#يمامه_خلف_القضبان # البارت الحادي عشر
غدير وسام )***
بسمه تتلوها دمعه .. تسبقها تنهيده ساخنه
تشرح مابداخلي من صراع .
اابكي ام ابتسم ... ام اخاف ..
💐🌸💮🏵🏵🏵🌹🌹
واذا كتلك هي حامل .من جبناها .وابوها مارضه نكلك
شنوووو .حامل خاله شتحجين الدكتوره مطيتها مانع وكدامي تشربه
تكول .ماشربه وردت احبل .واجيبله ولد
وشمدريني مو من هذاا العار المصاحبته
يمه تكول وين مايريد ياخذني يحللي
لا احللها ولاتحللي تجيب واذا ابني اخذه وهي تولي .وعذريني .
سديته واني فاير .. بيومها نزلت للبيت طول الطريق فاير . ومتعصب
وصلت للبيت . سلمت من ورا خشمي .
يمامه ..البنات صيحوو اجه بابا لو روحي رجعت اليه كيفت ركضت واشوفه وجهة احمر من التعب وضايج
سلمت عليه . جاوب من ورا خشمه شويه صاح
وووووينج حضريلي الصخام
يمامه .صار
مو شفتيني طبيت لو الله ذاب عليجن ثول اله احجي يله
على كيفك يمه ستوك طبيت
يمامه حضرته وكتله يله ..لميت ملابسه الوصخه والجنطه عزلتها
طلع ...اكووو زقنبوت لا
هسه اصبلك .
البيت صنطه شافو كاب نار كلمن ختله حتى البنات صعدو يم زينه
صبيتله واجه اكل بس خلص .كال راح انطمر لاحد يكعدني والي اسمع صوته اطلع اخنكه .كائن من يكون
كعدت يم خاله اخاف افوت للغرفه هي هم تتصفن وماسئلت شبي . تمددت انام هي كالت
روحي يم رجلج شوفي
اخاف اضوجه وهو يريد يرتاح
وهو الرجال وين راحته غير بحضن مرته كومي .يله
وكفت يم باب الغرفه . ماكدرت افوت تالي رحت للمطبخ كعدت .. شويه واجت نهاد
شنو طردج ..هههه اليوم صاير فركاس مينكاس
لا متوهمه جيت اخذ مي .. اخذت بطل وطلعت فتحت الباب وفتت ماريدها تتشمت بيه الحقيره
رحت على كيف تمددت نعست كلش الغرفه دافيه
انداريت اباوع عليه غافي تعبان ..ليش هيج مقهور شنو القاهرك .. الله يعلم أشايف هناك
مرات ابويه جان يجي عصبي ومن يهدا يكلي احنه كلشي نشوف بالشارع . ونجي للبيت نفرغ همنه وعصبيتنه امج جانت تسكت ومن اهدا اني اجي احجيلها واعتذرلها
انطيته ضهري
شويه رفع راسي وخلا على ايده وراسه بركبتي عباله نايمه
عفته براحته
شاهين ...كاعده
امممم .. محتاج شي
لا
انداريت عليه . ردت اسئله شمضوجه .. بس شفته ندار على ضهره وخله ايده على عيونه
تقربت منه حضنته وخليت راسي بصدره
تحسر .. وكال .
شلونج .
الحمد لله
شخباركم بالبيت
ماكو شي ..بيت مؤيد راحو لبيتهم والبيت صار وحشه .
البيت متروس يمعوده ليش استاحشتي
مو اني دوم وحدي حبيت لمتكم حلوة
ها . يله ارتاح واخذكم يمهم . وهم ناخذلهم هديه .
كيفت مشتاقه لمياء .
اريد جاي وشعندج خليلي شي خفيف
كمت بسرعه .
شاهين .رحت يم امي للغرفه متاكد عدها علم بالموضوع
خابرتج ..خالتي
اي .خابرت . ..وسكتت منتظرتك انت واخوك شتسون لهاي الحيه
كلتله جعفر وكال يمي الشغله . تدرين ماحب اخشن خاطر اخوتي
من شوكت كتله . شو دهن ودبس وطلعات وطبات
يجوز محذرها بينه وبينها
هو شنو محذرها بينه وبينها سمعة بناتك هاي اليسمع حجايه على امهن تنلطخ بيهن . شبيك انت بارد كوم صيحهم يله .
