#يمامه_خلف_القضبان#البارت الثامن عشر
شوفيها تتمقلج علينه
يمامه . حتى لبس مامحضره .
البسي الكريمي البستي كبل الحنه بيوم
هههه شككه حماج
لا والله شو ماكلتي تصالحتو
لا شتصالحنه مو اكلج مخبل .
داوكفي يمامه اخلص من الزفه واكعدلج كعده صاير تشتغلين دفن مو
ضحكت عليها . صاحوها وراحت
شويه واجت تضحك وتاشر راحت لغرفتي
تعاي جبيتلج ملابس من وفيه انتي وياها تتلابسن
البس من بنتج انوب كالت
على كيفج انتي اكبر منها بسنه يله تعاي
طلعت بشت اسود شيفون مفتوح كله بي حزام . ومن الوسط بي ليلوو اسود مطشر للنص والحاشيه مخرمه الردن عريض ومن الوسط مخرم . . مثل الحاشيه ..جوا بدي اسود طويل وبنطرون جينز .
خاف شاهين يدفني عدله
خابري يشوفهن
ماحجي ويا
دلبسي بله
لبسته .
كالت والله حلو وعريض البشت . مابيهن شي
رتبت مكياجي . والشال . لبست حذا سواري اسود عالي رتبت جنطه بيها مي وحفاظه ومناديل وقاط .ثاني خاف حمودي يحتاج ابدله .
طلعت . شلته هاي شنو صرنا نفس اللبس اني وياك خذته شبعته خاف .يجوع بلطريق وجبت شال احتياط اتغطه بي .
تقى لابسه قفطان فستقي ومطرز بذهبي ونهاد مثلها بس زيتوني .
زينه فستان محجبات وردي .
بس كالو يله طلعت تقى هي وبناتها تركض تكل لوئام سوي مثل مكتلج زين ماما امي كالت ظلي هسه نطلع من يخف تخبلن هجن فد هجه لايمردن الولد
طلعنا .السيارات .. شفت تقى والبنات بسيارة شاهين
رحنه .اني وامي بسياره جبيره باقيات كرسي متحرك والبصفه خليت امي تكعد واني كعدت بالمتحرك . .
كل البنات وياي زينه وفاء ولمياء صاعده ويا العريس من شافتني نزلت واجت يمنه راسا شغل وطلع بينا
شفتي الجراده . صاعده ويا شاهين شبيج اجيتي هنا
وين اروح لعد انزل .. انتو متردوني وهو مصعد الجراده ههههه
هو شافج
شمدريني ..
امي كالت جيبي الولد منج مكانج مو ثابت .
اطيته الها لفته جوا عبايتهة
اشوف سيارته تصير بصفنه حارك الدنيا بالهورنات البنات يركصن .. وتقى تتلفت ساكته .
وصلنه . نزلت وتلكيت امي خذته منها انداريت واشوف شاهين جاي يهف علينه وعاكد الحاجب
شاهين .. التهينا زينت سيارة العريس .وبدلت . طلعت بالزفه اجن البنات يركضن وياك بابا .
ضحكت عليهن صعدن يله . رحت رتبت البنات باوعو لا امي ولا يمامه .مو كتلها روحي بس ام راس اليابس سئلت زينه
امي متجي شنو
زينه .لا هسه تجي
ها . اذا ماكو مكان خل تجي وياي رجعت للبيت لكيته طالعه .. جاي افوت للغرفه حركو التلفون طلعت لكيت تقى متشخصه بالصدر خزرتها ماحجيت كدام الناس
سقت وطلعت وراهم . من وصلنه لبيت العروس نزلت واشوف امي ويمامه .نزلن . خرب عرضج شلابسه هاي . رحت الهن .
شفت امي ماحجيت . ها يمه
هلا حبيبي
يله فوتي شبيج وكفتي
فتنا ..صاح تعاي لاتفوتين متشوفينها ضكه . الولد يختنك .
وكفت ورا .يستغفر ويأفف
احتركت عشيرتج واحد واحد .. على هذا اللبس الطايح حضه .
سكتت والعبره وكفت بالعومي . هاي كل مناسبه يسوي هيج المفروض .من الخطوبه واتوب بس شيتوبني
طلعن جيت امشي كال اوكفي هي حيوانه وين موليه
خلي تصعد العالم وامشي .
