#على جرف الذكريات
بقلم زهراء أمجد
الحلقه ٢٩
صوتووو
ضمتني لصدرها وگالت والله هو الخسران ميستاهل وحدة ذهب مثلج والله عمره خسارة من بدلج بلجين
بجيت وگتلها يمة شلون راح اكمل هيج ماما تعبت اتعلق بشخص ولنص الطريق ويتركني تعبت كل فترة فاقدة عزيز ع گلبي شنو يعني الدنيا مناوية تنصفني
لا ماماتي ميصير تگولين هيج انتي هسة المفروض تحمدين الله ع كل شي واكيد هذه القسمة مابيها خير وربج بعدها عنج وان شاء الله تجيج الأحسن
ابد بعد ماافكر بالزواج وبطاري وانتو هم بعد لاتذكرون شي اسمه زواج گدامي
زوزو ماما ليش متقبلين بقصي يمة شناقصه اشو يموت ع التراب الي تمشين عليه
تعدلت وگتلها يمةةة ماريد بعد مااريد اي احد بعدين كلشي ديصير بيه بسبب قصي هو السبب هووو
اششش دسكتي سكتي تخبلتي انتي الولد شدخله بهذا الحجي دگ جهازها قصي ردت عليه واسمعه من يحجي گاللها ها عمتي شلونها بعدها مقهورة وضايجة گالتله لا ماما هسة احسن تنهد وگاللها عليج بداعت الغوالي عمتي خلي بالج عليها ادري بيها من تنقهر بسرعه تتمرض لاتخليها تبجي هوااي
گالتله لايضل بالك يوم اني يمها
سحبت الجهاز من ايدها وگتله عود انت ضايج ومقهور ع حالتي ع منو تضحك قصي ادري بيك انت اول الشامتين بيه ماكو داعي تمثل دور المقهور وزعلان ع حالتي
لاتمسلتين خليني ساكت منج ادري بيج ضايجة ومقهورة لهذا راح اعديها الج يولي اني مو عار حتى اگعد اتونس بقهرج ودموعج اني دمعه منج تحرگ عشيرتي كلها
هاي منو يحجي معرفتك انت نفسك قصي الي حجيت وياي بيوم خطبتي
بعصبية انتي شبيج شنو دماغج مبرمج ع كلامي بذاك اليوم الأسود سدي السالفة لاتخليني هسة انزل بيج فد نزلة مااخلي لاعم ولا خال يسلم مني
شمرت الجهاز ع عمتي وگعدت ابجي باوعتلي عمتي وگالتله
عوفك منها تولي مخبلة هذه
لاتحجين عليه گدامه يمةةةةة
ضحكت وگالت سكتت سكتت بس لتعيطين هسة بلعومج يلتهب
اصعب فترة مرت عليه من يجي الليل روحي تطلع گد الخنگة واحس بس واحد يگولي كلمه ابجي رغم هيج لاعمتي تركتني ولا سيف سيف كل يوم جايبلي شغله احبها
يوم دبدوب احمر جبير ويوم ايس كريم من احسن محل مرطبات يمنه ويوم اخذني للسندباد وكلش مهتم بيه مثل الطفل المفطوم ويردون ينسوه
عمتي خابرت قصي اجه وگالت اله هسة تگومون نروح للزوراء وهم سحلوني ورحنا للزوراء گضينا العصرية والمغربية هناك ورجعنا ساعه 8:00 الطلعه كلها اني مشاركت بشي نور مخلت لعبة بالزوراء مصعدتها
وسيف وياها يخاف عليها اما اني ضليت گاعدة ع المصطبة وجهازي بأيدي اگلب صور او ادخل للواتباد واطلع بعدها عمتي گالت
تعالي ناخذ صورة اني وياج
ماما مااريد سحبتني لحضنها وانطت جهازها لقصي صورنا بعدها
روحي وية قصي جيبيلنا موطة وتعالي باوعتلها ماادري ليش حسيت بدت رحمة الله وية عمتي وقصي ومبين مراح يعوفوني بحالي هلمرة الة وقصي محقق الي بباله
گمت وية قصي يمشي وايدة بجيبة
شلونج هسة
زينه شبية مابية شي انتو مكبرين الموضوع باوعلي وابتسم وگال
كلشش مبين احنه الي مكبرين الموضوع
شقصدگ
ليش عازلة نفسج من الكل يعني هذا حل برأييج حتى تنسي انتي حتى. ولا لعبه صعدتي من اجينه لهسة بس گاعدة وعود هي الطلعه ع حسابج
ترة اني مو لان حزينه مصعدت العاب لو عبالك مقهورة وضاربة ركن اني اصلا اخاف اصعد العاب وگف وباوعلي
شنووو وكف يم الولد وطلب موطة اخذنا ورجعنا نمشي
ولج صدگ تحجين لو تشاقين
ع شنو
تخافين تصعدين العاب
لا والله احجي صدگ مااتشاقة
بصوت شبه عالي خرب بروحج ومتحجين ؟
وشخصك حتى بهذه هم ناوي تدخل
ولج بنت الكلب جايبج للزوراء ع حسابي وبالتالي انتي تخافين تصعدين العاب هو گال هيج واني صدگ ضحكت وصلنا وانطيت موطة عمتي گالت
واخير ربي دوم الضحكة متفارگ وجهج گتلها تسلمين بعدين گتله
وانت مخبل اكو واحد يدفع كل هذا بدون ميسأل بعدين ليش خابص نفسك زوراء وكذا علمودي معقولة؟ مااصدگ!
