💚
الحلقه 17
تفاعل يا قمرات واوعووو تنسو رايكم
💖💖💗💗💗💖💖💖💗
سبحان الله وبحمده وسبحان الله العظيم
سبحان الله وبحمده وسبحان الله العظيم
سبحان الله وبحمده وسبحان الله العظيم
💗💗💗💙💙💚💚💗💗💗💙💙
كارما : قاعده فى المكتب بعد ما رتبت كل حاجه وبتفكر فى مصطفى الا أختفى من حياتها بقاله 3 ايام وبتقول ايه الا خلانى عملت فيه كدا ...... ماهو كان عايز يخطفنى هو الا جابه لنفسه ....... يخطفك ايه بطلى هبل بقى .....يووووه وزهقت من كتر التفكير فا بتتصل على مريم يمكن تهون عليها
كارما : حتى انتى تليفونك مقفول انا زهقت بقى ولقت أحمد داخل ...اوبااااا ووراه مصطفى بس متجاهلها تماما ....
احمد : كارما ممكن تطلبى اتنين قهوه
كارما : حاضر انا جهزت لحضرتك كل الا طلبته منى امبارح
احمد : هاتيهم وتعالى وهو دخل
كامل : السلام عليكم
كارما : وعليكم السلام مين حضرتك
كامل : انا كامل السمرى ....معلش جاى من غير معاد
كارما : اه أهلا وسهلا معروف طبعا الشركه الاعلانيه بتاعتك مكسره الدنيا .....
كامل : شكرا لذوقك ممكن ادخل للمهندس أحمد
كارما : أكيد طبعا بس حضرتك ادينى 10 دقايق ودخلت لأحمد بلغته وخرجت على طول تدخل كامل
أحمد : يا أهلا
كامل : أهلا بيك وبضيوفك
أحمد : دا مش ضيف دا مصطفى ابنى
مصطفى : سلم على كامل ورحب بيه وقعدو على الانتريه الا فى المكتب
احمد : تشرب ايه يا...
كارما : انا طلبتو خلاص .....
أحمد : تمام ....
كامل : انا أسف انى جيت من غير معاد حبيت أخد فكره متكامله عن المشروع وقولت دا انسب وقت
احمد : طبعا انت تشرفنا فى اى وقت كارما ممكن تجيببلى الماكيت بتاع المشروع واللازم
كارما : حاضر يا فندم حط المشربات هنا يا عبده واتفضل انت
عبده ؛ أمرك يا ست كارما
كارما : قدامهم كلهم .... عبده قولتلك قبل كدا أسمى كارما بس ولا ست ولا هانم
عبده : حاضر يا ست كارما
كارما : امشى يا عبده بدال ما اشرب من دمك
كامل : هههههههه دمك خفيف قوى يا كارما وشكلك شقيه
مصطفى : بينه وبين نفسه اه ابتدينا
كارما : بتتعمد تدايق مصطفى الا قاعد قدامها ومش معتبرها موجوده .. حضرتك اللى شكلك دمك خفيف جدا وجنتل والله
كامل : دا من ذوقك بس بتقولى كدا
مصطفى : نفسه يقوم يجبها من شعرها ويقولها من امتى الرقه دى بس بيحاول يتحكم فى اعصابه
كارما : جابت الماكيت بتاع المشروع والملفات الا فيها التفاصيل اللازمه
أحمد : اقعدى يا كارما اشرحى لكامل بيه المشروع كله
كامل : هى ها تعرف
احمد : دى مهندسه كارما بنت يزيد الشناوى
كامل : بجد والله تشرفنا سلميلى على بابا وقوليلو انى طبعا كان نفسى أشوفه
كارما بتزق مصطفى فى رجله : حاضر ممكن تدخل شويه
مصطفى برخامه ؛ ما الدنيا عندك واسعه اشمعنا المكان الا انا قاعد فيه
كارما : معلش بقى أصل المكان دا بالذات فى وش الاستاذ كامل يا تشرحلو انت وتخلصنى
كامل : واحمد : بيبصو لبعض ويضحكو واحمد بيقولو شباب بقى ... وبدئو يحسو ان كارما بتنكوشه وهو حابب دا
احمد : خلاص يا كارما هنا كويس قوى
كارما : اوك وقعدت جمب مصطفى وضربته فى رجله بغل وهى بصلها بمكر ..وبدأت تشرح التفاصيل بإحترافيه وسهوله لدرجة ان مصطفى بقى معجب أكتر وأكتر من ذكائها واجتهادها فى شغلها وكامل مبهور من طريقتها ...... ها كله تمام