امي شافتني عرفته .. والبنات طلعن وياشرن شكو متجين .
صاح يله اتكسحي كدامي . تقى لكيناها صاعده كال استغفر الله . امشي نزلي امي تصعد . .
نزلت بدون حجي كل للبنات ابقن ماقبلن راحن وياها
بس صعدنا .سيل جارف ونزل عليه غلط غلط مصاير وفشار ..
عفيه عليج لاعبايه لا بوشيه شون تطلعين هيج زفه وزلم تارسه الشارع مشيتي بنصهم هيج والله اليوم اكسر رجليج الفاتت بنصهم
وانتي يمه شمخليج بالبيت اني اغفل غير انتي عيني هناك
شلابسه هي وحد من البنات . شبيك وياها
اني كمت اشهك وابجي
.وعمه وسم . صوتج لا احركج حرك . بختج بالناس والله
ولك يمه شبيك . مارادت تجي واحنه جلبنا بيهة
اني كايل لاتجي بس تلبس لبس اوادم مو مال كحا.....
يمه ماصدكت اوصل للبيت السيارات تفوت يصفكن ويغنون واني شاهين يقسملي
نزلت . وكبل للغرفه طبيت وقفلتها ماطلعت بعد .
دكن لمياء وزينه ماجاوبتهن بس نزعت الملابس فتحت الباب شفت ابن لمياء الصغير كتله اطيهن لامك . ادري بي مخبل يشككهن بس يلكاهن .
شاهين واكف على اعصابي زفيناهم ورجعت . كلها راحت فرغ البيت . من الكرايب ..
رجعت الباب مقفول
انوب خاف شويه بردت من لكيت الباب مقفول رجعت من
((غدير وسام ))))
ارجعت اشتعلت من جديد .. دكيت افتحي لااكسره
فتحته محمد بايدها . ترضع بي وعيونها مورمه من البجي .
يمامه رجفت من فات كلت راح يرجع يضربني
عتني حيل من ايدي كتله الولد
حاطته حجه بايدج . مو .
فتح الكنتاتير وينهن هدوم الشريفات مالاتج .
كلبهن ويصيح وينهن خلي احركهن
ماكو .شبيك مو مالاتي
مالمن منو تلبس هيج لبس
مالات وفاء ..
طلع صاح ووووووفاء .نزلو يركضون .وامي طلعت اني ارجف وابجي ساده اذان ابني
.جرها وين الملابس .. البستهن يمامه .
مؤيد شبيك . شاهين
اسكت انت هذا لبس بنتك . مكيف . جيبي لج .
جابتهن ضربها راشدي ودفعها كلها اذا لبستي هيج لبس رجليج اكسرهن حيوانه
جرني .. وامي جرتني منه كلتله .عوفها .. شتريد منها
تقى واكفه ورا ..تفتح زيجها و تباوع للسما عود تحمد الله
اي
حوبتج رابعه العدويه .
يمه لاتتدخلين كافي كبرتو راسها عليه فوتي للغرفه لج
اطيتها محمد .. لايخترع يمه خلي يمج .
طبيت سد الباب
ذبهن بوجهي . ماستحيتي لبستيهن
هاا .. ماكلتي يباوعون عليه
يمامه . واني وين رحت من الباب للباب
بنت النعال ماشفت الكوستر واكفه بالركن .تجذبين عليمن
دكت الباب . ..امي افتح الولد فرفح على امه
انعل ابو لابو امه روحي يمه رحمه لاهلج
ليش مخابرتي كبل لانطلع تستنكفين مو
مامقرره اروح اخير شي لحن البنات عليه ولمياء زعلت .كتلها ماعندي لبس جابت ذني
لبستهن ماشفت بيهن شي
لا مابيهن بس هذا الابسته فوك خفيف وكلشي مبين ماشاء الله وانتي . كلش ضعيفه . والتضاريس ممبينه
شلت راسي . باوعت عيونه حمر وعركان . ينفث دخان .
شتريد شاهين . الي تريده سوي ابني يبجي
ركعني راشدي فر وجهي
بجيت وحميت وجهي بايدي.
ادبسس .عايقه
رحم الله والديك ..
