مساء الخير
#بين _الجدران
#ام احمد
السادس
ذيج الليله ظلت كاعده وحضرت مستمسكاتها وكلشي يخصها قبل مينامون امها وابوها ظلت كاعده ابينهم وداخلها يطلب منهم السماح قبل متعوفهم باست ايديهم ظلوا متفاجئين من تصرفها..... جانت روحها مقسومه قسمين قسم يريد حبها ويحافظ عليه وقسم يريد أهلها وميريد يفرط بيهم
لمت كم غرض الها وحتى عدها كم ذهبه اخذتهم كلشي حضرته وانتظرت الساعه ثالثه منتظره اشاره هيه رنه الهاتف يعني تطلع من البيت
الخوف بداخلها جبير خوف من مجهول خوف عل أهلها لايتاذون وراها كلام ياسين انها الجاي تسوي صح لان هيه مرته وهمه متزوجين مجرد ان ينهزمون راح يطلگ وراح يزوجون
عقلها بذيج الساعه جان مغيب حقيقه انها قاصر وماتكدر تزوج بعقد بالمحكمه الا بوجود ولي امرها.......
رنة الهاتف جفلتها ولاعبالك هيه متوقعتها سرت بيها قشعريره من شعر رأسها ل أسفل قدمها
لمن وصلت الباب الخشب حصرتها البجيه اذكرت لمتهم عل اكل وشقاهم وعرفت الضربه هاي موجعه لأهلها بس هيه بعد صممت عل استمرار من وصلت باب الكراج عثرت وكعت كأنما اكو شي يثنيها عن عزمها.... كامت عل سريع وخافت لا أهلها يحسون عليها نفضت هدومها ووفتحت الباب وطلعت..... طلعتها يعني كلشي راح يتغير جانت دنيا ليل وصوت الجلاب خوفها اخذت نفس وظلت تمشي بخطوات سريعه وراها تحس اكو احد يتبعها يمكن اتخيلت اخوها احمد وراها تسارع نفسها بدا عقلها يوهم الها بشغلات مموجوده... تسارعت خطواتها رادت تخلص من شعور الذنب والخوف خلصت فرعهم وشافت سيارة ياسين شمرت نفسه بيها وحته مانطقت اي كلمه انطلقوا بسرعه........ ظلت الطريق كله ساكته وكل شويه تشوف الساعه وتكول ويه نفسها اكيد هسه امها عرفت وكالت لابوها شراح يسوون كل لحظه وكل دقيقه حستها ثگيله دموعها يجرن بدون اي صوت بالنسبه لياسين جان هادئ....... بدا الفجر يطلع وخيوط الشمس بدت تنتشر
حست هذا شروق هو شي يختلف عن أي شروق اخر هذا الشروق راح يكون بيه حزن والم لعائلتها تعرف امها هيج وكت تصلي الفجر
وصلو لمكان اكلو بيه
ديمه شبيك فكيها
مااكدر اتخيل وضع اهلي
لاتخافين ايام ويرجع كلشي مثل قبل ولاتنسين احنا متزوجين
نشوف شنو تاليتها
خير ان شاء لاتخافين ماطول اني وياك
ابتسمت ابتسامة كاذبه وتعرف ان الطريق صعب وطويل وهيه ليهسه متعرف وين رايحين او وين يسكنون
بعد ست ساعات وصلو لااحد القرى القريبه من سليمانيه
وين راح نسكن
عندي اهنا بيت بسيط بس ينراد إله تصليحات ديمه شويه فكيها وكافي كالبه خلقتك هيه ايام مو اكثر
البيت كان تصميم شرقي متكون من غرفه وخدمات خارجيه والمطبخ خاجي وحته سياج مابيه واثاث كان شبه معدوم
بذيج اللحظه اذكرت من گالت اعيش وياه خبز وجاي حست ان كلامها جان مجرد اكذوبه ومجرد كلام والحقيقيه صعبه وتعبر عن طريق شبه مسدود
ادخل ادخل لاتخاف ظل واني اروح اشتري فراش و جوله وكم غرض
كلماته سمعته بصَوره مغوشه هيه مجرد طفله مدلله.... مرت يومين وهيه متكدر تاكل زين ولاتشرب الندم اكل گلبها تريد تعرف شصار وراها
