صرخات غير مسموعه
بقلم الكاتبه ام غايب
الناقله زوزه
عمر/راح اعترفلج ..... كاعد اقره ومندمجه مااحس اله كرار فتح الباب واني بيدي الدفتر
بس الحمدلله جنت متغطيه بحيث اول منفتحت الباب ذبيت الدفتر جوه البطانيه
شبيج فزيتي
اكيد افز ....يعني طابكه الباب وفجأه ينفتح وانت ......
كمت كعدت عدل
كرار/ليش كاعد تبجين وعيونج مورمه
تعبانه من الي كاعد يصير بحياتنا ومكاعد اكدر استوعب عسوله احتركت
ابتسم باستهزاء......وكال شيرين ليش كاعد تحجين عليه بكل مكان
بكل مكان.....اصلا اني اذا احجي عليك فأحجي بالخير
يعني مكايله لعب بمشاعري .....الي يسمعج يكول انتي جنتي تحبيني
هاي عمه خوله كالتلك مووو
مالج دخل بالكال المهم وصلني الكلام .....شيرين اني اعترف حسيت بشي تجاهج ومااعرف شنو الاحساس المضبوط والدقيق بوصف حالتي بس اني حسيت بشي تجاهج ومتلاعبت بمشاعرج مثل ماانتي تفضلتي اما عن طلاكي منج فهووو بسبب اغلاطج الي تتكرر
كعد كبالي بس رغم ما مغطيه الدفتر جوه البطانيه بس اكو خوفه بداخلي
باوعت علي ....سكت وشويه وحجه وبهدوء
شيرين .. اشوكت راح تبقين لا مبالاة بكلشي فهميني
ولشوكت راح تبقين تعرضيني المواقف تنتقص. من رجولتي
اني اسفه كرار والله مو قصدي ابداً
هو انت راح تخلص مني بعد
اني مااكدر اطلكج شيرين
باوعت بصدمه .....ولمى
انتي مخبله .....اذا طلكتج شلون تواجهين مجتمع متخلف
ولمى
تتقبل الامر اني مااكدر ادك بيج الناقصه تزوجتج علمود احميج ومن اعوفج راح ازيد الطين بله
شيرين/كرار الناس مترحم ....لو شكد مراح نحسبلهم حساب ....
اني علمودج
اذا علمودي طلكني كرار ولتخاف عليه اني بالحالتين نابذني المجتمع اذا وياك او بلياك اعرف تحس بتأنيب الضمير يمعتك من تكول ال لمى بس انت مقصرت وياي اصلاً عطائك الي جان هواي اتوقع صار وكت ترجع حياتك مثل قبل
جدو ومات ....اكبر دمار الي جان بحياتي هو جدو
وجدو مات
شيرين بس راح اكون وياج على بينه ....اذا بيوم من الايام فكرتي تتزوجين فأعتذر منج مااكدر اخلي بت اخويه يربيهه غريب
