بارت 13
بقلمي
الكاتبة غدير الحيدري
.....
اتعلم ان جراح القلب بادت اليمة؟
اتعلم ان نزيف الروح اذاني؟
ما للقلب يهوى من لا يلائمه؟
ما للروح تسعى خلف توهاني..
.....
وانا بألقى نفسي مركزة بتوهاني
بتوهاااني وبسرح فيك!!
ابتعدت عنهه
ورجيت ظهري بالسرير
ودموعي توكع بحركة
معقولة اني السبب؟
صرت ارتجف
واباوع ست وفاء تضرب ع رجلهه وتصرخ
وفاء:ولج عينييييني دشوووف ابني شبييي
كمت سندتهه
وهي تبجي
طلعت اركض
شفت ام عامر تبجي
راسيل:خاااالة فهميني
ام عامر:لج مضروب ودمة بطولة
احس كلبي صار يرجف
مسحت دموعي
راسيل:عايش؟
ام عامر:وللللج ماااااادرييييي
دفعتني ودخلت ع ست وفاء
بقيت كاعدة بالكراج
ولازمة راسي وابجي
همست بضعف
راسيل:شسووويت بروحي شسويييت
اني وكاعدة ابجي
دخل رجال بنهاية الثلاثينات
كمت من مكاني مفزوعة
كلت
راسيل:انت اقارب شهم؟
هز راسة بغرابة
علي:ابن عمة
راسيل:شنو حالتة هسة ش.شلون انضرب
صفن بوجهي مستغرب
بعدهه كال
علي:الرصاصة بمكان عميق مارة شدخ يم القلب وعندة نزيف داخلي بس مسيطرين علية وحاليا هو بالعناية المركزة بس بعدة الخطر
مسحت دموعي
دخل للمطبخ
بعدهه وكف والتفت
كال
علي:انتي منو؟
كلت بأرتباك
راسيل:انيي اهتم بست وفاء
رفع حاجبة
ودخل جوة
بقيت اروح واجي بالكراج
شوي واجت ام عامر
ام عامر:كااافي تفرفرين هنااا امشي يم ست وفاء
صفنت بوجهه
شلون اباوع بعينهه
شكلهه؟ اني اللي بسببي ابنج وصل للموت
دخلت جوة
لكيتهه تون وتبجي
قهرني شكلهه
لزمت ايدهه
وفاء:كتلج مامرتاح كلبي تاليهه ابني راااح
راسيل:كولي ياالله خالة ان شاء الله مابية شي
وفاء:ولااا رجلي اللي تساعدني واروح اشوفة
راسيل:خالة لا تبجين مو زين ع صحتج ان شاء الله هو يجي وتشوفي
نطيتهه حباية مهدأ ونامت
وبقينة ننتظر الاخبار
للمغرب كالوا حالتة متحسنة
استأذنت من ام عامر
لان ست وفاء نايمة
ورجعت للبيت
نزلت من الكية قريب ع منطقتنة
اتصلت برسل
رسل:الووو هاا راسيلوو
راسيل:انعل ابوج لابو حتى راسيل
رسل:هاي شبيج ليش تغلطين
راسيل:ذولة العصابة المجرمين اللي مشغلتني وياهم اكبر ارهابيين واني راح اكول لشهم ع كولشي واخلي يطيح حظهم
شهكت بصوت عالي
رسل:ولج شبييييج مخبلة شداتحجين
راسيل:ياخذون معلومات حتى يأذون الناس ولج ضربوا شهم رصاصة وصل للموت وهو انسان بريء وامة خطية ولج امة ماعدهه احد
سكتت
صحت بيهه
راسيل:ليييش ما تحجين؟
رسل:يعني شهم خوش رجال؟