شاهين .. سهام ... امشي صيحي عمج جعفر وعمتج نهاد
صار بابا
اجت يمامه جايبه جاي وكيك . اني اسدت نفسي . كعدت بس ماحبيت الحجي يصير كدامها . طبوو اثنينهم سلموو
كتلها .يمامه اخذي البنات وروحي للغرفه .
يمامه .خذت البنات وطلعت . بس ضجت يعني يكلي اخذي راحتج ويعاملني على اني غريبه .
عله صوتهم بس ماافتهم شيحجون . ولا انتبهت
شاهين ... شسويت جعفر
جعفر ..نهاد تكول محاجيه وهاي يمك اسئلها
نهاد...محاجيه اني
شاهين ..الحجي طاله من خواتج ونسوان اخوتج . منين عرفوو .
مادري .لاتتهموني يجوز لمياء .حجت . احد ثاني بس نهاد بلبيت .
ها لمياء رايحه لاهلج وحاجيه
اي مو اختها ماخذه اخوي يجوز هي كايلتلها
كتلها ...يصير خير
دكيت على مؤيد . كتله جيب .لمياء وتعال . وكتلها
شوفي نهاد . .الحجايه منج من غيرج طالعه . ماسكت اني هاي سمعة بناتي .. فلي يكعد بهذا البيت يحفظ سره وميطلعه .واذا سمعت حجايه بعد طالعه من بيتي فبيتي يتعذره كائن يكون .
جعفر .. تطردنا شاهين
هاي سنين كعدتو بالبيت سمعتكم حجي كتلك جيب مصرف ادفع سحب .. كهرباء .كله شاايله وابقه شايله وماحجي بس . زوجتك تطلع سر بيتي ماقبلها تكعد تحترم نفسها ماكو تروح لغير مكان واعتقد اني كفيت وفيت
طب مؤيد سلم .وكعدوو كال . شصاير
واجهتهم
لمياء ...تريد احلف على القرأن محاجيه والله وبناتي وسترهم واختي هي اجت سئلتني ليش طلكها صدك لاكيها ويا واحد كتلها ماكو هيج حجي
تخاربو على شغلة الجهال . شاهين يريد يزوج وهي ماقبلت
شاهين .. خلص مبينه السالفه .ومبين الحجي مين طالع
جعفر كام على نهاد ضربها لزمه مؤيد .
امشي اخذي جهالج ولي لاهلج .حقيره
هي طلعت تغلط علي وعلينه بسرعه راحت لاهلها
يمامه .كلشي مافتهمت .
وئام ..داعد يحجون على ماما .
ليش شبيها ماما .
مادلي .هما يحجون عليها .
شاهين .. بدلت .دورت السويج ماكوو .صحت .يماااااامه وين صرتي
نعم
جيبي الصخام السويج خلي اهج .
اطيته اله هو والموبايل .. ومحفظته طلع .
الوجوه مكلبه ماتعشو . وكلمن بغرفته . خاله شدت راسها ونامت .
شاهين تاخر ..يله اجه . فات للغرفه لحكته دك تلفونه كعد على القنفه و جاوب . ودنك يفتح بحذائه . بتك ايد
كعدت على ركبي .وفتحتها ضل يباوع وجر ايدي
ماهتميت كملت . نزعته الحذاء . والجواريب .وصرت بين رجليه . فتحت دكم قميصه
هو حتى تيه الكلام
شاهين ..خابرني خالي . علمود تقى كال ترجعها حتى نسد الحلوك . لان الحجي بدا يطلع من تردها تسكتهم كولتن زعلت لان تزوجت عليها .كتله الله كريم .
فتت فاير وطالعه الدنيا من عيني . رجع دك عليه جاوبته .. واريد انزع ملابسي وارتاح . اجت يمامه وكامت تفتح بالحذاء .. بعدتها ماقبلت
يمامه ..يحجي. واني مستمره
شاهين ..كتلك الله كريم خال .. لاتضغطون عليه .ترا الدنيا طفرت من عيني والله
شفتها مدت ايدها لدكم الردن فتحتهن وجرت القميص
والحزام .. بس رخته وراحت جريتها ..جوه جتفي .
وكملت .حجي بس ماريدها تحس .. بس عبالك جنت نار مشتعله وطفتني بتصرفها سحبت كل عصبيتي وغضبي .
سديته هي مدنكه . كتلها
ليش تنزعيني الحذاء .. بابا ..ميصير هيج
ليش . انت زوجي وتعبان . حبيت اساعدك .
