# على جرف الذكريات
بقلم زهراء أمجد
الحلقه ١٦
اضغطو نجمه
تتذكرين فاتحة ابوي لو اذكرج
فاطمة سكتت واني گتله بصوت ناصي
صلاح چفينا شرك وكت مشاكل هسة اشرب جايك وروح للجادر
راح واني طلبو مني اتغدة گتلهم مااريد مرة خالي گالت شوكت تاكلين لا البارحة اكلتي ولا اليوم
مالي نفس عفتها ورحت للغرفة تمددت ورضاوي بحضني محللته ويلعب واني الغرفة تفتر بيه من التعب بدون اكل ونوم متت غفيت ربع ساعة وگمزت ع غفران تگعدني گتلها شكو
گومي تلگي النسوان استغفرات الله نور عينج ع مرتضى گمت طلعت دخلتهن جوة ورجعت للغرفة عدلت حجابي وطلعت للمطبخ شغلت الجاي وصاحو عليه گالو عمو حسن يريدج انتي ونور رحت شلت مرتضى
وطلعنه سلمت عليه وجان مصطفى وياه اخذ مني مرتضى واجت مرة خالي وراي سلمت ع عمو وزيد وگالت لخالتي وعمو رزلوها صار يومين لا أكل ولا نوم والله العظيم ولا لگمة حط بحلگها من البارحة واليوم نامتلها ساعه وگعدت وهم لا ريوگ ولاغدة ضلو يحجون عليه ويرزلون واني اباوع لمصطفى ومصطفى يباوعلي ساكت احس نفسي راح انفجر وصدگ بعدهم يرزلون انفجرت بالبجي وگمت ارجف
حظنتني خالتي ومرة خالي گالتلها عوفيها تبجي احسن هي حابسة بگلبها مبجت ضليت ابجي بصوت عالي فوگ الساعه انوب احس راسي يريد ينفجر دخل وليد شافني
شبيج منو مضوجج
مابية عفتهم وخالتي اخذت رضاوي من مصطفى تبوسة دامشي احس انتيهت الدنيا غوشت التوت رجلي ووگعت سندني مصطفى غمضت عيوني وصوت مرتضى يبجي بحضن خالتي وهي خبصت مصطفى بالعياط ركض وليد للمطبخ جاب ماي رش ع وجهي بس مدااكدر اتحرك دايخة حيل وگعت ومصطفى گعد وياي گعود للگاع لأن جان لازمني صار راسي بحظنه ووليد تخبل مرة خالي فتحت شالي وصارت ذبي مي بوجهي وتهفي شوية يلله صحيت
اخذتني للصالة تمددت شوية واجت مرة خالي بيدها صينية غدة جبرت نفسي واكلت خلصت وگمت رجعت للشغل عادي ولا كن قبل شوية تخربطت صارت ب6:00 دخل وليد
يلله راح نصب العشا
اني مااگدر ع الجاي واكفه
عوفي ع غيرج وتعالي انتي تعرفين بالصب احسن منهن رحت ويا وسيف يبلل الخبز واني احط التمن وسامر يحط الحشو ووليد عليه اللحم دااصب واشو مااحس اله الماعون انسحب مني باوعت فاطمة
وخري اني اصب
عفتها وگمت وگفت يم سيف اخذت كاسة وبديت ابلل وياه بالخبز رفعت راسي سيف يضحك اندرت ورجعت باوعتلة
شكو
احسبي للخمسة وليد يعيط باوعي فاطمة نص التمن بالگاع ومبهذل مو مثلج ترتبة وصدگ سكتنا وليد عاط
بنت الكلب گومي منا لا أنعل والديج تعالي زهراء رجعي لمكانج
رحت بهدوء اخذته وكملت صب ودخلنا الصواني گدام النسوان والولد گعدو يتغدون
وليد ماله داعي تعيط وتسب وتغلط احترم شوية مرتك هذه احترامها من احترامك ومقدارها من مقدارك
صلاح :- انتي مشفتيها
لو شسوي مالكم حق تعيطون وتسبون مو عبد عندكم هن ترة بشر وعدهن احساس
وليد :- دمشي ولي ام الاحساس
متصيرلكم جارة لا وحق الخلقكم تبقون متخلفين سيف وصلاح ضحكو ووليد خزرني
للمطبخ گدامي لا انعل
رجعتله الخزرة وگتله تنعل منو