وليش حتى متصدگين
ماادري بس مدخلت مخي ابدااا اكلنا الموطة وبعد شوية اجة سيف ونور بيدهم حب گعد سيف بصفي
خرب بروحج نور لعبتي روحي مثل القرد تنطنط من لعبه للعبة
خليها تتونس هي كم مرة بالعمر طالعه باوعلي وگال
بس احنه جايين ع حسابج مو ع حساب هذه القردة ابتسمت وگتله ماكو فرق بينا اني اخاف اصعد العاب خليها هي تلعب
طاح حضج اكو وحدة بخبالج انتي
لا ماكو بعدها نور دگت رجل اله تصعد بعد لعبه قبل لانروح اخذها سيف وراحو وقصي كال
خلي اجيبلكم لفات تتعشون قبل لا نطلع
ماله داعي كافي انقطيت اليوم هواي هو واكف واني رافعه راسي واحجي وياه
كل فلوسي فدوة لعيونج الحلوة حبيبي
خزرته ونزلت راسي وهو ضحك ومشة مسافه عنه گالت عمتي ولج يمة والله لو الله يهديج وين تلگين مثله ذهب صافي
يمه متسكتين فدوة لعينج كرهت الزلم وساعتهم ترة بعد لاتفتحون وياي هيج موضوع منا لما اخلص دراسه خليني عاقلة لاتخبلوني سكتنا والجو مكهرب اجه قصي جاب العشا تعشينا ورجعنا دخلت للبيت متفصخة صعدت بوجهي سبحت ونمت گعدت يوم ثاني
ماكو عمتي يمي نزلت جوة هم ماكو سيف بالشغل وامي راجعه نايمة صعدت اخذت جهازي اتصلت عليها بأول رنه ردت
ها حبيبتي صباح الخير
صباح الخير ماما وينج؟
ماما بالطريق راجعه لبيتنا
ليششش؟ اشو مگلتي البارحة ارجع
ماماتي حبيبتي غير رجلي بالبيت ميريدلة اكله سبحه غسل هدوم ياامي اشوفه شمحتاج ويومين واخلي قصي يجيبني والله
عفية لاتطولين والله ضوجة هنا قصي حجة لاتزعلين يومين وتلگيها يمج وعد سكتت محجيت گالت عمتي يلله ماماتي لاتخلين بالي عليج اكلي زين وارجعي زهورتي القديمة بنيتي الي ميهما احد واني ان شاء الله مااطول عليج
ان شاء الله سديته وباوعت للجهاز من يوم ما انفصلنا اني ومصطفى حور لا اتصال ولا مسج ولاحتى فكرت هي او وحدة من البنات يطمأنون عني شمرت الجهاز ع الجرباية وتمددت بمكاني
مر عليه اسبوع بلگوة امشي واكل واشرب
مالي خلگ حتى النفس بس لخاطر سيف اباوعلة يطب ويطلع عيونه عليه يباوعلي بقهر وينافخ ويستغفر حاولت قدر الأمكان امثل عليهم اني قوية وعادي نسيت الي صار كله وحسبتها فترة وعدت بس من يجي الليل وكلمن يروح لغرفته ينام اني هنا تبدي مواجعي كلها تستعيد نشاطها ابدي ابجي بدون سابق انذار
واني اتذكر بفلان ساعه اتصل عليه ونگعد نسولف وبفلان يوم وبهيج تاريخ جنت يمهم وصار ويانه هيج موقف بهيج مناسبة جان موجود وياي المصيبة جهازي مليان بصورة بكل مناسبة او كل روحة اروحلهم نگعد ناخذ صور
كل موقف نمر بي نوثقة بصورة افتح الصور واضل ابجي احس نفسي ضايعه بدونه سؤال واحد بقيت ادورله ع جواب هو ليش قصي صار سنين يرگض وراي معبرته ولا حبيته ولا تحركت مشاعري تجاهة وليش مصطفى بكل حركة منه اتعلق بي واحبه اضعاف بكل يوم احس حبي وتعلقي بي يزيد اكثر عن القبله
بأخر ايام تعبت مگابلة الصور وابجي لزمت الصور كلها نسختهن برام وطلعته من الجهاز حطيته وية صندوگ الذكريات الي جامعه بي كل هداية حسام وقفلت الصندوگ ورجعت المفتاح لمكانه كان مكانه اقرب من روحي الي گنت مخليته بسنسله ولابستها اليوم الي انزع بي السنسله وانساها من مااحس ببرودة المفتاح تلامس مكان گلبي روحي تنعصر
