الجزء الثاني من الخاتمه
أوجاع القدر
🍃زهرة الريحان🍃
بعد مرور أسبوع علي أبطالنا
قمر حالتها اتحسنت بعض الشىء ، مراون كل يوم يزورها بحجة أنه هو اللي خبطها بس طبعا مش ده السبب السبب الوحيد قمر
من ساعه ما شفها اتشدلها اه لسه مبقاش حب بس اللي يعرفه إن بيحب يشوفها دايماوتبقي قدام عنيه
أوقات كمان بياخد أولاده معاه
هو حس إن أولاده بيرتاحولها وبقي في بينهم الفه ود وحب فبياخدهم معاه وساعات كتير هي بتتطلب منه يجيبهم
حس كمان بتحسن حاله قمر ف وجودهم عكس متبقي معاه وهو
لوحده اول متشوفهم وشها بيضحك وده هو سعيد
بيه جدا وأولاده كمان سعاده الدنيا كلها
وهما معاها قمر ع قد كده مش وحشه لدرجه علاقتها مع أولاده ممتازه
والأولاد حبوها جدا ده خلاه يفكر ليه لأ؟ اه هى طالعه من تجربه فاشله ومش وقته خالص الكلام ده بس ليه لأ بعدين اه قلبها مع غيرى بس منا كمان كنت بحب ام الاولاد جدا ولحد اللحظه دى بحبها ليه مانديش قلوبنا فرصه تانيه علشان تحيا من جديد علشان تنسي والاهم عشان تعيش ليه لأ
آخر مره كان عندها طول الوقت هزار وضحك استغل هو الفرصه وقال اجس نبضها قمر بتضحك ع شقاوة العيال وعفرتتهم مروان هنا تاه ف ضحكتها بصلها بإعجاب شديد وتوهان ضحكتك حلوه اووى قمر انتبهت ليه احم احم وبهزار عايزه تاخد كلامه هزار هى مش مستعده تدخل ف اى علاقه دلوقتى :بيقولو كده مش جديده العب غيرها وع العموم مجامله جميله من صديق زيك
مروان فهم انها قاصده تتهرب منه : صديق!!؟؟
قمر بارتباك :زعلتك؟ طيب من أخ كويس كده؟ مروان اتنهد بضيق :إنتى شيفانى كده صديق واخ !!؟بس؟!! كنت فاكر انك حاسه بيا ومش هقول حب عشان إحنا معرفناش بعض غير من مده قصيره
هقول اعجابي بيكى مثلا مش حاسه بيه؟؟! قمر اتنهدت بوجع وتمنى حقيقي قالت ياريتنى قابلتك ف زمان تانى ومكان تانى كانت اتغيرت حاجات كتير كانت كل حياتى اتغيرت . مروان بأمل :وليه لأ دلوقتى
قمر بيأس :انا مبقتش أنفع حد اصلا
هو باستنكار :مين قال كده بدل عايشين ولسه النفس فينا هنحب ونتحب هنغلط ونسامح
قمر بتحذير هتتعب معايا أنا قلبي مش
ملكى
مروان : مين قال انى عايز قلبك دلوقتى هستنى لما يجى اليوم و انتى بنفسك تسلمينى قلبك دلوقتى مستحيل اقبل بيكى من غيره هستنى لما يجى اليوم ده وانا وحظى جه هحمد ربنا مجاش هحمد ربنا برضه واكيد ربنا شايلي الخير قمر بهمس وشرود ف المستقبل لنفسها اكيد ربنا شايلي الخير
******** وجه اليوم اللي كلنا مستنينه من زمان اليوم ال اتإجل لقاه وموعده اكتر من عشر سنين اليوم ال بيحلم بيه أبطالنا من الصغر الكل متجمع ف فيلا محمود . سلوى اللي مازن سافر بنفسه مخصوص يجيبها لما لقي محمود مشغول مع عليا مراته حامل جديد وتعبانه حتى سفرها بره اتلغي بسبب الحمل ده
وصممت توحيده كمان تحضر فرحهم ام محمود .اه حصل عتاب بين سلوى ومازن بس انتهى ع ود وحب وتفاهم هى اصلا بتحبه وهى ال مربياه وعارفه متاكده ان سعاده بنتها اكيد معاه لو متجوزتش مازن مش هتتجوز ابدا وقتها اكيد نسيت كل ال كان بينهم من زعل وفرحت لبنتها ورحبت جدا كمان
مازن واقف ع نار مستنيها تنزل وكل دقيقه يتصل او يبعت رساله روشهم رايح جاى زى المجنون وامينه امه وسلوى ام عشق ميتين من الضحك عليه