تعشيت
وانتي
محد اكل بس البنات
دخليلنه وتعاي يم امي
نامت . وكالت لاتكعديني
والله تردين الصدك اني هم مااشتهي
يمامه .. اسويلك شي خفيف .
لا بابا نامي .خلي اشوف امي
رحت الغرفه ظلمه وهي نايمه عفتها ورجعت تمددت يم يمامه .. جريتها لحضني بست راسها
ضجتي لان صيحت عليج
لا بس خفت منك . تخوف من تعصب
ههههه صدك
والله حواجبك تتعقد .وجهك يصير احمر
يمامه حجيت واستحيت منه . درت رجع دارني عليه .
شكد جنت مخطط لرجعتي هواي اسوي شغلات .بس اوووف
يمامه .. شبيك ليش ضايج
اووووف .. عوفيها .
حضنته ونمت .. الصبح كعدت على لمسات جريئه منه وياها بوسات . بين النايمه والواعيه ختلت بصدره
شاهين ..ههههه تختلين ..مني عندي
حباب نعسانه .
كافي هواي نمتي
تقر بلي يمكن اني جنت مشتاقتله اكثر وهو حس بيه وطار انجن . بيه .وبينت لهفته بوساته ولمساته الي تبعد كل الحواجز بينه حتى نكون جسد واحد جان مثل العطشان الي مايرتوي ابد يبعد ويرجع يشرب من جديد . واني ممنعته . ولابينتله تعبي والمي . تركته يكتفي ويبتعد .. بس هو بقه الى ان اندك الباب جاوب بغضب وصياح ..منوووووو
بابا خطار بيبي تكول تعال بسرعه
جاي .يله .
شاهين .. رجعت مالي خلك اي شي حتى رغبه بيمامه ماالي من القهر رغم شكد اشتاقيتلها هناك بس الصار لعب نفسي .
بس من اجت وتصرفها وياي بحنيه وهدؤ خلاني اتخبل عليها نمت من القهر والتعب كعدت الصبح وصفنت بملامحها . رغم صفاتها كلش طبيعيه بس اني اشوفها ملكة جمال واغار عليها .. انوب نايمه ذابه الغطا والثوب اسود ومرفوع فضيحه هاي البنيه بالنوم . هههه كل المضموم طالع . بوستها ماتحملت . وبدال ماغطيها .. رفعت ملابسها بالزايد فزت وختلت بحضني ضحكتني .كلش حركتها وثارتني .. تقربتلها . بحب ولهفه وشوق لهفتها . خلتني ارغبها اكثر
عمر تقى محسستني هي راغبه قربي عبالك واجب مفروض عليها تفذه وتبتعد .. يمامه رغم قلة معرفتها بس حركاتها واتصرفاتها كانت نابعه عن فطره وحب . واشتيااق . .
اندك الباب يله وخرت ومضطر اطلع . .بستها ورحت للحمام ..لحكتني بلملابس . خذتهن وجريتها وياي جوه الدوش .
يمامه ... شهكت ..من المي ..
تعاي غسلي وياي
مجبتلي ملابس . عفيه اريد اطلع خلص واغسل
شاهين ..دتعاي ..اني اغسلج . شهكت من جريت ثوبها منها
و . غسلتلها عجبني امشي ايدي عليها واتلمس نعومة جسمها . بس هي كلش خجلانه عبالك مجانت للصبح بحضني وتبادلني .المشاعر
لبست وهي لفت نفسها بمنشفتي .. باوعتلها تشم بيها
شتشمين ..بيها ريحه شنو
يمامه . احب ريحتك .
هههه ديله تعاي بدلي
لبست تراك جانت مجهزته على الجربايه وطلعت
يمامه .جرائته تربكني بس احبها طلع لبست ثوب اسود وشال وطلعت .سمعت اصوات عاليه .
زينه كاعده .كتلها شكوو
كالت نهاد وتقى الله ماخلصنه منهن
اسمع شاهين صوته كلش عله
زينه ..تبجي .يمه اخويه راح ينجلط الله لايوفقجن .كح....
طبت لمياء تركض ها ولج شكوو
زينه... .اهل نهاد اجو . وتقى اهله مكطعينها وهسه بلمستشفى . وجايين يردونه يروح يرجعها . واهل نهاد مرجعينها ويتعذرون
لمياء ..تباوعلي ..هلا حبيبتي يمامه ماشفتج
هلا بيج ام سيف . معذوره
طلع شاهين ويا .مؤيد ..وجعفر
يجاجونه .. كافي ياخويه رجعها وخليها مثل الجلب فوك بالمخزن . لخاطر البطنها
يماااااامه .تعاي اطيني اوراقي بكنتوري بجنطه سوده انعل ابو هاي العيشه الزفره .
