صرخات غير مسموعه
بقلم الكاتبه ام غايب
الناقله زوزه
سلملي على روحك من يمسها الشوك
وكلها الكبل حبج بشر مو سلعه
شكلي يلوكلك بس عندك ازمة ذوق
اليغرد لك عمر ماتعرف تسمعه
هسه انت بعت بس عاد لو ربحان
شاريني بكمر وتبيعني بشمعه
للشاعر رائد ابو فتيان💔
واني واحجي دخل فارس
باوعت علي .....وهو خزرني.....كبل سديته
شهددد اني شلون بيج
اي هيه حقيره وادبسز شتريدني مثلاً اسكتلهه
لا متسكتين بس تنزلين مستواج المستواهه
خل تولي .....
شهدددد تعرفين مااحب هاي السوالف .....وبعدين تعاي ليش تجذبين وتكولين مريم مخابره ليش مريم مو عدهه موبايل
مابي رصيد خطهه وبعدين
والله يا فارس ....مشكلتك اني مااتحمل اسكت لليتحارش بيه ويحاول يتقرب الشي يخصني
تقرب عليه يعني اني اخصج
شتكول انت
اني كاعد اسألج
بهدوء...وخجل انت الي وبس ملكي وحدي
وبعصبيه وهاي غزززل اذا الزمهه اكطعهه تكطع الحقيره
ضحك .....اي هاي شهد الي اعرفهه
سكتت والحزن تملكني......يعني اني هذا هو عشت حياتي طبيعي بدون عسوله .
لتخلين ابتسامتج تختفي .. اريدج هيج تبقين
وعسوله
شهودتي....تدرين الطفل الي يموت ويصير طير من طيور الجنه امه من تموت هو يستقبلهه
بحزن/بس اني كتلتهه اكيد متستقبلني
حبيبتي انتي مالج علاقه راح اعيدهه للمره الالف هذا قدر وصار
يعني عسوله هم تبقه تحبني
اكيد تحبج
فارس .....تدري انت نعمة رب العالمين الي ....والله العظيم اني احسد نفسي عليك .....بكل المواقف الصعبه انت سندتني
ولج انتي غير رويحتي ......ادري اني شعندي غيرج بهاي الدنيا احبل اجيب
ابتسمت ......من شوكت تحبني
هاي شنووو مو حاجيهه قبل
نسيتهه
من رجعت من السفر مره وانتي جنج خنفسانه ......اني كتلج بوقتهه خنفسانه لو شنووو
هااااا تجذب عليه يعني مجنت تحبني هاي قصه لفقتهه ضربته ببطنه وردت اوخر جرني وخله ايده تحاوط خصري
وكتيلي جبتلي هديه .....كتلج لا وانتي جنتي شايله صونده ورشيتي عليه مي وحبج بكلبي صار من اول رشه
مي
وانتي
ضحكت خجلت
وانتي يلله احجي اليوم يوم الاعترافات
اني راح احجيلك بس مو تضحك عليه
اي بلله خاتونه اطربيني واصدمي اذني
فكرت بعقلي وكلت اني ليش ماعندي حبيب
ايي بصفنه
مااكمل
خزرني ....كملي خل انطرب كتلج
ففكرت وشفتك وسيم حيل وحبيتك
هاااا هذا غير حب
وراهه سكنت مو بس كلبي حتى عقلي
وخر ايده
واني عبالي تحبيني ومن هالسوالف زين بحالة عقلج المتخلف اختار غيري واذا جنت مو وسيم متحبيني
طبعاً لا مااحبك
ادي من ابوسك غير استمتع بشكلك
هاااااا
جذب جذب .....احبك مو الشكلك احب كلشي بيك
بس اذا تخوني مااحبك اكيد ....ابطل
اعترفلج اعتراف صغير
اي
مع العلم هواي تعرفت على بنات
باوعت بصدمه
يعني مو اله علاقه ولج ....صيري شويه حضاريه
اي بلله
مابيهن ولا وحده مثل طفوليتج ....اني اكثر شي احبه بيج طفوليتج
طفوليتي....اني مو طفله
انتي طفلتي وراد يبوسني
ضربته على بطنه .....اكو واحد يبوس طفلته
اياااا ملعونه .. تريدين اضربج اليوم
.............................................