سلوى بهمس لامينه : ابنك هيتجنن
امنيه بضحك هو لسه هيتجنن الله يسامحك يا عشق جننتيلي الواد . سلوى بهزار :ايه يا امنيه هتعملي حما ع بنتى من دلوقت؟ امينه بصدق انا يا سلوى حما وعلي مين علي عشق دانا اللي مربيها
اسكتي متخلنيش أفتح في كلام لا ده وقته ولا ده مكانه
سلوي بعدم فهم واستفهام :إيه بقي الكلام ده اللي عايزه تقوليه اللي لا ده وقته ولا مكانه إن شاء الله
أمينه : يعني مش عارفه
سلوى : هعرف إيه بس
أمينه بعتاب : جواز عشق اللي علي ورق
ليه خبيتى عنك مقولتليش
سلوي بوجع علشان هنا افتكرت أصعب ايام عشتها حزن علي حال بنتها : تعرفي أو متعرفيش ده كان هيغير حاجة
أمينه : أيوه طبعا كان هيغير ويغير كتير أوي كمان
انا سبب إصراري إن أبني بتجوز قمر وقتها
إن بنتك اتجوزت محمود جواز فعلي وسافرت معاه كان متهيقلي ابنى هينسي عشق بجوازه من قمر مش بدافع الواجب ابدا وبلوم وعتاب ونبره فيها غيظ كملت اااه بس لو كنتى قولتيلي . سلوى بدفاع: ال حصل حصل بلاش نتكلم ف الل فات يا امينه والحمد لله أولادنا طلع حبهم أكبر من الأيام والظروف والمشاكل والواجب اللي إتفرض علي أبنك
في الآخر لا يصح غير الصحيح ورجعو لبعض
نحمد ربنا بئا ومنتكلمش في اللي فات
أمينه وهي بتبص علي أبنها وشايفه قد إيه قلقان ومتوتر : الحمد لله
الولد هيتجن شكله النهاردة رايح جاي قدام السلم مستنيها تنزل الود وده يطلعلها هو ههه
سلوي : مش قليل اللي عدي عليهم وشافوه بعينهم
تلاقيه مش مصدق يا حبت عينى قالت آخر كلمه وغصب عنها ضحكت لما لاقته طلع سلمتين ونزلهم تانى
أمينه بضحك : في إيه يا أبني مالك
مازن بتوتر غير عادي : مافيش يا أمي ما فيش
هما معاهم كتير فوق
سلوي بضحك : يابني اهدي شويه زمنها نزله
مش كفايه منعتها من الكوفير كمان هتستعجلها وهي في البيت نفسه
مازن راح عندهم
وبلهجة تهكميه : كوافير إيه إن شاء الله اللي عايزه بنتك تروحه يا حجة سلوي
سلوي بفرحة : حجة ؟
تصدق نفسي من زمان ازور بيت الله
أمينه بتمني : ومين سمعك أنا كمان نفسي ازوره
مازن : وإيه اللي يمنع
أنا عندي فكرة
بدال منقضي شهر العسل بتعنا في الغردقه
نروح كلنا نعمل عمره
هااااا إيه رايكم
مش فكرة حلوه
أمينه وسلوي في نفس واحد وسعاده الدنيا ماليه قلوبهم وعيونهم نروح طبعاااا
سلوى : تسلم أفكارك يا جوز بنتي
مازن الكلمه هزت كيانه وعايز يسمعها تاني : بالله عليكي يا حجه سلوي لا إنتي قايلها تانى
سلوي باستغراب : إيه هي دي
أمينه فهمت أبنها : قوليله وريحيه يا سلوى قوليله يا جوز بنتى
سلوى بضحك :ههههههه ابنك حالته صعبه اوووى النهارده
وجهت كلامها لمازن بهزار : لا انا كده اخاف ع بنتى النهاردة
سلوى بضحك :ههههههه ابنك حالته صعبه اوووى النهارده
وجهت كلامها لمازن بهزار : لا انا كده اخاف ع بنتى النهارده
أنت تسبهالي الليله دي تنام في حضني وبكره تكون هديت تبقي تاخدها
مازن اتسعت عينه بصدمه وزهول : نعم
عيدي اللي بتقوليه كده تاني
أمينه أدخلت عايزه توضح له وجهة
نظر سلوي بالهجه فيها أرتباك : هي قصدها بس .. يعني .. تقصد تقولك
مازن هنا فهم قصد سلوي وضحك بصوته كله
