شجون العاشقين

الحلقه الرابعه

شجوون العاشقين
💕بقلمي يارا الياسري
مساء بعبق الشتاء وضوء الكمر .
اضغط تصويت قبل القراءه وشكرا 💞
لكل من يزور قصتي اول مرة لاتنسى
متابعه حسابي ..فضلا وليس،امرا ...
ـــــــــــــــــــــــــــــــــــــــــــــــــــــــــــــ
توفيق..وكالوا اكو مطلوب بيكم. ...نزلنه ويفتشون الجناسي. .
واجه الدور الي لزمها الضابط ..ويتباوعلي انته توفيق..ال.

..كلتله لا اني توفيق قصي ..بس احتمال تشابهه بالقب ..رجع لجماعته ويتفحص ..

..هنوب رد النه كال اتوكلوا  ماعدنه شي وياكم ..
حسيت صخره وانزاحت عن قلبي .وصلت ميت الم ووجع ...

تلكتني سميه والبنات الي من اشووفهم  انسى همومي فراشات ناعمات و دايما اصفن بيهن واخاف عليهن حتى من امهن اخاف عليهن اتمنى الله يطول بعمري واعيشهن احلى عيشه ....واكون سند الهن ..

اعتبرهن نعمه من ربي الي ولازم احافظ عليهن ..
فتت للهول كعدت على القنفه واشرت لنوراس بابا اخذي اخياتج و روحي جوه. ....

كعدت يمي على يساري سميه ..بلبسها الذهب ولابسه اتراك ماروني ...وانتبهت لشعرها كاصتهة..سكتت ..

هي قربت ولزمت ايدي ..خيرك حبيبي شفت ابوك شلونه اكيد سامحك وكتبلك جزء من محلات. ..

اتفاجات بسوالها لا ليش،انصدم هاي سميه تحب الفلوس والماده ..زاد خووفي على بزري خايفه لا بيوم تدمرهن بسب انانيتهه. وماديتهه كلتلها ابرود وشفايف ترجف وحطيت ايدي علة راسي سميه والدي انطاج عمره من زمان واخوي الجلب ضم عني سميه بقهر واني اضررب براسي على القنفه اني حقير ماسالت ولا جربت بيوم اروح من وكت ماطردني ...

وج سميه ابوي راح وماسامحني .اني مهلوك وتعبان واثار الغدر بصدري اخوي هيج يخدع ابوي وانانيته تحكمه ماكلف نفسه بتصل وينطيني خبر عن ابوي اووف يابه شكد مشتاقلك ..وج سميه اخوووي اخووي لمن دمي غدرني غدددرني والفلوس غيرت نفسيته ..اخخخ ..بويه ...هي مكيول الفقير ماخوذ حقه وفوكاهه حظ ما عنده ...

سميه ..اووف وحطيت ايدي بتعجب على حلكي يا الله يرحمه حبي البقيه بحياتك وحضنته ..صدكني يسامحك الاب بكد مايحجي ويغضب الا قلبه يضل حنين ..وانروح نزور كبره وتتسامح ويه ونسويله ثوواب ونوزع ...الله يخليك توفيق هاي الدنيا الموت حق ...وكل نفس ذائقه الموت ..الله يرحمه ...

..الله يرحمه ايي عل كولتج اسويله ثوواب وازوره ..
تعبان سميه حيل تعبان ...محتاج ارتاح ..من هالدنيا صعدته وصعدت ويه ... ينام ..غطيته لزم ايدي..

سميه ..بمعزه اهلج عندج بناتي بعينج خليهم ..واحجيلهم بكل خير عني اذ متت لا تقصرين عنهم وخليج سند وحزام الهن ...

لا حبي لاتكول هيج توفيق منو الي غيرك شون ترضى تحجي هيج وتقهرني كلامك سم ويجري بدمي وبيمزق احشائي فراقك دمار الي انته محيصرلك شي لاتحجي هيج ابووس ايدك..

باسني براسي وكال قبل شويه كلتي الموت حق والبشر عمره مو بيده وبس اعماله تصعد ويه ..وحجيت للزمن مراح اموت هسه  ...
..

بسته جعل يومي قبل يومك ياتاج راسي وحبييب روحي ..نام كافي تلوص من التعب ..غطيت ونزلت للبنات نيمتهن ولبطني ترفس مادري بنيه لو ولد بس دعائي يكون ولد سند لخواته .....

العصر..

توفيق ..كعدت ونزلت جووه اشوف سميه كاعده على القنفه  وصافنه والبنات يلعبنه ..اجيت يمها حطيت ايدي على جتفها .حبيبتي شبيج ليش،ضايجه ومخنوكه ..

