رواية #لعبة_الحياة_
( خيال ممزوج بلواقع )
للكاتبة #أية
الرواية بلهجة الليبية
حلقة 10
🔥
.
.
.
وانا ورغد نحكو
خشت علينا مروة تجري
انا >> كنك
مروة>> عمر بايت لوطا
ميرال خشت وراها>> راك تحسابيه بايت عشانك يا سنيوريتا😒
مروة بحتت في ميرال >> ياجالطة باهي 😂
انا ضحكت>> انتي مش حاتهني روحك الا لما عمر يعرف مشاعرك و تفضحي روحك اثقلي🌚
مروة>> والله شوفت عينكن كيف نعامل فيه كله قدامكن ما نتعاملش معاه غير في حوش جدي و كله علي عيونكن
انا >> امممم معاك حق بس افطني برضو
رن تلفوني وكان عمي محمود
انا >> الو
محمود >> انزلي النبي ديريلنا عشا جيعان انا وعمر ومنتصر وزهرة رقدت
انا >> هي تو ننزل انا والبنات عليك شحوره كلا انتو 😒
محمود>>خفي روحك🙂
سكرت من محمود وبحتت في مروة>> محمود وعمر يبو عشا تنزلي
مروة>> انا اللي ننزل 😍
ضحكنا عليها كلنا
رغد >> تو ننزل معاكن
مروة>> توتي كويسه ؟ مش مهربدة
انا >> كذا ابرمي ؟
مروة برمت
انا >> لا كويسه مستوره
مروة 😒
كانت لابسة استرتش رصاصي وعليه طرف طويل لعند الركبة وواسع نص كم و لافه شعرها بشكل مرخي
نزلنا لوطا خشينا للمطبخ لقينا محمود جايب حاجات درنالهم تن ودحي وجبنة
خشينا عليهم لقينا عمر شكله نعسان بكل ومتكي عالسرير متاع محمود و يبحت فتلفزون
محمود >> خذا منا الصفرة وحطها
هيا انزل رايح كيف العروس
عمر >> تالف بكل نعسان والله مانبي
محمود>> تي مش كنت جيعان ازف
انا >> خلاص خليه مسكين الجبس يضايق العلم
محمود>> طروح راقدلي عالسرير وين بنرقد انا توا
رغد >> فرش فالجنان حذا الغفير ارقد🌚
محمود >> را نصبيلك يا فرخة .... بحت فيا درتن واجد شن بيكمله
انا ~> نحسابك انت وعمر قلت تاكلوه
عمر يبحت فيه وناعس >> خلاص ازف كول واسكت
مروة>> خلاص تو نديرله سندوتش و ياكله في سريرة عد الله نعانو في عيل صغير الله غالب علينا 🙂
انا ورغد بحتنا في بعضنا وضحكنا
كيف مروة بينا تحب عمر و اتمني بس تشوفه
وقدامة اتحول ١٨٠ درجة عشان ما تبينلهش حبها
عمر >> ماعنديش لكي لسان تالف بس صار عيل صغير
محمود ياكل >> خليك فحالك ما تجيش شورها
مروة بحتت في عمر ورفعتله حاجبها
وطبست قعدت اديرله في سندوتش
عمر ابتسم
خذت مروة السندوتش وشالاته العمر هاك
عمر >> شكرا
مروة >> امسك كول ولا حتي هوا ماتبيش
كنا نحن نهدرزو مع بعضنا انا وعمي محمود ورغد و صوت التلفزون عالي شوي
و مروة و عمر صوتهم مش واضح
عمر >> لا تو ناكله مش انتي درتيه
مروة انحرجت مدتله السندوتش وابتسمت >> صحة
عمر >> الله يسلمك
لمينا سفرة العشا و ركبنا فوق هدرزنا شويه ورقدنا
.
.
.
.
.
.