: ليه إنتي مفكراني هقولها
اه ان ماانكرش أنها وحشتني جدا وهموت عليها
ومن زمان أوي وأنا بحلم باليوم ده
وسكت لحظه بيجمع كلمه تعبر عن حبه لعشق مش لقي
بس عشق مش للمتعه أنا كفايه عليه أخدها في حضني وانام
وصدقني لو قولتلك أني ممكن استكفي العمر كله بمجرد حضن منها كفايه وكتير أوي عليه
كفايه أني عيني شيفها .. أيدي لمسها
متخافيش أبدا علي عشق مني
خافي عليه انا منها أنا حاسس من قبل ماأشوفها أن قلبي هيقوف من الفرحه ومش مصدق أصلا اللي انا فيه
أمينه بسرعه ولهفه : الف بعد الشر عليك
متنشف يا ولد طالع لمين خرع أبوك كان راجل
سلوي بضحك علي أمينه
مازن بوجع : ابويا معش اللي أنا عشته
ولا شاف اللي أنا شوفته
ماتكواش ست سنين علي بعد اللي بيحبها
ولا نام مقهور كل ليله من ليالي الست سنين دول وأنا بتخيلها في حضن راجل غيري
أمينه : خلاص يا إبني متجبش سيرة اللي راح
وهي دلوقتي بقيت مراتك و ساعات وتبقي في بيتك
مازن بهزار : ساعات !! إيه ؟ هي ساعه واحدة تفرحوا معنا فيها وكل واحد يروح بيته
سلوي بضحك : لا ويقولي متخافيش هههه وحضن بس قال أبنك بيستعبط يا أمينه
ربنا يستر على بنتي
أمينه بفرحه وهي نظرها علي السلم : اهي اهي عروستنا نزلت
محمود ماسك درعها من جهة كولي أمرها هيسلمها لعريسها وعليا مسكها الفستان من ورها هي ومازن الصغير
مازن لف بجسمه عليها وتسمر مكانه من شدة إعجابه بيها
وهمس بتوهان : مشاء الله تبارك الله وصل عندها زي المسحور
واقف قدامها يتأملها وهي كانت نزله شافته وقفت مكانها
العيون اتعلقت ببعض كل واحد بينظر لتاني بإعجاب بشوق وبتوهان
هو بيهمس لنفسه : طول عمري كنت بحلم بيكي وأنتي لبسه فستانك الأبيض
بس في الحقيقه فاقت كل التخيلات
ملااااااك ملاك يا قلبي ربنا يستر عليه من جمالك وحلوتك يا بنت سلوي
عشق التانيه تيه فيه وفي وسامته وجماله
ياما حلمت تشوفه ببدلة فرحها
هنا افتكرت أنها شفته قبل كده لبسها
اترسم علي وشها الضيق للحظات
وهو حس بده وعرف كمان سبب ضيقها
أكيد افتكرت جوازي من قمر لما شافتني ببدله فرحنا
عشق طردت الأفكار اللي ا حتلت تفكيرها للحظه : أنسي يا عشق انسي وعيشي متخليش حاجة تعكنن عليكي وبالذات فى يوم زي ده ، اليوم اللي كنتي دايما تحلمي بيه
وبعدين فرق كبير جدا بمازن في ليله فرحه من قمر
ودلوقتي وهو واقف قصادي
الأولني ده كان واحد ميت لا روح ولا حياه
ملامحه بهته عيونه حزينه
اللي واقف قدامي دلوقتي واحد سعادة الدنيا مش سيعها وفي عيونه بتنطق
هتقولو عليه كدابه لو قلتلكم اني سامعه صوت دقات قلبه
بس بجد سمعها من كتر لهفته عليه سمعه دقات قلبه وأكيد هو كمان سامع دقات قلبي
كأنه سمعها وقرا أفكارها : هز رأسه بتوهان
معني اه سامع دقات قلبك
إنتي ملاك يا قلبي وأنا مستهلكيش أنا واقف قدامك زي أي شىء مستعمل
قرفان من نفسي أوي بعد ماشوفتك
مرة واحده دموعه نزلت وطلع يجري علي الجنينه
كل الموجودين اندهشوا من تصرفه ده
محمود بدهشه : ماله ده
عشق نزلت بسرعه بالهفه عليه هي عارفه ماله
وحسه بوجعه
عليا بزعيق : الفستان يا بنتي هتقعي علي مهلك
مسمعتشي حتي كلام عليا ونزلت جري
أمينه كمان كانت طلعه تشوف في إيه ماله أبنها بيعيط أول مرة تشوفه بيعيط
