#لعبة_الحياة
.
.
.
الحلقة الثالثة والعشرون
.
.
.
ربيع رد برم وبحت فيها
سارة>> خليك ما تسافرش
عطيني فرصة نعرف انا شن نبي
بس خليني نقعد بروحي وما ترنش عليا ولا تجيني
بنعرف انا شن نبي بس وبعدها حانرن ونقولك بس
اجل سفرتك شويه
ربيع>> اسبوع بس
بعد الاسبوع ح نكون فالمطار
طلع ربيع و سارة قعدت متشتته
.
.
.
طلعت انا وايه للمحلات شالتنا عميمه زهرة
ومشينا للمول فيه محلات فيهن ملابس حوش حلوات ودايرين تخفيضات هذي اهم حاجه 😂
خشيت للمحل و قعدت نبحت فالبجامات
وعميمه زهرة ركبت فوق قعمزت
ايه>> تو شن مالك ومال البجامات تي بحتي فالجنب الاخر
انا>> تي بطلي النبي ساد عز🙊😂
ايه>> وانتي ناوية تلبسيله بجامات طول اليوم؟ وحاجات عبيطه ومرسوم عليهن رسمات مراهقات ؟
انا >> نحبهن نتريح فيهن 😭
ونحن نتناقشو رن عز تقول حاس 🙄😂
انا>> الو
عز>> وين روحتو
انا>> لالا توا كيف خشينا طلعنا متاخر
عز>> شريتي حاجه؟؟
انا>> لالا مازلت ما شريت
ايه>> ناويه تجلطك يا عز والله كان تحقها شن بتشري
انا فنصت في ايه
عز يضحك>> تجيبيلي حاجه طويله ولا كم نعزقك انتي وياها 😒
انا>> ماتعدلش عليها هذي
عز >> تمام ... بعد تروحي رنيلي
انا>>حاضر
طلعنا من المحل وقعدنا نبرمو وركبنا لعميمه
زهرة>> شنصار ؟ كنكن ما شريتنش شي
انا >> مالقينش حاجه مسقمه
ايه بحتت فيا بجنب
زهرة>> خلاص معناها بكرا تو نشيلك مكان تاني خلينا ناكلو حاجه
صبينا طلبنا اكل و قعدنا مقعمزين نراجو رن عليا عز
عز>> انتي وين
انا>> فوق نراجو فالاكل 🌚
عز >> اه تمام شفتك
انا>> شفتني كيف وين ؟ 😳
عز سكر الخط وصبا عندنا عند طاولتنا
انا >> مش من جدك🤦🏻♀️
عز >> السلام عليكم
عميمه>> وعليكم السلام
وايه ميته تضحك علينا 😂
عز>> عادي لو خذيتها شويه ربع ساعة بس
عميمه تضحك>> اوكي ما طولوش ٩ لازم نكون فالحوش
عز >> تمام
صبيت ومشا عز قدامي
انا>> عقبولي الوكال ايه مش تاكليه لفيه ليا هـ نروح ناكله💁🏻♀️
ايه >> فضح بيك
عز برم عليا عطاني نظره بجنب 😒😂😂😂😂
انا >> اوك سوري 🙊😂😂
//
//
نزلنا انا وعز تحت
عز>> وين المحل لي كنتي في مبدري
انا>> لالاااااا
عز>> ح تقولي وينه ولا نقعدو نبرمو ؟
انا مشيت وعز جنبي 🤤❤️
مشيت شور المحل ووجي يتخضر ويتصفر ومتحشمة بكل
عز >> هنعليييي 🤤 شن حابه تاخذي ؟
انا >> عزززز 😳
عز >> اوك ح ناخذ انا
انا>> لاحشم لا جعره 🙄
عز >> هسس
الحمدلله يلي كانت فالمحل بنت مش شاب وكانت تضحك علينا وعز كانه محل بوه
عز >> اوكي هضا وهضا نبيهن وبحت فجهة الاخره
والاحمر هضا
انا >> في عيييينك الاحمر لا
عز>> انا مش خاش الا عشان الاحمر 🤤
البنت >> تبيه ولا لا
انا >> لا
عز كره >> اهه نبوه
خذيت كم روب و بيجامتين من الي نحبهن و الروب الاحمر 🙂 لكن يحلم نلبسه له ودفع وطلعنا
عز >> هكي الواحد يطمن
انا ساكته ومتزلطة
عز>> ارخي روحك يا بيب عليش متحشمه 🙊😂
انا>> خطاني 😭😭
عزم مسك يدي>> تعالي نطلبلك حاجه تهدي اعصابك
لما مسك يدي خلاص معش فطنت الشن قال اصلا
ركبنا فوق لقينا عميمه وايه مكملات ويراجن فيا
طلبلنه عز عصير وكريب لنا كلنا وطلع
ايه>> ناس متجيش الا بالعين الحمرا
انا >> والنبي خطيني من التزليط حاسه حرارتي اربعين
ايه>> شن شريتي ؟
انا>>فلحوش تو نوريك
كملنا و طلعنا روحنا للحوش
.
