يمامة خلف القضبان

تغشيشه

تغشيشه  لبارت  اليوم ..  راح تترحمون على قفلة البارت مالت البارحه ...

ابو غايب والله سيدي    اليوم ..
كلبي مقبوض ونفسي ضايك .

سلامتك . اوصلك

لا منتظر  حسن . على جيه 

ها . وضعك  شونه الاهل  شلونهم

الحمد لله  خير من الله  والبيت على حطة ايدك .  كلت  من تصير  شغلة الراتب ااجر  بيت هنا   وتصير  قريبه عليه وجوه عيني .احسن ماظل    هيج  قلق ومامرتاح

اي  احسن شي  تسوي .   واني هم وصيت بيك  وان شاء الله شهر  شهرين ويطلع الك الراتب  .

ان شاء الله سيدي فضلك مانساه .   هواي  افضالك  عليه 

يمعود    افضاليش  .  هذا  حسن اجه .  حجي  لو تاخذلها تلفون احسن ميصير  هيج مخليها 

ماتقبل .والوضع هم هلايام مايسمح .

زين .اخذلها   واحد  اقساط .  شهري  اسبوعي   

.الله كريم .سيدي .   .اترخص اني  .

الله وياك .

الطريق  صار شطوله عليه اليوم  ليش   . نزلني   مثل كل مره مشيت   وكلبي  .يرجف .

وصلت للبيت .الباب  مفتوح .  ذبيت العلاليك  وطبيت ركض  .صيحت  يمامه  بابا  وينج .ماكووو 

يمامه .  .... يمامه ....