ياسين ليش احنا اهنا ليش منروح عل بيتك
مااكدر اكيد هسه اهلك بلغ عل اختفاءك اني غدا اروح واشوف اخبار اهد ديمه لاتخاف كلشي ينحل
جان الجو باليل يصير بارد ومستحيل تروح للحمام لان البيت جان بنهايه قريه وداير مدايره جوله وجبال
تعال نام يمي ندفا سوا
لا اهنا احسن
شبيك ديمه احنه حلال نكون سوه
ياسين مطخني اذا مو عقد محكمه
اني رحت عل بيتنا يمكن اهلك ممقدم بلاغ عل هروبك
ليش
يمكن خاف من فضيحه
الله يستر
ليش ترجفين
مااعرف يمكن متوتره
اتقرب الها وحوطها بذراعه
ياسين فدوه عوفني
احبك والله احبك
حست بدا يضغط عليها بلزمته
وخر ياسين شبيك
انت مرتي واني ليهسه مالزمتج ولا اختليت بيك
وخر ايديها وبدأ يلعب بشعرها
ياسين
اششششش
خليني أمتع بصري بهل جمال مال خدا
ههههه
اي اضحكي وانسي كلشي واذكري اني وانت واحد يحب لاخ وقاتلنا علمود حبنا
ارتخت اعصابها وهيه أبين ايديه بدا يهمس بااذنه كلمات مثل ترانيم جميله شم رگبتها وهمس بااذنها أجمل تعويذه للحب ضغط عل زندها باايديه وهو يضمها لحضنه..... تسللت اصابعه بخفه وهيه تفتح ازرار ثوبها ويطلع عل أسرارها ويتذوق منها برويه وبمهاره محترف محب عطش للارتواء
بالنسبه الها كانت كدميه بين يديه يداعبها كيف يشاء
تجردت من جميع ملابسها وتلامست مع جسده حست بحرارة جسده الملتهبه بعثت في نفسها الدفو والذه
وأعلن عن اجتياح كل أسوارها المنيعه وسلمت له رأيه معلن له استسلامها
بااسم الحب انتهى كلشي بلحظات واصبحت هيه جسد مباح له وتكررت محاولاته عده مرات
بعد ايام بدت تكره كلشي حولها هيه بمنقطعه والشتاء عل أبواب وصار ياسين ياخذ الي يريده وينام وهيه تظل وحيده فهو بالصباح يذهب للقريه ولليل يله يجي هيه تنام بالصبح وبالليل تضل كاعده متعرف شنو نتيجة
ديمه ديمه وين صرتي تعالي عاونيني نطلع انعام يله
اي خاله جيت
ظلت انعام اسبوع يله اتعافت زين وظل عمر كل يوم يزورهم هو يزورهم للهروب من كلشي حوله من مرض امه ومن وضع بيت جده ومن ذكرياته الأليمة.... بدت انعام تعتاد عل شوفة هو معتد بنفسه أنيق واثق لكن عيونه بيهم حزن عميق..... بيهن جمود مرات تحسه مثل جبل جليد صامت يحوطه السواد حتى ساعته يده سوداء........
اني اغوح اذا ماتحتاجم شي
الله يبارك بيك ياابني ما قصرت معانا
لا خاله هذا واجبي انتوا اهلي الله شاهد انت مثل امي
الله يرضى عليك ياابني وانت ابني الي ماجبتونو
طلع منهم وسرح بالماضي البعيد
امي لازم اطلع اليوم قبل باجر
يمه ابني خاف عليك
لا تخافي انا ومحمد وبلال نفهم بالطرق زين
الله يحفظكم يارب
كان يوم طويل والوضع مخربط لما طلعوا خارج الموصل وقبل ميودع صديقه اجته مكالمه من ابوه
عمر لاترجعون بعد
اشنو يابه اشصار
جو علينا واخذوا اخوك
جانت هاي كلمات كفيله ان تهد حيله
اشصاغ عمر احكي
يكول ابوي لاترجعون وضاح اخذو تنظيم القاعده
لا مامكن خلينا نرجع
اخذ موبايل بلال وضل يحاول يتصل عل ابوه لكن ماكو اي رد
مرت ايام وظل عمر يريد يعرف اشصار بس اتصال مع ابوه وأمه انقطع........