كامل : تمام قوى انتى ممتازه
مصطفى : حب يدايقها مش قوى يعنى
كامل : لا ازاى دى ممتازه جدا كمان
كارما : ميرسى لذوق حضرتك نتكلم بقى فى الجد ميزانية الحمله الاعلانيه
كامل : طبعا المشروع ضخم جدا وتكاليفه ها تدخل فى 200 مليون فا الحمله الاعلانيه عشان خاطر يزيد واحمد ها تتكلف 10 مليون
احمد : ياراجل انا قولت انت أولى من الغريب
كارما : بعد اذن المهندس أحمد أستاذ كامل المشروع ضخم اه بس مش بالرقم المبالغ فيه دا دى نقطه اما بقى ال10 مليون الا حضرتك طالبهم دول الاستاذ .... عرض علينا 6 وما وافقناش طبعا لتمسك البشمهندس أحمد بيك ويزيد بيه فا انا من رأى المتواضع ان حضرتك تكسبهم لان دا مش ها يبقى اخر مشروع ان شاء الله والشريكات الا بنتعامل معاها طبعا أسم حضرتك ها يبقى هو المرشح ليهم ودا ها يبقى مكسب اضافى ليك طبعا انت فى كل الاحوال كسبان
كامل : بس 6 مليون قوليل قوى طبعا بالنسبه لميزانية المشروع الاعلان ها ينزل أكتر من 3 مرات فى اليوم غير الوجوه الا ها نتعامل معاها
كارما : المشروع ميزانيته مش كبيره ولا صغيره يعنى فى الوسط و6 مليون دا مش الا ها نتفق عليه احنا ها نتفق على 5 عشان تبقى عملت معانا الواجب ومتنساش طبعا ان فى اكتر من 5 بكتير دا بعد ما المستثمرين يشوفو الاعلان الا انا واثقه انه ها يكسر الدنيا وطبعا معندناش مانع ابدا ان كل الوجوه تبقى جديده فى الاعلان بشرط انا الا أشرف على دا بنفسى ودا مكسب تانى لحضرتك
كامل : والله انتى أنسب واحده تعمليه شكل جميل.... شقيه .... لابقه فى الكلام ..... ومقنعه
كارما : يعنى اتفقنا
كامل : انت عاملى حصار كدا يا أحمد
احمد : كارما قالت كل الا عايز أقوله
مصطفى : اه طبعا ما بتقصرش وبيقول بتريقه لانها جميله ... شقيه .... ولابقه فى الكلام
كارما : وهى بتستفزه ميرسى
احمد : قولت ايه يا كامل اجيلك أمتى نمضى العقود
كامل : بتفكير هو فعلا كسبان مش خسران ابدا والموضوع دا لو تم بإحترافيه ها يبقى نقله فى شغله زى ما كارما قالت ..... موافق يا أحمد وممكن طبعا تشرفنى أنت ويزيد بكرا اكون جهزت كل حاجه والمهندسه كارما معاكو
كارما : لسا ها ترد .... مصطفى قاطعها ... للاسف المهندسه كارما مسافرا بكرا وكمان واخده اجازه عشان السفر وكارما بتبصلو بتوعد
كارما : عشان ما تحرجش مصطفى لا مفيش مشكله الغى سفرى لو عايز
كامل : لا خلاص نشوفك بقى لما تيجى بالسلامه رايك فى الحمله الاعلانيه يهمنى وسلم عليهم وقام
مصطفى : بعد ما ابوه خرج مع كامل لتحت يتكلمو شويه انتى انسانه مستفزه وبتستعرضى نفسك
كارما : احترم نفسك والزم حدودك فاهم
مصطفى : مسكها جامد وبغيظ انا الا الزم حدودى والا انتى هاااه كنتى خدى منه معاد بالمره .... وبيتكلم بتريقه ... جميله وشقيه ولابقه .... وبيضحك بتريقه هههه يا فرحتى
كارما : بتزقه جامد ومش قادره عليه اوعى كدا يارخم يا بارد وانت مالك انت متغاظ ليه
مصطفى : زقها جامد عشان بحبك يا غبيه .... الكلمه طلعت غصب عنه مدهاااش فرصه ترد وسابها ونزل وقابل والده وبيقول ماشى ليه تعالى ...
