#على جرف الذكريات
بقلم زهراء أمجد
الحلقه التاسعه
تصويت للبارت متابعه حسابي الواتباد
رجعنا للبيت صلينا وتغدينا ونمت ساعه وگعدت شفت خالتي وعمو گاعدين بالصالة ويمهم قوري الجاي والصوبة صاحتني خالتي اگعد يمهم رحت گعدت بصف خالتي شوية ودخل مصطفى گعد يم ابوه وخالتي
اصبلج جاي يمه
لا خاله مااحبه صبت لمصطفئ واني افرگ بأيدية بردانه حضنتني خالتي
بردانه
شوية انتبهت لمصطفئ كل شوية يرفع عينه ياخذ نضرة وينزلها خالتي قربت الصوبة عليه
لا لا خاله لاتقربيها
ليش
هسة خدودي تصير حمرة واني مااحب تصير حمرة
يمة شحلاتج من تصيرين حمرة جنج تفاحة
خاله هي مال تفاح دوخريها ضحك عمو
انتي اول بنية تمر عليه متحب خدودها تصير حمرة ابتسمت ونصيت راسي دخل حسام
حسام :- سويت نسكافي منو يشرب وياي
اني انطاني كوب وهو گعد بصف عمو من الجهة الثانية وبيدة كوبة ضليت لازمة الكوب وادفة بي گاعد عمو وبدة يسولف شلون اول مرة شاف خالتي وحبها
اي عمو حباب سولفلي عنكم خوالي جانو دوم يذكرون حبكم وشلون تعاركت واخذتها من جدو غصب ضل يسولف واني استمع واشرب من كوبي شوية ودخلت حور گعدت وحضنتني خليت راسي ع راسها وهي راسها ع كتفي وگاعدين نسمع جانت گعدة تخبل شوية وندستني حور بخصري باوعتلها اشرت بعيونها لمصطفئ شفته صافن علينا اني وحور ومبتسم ضحكت ورجعنا نستمع لعمي شوية ومنحس اله حسام شمر المي الي بلگلاص اليمه ع مصطفى ومصطفى گمز ضحكنا
وحسام يضحك ومصطفى صار عصبي ويصيح طفر حسام ورة عمي ومصطفئ يصيح ويريد يضربة عمي گاللهم
ادبسزية صدگ متستحون مو گاعدين نسولف وية الأوادم ضحكنا وضلو مصطفى وحسام بينهم مناگر تالي گام عمي وهم طفرو يتراكضون صدگ ضحكوني احس شوية شوية بديت أتأقلم وية الوضع وبديت احب جوهم العائلي وبالذات خالتي وعمو حيل يحبوني وحسسوني انتمي لعائلتهم،،،،
الوكت يمشي والأيام تركض ركض وصار ع جيتنا لخالتي 4 شهور ولحد الآن مشايفة خوالي ولا واحد من الولد بيوم گاعدين بليل بالمطبخ احنه البنات وامي وخالتي دگ جهازي ماسنجر شفته وليد خلصت الدگة ومرديت رجع اتصل خليته صامت خلصت 5 مكالمات واني ماارد عناد بي لأن كل اتصال يگول يومين واجيكم وهو ماكو شوية واتصل صلاح ردت ماارد بس بعدين گلت عناد بوليد ارد رديت صلاح
مساء الخير
هلا مساء الأنوار خير اول تالي متصل ومساءيات وكذا شنو الموضوع گال
ههههه مو وجه نعمه حبيت اشوف اخبارج
ويهمكم اخباري
احممم خيرج مبين من نبرة الصوت زعلانه
اي زعلانه
افاااا من منو كلشي ولازعلج الغاالية گولي شبيج.....
متذكرون بالجذب مكالمه ملاحظين نفسكم لو اني اتصل لو ماكو
اي والله حقج علينا واسف
اعتذار مرفوض وگول لخالي حتى عليه زعلانه
ليش ولج هو اني فاتح سبيكر يسمعج گتله صار 4 اشهر بالجذب مگال خلي اروح اشوفها هسة عرفت بمعزتي عندة
لا ولج مو هيج والله بس تعبان خاالج من موضوع زهير
صلاح لاتبرر قافلة عليكم ومقهورة منكم حييل
هاي صدگ والله عبالي تشتاقين....