صلاح :- هوب هوب اضرب بريك هاي زهراء مو فاطمة هسة تغط راسك بالمرگة
عفته ورحت للمطبخ خالتي تعشو وراحو للبيت خطية ضل بالها يمي بس متگدر تعوف بناتها وتبات كفينه السفر والمواعين ووكفن يغسلن بيهن غفران ونور ومرة خالي احمد واني امشي وألملم الگاع من الكلينس والگلاصات مال ماي وراها طلعت الملم بالحديقة هم صايرة زبالة من الجهال لگيت ولد خوالي كلهم گاعدين بالطرمة ع الكراسي وخوال امي وولد خالها عادي مهتميت لأن اني دااشتغل كملت لم ومشيت للمطبخ واكفة يم الطباخ ومااحس ايدي انجرت واحس الكف نخلعت شفته وليد
شبيييك ؟مخبل عوف ايدي أذيتني ؟ عصر ايدي بأيدة حطيت ايدي ع ايدة واتلوة من الألم
كافي كل شوية طالعة تتمشين وتشوفين بطولج للزلم عود شوفوني ترة حظج اطيحة
عوف ايدي صدگ متستحي شنو اشوف طولي للزلم اشو متعرف تسولف مو تدري جاي ننضف
لاتخليني اكفر بالتنضيف ماكو غيرج يشتغل برة خلصت النسوان
دعوف ايدي الله ياخذك عصرها عطت هيج شريف لعد شعندك حاطهم وگاعد هنا تدري دنشتغل ليش مضليت بالجادر احس ايدي انكسرت بأيدة من عصبيتي ضربته بوكس ع صدرة وكتله حقير ايدي عوفها ونزلت دموعي من الوجع عافها واني اگمز من الوجع باوعتلة وگتله لو تموت ماانفذ لتريدة عناد بيك وعفته وطلعت برة صاحني سيف وجتي من الله ع الله رحت گال تعالي زهراء سلمي ع خوالج
(خوال امي وولد خالهة قصدة )
رحت سلمت عليهم وسحبني سيف ايدة لافها ع جتفي ووليد اجة ووگف وحرگ الجگاير حرگ ابتسمتله بخبث وضليت واگفة عناد
ساكته بس استمعلهم سكتو وحجة عمر ابن خال امي الصغير بزر الگعدة بعدة توه عمرة 21 سنه گال
اسمع من عمامي وابوي تدرسين وشاطرة
اي
يامرحلة
خامس علمي
مو صعب
ابتسمت وگتله بلعكس كلش سهل لليقرة
الله يوفقج شناوية تصيرين بالمستقبل
شيجي نعمه بس اني رايدة اصير هندسة اجهزة طبية
ان شاء الله حجة خال امي الوسطاني
تلوگلج الطبية صيري دكتورة
مااحب الطبية خالو هذا كله واني اباوع لوليد من جوة لجوة راح ينفجر المسكين بس اني اله والله لطلعله گلب ثاني بصف گلبه مو مال احترام ابد شوية وانسحبت من يمهم رحت للمطبخ كملت وية مرة خالي عمار ومرة خالي احمد الگدورة وبقت السفرة گلت لنسوان خوالي اني اغسلها انتو مابيكم تدنگون اخذتها يم الماطور بعيد عن گعدة الولد فرشتها طفيت الضوة حتى محد ينتبه اني گاعدة اشتغل هنا
وگعدت اغسل بيها منطية ظهري للولد بعدني توني بلشت حطيت الزاهي وغسلت البداية جان انجر من حجابي وليد وعيونه تجدح نار
ادبسزز عناد هي عناد هاااا فهميني
احس نفسي اعصابي تهستر لزمت ودفعته بأيدية كل قوتي رجع اليورة وانضرب بصلاح الي جاي يمشي باتجاهنا تقرب وضربني راشدي انصدمت بي حطيت ايدي ع وجهي والأيد الثانية بيها السفنجة شمرتها
لهنا ووصلت حدها وياك
صوتج
انعل ابو صوتي لا تخليني هسة الم عليك العالم انت شنو من بشر الله ياخذك نكدي و24 بس أوامر وتكفخ منو گلك اني اشتغل عند الخلفوك صلاح يريد يسكتني
قبل نص ساعة سكتت هسة مااسكت افتهمت لو لا اني مو طفلة ومااعرف الصح من الغلط مو جاي انت تعلمني خليك بحالك ومرتك ومني لاتتقرب لا وحق الحق اندمك