مصطفى : معلش يابابا فى مشوار ضرورى لازم اروحه ومشى ..... وكارما واقفه مصدومه فرحانه ومتلخبطه وحالتها حاله
******************
يزيد : انا اتاخرت على الشغل يا داليا
داليا : انا تعبانه يا يزيد ما تسبنيش
يزيد : بالهفه مالك يا داليا تعالى نروح للدكتور
داليا : مش قادره فى وجع شديد فى بطنى من تحت وبدئت تعيط انا خايفه على البيبى قوى يا يزيد ..... ونايمه ومغطيه نفسها وحاسه ان جسمها بيغلى....
يزيد : مش مهم البيبى المهم انتى واتصل على الدكتور يجيله وبعد وقت
يزيد : اتفضل من هنا
الدكتور : بيكشف عليها وكشف الغطا عنها لازم تتنقل المستشفى حالا
يزيد : بقلق فى ايه
الدكتور : رفع الغطا عنها انتى مش حاسه انك بتنزفى ويزيد الخضه شلت حركته وبيقول للدكتور اتصرف بسرعه
الدكتور : كلم الاسعاف وداليا بدئت تغيب عن الوعى تماما اول ما شافت كمية الدم الا نازله منها ... ويزيد ها يتجنن عليها واتصل على كارما بلغها
********************
مريم : ايه رأيك بقى كدا
حسن : تمام قوى سباحه عالميه
مريم : ميرسى كنت عارفه انى ها اوصل بسرعه
حسن : ههههههههههه مش قوى كدا انتى لسا فى بداية الطريق
مريم : كدا حلو قوى ياله نخرج من الميه بقى عشان أجهز حاجه ناكلها مش عارفه بجوع ليه بسرعه لما بنزل الميه
حسن : طبيعى عشان المجهود وعشان بتهضمى أسرع بس تعالى أقولك
مريم : بتهرب منه فى الميه بس على مين كان هو نزل تحت وشالها ....... اعااااااا سبنى يا حسن
حسن : ابدا انتى مجنونه تبقى بين ايدى وفى حضنى وأسيبك
مريم : بدلع بطل بقى الله
حسن : يالهووووى يا يناس وبيغمز لها ها ترضى عنى أمتى أنا تعبت وربنا
مريم : توء ...توء ...توء ..... مش دلوقتى خالص احنا لسا فى مرحلة التعارف وبعدين الأختبار وبعدان أمتحان شفوى وتحريرى وب.....
حسن : حيلك ... حيلك ... ما تسفرينا برا أعمل دكتوراه بالمره
مريم : هههههههههههه ها أفكر ياله بقى
حسن : ياله انتى مفيش منك أمل ... وطلعو من الميه وحسن دخل الحمام الا برا ياخد شاور ومريم فى فالحمام الا فى غرفة النوم .........
مريم : خدت الشاور ولفه نفسها بالفوطه وطالعه تلبس فى الاوضه
حسن : خلص الشاور ولبس وخرج وبيفكر فى إلا سيطرت على كيانه كله ومش عارف ها يستحمل بعدها ازاى وهى بين ايديه وبيكلم نفسه .... انا حبتها وبعد ما اتعاملت معاها عشقتها وكأنها مراتى من سنين ومش قادر على الموانع الا بينه وبينها وانها رافضاااه كا زوج دخل الاوضه يشوفها اتاخرت ليه .... واتصدم لما شافها بالمنظر دا وهو اساسا كل مشاعره ثايره عليه ومش قادر يتحكم فيها وبيقرب منها وهى بتبعد وبتحاول تهرب منه بس ازاى .........