بجيت وگتله لا مااشاقة
لاتبجين والله هليومين افرغ نفسي واجيب ابوي واجي
شبعت من هذا الموال گالوها گبلك هوااي حجيت وعاتبت وفضيت الي بگلبي گله وامي تخزر وتسكت وتگول كافي همة هم حقهم ملتهين بشغلهم گتلها لا مو حقهم خالي حسبة ابوي واني متعودة عليه متوقعت يهون عليه فراگي كل هذه الأشهر وميسأل عليه ضليت ابجي تالي سديته وگمت للحديقة يمكن عند االبعض اني تافهة واتدلع وابجي ع اتفه الأمور بس اني حيل حساسة ورغم المحبة والحنية الي غمروني بيها بيت خالتي وحاولو قدر الأمكان ميحسسوني بغربة بس اني فعلا جنت اشتاق لخالي عمار حييل اشتاقلة وانقهر من اشوفهم ميسألون علينا وبس اني اراسل واسأل
ضليت گاعدة بالحديقة بجيت شوية ومسحت دموعي واخذت نفس الهوة حلو بارد وهدوء عجيب بس صوت الأشجار تحركها الرياح ضليت صافنه ع النجوم والقمر شوية وحسيت احد گعد يمي مهتميت وضليت اباوع للسما گالت حور...
شگد تحبين خالي عمار
فوگ الوصف متتخيلين مدى تعلقي بي خالي جان يوگفلي بأصعب الضروف خالي سندي بالمرة قبل الحلوة ضليت أسولفلها ع وكفاته وياي وع مواقفة من عمي يأذي سيف بعدين گالت
تأخرنا برة گومي ندخل باردة وهسة تتمرضين
مااريد عوفيني هناا
لاتعاندين گومي گامت تسحب بيه گمت دخلنا جوة وهي تقفل الأبواب واحنه نمشي وصلني مسج فتحته وليد اسف والرساله الثانية دموعج حرگتني حرگ كرهت نفسي اليوم من سمعت كلامج قريتهن ومرديت رجع كتب زوزه مرديت
گال وينج ؟
طلعت من المحادثة وسديت الفون وتمددت بفراشي اجت حور تمددت بصفي حضنتها وحضنتني ضلت تمسح ع راسي نمت فتحت عيوني ع حور تمشي طارف شعري ع خدودي. ابتسمت وگالت
گومي يلله رجعت البطانية ع وجهي
وخري اتركيني انام تعبانه
گومي ولج خوالي هنا وخرت البطانية وصفنت بوجها وگتلها جذابةةة....
والله
مااصدگج وعوفيني يلله النفسية زفت ومااريد اگوم
والله مااجذب خوالي بالطريق جايين
حتى اذا اني زعلانه ومااريد اطلع يلله وخري اندرت ورجعت اريد انام گامت تدغدغني من بطني ضحكت وگمت هي طفرت للباب ضربتها بالمخدة وهي رجعتها عليه صرنا نضارب بالمخاد اخر شي كفشتني وركضت للباب واني ركضت وراها وشعري مفتوح صار مصطفى بوجهي بسرعه رجعت سديت الباب وكفت عليه گلبي يريد يطلع من مكانه وحور ميته ضحك حجيت من ورة الباب اني اعلمج خبيثة شلت شعري ولبست حجابي وطلعت غسلت ووصلت للمطبخ سمعت صارت اصوات بالصالة سلام واحضان ومباوس باوعت لمنتهى وهزيت راسي بمعنى شكو
ضحكت وگالت خالي عمار وزوجته والولد فتحت عيوني بصدمة گتلها صدگ تحجين؟
اي والله طلعت اركض واشوف خالي واكف ركضت حضنته وايدية شابكة رگبته وابجي واشهگ بصوت وهو يضحك وحاضني
والله مااحجي وياك مزاعلتك متريدني هسة بينت المحبة شگد تحبني احجي وابجي وهو يضحك
ياابوية هيج زعلانه عليه
اي وخرني ويمسح بدموعي ليش هيج انت مو گلت مااعوفكم واجيكم وكل يوم اتصل عليكم
حقج عليه واسف واعتذر سلمت ع خالة هالة ووليد واكف وصلاح گتله شلونك صلاح
لا مادام سلمتي يعني راضية عليه ضحكت وگتله والله كسرت عيني وجبتهم وجيت كفوو گد كلمتك مو مثل البعض ضحكو خالي وعمو بصوت وخالي گال لا لا هلمرة زعلانه زعلة قوية گعدت بصفة