.
.
عند سارة
كانت مختفية علينا بكل لها كم يوم ماتكلمش في حد ولا ترد علي حد بكللل
بس تمشي للشغل و تفكر وخلاص
مر الاسبوع وسارة لازم تعطي ربيع قرارها
جت للشغل وجا ربيع في يومها
سارة>> انت واحد واطي ونذل و قهرتني في وسط قلبي !
بس مش قادرة نبعد عليك يا حيوان😭😭😭😭
خليك ما تمشيش مش حا نقدر نقعد بدونك
ربيع قرب منها وخذاها ف حضنه>> ما تخافيش اللي صار كله راح ماتفكريش في شي ونوعدك معش نخلي دمعة منك تنزل
سارة >> اوك بس مش حا نحكي الهلي انه ح نردو وهكي خلينا شويه وبعدها ه نحكي الهلي
ربيع>> زي ما تبي
بعدت سارة من ربيع >> خلاص خليني نشتغل فكني من لسان صاحبك
ربيع>> هههههه تمام
طلع ربيع وهوا وسارة ردت فيهم الروح من جديد
.
.
.
.
مررررررت الايام بسرررررعة بكلللل وانا عشان كنت نوتي وهايمة ما حسيتش ب الوقققت بكككل
انا >> خلاص شبه كملت حاجتي
مروة>> ماشريتش قفطان انا
انا>> قفطان عرس ناصر جديد مازال
مروة>> له سنه
رغد>> نكلم عموري يطلع بينا
مروة>> تكلمي امك
انا>> مروة شن صار ؟؟
مروة>> خلاص محييييته من راسي بكل
بجد معش نبيه خلاص تعبت
انا>> اللي يريحك
كنت دوبني مروحه من السوق ركبت فوق انضم فالحاجات و بكرا كانت التفريشه وكانت بسيطه بكل عشان مش من كثر دبشي
.
.
.
.
يوم التفريش
مشت عميمه زهرة و ايه وساره ورغد و ميرال ومروة وصبايا عمامي الاثنين لخرات وعمتي الاخرة
انا >> صورولي الشششقه عز ما بش يصورها ليا
ايه>> حاضر خشي بس
طلعو كلهم فسيارات
سيارتين كبار شايلات الدبش وثلاث سيارات فيهن الصبايا
وطبعا شقتنا كانت برا مش مع هله
كانت اخت عز وبنات خالته الاثنين وخالته يراجن فيهن عشان الضيافة وهكي
بدن البنات فشقه
وخشن سارة وايه الدار نومي طرحن الورغان وحطنلي المكياج و العطور والكريمات عزيانه و فالادراج وبدن يطبقن ويعلقن ف دبشي وخشت معاها مروه
كانت اكثر شي متعب دار نومي عشان دبش وعطور ومكياج كله يبي ترتيب
كملن الضم
مروة >> تهيالي خلاص صح ؟؟
سارة>> مشاء الله الشقة تهبل والاثاث ولا غلطة
ايه>> عقبالكن
مروة>> مريم سكنان من مبدري وهيه ترن
ايه >>مش فاضيين ماحد فاضي كل حد يده في حاجه
سارة>> خلاص تهيالي نسمع في عمتها زهرة تقول هيا
مروة>> اه نلم الصناديق والشكاير وهي