اطيته الجنطه .. ودايخه شبيهم
كال حضريلي هدومي اتحركي لاتتصفنين
((غدير وسام ))***
صار .. طلعت ملابسه . لبسهن
وطلع .. صاح على جعفر كله من وراها اذا رجعت تقى دقيقه متبقه . بالبيت
طلعو كلهم ويا واني مثل الاطرش بلزفه . اريد بس افتهم شكو .
الجو متوتر خواته كلهن اجن والبيت انترس اني وزينه بس نشتغل خلصت العشه والجهال والبنات اكلوو بس ام شاهين .وزينه ماكلن واني هم ماشتهي رغم من البارحه ماحاطه شي بحلكي . اجه شاهين ويا وحده وياها اثنين نسوان وحده تشبه خاله وبنيه صغيره وياهن وحده مبينه مريضه وحامل سلمن و فاتن لغرفة امي ..وهو راح للغرفه .مالتنه لحكته . لكيته كاعد وراسه بين ايدي .
حضرنله الحمام .. ونزعته حذائه . خله ايده على راسي .
كال . عوفيها بابا اني انزعها نزعها شلتها و شطفت الجواريب وشريتهم . رجعت لكيته بلحمام .
طلعن سويتله عشه وجبته للغرفه . طلع .كال شيلي .
متاكل
لا .شيلي وسويلي جاي
خذته وسويتلي لفه عبالي اكل ويا بس ماقبل يتعشه و من فار الجاي صبيت الي واله ورحت للغرفه .شاف اللفه بالصينيه عباله اله
انتي ثوله .مو اكلج ماريد .
ها .ااا
وجعا . شيليها .
اليه مو اللك اخذتها وطلعت رجعتها للثلاجه ظل شويه ولحكني ... جيبيها وتعاي اكلي وسويلي وحده وتعاي
اخذتها اله لفتي . وكعدت
متاكلين
اكلت .
شوكت ؟؟ لاتعاندين مالي خلك جيبي اكلج وتعاي
رحت .ورا .
كعدي هنا .
مسئلتيني منو هاي الاجت وياي وشنو الي كاعد يصيرر
يمامه ..منوو
هاي ام البنات .. زوجتي تقى
يمامه .. ماستوعبت .الكاله . باوعتله
مو كلت ميته
فعلا هي ميته بلنسبه اليه . ولذلك كتلج ماتت اني طلكتها من فتره .بس طلعت حامل . ورجعتها هسه رجعت صح بس ماتغير شي .انتي ام البيت بعد امي . زين
يمامه .. سكتت . وبقيت بس اباوع عليه .ماعرف بهيج موقف شنو الحجي الينحجي صح من تزوجته جنت ادري بي مزوج بس من اجيت هو جان الي لوحدي هسه فجاة طلعتله زوجه وموجوده ..وهي ام بناته .وحامل اكيد اني شما اكون راح اضل غريبه .
لاتباوعين هيج ولاتصفنين انتي زوجتي مو هي
شاهين .. بس طلعت لكيت اهل نهاد جايبينها يتعذرون ويحلفون الحجي ماطالع من بيتهم .. وراها بشويه اجو خوالي .. يتوسطون علمود تقى .الحجي منتشر واخوانها منتظرينها تجيب ويكتلونها .. الكل ضغط عليه واستخدمو بناتي وسمعتهم ورقه ضدي .وافقت ارجعها بس كتلهم مااشوف خلقتها رحت لابوها واخوانها تفاهمت وياهم . وهما هم ماصدكو رجعتها عبالي ارجع اعقد عليها كالو مواقع طلاكك لان حامل . رجعتها اجن امها ومرت اخوها وياي لان متخربطه حسب حجيهم اني وجها ماباوعت بي .ولاطايقها اصلا . فاتت لغرفة امي . واني رحت لغرفتي
اجت يمامه .. النسمه البارده بعز الصيف الي تهب وترد الروح . بس شوفتها كفيل ارتاح وانسه همي .
قررت احجيلها عن تقى وافهمها رجعتها لان ادري بيها ممفتهمه
صدمتها بينت بملامحها
اجت كعدت يمي .. شاهين . طلكتها بسببي
لا .مالج اي علاقه لامن قريب ولامن بعيد بالطلاك
اكيد ...الله عليك .