مريم بتوسل لما شافته بيقرب ومسكها بين ايديه : حسن أرجوك سيبنى
حسن : وهو تايه او مغيب تماما مش قادر على البعد وانتى معايا وبين ايدى وبيشلها وبينزلها على السرير
مريم : بصريخ سيبنى يا حسن اوعى كدا متغلطش تانى فى حقى
حسن : وهو بيمسد عل شعرها ومركز جوا عنيها مش قادر يا مريم أمنع حبى ليكى ومشاعرى ازاى انتى مش حابه قربى انا جوزك وحبيبك ودنيتك كلها زى ما انتى بقيتى دنيتى والا ملكت كيانى كله وبدء يبوس فيها ويقرب أكتر ومريم مش قادره تهرب من حصونه لها مهما تحاول وتحاول ..... بدون أى فايده هو فعلا مغيب فى عالمهم الخاص الا حرمته الظروف مش أكتر
مريم : بعياط بعد ما بقت مراته قولا وفعلا ليه يا حسن بردو غصب عنى بردو بتجبرنى على وضع انت عايزه و بس
حسن : بلهفه والله غصب عنى والله بحبك يامريم واتغيرت ليه قلقانه وخايفه انا أسف انا مش قصدى احطك قدام الأمر الواقع ... مش عارف عملت دا ازاى
مريم : بعصبيه مش قصدك .... ازاى هاه قولى .... انت كدا عملت الا انت عايزو وانا بردو دا مش ها يمنعنى .... فاهم قرار الرجوع ليك او لا لسا زى ما هو يا حسن ..حبى ليك من قبل ما أعرفك وحبى ليك دلوقتى بعد الا عملته مش ها يأثر فيا فاهم
حسن : خلاص إهدى والله ماكان قصدى صدقينى بقى انا فعلا مش ها اقدر أعيش من غيرك انتى بقيتى جزء منى عايزك تصدقينى وكفايه نضيع حياتنا فى البعد والخصام يا مريم انا جوزك مش راجل غريب عنك
مريم : ربع ساعه وها أكون جاهزه ننزل القاهره مش ها أقعد يوم واحد ولعلمك ها ارجع شقتى
حسن : ليه كدا .... بتضيعى أحلى ايامنا فى الهجر والزعل الكلام دا ها اقولهولك لاخر مره يا مريم .... انتى مراتى وحبيبتى ودنيتى كلها ..... اه غلطت فى حقك بس دفعت تمن غلطى كبير قوى يوم ما سيبتك ويوم ما ابويا وامى قاطعونى ... كل دا مش كفايه عندك .....انتى كدا الا بقيتى انانيه مش انا لو قربى منك فى نظرك غلطه فا هو فى نظرى لاء لانى بتمناه ...... عايزا تسافرى ها نسافر ومش ها أقولك لاء وها استنى ترجعى لحضنى ومش ها أكون انانى زيك ومش ها أقفل بابى فى وشك ابدا لانى مش عارف أصلا ها أشوفك تانى والا.....وسكت وما كملش الكلام
مريم : وهى بتحاول تتجاهل كلامه بس من جواها بتتقطع وخوفها منه ومن بعده بيزيد عندها ...وكل الا فى دماغها ان قربه دا مسئلة وقت او بيعمل كدا عشان ابوه وامه ......
ربع ساعه وها اكون جاهزه اتفضل اطلع برا عشان البس
حسن : بخيبة أمل وزعل كبير براحتك يا مريم وخرج فعلا .....ولمو كل حاجه وبدئو يتحركو
***************
كارما : بعياط مالها يا بابا قول10 دقايق وها أكون عندك
يزيد : على مهلك يا كارما يا حبيبتى وانتى جايه
احمد : بخضه مالك يا كارما فيكى ايه
كارما : طيب سلام يا بابا
أحمد ؛ هاتى التليفون وكلم يزيد وفهم منه وخد كارما فى حضنه بيطمنها ونزل معاها وكلم مصطفى عشان لو احتاجو حاجه هو ينجزها
كارما : بعد ما وصلت المستشفى وجريت على والدها وبعياط ملها يا بابا طمنى عليها ارجوك
يزيد : بزعل كبير قوى ياريت حد يطمنى انا أعصابى تعبت من ساعه ما وصلنا وهى فى العمليات والدكتور بيقول انها محتاجه دم وقالب الدنيا على الفصيله بتاعتها ولسا مش لاقى
أحمد : فصيلة دمها نوعها ايه
يزيد : للاسف O سلبى ودى نادره شويه
أحمد : مصطفى ابنى نفس الفصيله وهو فى الطريق لهنا
يزيد : بلهفه كلمه يا أحمد تانى بسرعه يمكن يلحقوها ارجوك
أحمد : وصل أهو
مصطفى : دخل لقى كارما منهاره تماما وكان نفسه ياخدها فى حضنه وراح لوالده وليزيد الا بيجرو عليه ..... فى ايه طمنونى طنط داليا مالها
يزيد : انت فصيلة دمك O سلبى
مصطفى : فهم ايوا وممكن اتبرع لها حالا
ويزيد : بعت لممرضه تدخل للدكتور تبلغه وفعلا الدكتور خرج واتاكدو انها نفس الفصيله وعملو الفحصات اللازمه وبينقلو لها الدم ...... وبعد فتره الدكتور خرج ومعاه مصطفى
الدكتور : الحمد لله قدرنا نسيطر على النزيف وكمان البيبى فى امان وهى ها ننقلها للعنايه انهارده
يزيد : الحمد لله وحضن مصطفى شكرا يا حبيبى الف شكر
مصطفى : على ايه بس أهم حاجه طنط داليا نطمن عليها وتخرج بالسلامه
أحمد : ربنا يطمنك عليها انت وكارما تعالى يا كارما كفايه عياط
يزيد : مش تشكرى مصطفى يا كارما
كارما : بضحك حاضر ها اروح أشتريلو نص كيلو كبده أشكرو بيه
كلهم : هههههههه
مصطفى : نص كيلو ياله مش مشكله أهو أى حاجه تيجى منك
💗💗💙💙💚💚
بقلم : لبنى طارق
💗💗💙💙💚💚
عندما يعشق الفدائى 18
سبحان الله وبحمده وسبحان الله العظيم
💗💗💗💗💙💙💙💙💚💚💚💚💚
حسن : وهو راكب عربيته ومريم جمبه ممكن ننزل لأمى وابويا نزورهم دا لو ماعندكيش مانع
مريم : عندى يا حسن مانع مش ها تجبرنى تانى انى أفضل معاك فى مكان واحد انا ها اسافر وازورهم لوحدى
حسن : براحتك يا مريم بس كانو ها يفرحو لو كنا مع بعض
مريم : اه قول كدا قول انك عايز تفهم طنط وعمو اننا مع بعض صح
حسن : بعصبيه لاء والف لاء يا مريم وكفايه ظنون وشك انا عارف كل الا بتفكرى فيه وسايبك للايام تثبتلك انك غلط
مريم : ياريت تسيبنى للايام تثبتلى زى ما بتقول ....
