#على جرف الذكريات
بقلم زهراء أمجد
بارت ٣٢
وية اليوم صار لمصطفى 9 ايام من متزوج گاعدين ع الغدة سيف گال قصي يسلم عليكم
امي گالتله اتصل لو شنو
اي تخابرنه الصبح من جنت بالشغل ضلينه نسولف ع الأوضاع التعبانه وامي سألته قصي شوكت يرجع لسليمانية
ماادري بس صاحب المطعم مموجود حاليا والمطعم انسد هلفترة خلصنه الغدة غسلت المواعين وصبيت جاي ونور اخذته لأمي واني صعدت نعسانه تمددت ردت اغفة دگ جهازي حور رديت وگعدنه نسولف عادي وسط الكلام سمعت مصطفى يعيط ومدري شكسر وصار الصوت قريب يمكن اجة لغرفة البنات گاعد يسب ويغلط ويصيح لحد يتدخل افتهمتووووو لووو لاااااا
وعصبي نار حور حجت بأرتباك زوزة عفية راح اروح هسة وبعدين اخابر سدته مني واني حتى النومة طارت من عيني كتلني الفضول شبي مصطفى هيج يعيط ويصيح راحت حور واني ضليت اتگلب منمت تراسلت وية صديقاتي وراها نزلت سيف راد سمسمية سويتله وبعدها التهيت بالعشا وخلص اليوم وحور ماكو وخلص اليوم الثاني وهي ماكو والثالث وهي نفس الشي رابع يوم بليل خابرتني سلام وكلام وسؤال ع اوضاعهم متحملت انتضر اكثر گتلها
زوزة: حور شبيج ليش متوترة صاير شي بالبيت ؟!
حور: هواي اشياء صايرة مو شي واحد 😞
زوزة : مثل شنوو ؟!
حور: زوزة انتي تدرين اني مااگدر اضم عنج شي راح احجيلج بس امانه مااريد اهلج يعرفون بشي لأن مصطفى وصاني مااحجي
زوزة: دحجي مو خرعتيني شكو ؟
حور: عمامي تعاركو وية مصطفى 😢
زوزة: گتلها ببرود وليش 😕
حور: بيوم السبعة من اجوي اهل لجين عليها گايلة لأمها موصلي ولا تقربلي وامها اجت ع امي متخبلة سحبتها للغرفة وتعاركت وية امي ابنج مو رجاال وابنج هيج وابنج هيج وبليل سمعت امي سألت مصطفى
ام حسام: مصطفى صحيح الكلام الي گالته مرتك انت ممتقربلها وممتمم زواجك منها؟!
مصطفى: گاللها اي صح كلام لجين ممتقربلها ومحد يدخل افتهمتو 😒
حور: بوكتها امي ضربت مصطفى كف خلتنا بصدمة اني وياه 😐 وگالتله
ام حسام: من متريدها شكو عفت بنت خالتك علمودها هااا اشو انت گاعد تلعب ع الحبلين اني ساكته واگول مااريد اكسر بي واجبرة لأن هذا زواج عشرة عمر مو يوم ويومين بس الظاهر انت صرت تخربط هواي وحق الله اذا باجر الصبح متطلع وتگولي يمة صار الي تردي لأغضب عليك ولا اخليك تلفي للبيت بعد
مصطفى:صار عصبي وگاللها يمة لاتدخلين خليني اسوي الي براسي والج الصافي 😡
ام حسام: ولك شتريد تسوي فهمني مخبل انت ؟! عايف بنت الناس هيج صورة مزهرية حاطها گدامي اذا متريدها ومتمم زواجك شكو تزوجت لعد ؟
مصطفى: بنت الناس اني مدزيت عليها وگلتلها تعالي تعلگي برگبتي هي واهلها شمرو نفسهم عليه وخليهم يتحملون الي راح اسوي بيهم
أم حسام: لطمت ع وجهها وگالتله ولك تخبلت انت تخبلت فهمني شجرالك اشو انت من وافقت عليها واني ممرتاحة لسوالفك
مصطفى: يمة ببالي شي اسوي عوفيني بحالي ابوس ايدج دخلة ماادخل عليها هسة غير هذا الحجي ماعندي
ام حسام : باجر اذا مجبت بياضها يامصطفى لأجمع عمامك واگوللهم عليك 😡
مصطفى صار عصبي وگاللها يمةةةةة 😡