وسيف گاله هااا واني اگول شعجب منورين اثاري الجية كلها لزهراء خالي گاله لعد شعندي غير زوزه هذه شريان گلبي رفعت راسي من حضنه
واضح كلششش عزيز عليك شريان گلبك ضحك وعصرني لصدرة حضنته كل قوتي ومبتسمة جابت منتهى المي
هااا هسة ردتلج روحج هزيت راسي اي وضحكت
يلله لعد گومي اگليلج لگمة
لا مااريد خليني هنا يم خالي ضحكت وطلعت شوية وصاحني حسام گال تعالي اگولج
احجي اسمعك
ضحك وگال خرب بيومج لطشت على خالها اليوم گ
تحجي لو لا
امي گالت ياا ولج گومي شجاج قابل طاير خالج ضحك خالي وگال گومي شوفيهم شيردون
اي گايمه
حسام گال دمشي عاد هسة من جمال خالج مگابلته وگاعده
احلة من خشمك ابو خشم وصلت للمطبخ
هاا
يلله تعالي تريكي
هاي علمود هذه گومتني داارجع وگال
ولج امشي اكلي
مااريد
ازاعلج والله اذا مأكلتي گعدت وگعدت حور وياي اگلنا وگمت غسلت ورجعت يم خالي گاعدين يسولفون ع الشغل وع الأوضاع شوية وگمت طلعت للحديقة گاعد ومصطفى فاتح جهازة
شلونك مصطفى
هلا تمام تفضلي
ابتسمت وگتله شكرا گعدت ودزيت مسج لصلاح گتله تعال للحديقة طلع واجة گعد يمنه
شلونها اوضاع بغداد
تمام ماكو شي هدوء
اخبار زهير
تنهد وگال ع وضعه متغير شي ميقبلون يطلعوه اذا مو ينطي معلومه عن عمج او واحد من افراد عائلته انضم مصطفى للحديث وبلش يسأل شلون صارت لزمت زهير وگعدنه نسولفلة ومن بين السوالف زلك بالحجي صلاح وگال قبل فترة داخله ضابط مو يم القضية اصلا كاتله ومعذبة صفنت بوجهة
بصدمة هااي شوكت ؟
ها مصار هواي وحاول يغير الحديث انقهر حيل شنو ذنبه يتعذب ع شي هو مسواه ليش هيج حكومتنا فاشله گاعدين يعذبون بالبريء وتاركين المجرم عفتهم يسولفون وگمت للمطبخ البنات
هاا شبيج ضايجة
ماكو شي شوية ودخل مصطفى للمطبخ گعد ياكل خيار واني دااثرم بالزلاطة
ليش ضجتي من سمعتي بزهير
طبعا اضوج ابن خالي وانلزم ظلم وديتعذب ظلم شنو ذنبه صار 4شهر محبوس سكت وطلع اجت حور
خير
شبيج
مصطفى وكفته وياج اول مرة يسويها ويوكف هلوكفة گ
شبيج ولج سكرانه وكف اخذ خيارة وراح شكو بيها
لا غلط وگفته
دنجبي كلجن واكفات وهو دخل قابل وحدنا
شحجيتو اشو اشم ريحة غيرة بالجوة شمرتها بخيارة وهي رگضت دخلت امي
يااا يااا شبيج ولج خرفيتي اليوم نعمة الله تضربين بيها سكتت محجيت وحور غمزتلي وضحكت اشرتلها اني اعلمج خلصت الزلاطة
يلله كافي اروح اگعد يم خالي ضحكت علا
انعم الله من سويتيلنا الزلاطة اليوم ماخذة ريست ضحكت ورحت گعدت يم خالو گطعوا سالفتهم وقلبو عليه ناصبين شلون اليوم يمي خالي وگاعدة يمه ومحد گدي ههههه
صار الغدة صبينا وتغدو وشلنا الأكل وبعدها الجاي خلصنا شغل بعدنا بالمطبخ واكفين اجت خالتي بيدها صينية الجاي
هااا اليوم خالج يمج مترديني بعد
منو گال انتي خالتي نبض گلبي حاضنتها وابوس بيها من خدودها دخل مصطفى
صااح يمةةةةة فزيت من صوته
وصمةة خرعت الفرخة شبيك؟
البنات كلهم ضحكو وهو گاللها
حجية تدرين بية اغار عليج ديري بالج مني ولاتگلبين عليه كلنا ضحكنا
وگاللها گومي دااحجي وياج راحت عليه واحنا رحنا للصاله گاعدة يم خالو.