بس وقفتها عشق : أستني إنتي يا ماما انا هشوفه لو سمحتي
هي هنا حتي دموعه وضعفه مش عايزه حد يشوفهم غيرها حتي لو كانت أمه حتي هي مستكتره علي نفسها تشوف دموعه اللي نزلت أصلا علشانها وهي عارفه ده كويس
هي دايما شيفه قدامها راجلهم كلهم مش لازم حد يشوف ضعفه ودموعه
لازم يفضل قدم الكل راجل دموعه متنزلش منه حتي عليها
طلعت الجنينه من ورا بعيد عن المعزيم لقته واقف عطيها ضهرة
رفعت أيدها علي كتفه وهو لفلها
لقت عيونه كلها دموع اترمت في حضنه
وهي بتهمس : لا يا مازن لا .. دموعك غاليه أوي متنزلش لأي سبب حتي لو السبب ده أنا
حتي لو استاهل الدموع دي متنزلش برضوا منك
مازن بصوت مبحوح : أنتي كتير عليه يا عشق
كتيييير أوي
أنا مستهلكيش أنا واقف قدامك زي أي شىء تم استعامله خرده
وأنتي ملاك نازل من السماء
عشق برفض : هزت رأسها بسرعه : لا اوعه أسمعك تقولها تاني علي لسانك
أنت قيمتك غاليه أوي عندي أوي يا مازن وغاليه أوي أوي أوي كمان فواق متتصور
مازن بترقب : يعني ؟!!!
عشق بصدق : يعتي ننسي ونعيش بئا حياتنا اللي تسرقت مننا
وكملت كلامها بفرحه وسط دموعها اللي خنتها ونزلت : أيوه يا استاذ نعيش بئا
انا مردتش اجيب جذمه كعب عالي وجبت كوتشي علشان أعرف اتحرك براحتي وارقص لصبح
مازن في ثانيه نسي حالة الشجن اللي بينهم
وشه اتغير بعلامات غضب وتهكم : نعممممم
ترقصي
ووسط الناس دي كلها اللي عازمها إبن خالك
ده عازم نص البلد
عشق بدلع : ده ليله يا مازن في العمر كله
ويوم بستناه من زمان
مازن بنرفزه ونفخ : اتلمي يا بنت سلوي ولو عايزه الفرح يعدي علي خير تفضلي جنبي لا تروحي يمين ولا شمال سامعه
عشق بعناد ودلع : لا طبعا النهاردة فرحي وليلة ليلتي وهعمل اللي انا عايزه
مازن من دلعها وطريقه كلامها هدي وتاه في جمالها ودلالها ، قرب منها أوي وهمس جنب ودنها : هي فعلا اليلة ليلتك وهترقصي بس مش هنا فوق
ليه و ح د ي اتكي علي كل حرف (وحدي)
مش قدام أمه لأ الله لا الله كلهم
هي تاهت في بحه صوته وريحته ومش بتنطق
هنا بعد عنها وبغيز : ولا إنتي نويه بدل مدخل دنيا النهاردة أدخل السجن
بصتله بصدمه
هو أكد ليها : أيوه مهو أنا مقدرش أشوف حد بيبوصلك واقف اتفرج عليه
وأنتي مشاء الله قمر وتتكلي أكل
عشق بخجل : مااااااازن أحترم نفسك
مازن ضحك بصوته كله : لا النهاردة نحط الإحترام علي جنب احياة ابوكي
الإحترام علي جنب ، متجبيش سيرته علي لسانك
عشق بغيز : أنا اتغشيت فيك علي فكرة
مازن لتاني مرة يضحك بصوته كله : هو إنا لسه عملت حاجة
عليا القاعده طالت طلعت تشوفهم : يا سلام إحنا كلنا جوة قلقنين عليكم وأنت وهي مسخسخين من الضحك
وشهقت لما شافت عشق الماكياج بتعها اتبهدل
من الدموع اللي نزلت منها : كده برضوا
عشق مش فاهمه مالها : إيه في إيه
عليا بزعيق : مكياجك يا ستي اتمسح
مازن : أحسن خليها تغسل وشها و
أنا مش عارف لزمته إيه
عليا بنرفزه فاض بيها : أنت تسكت خالص مش كفايه مردتش توديها كوافير
زي بقيت العرايس
هي كده دايما معاك محرومه من أبسط الأشياء قالت كده بس لما شافت الحزن اللي غطاء علي كل ملامحه
ندمت واعتذرت وقالت بأرتباك : انا انا أسفه يا مازن مقصدش بس !!