ام حسام: ولطمةةة. 😡😡
حور: مصطفى عاف امي وطلع ورگع الباب حتى ماانتبه لوجودي اني واكفة يم الباب من عصبيتة ،رجعت لغرفتي ودخلت بفراشي ومااعرف ليش فرحانه رغم مصطفى مقهور وضايج وامي هم ضايجة وضغطها مرتفع بس اني بداخلي فرحة متنوصف يمكن لأن لجين انكسر خشمها العالي ومصطفى رافض القرب منها انتضرت ساعة مصطفى مااكو مدخل ساعة ونص هم ماكو ساعتين شفته مدخل للبيت گمت لبست حجابي وطلعت ادور عليه لگيته گاعد بالحديقة ويدخن اني ادري بمصطفى رجع يدخن من مات ابوي وحسام بس محد يعرف غيري حتى زوزة رحت گعدت يمة واتفاجأت من شفت عيونه حمر وگاعد ديبجي انقهرت عليه حيل 😢
حور: صوفي ليش تبجي شبيك؟!
مصطفى: ماكو شي شطلعج انتي 😒
حور: مصطفى انت من تزوجت لجين تغيرت صاير تعيط عليه هواي وهذاك اليوم ردت تضربني ليش هيج تسوي راح تخليني اكرهك واكره حتى مرتك 😭
مصطفى: اسف حور انتي تشوفين شلون اعصابي مدمرة هذه الفترة
حور: مسحت دمعتي وگعدت يمة گتله احجيلي والله مااگول لأحد شبيك انت ولجين وأمي؟!
مصطفى: ماكو شي ولاتدخلين بشغلات متخصج افتهمتي 😒
حور: بس اني سمعت كلامك انت وامي 😊
مصطفى: شنو شنو 😡
حور: ااخ ااخ اذاني والله مو بقصدي اتسمع بس اجيت اشوف امي شمحتاجة وسمعتكم تحجون 😊
مصطفى: قسم بلله حور الي سمعتي اذا وصل للي ببالي متلومين اله نفسج والله اكسرج 😡😡
حور: مااحجي والله منو هم الي ببالك؟!
مصطفى : تسوين نفسج ثولة متعرفين منو موو؟! 😏
حور: مصطفى شنو الشي الي ببالك تسوي عليك الله والله خايفة عليك من مرتك الحية
مصطفى: مالج دخل گلت 😒 يلله گومي نامي شمگعدج لهيج وكت 😒
حور: وهي تباوع ورة اخوها الي دخل للبيت والله اخوي تخبل من اخذ هذه الجنية لليوم انگلب حاله
الله لايوفق الي مشة بهيج زواجة 😒حور: ثاني يوم گعدت الصبح من الـ 6:00 طلعت للحلال انطيته اكل ورجعت للبيت اريد اروح للحمام حمامنا صاير بسد (جانب) غرفة مصطفى جوة الدرج
فتت اريد اغسل واسمع لجين ومصطفى يتعاركون
لجين: انت ممنطيني حقوقي وتدور تاخذ حقوقك كاملة مني تدور اغسلك الملابس واكوي واسوي اكل وانضف حالي حال خواتك وانت حتى ممعتبرني مرتك
مصطفى : انجبي وامشي اطلعي من الغرفة اريد انام مالي خلگ لغوتج الفارغة
لجين: هااا من اطالب بحقوقي هاي لغوة فارغة بس من انت تريد مني اسويلك شي هاي حقوقك وغصب عني اسويها موو؟
مصطفى : لجين مختصر الكلام هسة شتردين بالضبط؟ تردين اتمم الزواج؟
لجين : اي
مصطفى: ههههه بأحلامج والله 😏
لجين: بعياط وليشش مو من حقي لو لااا
مصطفى : صوتج راح اگوم انعل والديج 😡😡
لجين: المن تزوجتني لعد للخدامة اذا انت متريدني ؟ هااا شكو اجيت ومشيت وگلت اريد مرة فمهنييييي
مصطفى وبصوت ضحكته العالية يگوللها : متأكدة اني الي اجيت وطلبتج اني الي مشيت عليج وگلت اريد مرة؟ لجين خليني ساكت اني وانتي وكل الناس تعرف منو الي ذب نفسه ع منو
لجين وهي تبجي: لك انت شنو ماعندك گلب متفهم من اگولك احبك اني احبك وسويت المستحيل علمودك ماعندك احساس انت؟!