سميه ...مشتاقه لاهلي يمته يبرد كلب ابوي ويرضى عني ..خايفه لايموت وهو رافضني ..ومتبري مني ..

توفيق،..الله كريم ياروحي  مايبقى معاند وهو يحبج يجي يووم ونبوس ايده ويرضى عنه ..بعدين شبيج مفاوله علي كولي بالله الساده اعمارهم عمر تفكه هههه مايصيرله شي هههه..

.سميه .. ههههه خرب بس .يمته يابو نوراس يمته ... مشتاقه لامي لخواتي اخواني ولمتنه بناتي يكبرنه يم خوالهن ..

محتاجه امي ..بالولاده تكون يمي ... تعبت واني اولد واصرخ وايد غريبه تلزم ايدي مو اني ...

توفيق ..يجي هاليووم مامطوول  بعدين حمدي الله الناس طيبين وواكفين ويانه وامج راضيه عنج بس مجبورة من ابوج وحيجي هاليوم تحضنج وتلعب بناتج ...شوويه واندك الباب .

سميه ..منو ...ياترى.كايمه البس شي على ملابسي ..جنت لابسه اتراك لبست فوك جبه ..
كام توفيق يفتحه ومااجه طلعت ورة ..وتشوف ..  بعثين بلبسهم الزيتوني سحلوا سحلوا واخذوا بدون انذار مسبق .. ولا حجوا وهو يصيح ويكلهم خلي افتهم شمسوي والله فقير ومالي بالناس ..ويتوسل يعوفونه وبناتي ركضنه يصرخته بالشارع فقدت وطلعت وره واصرخ يااهل الغيرره ياناس ياعالم ..احد بيكم ..يفزعلي ..والكم جلاب ..صدام..
مااحس غير مره لزمت حلكي وتسكت بيه وج اسكتي منه بنياتج لاياخذوج انلصمي ....

صريخ بناتي  محد سمعني ...بقيت انووح وابجي،واحشم الناس وبناتي ه جووه رجليه يتصارخن من الخوف ويردنه ابوهن .والطم واصرخ ..بنص الشارع ..ذله محد شافها الا لعاش بذاك الزمن الاغبر لزمن لبي ..ينوخذ بريء ..بحقاره واحقاد مجرد تقرير من واحد من الهتليه الجلاب يروح بشر ماله بيها ومايرحمون بعياله ..والناس تخاف لينوخذ بتقرير محد يقرب ناس تخاف علة اروحتها صدام خلاها ناس تاكل ناس ..ومحد يثق باخو ...زمن اغبر بكدماكو طيبه اكووو ناس حاقدين ويستغلون سلطتهم ....الحجيه جيران لمت بنياتي واخذتني جووه تسحل بيه كووه وتصبر اندك الباب .. الحجي مدير توفيق بالشغل ..كال انروح ونشوف ...

وبالفعل للصبح كاعده على جمر وطين من نار .. .اخذني الحجي خطيه ورحنه ومعذبين التوفيق كالوا  مكتوب تقرير بي،.. وملفقين علي هناك شفت حمزه شهيب ومايحتاجلها روحه للقاضي. اكيد هالنذل كاتب تقرير بي..رجعت تعبانه وميت هلاك ...رحت ثاني مرة  دزوه عليه بعد اسبوع كالوا نريد فلوس حتى نعدمه بالكرسي الكهربائي  بجيت وتوسلت حتى يقتلوا بطلقه اقلها يموت بدون عذاب بس منهاره ومتدمره ....كالوا ماشي مقابل ٥٠٠٠ دينار بعت ذهبي وكلشي عندي   ..ودايني الحجي وانطيتهم. ..وقبل لايعدموا سمحولي اشووف اووف

اووف ياولفي يالعفت الدنيا علمودك هيج استعجل عليك ملك المووت يابو بيتي،بعدك انهدم البيت وضاعت اركانه يالعشكك نبت بصدري دكلي شلوون اتحمل هالدنيا بدوونك ...

يرد توفيق بالم ...يالحبها توسط بزوايا الروح وعنها روحي لاتصدكين بيوم ترروح حبج ماينسي،وهذا جان وعدي الج ووفيت الكبر اندفن واني الهج باسمج يا بعد الروح ودموعه تنزل ..دموعه اب. خايف علة بزره من بعد مووته .....