شيرين ....مرن شهرين على اتصالي ب اثير واني صح مرتاحه لان عمر حكمه مؤبد مو اعدام .....
فزيت بيومهه من حلم خنكني حيل حلمت بعمر تعبان ومريض .....فزيت ابجي .....يارب والله تعبت .....يا رب تعبت حيل ....ارحمني يارب والله عمر بريء ساعده
بقيت يومي كله مكروب كلبي والكآبه ماليه وجهي
جنت كاعده مااحس اله امي جانت تحجي بالموبايل
لا ......انا لله وانا اليه راجعون
من حجت هيج رحت وكفت كبالهه مااعرف ليش اجه ببالي عمر مع العلم ماكو احد يقربنه من اهله حتى يكولون
وهيه تحجي بعدهه منووو مات ماما
وهيه تحجي ولا يمهه
اوووف الله يعينههه سوده عليه
هسه راح نجي
منووو مات ماما
علي خطيب مريم
يااااااا خطيه شلون
منتول الولد جاي يغسل سيارته ومنكع والماطور ساحبه
لا اوويلي الله يساعدهم ....رأساً بجيت كلش خوش ولد جان ومريم هواي تحمد بي
بدلت بسرعه ورحت ويه امي وعمه خوله ......البيت عمه ام قيصر اول شي
شيرين/اكيد هسه ببيتهم خل نروح كبل البيت ام علي
رحاب/لا اختج هم تروح كالت امرللهه
رحنه الشهد جانت مبدله وجاهزه ورأساً طلعنه
خوله/سوده عليه مريم شنو وضعهه
شهد/تخربطت من سمعت وتكسر الخاطر
اوووف يا بنات اخواني كلجن على هالحظ الاكشر
هسه ولد مثل الورده هيج يموت بلمح البصر ....
خوله/شلون درت
شهد/شنو شللون درت هو غير الفرع انكلب بالصريخ
شيرين/وصلنه البيت علي خطيبهه امه واخواته ومريم يكسرن الكلب
جنه كاعدين ونبجي على بجيهن .....فبصفي كاعدات نسوان مااحس اله يحجن على مريم
ممم تبجي الفكر ... فكرته للولد وموتته
اي هيه هاي مو بت عمهه نفسهه الي جانت الهه مقاطع فديو ....ادري امه شلون قبلت
يمعوده تلكيهه ساحرته للولد ومن السحر مات
اي والله ....كلشي يطلع منهن ذني
كرصت شهد جانت تباوع على مريم وتبجي كاعده يم ام علي وام علي حاضنتهه وتبجي
ولججج يمه مريومه جاان فرحان ويجعز بغرفتكم ....راح وليدي راح قبل لينزف
رجعت كرصت شهد
شكووو يمعوده
باع ذني يحجن عليه وعلى مريم الادبسزيات
شيحجن
شتكولين اكلهن تره اني الي كاعد تحجن عنهه
انجبي واسكتي طبهن مرض هسه تصير مشكله بوجه مريم .... ويطلعنه احنه الي ممتأدبات
ولا عرفتج ولج
مااحس اله كامت شهد ....باوعت عليهه وين راحت هاي الخبله ....شويه واجتي شايله صينيه مال جاي وبدت توزع ......وصلت للنسوان الي بصفي ......فجأه وكعت الصينيه ....انصدمت اني وهاي المره الي بصفي عاطت
شهد/ياااا اسفه والله مدري منيه عثرتني برجلهه يمعودين لزمو جهالكم ودنكت عل مره
خو ما تأذيتي خاله
يا خاله غير تديرين بالج ...شنو متشوفين .....استغفرك يا ربي
بهاللحظه اجتني الضحكه متحملت كمت رأساً رحت دخلت للحمام فطست ضحك .....صدمتني شهد اكول اني معقوله شهد عقلت من جاوبتني
انوب مدري شبيه قفلت عل ضحك .....وراهه رحت ال ماما كتلهه اريد اروح طبعاً اني بعد ماتطلكت من كرار كمت اللبس جبه من اطلع جنت اللبس العبايه علموده
وطبعاً كرار من يوم طلاكنه واني مشايفته حتى من يجي مرات ياخذ جنات يصادف اني فوك
رحاب/بعد وكت وين نروح
جنات أذتني
ولج عيب من بت عمج كعدي. وجيبيهه يمي ال جنات
ماشي ....كعدت شويه واجتي عمه حنان ولمى وازل
ازل ولمى صديقات صايرات لذلك اجني سوا
كعدت يمي لمى
اهلا شيرين عاش من شافج
هلو لمى شلونج
والله الحمدلله
دومج ان شاء الله
لمى/شيرين
درت عليهه ..