مصطفى : هيج الكلام حلووو اي ست لجين گوليلي شنو الشي المستحيل الي سويتي علمودي؟!
حور بصدمة تقربت ع كيفي يم الباب واني كلي فضول اريد اعرف لوين يريد يوصل وياها مصطفى
مصطفى : ها لجين شو سكتي؟ اسمعج شنو الشي المستحيل الي سويتي علمودي؟!
اسهل عليج الطريق واختصرلج الكلام راح اسألج وانتي جاوبي اي او لا
انتي الي كتلتي حسام؟
لجين: لااااااا لااا والله مو اني وغلاتك وداعة عيونك مو اني 😭
مصطفى : لعد منو؟!
لجين: عجزت واني اگولك مااعرف من تزوجنه لي هسة واني اگولك والله مااعرف
مصطفى : واني اگولها الج من الأخير لجين بيوم الي انطيج حقج راح تتندمين ع هذا اليوم وانتي بعد بكيفج تبطلين سالفه اتقربلي واني اريد حقي وتبطلين تحجين هنا وهنا ع ابو اني مو رجال ومماخذج وانتي تدرين زين مادام ببالي شي اذآ ممهتم لو شتحجين احجي فـ تبطلين خيرا ع خير متبطلين اسوي بيج سواية اطلع دلال اهلج من عيونج وروح حسام افتهمتي لو لا وهسة گومي ولي برة اريد انطمر لأن جنت سهران بليل
حور من سمعت طگة المفتاح مال الباب ركضت للحمام وسديت الباب طلعت لجين من الغرفة واتحركت يدة الباب
لجين: منو هنا؟!
حور: اني ، فتحت الباب طلعت لجين رافعة حاجبها
لجين: شسوين هنا ؟!
حور: ليش شنو الحمام حمام الخلفج حتى تمنعيني ادخل ؟😒
لجين: احترمي نفسج لج لاتتجاوزين
حور: متجاوزت بشي خليج بعيدة عني وديري بالج تتقربين مني والله العظيم اطيح حظج يلله ابتعدي اريد افوت لزمتني لجين من كتفي ورجعتني عليها
لجين: لحظة لحظة حضرتج ع شنو شايفة نفسج وتتجاوزين عليه احترمي ترة اكبر منج افتهمتي ؟
حور: اي ادري بيج فايتج القطار وشمرتي نفسج ع اخوي المسكين ازغر منج ضيع شبابة وية هيج شكول 😏
لجين: 😯😯 ولجججج اشو انتي ذرة اخلاق ماعندج
حور: انجبي اني مترباية احسن منج لاتحجين ع تربية ابوي افتهمتي 😡😡😡
طلع مصطفى من الغرفة: هااااااي شكووووو 😡😡
حور صارت وره كتف مصطفى وگالتله: تتجاوز عليه وتكولي انتي ممترباية 😭
مصطفى وتقدم ع لجين وگاللها : عيدي شگلتي ست لجين؟
لجين: مو قصدي احجي هيج بس هيج تجاوزت عليه 😡
مصطفى : صوتجججججج نصي من تحجين وياي الف مرة محذرج 😡 اولا ثانيا خواتي اذا تجاوزين عليهن حظج اطيحة افتهمتي لو لاااا 😡😡 يلله ولي سويلي زقنبوت حتى النوم طار من عيني بسببجن
راحت لجين للمطبخ وحور ابتسامة عريضة ع وجهة
اندار مصطفى وحور بسرعة خفت الأبتسامة
مصطفى لازم اذن حور: اطيح حظج والله العظيم اذا اندگيتي بيها 😡
حور: واحرگ الخلفوها هم بس اصبرلي اذا مكرهتها بعيشت الله خلي توگفلي 😏