حسن : مفيش أى مشكله غير انى ها ابقى مشتقلك ومحتاجك جمبى ومش ها أشحتك أكتر من كدا
مريم : بعصبيه تشحتنى دى أخرتها لا وعلى ايه متشكرين
حسن ..........
مريم : ممكن تنزلنى
حسن : انزلك فين انتى مستوعبه بتعملى ايه وبتقولى ايه انتى عايزا تجننينى يا مريم معاكى
مريم : انت الا بدايقنى مش انا ....... وانت االا عملت المسافات دى بينا ما تنساش
حسن : مش ناسى واوعى تفتكرى حبى ليكى وتمسكى بيكى ضعف فاهمه ....انا لو عايز فعلا اعمل اى حاجه وكل حاجه غصب عنك .... ها أعمل انما انا عايزك تبادلينى نفس شعورى ناحيتك .... عايزا تفهمى دا أفهميه مش عايزا براحتك وياريت نقفل الموضوع ..... عشان ما نزعلش من بعض وهو مدايقك كدا وكل حاجه ها تتفهم غلط ......
مريم : تليفونها بيرن .... الوووو ايو يا كارما
كارما : انا محتجاكى قوى يا مريم وبتعيط
مريم : مالك يا كارما فى ايه قلقتينى
كارما : قصت لمريم كل ما حدث ..... انا السبب يا مريم انا الا أقنعتها تخلف تانى مش مسامحه نفسى فى الا عملتو فيها
مريم : اهدى يا كارما ان شاء الله ها تقوم وتبقى كويسه إن شاء الله انا فى الطريق وإن شاء الله على اخر النهار ها ابقى موجوده
كارما : بجد يا مريم تيجى بالسلامه خلى بالك على نفسك وقفلت معاها
حسن : فى ايه
مريم ؛ زى ما سمعت طنط داليا تعبانه جدا وفى العنايه
حسن : الف سلامه عليها قالتلك فى أى مستشفى
مريم : فى ........
***************
مصطفى : واقف مراقب كارما وراح لها بعد ما خلصت المكالمه ........ خلاص يا كارما ان شاء الله ها تقوم بالسلامه مامتك ست قويه وبتتحمل
كارما : بعياط ومنظر يقطع القلب تفتكر يا مصطفى يارب تقوم ومش ها ادايقها ولا أزعلها تانى
مصطفى : بضحك مدايقه البشريه كلها .....يا شيخه اتقى ربنا فينا الاسعاف ها ياخدنا واحد واحد
كارما : فى وسط عيطها ضحكت 😂😂😂مش وقتك الصراحه
مصطفى : وهو بيحاول يخرجها من حالتها دى ...... على فكره انتى نصابه
كارما : بأستغراب ليه يعنى
مصطفى : فين الكبده دا نص كيلو طمعتى فيه ...دول صفو دمى جوا
كارما : انت عندك دم اصلا دا تلاقيهم خدو سرنجه والا اتنين بالكتير
مصطفى : أعمل ايه فى طول لسانك دا وبيرفع ايده يارب صبرنى عليها بدال ما اشرب من دمها واعوض الدم الا خادو
كارما : أجيبلك شاليموه
مصطفى : ليه
كارما : تشرب بيها من دمى 😂😂
مصطفى : 😂😂😂😂 بخبث ها أفكر أشربه بأيه على رواقه وقرب منها قوى وبصوت هامس رغم ان الظروف مش مناسبه بس وحشتينى ووحشنى مقالبك الا تودى فى داهيه
كارما : شوفتنى بعد ما لميت الناس عليك وخلعت 😂😂
مصطفى : اه شوفتك وفرحت بيكى قوى وجايبلك عريس كمان واد قمر وحليوه ودمه شربات
كارما : اه مين هو بقى عشان الحق نفسى قبل ما أعنس
مصطفى : انا بقول كدا بردو........ وقولت الحقك مش مالى عينك انا أهو حليوه وقمر وطول بعرض والبنات ها تموت عليا بس قولت أكسب فيكى ثواب
كارما : لا اتبرع بيه لأى حد غيرى الثواب دا أنت قمر أنت ... وحليوه كمان .... لا انا أمشى قبل ما ينيمونى جمب أمى
مصطفى : خدى يا بت هنا ايه عفريت بقرون قدامك انا يا حقوده والله شكلى فعلا ها أشرب من دمك يا حرقا دمى ....😂😂😂😂😂😂😂.