راسيل:ولج ايييييي بس عصام ارهابي وانتي اكبر حقيرة وديتيني عليهم
رسل:كاااافي ترا راسي دايوجعني ماادري دخت شنو يعني احنة ارهااب
صحت
راسيل:راح اكووول لشهم وهو اللي يخلصني منكم وبعد لا تحاجيني
سديت الخط بوجهه
وقفلت الجهاز
ودخلت لبيتنة اعصابي تلفانة
سبحت وشبعت بجي
ولأول مرة بحياتي اصلي
وادعي ربي ينطي الصحة لشهم
عصام ارهابي اكيد
لازم اخلص روحي منة
اي هو يريد يأذي شهم
تمددت بفراشي
وتذكرت كلام ام عامر
من كالت الدم بطولة
وصرت اتخايلة وفز كلبي
صرت ارتجف
شدايصير بية
اختنكت وتمنيت لو اني يمة
اعتذر واكفر عن ذنبي
بس شلون؟
تعشينة
امي نوعا ما مرتاحة
وعمران مكيف يسولفلنة عن شغلة الجديد
عمران:شلون رجال والله السيد يتخلى ع الراس
زهرة:اكلك يمة اريدك تاخذني لمكان شغلك
عقد حاجبة
عمران:خير يمة
زهرة:اسلم ع السيد واتشكر منة
هز راسة
حسيتة انقهر
ذب الخبز وكام
زهرة:وين يمة
عمران:بالعافية شبعت
ولبس حذائة وطلع
باوعت ع امي
راسيل:بادي بداية جديدة بس انتي غصب تخلي يكره روحة
زهرة:يمة اخاف اريد اتأكد مااريد مال الحرام يدخل بيتنة ولج مال الحرام نااار وتحرك راعيهه بالدنيا قبل الاخرة
بلعت ريك
وحسيت بأغلاطي وسهوتي
اني ماكلة مال حرام
وحتى اهلي دون مايحسون
لان اشتغلت وي مجرم
كمت من الاكل
ورحت للمطبخ اسوي جاي
وخنكة بروحي مو طبيعية
شسويت بروحي
ياربي دليني ع الطريق الصحيح
احس بروحي تايهه
!!!!تايهه
ومر ليلي بالحسرات
اتكلب ووجع بكلبي
ضميري مأذيني هواي
وروحي معذبتني
شلون ما كنت حاسة بهالدمار
شهم خوش رجال
ليش اذيتة
لو ميت كان شسويت بروحي
وشلون اصفي نيتي تجاه ست وفاء
ودمعة تلحق دمعة للصبح
بدلت ورحت للكلية
صارت بوجهي رسل
خزرتهه ومشيت
جرتني
نترت
راسيل:وخرييي يا حقيرة
رسل:وداعة اميييي وروح اخوية ماادري بيهم عصابة
راسيل:وكعتيني بيهم وورطتيني ولج ذول ارهابيين
رسل:ماادري اني شغلي كلة يم النواب وذول ياكلون بمال الشعب عبالي دااسوي فد شي مهم بس من شفت ان الضابط تأذى وانتي تكولين عنة ان هو زين اني استغربت
وكعت دموعي
راسيل:هالواحد لأمة وامة ماعدهه احد بهالدنيا ويحبهه وبار بيهه واني الغبية طاوعت غبائي ولج راد يموت بسببي
رسل ترجف
رسل:شراح نسوي هسة
راسيل:اني معلية بيج راح اروح اليوم وانهي شغلي وياهم
رسل:ولج اذا همة ارهاب يقتلوووج
راسيل:بعد مااشتغل وياهم لو اموووت
مشيت وتركتهه
اعصابي ترجف
وقلبي يخفق بسرعة
كعدت ع المسطبة بالكوة اجر النفس
غمضت عيوني