واركض اشوف وين نزعتها وارجع البسها قفلت ع ذكرياتي وية مصطفى بليل وقررت من هذه الليلة ارجع مثل قبل ومااسمح لأي ذكرى من ذكرياته او اسمح لطاري يخليني اضعف مسحت دموعي
وگمت دخلت بفراشي ونمت گعدت الصبح متكسرة گمت سبحت وبدلت ملابسي اباوع ع شكلي بالمراية وجهي صاير اصفر وضعفانه حيل مديت ايدي ع قلم الكحل بتردد بعدها سحبته وكحلت عيوني وخليت مرطب لوجهي وحمرة خفيفة شمرت الشال ع راسي شمر وتوجهت للدرج داانزل سمعت صوت عمتي
نزلت بقوة ع الدرج واني اگوللها بصوت عالي واخيراااا ماماتي انتي هنااا ركضت. للصالة وهي تضحك عليه
ولج لاتوگعين حضنتها كل قوتي وابوس بيها گتلها مشتاقتلج كووومة
واني اكثر يعمري
منو جابج اشو وحدج
قصي جابني من الصبح احنه هنا وهسة طلع يريد يشوف صديقة واگفله ع الشارع ضليت گاعدة وياها اسولف وامي هم گاعدة ويمها مرتضى الي بهذه الفترة هم لاحة شوية من خبالي واهمالي شافني بحضن عمتي اجة يمشي ويضحك ويسويلي عمه عمه ويأشر ع عمتي ضحكت وشلته بوسته وگتله لك كلب شتاقتيت لسوالفك وضحكاتك
والعب بي وهو يكركر ضحك تالي امي گالت
ولج كافي تخضين بي توه متريك لايزوع الريوگات نزلته وصار گبالي خيال بلحايط التفتت اباوع وراي شفت قصي واكف يباوعلنه ومبتسم شافني عدل وگفته وسوة احمممم السلام عليكم
ردينا السلام وگعد
شلونج زوزه
تمام الحمدلله نزلت نور وبعيونها النعس گالت
ولجج طرگاعة زهراء
گتلهم ياستار شكو شبيها ههههههه گتلهاا هااا
وجعاا جهازج من عساه بلحرگ ولا سكت تعالي اخذي رحت اخذته منها واضحك ع شكلها شلون مكفشة وبلگوة واكفه جنها واحد سكران
صعدت واني باوعت لجهازي حور بعد وكت زين من هسة متذكرتني رفعت راسي ع صوت عمتي
هاا خير اشو عفسنا الوجه منو يتصل
ماكو شي حور ومراح اجاوب
امشي اكليلج لگمة حتى اني وياج نوگف نسوي الغدة ها شتگولين
يلله اوكي رحت اكلت شي خفيف اني وواكفة صمونه وبيها شريحة جبن وياها عصير خلصت وگتلها يلله ماماتي كملت اكلي وگفنه نطبخ اني وياها وهذا اول يوم من بعد الي صار احس رجعت طبيعية واضحك واسولف مثل العالم نوعا ما حسيت ببعض الراحة لكن مستحيل تدوملي الضحكة دائما لازم اكو شي يخرب علية راحتي اجة مرتضى وبأيدة جهازي ويحجي ممفهوم ماما الووو اه باوعت جهازي يدگ حوري تتصل اخذت ماي ومشيت للصالة اني وعمتي گعدت عمتي بصف قصي كان ديسولف هو وامي واني واكفة بيدي گلاص الماي دااشرب
فتحت الخط ووصلني صوت حور گتلها هلا حور شلونج
موزينه مشتاقتلج موووت
اي واضح اشوفج اتصلتي وسألتي ومتركتيني بأوقاتي الصعبه الي مرت
اسفة والله بس مگدرت اتصل بيا عين اتصل واسأل وسبب وجعج اخوي
من الأول احنه متفقين اخوي واخوج ميخربون علاقتنا علاقتنا بعيدة كل البعد عن انه اني مرت اخوج وانتي حبيبة اخوي صح لو لا
اي صح بس حسيتها صعبه زوزه اني متأذية عليج حيل
ماكو داعي حبي اني بأحسن حال الحمدلله عايشة وأقوة من قبل مهزني فراگ اخوج