******************
جانت غرفه ظلمه وهو مقيد ايديه ومعصوب العينين
مايعرف ايام المرت وكل يوم نفس اسئله ونفس إساءة ضرب وإهانة ومسبه
قلتولكم مااعغف وينو
رصدنا كل حركاتك وشفنا تواصلك مع بيت اخوك
انتوا غلطانين مااعغف شي
راح تظل عدنه لمن تعترف ياحارس أخذه عل زنزانته
بالزنزانه اكثر من ثلاثين واحد ومتكومين فوق بعضهم وكل يوم تبديل بالوجوه
جان هو يحاول ينتجي عل جدار اليمه يحط راسه عل جدار ويحس ان هذا جدار احن عليه من البشر
هو يسند راسه ودموعه تلامسه.... صار مايخجل من ان يكعد ويشكي همه إله يتنمى يعرف شصار من أبوه واخوته خاف لايطلع ويشوف واحد من إخوته فارق الحياة.... او ابوه رجل عاجز مايتحمل العذاب صار يدعي ان يومه قبل يومهم ميريد شي ياذيهم
وره ايام حولوه عل محاكمه وحكموه بست سنوات وحولوه سجن بوكا... خبر وگع عليه مثل صاعقه ليش شسوه هو وهو مصارله فتره من طلع من سجن
تم ترحيله إلى بوكا سجن خارج البصره وكله عباره كامبات وسجناء كلهم زيهم واحد البرتقالي... ماكان متعود عل هيجي حر وهيجي رطوبه اول تلث ايام حطوه بقفص بدون سقف يستره من الشمس ويوكف عل بعد أمريكي ميخليك تحجي ويه اي واحد يردد
شت اب فك يو
هو مايفهم شيكول بس جان يسكت لان اي مخالفه يعني عقوبه محترمه
صگعته الشمس بهاي ايام.... من خلصت حوله عل كامب جبير يضم مئه رجل وانطوه سرير وقران وسجاده من دخل عنبر حس ان هو بالمكان والزمان الغلط كلهم لحى وهذول ما واحد يكدر يجنبهم اما وياهم او ضدهم واذا ضدهم يتم تصفيتك بالأسبوع مو اكثر
مرت اول ايام وانجبر ان يصلي ويقرا قرآن مثلهم وحتى الفجر يصلوه جماعه جان تنظيم مسيطر عل هذا كامب ويتراسه شخصيه معروفه وهيه راح تكون الها دور جبير بتاريخ العراق وهو شخص راح يلعن عن قيام دوله اسلاميه نفسها!!!
اي مخالفه يعني عقوبه جكاير يعني قيام الحد عليك تتأخر بصلاة عقوبه لازم تستمع لخطبهم
ظل هو مستمع ساكت وهو يشوف حتى أمريكان ميكدرون عليهم ومسيطرين عل كمب كله
واي مطلب الهم مينفذوه يسوون أعمال شغب ويبدون يكسرون ويتمردون عل أمريكان الي همه يستعدون قوات خاصه لهاي أعمال تفض الشغب واكيد وراها عقوبات شديده تطول الكل بالحبس انفرادي
يابه اني شعليه مالي دخل ليش تعاقبوني
هيه دونت سبيك
ول أبويه اشعملتوا انا والله ماعملتوا شي
ظل تلث ايام حبس انفرادي بزنزانه متوسع لطفل ومكشوفه بالشمش
جانت ايام ثگيله نوم متقطع واذا غطيت بنومه يذبون عليك مي
وحتى الكلام ممنوع ويه الزنزانه البصفك
ومن تروح للحمامات مقيد وتتعلم تقضي حاجتك انت مقيد ومن غير تفتيش خمس مرات باليوم وانت عاري يفتشوك تفتيش دقيق مع انك عاري تماما.....