شبكته سميه ودموعها فاضت وهي تبووسه ومنهاااره يوصيها ويكلها ...بزرج بزرج لاتفرطين بي بيوم ...وخليج الهن السكف والامان المكنون.    وموتتي بضلم وكذب من ناس لاعدها شرف ولا بخت ..يجي يووم ويتحاسبون. .. ..

بالكوه  الحجي  وكفها ..وهي تصررخ وتبجي وملخت الوجهه وخرطته  ...
رجعها للبيت بس يابيت يابيت ...شافته بناتها يتراكضنه الهه وهن بطرك لبس البيت اغغراضهن ملمومات  بكونيه ...والجواب تسمع خطيه حتى البيت صادروا منهم وانطردت من وضيفتها. ..اووف هذا ليندك بالرئيس رادت تهجم وتعيط بنصهم وخاص من شافت حمزه شهيب،وعرفت هوو سبب ضلم زوجها بس الحجي كلها ..

بنيتي تهدي ...وفكري ابنياتج ..هذا لا غيره ولاشرف يروح يكتب بيج تقرير.  ..

دارت وجهه بالم وتحاجي بنياتي بنياتي صفينه بشارع ...متهجولين ....مثل مجاديه ...الجيران كل من سد باب يخافون ..يستقبلونه ...

الحجي بويه دتعايه هاليله عندي واني ادبر امررج. .

كمت واني جثه ..مامتحمله الطفله لبطني بودي اقتلها فكرر من اول حملي بيها فكررر . وحتى ايناس بودي املخها لصار بسبها ايي بسبهن هن فكور وجسحنه ابوهن .. وصلنه الرجال لبيته استقبلتني المرة واخذت البنات واني لهنا وانهد حيلي ووهنت قوتي وكنت بالباب وبقيت اصررخ ماتحملت بعد اشهك وابجي ... يبووو راح ابو بيتي ..يا ربي اخذ،روحي ....

..ياخاله استهدي بربج ...كولي بالله الموت حق ..كومي كومي مو زين لسوين ..تعالنه يمه اخذنه البنات تعالنه عاونني ندخلها..

دخلني بغرفه بس منتهيه هيهات اصحى  بس ابجي اووف توفيق راح شلون يا ربي مداصدك يعني باجررر ادفنه بيدي وج يمه وملخت وجهي ااااخ اااخ يازماني ...شكد بارده الدنيا من دون الاحبه والوجع يدك بعضمي نضرات براسي ااااخ يمه شيصبرني راح لجنت اريد العمر اكضي،ويه ررراح لجان ...به الدنيا ساندني ...اخ وادك على صدري اووكف ياكلب خلي اندفنه ويه ....من دونه الدنيا ماتنعااااش،اااخ ..

المرة . مرته الحجي مدير،توفيق بالشغل ..
بنيتي مايصير هيج الله يرحمه ..هذا زمنه وشسوين يامه اخذوا شباب بعمر الورود ..هيج بلي سبب عدموهم احمدي ربج اله جثه ..بيوم اكوو بيهم ثرم ابن الجلب عدي يثرمهم للسمج مالت ..وجه يمه هالزمن  زمنه الضلام ..غيمته حزننه ما تروح ...

ااخ وداعتج اخوي شاب بعمر الورد ..اخذوه هيك بليه سبب ..حتى جثته مالكينها ..زمن الوحوش. .

حسبي الله ونعم الوكيل بيهم ..خليج قويه بنياتج اصغار يردنه ليسندهن ...

سميه..تعبانه خاله تعبانه ..نار موجره بروحي ياخاله
لراح ابو بيتي راح وعافنه بضياع وين اروح وين انطي وجهي خاله عوفيني ابجي واطلع ضيمي ليله مرت بالم ليله ماانساهه لو بعد الالاف السنين ماانسى دمووعي لغركنه الوساده ...باوعت للسمه ..كمريه زند دمووعي ..ماتوقف ..صبح الصبح بس ياصبح صبح المكابر الونانه ..دفنت يم حيدر علي وغطيته بتراب النجف ...فاتحته هالطيب الانسان صح مو مسلم وبيوم جان صبي بس يعرف الله زين طيب وحنون ما يوم عافى بشر محتاج يركض يساعده ...انسان قليل انوجد منه..مات واتهرت عضام جووه التراب بسب اثم غدار مامرتكبه باثم عدو يلدغ بسكته بلا خوف من الله اتهمه وكتب بي تقرير بكل رذاله ..علمود يحصل تعلوه ويرضي،كبرياء،...علمود عركته اطفال ...والحق بيها النه بس زمنه زمن لويه البعث امره يمشي ..والفقير،يروح بين الرجلين ..اخخ .. رجعني الحجي ويه ..كال بويه عذريني بس شايفه الوضع واني صاحب وليداته اذ،لاسامح الله اخذونه مايرحمونه ...