زوزو اريد اگولج شي مااريد اضم عليج
گولي اسمعج
زوزه اليوم المهر مال مصطفى
هنا احس واحد وضربني ع راسي رجفت ايدي ووگع الگلاص من ايدي وكمزو امي وعمتي وقصي گتلها بهمس شنووو بجت وگالت
ادري بيج بعدج تحبي والله ميستاهلج ولا يستاهل حبج بس اني مردت اضم عنج هيج شي
مهم احس دگات گلبي صارت مسموعه صار يدگ كل مابي من قوة اختنگت وصرت اشهگ اريد بس اخذ نفس اخذت عمتي مني الجهاز وسدته وامي سحبتني للتخم گعدتني وجابلتي ماي رادت تشربني دفعت ايدها وگتلها مااريد قصي واگف گبالي ومتخصر يريد يفهم شنو صار اوضاعي كلها تخربطت والقوة الي جنت ادعي بيها كلها تبخرت وطارت كلشي بية يرجف حتى صوتي امي
لج ماما بس فهميني شبيج شگالتلج حور هااا خالتج بيها شي لو البنات هزيت راسي لاا
لعد شنو الي صار باوعت بعيونها والدموع بعيني عمتي گالت
ماماتي حبيبتي گولي شنو شسمعتي سحبت نفس وگوة طلعت الكلمة مني گتلها
يمة اليوم مهر مصطفى
شهگت امي وضربت ع صدرها صخام الصخمك شبسرعه بهذه اللحظة دخل سيف مثل الأعصار فتح الباب ودخل توجه عليه سحبني من زندي من بينهم
اذا شفت بعينج دمعه عليه بعد احرگج افتهمتي لو لااااااا باوعت بعيونه ودموعي نزلت
ولج سواها الكلب سواااهاااا ودفر الطبلة كسرها ويحجي بعصبية حتى منتضر تمر فترة ع انفصالكم شگد نذل متوقعته هيج ابدددد سيف يحجي بعصبية وحرگة ويعيط عبر عن حرگة گلبة وغضبه بالعياط والتكسر بس اني شلون احس الخبر صار يحز بروحي اريد شي يطفي نار گلبي بس مدااعرف
شلون وشأسوي گعدت ع القنفة وكلهم فوگ راسي وكلهم نفس الكلام انسي وميستاهلج وانتي غبية اذا ضليتي تبجين عليه وتضيعين وكتج دموع وقهر وهو هناك متونس وعايش حياته طبيعي ضلو يكررون كلمة انسي انسي زايدة منج تفكرين بي
اصلا بعد اليوم عطت بيهم عوفوني عوفوني بس فگو عنيييييي سحبت الشال من يم رگبتي وافرگ بصدري حيل سيف گعد
زوزه شبيج واني مستمرة افرگ برگبتي وصدري احس النفس نقطع عني وبس النار بصدري اصواتهم صارت بعيدة وقريبة بنفس الوقت ماادري مادري شنو احس بذاك الوقت بس الي اعرفه حسيت بالضياع والندم تندمت حيل بس مااعرف ع شنو ع موافقتي اله من تقدملي لو ع موافقتي بالطلاك واني الي قدمته الها ع طبق من ذهب رفع راسي سيف بأيدة
شنو شبيج شو حاجيني كافي شوفي رگبتج صارت حمرة من الفرگ صارت عيني ع قصي نضارته الي جانت قهر حسرة عتب مااعرف شنو بالضبط لزم ايدي سيف
تسمعيني من احاجيج هاا زوزه عفية بديت اخاف شبيج
گتله بهمس اريد اريد اشرد من كلشي مااريد ابقة هنا اريد انسى كل الي صار تعبت اني بعد طاقتي متتحمل اكثر من هيج بأصعب اوقاتي وصار بين عيني خالي اياد
سيف محتاجة خالي اريد اياد محتاجة ارجع طفلةةة صرخت طفلةةة محتاجة ايادد بس اياد اريد ايااااد بجيت بكل قوتي وهلمرة اريد ابجي وافرغ كل قهري وبعدها اگوم وارجع اقوة من قبل ضمني لصدرة سيف واني لزمت ايدية الي ضام بيهن راسي وابجي وامي تبجي وياي وتگول
اوووف يحظج يايمة العين ملوحگتج وين مترحين بعد نوبة بجي طويلة صفنت هسة احس گلبي فاااااارغ وبي وجع قوي الوجع البي يذبحححح شگد ماا اوصفه مينوصف بعدت راسي من صدر سيف