اكلي .تبن لاتظلين تلغين رجع عليه جر شعري حسيت بي تكطع . لزمت ايده . شاهين عفيه شعري تكطع وعصر فجي حيل ورجع ضربني حسيت حلكي اندار .راسا جرا دم .
ماطلعتي لشعرج المن لابسه الحجاب تقشمرين نفسج بي
الباب كسرته خالتي واسمع محمد مفرفح بست ايده فدوه بس ارضعه وراها شتريد سوي .
فتح الباب جابه . واجه
رضعته .. واني ابجي .. واشهك وجهي نار وراسي موتني هو يروح ويرجع . محمد يوميه للصبح يجلب بيه اليوم بسرعه شبع وغفه .
حطي وانطمري . حسابج بعده ماخلص
يمه هو كلي هيج حضنت ابني وتمددت بلكاع . بدون فراش بس فراش حمودي . حلفت بيومها بعد ماطلع من البيت ولااشارك باي مناسبه هو اني من نولدت نحكم عليه انحبس هسه جاي البس واشارك الناس حياتهم اني مسجون طلع من سجن خش لسجن . بس سجن عن سجن يفرق .
غفيت من القهر والتعب . وهو كلساع لو متحسر لو مستغفر ومكمزني . سواها عليه حرب نفسيه . .
الصبح كعدت شلت راسي نايم ومتغطي . واني باقيه بلكاع .حتى مخده مخليت سويت بطانية حمودي مخده .
غسلت . راسي يوجعني و جهي ازرك . من ضربته ستوه طاب ..
فجي يوجعني .. حتى من فرشت اسناني كوه فتحته
بجه حمودي رحتله شفته شال راسه وعاكد الوجه .
خذته غسلتله بالحمام وبدلتله رضعته هيج وكت يريد يلعب . واني مالي خلك . بقه يناغي بفراشه
كام غسل . واجه اخذه يمه على الجربايه
كومي سوي زقنبوت
ماحاجيته . دكت امي الباب كالت تعالو تريكو
اخذ محمد وطلع رتبت الغرفه ولميت الوصخ . طلعت للغساله .ملابس ابني اغسلهن بايدي بس اجففهن .
لمياء ..صباح الخير . درت عليها شهكت
عذريني كله مني تدرين بي انتي بس احنه ماأقتنعنه
اني اعتذر على الموقف وهدوم وفاء شككهم
فدوه الج واله يمون ابو محمد .
كومي تريكي كومي
يمامه .ماشتهي وداعتج .
تعذرت منها ورجعت للغرفه . كملتها تمددت على الجربايه بي تعب وقهر . يهد جبل مو بشر
فات متكومين تتزقنبين وتشوفين البيت لو امي تشتغل عدجن تسوي ريوك وتشتغل
طلعت من يمه غسلت المواعين ميحاسب ذيج جاي عليه
خلصته . مديت راسي لغرفة امي زينه تنظف بيها .
يمه محمد يبقه يمج اروح اكمل
شافت وجهي استغفرت . روحي يمه روحي
زينه يااا أشلفط وجهج هيج .
هزيت ايدي وطلعت . مسحت البيت . وطلعنه الفراش نغسله . بلترك تركهم جبير . كملتهن زوليتين وسجاجيد كبار . تجيتهن .ونشفته لعبت نفسي ودخت .
صاحت زينه .. محمد يبجي روحي اني اكمل .
كتلها خلصت .. جايه .
ثوبي مبلل .. كتلها يمه ابدل واجي
ولج خبصنا شتبدلين ..
يمه مو حتى هو ابلله . بسرعه .
بدلت واجيته . وهذا يزعل من اتاخر ساعه يله يسكت ابوسه واراضي يله
(((غدير وسام)))
زينه شبي مايسكت
يمامه صافن بوجهي . معباله امه يكول جبر الاعور هذا منين
زينه .ههههه . صدك شبيج كوه تحجين
حلكي يوجعني ..
دنكت بسته شمني وسكت شويه يله اقتنع يرضع بس كام عبالك يجر بروحي مو يرضع دخت وعركت كلش رغم بارده حسيت بنار . تطلع مني .
زينه ..وجهج صار اصفر شبيج ولج
مكدرت اجاوبها . بس اشرتلها تشيل محمد . رادت تاخذه كلب الدنيا ..كتلها عوفي بس اطيني مي عفيه .