مازن قطها : لا فعلا معاكي حق
لو هي عايزه تروح أنا هوديها ودلوقتى حالا
وبص لعشق عايزه
عشق بعد مبصت علي عليا بغيز : لا يا حبيبي أنا مش عايزه وأنت مش حرمني من حاجة
وأنا عرفه سبب رفضك مرواحي للكوفير
زي منا عارفه أعتراضك اني أرقص في فرحي
ده من غيرتك عليه
وأنا بعشقها بصراحة
عليا همممم إطلع إنا منها يعني
طيب فهمت تعالي اصلحلك مكياجك
مازن : اية ده وأنا لسه هستني تاني أنا بقول تغسل وشها وخلاص هي زي القمر من غير حاجة
عليا جزت علي سننها بغيز : يلاااا يا بنتي ربنا يعينك ده محمود طلع بلسم بالنسبه ليك
ربنا يكون في عونك
الثلاته ضحكوا عليا خدتها وصلحت مكياجها
ونزلت بيها ومحمو سلمها لعريسها
وأمينه وسلوى صوتهم راح من الزغريت
قاعدين في الكوشه
عشق قاعده مش علي بعضها نفسها تقوم ترقص مع البنات
أصحابها في الشركه ، عليا ملاحظه ده وعايزه تفرحها
عليا راحت عند مازن بتترجاه : مازن أنا أول مرة أطلب منك طلب
مازن بصلها باانصات يسمع عايزه تقول إيه
عليا بخوف من ردت فعله : هاخد عشق
هنا مازن قلب وشه
عليا بتفهمه : بوص بس مش هترقص بس هنوقف جنب البنات دي
من غير حركه حرام البنت نفسها تفرح
مازن بص لعشق ولقها فعلا عينها علي البنات بتمني نفسها ترقص معاهم
مازن اتنهدت بضيق : ماشي بس من غير متتحرك توقف بس
وانا هخلي الأضاه خفته
عليا بتهمس لنفسها بغيظ : يا بأي منك يا شيخ يا ساتر
خدت عشق من أيدها
عشق بصت لمازن اللي شورها بعينه أنه موافق
عشق هنا فرحت أوي لسه قايمه من مكانها وهي بتقول بفرحه وسعادة : شكرا حبيبي
هنا هو مسكها من أيدها شدها عليه
وبتحذير : من غير حركه هتقفي بس
عشق علي مضض : اه اه ماشي ماشي
وهناك يحلها الحال
أول ما وصلت عندهم استقبلوها بهليله وفرحه وكل واحده فيهم عايزها ترقص معاها
وبتشد فيها
عليا بعتراض : لا ماينفعش كده يا بنات جوزها مش راضي هي بس هتوقف وسطيكم
مش عايزين مشاكل
عشق بعتراض : بس أنا بصراحة نفسي أرقص
عليا : هيزعل مازن
ده ممكن يقوم ياخدك ويمشي من وسطينا
ده مجنون ويعملها
عشق بعنا : لا مش هيقدر أنا عايزه أرقص ده فرحي
بتقول كده وهي فعلا ابتدأت تتحرق مع البنات
عليا بزعيق : عشق بلاش يا عشق
عشق بأصرار : سبيني أفرح تعبت كتير من الوجع
عليا نفخت بضيق وجهة نظرها ناحية مازن
واللي خايفه منه لقته
مازن قاعد بيجز علي اسنانه وضغط علي أيده من الغيظ مفاصله كلها مبيضه
عليا لقته بحالته دي جريت عليه : مازن سيبها تفرح ، من زمان أوي ماشفتش الفرحة دي في عيونها
أنت معشتش معاها الست سنين اللي بعدتهم عنها الضحكه ماكنتش بتزور وشها ابدا
علي طول شارده وحزينه سيبها تعيش يوم واحد بس مبسوطة
مازن لانت ملامحه شويه بس قال بغيز : يعني هي تفرح وأنا دمي يتحرق
شوفيلك صرفه بدل ماقوم اجبها من شعرها
عليا بغباء : بس دي مغطيه شعرها
مازن جب اخره وبنرفزه : هقوم أجيبها من حجبها من أي حته اتصرفي أنا جبت أخري
عليا : قولي أعمل إيه طيب أنت أصلا مش ليك حق تمنعها ده فرحها وعروسه وبترقص
مافيهاش حاجة لكل ده
مازن قام من مكانه وهو بيقول : لا خلاص متعمليش حاجة انا اللي هعمل وماشي في طريقه لعشق وهو علي آخره
عليا بغيز : يا مجنون أنت أتصرف إزي أنا دلوقتى فكرت للحظه وبعدين خطرت في بالها فكرة