وتذكرت شهم من حصرني
شواربة اللي ترغز بخدي
فزيت واني ارتجف
عركت وتاهت معالمي
شدايصير بية ياربي
ساعدني وطلعني من هاي النار
ساعدني يارب
اخذت محاضراتي وبالي مشغول
وبعد ماكملت رحت لعصام
دخلت للغرفة
دموعي تنزل
صحت
راسيل:انتو اللي ضربتو مووو
عصام:اهديييي هو مو خوش انسان ونريد نتخلص منة اهدي
راسيل:انت اللي مو خوش انت الارهااابي ولك تريد تاخذة من امة وهو سندهه والوحيد الهه
خزرني
عصام:انتتتي ليش تصيحين
راسيل:بعد مااشتغل يمكم وراح اكول لشهم عن كلشي انتو مجرميييين اني بعد مااسكت
اجيت اطلع جرني
وخلة المسدس ع ركبتي
عصام:اذا تكولين كلمة خارج هالغرفة هالمسدس افرغة بيج
وكعت دموعي
راسيل:اموووت ولا اكون سبب بموتة انسان بريء
عصام:يموت وافجع كلب امة
كلبي فز
نترت
راسيل:انتتتتت حقيييير
عصام:اخطفة واعذبة وادز راسة مكطوع لأمة
بجيت بقوة
راسيل:حرام عليك حررااام
عصام:صيري ادمية اذا تحجين كلمة وحدة شهم يموت واخوج مروان الحلو خطية طالب طموح هم يموت واختج نلعب بيهه طوبة وانتي نشمرج للجلاب
دفعتة
وصرت الطم
راسيل:الله لا يوفقك الله لا ينطيك
عصام:تسدين حلكج وتبقين مستمرة بالشغل ويانة لحد ما نحقق غايتنة
راسيل:لا تأذون شهم ولا عائلتي
ضحك
وفر ايدة
عصام:شهم اولا يلا عائلتج هههه شمسويلج هالشهم لازم مرضيج وهيج خايفة تفقدين حنانة
مسحت دموعي
راسيل:اقتلني الي بس لا تسويلهم شي
عصام:شوفي انتي عزيزة ع كلبي راح اكلج فد شغلة
ورث جكارة
وكعد ع الكرسي
عصام:طوال ماانتي ساكتة وتشتغلين ويانة بهدوء راح اضمن الج ان شهم اولا وعائلتج ثانيا هههه ماراح يصير الهم شي شرط ما تفتحين حلكج بكلمة
احس كلبي انعصر
عصام:واذا حجيتي ذول كلهم يختفون بأشارة
راسيل:بعد مااريد اشتغل وياكم
عصام:هههههههه احنة مثل لزكة الفار من تجي فارة حلوة تريد تاكل الجبن تلتسق بينة وتحلم تطلع منة واذا ردنة نطلعهه فبالقتل طبعا الهه ولعائلتهه
وجهي انخطف
وكوة مسيطرة ع وقفتي
همست بضعف
راسيل:شنو الضمان
عصام:ولج دماااغ سزز كلامي اكبر ضمان
راسيل:يعني شهم ما يتأذى؟
عصام:اويلي شمسويلج هالشهم حتى هيج خايفة علية
مسحت دموعي
راسيل:انسانيتي ما تقبل اذي بشر
عصام:واهلج حيوانات؟ ههههههه
راسيل:اني راح اروح وماراح اكول شي بسسس
عصام:لا بس ولا شي سكتي مايصير كل شي
هزيت راسي بمعنى اي
وطلعت ابجي
احس ماكو كاع تلمني
وجروحي كبرت وتدمرت
شسويت بروحي؟
وشسويت بيك يا شهم
بأي متاهه ضعت!
....