طبت امي . كالت ها شبيج زينه تكول تخربطت
طتني مي شربته . استقريت شويه .
تريكتي انتي ..
هزيت راسي
عفيه عليج و انتي من غدا البارحه.. مو انتي ترضعين هذا شنو ذنبه .
امشي كملت طبخ حطيلها وجيبي
شو بله وخرت محمد وعصرت صدري .. باوعتلي عفيه عليج شوف حليبج فاهي الولد منين يشبع
خابرت . لشاهين اسمعها تكلي اشوي سمجه وجيبها وتمر وياك .
زينه جابت صينيه تمن ومركه لحم وحمص وزلاطه وخبز . كلتلها جيبي الخضره كل السله
كامت تلكطلي حلبه وتنطيني محمد نام واني ماكدر اكل حلكي من احركه موتني .
طب شاهين شنو حجيه مشتهيه سمج همزين لكيته شاوي وحده وماجيين عليها جبتها وجيت
مو اليه .مرتك من البارحه بدون اكل وحليبها جاي ينشف
خلتها يمه وتفصص اني منا الوجع ومنا شفته نفسي انسدت
طبت وئام .. . بيبي دوعانه سوكت تخلين غدا .
صحتها تعاي اكلي
تاكل وتباوع شبيج
مابيه شي حبيبتي وكعت
امي تفصص وهي تاكل . عاطت بيها ولج الج اني افصص وانتي تاكلين يمعزايه
.شاهين شكوو يمه خلي تاكل
نايم حمودي
عوفه اليوم موته الجوع من وراك . هذا حضه مادري حض امه ..مادري حضي.
اكلي يمه اكلي .
شاهين .. كومي زينه خليلي غدا
ماتجي تاكل هنا لو نبزز
لاحجيه بس خفت اكل وتطرديني علمود جنتج وحفيدج صارو اعز مني .
تقرب . ياكل صلاوات راحت الخبالات
زينه جابت بعد اكل .وخلته . تقى اجت تدور على وئام .
تعاي ماما شسوين هنا
جاي اتغده ويا بابا
كومي هناك اصبلج .
ما.ااا اريد سمج ماكو هناك
اي ماما مو هي صايره احزاب . كومي
شاهين ليش تخليني اكوم انعلج وافرك حلكج .
شحجينه .
ها . عاجبج تتنعلين مو . شال سله الخضره وركعها هي ركضت وركض وراها .
طبعا ابد مو عاقل .
صار بس الصريخ والغلط .
شبي هذا الولد تخبل ماجان هيج .
اني عفت الاكل وكمت خذت ابني ورحت للغرفه .
نمت ويا لليل . كعدت على صوته يبجي
رضعته .ونفس الشي هم دخت تمددت بلفراش الغرفه تفتر بيه . كمت طلعت عصير وشربت
شاهين . .فتت لكيتها مكلبه عيونها وجها اصفر .
ماحاجيتها متخبله كلش عبالها لان احبها تكوم تجفص بطني .. هو اني يمته كعد حضي ويا مريه . استغفر الله العظيم .
دزيت رساله لزينه جيبي عشه ليمامه وخليها تاكل
دزت 👍
شويه واجت جايبه صينيه صح النوم ياحلو
يمامه يصح بدنج حبيبتي
تتعشين وياي ماكلت من ورا الخطار هسه ذاك بيت مؤيد وروحو احنه شكو
حجيت ونسيت شاهين كاعد .
جوعانه بس ماكدر احرك حلكي اخوج كسره يمكن .
كلبت عيونها . احممم احم
سكتت جفصت بعد .