ناصر كان يحكي مع ايه ويتفقو عالدفع اللي كان الخميس الجاي
ناصر >> فكيني من سريب السوق قتلك ما تجيبي شي
ايه>> ناصر عيب
ناصر >> لا لا مش عيب بعدين من يبي يفتش الحوش ؟؟ من بيعرف شن جبتي وشن لا
ايه>> قصدي فجيبه وتغليفه يوم التفريش قدام هلك وهلي
ناصر>> ياستي انتي حرة دبشك ومكياج ما مكياج ما دخلنيش بيه
كلا حاجات للحوش انا قتلك في كل شي
كان مصرة بتشري قوليلي نعطيك فلوس و تعدي
ايه >> لا معاايا
ناصر >> عارف معاك قتلك انا بنعطيك
ايه وهي تحكي مع ناصر خش عليها رقم ابراهيم خطيبها لي قبل انتظار
ايه معش ركزت >> لالا اه شن قلت
ناصر >> ايه كنك؟ نحكي معاك وين رحتي
ايه >> لا معاك شن قلت
ناصر >> لا واضح تي وين رحتي
ايه ارتبكت وناصر حس انه في حاجه مع انه ناصر ما عندش عالطروح بس ايه كانت خوافه بكل و ماتعرفش تصرف ولا ادس
ايه >> لا شي بس
ناصر >> بتحكي ولا شنو؟
ايه >> ابراهيم كان يرن عليا
ناصر >> ابراهيم من ؟؟
ايه >> الي كان خطيبي
ناصر رقتله بكل>> وباي صفة يرن عليك فلوقت هضا
ايه >> مانعرفش اللي صار قلته لكي
ناصر >> استغفر الله بس وعليش ارتبكتي ؟؟؟ شن في حاجه داستيها
ايه >> ناصر اهدا معش تعيط ماصار شي لي صار كله وانت معايا عالخط وقلتة لكي
ناصر >> تم تم عطيني رقمه
ايه >> فكني الله يربحك
ناصر >> تسكري توا وادزيلي رقمه ولا نعرف كيف نجيبه ؟
ايه قعدت تبكي >> ناصر انا مانبيش مشاكل ارجوك لما اتعارك معاه حاتكبر القصة خطيبي اللي من قبل وخطيبي توا يتعاركو شن معناها يعني اكيد انا فالقصة وحاتنجاب سيرتي و هلي يقتلوني
ناصر >> انتي مش دايره شي غلط عليش خايفة
اية استفزها كلام ناصر >> ليش تحكي معايا بالاسلوب هضا ؟؟
اه ما غلطتش والكلام لي قلته لكي كله صح بالحرف معنديش عليش نكذب وعدي اسال مريم علي قصتي بابراهيم وانا لي سيبته وعزقتله الدبله علي وجه كان نبيه را الدبله مازالت في يدي التفكير هضا انا مانحبش خساره ما نحسابكش هكي
سكرت ايه علي ناصر وهي تبكي ومخنووووووقة
بكت لانها حست ماعندهش حظ و بكت عشان ناصر وكلامة وقلة ثقته فيها
وخافت تصير مشكله بينه وبين ابراهيم و تكبر وتوصل الباتها
قعدت تبكي تبكي وتفكر لعند رقدت
.
.
.
.
.
.
.