اجت مرة خالي عمار ع صوتي لأن هي جانت بالمطبخ شافت خدي احمر
ولج يمة شبيج
باوعتلها وعيوني مليانه دموع گتلها هاي جزاتي شايلة الفاتحة وشغلها ع ظهري وتالي اطلع ساقطة وگ،،، واتعمد اشوف طولي للزلم صلاح انصدم وهي گالت
يااا يااا هاي منو گال
ابنج
گدامي لا ادفنج امشي جوة
وليد لاتخليني احقد عليك جوز مني
گفخني مرة ثانية وصارو صلاح وخالتي گبالي خالتي تغلط وصلاح يغلط
والله لأندمك يوليد عفته ومشيت ابجي وصلاح يتوسل فتت صاح سيف عفته مرديت دخلت وكلها تسأل شبيج تبجين محجيت دخلت وراي نور
نور :- شبيج ولج
والله انعل ابوهم لابو اليشتغللهم هم اني هم عار لو ما عار جان گعدت حالي حال هاي العالم اكل ونوم وحش بالعالم وتخلص ايام الفاتحة وارجع لبيتي عليش كاسرة ظهري منو راح يشدلي وسام الشجاعة وليد النعل لو منو
اخذت ممة مرتضى فورتها بمي وفورتله مي هذا كله واني دموعي منشفت دخل صلاح من برة
نعلة ع والديك وليد زهراء امسحيها بوجهي اني اسف واعتذر بداله
ماكو داعي تعتذر بداله محد يتحاسب ع افعال غيرة بس گولة زهراء تگول بعد لو تموت وتحية الف مرة مترجع وليد القديم بعينها وخليك بهاي تصرفاتك وشوف النتيجة يوم عن يوم شلون تصير
عفته واخذت الممة والماي وصعدت للغرفة الفوگ نومت مرتضى وخابرني حسام يسألون شلون صرت سلمت عليهم كلهم وضليت اسولف لحور حجيتلها كلشي وابجي تالي اجة مصطفى گاللها گومي اكوي قميصي راحت سديته منها وحطيت راسي ونمت مگعدت غير لثاني يوم حتى رضاوي سودة عليه هم مثلي الليل كله مـ گعد للساعة 9:00 اجت نور دتگعدني بلگوة حجيت هاا
وجعا حتى وجعا صار ربع ساعه اگعد بيج وماكو نشف دمي ع بالي متي
گومي ولي مني
گومي نسوان كومة جوه
كومي ولي مني لا ابتلي بيج ومحمد گامت نزلت ورجعت اريد اغفة بعدين گلت متسوة اليوم اخر يوم لخاطر خالتي يخلص العشا وارجع للبيت گمت لميت شعري ولميت الفراش گعد مرتضى اخذته ونزلت غسلتله وغسلت وطلعت للصالة صاحتني مرة
خالة متجين دشوفج وليدج رحت گعدت يمها
فدوة الله يحفظة الج وتفرحين بعرسه
تسلمين خالة بجة
رضعي يمة اخافنه جوعان
اي خالة وكت رضاعته هسة گمت منها سويتله ممة وگعدت بالمطبخ ارضعه اجت مرة خالي هم تبوس بية وتتعذر
ع شنو تعتذرين قابل انتي هنتيني اشو هو ابو المشكلة ممهتم انتو وصلاح تعتذرون ليش
راح اسويلج اكل
مااريد مضغطت عليه اجت غفران
مماكلة اني اسوي اكل تاكلين وياي
مااريد تسممت البارحة بليل وهسة شبعانه سكتت مني خلصت لمرتضى ورحت حطيته يم عمتي عليا هاي امي الثانية شگد احبها ورحت اشتغل بس مفتحت حلگي بكلمة اشتغل ع الصامت وگالبة خلقتي قبل الغدة واكفة ع السنگ دااغسل بالستكانات واجت غفران
ديصبون الغدة بذاك المطبخ ووليد دز عليج مگتلها لا جيت ولا روحي مااجي سكتت طلعت هي واني ضليت واكفة يم السنگ خلصت غسل ورحت گعدت يم الكاونتر بالگاع ومددت اجة وليد
اني مو دزيت عليج