خوما بعدج زعلانه مني
تفاجئت من كلامهه ....ليش ازعل منج لمى
يعني بذيج الفتره .....اني حجيت كلام محلو بحقج ....تعرفين اني الله يشهد مو هذا طبعي بس من حسيت بيتي ينهجم تأذيت
اكيد حقج لمى اني لو منج يمكن جان سويت الاكثر
شيرين...اني احب كرار وكرار يحبني وحياتنا جانت حلوه فجأه كلشي تغير
لمى والقران الله يشهد على كلامي ابد مفكرت بيوم ابوك حياتج منج ...
بقينه نسولف ولمى جانت انسانه بمعنى الكلمه واحلى شي سمعته انو حياتهم رجعت مثل قبل ....لو مفكره بانانيه جان هسه عائلتهم نحو الاسوء ويمكن جان لمى متطلكه من كرار لان لمى مو من النوع الي تستلم للامر الواقع وكرامتهه اهم شي وهذا احلى شي بيهه
رجعنه كلنه سوه حتى لمى اول شي وصلنه شهد وازل ....ووراهه رجعنه كلنه .....جان كرار واكف بالباب جنات من قبل لنوصل للبيت بس شافته ركضت علي وتضحك
اجذب اذا اكول ممشتاقتله ... مو حب بس اشتياق الشخص عاملك بكل انسانيه وجان امانك بيوم من الايام ....باوعت شالهه وباسهه ويضحك وياهه
خوله/شعجب مو بالفاتحه
توني رجعت ... من الفاتحه عندي شغله .....باوع عليه
شلونج ام جنات
هلو كرار شلونك
الحمدلله زين ....ورأساً حجه ويه لمى
لمى رايح للمحل تريدين شي
لا ....حسيت لمى ضاجت مع العلم بس سلام صار بيناتنه .....
كرار/جنات ويايه ...
واخذ جهاله وراحو .....بليل كولش يالله جاب جنات
بقينه يوميه نروح للفاتحه ......وحتى من خلصت كمت اروح البيت عمو علمود وضع مريم
شهد/مريم حبيبتي ....مافي شوفي شصاير بيج
مريم/مااعرف شهد توني بديت احبه واتعلق بي راح .....ياربي ليش هيج تعبت والله
شيرين/الله يساعدج حبيبتي ....ويصبرج
مريم/عوفج من كلشي شيرين ....يعني هو انسان طيب وحنين .... تعودت على وجوده بحياتي وعلساس بعد شهرين نتزوج ....فجأه راح مديستوعب عقلي
خوب اخر فتره ....لج بس يحجي بالموت هسه من اتذكر اختنك ....سوده عليه جان يدري بروحه يريد يموت عبالك
شهد/يكلج الي يويد يموت يدري بروحه من اول ماورقته توكع
اووف يا شهد اسكتي .....