العمارة
الساعة ال 8 ليلا
زيد
كاعد بالسيارة اسوق
واصدقائي يمي
:لك شنو هاي ابو الزوز بدعت اليوم
زيد:جا شعبالكم خايف ع روحي من العين
:ديربالك لايسحبوك اندية عالمية😂😂😂
ضربتة ع ركبتة
زيد:تقلد ولك لازم ماعاجبكم شباب
:يابة معليك بي جا غير شكيتهم
زيد:عيب بوية شهالرطن هذا
:رطن بعينك نزلنة يم مطعم بي خير
ضحكت
زيد:اليوم اتعشى وي الاهل بمناسبة فوز فريقنة
:خويي لا يحركولك ملابسك
جريت حسرة
زيد:الله كريم
ذبيتهم يم مطعم
وانطلقت للبيت
دخلت جوة صارت بوجهي زهرة
زيد:ولج زهوووو فاز فريقنة
زهرة:يمة اخوية السبع مبروووك
اجة ابوية
سجاد:حضرولنة العشة وانت امشي التهي بدروسك
زيد:ماكو مبروك؟
سجاد:ع شنو المبروك لخرابيطك ودياحتك
زيد:اهووووووو
مشيت وتركتهم
صاح
سجاد:احتررررم يولللد
صعدت لغرفتي مقهور
ذبيت ملابسي وكبل للحمام
احس اعصابي ترجف من القهر
ليش هيج يحطمون كلشي بية
ليش هالتحكم الزايد؟
تعبت
نزلت
وصارت بوجهي امي
بهار:يلا تعال اكل
دخلت للغرفة
لكيت الكل مجموعين ع الاكل
كعدت يمهم
استمع لأحاديثهم فقط
كنت لازم اعصابي
لحد ما كالت امي كلمات
سمت بيهه دمي
بهار:عود من رخصتكم انة فاتحت ام سارة وكتلهه تحجز سارة لزيد لان كالت جاييهه خطابة وانة مااريدنهه تضيع منة
سجاد:زينة العقل جا البت المن تروح غير لأبن عمهه
ذبيت الخبزة من ايدي
باوعت ببرود بس بداخلي بركان
زيد:انتي اخذتي رأيي قبل ما تسوين هيج؟
بهار:ومن شوكت رايك مطلوب
زيد:ادري بيكم دايسين براسي وادري بيكم محطميني وساحكيني بالنعال واللي تردوا تمشوا غصبا ع خشمي بسسسس مو هيج مو لهنا وصللللت
دفعت الصينية وكمت اصيح
زيد:ياااهو الكالج انة رايدهه ياهو المعشمج وخلاج تتصرفين هيج
بهار:يول انة امك اللي جابتك احترمني
زيد:ييييمة تتصرفين تصرفات الله بعالي سماه مايقبل بيهه
كام ابوية
وصار يصيح
سجاد:جاااا المن تاخذ ياهي الهاويهه وداخلة مخك
زيد:ما هاااوي ولا اهوى بس مااريد تدخلكم يوصل لحد هذا المجال
بهار:انة نطيت كلمة ومااتراجع عنهه
صحت بقوة
زيد:وانة اكووولهه الج كلمة ومااتراجع عنهه يحرم علية الزواج اذا يصير بكيفكم
صاحت حبوبة
حبوبة:يول لا تكول هيييج
زيد:ويحرم علية هالبيت اذا ما تنازلتو عن هااالقرار
طلعت من البيت مقهور
صرت اضرب بسيارتي
واصيح
صعدت بالسيارة
وطلعت كبل
ماادري وين رايح بروحي
من شارع لشارع
طلعت ع الدولي
وبنص الليل وكفتني سيطرة
كال الجندي
:خوية من وين
زيد:هااا من العمارة
:بغداد حظر تجوال شعدك جاي هسة
فتحت عيوني مصدوم
بغداد!!
بلعت ريك
زيد:خوية اهلي بالمستشفى ولازم اروحلهم
:بوجهك للمستشفى ولا تبقى تروح وتجي منا الوضع مو زين
تشكرت منة
ومشيت
وين راح اروح؟
.....