كنا نضمو فالحوش فالصبح لانه عجاج ولنا زمان ما درنالش حمله
انا >>لمعي الصالون يا رغد
رغد >> لمعي انتي انا نسيق فالحمام😒
انا >> ميرال وين ؟؟
رغد >> تكلم في حاتم
انا >> صح ليا فترة معش كلمته
عديت نكلم فيه وهدرزنا شويه بعدها كملنا حوسه
انا >> تكسررررت بكل بنخش ندير حمام
رغد >> حتي انا خلاصصص
ميرال >> مازال نرد الفرش بس و نكملو
كنا تعبانات بكل صبيت بنوتي دبشي بندوش نسمع في عميمه زهرة تضبحلي من المنور
طلعت مديت راسي
انا >> نعم
زهرة>> قتلك يبيك ناصر
انا >> هيا هي
نزلت لوطا وتوقعته بيحكي معايا علي الدفع وهكي ويسالني
انا >~ نعم يا عمو
ناصر>> قعمزي نبيك
انا >~ شن فيه
استغربت وخفت
ناصر >> بنحكي معاك في موضوع يخص ايه
انا هزيت براسي
ناصر بحت فيا >> شن تعرفي علي علاقة ايه ب ابراهيم
انا زمطت ريقي وخفففففت معش عرفت شن نقول نحسابه سامع شي حاجه
ناصر >> نسال فيك ردي
انا>> يعني كيف شن نعرف نعرف انهم مخطوبين وفسخو🌚
ناصر رفع حاجبة>> قصدي لما كانو مخطوبين وكيف انتهت خطبتهم وكيف تعرفو اصلا 😒
انا معش عرفت شن نقول وايه الغبية ما كلمتنيشششش خفت نحكي حاجه تطلع ايه كاذبه في حاجه وما نبيش نفضحها
زمطت ريقي وقررت نحكي الصدق >> شافاته امه في عرس وعجبتها وجو خطبو و خلاص شافاته فالمقابلة الشرعية و قعدو اول فترة يتعرفو بعدها ابراهيم طلعن عيوبه
عيل ومش راجل ومعاملته شينه بكل وخانقها بكل واسلوبه وقح قعد
ف خذت قرار وسيباته قعد يضايق فيها بعد سيباته بس بعدها خلاص كل حد في حاله هضا لي نعرفه
ناصر >> كانو يتلاقو في فترة الخطبة
انا سكتت لانه كانو يتلاقو فجامعة
انا >> مانعرفش بس اكيد يعني شافو بعضهم كم مره كانو مخطوبين يا ناصر مش مصاحبين ما تنسش يعني 😒
ناصر سكت وحك عيونه
انا >> شن في صايره حاجه
ناصر >> لالا نسال بس
خلاص عدي كان بتعدي تمام
صبيت وخشيت جواااا نجري نبي نرن علي ايه قبل ما يرن عليها ناصر
ما ردتش عليا
دزيتلها رساله ان ترن عليا انا قبل ما ترد علي ناصر ضروري
وخذيت دبشي وخشيت دوشت
.
.
.
.
.
.
كانت سارة في الشغل و خذت اوراق بتعطيهن لمديرها
خشت للمكتب >> استاذ. محمد هذينا حسابات اليوم
نبي بس توقع هنا وهنا
قربت الاوراق حطتهن عالمكتب وقعدت مصبيه جنبه وهوا مقعمز
محمد مطبس عالاوراق >> هنا ؟؟
طبست راسها اه هنا و بعدين فالورقه لي لاوره فنفس المكان
دق الباب محمد >> تفضضضل
وكنا مطبسين نحسابوه حد من الموظفين
السلام عليكم
محمد رفع راسه >> اووو ربيع تفضل تفصل
سارة زمطت ريقها وبحتت فيه و كملت باقي الاوراق توقيع