مصطفى: ههههههههههه بعدين سوة شكلة عصبي وگاللها حور حذرتج اني اذا تسوين مشاكل بالبيت ابتلي بيج والله 😒
دخل للغرفة وامي اجت تمشي من غرفتها گالت حويرة تعالي علية رحت عليها ها يمةة؟
ام حسام:وهي لازمة حور من شعرها بخفة حويرة لجين اذا سمعتيها كلام مرة ثانية حظج اطيحة افتهمتي ؟
حور: اي يوم تدللين وبگلبها (والله لسود عيشتها واكرهها بالساعة الي فكرت تدخل لهنا وتخرب زواجة مصطفى وزوزة )
زوزة: عزة العزاج حويرة 😂😂😂 يمةة والله طلعتي غضب واني عبالي فقيرة 😂 بطلت اخذج لأخوي تخوفين 😅😅
حور: انجبي حبي بعدين اني مميته ع اخوج حتى تاخذيني اله عاد شلونج انتي واخوج 😏
زوزة: انجبي لج تروحين فدوة لأخوي وين تلگين مثله 😒
حور: عاد هسة لو اخوج صدگ رايدني اشو هو ممهتم وانتي ذابحة نفسج عليه 😕
زوزة : بگلبي گتلها ميت عليج بس عود ثگيل الله يسلمه 😂 يلله ولج كافي نعست اريد انام صار 3ساعات نحجي حتى اذني گامت توجعني 😅😅
زوزة: گعدت ثاني يوم الظهر ساعة 1:00 نزلت للمطبخ لگيت امي متريگة وشاربة جاي شربت ماي ورحت عليها للغرفة لگيتها گاعدة ومرتضى هم نازل يمها گتلهم هااا شلونكم مرتضى گمز باسني وگال
اليد عممم امي گالت سويلة اكل مقبل ياكل من گعد اخذته ورحنه للمطبخ گعدته ع الكاونتر أشر ع المعكرونة راد اسويلة سويتله وگعد ياكل واني مسوية لفة مال عشة البارحة بتيتا فنگر وكبة وطرشي وياهن عصير اموت ع الأكل البارد خلصت وصفيت المطبخ وصعدت اخذت جهازي ونزلت گعدت بالصالة ومرتضى يلعب يمي طبعا سيف اشترالة تاب ومگابل اليوتيوب وگاعد امي بغرفتها متمددة فتحت فوني لگيت حور دازة مسج اتصلت عليها
زوزة: هلو حوري شلونج حبيبي؟
حور: تمام الحمدلله انتي شأخبارج ،
زوزة: تمام
حور: ولج صخلة، قردة، عوبة من أراسلج ليش متردين بسرعة 😒
زوزة: هههههه يولي اذا انتي من الفجر تگعدين دزين رسايل تردين اعوف نومتي واگعد الغي وياج والله انتي مخبلة 😅
حور: وجععع حقيرة، ولج مكملتلج البارحة
زوزة: اي هسة كملي اسمعج 📞
حور: بعد عركتنا اني ولجين ورزالة مصطفى رحت للمطبخ سويت ريوگ النا ولجين سوت لمصطفى گاعدين نتريگ مصطفى خلص وگال الحمدلله اني طالع أمي گالتله
ام حسام: مصطفى سويت الي طلبته منك؟
مصطفى: لا 😏
ام حسام: يصير خير ياابن بطني
مصطفى: يمة ترة ميهمني اذا گلتي لعمامي لو لا
محد يگدر يجبرني ع شي افتهمتي واذا اسوي الي تردو ادفعها الثمن غالي زين لو لا؟ فبطلو سوالفكم احسن اني وياها متفقين ع هذا الشي وهي تعرف شوكت اتمم زواجي منها لتفت للجين وگاللها
مصطفى: مو صح لجين ؟
لجين بأرتباك: ااا اي اي صح عمة