طلعت تجري علي بتاع الدي جي يغير الأغنيه ويخليها رقصه سلو للعروسين
وفعلا استجاب بتاع الدي جي ودعوه العروسين للرقص كان مازن وصل عندها ولسه هيشدها بعنف من وسطيهم
سمع دعوتهم للرقص والموسيقي اشتغلت
شدها بغيظ
عشق بوجع : أه يا مازن براحه هقع علي وشي
الفستان طويل
وهما بيرقصوا بيهمس ليها بغيز : أنا مش قولت متتحركيش من مكانك توقفي بس
عشق بدلع : اه قولت ، وأنا كمان قولتلك ده فرحي وأنا العروسه عمرك شوفت عروسه مترقصش في فرحها
مازن بغيز : عارفه لولا عليا أنا كنت ناوي أعمل إيه
عشق بستغراب : وملها عليا
مازن : أكيد هي صحبه فكرة الرقصه دي لما لقتني جاي نحيتك بصراحه كنت ناوي اخطفك
عشق ضحكت جامد : تصدق أن عليا قالت نفس الكلام ده أنك ممكن تبوظ الفرح وتخطفني
مازن تاه في ضحكتها : بتحبك أوي
عشق بستغراب : مين دي
مازن : عليا
عشق بتفهم : اه فعلا ربنا بعتها ليه ونعم الاخت ربنا يخليها ليا
مازن بابتسامه : وأنا
عشق وهي هيمانه في ابتسامه : أنت ، أنت
إيه بس هو أنت لسه بتسأل أنت إيه
علي العموم هقولك
بس لحظه
مازن : رايحه فين
عشق سابته ومشيت : ثوووووواني بس
راحت لديجي وقالتله حاجة وهو نفذها
رجعت تاني ل مازن والميك كان في أيدها
بصلها بستغراب : هتعملي إيه يا مجنونه
عشق : هغني لعريسي
مازن بصدمه : إيه تغني ، لااااااا إنتي أكيد حد مصلطك عليه وعلي نفسك علشان كله ده هحسبك عليه
عشق : ماشي موافقه ابقي حسابني براحتك
بس برضوه هغنيلك دي امنيت حياتي حلم كنت كل يوم بحلم بيه
مازن بنرفزه : مستحيل مش هيحصل
عشق اتصنعت الزعل : وبعدديييييين بئا مليش دعوه هغني يعني هغني
واقف محتار مش عارف يعمل إيه هو مش عايز يزعلها وفي نفس الوقت مش عايز حد يسمع صوتها
بيتلفت حوليه مش عارف يتصرف ازاي
المهم جته فكرة أن الأغنيه تشتغل مع صوتها
والميك بحركه مفاجاة منه شد السلك بوظه
عشق شهقت بتعمل إيه
مازن : إنتي مش عايزه تغني
مازن : إنتي مش عايزه تغني هتغني ملكيش دعوة بئا بعمل إيه
شاور ل دي جي وهنا الأغنيه اشتغلت
لما عشق مسكت المايك وابتدت تغنيله هنا فهمت الصوت مفييش
ضحكتله وباسته في خده وهي بتهمس بموووووووت في غيرتك
مازن بضحك : يا بنت المجنونه الناس حوالينا
عشق بعناد طفولي : جوزززززي
ابتدت الأغنية وكانت أغنيه اليسا
نفسي اقوله كنت ايه قبله واستنيته ليه
كنت صورة حلوة ناقصة حاجة كملها بعينيه
كنت عايشة عمري خوف تحت رحمة الظروف
كنت قصة ناقصة تكمل او كلام ناقص حروف
نفسي اقوله ايه كمان كنت قبله من زمان
وردة دبلت واما قرب فتحت قبل الآوان
نفسي اقوله يا حلم كنت هموت واطوله
نفسي اقوله يا اسم برتاح اما اقوله
نفسي اقوله يا حب انا سنين اتعاشوله
واتعاشت عليه
نَفْسِي أَقُولهُ يا حُلْم كِنْت هَمَوتُ وَأُطَوِّلهُ
نَفْسِي أَقُولهُ يا أَسِم برتاح آما أَقُولهُ
نَفْسِي أَقُولهُ يا حَبَّ آنا سَنَّينَ اتعاشوله
واتعاشت عَلَيهِ
حالي كان وانا مش معاه زي طفل في سكة تاه
واتحرم من حضن امه واتنسى ويا الحياه
خلصت الاغنيه
وهنا مازن مقدرش يمسك نفسه قصاد المشاعر الفياضة اللي بتبسها ليه
شالها ولف بيها بيهمس وهو دافن وشه في رقبتها : بموووت فيكي
علي مهلك عليا شويه يا بنت الناس قلبي ميتحملش ده كله.