سارة>> خلاص هذينا بس متاع اليوم حانخليهن معايا وندزلك منهن نسخة تمام
محمد >> تمام
ودزيلي اوراق شركة الالمنيوم عالايميل توا
سارة >> حاضر
ولفت وطلعت وربيع كان يراقب فيها بعيونه
نزلت سارة لوطا للمكتب وحطت الاوراق وطبعت منهن نسخ و مسكت اللابتوب و تدز في الاوراق لي طلبهن منها المدير
برمت عالادراج و قعدت اتحط في الاوراق لي وقعتهن فيها
بحركة سريعة بكل انفتح الباب و سكر ومسكها ربيع من مرفق يدها ولفها شوره
سارة مش فاهمه شن لي صار>> ربيع شن فيه كنك
ربيع >~ انتي لي شن فيه يا ابلة ؟؟؟
سارة >> كيف انتي لي شن فيه انت خاش مكتبي وماسكني من يدي🙂
ربيع >~ شن لي درتيه فوق هضا ؟؟ لاصقة فيه و قريب تخشي في جوا وفالمكتب بروحكم ومسكرينه عليششش
سارة تفك في يدها >> ربيع اهدا واطلق يدي وقعمز نحكو
ربيع يعيط >> مش ساكت واحكي توا
سارة خافت حد يسمع >~ ربيييييع لو سمحت ما تخوفنيش مانحبش الصوت العالي
قتلك قعمز وتو نحكو مكبر الموضوع والله
طلق ربيع يدها و قعد مصبي
قعمزت سارة عالمكتب
سارة >> اول شي مليون مره قتلك ماتخشش مكتبي بطريقة هذي ثاني شي عليش خاش متهجم هكي شن في
ربيع>> بتستفزيني بنقلب الدنيا احكي معايا كويس والله وديني مش حاندير خير لا فيك لا فيه
سارة خافت وقلبها قعد يدق >> ربيع بصفتك من اتهجم هكي تي شن فيه كنك انكلبت
ربيع يعيط>> الله يلعن ام البرود احكي ما تجننينيش احكي شن كنتي اديري
وخبط يده عالمكتب
سارة صبت ووخرت لاوره وشويه وحاتبكي >> والله ماندير في حاجه وخشيت عطيته اوراق يوقعهن وانت بروحك شفت ربيع اهدا كنك انت
ربيع >> اوراق تمديهن له من بعيد لازم تقعدي مصبيه
سارة تنهدت ومسكت اعصابها ومن تحت سنونها تحكي>> عشان كنت نوري فيه وين المكان لي لازم يوقع فيه
ربيع>> و بعد ما شفتيني كملتي عادي بكل ولا كانه في كلب خش
سارة>> شن تبيني ندير ؟؟؟؟
وعلا صوتها >> تبيني نوخر ونجي نصبي حذاك
تي خنقتني والله انخنقت من الطريقه هذي
حول من طريقي و اطلع من حياتي معش بنشوفك
ربيع >> هضا كلامك ؟
سارة سكتت
ربيع >> تم
و طلع و خبط الباب بالقوة
كان شعور ربيع وقتها شعور ما قبل الاعتراف بالحب يقعد حايس مش قادر يدير شي لانه ما لش صفه ومش قادر يسكت عشان اللي يصير يحرق في قلبة
وشعور سارة كان تبي تخلي ربيع يعترف ويحكي
وفي نفس الوقت ماتبيش تخسرة لانه حتي هيه حباته
بس الواضح ان القصة تعقدت بكللللل ومعش في حل
فتحت سارة المكتب تبي نفس و شربت اميه وقعدت مقعمزه تفكر في الي صار وبدون ما تفطن نزلن دموعها وقعدت تبكي
.
.
.
.
.
.
