عندما يعشق الفدائ 9
ما تنسووووش التفاعل ورايكم
💃💃💃💖💖💗💗💗💗
سبحان الله وبحمده وسبحان الله العظيم
لا حول ولا قوة إلا بالله
الله اكبر .. الله أكبر ولله الحمد
💗💗💗💗💙💙💙💙💙💚💚💚💚💚
مريم : طلعت المكتب بعد ما خلصت شغلها فى الموقع ودخلت للمهندس أحمد وبابتسامه .. السلام عليكم
أحمد بنفس الابتسامه : وعليكم السلام بالهمه والنشاط ايه الأخبار بابشمهندسه
مريم : الحمد لله تمام وكله رائع وزى ما حضرتك عايز وأكتر
أحمد : عشان كدا أنا أخترت انك تشرفى على شغل المواقع بنفسك انتى بتهتمى بأدق التفاصيل
مريم : دى شهاده أعتز بيه من حضرتك دا تقرير مفصل عن الشغل كله
أحمد : اوك كدا تمام
مريم : ممكن أستأذن أنا
أحمد : أتفضلى طبعا وكارما بردو ها تمشى معاكى
كارما : دخلت على طول اذا سمحتلى انا عارفه ان قلبك كبير وبتستحمل مننا كتير 😂😂😂
احمد : 😂😂😂😂 ماشى يا ستى ها أستحمل عشان انتو فعلا أكفأ أتنين عندى
كارما بمكر : متشكرين متشكرين بصراحه انت شايلنا على كفوف الراحه
احمد : انا ها أغلب معاكى .... ياله قبل ما أغير رأى
مريم وكارما ... كانو فى ثانيه نزلو تحت ....واحمد مش قادر يسيطر على نفسه من الضحك على منظرهم وهما بيجرو ورا بعض ...
كاراما ومريم نزلين ورا بعض بيضحكو وبيجرو زى الاطفال
مريم وهى بتنهج استنى يخربيت جنانك
كارما : انا مالى ماهو الا ها يجننا وركبو مع بعض العربيه
مريم : مالك ساكته ومتغيره كدا ليه يا كوكو
كارما : بهيام قابلته
مريم : هو مين ؟!!
كارما بإرتباك : ايه بتقولى ايه ومين ايه
مريم : أنطقى قابلتى مين
كارما : الصراحه يا مريم مصطفى صاحب جوزك وصلى
مريم : بخضه ووقفت العربيه على جمب ازاى يا كارما
كارما : خدى المفاجأه الكبيره يبقى ابن المهمدس أحمد ترارار
مريم بزعل : اه يانى ها نعمل ايه انا مش مستعده لأى حاجه ومش عايزا أشوفه ولا أكلمه مش عايزا حتى الطلاق عايزاه من غير ما اقابله مش طايقه اشوف وشه
كارما : أقولك مصطفى قالى ايه
مريم : ايه هو عرفنى أصلا ازاى
كارما : يا بنتى شكلك ما اتغيرش كتير واكيد ها يعرفك عادى مش دا المهم
مريم : فى ايه بقى احكى وأخلصى
كارما : هو بيحلف انك من يوم ما خرجتى من البيت وهو قالب الدنيا عليكى وندمان على تسرعه فى حقك وفعلا بيحبك
مريم بضحكة أستهزاء وبصوت عالى ونرفزه : قوى فوق ما تتخيلى حبه كان مدمر زى البركان بيشيلو كله فى بعضه انا مش عايزا أسمع سيرته اقفلى يا كارما على دى سيره على قد ما حبيته على قد ما كرهته
كارما : ممكن يكون فعلا بيحبك ومبطلش يدور عليكى زى ما مصطفى بيقول
مريم : بأمارة ايه يا كارما لما شاف وشى كأنه شاف عفريت قفلى بقولك انا مش عايزا أفتكره
كارما : خلاص براحتك فكرى بس على الأقل .... واتحركى بقى كدا ها نتاخر
************
حسن : انت لسا ها تقعد ما ترغى قولى وصلت لأيه
مصطفى : ما تهدى يا عم من ساعة ما كلمتك وانت مزهقنى اصبر
حسن : انت ها تتكلم والا أخنقك بأيدى يا مصطفى جننت أمى
مصطفى : ياسيدى طلعت بتشتغل عند بابا فى المكتب وصبحتها الا كانت معاها هى كارما بنت يزيد المنشاوى عارفه
حسن تنح وبعدين ابتسم : معقول كل دا قريبه مننا ومش عارفين عنها حاجه .. ايوا عارف يزيد المنشاوى السنه الا فاتت كان فى تأمين على شريكاته عشان القلق لانه يعتبر من رجالة الدوله وكنت انا المسؤول عن تأمنيها ويعرفنى معرفه شخصيه جدا فوق ما تتخيل