كارما : سابته ومشيت راحت جمب والدها وأحمد وكاتمه الضحكه بالعافيه .... هى عامله ايه دلوقتى يا بابا
يزيد : الحمد لله يا حبيبتى الدكتور بيقولى لحقناها على أخر لحظه والبركه فى مصطفى
احمد : مصطفى ابنك ودا واجب عليه
كارما : باصه لمصطفى بإعجاب ومبتسمه وسرحانه
مصطفى : بيبصلها وغمز لها وهما مش واخدين بالهم
وبعدين دخل معاهم فى الحديث
**************
عماد : هو ادهم لسا ماجاش يا سعاد
سعاد : لا لسا
عماد : الواد دا بيتاخر كدا ليه
سعاد : بيقولى بخرج انا وااصحابى الا اتعرفت عليهم وبتفرج على البلد معاهم
عماد : ربنا يستر ويكفيه شر البلاوى الا هنا
سعاد : يارب كلمت مريم
عماد : ايوا يا حبيبتى وكان معاها حسن وكلمنى انا حبيته قوى من حكاوى مريم عليه
سعاد : وحشتنى قوى يا عماد ونفسى أشوفها
عماد : كان نفسى تبقى معانا بس الحمد لله ربنا كرمها بزوج كويس ودا أهم حاجه
سعاد : ربنا يسعدها بعتالى صوارهم الاتنين يجننو شوف كدا
عماد : ما شاء الله مريم أحلوت قوى واخدا بالك
سعاد : الله واكبر عليها بقت نانسى
عماد : 😂😂😂 انا بقى عايزك هيفا وهبى
سعاد : أنت تحمد ربنا ها تاخد زمنك وزمن غيرك
عماد : الحمد لله على كل حال انتى ماليه عنيه ولا هيفا ولا نانسى وكفايه انك خلاص بقيتى معايا وجمبى
سعاد ؛ ربنا يخليك ليا
*********************
مر الوقت سريعا إلى أن وصلت مريم وحسن إلى المستشفى ....
مصطفى : حمد الله على السلامه
حسن ... ومريم .... الله يسلمك
مريم : راحت لكارما وأول ما شافتها خادتها فى حضنها وكارما عيطت جامد ومريم عيطت على عياطها
يزيد : أهلا يا حسن
حسن : الف سلامه على مدام داليا عامله ايه دلوقتى
يزيد : الحمد لله كنا فين وبقينا فين الحاله حاليا مستقره وفاقت بس فى العنايه ....
حسن : إن شاء الله تبقى كويسه
أحمد : حمدالله على السلامه
حسن : الله يسلمك يا عمى عامل ايه
أحمد : تمام الحمد لله انت ومريم عاملين ايه
حسن : الحمد لله وقفل الموضوع ......