كنت في العشية نحكي مع عز
عز >> نلبس اسود ولا ابيض؟
انا>> تعلمت مني الالوان هذينا😂😂
عز >> انا ليا فترة ما شفتكش معش غيرتي الوانك😂
انا>> يعني بشوية شويه بديت نلبس في الوان🌚
عز >> هههههه تمام
انا >> البس ابيض ما تلبسش اسود وبنطلون اسود و كويش ابيض لو عندك
عز >> عندي اه
انا >> خلاص البس ووريني اللبسه
عز >> تم
انا >> هيا باي اييييه صاحبتي خشت عليا بنرد عليها
عز >> تم باي
سكرت علي عز ورديت علي ايه دغري
انا >> تي وينك من مبدي نرن معقوله انتي
ايه بصوت مبحوح>> قاعدة كنت راقدة
انا >>شنن صار باهي شن فيه !؟؟
اية>> في شنو
انا >> بلا طروح في ناصر
ايه >> كيف هو حكالك حاجه؟
انا>> اه جا وسألني وقالي شن قصة ايه وابراهيم
ايه شهقت >> هييييييي تحكي من جدك شن قالك وشن حكيتي انتي
انا >> بشوية بس تو نحكيلك ماتخافيش
وحكيت الايه لي قلته الناصر
اية>> اصلا انا قتله اسال مريم وهكي وصارت بينا مشكلة امس كبيره علي ابراهيم
خش عليا الحقير ويتنق وانا ارتبكت و ناصر كان يحكي معايا و معش عرفت شن ندير حكيت عارفتيني انتي مانعرفش نكذب
انا>> انا حكيتله لي حكيته لكي وما بش يقولي شن صاير بينكم قالي بنعرف بس
اية>> مش عارفه والله من امس سكرت عليه وتعاركنا بكل وغلط فالكلام و خلاص من امس لليوم ما رنش عليا بكل
انا >> ماتزعليش انتي ما درتيش شي غلط عمامي عصبييين يدرهو الكبد بس قلبهم طيب بذات ناصر انتي عرفتيه🙄
ايه>> بس انا الاسلوب هضا ما نحبش والله بكل
ولا نحب حد يحسسني اني رخيصة وماعندش فيا ثقة
انا>> حشاكي بعدين مش تبي رومانسيه وجو اهو يغار عليكي😂🌚
اية>> نبية رومانسي بس مش عرايك 😒
انا >> الغيرة نوع من الرومانسيه انتي شن عرفك🙄🙂
ايه>> باهي باهي خلاص لو دوالك حاجه اخرى قوليلي😒
انا >> خلاص حاضر 😂
سكرت منها وفتحت الماسنجر لقيت رسالة من عز دازلي صورتة بلبسة وكاتبلي شن رايك؟
انا >> سمحة اللبسة بكل حتي هو ذوقي ومن مصورك؟
عز >> بنت اختي الصغيرة ياثقه😂
انا >> ربي يحفظها شنو طلعت؟😂
عز >> ويحفظك اها طلعت من شويه جاي شوركم بنتكي علي محمود
انا >> اها تمام
عز >> مافيش مجال نشوفك
انا >> بتخش انت ؟
عز >> لو بنشوفك حانخش 🌚
انا >~ مش حانقدر ننزل بس هـ نطلع مع الروشن
عز>> تم
مابيتش نقوله لا خصوصا انه من هذك المرة ما شفتش وتحججت
وصل عز و درس برا وروشن الصالون لي برا يفتح عالشارع طلعت بحتت فيه وكان التلفون في يدي
رن عليت دغري
عز >>ايوا
انا >> الو
عز >> لا مغيرة الالوان ولابسة كيفي 🌚
انا بحتت في لون المالية لقيتها بيضا>> صدفة والله بعدين توتا لابستها من امس يعني قبلك😌
عز ابتسم >> باهي تمام
انا برمت وخشيت
عز >> خلاص بنرن المحمود نقوله اطلع نحكو بعدين
انا >> امم تمام
خشيت حطيت التلفون فالشحن و الحمدلله ماحدش فطنلي بس المشكلة ان في لحظتها ما تفكريش من يفطلنك ومن لا شعور غريب تقعدي بس بديري الحاجه
عز رن علي محمود >> تي اطلع الزف سقدني تقول جاي ناخذ فيك من كوافير ساعة بيش تطلع😏
محمود>> صكر فمك انت لي تعرض في خدماتك من امس نجي نوصلك نجي نوصلك ماتنفخهنش 😒
عز >>> تطلع ولا نخشلك😒
محمود >~ نلبس كويشي😌
لبس محمود كويشه وطلع العز
عز كان مصبي برا من السيارة
محمود >> كنك مطمبر برا🌚
عز >> حميت🌚 حرام ؟
محمود >> حل المكيف ولا خايف عالبنزينه يا جلدة😂
عز>> مافيش بنزينه وانت لي حاتعبيلي من الطريق توا 😂
محمود>> تو نقولوله اه نعبيلك صار عدي عدي🙂
عز>> ههههههههه
.