جان مرات يسولف ويه رجل جبير بالعمر عمره بالستين أثناء تبديل بالجنود أمريكان حس بيه مظلوم مثله
من وين انت
من تكريت
عل غاسي انا من موصل
جثير هلا بيك ملاعين الوالدين كل شويه منزعينا قليلين الحيا... تفووو عليهم
اش جابك هوني
قصه طويل طال عمرك... وشايه عليه وانا ماعرف اقتل فختيه جنت ضابط بزمن صدام
انا مثلك والله
تهون ياابني وتفرج.... نصيحة ياابني أخذها من هل لحيه البيضه لا تأمن بااحد بااخص بذولي (يأشر عل جماعه التنظيم بعيونه كأنما يخاف لايعرفون ان حجه عليهم)
هيه دونت سبيك
اجه ابو عبد ملاعين
ههههه
شت اب
سكتنا سكتنا طمامه عل غاسك وغاسك خلفوك
(حمام حمام) عباره يرددها الامريكي
اقلك انا رجال كبير يوميه منزعني ماتخافون من الله
(حمام حمام)
جان واحد وحدا يروح للحمام مقيد وعاري
اكل جان فطور لبن وغدا عدس والعشا لبن ومرات ينطون تفاحه
عدت تلث ايام حبس انفرادي وهو اتعود عل رجل الستيني واتخذه صديق إله
حجي خلينا نمطي رجلينا
رگبي تلفن بالحبس
الله يعينك حجي
ابو سمر قلي اخوك هو سبب هل شي انت بيه
اي والله الله يلعنو
الله يعوضك ياابني خير اسمعني هوني لاتقول انك اخوك ابا فلان خاف يصير لك مشكله
اي اعغف انا مبتعد عن كلشي وكل يوم مصيبة شكل
ومن يسوون شغب اتعاقب معاهم عل واهس الله يلعنهم بس مشاكل من وغاهم
خربوا للبلد
ظل يوميه ماعليه بااحد بس علاقته مع ابو عبدالله يعرف أي زله لسان إله راح تنفتح عليه أبواب جهنم
مرت ايام عليه وتساوت عنده ساعات أبين صلاة ودروس فقهيه وبين ابو عبدالله ماكو شي يورقه غير باليل يضل يفكر بااهله وبنته الي ماشافها زين وحتى حبيبته صارت ذكرى بعيده عنه يعتصره ألم بصدره بالصباح من طلعوا استراحه اتفاجوا بمجندات ياخذون العقل بجمالهم خارق بحيث كل الي بالكامب التموا يباعون عليهن الي يحجي وياهن والي يتغزل بيهن كل هم عقلهم انسلب بحيث محد كام يحضر مجلس مال فقه ولا احد يسمع للتنظيم كلهم كاعدين ويتفرجون عل مجندات هل شي ميصرف لجماعه التنظيم بدوا يخططون شلون يتخلصون من مجندات
بيوم الجمعه بعد خطبه مالتهم بدوا يطالبون بسحب المجندات من كامب
طبعا أمريكان مااستجابوا لطلبهم وبدت أعمال الشغب بتكسير كل شي واعتداء عل جنود وكان دور تدخل السريع هل مرا حاضر بدوا بضرب ورش السجناء بالماء لم يسلم احد من عقوبه ذاك اليوم كان مؤلم وطويل ومات العديد من السجناء دون ذنب اما هو وابو عبدالله نالهم مانال البقيه من الضرب بالهرواله والعصي الكهربائيه
فالصباح كان كامب عباره عن دماء وفوضى عارمه
ونتيجة لهذا تم تبديل المجندات برجال لكن بعد دفع ثمن غالي
فتح عينه راسه مشدود واثنين من أضلاع مرضوضه ودكتور يعاين بيه
احتمال عندك ارتجاج لاتتحرك
عمي ابو عبدالله وينو
منو هذا
رجال كبيغ
ماعليك انت اهتم باامورك
مرت يومين يله كدر يتحرك وراح زار ابو عبدالله المسكين هو هم متاذي
اما عناصر التنظيم اغلبهم حبس انفرادي بزنزانه مكشوفه يعني الشمس تصكعهم
ارتاحوا كم يوم ورجعوا جماعه مرا أخرى ورجع كلشي مثل قبل.....
بدت ايام تخنك اكثر واكثر بااخص انهم باآب والجو يخنك الكل جان خلگه ضيق ومشاجرات جانت طويله وحتى أمريكي مايدخل ويفك صراعات حته لو وصلت للقتل
هيييي انت
ويايه
اي
ريس يريدك
شيريد مني
امشي ويانه
وره كامب جان ابو عبدالله مضروب ضرب مبرح ويم اثنين واكفين من شافهم ركض عل صديقه
اوكف لاتتقرب
ليش تضربوه عوفونو
من وراهم برز زعيهم هو نفسه البغدادي
شلونك ابو سمر
مليح
عبالك مراح يوصلنا خبر انت منو!؟
اني منو شما اكون ماعليكم انتم مني!
ليش احنه جهة وحده ضد كفار
انا ماانتمي الكم ولا غيد اصير مثلكم
هيه ما بلكيف
عيونه تتركز عل صديقه الي جان ينزف من راسه
اش تردون مني
نكون سوا اكيد
ماغيد
هههه
گلتك ما بل كيف اما ويانا او علينا واحنه نصفي الي ضدنا...... شباب عوفو للرجال
اتقرب منه وحط ايديه عل جتفه وطبطب عليه فكر زين ولاتصير غبي
ركض عل ابو عبدالله وهو ينادي عل حراس انهم يساعدوه..........