اجت خالتي گعدت
گال لخالتي هديوة ديري بالج ع زوزه ترة هاي قطعة گلبي العزيزة شايلة حنيتج شلون انتي جنتي حنينه علينا هي مثلج وازيد بعد
بعيوني ابو وليد والله مونساتنا وبالذات هي ام لسان ام ضحكة الحلوة
حسام عاط يمةةة كافي ترة اذا ابوي ساكت ع هذا الغزل اني مااسكت ضحكنا كلنا ورة فترة گمنا اني والبنات جبنا فواكه وخالو يگشر البرتقاله ويحط بحلگي ويقسم التفاحة ويوگلني وذولة الولد والبنات يگمزون شو بس هي تحبها ومدلليها انت وخوالي وامي
لا كلكم احبكم بس هاي معزتها خاصة وگامو يعيطون واني ميته ضحك عليهم تالي گمز صلاح يريد يضربني عطت وختلت ورة خالتي هدى
ولك ولك اشعل اهلك لو مديت ايدك عليها
حتى انتي هديووة هسة لوما هي خلك صخلة وكلكم مدلليها وتحبوها وجها وجه القرد
راح تموت قهر مني لأن احلة منك ههههه
دگومي قردة حسام گاله
لا لا ضلمت القردة بالوصف اذا زوزه تشبها
باوعتله صفح وگتله
هاا حسام اندمك ع كلامك والله دشوف منو بعد يسويلك كيك
عاط وگمز اعتذر ورب الكعبة اعتذر
خلي ع حالك الأعتذار هههههههه جان يوم مليان ضحك وسوالف وشقة ونفسيتي مرتاحة حتى أحس نفسي اكلت هوااي وتونست حيل خلص اليوم ونمت والضحكة مفارگت وجهي ثاني يوم الصبح گعدت ب6:00 لگيتهم ديتحضرون يردون يطلعون رحت على خالو حضني
خلي بالج من نفسج بنيتي ماريد دموع ولا ضوجة وقهر ولاتفكرين كلشي يجي من رب العالمين ياحلاته مو صح هزيت راسي وحضنته
لاتروحون حباب ابقو بعد يوم امي گالت لاتعرضيهم ماما موزين سكتت بوسني خالو
مااطول ان شاء الله اجيج مرة ثانية ابتسمت
وگتله اوكي طلعو واني واكفة يم الشجرة بالحديقة دخل حسام
هاااا ضحكت
هااا
مرتاحة هسة
اي الحمدلله
يلله لعد راح نطلع للبستان عدنة شغل حضري نفسج تطلعين ويانة
حجي يفيدك حتى تضل ناصب عليه مو ضحك
لا ولج والله مو حتى انتي تشتغلين بدالي واني اگعد اراسل حبابة
اذا حور تروح اني اروح
الله ياخذج وياخذ حور تفارگن شوية 24 ساعة وحدة لازگة بالثانية
اي وانت شبيك تغاار؟
ههههههههه اني اغار من خشمج ولي يلله
لا توضج يلله اطلع بدالك وانت ضل هنا ههههه
بربج صدگ ؟
اي والله عاد طلعنه اني وحور وعلا ومنتهى ومصطفى وسيف وعمو اشتغلنا كلنا سوة وخلصنا بسرعة رجعنا وية الأذان سبحنا وصلينا وتغدينا وراها بدينا نحضر شغلاتنا حتى نروح للمزرعه طلعنا ب3:00 للمزرعه ووصلنا هناك الأجواء تخبل عمري مشايفة هيج راحة نفسية ومكان يخبل جنت احلم اروح مناطق ريفية وهسة تحقق حلمي هههه هناك