باوعتلة بطرف عيني ومحجيت اجة ديطب سحبته مرة خالي عمار وگالتله شبيك انجلبت ع البنية امشي كمل الصب هاي مو احنه وياك يلله گدامي عافني وطلع ولحگته مرة خالي مخلص اليوم اله بطلاع الروح بليل الساعة بـ 8:00 اجة وليد صاح سون جاي بسرعه احنه گاعدين بالمطبخ اني ونور وغفران وزهراء بنت خالها لأمي وفاطمة گمزت فاطمة اي اني اسوي اني مغلسة منه ولا باوعتله طلع وفاطمة حطت القوري وضلت صافنه لا حظرت استكانات لا شكر لا صخام ورجعت گعدت تسولف 5 دقايق ودخل وليد الجاي گمز فاطمة متدري تحظر استكاين لو شكر وهن بيهن طبع مو حلو اذا فلانه حطت شي بهذا المكان لو ع الطباخ الثانية لو يحترگ متوخرة الي حطته هي تجي توخرة يعني مابينهن مساعدة ابد
اني صافنة عليهم شلون الله جمع هلثنين والله ماادري وليد وفاطمة هي يلله هي عاط بيها فضيها
اي مو مخدران انتضر شوية راح ورجع گامت تصب وترست الصينه والصحونه وياها ع الواهس وهو واكف بالباب ويباوعلها دخل يكفر ويسب بس مو بس هي لزمنه انعل ابوجن لابو كل وحدة مرة لا بو هيج هيج منجن ومن الحاطجن ببيته انتن النسوان مو مالت احتراام مالت تنداسن بالقندرة وشلون اني محاقدة عليه من البارحة دخل
صلاح :- هيج هيج منك ومن الخلفك گواد العالم گاعدة فضحتنا
هو اني لو ذني النعالات جاي معرفن يسوون
زهراء :- شوفنه شطارتك وتعال انت سوي
اي اسوي ليش لا
يلله بلله اجة رجع الجاي كله بلقوري وفاطمة ركضت غسلت الصينية والستكانات حمة الجاي وگعد يصب هو وصل لأخر اربع استكاين جان تجلب ردن دشداشته بيدة الصينيه وگلبت القوري هو وبثله فوگ الستكانات هو طر الصينية بلگاع ورجع يكفر وصلاح طلع يضحك للحديقة اني گوة كتمت ضحكتي
والله انت الله يحير وين يذبك بنار جهنم خطية الكفار وين يرحون وبالجنه ونفس الشي المسلمين وين يرحون
انجبي لج
احترم نفسك والله انت حرامات ابن خالي عمار مع الأسف والله حرامات بيك التعب والسهر والترباية ولو هي وينها اخلاقك گمت وگتله بس العار يدوس المرة بقندرته افتهمت لو لا انت لو صدگ وتگول اني واعي ومثقف متحجي هاي حجايتك انت حظرتك منين اجيت مو من بطن مرة سكت
الي جايبتك مرة وزوجتك مرة واختك مرة وانت حرامات تنحسب ع الزلم اذا هيج تفكيرك اني سكتتلك ع كلهن بس مال تگول انتن مومالت احترام مالت دوس بالقندرة لا والله وليد هذه حدها وياك امشي ارجع يم خطارك وربع ساعة يجيك الجاي وبدون متكلف نفسك وتجي طلع وفاطمة حايرة تلم بالسكتانات وتذب بالزبل وتدردم لأن لاسنت رجلها اني طلعت قوري غسلته وسويت جاي وحضرت 12استكان وفاطمة مازالت مستمرة
والله بنات لسانهن مترة واخلاق ماكو ويعرفن شلون يلفن الزلم لف
اخر شي عطت بيها هي اصغر مني بسنه
انجبي عاد كافي تمسلتين مو كلنا ثولات مثلج نبوس قندرته وهو ممهتم ومعبر من زود ميستاهل اشو يطب يكفر ويطلع يسب ويغلط ع شنو حابته ماادري
اي هو انتي راح تطكين شلون حابني وحابته
غميتها وگتلها موت كرفج وكرفه حبتكم گرادة لي حبيتو والي محبيتو اني شخصني انتو جفوني شركم واني هم اسكت والزم لساني منكم هي انفخت شالت ابنها وراحت لغرفتها غفران گالت...