رفعت عيني بعينه بملامح  حززن واتراب المكبرره بوجهي ..يعني وين اروح واشر بايدي على بنياتي وين اصفه بالشارع ....

الحجي..لا بويه اني مو عديم اخلاق الدنيا بعدها بخير ..مااعوفج وبناتج بالشارع توفيق جان اخوو الله يشهد ما يوم طلعت زله منه كلمه اخو قليله بحقه بس هلشوفته عينج والعالم ماتدرين بيهم جارج ينطي بيج .. عندي بيت صغير خرابه مترروكه من زمان. .محد.يدري بي الي ..تكعدين ويه بنياتج ..واغراضيج اجيبهن الج من شمروهم البعث اني لميتهن ويه ولدي وحطيتهن بالمحل ....على. ما لله يفرجها عليج ..

..كلتله نعماله عليك ..اخذني لبيت خررابه ...ايي خررابه بمعنى الكلمه طين وتراب بنياتي يجرنه وبطني لحلكي واصله ..دخلت اشتميت تراب ماحس غير ضلمت دنيايه ووكعت  ...فتحت عيوني بالمستشفى بصالته ولاده ..ومي دينزل مني منكعه صحيت والوجع قووه كله طلكه وصررخه ناررر تنطلق برروحي هالطفل ...هو سبب لصار هو فكر ووجه مو خير،عليه تدمرت ...حياتي وسلام بيتي وخسرت زوجي بسبه كرهتها قبل ولادتها ...ساعتها اتمنيت الله ياخذها بس،انولدت والسستر كالت اجتج بنيه ...اخذيها ...درت وجهي برفض ماريد اشووفها ولااشوف خلقتها وخرريها ..عني ..

السستر باعي نضراتها الج ...اتولدت شجوون  بسنه ١٩٩٩سنه لنقتل ابوها واندفنت روحه وانولدت روح جديده ..وانولد شجنها وحزنها وياهه ..حزنها استقبلها باول قدرها .ملاك صغيررر وبريء بس اتهمت من صغرها بانهه بومه على حياته اهلهه ..ومحد لدقيقه وحده صفن وكال شنو ذنبها اتولدت يتيمه وانحرمت من شوفته ابوها وحنانه ...كانت طفله ابشره صفرره حيل زياده عن اللزوم ..وصاحبت وجهه عريض،بس جسم ضعيف ...

بعد نتر،سميه بالسستر طلعت اخذتها ...السستر  ولفتها بوصله حضينه خذتها من احد البنات . طلعت للحجي .واكف بره .. خارج الصاله ...عمي بتك ولدت بس رفضت بتها هاي الطفله عندك احد وياك. ..مرة..

الحجي ..بويه مريتي شويه ويجيبها ابني على ماتجي اهتمي بالطفله. ..وطلع من جيب فلوس،وانطاهه ...

السستر صار عمو ..راح ابقى يمها ويم امها من تجي مريتك تدخل بالصاله اصيح الممرضه شهلاء واني انطيهه الطفله ...

الحجي مشكوره .بوويه ...

سميه .وره وقت معين دخلت زوجه الحجي ..وباركتلي. ..والحجي خطيه متكفل بكلشي،حتى البيان هو مسوي ومسمي البنيه طلعوني للبيتهم ..ورة يومين رجعوني للخرابه ...رجعت ..خفت يصير على الناس شي بسبي ..رجعت بس بتي بالكوه ارضعها واذبها حتى تنضيف كله يومين يله ...

نوراس..ماما ماما ..شجون دتبجي ..وريحتهه ماحلوه..

..سميه ..بكرها ناضرت نوراس وحقد ..فكور بومات ولي من خلقتي حيوانه اكلي مرض انتي وشجون يله ولي خلقتج مااشوفهه ..

نوراس ..جنت طفله بعمر ١١سنه..وشفته حقد وكره اني الي ولشجون الطفله لنولدت بقمه البراءة وضعيفه وامي كله ماحجت بسبكم ..حسستني اني لقتلت بابا اني شدراني هيج يصير وبعدين طفله ماجنت اعرف بتحرش هالجلب ..لو عندي امي توعيني وتمنعني اكيد ما اطلع لوحدي بس،امي نست غلطها وذبت الصوج بينه ...شفت اختي بقذراتهه واني طفله ...كمت ..شلتها هي ضعيفه ولاثكيله ..لبيت جيس ونزعت النايلون قبل يحطون نزعتها منها وحابسه انفاسي حطيت صونده المي عليها وغسلتها. وهي تصرخ مااعرفلها ..هنوب لقيتها بخاولي جنت تشوف امي من تنضف وتبدل لخواتي  واكعد يمها فاعرف ..خطيه ارتاحت احسها تناغي ...