بغداد
عمران
الساعة ال1 ليلا
فتحت باب بيتنة
واني مقهور والدنيا طالعة من عيني
صارت بوجهي راسيل
كاعدة تنتظرني بهالبرد
عمران:راسيل شعدج هنا
راسيل:انت طلعت مقهور من كلام امي موو
عمران:ليش انقهر حقهه تخاف مني
دخلت جوة
وراسيل اجت وراي
امي طلعت من الغرفة
وكالت بغضب
زهرة:شعندك بنص الليالي برا
عمران:اشرب عرك
زهرة:انت ليش تفهم حرصي عليك شي مو حلو
عمران:من كنت ابوك واشرب بس تريديني اتوب ومن تبت صرتي ما تصدكين
نصت راسهه
اجيت ادخل للغرفة
كالت
زهرة:باجر اخذني لأبو الشغل اريد اشوفة
عمران:تفضل اغاتي ومو كلت انتي مامصدكة
زهرة:لا مصدكتك بس اريد اطمن عليك
حسيت ع راسيل لزمت كتفي
كالت
راسيل:اخذهه خلي تطمن
هزيت راسي بمعنى اي
ودخلت للغرفة
تمددت بفراشي تعبااان
تذكرتهه
واجت مثل الطيف المفزع
وكلشي بية فز
ماناوي اتوب منج ابد
ربي ارحمني
البنية مو الي
واني اريد اعيش حالي حال البشر
تعبت من الذنوب
وغفيت
والصبح حسيت امي تجرجر بية
كمت بالكوة
بدلت وتريكت
واخذت امي وطلعت
صعدنة كراوي
هذا حال الانسان بالعراق
وصلنة للمحل
زهرة:انت تروح تشتغل واني احجي وي ابو المحل ما تجي يمنة فاهم
عمران:يوووم شراح تسوين
زهرة:سد حلكك وامشي كدامي
دخلت للمحل
سلمت ع الشباب
ودخلت امي
السيد يباوع من بعيد
راحت يمة
وشفتة جابلهه كرسي وكعدت
واني اشتغل واباوع عليهم من بعيد
امي تحجي والسيد يسمع
واني اتبلعم
هسة تفضحني وتطلع دفاتري السودة
وتصخمني وتصخم صفحتي فوك مااني مصخم
شوي وطلعت امي تبتسم
لحكتهه
عمران:هااا شسويتي
زهرة:ماسويت شي امشي اشتغل يلا
راحت وعافتني
باوعت ع السيد
اشرلي اروحلة
رحت يمة مرتبك
كال
السيد:اليوم اخر يوم تجي لشغلك الصبح
فتحت عيني مصدوم
عمران:ماسويت شي حتى تطردني
السيد:لتخاف الصبح تداوم بكليتك والعصر تجي للمحل ومن المحل للبيت امك تعبانة لا تتعبهه
عمران:امي شكالت الك؟
السيد:كوم اشتغل مايصير تعرف كلشي
زفرت بتعب
ورجعت اكمل شغلي
شكالتلة امي
اليوم ارجع للبيت تحقيق كامل
اي مااعوف السالفة دون مااعرفهه
......
السويد
نشوان
دخلت للشركة
رتبت كم ملف وكتبت الدخل الشهري
ورجعت لدار النشر اللي بقرب الشركة
وبديت اجمع عدد الاوراق
واشوف اللي يحتاجوه
اثناء مااسجل النواقص
التفتت
شفت شمم صافنة علية
شبيهه هذي
نصيت راسي ورجعت اكمل عمل
بعدهه رحت للمطبعة
واشرفت ع الطبع وطريقتة
اني وهناك هي اجت
بقيت منصي راسي واسجل ملاحظات
كالت
شمم:ينطيكم العافية شباب تعبتوا اليوم اخذوا استراحة وبعدين نكمل
بالعادة المحامي هو اللي يخبرنا
شعجب اليوم هي
بقيت منصي راسي واكتب
الشباب اللي يمي طلعوا
وبقت هي واكفة!