والله وداعت امي وبناتي
خلص الجاي اللفه ماطخها شلتهن بالمطبخ شفتها راحت للحمام .بطنها مبينه . وهي حلوة وبيضه . شعرها قصير كلش وسرح مرتبه كشكل .بس تعبانه . انتبهت .شهريتي من تقربلي شاهين مانزلت .. حسبت فايته هواي معقوله .حامل لان هي منتظمه . لاتتقدم ولاتتاخر .
فتت على الروزنامه معلكه تاكدت من التاريخ والله هواي فايته .
شاهين متمدد ويدخن . فتحت الشباج . وكعدت . جرني وشال راسي
يباوع بعيوني ..
شبيج
دنكت ..اكله اني ماعندي غيره . بلبيت . احجيله . واخاف من ردة فعل البقيه برجعة زوجته يجوز يتغيرون .
كتله .. واني ميته خجل .. الشهريه
شبيها .نزلت
ماكوو صار هواي
شاهين .. مفتهمت . شنو حامل .
مادري اني ماعرف .
ضحكت وحضنتها .. باجر اشوف شسويلج .
هذا الخبر شال نص ضوجتي والله
باوعتلهاشتحسين .انتي
مااحس شي ولا متغير عندي شي
لعد شون عرفتي ؟؟؟؟
انتبهت متاخره بس . يجوز ماكو حمل بس اني استحي احجي .لاحد بس الك كلت
كرص خشمي .عفيه بنيتي اريدج متخجلين مني اي شي يصير تكولينه اليه قبل الكل سئلتها
ذني بقن لو راحن
الي اجو ويا زوجتك .
اي الاجن ويا نعالي
راحن بسرعه . تمدد وجرني خله ايده على بطني . وليدي هنا هسه
ههههه مادري . انداريت صار ضهري بصدره وايده حاضن بيها بطني . باس ركبتي نامي ..
شاهين رغم . حبيت اتقرب منها بس تذكرت . تقى من جانت تحمل الدكتوره تمنعني منها بلاشهر الاولى . ابتعدت . ودعيت
((غدير وسام ))***
.دعيت صدك حامل . احساسي يختلف
خايف فرحان .. الفجر كعدت لكيتها خاتله جواي من البرد الشباج باقي مفتوح والغرفه ثلج كعدتها
يمامتي كومي . . خليني اتحرك اسد الشباج
يمامه . . اني راح اتوضه واسده
صليت .. ورجعت نمت .
شاهين . شو مسديتي
ههه نسيت
كمت جرني رجعي لاتظلين تكمزين اني اسده
ضحكت ..
ها شبيج
جعت .ههههه .
لا والله
والله جوعانه . كمت فتحت الثلاجه مالتي طلعت كيكه وعصير ..
هو يترسها اليه ويا بناته . شيجيبلهن يجيبلي ..
شاهين ..يمامتي ..من تشتهين شي كولي
يمامه ذكرتني باابويه شون جنت اتشرط عليه خطيه ورغم هو ماعنده يجيبلي
بله شجنتي تتشرطين .
خطيه بليل اكله اريد فلان شي وهو ميقصر يكلي من تطلبين الله يرزقني
اني هم ماقصر ان شاء الله
تدرين .ولاحسيت عنده بنيه .مرات جنت اشوف يمه شغلات .اسئله يكول نسوهن يمي قراريص صبغ
اي هاي اني اكله اريد
وهاي التتشرطين بيهن هههه عبالي مدري شتطلب
بالنسبه لوضعه وشغله يمكن جنت احمله فوك طاقته خصوصا من جابلي المكينه
شاهين... الله يرحمه
اريد اروحله .اشتاقيتله
الله كريم اوديج .
تلفونه وتلفوني يمك
اي يمي شسوين بيهن . ماحب تلزمين تلفون ابد من تردين شي خابري من امي لو زينه
سكتت . اشو انكلب فجاة دار وجهة واطاني ضهره
يمامه ..شاهين ..
كافي ..اريد انطمر
عفته . وتمددت .غفيت كعدت على هوسة البيت
شاهين نايم . غسلت وطلعت متردده . بلمطبخ امي وزينه صبحت عليهم
صباح النور .. شلونه شاهين
زين يمه نايم بعده كالتلي .