كام اخذ محمد مني .وطلع
تعشيت وسوالف زينه تضحك نسيت همي
بقينا محد يحجي ويا الثاني للسبعه مالت سيف سوها بيتهم والكل يحضرون لمياء اجت تعزم وصلت يمي بس خزرتها بالشقه سكتت
وشاهين يفتر يريد احد يكله ناخذها اني حذرت لكل وكتلهم ماروح حتى لو هو كلي روحي
اطيت لامي فلوس تجيبلي كم قطعه خيطتهن كلابيات راقيه وسويتلها فرشه حلوة للجربايه مالتها اطيتهن لمياء من اجت تعزم
بليل .. اجه . يفتر بالغرفه . فتح كنتوره وطلع جنطته بيها فلوسه صاح تعاي
نعم .. تعاي اخذي
شنو هاي
ورقه حطيها بايد العروس باجر . كليلها مطلعنه وجبنالج هديه
بس اني دزيت هديه
شدزيتي .. منين جبتي
دزيتلها فرشه .وخيطتلها كلابيات للبيت
ميخالف ...هم اطيها فلوس
ماروح
ليش
باوعتله . هذا صدك يحجي لو يشاقه
مامستعده كل مناسبه انضرب . ماتسوه
اليحترم نفسه محد يهينه
اي واني ممحترمه نفسي رحم الله والديك
لان حبيت اكون حالي حال اهلك واشاركهم فرحهم لازم انهان
لان لبست . وطلعت فلازم انهان
.باوعلي . كملتي
ماكو شي يكول المثل رحم الله امرئ عرف قدر نفسه
واني خلص . عرفت . هذا حدي باب غرفتي
انتي ليش تحبين تفسرين الامور بكيفج .اني مانعج من الطلعه كايلج لاتطلعين
سويتها بالخطبه ومشيتها عادي .
((غدير وسام ))
بس ن تكررت بالعرس لا ساعته لازم ينحطلها حد
اي وفهمت خلص
شفهمتي فهمتي الي يعجبج مو الي اني قصدته
كتله ..شاهين تكدر تكلي بشنو اختلف لبسي عن تقى
بس انت تتحججلي
ماكو وجه تشابه لبسها . ماجان ملفت للنظر . ومناسب لعمرها .بينما انتي لبسج يصيح لامه وابو ومو مناسب لعمرج
ها .. ليش شكد بيني وبين وفاء
ماكعد احسب سنين احجي كوضع انتي متزوجه . وام متجين تقارنين نفسج ببنيه
مااقارن نفسي بعد لاببنه ولابمزوجه عرفت موقعي وقيمتي . رايدشي بعد
ممخلص حجي بعدني تعاي كعدي
كعدت يمه .. جرني باس خدي . مبينت اي رد فعل
برائيج تصرفج صحيح من تخليني وراج . وتطلعين المفروض .تدزين عليه .. تعال حبيبي شوف لبسي هذا حلو اطلع بي . .مو اتفاجأ بيج بالشارع وبهيج لبس
افهميني بنيتي اني ماجاي افرض رائي عليج لو احاول ا مشي كلمتي وخلص لا بلعكس .. اريد اتباهة بيج
يمامه .. الحمد لله ماسويت شي الي يحرجك
متوهمه مجرد طلعتج بهذا الشكل اكبر احراج ا ليه و كدام اهلي قبل الغريب . لان اهلي باول مشكله راح يعيروني بيج ويكولون خلتك وراها وطلعت
الكل يدري بيه مقبلت اطلع اله لمن وافقت انت .متجاوتك واللبس خلص عرفت شنو الي تريده والي متريده
صار ..معلوم .هسه اريد ننسه الراح مبقالي شي وارجع للدوام وماريد اروح وانتي زعلانه مني
يمامه .. مزعلانه خلص
اكيد .
اكيد.
زين شيلي فراشج هذا مال الطوارئ وتعاي يمي
يمامه جاريته بالكلام . وكتله عادي نسيت بس اني حيل شايله منه . وتعبانه . رحت غسلت وأطمنت على حمودي نايم . حبيبي نومته استعدلت . هسه .احسن من قبل
تمددت يمه.على الجربايه .وانطيته ضهري
حضني .. بعدج زعلانه
لا
لا زعلانه لو مزعلانه جان ذبيتي نفسج بحضني مو تنطيني ضهرج
دارني عليه .. كال مادري ليش هلايام افقد بسرعه واعصب
واحس دئما مختنك . مامرتاح .. خصوصا من ااذيج اكره نفسي
ليش تاذيني . لعد شاهين . الامان الجنت احس بي بوجودك .. كاعد يختفي والله بس الخوف احسه من اشوفك
سد حلكي بايده ..لاتكولين هيج تذبحيني اني امانج وسندج .
خله راسي بصدره وبجيت . مكدرت الزم نفسي . جلبت بتشيرته باثنين ايديه .
وهو يبوس كل شبر بوجهي ويعتذر مني .