مصطفى : خد حسن على جمب مالك انت وهى بوذكو شبرين ايه زى ما روحت زى ما جيت
حسن : مصطفى : اقفل الموضوع دا دلوقتى انا على أخرى بعدين نتكلم أنت ها تعمل ايه ها تفضل هنا
مصطفى : اساسا بيطالبون نمشى بس يزيد وكارما مش راضين وانا وبابا مش عايزين نسيبهم فى الحاله دى ونمشى
حسن : هى دى كارما وبيغمز لمصطفى
مصطفى : ايوا هى دى الا مطلعا عينى وروحى
حسن : اطمن يا حبيبى مش أنت لوحدك وراحو عليهم هناك
يزيد : مريم انتى لسا جايا من سفر يا حبيبتى روحى مع جوزك
مريم : معلش يا عمو انا مش ها أسيب كارما وطنط داليا وجوزى عارف
يزيد : طيب خدى كارما وروحو ريحو فى البيت شويه وتعالو الصبح ادارة المستشفى زهقتنى وانا ها ابات فى الاوضه الا جمب العنايه
كارما : انا ها أفضل معاك
أحمد : ممنوع يا حبيبتى هو فرد واحد بس الا من حقه المبيت وبكرا ان شاء الله الدكتور بيقول ها تبقى كويسه
ياله حسن .... مصطفى خدو البنات روحوهم ياله وانا شويه وها أمشى
مصطفى : حاضر يا بابا محتاجين حاجه قبل ما أمشى
أحمد : اطلب غدا وابعته على هنا عشان اتاكدا ان يزيد كل قبل ما أمشى
مصطفى : حاضر
حسن ومريم سلمو عليهم واتحركو ....
حسن : اركبى يا مريم
مريم : انا هاركب مع كارما
مصطفى : لا احنا ها نركب مع بعض عشان نروح نتغدى انا جعان ومعزوم على كبده
كارما : أنت ما صدقت انا أصلا مش جعانه ومش ها أكل وعايزا اروح انام ..
مصطفى : ازاى يعنى انتى ها تقعى من طولك ها نفوق ليكى والا نفضل جمب مامتك
مريم : عنده حق يا كارما انتى مش شايفه نفسك عامله ازاى
حسن : تعالو اركبو هنا وانا ومصطفى نبقى نرجع نجيب العربيتن الباقين واتحركو بعربية كارما ...
حسن وهو قاعد جمب مصطفى قدام تحبو تاكلو ايه
مريم : قاعده ورا وعلى كتفها ساندا كارما بيتزا عشان كارما بتحبها
مصطفى : بضحك اه راحت عليك نص كيلو الكبده يا مصطفى
كارما : 😂😂😂 وحسن ومريم مش فاهمين حاجه تعرف حد بتاع كبده كويس
مصطفى : أعرف طبعا وربنا ما كبدة حمير
كارما : ايه رايكو تاكلو معانا كبده
حسن : يا سلام عز الطلب
مريم : اوك مفيش مشكله
مصطفى : ها نعدى عل مطعم .... اطلب لهم الاكل فى المستفشى وادفع الحساب وبعدين نطلع على ... تمام
كلهم : تمام
***********
معتز : انا ماشى ها تيجى معايا يا أكرم والا ها تكمل اليوم أنتى
اكرم : لا ها أمشى معاك مش ها أقدر أطبق انا شغل الشركه مش بيخلص المهم المصنع ماشى تمام والعمال قربو يخلصو الطلبيه الاخيره
معتز : كله تمام الحمد لله و محسن بيه مبسوط بشغلنا احنا مسيطرين بردو
اكرم : ايوا أنت ها تقولى مسيطرين على الأخر 😂😂😂 ايه رايك نتغدى برا
معتز : ياريت عايز أكله حلوه كدا تفتح النفس
اكرم : مش ناوى تتجوز ومراتك تظبطك
معتز : بفكر بس مين ... نرمين خلاص سابتنى واتجوزت كمان ما فكرتش تقف جمبى خلعت بدرى بدرى
اكرم : كتير قولتلك انها ما تستاهلش وانت ما سمعتش
معتز : الا حصل بقى عايز الحق نفسى واخلف عيلين أفرح بيهم انا كبرت وداخل فى 36 سنه
اكرم : ولا كبرت ولا حاجه بقولك ايه فى مثل بيقولك أخطب لبنتك......... وانا الصراحه مش ها الاقى عريس لأختى أحسن منك وبحمد ربنا انك فوقت بدرى ايه رايك تتغدى عندنا انهارده وتشوفها حصل قبول تمام ما حصلش احنا إخوات وحبايب
معتز : انت اخويا وحبيبى يا اكرم مهما حصل وياعم ماعنديش اى مانع بس على حد علمى ان أختك لسا مخلصه كليتها يعنى انا كبير قوى عليها
اكرم : كبير ازاى يعنى ها نولع عليك مش ها تستوى 😂😂😂😂
معتز : 😂😂 ظريف من يومك
اكرم : لا ما تقلقش ها نصارحها بكل حاجه ومش ها اضغط عليها فى حاجه تمام كدا
معتز : تمام ياله بقى عشان انا جوعت
اكرم : 😂😂😂😂 طب استنى ابلغهم يجهزو الأكل وبيغمز له ...