شهد/من اباوع على حياتنا
بابا وجدو وعسوله وهسه خطيبج مااعرف الموت شبي ويانه
شيرين/وعمر هم مااعرف شنو وضعه
شهد/مو كلتيلي مؤبد
اي بس من ذاك اليوم الحد هسه مااعرف شي عنه وبعدين مو مفروض اني اشهد
شهد/مو رادوج وكرار مقبل
والله
اي والله متدرين ليش
لا ......واصلاً ولا واحد من الولد قبل مبقو شغله مسووهه حتى انتي متدخلين للمحكمه
وليش يعني فوك ماذبو عمر بالسجن وبعدين طلع بريء من كتل حسن
مريم/غبيه انتي اذا قصية اغتصاب انتي توكعين بيهه تنفضحين
وعمر ينعدم
لا محمد كال مينعدم مؤبد
يعني محمد هم متابع قضية عمر
شهد/اي
شيرين/ووحعي لعد ليش متكولين انتي
شهد/ذاك اليوم فارس حجه ويه محمد يمنه
وشلون الدوله يقبلون
شهد/باع هاي ياربي البطرانه حتى الدوله انطي فلوس كلشي يمشي عدل وياك
شيرين/والله تعبت ياربي وحيل
رجعت بيومهه حزينه حيل وكعدت خليت ايدي على خدي وكعدت
خوله/شبي الحلو صافن
من فدوه رحت الهاي الصفنه متكومين تسويلنه كيكه
شنو المناسبه
هيج
مممم علينه شو وجهج مبتسم
فجأه كامت عمه اكلج عوفج من الكيك مو يراد اسوي دايت وخصرت دشداشتهه شلون بكرشي ياربي لازم اضعفه
ليش
شنو ليش الانسان لازم يصير رشيق حتى الملابس ترهمله
عمه شعندج احجيلي من الاخير
شامه ريحة حب
ولج
براسيتول شبيج
وضربت كرشهه بيدهه قررت من اليوم رجيم ابدي بعد ماكو تمن ماكو خبز ماكو حلويات
انتي تسوين رجيم
طبعاً مو بعينج .....كامت راحت للثلاجه شالت شكو نستله شكو ببسي ورادت تذبهن امي دوم تشتري وتخلي بالثلاجه
رحت وراهه ....هاي شراح تسوين عمه
دايت
واحنه شنو ذنبنه
ذنبكم اهلي ....اني ضعيفه كدام البيسي والحلويات لذلك منا وهيج ممنوع تاكلوهن
عمه
وعله من الله تجيج ادري تريدون تاكلون واني اباوع عليكم. هم الله من فوك ميقبلهه ذبتهن بالزباله ورجعت وحده هاي ال جنات بس ال جنات تجيبون بعد
ضحكت عمه يعني هاي صدوك تحجين
فد يوم متشاقيه وياج اني ....كرشي لازم اصعفه هاي الايام
اجتي امي جانت تصلي ولابسه عباية الصلاة
ها خوله اشم ريحة سحب
باوعت عليهه
عمه بس لا
ووجع لتتدخلين بسوالف الكبار
والله
اي والله متتدخلين
لا مو على ماادخل والله راح يخطبج
اوووف يا رحاب مو صوجج صوج الكالج والله بعد فلا احجيلج شي
شيرين/عمه انتي صدوك تحجين شلون متكليلي
فرحت بهاللحظه فرحه متنوصف يعني عمه راح تتزوج الشخص الي حبته بشبابهه ميستوعب عقلي ابد
شيرين/وزوجته هو مو متزوج
خوله/من زمان متوفيه وولده اكبرهم سادس علمي هسه والله اخجل واني بهذا العمر واتزوج
يا الله عمه .....وين كبرج صدك تحجين
اووف منج رجاب راح تخليني مضحكه الهم
زين عمو سعد قبل
ولج همه عمامج وابوج ابد معارضو قبل بس ابويه الله يرحمه
اووف يا جدو
ادري راح يغضب عليه بس شسوي
تحبي
ولج شيرين اموتج والله
بقيت اتشاقه ويه عمه بهذا الموضوع وهيه تتزعل وتخجل وترزل ماما .....