اسف .ياعمري بس لاتبجين تغسلني هاي الدموع ولج لوما اغار ماهيج اتصرف . شفتيني اهتميت لغيرج لو حاسبتها لان محد يهمني نزلت وشفتج مميزه وحلوه اكثر من العروس نفسها شترديني اصير .
بنيتي احبج والله ومااذيج عن قصد ثقي وامني بالله . واريد تسامحيني من كل كلبج .
مابكلبي شي .عليك . بس الجرح على كد الحب .
لا لعد اذا هيج جرحج جبير لازم اداوي
حضني وهو يضحك ..يمامتي باجر اروح بروح ابوج تبريني الذمه
مبري الذمه دنيا واخره
من كل كلبج
تدري بيه ماانافق صح زعلانه بس محاقده عليك لدرجه اشيل بكلبي عليك
فدوه للكلبها ابيض . اذا رحتي باجر شوفيني شتلبسين
ماروح
شحجينه لعد يمامه
حالفه اني شاهين لاتجبرني
اني ادفع كفاره
ماريد . اروح .
شاهين ..لاتعاندين . اني وياج نروح الهم عيب من لمياء ومؤيد
بجه محمد ورحمني من الجواب رضعته ونام . وشاهين هم لكيته غافي . نمت وثاني يوم الكل متحضرين للسبعه واني مغلسه . شاهين طلع .. لعصر اجه . ورا ماراحو الكل ..طبعا محد. ضغط عليه تابوو مني بعد حتى لمياء اتصلت رفع عتب .
محاجاني ..فات غسل وكال خليلي غدا جوعان .
نزلت تقى مبدله ومكيجه . فاتت للمطبخ . خليتله الاكل وهي تمشي وتباوع عليه طلعت الطرشي وخلته بلصينيه ولبن . كالت .
يحب الطرشي واللبن . خليله خبز هم .
هاي شتحس ليش مادري . عفتها عايشه اللحضه وديته الاكل . متاكلين
لا
ليش هيج كعدي يمي جذب
رايحه اشوف حمودي
جيبي وتعاي بسرعه .
شاهين مثكله وجه عليه ادري بيها بعدها ضايجه .
تقى نكعد ناكل وياك جوعانين .. باوعت وياهة وئام
تعاي بابا ليش مرحتي للعروسه تشوفيها
لاسي يوجعني . ومثخنه .
باوعتلها شبيها
يمكن مستبرده
غير تحجين اخذها للدكتور
ماتسوه اطيتها خافظ
شنو خافظ بكيفج انتي ماكوو عقل بدليلها بسرعه .
اريد اتل ويات مالوح للدكتور يدربني ابره
لا بابا .ماخلي ينطيج ابر يله تعاي اكلي حتى نروح
وماما
خزرتها .كعدي اكلي وياها .
يمامه جبت محمد يمه لكيت تقى تاكل ويا شافتني رفعت حاجبها .
هو باوعلي ودنك
خليت القوري على النار وكعدت بلمطبخ محمد يناغي .ويلعب
يلعب ويناغي ..
شاهين شكد جوعان من كابلتني تقى سدت نفسي
رحت للمطبخ . اطيني حمودي وصبيلي جاي
اخذه وكعد يمي .. خابر لامي
تتاخرين .
مو اريد اخذ وئأم للدكتور ومجلبه بامها ويمامه لوحدها بالبيت
ها .اي ان شاء الله
اطيته جاي . وئام من البارحه مصخنه ادري بيها خطيه
كال ترحين يم امي والبنات يتاخرن . ترا واني راح اطلع ..كتله
لا
شاهين يمامه رحمة لذاك الاب الطيب مالي خلك تعبان وباجر مولي للدوام مالي خلكج تتنعوصين براسي
باوعتله . جاوبته .اني .. لو من الي يتعيقلن ويتنعوصن على كولتك جان صار براسي خير
شاهين شبيج بله . شناقصج
ناقصني احترام . وكرامه وتقدير . مو شوكت ميعجبك تسب ابويه وشوكت ميعجبك ترحمتله .روح شاهين خوفك خلي لغير ناس اني عشت كل عمري لوحدي والحمد لله ماصار بيه شي
ركع الكلاص بالسنك باوعلي...يتبع
صباح العسل هذا بارت الخميس لان ماكدر انشر