#على جرف الذكريات
بقلم زهراء أمجد
حلقه ٢٤
صوووتووو
اسف
مصار شي
مو ع كلامي مال هسة
لعد
الكلام الي گلته بيوم خطوبتج اسف
صراحة ترك اثر بگلبي ومستحيل انساه
زوزه اعتذرت وانسي
مااگدر انساه احسة مثل اللعنه الي تركتها انت شفت نفسك وانت تحجي جرحتني حيل رغم ادري اني اذيتك بس موبيدي اتمنى تنساني ويجي يوم واشوفك سعيد ومرتاح وية عائلتك
مستحيل يجي هذا الـ يوم تنهد وگال
هلگد مجروحة من كلامي
كلششش
لو مصطفئ بيوم يتركج ويخطب وحدة ثانية تسوين الي سويته ويمكن اكثر
مستحيل ادعي عليه واتمناه ميشوف السعادة والفرحة بحياته سكت واني عفته وصعدت فتحت كتبي ورجعت اقرة
امي ورة سالفة وليد وياي من ذاك اليوم وصحتها مو تمام)
خلص شهر رمضان وقرب موعد الأمتحانات واني متوترة وخايفة فكري وتركيزي مشتت قبل 10ايام من الأمتحانات جنت گاعدة دااراجع بالكيمياء واحس نفسي كلشي ناسية
ولا عبالك قارية شي قبل حطيت ايدي ع وجهي وابجي بصوت واشهگ احس نفسي راح انفجر من الضغط الي عليه دخلت امي للغرفة وتفاجأت بية داابجي اجت بخوف
شبيج ماما
ماما تعبت تعبت تعبت والله تعبت احس نفسي كلشي ناسية وعقلي فارغ
استهدي بالرحمن ياأمي وصلي ع النبي گومي اتوضي وصلي وارتاحي شوية وبعدين كملي
بجيت كل قوتي وادگ ع رجلية يمةة راح انفجر اختنگت يمة روحي دتطلع مسحت ع ظهري وحطت راسي ع صدرها شوية وطلعت نور صاحتلها الباب يدگ شمرت الكتاب بالگاع انشگت الورقة شوية انوب گمت جبته واعدل بالورقة وابجي دگ جهازي واتساب باوعت مصطفى
(طبعا جهازي مضميته بس حاذفة وموقفة كل البرامج الي بي واتباد وفيس وهانك وتويتر ماعدا الواتس تاركته لأن احتاجة اتواصل وية مدرساتي الي بالمدرسة ) رديت
هلو حبيبي شلونج
بجيت گتله موزينه
ليش حياتي
تعبانه احس نفسي كلشي ناسية گلبي يدگ بخوف
لا حبيبتي لا تخافين انتي گدها وبعدين ليش البجي ترة السادس مو صعب ع الشاطر وع الي يريد يحقق حلمه
أنت تقرأ
على جرف الذكريات
Romanceقصه حقيقيه لن أخبرك أنني أحتاجك ولن أتحدث بصراحه معك لن تشاهدني اتألم مره أُخرى ولن نتخاصم ابداً سأكون هادئ للحد الذي يشعرك بأنني لستُ موجوداً، كنت أحاول البقاء بجانبك بأي طريقه ولكنك لاتفهم ذلك بالشكل الصحيح كنت اقاتل من اجلك حتى وجدت انني أنا من...