***************
بعد أن رجعت عل شغلها وبدت يومها بنشاط ظلت اليوم كله تشتغل بحيويه هيه فرحانه لان صديقتها نوعا ما صارت احسن وبدت تتقبل عمر احساسها جان ان هاي بدايه جديده لاانعام وتطلع من عزلتها
بطريق رجعتها اشترت حفاظات واشترت حليب ورجعت عل العماره اول مرا من جت عل تركيا ليهسه ماحست بفرحة قبل ماتعبر الشارع عبر كدامها رجل عل سريع ما انتبه عل سيارات واندعم كدامها منظر رجل وهو بالشارع مضرح بالدماء رجعت الها ذيج الذكرى البعيده
ديمه وينك تعال
خير اكو شي
باع اكلك شي انا اذا طلقت مرتي تبقه عدنه شغله
شنو هيه
عمرك مايسمح ان نعقد الا بوجود ولي أمرك
ياااا وبعدين
انا حجيت ويه صديق وفهمني ان نزورلك جنسيه نكبر فيها عمرك
وهسه نروح عليه ونرتب الموضوع وياه
ياريت نحلها ونعقد عاد ضجت اني محبوسه هل حبسه
ماظل شي بس ارتب هل شغله وان شاء الله نعقد بس اكو شغله نرجع عل بغداد
ليش اهناك يزورن الجنسيه بسوگ مريدي مضبوطه ميه الميه تعبر عل أكبر قاضي
اخاف نرجع
خلي نتوكل على الله ونطلع اليوم وان شاء الله مايصير شي موزين
جانت الطريق كله خايفه ومرعوبه تحس اكو شي موزين راح يصير بعد عدة ساعات وصلو قريب المغرب جانوا تعبانين كلش واتفقوا ان يلتقون بمنطقه قريبه
شبيك لاتخاف ماكو شي يخوف
اي مخايفه بس يمكن بردانه
راح اطفي سياره وهو ربع ساعه او اقل يجي رجال
شبساع أظلمت الدنيا.... هذا مكان يخوف
ماكو شي يخوف
ليش ترجفين
مااعرف
تعالي ادفيج
اكعد راحه احنه بالشارع
ماكو احد يطلعلنا وظلمه منو يشوفنا تعالي انطيني فد بوسه
ياسين اكعد راحه شبيك
جرها وبدأ يحضن بيها
وماهي الا دقايق وصارت كبالهم النجده ودكو جام السياره عليهم بعد أن شافوهم بوضعهم
انزل من السياره
فتح الجامه خير استاذي
انزل شنو جايب وياك وحده موزينه
لا استاذي هاي مرتي
انزل احسلك انزل
استاذي زوجتي
انزل ولج شسون اهنا
نزل ياسين يدارك الموقف وياهم لكن الشرطي ظل مصمم عل رايه
وين الشي الي يثبت انها مرتك؟ لو مرتك متجيبها بهيج مكان وتبوس بيها!
استاذي والله مرتي
ظلت ديمه تبجي وماتعرف شتصرف وشلون من الفضيحه
هويتك وهويتها عل سريع
هاي هويتي (وأخذ هويه ديمه وانطاهيها)
وين مكتوب زوجتك وهيه قاصر ومكتوب عزباء
بعدنه ماحولناه والله
عقد زواجكم اي شي
بالبيت سيدي
انت جايب وحده وتبوس بيها بالشارع وتكول زوجتي هاي وين لاكيها تتحول انت وهيه عل مركز الشرطه
لحظات عصيبه واجه ضابط اخر خير شكو
_سيدي لكفتهم بوضع تعبان ويدعي انها زوجته
_زوجتك وبالشارع شنو هل كلاوات... انزلي عيني
_لا عوفها انطيكم كلشي هاي فلوس شكد متريد بس عوفها
_لك شو انت متستحي جاي ترشيني
_ارجوكم بس اتركوها واني اخذوني
إسماعيل طلعها من السيارة
هجم ياسين عل الشرطي حته لا يخلي يتقرب يم ديمه
وهيه الا لحظات حتى طلع الضابط سلاحه ورماه ال ياسين
ام احمد