مصطفى صاد سمچ وعلم سيف هم واني وحور حضرنا فراش الگعدة علا نضفت السمچ وتبلته وحسام حضر اغراض الشوي المنقلة والفحم وشواية السمچ وبلشو الولد وعمو يشوون رغم الهوة بارد بس تونسنا حيل
رجعنا من المزرعة بوقت متأخر اني گبل رحت للفراش فرشت الي وللبنات وشمرت نفسي ع الفراش حتى بدون ماابدل بس اجت منتهى گومتني سحل
كومي بدلي حتى تاخذين راحتج بالنومة
ابدل اني ومغمضة كملت تبديل وشكرت نفسي ع الفراش غطتي حور وهي تضحك فتحت عين وحدة...
ميييييته تعب غمضت ونمت محسيت غير الصبح ع صوت خالتي تگعدني
عفية خالتي حبيبتي عوفيني حبابة نعسانه حيييل
گومي اگولج الريوگ محطوط توسلت بيها
تگومين لو شلون...
گمت بلگوة لفيت شعري وحطيت حجابي ع راسي وطلعت وماحس اله مي بارد غسل وجهي غسل شهگت ورفعت راسي حسام لازم الدولكة وواگف گدامي ومصطفى وراي ويضحك
شكو من الصبح
حسام :- اسف والله اسف بس هذا الكلب الي وراج مگعدني من 5:00 الفجر علمود شاحنه
ومصطفى
وراي خربان ضحك اجت منتهى شهگت گال عزة بعينج هاي شنو منگعه مااي.
اي البركة بأخوتج هم السبب
خربت ضحك واني عفتهم ورحت اغسل ولو ميحتاج اصلا غسلت اني من الاول غسلت وبدلت ورحت للمطبخ لگيت حور مگاعدة ع السفرة تنتضرني گعدنه سوة نتريگ ودخل حسام
اهوووووو هم شفتجن سوة
معاجبك سد عيونك گملنا ريوگ وحور جان عليها الكنس كنست البيت كله واني لزمت المطبخ كله وعلا طلعت لبرة ع الديوانية والگراج والحوش ونور وغفران ذني ميشتغلن بس اكل ونوم ومنتهى راحت ع الحلال مالتهم تنطي اكل للدجاج وتحلب البقر خلصنا شغلنا اني وحور واجينا ندخل للغرفة مالتنا
حور ليش ممنضفة غرف الولد
حور :- مصطفى هو ينضفها تخبل غرفته مرتبة وحسام ميقبل نضفها جانت غرفتنا بين غرفة حسام الي هي ع اليمين وبين غرفة مصطفى الي هي ع اليسار
تعالي ندخل نعزلها وننضفها
ولج اخاف خاف يحجي علينا
لا ميحجي انتي بس تعالي گعدي يمي ومعليج اني انضفها دخلنا شفت ملابسة مشمرة ع السرير وع التخم وع ميز الأوتي عزلت النظيفات والي يحتاجلهن كوي ع صفحة والوصخات بسلة الغسل عزلت كتبة وصفطتهن ومسحت الميز جان عنده دفتر اشعار ابتسمت يعني مثلي يحب يكتب خواطر كويت قمصانه والبناطير القماش وعلگتهن حور گالت دشداشته هم نضيفة اكويها دااكويها شفت بقع بالردان ذبيتها بالغسل گالت ليش ولج نضيفة گتلها الردان مبقعة
واذا
ضربتها براسها خفيف غبية عوبة شلون ترضيها اخوج يطلع وملابسة مو نضيفه ومطگعة هذه تعكس صورتج ونظافتج قبل صورته ونظافته
وليش يمه قابل اني مرته
مادامه عزابي وممزوج مسؤوليتجن كلجن خدمتهم ،