كالت
شمم:احم نشوان؟
رفعت راسي
نشوان:نعم ست
شمم:هذا وقت استراحة
نشوان:اي بس اكمل اللي بأيدي
بقت واكفة
يربي شبيهه اليوم
كالت
شمم:اااا كمل وتعال لمكتبي نشرب كهوة سوه
باوعتلهه بأستغراب
نصت راسهه وراحت
معقولة اكو شي
اذا طردتني هالمرة تحلم اشتغل يمهه
هاي خوش مشكلة
رجعت للشركة
شفت ايليام
موظفة ويانة سويدية
حبابة وعلاقتهه قوية بية
ومرحه هواي
اشرت بمعنى وين
غمزت الهه
نشوان:To the liness
(الى اللبوة)
اشرتلي بمعنى اوك وضحكت
دكيت الباب ودخلت
لكيتهه واكفة يم الشباك
راحت كعدت بمكتبهه
واني كدامهه
اجت السكرتيرا قدمت القهوة
وطلعت
نشوان:طلبتيني
شمم:قررت اخلي شغلك فقط بدار النشر والشركة ماتزورهه نهائيا لان اعمالك راح تكون هناك هواي
عقدت حاجبي
نشوان:مااكدر لان اصدقائي هنا
شمم:منو تقصد ايليام اللي مخلصهه غمز وياهه
تغيرت معالم وجهي
هاي خوش سالفة
نشوان:اني ماحددت انتي ليش تحددين وليش تجيبين طاري البنية ع لسانج
شمم:عندك علاقة بيهه ماعندك مايهمني شغلك راح يكون بالدار وانتهى
نشوان:شنو علاقة انتي شداتحجين؟
وخرت شعرهه ع جهه
ورفعت خشمهه
هاي شبيهه شهالنقص هذا
شمم:كتلك ما يهمني لا تبرر
نشوان:ابرر؟!! لاااا دخلتي بالدور هواااي
شمم:شغلك هناك وانتهى
نشوان:راح اشتغل هناك اريد اشوف وين توصلين
ابتسمت
شمم:اشرب قهوتك
نشوان:مرة
شمم:المر كل ما زادت مرورتة كل ما ينطي طعم اقوى وفد نكهه ماتروح عكس الحلو يتلاشى بسرعة حاول تميل للاشياء السوداوية بحياتك يكون افضل الك
نشوان:مافهمت
ابتسمت
شمم:احسن..اممم ع فكرة ويليام حلوة
صفنت
هاي شتقصد دوختني
طلعت من مكتبهه واني مسطور
هي مخبلة لو اني
لو ثنينة مخابيل؟!
.....
العراق-بغداد
الساعة ال8 ليلا
راسيل
عمران:شكلتيلة يوووم شكلتيلة
زهرة:ما يخصك ومااكلك
راسيل:يمة دكوليلة انسطر راسي والله
ع هاي القوانة من العصر
عمران يريد يعرف امي شكالت للسيد
وامي ما تقبل تكول
دخلت للغرفة
راحيل نايمة
فرشت يمهه وتمددت
واجة براسي شهم
عزا بعينج راسيل
كان راح الرجال بسببج
ربي خلصني من عصام
مااريد ااذي شهم
ولا اريد اكسر ست وفاء
واني شي بداخلي يمنعني ان ااذي
غطيت راسي
وتذكرت عطرة ونضراتة
شعرة الخفيف وشواربة وعيونة الكبار
يربي حلو بس سوالفة ونظراتة تخوف
يمكن مايقصد بيهه شي
يمكن هو هيج
ربي يرجعة لأمة بالسلامة
غمضت عيوني
وغفيت
وشفت حلم الجكارة
وفزيت مرعوبة
اباوع ساعة 3
كمت من فراشي
دموعي تنزل ومخنوكة
شنو هالحلم
طلعت برا كعدت
وحاوطني شعور الندم
اني اللي اذيت شهم
اني دااشتغل بشي مو زين
شلون راح اكدر انقذ نفسي
لو ميت شهم
شنو وجهي من ست وفاء
زين هسة شلون اكدر اباوع بعينهم
زادت دموعي وحسرتي
اكول لشهم كولشي
زين اهلي شلون؟
وهو اذا تأذة شلون؟