لمن البنات كل حاجه وطلعو
//
//
وصلو للڤيلا وبدن الزغاريت وولعن الاذاعة وبدو يحكولي علي جو الحوش وهكي وشن قدمولهم وشن دارن
انا >> ثلاث ديار الشقه صح ؟
ايه >> اه دار نوم و دار قعدة ووحده فاضيه
مروة>> وصاله وصالون و مطبخ و حمامين
انا>> كويسه نحسابها اصغر من هكي
ساره>> لالا كبيرة
انا>> اي حاجه مش مهم اهم شي بعيد عن امه 😒
رغد >> العقرببب
انا >> من كان قاعد هدي ومن؟
رغد >> خالته وبناتها سكرنالك دار النوم وعطيت المفتاح المحمود. قتله يعطيه لعز
انا >> احسن شي
//
//
طلعت مروة من حذانا كانت ادور في عمر بتنهي القصة
لقاته عند الباب حايس مع عمامي برا بعدها خش
مروة>> بنحكي معاك
عمر >> فكرتي في كلامي
مروة>> اسمعني كويس
انت ولد عمي وانا بنت عمك
عمر >> باهي
مروة>> عمر والله حاولت نسامحك بس م قدرتش
ماننكرش اني حبيتك اوكي ما قلتش لا
وكنت نتمني انك تحبني
بس بعد ما قعدنا مع بعضنا حسيت اني لا انا لكي ولا انت ليا
وصدقني اكيد حتي انت شعورك هكي غير فكر بس
عمر >~ مروة ماتحكيش هكي
مروة>> عمر انت مش ح تتغير وانا مش حا نتحمل
ف خلي كل حد يشوف حياته
و خليك في حياتك
خلاص مافيش داعي نقعدو كل ما نشوفو بعضنا نهربو من بعضنا ولا نجاملو في بعضنا
خلي علاقتنا عادية... و كل حد في طريقه
ما سمعتش مروة كلام من عمر لانها ما تبيش تسمع منه شي
سيباته وخشت وهي متريحة انها نهت كل حاجه
.
.
.
.
قبل العرس بيومين
عند عز
امي مازالت مصرة انها ما تحضرش العرس
ومسكرة راااااسها علي مريم
انا معش خذيت وعطيت معاها خليتها بروحها تو ترضى
عز >> هدي جيعان
هدي >> هي تو نديرلك عشا
خشيت للصالة امي صبت
عز >> خرفي بكل
هدى >> خلاص فوتها فترة وحا ترضى
عز >> ياخوفي تقعد هكي ونقار هيه ومريم
هدى>> لا مانضنيش
عز>> قصدك مازالت عند توا متبيش تحضر العرس ؟؟
هدي>> اهه قالت ما دخلنيش
سيبت هدى وخشيت حكيت مع خالتي
عز >> من جدها اختك
خالتي >>> خلاص خليها
عز>> مش عيب قدام الناس ؟ تخيلي لو ام مريم هيه يلي ما جتش ؟؟
طلعت امي من الدار >> تي خلاص معش تحكو فالموضوع محدش يعاود
العرس مازال عليه يومين وانا عند كلمتي و خلاص فضو هالسيرة
تبي رضايا انت عارف شن ادير غير هكي لا
صبيت سيبتها لهم وطلعت بكل من الحوش
.
.
.
.