صعدتجنات وصعدت واني اتخايل هم يجي يوم وعمر يطلع من السجن ونتزوج والله مشتاقتلك يا حبيبي
كمت ابجي ....طلعت دفتره وكمت ابوس بكتابته وخطه ....والله احبك يا عمر واتمناك يا حلمي الي صعب تحقيقه بس تدري اليوم صار عندي امل عمه شكد صبرت وهسه راح تنجمع ويه حبيبهه
ياريت لو بده حبنه وره تاريخ وفاة جدو ....يا ريت لو توني يالله راح اتعرف عليك .....اووف ...يا حبيبي بجيت بجركه
فجأه خطر ببالي اخابر اثير رحت الغرفة ماما تسحبت نايمه ....اخذت موبايلهه وطلعت بهدوء
دكيت على اثير مجاوب
دزيتله رساله بداعة امك وبداعة عمر الي اعز صديق عندك جاوبني
رجع دك هو
شتريدين
طمني على عمر عليك الله والله تعبانه ومختنكه حيل
شنو لازم رجلج شمرج
اني تطلكت من كرار واصلاً زواجنه جان علمود جدو ميذبحني
شيرين بس اكلج بشغله بشرفج بضميرج اذا عندج ضمير عوفي عمر ....مو كافي مستقبله ضاع
الله يخليك اثير بس طمني علي والله ميته اني والله الي صار كله مو بيدي والله تعبت وميته حيل
باجر راح اروح اشوفه ان شاء الله موعد الزياره
والله .....عليك الله
اي والله بس وراهه يا شيرين لتخابريني بعد ....من اسمع صوتج واتذكر عمر بالسجن امووت قهر
خليني اروحله
ضحك....ههههه انتي تخبلتي
عليك الله
ميصير اني كوه ادخله
عليك الله اثير
توج ردتي بس تطمئنين هسه تشرفي روحي الله يخليج
عليك الله والله وراهه بعد لا اخابرك ولا احجي وياك بس مره وحده فدووه الله يحفظك الشبابك
باع هاي ياربي ....والله ياربي توكلي على الله شيرين
عليك الله اثير والله مره وحده
ميصير
انت تعرف الضابط والله اني ادري بس خليني اشوفه عشر دقايق والله
ومنو كلج هو يقبل وبعدين اهلج شلون
بس كول اي اثير
والله ماادري شكلج ...اني راح احاول بس تدرين ليش اريدج تترزلين من عمر لان عمر كارهج تره
باجر الصبح ارجعلج خبر
من حجه هيج كلبي طار مااريد افكر بأي شي غير بس شوفة عمر....غلط صح اريد اشوفه وبس
رحت نزلت ال عمه خوله
ماعندي غيرهه تساعدني وهيه الوحيده الي تعرف اوعة الحب وعايشه الحرمان
جانت نايمه ....ندهتهه ...واني ابجي
عمه ....عمه
فزت مخترعه ....شيرين شبيج عمه منومات
محد مات عمه اني ميته
اسم الله حلمانه انتي شبيج شيرين
عليج الله عمه اذا قبل اثير اشوف عمر وديني انتي
انصدمت عمه هم كاعده مخروعه من النوم وهم هيج طلب
انتي تخبلتي شيرين
عليج الله عمه والله راح اموت احلفج بروح جدو بس هاي المره والله عمه راح اموت على شوفته
لتبجين شيرين ولج راح ابجي خل يطلع الصبح والله كريم
عليج الله عمه الله يخليج والله راح اموت
ولج مخبله مو كتلج الصبح نحجي
لا مااكوم منا اله تكوليلي نروح
ومنو كلج يقبلون قابل انتي قريبته
اخو واثير صديقه عدهم عرف والله يكدر يدبرهه
عليج الله عمه اذا اثير كال اي اخذيني انتي
وامج شلون
نكلهه رايحين للاماما الكاظم للدكتور الاي شي فدووه
اووف يا شيرين والله راح تموتيني انتي سوالفج ممعقوله
عمه حبابه شبيج
ميخالف اذا قبل ميخالف بس هاي اول مرهواخر مره شيرين
بستهه من خدهه وشبكتهه شكراً عمه شكراً حبيبتي
بودي اصرخ واكمز بس للأسف حتى اثير ممرجعلي الجواب بقيت للصبح اصلي وادعي اثير يرد خبر ويكول ماشي بقيت موبايل ماما يمي
واباوع عل موبايل
بال٦تقريباً دك عليه اثير كبل شلته
الساعه بال ٧ضبط توكفين .....ب..............