شلت الشراشف وحور مسحت الأخشاب مسحنا الگاع وطلعنا غسلت ملابسة حور والدشداشة غسلتها بأيدي وبعدها كويتها وعلگتها بالكنتور ع الهوة باليدة مالته رشيتلها عطر نهاية التنضيف خباثة سديت الباب وطلعت نزلت حور من فوگ لأن اخذت الملابس تشرها
هاا خلصتي
اي
الله يستر اليوم
وجع انتن مكبراتها بلعكس الولد من يشوفها نضيفة يكيف اكو واحد ميحب النضافة خلصنا وطلعنا للمطبخ
علا :- هاا خلصتو تنضيف البيت
اي
امي وخالتي والبنات بالحديقة روحو يمهم
لا نساعدج بالغدة ضلينا يمها بالمطبخ صارت ب11:30خلصنا كلشي وطاعت گعدت بالحديقة اجت حور
حور :- العصر نطلع للبستان وتكمليلي القصة
اي اوكي صاحت منتهى علينا ورحنالها بالمطبخ واكفين نسولف سوالف عادية ودخل حسام من باب الأستقبال وراح لغرفته گمزت حور وراي
وجع شبيج علا تباوعلنا گالت الله يستر منجن شمسويات من مصيبة ضحكت وگتلها ياابة والله انتن مكبراتها ماكو شي عاط حسام علااااا حور گمزت حور
اجة والله اجة يمااااا
ولطمةة سدي حلگج وطلعي منها انتي علا گالتله تعال هنا بالمطبخ دخل
حسام :- السلام عليكم
وعليكم السلام
منو داخل غرفتي
منتهى :- زهراء
وجع شمدريج
شفتج من طلعتي منها
حور :- الله يرحمج خوش بنية جنتي
ضحكت عليها صدگ مخلي خوفة بيهن
حسام :- عاشت ايدج اول مرة بحياتي وحدة ترتبلي غرفتي بهذه الطريقة النظامية وحتى الملابس مكوية بس شغلة وحدة عصبتني ورفعت ضغطي
بأبتسامة عريضة وهي ؟
العطر مطيرة نص الشيشة
يلله فدوة الي ابن خالتي
وجه الصخل يافدوة تدرين هذا العطر شگد غالي
مو اغلى مني اكيد
والله غرور القردة
على كل حال شكرا على التنضيفة
ولو تدلل راح والبنات صافنات
منتهى :- هذا شجاه مو جان يتخبل لو عزلنا غرفته
روحي لغرفته واذا مثل تعزيلج هذا يدلل عليكم
راحت ورجعت _ عزة بعينج غير الج خلگ ولج اني اشمر هدومة بالكنتور شمر والگاع اكنسها على بالك مطرودة واطلع
ضحكت اي باوعي طبعا ميريد منجن تنضيف
ولج خيتي شنلحگ اني الحلال وعلا شغل البرة والجوة وحور بالمدرسة هم متلحگ دراستها وويانه
على الزرع
الله يساعدكم اجة عمو من برة توضى وصلة وصبينا الغدة الهم تغدو وشربو جاي وكلمنا المواعين اني وحور ورحنا للغرفة فرشنا فراشنا ونمنا ساعه وگعدتنا خالتي گمنا غسلنا وگعدنة يمهم بالصاله صارت ب4:00
حور :- زوزه امشينا للبستان
يلله طلعنه وبجيبي الجهاز والـ Head phone بأذاني اغاني هادئة ونتمشى گعدنا بمكان وبدينا نسولف ومنحس اله واحد فوگ راسنا
*
*
*
*
*
*
ييييييتتتتتبع...
حبايبي هذا بارت لعيون الَتفاعلين
تحياتي زهراء أمجد