*******************
حمزه : حمد الله على السلامه يا حسن ماردتش أرخم عليك وانت فى شهر العسل
حسن : عقبالك كدا وانت زيى
حمزه : زيك دى مش مرياحنى لا خلينى مع نفسى ولا زيك ولا زى غيرك ها أشوفك أمتى
حسن : على 9 فى شقتى ها أكون انا ومصطفى فى انتظارك
حمزه : ها تدايق العروسه بينا كدا فى اول يوم
حسن : اتنيل اقفل وها استناك واحشنى وعايز اشوفك
حمزه : ادام فيها اتنيل يبفى الا فهمته صح ياله على 9 ها اكون عندك سلام
************
مصطفى : ايه رايك يا كارما الاكل حلو
كارما : جدا شكرا على الاكله الحلوه دى
مصطفى : لا شكرا ليكى ... انتى الا ها تدفعى والا ايه يا مريم هى قالتلى انها ها تاكلنى كبده يبقى هى الا تدفع
مريم : ايوا صح هى قالت تنفذ
كارما : انتى اتغيرتى يا مريم وبقيتى بتشربى شاى بالياسمين
مريم : 😂😂😂 مش قوى كدا خلاص مصطفى يدفع هو الراجل بردو
مصطفى : انتى بتشربى كل حاجه يا مريم .... حسبى الله ونعمه الوكيل تعالا يا عم شوف مراتك الا بتدبسنى على الهوا
حسن : بيبص لمريم ايه بدبسيه فى ايه دبسينى انا وانا عنيا ليكى
مريم : .......
مصطفى ؛ حس ان فى حاجه كبيره بين حسن ومريم وهى متجهلاه تماما ..... ابدا يا سيدى عايزنى انا أحاسب
حسن : بيبص له ما أنت الا ها تحاسب انت ماعندكش دم يابنى ....
كارما ومريم : 😂😂😂😂
كارما : قولتش انا حاجه
مصطفى : منك لله انت كمان ...... وبعدين مصطفى دفع الحساب واتحركو بالعربيه يوصلو مريم وكارما و طلبو تاكسى عشان يرجعو يجيبو عربيتهم ويرحو شقة حسن
***********
البنات طلعت الشقه فى بيت كارما وخدو شاور وغيرو ونايمين جمب بعض فى السرير
كارما : انا مخنوقه قوى يا مريم
مريم ان شاء الله ها تبقى كويسه بس ايه السبب ان جالها نزيف مره واحده كدا
كارما : الدكتور بيقول شكلها عملت مجهود زياده عن اللزوم
مريم : الحمد لله انها جت على قد كدا
كارما : عملتى ايه مع حسن
مريم : مش ها ارجع يا كارما وقصت لها كل ما حدث
كارما : بس فعلا شكله بيحبك جدا وتعالى هنا قدامه 24ساعه وفى حضنه وعايزا يتحكم فى مشاعره ازاى يعنى صحيح انا معرفش عمق الحياه الزوجيه بس اظن انك كدا بتظلميه وانه فعلا غصب عنه
مريم : يا كارما انا فعلا كل حاجه عندى ملخبطه وماكنتش مؤهلا لأى علاقه دلوقتى وهو فاهم دا ليه بيجبرنى على كدا
كارما : انتى لسا بتحبيه ؟!!
مريم : جدا فوق ما تتخيلى وخصوصا بعد الفتره الا قضناه سوا بس خايفه
كارما : طيب هو جوزك وحبيبك ايه المانع يا مريم عيشى حياتك بقى
مريم : انتى كمان ها تقولى زيه بقولكو خايفه مش يمكن اتخن تانى ويرمينى وممكن بيعمل كدا عشان خاطر امه وابوه
كارما : بصى يا مريم انتى حافظى على نفسك لنفسك مش عشانه ولا عشان غيره دى حاجه ..... اما خوفك الا ملوش اى لازمه دا كل الا حوالينا اكدو انه فعلا كان بيدور عليكى وهو ما يعرفش انك اتغيرتى كدا ...... ولو هو عايز رضا ابوه وأمه وبيعمل المستحيل عشانهم .. دا دليل انه انسان نضيف وصادق فى مشاعره ....
مريم : بتفكير طيب سيبينى بس مع نفسى شويه وبعدين أقرر .....
💗💗💙💙💚💚
بقلم : لبنى طارق
💗💗💙💙💚💚