حور: بهذا الحجي وجان يندگ الباب گام عموري فتحة، عمامي ثنينهم وياهم جهاد وعدنان ولد عمي
گام عليهم مصطفى راد يسلم عليهم ثنينهم صدو منه رجع ورة مصطفى وگاللهم تفضلوا
عمام مصطفى گالو ام حسام نريدج بس انتي ومصطفى الباقين طلعن ، انسحبنا من الصالة كلنا گال
مصطفى : لجين لغرفتج گبل اذا الگاج برة متلومين اله نفسج وحجة ويانه انتن هم يلله 😠
حور دخلنا للغرفة ولجين دخلت وقفلت الباب عليها اني متحملت ابقى طلعت وگفت ورة باب الصالة ولحگتني منتهى وگفنا نسمع ع كلامهم
ابو رقية :(عم مصطفى الصغير) انت شجاي تخربط هاااااا 😡
ابو جهاد: اوگف ابو رقية كلشي بالهدوء ينحل ، مصطفى شبيها مرتك ليش لي هسة مماخذها؟
مصطفى: عمي اعتقد هذا الشي يخصني ميخصكم
ابو جهاد: مصطفى 😡 دااحجي وياك مثل الأوادم احجي وياي عدل 😡 مرتك ليش مماخذها لي هسة؟
مصطفى: عمممي زواجة وتزوجت ع رئيكم عرس وطربگة مردت اسوي لخاطر موتت ابوي واخوي وكسرتو حجايتي وسويتولها وهم سكتت لأن اكو شي براسي اريد اسوي وانتو تعرفون زين محد يجبرني ع شي واذا تردوني هسة اخذها اخذها ماعندي مانع بس تندمون وراها صدگوني زين لو لاااا
ابو رقية: ولككككـ اشووو انت كل احترام ماعندك شنو تصيح هيج ع عمامك وتحجي هيج ويانا 😡😡
مصطفى: عمامي الي يكسرون بيه ويدمرون حياتي ومستقبلي مااريدهم زييين 😡
ابو جهاد: مصطفى 😡😡😡
مصطفى وهو لازم ايد عمه الي راد يضربه: لا عمي لاا اني ابوية بحياته ولامرة مد ايدة عليه وضربني لا بصغري ولا بمراهقتي ولا بشبابي ومااسمحلك هسة انت تجي تمد ايدك عليه وع شي خاص بيني وبين مرتي
ابو رقية: ام حسسسسام ابنج فلتان ورة موتت ابوه صاير بلا اخلاق 😡
مصطفى: ادخل عليها بشرط واحد اذا قبلتو اسوي الي اريدة 😎 ؟
ابو رقية وابو جهاد: وشتريد بلله 😡
مصطفى: اذا ادخل عليها اتزوج البنية الي اريدها والي اختارها اني هاا شتگولون؟
عمام مصطفى: شنوو 😐😐😐
مصطفى : ارييييد اتزوج شنو الغريب بالموضوع، اني رجال حاالي حال باقي الشباب اريد اخذ الي حبها گلبي والي اختارها اني وبنية بعمري تفهمني وافهمها مااريد مرة اكبر مني بـ 4 سنوات وشيطانه من اطلع اريد أمنها ع بيتي وامي وخواتي واني لجين ع غرفتي ماأمنها مو عاد بيتي وخواتي
ابو رقية: انت تسوي وياي عناد لأن ردتها الك ومردت البنية تروح للغريب لأن ذهب صافي وحرامات تخسرها
مصطفى وجهاد ثنينهم يضحكون وبصوت واحد هاي منو؟ لجين ذهب صاافي ومتنخسر 😏😏
مصطفى :خليك عمي هيج خليك ع بالك اني ماادري بسوالف لجين وخالتها وقرايتهن براسك بس هينه اذا انت يمشنك ع كيفهن اني لا لجين ولا الخلف لجين يتحكمن بيه ، نقطة نهاية سطر اذا اخذ لجين اتزوج عليها واذا متقبلون تمشولي متدخلون بيني وبين لجين
