رواية #لعبة_الحياة_
( خيال ممزوج بلواقع )
للكاتبة #أية
الرواية بلهجة الليبية
حلقة 5
🔥
.
.
.
سارة >> اسمعي
تذكري لما حكيتلك علي ربيع يوم عرسك ؟؟
انا اذكرت الايام وحسيت غصة في قلبي هزيت براسي
بدت سارة تحكيلي في القصة وفلي صار
انا >> هضا كلللللة داستيه عليا
سار>> تشوفي في الظروف بروحك من عرسك لمرضة كمال التوفايته كل مابنجي نحكي نلقا الظرف مش مناسب لعند ما حكيت مع اية وقلت لازم نحكيلك
انا >> باهي ؟
اية >> بالعربي البنت شكلها بدت تحبة
انا >> مشاء الله وكيف حباته وهما كم مكالمة بس وشافها مرتين
سارة >> ماقلتش نحبه بس الموضوع موترني ومعش عرفت نصرف واخر مكالمة قتلكن شن صار
انا >> تبي الحق ؟؟ ربيع شاب كويسسسسس بكل و اللي ياخذها مبرك عليها وخذه راجل بكل ما في الكلمة من معني بس كان تبي تكسبي ربيع تبي تسايسيه
سارة : نسايس ؟؟؟؟
انا >> اسكتي واسمعيني .. ربيع عصبييييييييي بكل بكل حتي كمال كان يقولي انه سبب استمرار صحبتهم ان كمال رايق يمتص في غضب ربيع
سارة>> بس انا مش رايقه
انا >> تبي تروقي يا ساره
سارة >> مش مظطرة وبعدين ما فيش بينا شي
انا>> سارة !؟؟؟؟؟ صاحبتي ونعرفك ونعرف طبعك وتصرفاتك و انا مانعرفش ربيع ولا نعرف كيف يفكر مجرد بس كلام كمال الله يرحمة عليه بس انتي صاحبتي ونعرفك وعندي احساس ان ربيع حا يرن عليكي ؟؟؟ صدقيني هكي حاسه بس لما يرن اعرفي كيف تحكي وكيف تردي و بعد المكالمة هذكي قرري كيف حاتكون علاقتكم
سارة سكتت شويه >> افرضي ما رنش ؟؟
اية ضحكت >> وين عزت النفس لي مبدري
سارة كشخت
انا ضحكت >> غير ديري زي ما قتلك بس
ايه >> كملتو موضوع سارة ؟؟ عشان بنقول قنبلة توا
انا >> ياساتر
سارة >> قولي ؟؟
اية>> قررت انسيب ابراهيم
انا >> كذااااااابة
سارة>> ليشششششش
اية >> مش متريحة بككككل شكاك والله و نقصي ومش مريحني ولا حاسه بامان معاك مضايقه بكل كل ما يرن عليا يغم قلبي ونعرف ان لازم نتعاركو نكد في نكد ما فيش يوم مشا براحة لنا سنة مخطوبين صح هي دلالة بس قلت تو نتفاهمو لكن يوم عن يوم تزيد الفجوة بينا
انا>> ديري لي تلقي في راحتك ما تفكريش في شي بكل ولا تجبري روحك علي حاجه ماتبيهش
سارة >> بزبط مازلتي صغيرة والزواج مش لعب ربي يجيبلك لي فيه الخير
YOU ARE READING
لعبة الحياة (رواية ليبية )
Romanceالكاتبة : أية صاحبة رواية المستشفي . رواية تتميز بقصة و لا في الخيال و احدات مشوقة و نهاية اتحداك ان تخيلتها