والله زين ع حجيج توقعت راح يدفنج هنا
نور :- لا والله ع شنو يدفنها طبه طوووب هوا الغلطان إذا مرته ثوله شلنه دخل وهوا اثول منها
اني سكتت لأن زهراء كفت ووفت لو ما هي حاجية اني مااسكت
ع شنو بلله اخاف واسكت دگيت لصلاح اجة صبيت الجاي وانطيته اله
فديت النادرة
انجب وولي محد عم علينا غيرك ضحكنا وراح ب10:00 طلعت الزلم وطلعو الولد وياهم للباب ورجعو گعدو ع القنفات برة وصلاح وسيف يلمون بالكراسي من الطرمة سيف صاح
خير
شبيج ولج راح تبجين
مالي خلگك گول شتريد
تعالي نشيل الكراسي اني وياج
سيف صدگ تحجي عايف عباس وسامر وصلاح وجاي عليه
يولي خطية تعبانين ذولة
وشگالولك اني مطي اسود ميتعب لو شنو ضحك
خرب بيومج تشبيه قاتل فعلا نسخ ولصق عليج
باوعلتة رحت ردت اشيل وياه سامر مقبل گال احنه نشيلهن بس هو شافج ضايجة وراد يضحكج شالوهن حطوهن بسيارة صخمان
حتى الصبح يوديهن ورجعو گعدو
سيف اريد ارجع
امي :- ولج يمة وخالتج شلون خلينا هنا لما يبدي الدوام ونرجع
وروح خالي حزام ظهري الي وراه صار وين ماكو واحد خرگة شايخ عليه ماابقة ترجعين اهلا وسهلا مترجعين اني باجر سيف من يطلع لشغلة اروح وياه
ماكو تنجبين وتبقين يمي
والله ماابقة وحلفت ودشوف شلون
سيف صاحني تقربت عليه گعدني بحظنه
شبيج حياتي منو مضوجج باوعت لوليد
كومة ناس تغث وتضوج مااريد ابقة
بس اني مااگدر اعوفج وحدج هناك يضل بالي عليج
والله ماادري دبرها انت
اتحملي لخاطر خالتي
بجيت وگتله تحملت ايام الفاتحة بطلعان الروح ودست ع نفسي وكرامتي لعيونها اكثر من هيج مااتحمل
هذا هو لا تبجين كافي مسحي دموعج وباجر صلاح طالع للشمال يحمل من أربيل فواكه روحي وياه انتي ونور خلي يذبجن بطريقة يم خالتي هدى ضلن هلـ5ايام ذن بين ميجي الدوام وارجعكم هزيت راسي وگتله هذا هو وصدگ بـ4 خابر صلاح ع جهازي
يلله تحضرن حتى نطلع تحضرنا وطلعنة وياه تفصخنه لما وصلنا ومگلنه لخالتي جايين يمج صارت مفاجأة شگد فرحت بينا حتى البنات تلكوني اخذو مرتضى مني وگتلهم بوجهي اريد اسبح وانام ضحكو سبحت ولبست دشداشة الوان وطلعت استغربو البنات گتلهم 3 ايام كافي اني گلبي خلصان مو مال اسود وهي هم طفلة مشطت ونمت نومة اويلي
طلعت تعب الـ3أيام كلها ونفسيتي هم تغيرت بعد ما انغثيت هذا كله واني ايدي ذبحتني من الوجع واصبعي الثاني صار بي زراگ من گعدت وجهي اصفر هم كلهم گاعدين بالحديقة
خالتي :- يمة شبيج شو صفرة
والله خالة ايدي موتتني من الوجع
ياا يمة شبيج
انضربت بالطباخ بالفاتحة وضلت توجعني مكان الضربة
حسام :- گومي أوديج لبست عباتي وخالتي گالت مرتضى عوفي هنا