حور: مصطفى فرفح عمامي منين ميجو يطلعلهم وصل عياطهم لي برة بلگوة عدنان وجهاد سكتو مصطفى عمامي طلعو واعصابهم نار وامي ضغطها صعد و گعدت تنعى و تبجي ع حسام وابوي
فتح الباب مصطفى وصرنا بوجهة عاط بينا شعدجن هنااااا 😡😡😡 واني ومنتهى ركضنا للغرفة بس الـ ترابة ورانه 😅😅😅 ، عافنا وراح للغرفة وتعالت اصواتهم هو ولجين دخلت عليهم امي ومصطفى تخبل
گاللها ليش تتدخلين وضل هو وامي امي تدافع للجين وهو يصرخ بعلو صوته ويكوللها لاتتدخلين تلفت اعصابة وصار يكسر بالعطورات والمكياج الي ع ميز المراية وامي متسكت منه انوب خلته مثل النار ومشتعلة لزم لجين سحبها من ورة امي وضربها عناد بأمي وامي گامت تغلط عليه لزم واخذ جهازة وطلع وعافها تغلط عليه ولجين گاعدة تبجي امي حاضنتها وتسكت بيها واني واكفة اباوع عليهن عوجت حلگي وهزيت ايدي والله امي متصيرلها جارة تضل فطيرة وگلبها طيب 😕
زوزة: هي هذه خالتي من يوم يومها فقيرة الي يضربها تگولة رحمة الله والديك تتخبل من المشاكل
حور: اووووف اني محد قاهرني غير مصطفى خطية فرفحو امي وعمامي علمود هاي الساقطة
زوزة: مرت اخوج موعيب هيج تحجين عليها 😏
حور: تاكلين نعل وتسكتين لا اجي اگطع النعال ع راسج گال مرت اخوي گال 😏 اني مااعندي مرت اخ بس انتي 😠
زوزة: حور انجبي الف مرة گتلج لو يموت بعد ماارجعله كافي تگولين مرت اخوي حتى حرام عليج 😡
حور: زوزة بداعة العشرة الي بينا انطي فرصة والله مجبور وهو ديگول براسي شي اسوي خلي يخلص من هذه الحية وترجعون لبعض والله هو ميلگة احسن منج وانتي متلگين مثله
زوزة: لا حبيبي تسلمين اخوج من تنازل عني اول مرة بعد مستحيل افكر اعيد الغلط وارجعلة هو لو رايدني ابقة وياه يگعد ويحاجيني بهدوء ويگولي شناوي عليه مو اول حجاية اله يعيط بيه ويگولي مااسمحلج تتجاوزين ع لجين مصطفى جرحني واني مااريدة خلص انتهى
حور: وهي تبجي لا عليج الله زوزة لاتسوين هيج ابوس ايدج والله من اشوف حياته شلون مخربطة هيج اشبع بجي وادعي ع لجين من كل گلبي والله صغير وتحمل مصايب اكبر من عمره
زوزة: حور اذا كل مكالمة احنه نضل بهذا الموضوع بعد مااتصل بيج والله اخوج متأكدة نساني وميفكر بيه
واكيد بعد ما يتخلص من لجين يتزوج ويعيش حياته بعيد عني
حور: ميريد غيرج والله انتي اولى بي وهو اولى بيج
زوزة: غلطانه لاتتأملين شي انتهى من زمان ، واذا ع الأولوية احب أگولج ابن عمي أولى بيه
حور: شنو ؟! 😐😐😐
زوزة: مثل مسمعتي حور قصي تقدملي واهلي مرفضو
حور: شنو يعني مرفضو وانتي موافقة؟!
