شجون العاشقين

الحلقه الثالثه وثلاثون

شجوون العاشقين
بقلمي يارا الياسري

صباح الورد ❤❤

سيمضى غدركم وكسركم سيمضى
حزني واوجاعي سيمضى الوقت العسير
واعود اخضر من جديد فلا انفاق حقدك
تكسرني ولا مخططاتك تدمرني فانا
ياسيدي امراه لا تخشى شي ....

هل تبقى مينا بقوتهه ام يكسرها ساري؟
وشجون والشخص المشهور هل هو الشخص
التي تتهم بالخيانه معها ام هناك مصيبه اكبر
بانتضارها؟

قراءه ممتعه لتنسو التصويت بالنجمه
واتابعون حسابي وتنشرون بالوات

وهذا حسابي الشخصي بالانستا لتحب
اتشرف بمتابعتها yar99s@

......................................................................
شجون ان شاء الله خالتوا .بليل بقت عندي مارضت تبلت توسلنه ردنه قفلت الا تروح بين ما عساف يجي عمود ياخذها بهالاثناء كلتلها مادامج موجوده اسبح دخلت سبحت وبدلت ومااحس الا وجع الطلوك تمشيت بيه ما بيه ويم الحمام طلعت خطوتين وماقاومت صررخت. كرررم الحكني فدوووووه كررررم خاله الوجعععع موتني واعيط خطيه مااحس الا اجه يركض. وحار شيسوي جاب عبايتي كال لفي روحج بيها وشالني حطني بالسيارة ورجع اخذ ازل وحطها يمي وقال الباب. وساق بسرعه وهو يهديني وخالتي بالصدر لازم ازوله .. اتصل بساري كله شجون تطلك حضرلي نفسك...

وكف يم عيالي نزل ازوله اخذها حسين واجه ساري يسوق. وكرم كعد يمي وهو يصبرني. بلحضتها صار ام والسند لاميل علي وبالضبط كابطال المسلسلات الي يكونون ويه زوجاتهم عبالك ولادته هو مو اني يعرك ويه العرك ليصب من كصتي ولازم ايدي ويمسح بحنان على راسي كلمات كانها شي من الراحه والخووف لبداخله واضح بعيونه العسليه ...

كرم..حبيبتي وصلنه ما بقى شي مرتي الحلوه بزونتي قويه. مراح تضعف. اتنفسي اسرع اسرع
ساررري ..

زادت دموعي وصحت باخ قويه لزم ايدي وكال ماكو شي سهلع سهله حبيبتي وصلنه للمستشفى خاص. وهو كبل عاط بصوت عالي الك ساررري ..

ساري..هاااا هاا شسوي ...

كرم ..انزل شوفلي دكتوره احد الك راح تموت ..

ساري ..شغند مهند التركي ..

شجون رجعت صحت اخ. وبهالوكت نزلتني خالتي ودخلوني بصاله الولاده وبدت صررخات ولحضات مابين الحياه والموت. ولاده روح جديدا ملاك ينور هالدنيا بجماليته ينطيني قووه استمر وابقى متواصل بهالحياه تبلش اول الصرخات ووجع بمخرج الطفل. والنفس يضيق. بين المقاومه لاستمر بطلوكي وبين الشغف لرويه وجهه مولودي مشاعر مرهفه واحساس بالامومه. اجمل المشاعر وبلشت صرخاتي وعلى واهاتي. حسيت بي ايي خلصت اصعب لحضاتي. ارتخى جسمي وسمعت. اجمل نغمه صوت البجي ارناحيت وانزاح هم عني ان ابني انولد سليم مثل النصر بمعركه. تحس بيها ولمن انحط بحضني انمحى وجع الطلوك وايام النساوه والصعوبه بداخلي مشاعر حب مشاعر ماتنوصف غير بس،لمجربها يعرف شكد حلوه ..نقلوني لغرفه خاصه وانحط اجمل كائن بحضني تجددد هالشعور بداخلي وكانها لاول مرة اكون ام نفس المشاعر ماقلت ونفس اللهفه
ودخول اسمراني لفرحه بعيونه تسووة الدنيا عندي وراها اذن باذن الطفل وسمه جود كال عاجبني هالتسم ...على اسم نهر بتركيا ... وخالتي يمي ...اجت الدكتورة كالت