اما عندنا نحن كان جدي داير عشا رجالة وعازمين رجالة العيلة كلهم القراب والبعاد والجيران
رغد >> ماتبيش تحني ؟
انا >> لالا منحبهش فكيني منها انا بروحي نحس فروحي منغصرة ومريضة
رغد>> بجوك
قعدنا نحوسو فالمطبخ و رجاله كانو واجدييييين بككككل وجايبين طباخات وماكنش في صبايا هل الحوش بس
محمود >> مطولين ؟
عميمه>> لالا هي نحطو بس
حطينا العشا وطلعو الرجالة تعشو وايه كانت تعبانه بكل وباين عليها
انا >> ويه اركبي خلاص عشا وتعشو
ايه>> تمام نكلم ناصر بس
رنت ايه علي ناصر وركبت للحوش ركب وراها
ناصر >> كنك شن فيه ؟؟
ايه>> نحس في روحي تعبانه بكل مش قادره
ناصر>> بتجيبي توا يعني شنو نشيلك للمستشفي
ايه>> نجيب شنو مازلت فنهاية الخامس
ناصر >> باهي كنك يا ويه
قعمزت ايه علكنبة>> خلاص عدي للرجالة عيب تو نرقد ونقعد كويسه
ناصر قعمز حذاها وطبس عليها >> لالا مش نازل خلاص عشا وتعشو
ايه سكتت
ناصر لمس خدها >> لالا هيا صبي معايا
ايه>> وين
ناصر >>للمستشفي حرارتك عاليه
صبت ايه ومسكها ناصر
ناصر >> اللبسه ازف تعالي معايا
خشت ايه للدار و سلحت لبسة مالية وسروال وعليهن عبايه
ناصر >> استني
جاب منديل قعد يمسح فالمكياج
ايه>> وقته توا
ناصر>> ها امالا تطلعي بروجك الحمر؟ 🙄
نزلو ناصر وايه من فوق واحنا كنا فالمطبخ
انا >> كنك شن فيه
ناصر >> بنشيلها للمستشفي
رغد>> قلنالك قعمزي ما ريحتيش روحك بكل
ناصر>> خليني نشيلها بس استني نكلم محمود
رن ناصر علي محمود وقاله يقرب السياره لفم الباب الوراني وطلع ناصر ب ايه ومشو للمستشفي
//
//
كملنا نحن حوستنا فالليل وغيرنا دبشنا لبسنا توت وقعمزنا وبدن البنات يوترن فيا ويسمطن عليا
مروة>> حرم السيد عز صبي ديريلنا نسكافيه
انا >> بدال ما تقولو عروس انتن اديرن 😒
رغد>> ماحدش رن علي ويه؟
انا >>لا رنيت وقالي ناصر مروحين فطريق
شوية وخشو ايه وناصر وطلع عندها فقر دم ولازم اتريح وركبت فوق هيه وناصر
.
.
.
يوم الزفة
نضت فالصبح راكبات فيا اعصاب معدددددة وخايفه بكل تسير حاجه تخرب عليا
عديت للكوافير ومتوترررة بككككل ومشيت بروحي وما معييش حد
رنت عليا سارة
سارة>> شن صار عندك
انا >> تمام قريب نكمل
سارة>> كنه صوتك ؟؟
انا >> متوتره بس
سارة>>قلنالك خلينا نمشو معاك
انا>> لا م فيش داعي اهو شويه ونجي
سارة>> اوكي لما بتطلعي رني عشان نركب نستناك انا وويه
انا>>باهي
سكرت من سارة ولقيت مسج من عز
>ماتخافيش من شي خلاص كم ساعة و نكونو ف حوش واحد و ح تبدي حياة جديدة>
تنهدت وحطيت التلفون ورديت نكمل في الميك اب
من كثر التوتر ما عدلتش لا علي ميك اب ولا شعر ولا شي كنت سارحه والكوافيرة مستلمتني
طبعا كنا دايرين عشا للصبايا قدام الحوش بعدها يجو هل عز ياخذوني للصالة و كانو حيمشو معايا البنات وعماتي
كملت من الكوافيرة وجا محمود خذاني للحوش نلبس ونقعمز شويه علي ماجو هل عزو
محمود >> كنك ساكته
انا >> محمود خايفه حاسه قلبي مقبوض
محمود >> من ناحية عز ماتخافيش
انا >> مش خايفه من عز انا خايفه من حظي ! وانت عارف كويس مافيش داعي نحكي
محمود سكت ما عرفش شن يقول حطلي اغاني وقعد يديرلي في جو
//
//
في الحوش
سارة >> ماعجبنيش صوتها
ايه>> مع انها كانت كويسه قبل العرس
سارة >> اكيد اذكرت لي صارلها قبل و تنكدت
ايه >> الله غالب عاد حتي انا متوتره معاها ان شاءالله اليوم يمشي علي خير
سارة>> ان شاء الله
امسكيلنا روحك انتي نحس فيك شويه وتجيبي
ايه>> امس نقول فيها الناصر قتله والله حاسه اني مش ح نصكر السادس الا وانا جايبه
ديما نحس فيه بينززززل
سارة>> وووو عليك تعب
ايه >> تعالي نركبو فوق نراجو ميمي ونوتو الحاجات
سارة>> كان ما هضا خليك واعرات الدروج
ايه>> لا عادي نركب
//
//
وصلت للحوش بدري ع الساعه سته ، لقيت قدامي
رغد....
.
.
.
.
يتبع
الحلقة قصيرة شوية ، بس عشان حلقة العرس بنديرها بروحها ...