حبايب الي يكولون البارت قليل البارت مثل كل مره لا يزيد ولا يقل
صرخات غير مسموعه
بقلمي ام غايب
اخذت تكسي للبوابه بس وكفت بعيدبقيت انتظر ماكو رجعت اخذت تكسي للكوفي الي جنه نكعد بي بلكت الله يهدي اثير ويجي بقيت انتضر ماكو مأجه
هم مأجه بقيت افتر بالشوارع مااعرف وين اروح دخلت فرع بي بيوت باوعت اكو هيكل بس هندس شويه البيوت مضويه بي دخلت بي شسوي ماعندي غير هذا الحل
اسمع طكطكه كمت اتخايل جن وتذكرت سالفه صديق قديم مسولفهه النه اجذب اذا كلت مصارت عندي خوفه
شويه اختفه الصوت ....كلت اتخايل .....نزعت حذائي لان رجلي توجعني وتمددت بالكاع مغمض عيني او مفتحهن نفس الشي لان الدنيا ظلمه
كلت....هسه انت دخلي كلوب شخسران
رجعت اسمع طكطكه فزيت كعدت
كمت استعوذ من بليس......هسه لو مشتريلي جداحه ام اللايت ولا خطرت ببالي مااحس اله شي طخ رجلي مبين جريذي لو فاره هيج شي تخيلت ويجوز بزونه
كمت بسرعه رجعت شويه الي وره دخلت كزازه برجلي وجعتني حيل ...بقيت واكف تك رجل وأتلمس رجلي بيدي ....صحت اخخخخخخ ....جريتهه بس وجعتني كلش جبيره جانت كعدت بمكاني مدير رجلي ....تعبت حيل ماادري شلون تخلص
رجعت كمت مااكدر أدوس عليهه الرجلي الكزازه من كثر ماجبيره متعمقه شويه والكاهن وصخه وكلهه خشب وكزاز وطابوك
احترمت نفسي وكعدت بمكاني الحد ميكشف الكشاف واني منتجي عَل حايط غفيت
فتحت عيني على صوت واحد يكول ديلله يمعودين استعجلووو كمت بسرعه مخترع ....العمال جايين يريدون يدخلون اخذت حذائي بسرعه وركضت للحمام جان كبالي
لبست الحذاء بسرعه دخل واحد عليه ...فز من شافني
منو انت
والله يا اخي جنت محصور وكلت خل اتمرفق
طلع رأساً الولد ...جفتني لان ماكو باب بس بلوعه عاد اني صدكت هم تمرفقت وغسلت ونظفت بنطروني وملابسي من التراب
وطلعت لكيتهم يحظرون ريوكهم وكاعدين
السلام عليكم
يا هلا يا هلا تفضل تريك ويانه
لا رحمه الله والديكم
دتعال يمعود
والله هو اني مال جوعان فميت جوع بس لازم اكول لا خوما كبل أجفت
واحد كال صبوله جاي
كعدت اني اكل..... الكمه بسرعه ابلعهه من كثر ما جوعان
واحد كال/عمي كفيلك زينب لو ادري بيك هيج تاكل ولا الح عليك
الكل ضحك واني اللكمه بحلكي باوعت استحيت