ومسحت دموعي انتبهت الكل گاعد ويراقبني حتى نور شوكت نزلت مااعرف گمت من مكاني والكل گمز قصي گال
وين رايحة
اندرت عليهم بأبتسامة وگتلهم لاتخافون مابية شي رحت للحمام غسلت وبعدها اخذت جهازي وصعدت لگيت حور متصله 3 مرات فتحت الماسنجر شفتها متصله گعدت اراسلها وتحجيلي عن اوضاع البيت المشحونه وعن الهوسة الي همة بيها لأن مهر اخوها مصارلة ساعات من منتهي سديته منها وباوعت للساعه كانت بـ 6:00 نزلت مرة ثانية جوة شفتهم بعدهم ع گعدتهم وصافنين گتلهم شأسوي عشااا كلها باوعتلي بأستغراب وسيف
هااا
شبيك شأسوي عشاا ترة جوعانه لان ممتغدية
لاتسوين اني راح اجيب من برة شتردين شنو عاجبج تاكلين
امممم جيبلي زنجر حباب
من عيوني رحت گعدت بين امي وعمتي وميلت نفسي ع عمتي گتلها ماماتي ابقي اليوم يمي
لا ماما قصي يريد يرجع عنده شغل باوعت لقصي وگتله قصي حباب
ابتسم وگال هذا هو ع امرج تردين نبات نبات ابتسمتله وگتله شكرااا نور كالت
اگوووول
گووووولي بس رجاءا بدون متمطين بالحجي لأن تنرفزيني
ضحكن امي وعمتي وهي شمرت عليه الكوشة وگالت امدااج اي والله
گولي شتردين
لا هيج بس مو جن صايرة لطيفة وية قصي هاي الأيام ماكو مناگر بينكم
لا هو صاير حباب وميضوجني بكلامه لهذا اني وياه حبابة وممتناگرين
ابتسم قصي وگال اذا هيج لعد من هسة اني بعد مااضوجج بكلامي ابد ولا ازعلج
واني هم مااطول لساني وياك واراددك اذا انت متضوجني سمعنه صوت سيف
صاح واخيرااا اتفقو توم وجيري على مانص عليه ضحكنا وگتلهم هاي شنو هيج المناگر بيني وبين قصي شاغلكم وماخذ مأخذ من تفكريكم قصي گال
غير هم ميحجون
اهووو ترة اكره هاي الجملة وين مااروح تطلع بوجهي
امي اي يمة غير سوالف جيل هلوكت جيل اللواگة هههههه گامت نور فتحت الطبلات گدامنه ووزعت القواطي عليهن وسيف وزع لكل واحد لفته وگعدنا نتعشا رغم الضحك والجو الي خلقته بتصرفاتي وياهم لكني من الداخل نار مشتعلة متقبل تنطفي
وانتها يومي برسائل من صفحة لجين بالماسنجر كاتبة
هلووو مناوية تباركيلي ع الخطبة ودازة صورها هي ومصطفى گتلها هلاوات لا حبي اكيد شلون يصير مااباركلج لا حبي شلون مااباركلج الف الف الف الف مبروك ولايگلج ولايگتله
ليش احس بيج تحجين بقهر وحرگة گلب
لاحبي غلطانه اصلا بكل برود دااحجي
معقولة يعني تقنعيني هسة انتي ممقهورة ابد
لا منو گلج ممقهورة اصلا ميته قهر ع الأيام الي ضيعها حسام بحبج لأن هيج انسانه قذرة متستاهل حب حسام ابداا
احترمي نفسج رجاءا
حبي اني محترمة نفسي متجاوزت بشي
فعلا انتي انسانه بلا اخلاق
حبي هاي بعد اني اتعامل وية الناس بأشكالها وافعالها واخلاقها ماامشي بالمقولة الي تگول عامل الناس بأخلاقك لأن صارت متنفع حاليا المقولة الي عندي تگول عامل الناس بأخلاقهم صارت تغلط وتتجاوز بالكلام واني اضحك بسهولة گدرت استفزها
يلله حبي لازم اروح ضيعت هواي من وقتي وياج باااي انطيتها حضر وطلعت منها
*
*
*
*
*
يتتتتتتبع
تحياتي زهراء أمجد