.
.
.
.
.
كنت في الحوش ندير في حاجه ناكلها خشت رغد دوبها مروحه من الجامعة تعبانه
انا >> شن جو جامعتك
رغد >~ ماشيه
انا>> باهي تمام
رغد خشت للدار وضبحتلي>> مريييييم تلفونك يرن
انا >> هيا جيت
مسحت يديا وخشيت لقيتها ايه
انا >> الو
ايه >~ ايوا شنجوك
انا >> تمام شن صار معاكي ؟
ايه >> شي لا رن عليا ولا يرد عليا لا شي نبيك تمشي تحكي معاه الدفع بعد بكرا وانا معش عرفت راسي من كرعيا قوليله كان بتنهيها انهيها من اليوم ما فيش داعي يلغي في يوم الدفع ويقعد شكلي بايخ
انا>> تيي شن يلغي مشكلة بسيطة كنكم كبرتوها تو نطلع نحكي معاه شويه 🙁
ايه >> قوليله لي قلته لكي وبجد معش عندي نيه نحكي معاه بكل ماكنتش نحساب قلبه اسود هكي قوليله الغي كل شي انا نخدعت فيك
انا >> ايه صبي توضي وصلي ركعتين ماتقعديش تلبزي فالكلام وتو نحكي مع ناصر
.
.
.
.
نزلت لوطا مالقيتش قاعد
انا >> عميمه عمو ناصر وين نبيه
زهرة>> من شويه جا وخش للحمام
انا >> باه
قعدت مقعمزه فالصالون نراجي فيه لعند طلع دقيت عالدار وخشيت
ناصر راقيلة>> شن تبي
انا >> بنحكي معاك في موضوع ايه
ناصر بحت فيا وعزق المنشف من يده>> اي موضوع ؟؟
انا~> كانت تحكي معايا ياعمو انا مش جايه نسالك ولا شي بنقولك الكلام لي قالاته ليا
بحت فيا ورفع حاجبة
انا>> المهم قالت لي لو بيفركش لي بينا خليه من الليله ينهيها مش مستعدة يوم الدفع كل شي ينتهي قدام الناس و يقعد منظري بايخ
ناصر بهزوة>> والله ؟🌚
انا >> هكي قالت وو
جيت بنكمل كلام بس تحشمت منه مهما كان بيني وبين عمي ناصر مش هذك الدلالة زي محمود
ناصر >> احكي شن حكت
انا >> مش مذكرة بس قالت كلام بمعني ياريته طولنا فترة التعارف اكثر
فهم ناصر قصدي من الكلام و شن تقصد ايه
سكتت وانا سكتت بعدها قتله>> باهي شن نقولللها ؟؟
ناصر >> عدي انتي تو انا نفهمها
انا >> يعني الخميس الدفع ؟🙂
ناصر >> مريم سكري الباب واطلعي 😒
طلعت من الدار وانا مش فاهمه شي ورقاها ليا وخفت انه اختياري لايه الناصر مش في محله وتخرب صحبتي ب ايه ويسير جو شين بسببي
انا >> اووووف يا ربي تعديها علي خير
//
//
//
//
طلعت من الدار و رن ناصر علي ايه
ايه بصوت واطي ومخنوق >> الو
ناصر تنهد >> ايوا
ايه سكتت
ناصر >> شن الكلام لي قايلته المريم ؟
ايه>> اللي لازم ينقال
ناصر >> يعني تبي تفركشي ؟
ايه >> تهيالي مريم ما تعوجش فالكلام قتلها اساليه هوا لو حاب يفركش اليوم اوكي مش مستعده يشمتو فيا في يوم الدفع وما حدش يجي منكم