زوزة: اي مثل مسمعتي اهلي موافقين عليه واني هم مفكرة اخلص دراسة واوافق
حور: اكيد اتخبلتي انتي 😡
زوزة: وليش بلله اصلا جان المفروض من زمان اوافق ومااضيع وكتي وية انسان مثل اخوج 😒
حور: زوزة بدون تجريح رجاءا 😡
زوزة: شفتي لوين وصلنه وصلنا لمرحلة وحدة تجرح الثانية بسبب اخوج وأنانيته بعد مرة ثانية من اگولج سدي الموضوع سدي ولاتخليني اجرحج بالكلام لأن اخوج حيل جرحني واذاني شوكت تفهمين هذا الشي هاااااا 😡 نسيتي وگفتي بحنته واني اجر النفس گوة؟ نسيتي دموعي الي حابستهن گوة واني احط الحنه ع ايديهم؟ نسيتي شهگاتي وصوتي الي يتگطع من البجي بيوم الي زفوهم للغرفة كل هذاا نسيتي وتگوليلي ارجعي واخوي مضلوم 😡😡😡 حور اترخص اني باي سديته بدون مااسمع الجواب من الطرف الثاني ، سحبت نفس واتذكرت يوم الحنه مالته والزفة حطيت ايدي ع وجهي سحبها مرتضى وگال أنو ماما بيج ؟ هو گال هيج واني انفجرت بالبجي حاطة ايدية ع وجهي وابجي وهو الشيطان من الكرسي مالته وصعد ع الميز وتقدم سحب ايدية من وجهي ويسويلي تيييييي ويضحك بعز قهري والبجي مالتي ضحكت عليه ع باله داالعب وياه
رجع ايدية ع وجهي ورجع سحبها ويسويلي تييييي ماما تيييي اني اني عود هسة اني ابجي وانتي رضيني حط ايده ع وجهة واني سحبتها ضحك حضنته لصدري وابوس بي يمكن مرتضى احلى هدية الله انطاها الي حيل متعلق بية ومتعلقة بي من يشوفني ابجي يتخبل لو من اتمرض هو يتمرض وياي والله مرات انقهر من اشوفه واگول من يكبر هم يكرهني لأن حرمته من ابوه واخوانه ومرات اگول اني محرمته منهم هم الي ذبو بالبداية ومن كبر بحضني وتعلقت بي حلى بعينهم وگامو يدورون ياخذو ومن حجة قصي وياي وگال لاتتعلقين بي لأن يجي يوم ويكبر ويسحبو منج او هو ينسحب ويختار ابوه واخوانه كتلني التفكير هم يجي يوم وصدگ مرتضى يختار اخوانه وينساني 💔😢.....
مر اليوم وهو عبارة عن كأبة وخنگة وملل ومرت فترة ايامي عادية ماكو جديد بيوم لعبة العراق والأمارات كانو متفقين الولد بينهم ينجمعون يمنه ع الواهس ويباوعوها سوة العصر اجوي قصي ومحمد ورامي وقبل اللعبة بنص ساعة اجوي صلاح وسامر وخالي حيدر وانصدمت بوليد جاي وياهم وصدمتي الأكبر من عادي سيف سلم عليه ودخله للبيت احس گمت افور من القهر وگفت بالمطبخ واني محضرة البوشار والجبس والحب ومشكل نساتل وعصاير
اريد ادخل للصالة بس نفسي مسدودة حتى كرهت الطوبة صاح سيف اسوو سوي جااي بذيج اللحظة حتى سيف كرهته سويت جاي وحظرت الكوابة كلهم ماعدا رامي ميشرب الجاي كمل صبيت ومشيت اقدمة باوعت وليد صاير اول واحد گبالي تقدمت عليه باوعت عليه ع وجهة ابتسامه خبيثة وقصي يخزر بي ووجهة احمر من العصبية تقدمت وهو گعد يعدل بالمخدة بحضنه لأن جان منتجي ع عكس ايدة مااعرف بلحظة اجتي فكرة ع بالي وسويت نفسي انطخيت بالمخدة الي سحبها وعثرت وجان اذب الصينية هي وكوابتها كلهن فوگاه
اني عطت بس عيطت وليد غطت ع صوتي عاط وگمز لسگف ونزل وكلهم گامولة واني وجهي اصفر وايدية ترجف گلت راح يكشفوني متقصدة والله كلها واكفة يمة يردون يشوفو شصار بي بس قصي گاعد وممهتم
طلع للمغسلة يغسل ونور گالتلهم خلي يذب ع صدرة ماي بارد وهو كل عقلة نزع القميص وذب مي بارد ع الحرگ رادو دهن مال حرگ اختفة سبحان الله مدري وين طار الولد رجعو گعدو هم وخالي وسيف صعد يشوفلة دهن بغرفته ونور بغرفة امي گاعدة ولا اهتمت للي صار وامي تدور بالمطبخ ع الدهن اني استغليت الفرصة وركضت للمغسلة هو اگف
زوزة: وليد قسم بلله هلمرة عدت ع حرگ بسيط مثل هذا مرة ثانية تفكر توصل لبيتنا متطلع منا الا وانت مكسور وروح خالي متدري شأسوي مرة ثانية مي وزاهي دهن صابون بس الله الي يخلصك مني والله العظيم بس فكر توصل وشوف ، باوعلي بحقد وطلع من يم المغسلة وراح برة يم السيارة
صلاح گال :لاتضلون تدورون اني راح اخذة للبيت ومناك عود اخذلة دهن من الصيدلية
زوزة: اني واكفة بالمطبخ وجهي اصفر شوية واتخربط عبالك مسوية جريمة صلاح شافني ضحك
صلاح: يستاهل تدرين ليش؟!
