت ترجف
قوي گلبج زين وراج طريق طويل
ابو حسن اني راح أحول المتهمه عل غير قسم
حاضر سيدي بس محد بلغني
اني جاي ابلغك
يله امشي بنتي ويايه
حاضر سيدي(كالتها وهيه ترجف)
طلعت من القسم وصعدت وياه بسيارته السوبر
هاج هاي جنسيتج وشهادة الجنسيه مالتج ومال ياسين وهاي ورقه مال عقد
اشكرك عمو
يله اوديج عل بيتنا بتكريت والله كريم الصبح
ذيج الليله مكدرت تغمض عينها وهيه متعرف وين تروح وين تنطي وجها بالفجر اجاها ابو عبدالله يله بنتي امشينا
وين
اوديج عل مهربجيه اعرفهم يسولج جواز سفر مزور تطلعين عل سوريه ومناك شوفي شراح يصير
وبعدين عمو شيصير
اني وياج لمن اطمئن عليج
عموو بعدين راح تتاذى من ورايه
الله كريم بنتي ربج ميكطع شوفي وضع بلد هسه مخربط أمريكا تهدد وأعتقد مراح تعيدها عل خير
عمو مراح انسه هذا فضلك
مشت بدرب أظلم وكلما تتقدم يزداد ظلمه اكثر واكثر
ام احمد