ثواني
عشق بلهفه : رايح فين وسيبني
مازن بمكر ودهاء : غمزلها رايح اغير المايك
اجيب واحد سليم بدل اللي بوظته
عشق باستفهام : لييييه
مازن : هتعرفي
هنا اتبدلت الأدوار بس مع الفرق مايك مازن شغال مش أغنيه من ال دي جي لا صمم يغني هو بصوته
عشق بدهشه مش مصدقه : لا مش معقول !!
مازن هتغني ؟!
ميل عليها همس جنب ودنها بحب صادق : هغني مغنيش ليه أنا لو أطول اجيبلك نجمه من السماء هجبهالك وتبقي قليله عليكي كمان
إنتي تستاهلي أكتر بكتير
حياتي كلها مش خساره فيكي
عشق كلامه خلاها زي المسحوره بتبصله بعشق وساكته
ابتدأ يغني
انت ياللى خدت قلبى من الزمان ومن اللى فيه خدت قلبى لدنيا تانية أحلى من اللى حلمت بيه
أحلى عمرى انا عيشته جنبك والحنان عندك كتير هو فى كده زى قلبك لسه فيه في الدنيا خير
عمرى ما أنسى انا قبلك كنت فى ايه، ومعاك بقيت انا ايه انا باقى ليك ولحد ما عمرى ينتهى هفضل يا حبيبى معاك
وهعيش واموت بهواك، أنا ليا مين غيركحبيب عمرى
ياما عشت أتمنى قبلك ياللى زيك مش كتير
في الوقت ده وهو بيغنلها كانت في حضنه وسانده علي كتفه ومغمضه عيونها
وهو ماسك المايك وبيغني
وعيون مرقباهم مراقبه كل حركتهم
بوجع وحسرة عيون بتقطر بدل الدمع دم من شده حزنها
كانت العيون ل( قمر)
لما عرفت بصدفه من الجيران إن فرح مازن
النهاردة
استنت أهل الحارة لما طلعوا وطلعت وراهم
وعرفت المكان
واقفه بتتحسر من المنظر اللي قدامها وبتبكي بقهر وجع
مره واحده حست بأيد علي كتفها بتلتفت لقت مروان في وشها
من غير كلام مد أيده ليها
هي متردده بتمد أيدها وتشيلها تاني
وعيونها عليه
هو من غير كلام بيقولها بعيونه : امسكي أيدي مش هتندمي
تعالي نداوي جروح بعض
أنا انسيكي حبك وأنتي تصالحيني علي الأيام
اللي حلاوتهم غابت عني من يوم غياب ام الأولاد
قمر بعيونها : هتتعب
مروان بعيونه وهو لسه مادد أيده ليها : متخافيش أنا نفسي طويل
أخيرا ابتسمت من وسط دموعها ومدت أيدها حطتها في أيده
بس قبل ما تمشي معاه جات تلتفت تاني علي عشق ومازن
هنا مروان اتكلم بتحذير : اياكي تبصي وراكي تاني بدال إنتي اخترتي ومسكتي أيدي
قمر هزت رأسها بمعني حاضر ومشيت معاه
&&&