زوزة: هو ادري بي يستاهل بس ليش تحجي عليه؟!
صلاح: لأن حقير ونيته جان جاي يبسمر ويتشمت بيج لأن انفصلتي عن مصطفى
زوزة: 😳😳شگد حقير ونذل لعد متأكد هذا اخوك؟ وابن خالي عمار؟
صلاح: لا والله اشك مرات امي وابوي لاگي بالزبل وجايبي علينا ههههههه يلله اروح ارجعه للبيت
طلع صلاح وقصي اجه من الصالة واني واكفة اباوعلة من جوة ليجوة اجة وگف گدامي ارتبكت گتله هااا ق قصي م محتاج شي
قصي: بضحكة اسمع بـ بنت عمي متسكت عن حقها ولسانها شطولة والي يندگ بيها امه داعية عليه ومااصدگ بعد سوايتج هذه لا والله صدگت ههههههه عفية بالذيبة صار وجهة مقابيل وجهي واني رجعت ورة گتله شبيك 😳
گال بية انتي اموت عليج يوم بعد يوم تكبرين بعيني اكثر ولج جنت راح اطگ بس اريد شي يبرد گلبي بي العار وانتي اجيتي بوكتج وهاا ترة ادري بيج متقصدة تحرگي 😂😂
زوزة :😳
بدت اللعبة يلله امشي اخذت الجبس والحب وفرشت مفرش ع الزولية وگعدنه كلنا اني ونور وياهم امي ع القنفة مال التخم گاعدة مابيها تنزل بالگاع سامر وخالي گالو اذا فزنا عشاكم ع حسابنه اني گتله
زوزة: راح الزم السجادة والسبحة بلكت نفوز حتى مااوكف اسوي عشا 😂😂 ،سيف وقصي متحمسين كلش سطرونه من جابو الگول الأول اني بالمطبخ رحت اجيب ماي لقصي اختنگ اشو هذا عفته يگح ومن جابو الگول گمز للسكف هو وسيف ومحمد وسامر وكل صوتهم عاطو گوووووووول وصلت للصالة بيدي الدولكة الأخ يگمز ويعيط گول گتله
زوزة: هاا خير توك صدرك مقبط و گمت تموت من الگحة اشو گاعد تگمز
قصي: ولج گولنا ياا گحة ويادنيا شال مرتضى ويبوس بي ويشمر بي والله ضحكني رجعنا كلمن لمكانه ومن گولو مرة ثانية هم نفس العياط والصياح
خلصت اللعبة خالي وسامر گالو تصبحون ع خير اني گتلهم وين وين عشاكم ع حسابنه ونافخين ريشاتكم وبالك ودي يلله ورقوا لو تگومون تجيبون عشا ترة والله اني معلية مااسوي 😂
راح سامر ومحمد جابو عشا وگعدنا نتعشا وسوالف وضحك وشقة للـ 11:00 بليل يلله راحو عزلت الصالة وكنستها وصعدت انام توني تمددت وصل مسج من حور شلونج شنو زعلانه صار فترة ممتخابرين غلست ذبيت الجهاز ونمت
*
*
*
*
*
يتتتتبع
زهراء امجد