كافي خوف راسيل
كوليلة كولشي ولاتبقين بعذاب الضمير
لا تأذين بشر مامأذيج
خو ما تصيرين نسخة ثانية عن ابوج
لالا لازم اكول لشهم
ومرت ايام
واروح يم ست وفاء
شهم بالمستشفى بعدة
وهي حالتهه حالة
وتبجي
واني كل مااشوفهه
ينمرد كلبي
ويزداد التأنيب بروحي
واكره نفسي
واليوم رحت لبيت ست وفاء
لكيت هوسة هواي وناس
شافتني ام عامر
ام عامر:تعالي جيتي والله جابج
راسيل:شكوو
ام عامر:شهم طلع من المستشفى وجايين يباركون لست وفاء ويتحمدون ع سلامتة
فتحت عيوني
وصرت اتنفس بسرعة
ام عامر:يلا تعالي ودي الضيافة
راسيل:لحظة
دخلت جوة
شفت جمعة النسوان
وست وفاء مكيفة
سلمت عليهه وتحمدتلهه ع سلامة ابنهه
بداخلي فشل عارم
اقتل القتيل وامشي بجنازتة
بس مو بيدي
ومو بقناعتي ولا اريد هالشي
رحت جبت الضيافة
ونفسهه دنيا كاعدة
هالمرة رفضت تاخذ العصير
ويطبج طوب
رحيق:خالة صار لازم نزوج شهم
وفاء:ههههه ان شاء الله عن قريب
سحبت نفس بملل
رحيق:يعني ندورلة ع عروس
وفاء:لا مو لازم لكيتلة عروس قمر
ورود:عجلي خالة حتى نركص
وفاء:اي ما بقة شي بس هي شلون عروس اللي يحبهه كلب ابني ويرضى عليهه متأكدة يقتنع بأختياري مو راسيل
باوعت بأستغراب
راسيل:اي خالة شهم يحبج بس شكو
وفاء:ههههه يحبني ويطيعني ويقبل بأختياري مو
راسيل:خالة اخوية مروان الصغير مااكدر اقنعة ياخذ مصروف مني تردين تقنعين شهم شكبراتة بمرة ع اختيارج
ضحكوا كلهم
وست وفاء تضحك
وفاء:يجي يوم راسيلة واكلج هااا قنع بأختياري لو لا
راسيل:اي عفية حتى اركص وي البنات
رحت للمطبخ
ام عامر تضحك
ام عامر:سمعتي تقصد دنيا
راسيل:مدري ليش احس دنيا بنتج مو بنت امهه
ضربتني ع راسي
ورجعت اكمل شغل
شلون مصيبة يربي
اريد اشوف شهم
واحجيلة كولشي
لازم احجيلة
طلعو الضيوف
وام عامر كملت كم شغلة وراحت
واني اجلف
شهم بغرفتة مايكدر يكوم
كملت شغل
ورحت ع ست وفاء
لكيتهه نايمة من التعب
خطية
وكعت دموعي
شلون بغبائي ردت احرمهه من ابنهه
احس اختنكت
صارت كبالي غرفة شهم
ماكو غيرة
لازم اكول الحقيقة
وهذا الوقت المناسب
تخطيت خطوات
والخنكة مستعمرة بروحي
فتحت باب غرفتة واني ارتجف
شفتة مرتجي بتحفيرات السرير
ومغمض بتعب
نزل راسة وباوعلي مستغرب
وجهه اصفر وملامحة تعبانة
وكعت دموعي
كال
شهم:خير شبيج
مشيت ووصلت يم السرير
جريت نفس بقوة
ودموعي تنزل والعبرة مكتومة بصدري
شهم:شبييج؟
راسيل:انييي..انن.انييي
ابجي واشهك
مااكدر اكمل واكلة سبب بحالتك
احس رجلي ماشالتني
ووكعت ع السرير يمة
لزم معصم ايدي
وهمس
شهم:راسيل شبيييج؟
رفعت ايدي وحوطتهه ع ركبتة
حضنتة بقوة وصرت ابجي
اريد احجي بس مااكدر
غلبتني دموعي واسكتت كل شي
حسيتة حوطني
وشدني اله بقوة
وزفر براحة...
وماذا بعد؟؟
...
انتظروووونا
ولتنسون التصوييييت