طرت من الفرح ....شكرا اثير والله انت انيان راقي ومتنوصف بعدني احجي سده بوجهي
ميخالف بس اهم شي اشوف عمر
مزلت اركض ال عمه جانت نايمه
عمه ....عمه كعدي
كبل فزت وشهكت شكوووو شكوووو
بضحكه ....شبيج عمه ......ماكو شياثير كال اشوف عمرر
غمتني من همدددداج اي والله فززتيني وحتى الخلفه كطعتيهه عني على هالفزه
عمه كومي بسرعه بدلي حبابه
ولج صخام الصخمج جنت اخذج على كد عقلج
عمه والقران هسه اطلع وحدي ....لا عمه عليج الله والله اموت روحي اني ماعولت وانتي تحجين هيج عليج الله عمه لتسويهه بيه
يااااا مخبله انتي
كعدت بحزن بالكاع وكمت ابجي ....محد بيكم يرحمني ....والله محد يفكر بيه ....تعرفين من خابرني اثير صار عيد عندي .....ليش متحسون بيه ماادري
والله يا شيرين نخاف عليج
من شنو شو عمر وجوه بالسجن بسببي اصلا عمر ينخاف علي مني لان اني فكر وفكرته ...عمه بداعة حبيبج الي راح تنجمعين بي وديني
اووف يا شيرين حبكم دمركم اثنينكم هو شاب بعمر الورد وهسه بالسجن وانتي كلشي شفتي ....وبعدكم متوبون
عمه عليج الله
ماشي ....ماشي ....بس خل اتريك
انتي مو مسويه رجيم عمه
اي والمسوي رجيم ميتريك قابل .....عفتهه وصعدت ابدل مكيجت خفيف واني فرحانه ولبست قميص اسود وبنطرون اسود كملت ورحت ال ماما كعدتهه
ماما ....ماما
فزت رأساً....اسم الله ماكو شي شبيج
شتريدين خوماكو شي ووين رايحه
رايحه ويه عمه للامام الكاظم
للامام الكاظم شنو حلمانات
اي ومناك للباله ديري بالج على جنات
أجلنهه العصر نروح سوه
لا ماما تعبانه اني حيل غير مره
نزلت وهمزين ماما مسكت مااعرف بقلق لان اعرف كاعد اسوي شي ميقبلون علي
نزلت لكيت عمه مكليه بيض ومكسبه خبز
عمه انتي مو بديتي رجيم
واني هسه شمسويه هو كاعد استطعمهن واعلسهن بدون ميدخلن معدتي
ياااااا
ووجعا عل اقل من الوج اللكمه احس بالامان احس نفسي ماكله حتى اذا متوصل معدتي
خلصت كرصه كامله تعلس وتذب الحد مكملت تبديل شلت حالي
اجرنه تكسي لكينه اثير ينتضرنه
احس كلبي صار طبل يدك سريع فرحانه حيل الدرجة يريديغمه عليه
بابتسامه ....هلو اثير
اهلا....من وره خشمه
وكفت كباله عمه ....هو انت اثير ....شو خشمك يابس ابو خشم
اهلا خاله
شيرين/عمتي خوله .....عمه اثير صديق عمر المقرب
اي مو شفتيني كتله اثير ابو خشم اليابس
ضحك اثير .....لا خاله بس اضوج من بت اخوج
خوله/يعجبني الانسان الصريح ....هو هذا السجن
اثير/اي
عاد اني ادخل وياكم لو ابقه هنا بالشارع
مبين ابقه اني راح اكعد هنا بالفي احسن الي
ضحك اثير وكال تره احتمال ميقبلون اني حجيت ويه الضابط وبعد مااعرف
صدك اثير
اي والله
راحت ابتسامتي ....وخفت حيل اعرف حضي زفت
دخلت وره اثير بقه يحجي وبه واحد هواي والي يحجي ويا يباوع عليه واني بداخلي احس نفسي راح انهار بس لا ميقبلون
دار اثير عليه ....يلله دخي منا عل تفتيش
حسيت نفسي اريد اتخربط ممصدكه وكلبي كام يوجعني من الفرحه .....يارب شكراً ...شكراً