من يكعد سويله ريوك ودي للغرفه .لاتخلينه يطلع وكعدي يمه
وئام ..بابا مادعد اريد فلوس استري ركضت للغرفه لزمتها
تعاي لاتكعدي تعبان خطيه اني اطيج حلويات شتردين
اريد تيته وتبس وببسي
كتلها ببسي من الصبح مو زين .عليج تريكي واشربي حليب احسن .
ماا اليد ببسي .
لا ميصير تتمرضين ويضربوج ابره .
ابقي هنا اجيبلج حليب . واجي .. طلعتلها من غرفة امي
تريكت .واني ماكلت .ادري بامي من يجي شاهين تكلي انتظري .
كعد شاهين . صبح عليهم وكعد .وجهة معكود وضايج .
يمامه ..بابا تتريك .
شاهين . اي سويلي بيض بالبصل والبصل . لاتخلي يستوي زايد
صار
وئام خذت فلوس منه وراحت . اشترت . جابت ببسي بارد واني روحي لابت عليه
كتلها اطيني ..شويه ...استغربت نفسي حتى مو كلش احبه .
مو دلتلي مودين عليه ليس تلدين منه
شاهين . ضحك ..ههههه تعاي بابا .. جيبيلها واحد .ركض ....ركض .زين
عضيت شفتي بخجل . مادري شبيه بس بودي اطلع انتظرها بالشارع .
جابته صكيت عليه
امي كالت .يااااا شبيج .
شاهين شاورها ضحكت
كامت .شكد فايتتلج .
مادري يمه .
خير ... خيرر . طلع شاهين شويه ورجع جايبلي اختبار منزلي .بس ماعرفله اشوفهن بلمسلسلات يسون بي . بس ماعرف
شاهين اني هم ماعرف
باوعت طريقة الاستعمال وسويته طلع خطين
طلعت كتله خطين
امي هلهلت .. زينه اجت شكووو
يمامه حامل
مبروك شاهينوو دومك سريع الاشتعال مبروك يمامه
امي اصدرت اوامر ماكو شغل بعد .
وشاهين .كال اخذج للدكتوره العصر تشوف وضعج
العصر اخذني . اني وامي
كلتله لنفسها الدكتوره نروح
شاهين ..لا . اتشائم منها هاي . لمياء وصفتلي وحده
وصلنه حجزلي وكعدنه ننتظر
شاهين ..كومي اسويلج تحليل بين ما يجي سراج .
رحنا للمختبر طلب تحليل حمل .ودفع فلوس يسحبون مني دم ردت اتخربط .. وجهي صوفر وكعت على جتفه
صدك تحجين يمامه .
اخاف والله.... اول مره اشوف هيج شي .
باوعتلي البنيه .. كالت يله .ايدج
ميصير غير الدم
كالت ادار بس يتاخر مو مثل الدم سريع . بس حسبي حسابج اذا حامل هم تطلب منج .تحاليل كامله
شاهين ..انتي تعرفين شنو الي راح تطلبه . سوي لان سوينه الها تيست منزلي وطلع ايجابي
كلتله تمام . بس هي غير تساعدنا
باوعتله .بتوسل ورمشت عيوني ضحك . ودنك .شاورني دخيلج لاتباعيلي هيج . جر ايدي واطاها للمحلله . سحبت دم لو سحبت روحي . فقدت راسا وغوشت الدنيا بعيني
شاهين كلش جبانه . ضحكت عليها بس من فقدت بايدي دخت . غسلتلها . وكوه صحت. جبتلها عصير .
هاي سحبو منج شويه هيج الي يشوفج يكول تبرعت بطل دم
عضيت شفتي . مستحيه .
لاتعضينها خرب غيرتج مو ارجعج على البوشيه .
صاحو اسمي قبل التحاليل شاهين كال فوتي واجيبهن وراج
فتت .. يمها حجيتلها صعدتني سونر .اجت السكرتيره كالت هاي تحاليل زوجها جابهن . كتلها سوينه تحاليل بمكان الانتظار
الدكتوره ..زين سويتي .عاشت ايدج
اكو كيس حمل . بدايته مبروووك .. يتبع ..
صباح الورد ..جمعه مباركه عليكم .. اللهم احفظ لعراق واهلة
تاخرت عليكم لكن مو مني الصوج النت نهائي ميفتح لا البيج
ولاالكروبات ولا والوات . شكد حاولت بس يفشل النشر
واكيد الكل شاف بعينه النت كلش ضعف اليوم .
اهل الناصريه برد وسلام
اهل النجف وكربلاء الله يحفظكم جميعا
اللهم ارحم جميع الشهداء وشافي الجرحى واحفظ العراق