لعبة الحياة (رواية ليبية )

حلقة 4

رواية #لعبة_الحياة_
( خيال ممزوج بلواقع )
للكاتبة #أية
الرواية بلهجة الليبية
حلقة 4
🔥

.
.
.
.
ثاني يوم
كان يوم خميس جا عمي ومراته وبناتها وبنات عمي هذينا غاليات عليا و جا عمي حتي هوا عنده بنت وحده صغيره و عنده ثلاث شباب

كنا مقعمزين لوطا فالليل بكل

رغد >> والنبي تباتو خليكم مش بكرا انتو اصلا حاتجو وتغدو هنا

مروة >> قولي المرات عمك مادخلنيش

انا >> تو نقوللها انا اكيد حاتخليكن

صبيت حكيت لعميمه و قالت لي عادي خليهن

طبعا مروة عمرها ٢٢ و تقرا في انجليزي قريب تكمل وعندها اختين صغار في الابتدائي و خوها فالثانوي

طبعا باتن البنات وخوها روح مع هلها وعيت عمي اللي قتلكم عندهم ثلاث شباب جوهم سمح اصلا مع عمو محمود ومع عمامي الاثنين الصغار ديما يباتو

ولد عمي كان عمره ٢٥ سنة اسمه عمر كان شخصيه وعاطيها الروحه بكل ووجيجه واجد وكانت مروة بنت عمتي طايحه فييييه وهوا مش معبرها بكل

كنا انا وخواتي و بنات عمتي وعمتي الشباب مقعمزين برا ونهدرزو

مروة تهدرز معايا >> بحتيله يا ميمي يكلم اكيده يحكي مع شي وحده

انا >> يا بنتي فوتيه تو انتي تقري في جامعة و سمحه مشاء الله عليك وشباب ياما قدامك تبحتي في هذا النسونجي عمر معقوله

مروة >> الحقير هضا معش بنعبره
انا >> ياريت بصراحة لانه واضح عليك بكل و تو يفطنولك كلهم وهوا يفطنلك ومش حلوه في حقك

مروة طبست راسها >> خلاص فوتي

قعمزو كلهم وجو عمامي الشباب و عيال عمي وكلهم قعدو يهدرزو وانا كنت مقعمزه معاهم ونمشي فالجو

رن تلفون محمود >>ايوا

عز >> تجي تكسد مع الشباب فالمزرعه
محمود >> زي كل مره تكلمني وتقعد تشلط عتلفون
عز >> تي غير تعال ياراجل بس
محمود >> لا والله ما يسير شي عيال خويا عندي يا عزو

انا اول ما قال عزو رفعت راسي بحتت في عمو

محمود>> نتلاقو بكرا تو نزرق عليك تم باي

عمر >> هضا عز الدين

محمود >> اه هوا
عمر>> خيرة اصحابك والله كويس بكل
محمود >> عيب ياراجل نعرف نختار رفاقتي

كانو طبعا مقعمزين كلهم وكل حد يهدرز مع الثاني وانا كنت مقعمزه نسمع في محمود وعمر

مروة مقعمزه حذايا وعلي تلفونها

انا >> نعست حانصبي نرقد
مروة >> صبي والنبي انا كبدي درهت منه

انا ضحكت >> انا نستاذن بنرقد