دخلت للتفتيش رجلي ترجف مااعرف راح اوصل واشوف عمر ممستوعبه هذا الشي ابد .....حتى ايدي ترجف
واني امشي يم اثير كلي....لتتوقعين من عمر راح يقبل يشوفج ...عل عموم اني راح ادخل اشوفه واطلع لان اذا مدخلت ماارتاح ولازم اله الشهر اليجي يالله اشوفه
اي
احجي وارجف ممصدكه والله .....دخلت شفته واكف بس شنو مو مثل بالمسلسلات يعني اكو حاجز بيناتنه
باوع انصدم .....فتح عينه
كبل بجيت متحملت
اثير هاي شجابهه هنا
اثير/شخبارك
عمر/كتلك هاي شجابهه هنا .....شلون تجيبهه
شيرين/تقريت ...عمر
اششششش لتحجين ابداً .... بأي وجه تجين وبعدين انتي الهاي الدرجه رخيصه شلون تجيني وانتي مره على ذمة. رجال
اثير/عمر خليني اشوفك واطلع
طلعهه وياك مااريد حتى تسمع صوتهه مو اشوفهه انوب
عمر والله اني مالي علاقه
بشنوووو مالج علاقه ....بشنوووو بالضبط. اني مكاعد احملج مسؤلية وجودي بالسجن ....انتي غدرتيني
اني مبلغت عليك
ضرب بيده عل حديده اعررررف
بس انتي رحتي تزوجتي وره منسجنت
انجبرت
ضحك باستهزاء ......انجبرتي ...انجبرتي
انتي خلصتي عمرج تغلطين وتكولين انجبرتي
كمت ابجي وهو يباوع عليه بحقد باوعت علي
اني تطلكت
صفك مبررروك ....مبروك تقرب حيل وكلي تقربي عليه وحجه بصوت ناصي
يوم بعد يوم اكتشف انتي وحده رخيصه حيل
باوعت علي واني ابجي .......ليش هيج تحجي ياعمر
روحي شيرين لتجيني بعد .
عمر هيج اني بعيونك رخيصه
روحي شيرين
راح اروح بس اكلك انت هسه مو بالسجن بس اني من اموت اروح للنار من وراك لان ماكو يوم مفكرت بيك
مو اكلج وحده رخيصه. تضوجين
براحتك بس اكلك بشغله .....لتصدك من ذاك اليوم الهذا اليوم عشت يوم واحد مرتاحه .....الحد هسه اجيت وبدون ميدرون اهلي
سكت واني سكتت .....بقيت اباوع علي ....مشتاقتله وهواي جنت متوقعه ميقبل بيه بس جنت عايشه بأمل واحد بالميه خليت ايدي على اصبعه
اعرف غلط بس تعبت من التفكير بالصح والغلط ....
جر ايده كلهه وضحك ....روحي شيرين .....تجاهلني وحجه ويه اثير
اثير ....شخبار بكر
زين ....الاسبوع اليجي هم راح يجي
شلون يجي بلله صار علي شي
لا ان شاء الله ماكو شي لتخاف مأمن مكان وبعدين اصلا هو راح يجي علمود حل المشكله العشائريه انت وبالسجن بعد شكو
من كل عقله بكر
احسن شنو لشوكت يبقه بكر ميكدر يدخل للعراق
باوع عليه ......من وراج لعبت بأهلي جوله من وره حبج الفاشل
سكتت ودنكت بقه يسولف ويه اثير وراهه خلص موعد الزياره
واني اباوع علي من يسولف ميخالف خلي زعلان وممعبرني بس اهم شي شفته
مااعرف شكله اثير بصوت ناصي حيل ابتسم .....ابتسمت لا ارادياً الابتسامته المشتاقتلهه باوع عليه
دير بالج تسويهه بعد
شنو
دير بالج تجين بعد مااريد اشوفج
تقربت علي واثير وكف على صفحه
اني احبك عمر واعشقك تقبل او متقبل براحتك
وراح انتظرك الحد متطلع وتتزوجني غصباً ماعليك والله
ضحك باستهزاء....بابا اني محكوم مؤبد يعني منا اطلع للكبور خاف ماعندج فكره
اثير/يلله خلصت الزياره عموري دير بالك على نفسك
واني كاعد اطلع صاح شيرين.....يتبع
ع