بقت اكل ..اووف شوكلها ..رحتلها ماما خطيه تبجي رضعيهه ..

.جرتهاا جره همزين ماوكعت الطفله ..ورضعتهه نص ساعه وصاحتني الج تعايه ..كومي بدلي،وبدلي لخواتج ..

اخذتنه كلنه وشجون عيديها اخذتنه لبيت الحجي بقلبي معقوله حتتبرى من عدنه ...

وكفنه طلعت المرة سلمت ودخلتنه ..

سميه خاله فدوه رحتلج دخلي البنات يمج اريد تروح لعمهن واشوفلي حل بلكي يرضى نروح يمهم وبناتي مااكدر اجرهن ويايه خليهن يمج واخذ،الرضيعه. .

المرة ماكالت لا وبقتنه يمهم ..وامي راحت ...

سميه رحت وصلت وكت العصريه ..لبيت عيالي بالبصره بمنطقه ..الطويسه ..اندل وسالت منه ومنه عرفت بيتهم دكيت الباب ..طلعلي نافع اخو توفيق سلمت علي الحقير،بره بالشارع حتى مارضى يدخلني ...كلتله اخوك انطاك عمره واني وبناتي بالشارع بالضيم حالتنه بخرابه هذا بزركم عرضكم .

صفن وصفك ايده بقهر عبالي انكسر خاطره علينه.

رفع راسه وباوعلي من فوك ليجوه بوكتهه لابسه تنورة عريضه سوده وقمبصه عريض،اسود وربطه سوده لافتهه على راسي ..وشجون على ايدي ..لافتهه بالحافهه صغير ....

رد وكال ..من عيوني استقبلكم ..فرحت بس بعد فرحتي اجاني كلام صاعقه ...

اخليكم بعيوني بشرط تتزوجيني متعه ونتسلى فتره اشبع بيج. .وتريحين رويحتج ..

من كد قررافه ولعبان روح لحجاه بجنطتي ضربته سززز وحيوان الك نذل اني ام بزركم ساقط ..

طلعته امه ...خير شصاير،..رحت الهه دخلتني جووه
خاله ترضيهه ابنج يكلي والكم جنتكم اني وام بناتكم ..

نافع النذل دخل وسد الباب ..واكف منتجي،علي بكل برود ..وروح ابويه ماحجيت هي عرضت نفسهه عليه شفتيهه لابنج فضلهه علينه شررف ماعددهه  .هي اهلهه عافتوهم ..بقت على اخوي ماتتزوج من ورة وتعرض،نفسهه عليه ...

جذاب خاله والله جذاب واحجي،باعصاب ..المره ..
من قهرها على توفيق وحقدها عليه طردتني ..

ولي الج ..حقيره بسبج لابني خسرته الله لايوفقج ولي طلعي من بيتي ماتشرفينه ولي خسيسه ....

بعد الاهانه والذله طلعت واني ارجف مثل مي ثلج بنص الشته وكع عليه اتجمدت اطرافي،وضياع ما اعرف شسوي وخمس بنات عندي .اكو ريمات باليل يطلعنه  رجعت بيهن الفلوس خطبه الحجي منطينهن بالسيارة مانمت ولاغفتلي عين.. شسوي،حايرره ورجعت خايبه الامال ومكسورة خاطر..وصلت نص الليل رحت للبيت الحجي المرة مارضت اطلع بنص الليل بتت يمهم بس ماغفيت وهيهات تغفى عيوني ويرويهه النوم ..كضيتهه بجي ومشاعري تهيجت شوك لتوفيق وايامي ويه ..صبح الصبح واني مانايمه سلمته عليهم وسحبت ابنياتي ورحت للخرابه ...

..وصلت وريكتهن سويتلهن بيض وطماطم وجاي وخبز ....ديتريكنهة....

واندك انربد الباب علينه ربد ...خيرك ربي ياستار ..

تقى ..ماما تخاف البعثين ياخذونه مثل مااخذوا باباتي ...

..نوراس ..اسكتي تقى ...

يتبع

لقلوبكم السعاده
غدا انتظروني بالحلقه الخامسه
صووتوا مو تغلسون....