ناصر >> ومن قالك ان مافيش دفع ؟ يعني عادي مرات ندفع وبعدها نفركشو ولا شن رايك
ايه مسكت دموعها ووجعها الكلام بصوت مبحوح>> مش بجوك
ناصر يقلد علي صوتها >> مش بجوك
اية >> خلاصة الكلام شن فيه في عقلك توا انا لي عندي وضحته لكي
ناصر >> يا واعرة والله بجوي بندفع ما نبيش ندفع بنفركش انا حر
ايه نزلن دموعها و حست بشعور حقير غمضت عيونها وتنهدت >> يبقا بكرا حا نحكي الماما و نجي للحوش نحكي مع باتك يخليك تفسخ
ناصر >> اوبا اوبااا كلام قوي هضا
ناصر كان يستفز في ايه بيحرقلها دمها عشان كان مازال محروق من رنة ابراهيم عليها
ايه تبكي و معش قدرت ترد
ناصر>> ايه
ايه ساكته
ناصر >> نحكي معاك انا تهيالي صح
ايه خذت نفس قوي و طلع كلامها مع خنقة بانت انها تبكي >> نسمع
ناصر >> انتي تبكي توا ؟؟
ايه >> لالا
ناصر رقاله>> لالا تبكي !؟؟
ايه >> قتلك ما نبكيش
ناصر >> صوتك واضح يا بيبي 🙂
ايه >> كلامك يحرق القلب
ومعش قدرت تمسك روحها وقعدت تبكي
ناصر حس بتانيب ضمير >> خلاص يا ويه والله ماقصدي ما نتحملكش تبكي هكي
ايه بصوت يبكي >> مادخلكش
ناصر ضحك >> خلاص اششش بس وافتحي الكاميرا
ايه >> لالا مش بجوك😒
ناصر >> لالا افتحي مرات تطلعي شينه وانتي تبكي وبجد معش نخليهم يدفعو فيك😂
ايه >> تو نفتح بلكي نطلع شينه وتخطاني 🙂
ناصر يضحك عليها عرفها متنرفزه
ولعت ضي الوناسه و فتحت الكاميرا بدون ما تسقم روحها وكان تحت عيونها احمر من البكا وفي دموع وشعرها نازل عليها
ناصر >> انا عالسماحه هذي شكلي ديما بنبكيكي
ايه رفعت حاجبها ومسحت عيونها >> والله
ناصر >> ههههه نبصر ما يهونش عليا
ايه خلينا من البصاره ونحكو جد توا
انا مانحبش الوجيج هضا والمره هذي مشيتها بس لو سمحتي الخميس حانجيبلك شفرة وتلفون جدد مع زهرة اختي تعطيهن لكي
شفرتك تدزيها ليا معاها حانكسرها متخافيش
ايه >>حاضر
ناصر >> نحبك
ايه مازال راقيلها >> وانا لا
ناصر >> احلفي
ايه >> مش حالفه
ناصر >> هبله 😂
//
//
//
//
//
يوم الدفع عالعصر عدو الرجالة دفعو ومشو جدي وبابا و عمامي كلهم و اصحاب عمي ناصر وتقريبا هكي ١٠ رجالة
وكان في نفس اليوم تلبيسة وايه دايرتها عائلية بكل وسارة كانت معاها وانا ما قدرتش نجي عشان الحوسه لي في حوشنا عيت جدي بروحهم تبيلهم سريب يابالك في مناسبة
عدن امي وعماتي بس وماطولوش لبسوها وروحن
كنا دايرين عشا يومها للجارات ولعرب الحوش وعمامي كلهم ملتمين
مروة>>
.
.
.
.
#يتبع
ماتنسوش اللايك