اخاف يبجي
مصطفى :- اني هنا روحي
رحت وية حسام طلع بيها فصخ دهنها المضمد ولفها بقطن وشاش وگال تبقة اسبوعين رجعنا وگلها گالت ها سلامات شبيها گتلهم فثخ بثيط ضحكو خطية البنات اهتمو بيه حيل بس ايدي تعبتني اليمنه وكلشي مااگدر اسوي حتى شعري مااگدر امشطة سبحت ثاني يوم ورحت لخالتي گاعدة بالحديقة
خالة مشطيلي حبابة مشطتلي وجانت الشمس حلوة فرشت شعر ع ضهري
انطي ظهرج للشمس خلي ينشف حطيت راسي ع رجلها (هي جانت گاعدة ع القنفة واني بالگاع) ومن دفو الشمس غفيت گمزت ع صوت مصطفى يحجي وية خالتي عزززة واني بدون حجاب حطيت الحجاب ع راسي وگمت گالت خالتي
يااا يمة واني نسيتج بدون حجاب
بعد وكت خالة ضحك مصطفى واني دخلت لجوة خلصت الـ5 ايام ركض ركض ورجعنا لبغداد وللمدارس استلمت النتيجة الحمدلله معدلي 92 ونور هم درجاتها زينه مشت الأيام بروتين عادي وبيوم جان 2018/3/5 خابرني حسام گال رشحوني اهل المنطقة اصير محافظ عليهم گلبي انعصر وگتله
شلك بهذه السالفة خيي
يولي خليني فرحان لاتخربين مزاجي
والله الشغلة تخوف حسام الوضع مو امان مو مال سياسة ابد ضلينا نتناقش بالموضوع تالي مقتنع سلمت وسديته
ثاني يوم جان جمعه گعدت الصبح بلگوة سحلت نفسي من الفراش ساعه 9:00 غسلت گعد رضاوي غسلتله وبدلتله ونزلت لابسة تراك السترة مالته لا. قصيرة كلشش ولا طويلة شعري شلون مااشيلة يوگع من القراصة لأن سرح حطيت رضاوي بالصالة بالگاع يلعب باوعت لغرفة امي ماكو اكيد طلعت تتسوگ رحت للمطبخ مصيبتي مهووسة بشي اسمه حاتم واكفة وفاتحة الثلاجة وايدي ع الباب واغني بأغنيته المفضلة عندي ربع حبي طلعت طماطة وفلفل وطلعت بيضتين وبصل وبديت اسوي مخلمة لأن اليوم جاي ع بالي اتريگ اثرم بالطماطة واغني ...
ربع حبـ♥ـي يعادل كل اليحبون
ونص حبـ♥ـي الك ماحبتك أمك
من تنجرح انت يسيل منك دمك
روح افحص وشوفه دمي لو دمك
علية تعودت وبدوني راح تموت
ولحد الموت من حبـ♥ـي ولا فطمك
أني العلمك تتهجم على الحـ♥ـب
غيري الي يجي متگولي شيعلمك؟
وصلت للشعر مال حاتم وانصدمت بالصوت وراي يگول:
من گد ما أحبـ♥ـك خفت لا تنشاف
وخليت الگـ♥ـلب وسط الگـ♥ـلب ضمك
يا ماي وتبدة ونشف وي الروح
هذا انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ حبيبي وگلي شيلمك ؟
تخجل منك الريشة ويضيع اللون أذا رسام مرة يحاول يرسمك!!!
يسمونك هوووة هوووة صدگني غلطانين
لأن انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ الهوووة يحتاجك يحتاجك يشمك!!!
التفتت وشفت ......
*
*
*
*
*
*
*
يتتتتتتبع
تحياتي لكم زهراء أمجد