مصطفى : كدا الكلام حلو قوى
حسن بإستفسار : إشمعنا
مصطفى : الصراحه بنته قالتلى انها ناويه خلاص تطلق منك رسمى ويعنى ما تزعلش منى فى الكلام دا
حسن بيضربه : إنطق أنت بتنقطنى
مصطفى : بتقول انها عايزا تشوف حياتها او شافت حياتها
حسن : بهدوء تام غير متوقع وبعدين بص لمصطفى واتكلم ... بقولك ايه أمر الطلاق أكيد يعنى هى كانت لازم تعمل كدا مش ها تيجى تستسمحنى وتقولى رجعنى !!! اما بقى الامر التانى...... أشك فيه جدا شخصية مريم .....مش كدا لانى قربت منها جدا فى أخر فتره قبل ما أشوفها انت عارف كنت بهرب لأى مكان فيه شبكه عشان أسمع صوتها وارغى معاها كتير قوى شخصيتها وطريقة تفكيرها شددتنى جدا ..... وهى طموحه قوى وملهاش فى جو أسيب واحد وأنساه بالتانى ومخلصه جدا على فكره من كلام أمى انسى الكلام دا
مصطفى : بستغراب ولما انت عارف كل دا وواثق قوى كدا منه ليه عملت فيها كدا
حسن : اقولك الصراحه هبل كنت زى أى واحد حابب الشكل الخارجى لأى واحده حلوه جسم متناسق جمال يشدك والباقى بعدان ودا كان أكبر غلط لما فكرت بهدوء ...... لان أكيد ربنا خلقنا كلنا مش كاملين يعنى كل واحد فينا بيعانى من حاجه شكل فيه عيب مختلف عن التانى ..... ممكن يكون شكلك .. أخلاقك .. جسمك ..مرضه .. تدينه ... كتير قوى ما تعدش تفكيرى كان عقيم ... ومش ها انكر انى أحب اشوفها احلى واحده فى عنيا ..... بس لو مش ها تحافظ عليا وتحبنى وتصونى فى غيابى قبل وجودى يبقى ملهاش أى لازمه وساعتها ها أشوفها أبشع واحده ..... على العكس تماما لو كنت تقبلت عيب مريم الا كتير بيعانو منه وقربت منها وحبتها مع كل الصفات الحلوه الا فيها كانت ها تبقى أحلى واحده فى كل حاجه عندى وكل يوم ها اشوفها بشكل مختلف من حبى لها .. ها انسى عيوبها وها اغرق مع جمالها الا جواها الا طاغى على كل دا وساعتها هى ها يبقى عندها الحافز القوى الا يغيرها ... هو انا وحبى لها ... بس للاسف انا خسرت كتير قوى وأكتر حاجه خسرتها زوجه بمعنى الكلمه
وخصوصا ان الزوجه دا بيشكر فيها امك وابوك ودا صعب يحصل
مصطفى بمكر : كان فين العقل من بدرى بس ياله احنا مش بنتعلم ببلاش .. وبيبص له بنص عين ها ترجعها تانى ازاى
حسن : زى ما اتعلمنا فى الجيش عندك هدف لازم توصله أوعى اليأس يتمكن منك ... الجيش قالك اتصرف
مصطفى : ولو ابوك طلقها منك
حسن ضحك : ابويا لا يمكن يابنى دا رافض يكلمنى غير لما أرجعها لحضنى يقوم هو الا يبعدها
مصطفى : كا نوع من أنواع العقاب مثلا
حسن : مش للدرجه دى ما قولتليش هى ساكنه فين
مصطفى : انت متخيل ان كارما دى ها تقولى ساكنه فين دى حاله صاعبه قوى وغلبويه بشكل حلوووو الصراحه بنت اللذينه
حسن : 😂😂😂😂 انت لحقت
مصطفى رجع بضهره وحط ايده على راسه من ورا بهيام : ايوا لحقت بس شكلها ها تجننى وانا أحب الجنان
حسن : انت ها تقولى
مصطفى : ما تشبطش قوى كدا دا انت شكلك ها يطلع عينك يا باشا دى بتقولى فى مراتك أشعار واد ايه بقت شخصيه عنيده ومحدش بيقدر يأثر عليها فى الوقت الحالى
حسن : ها نشوف من العنيد والا ها يقدر على التانى وبغمزه لمصطفى انا حسن بردو وعمل علامه المسدس بصوابعه وكانه بيضرب على مصطفى طلقه ونفخ فى صوابعه
مصطفى حط ايده على قلبه وضحك : اه قلبى يا وحش
*********
يزيد : هى كارما لسا ماجاتش
داليا : لسا يا حبيبى زمانها جايه
يزيد : ايه دا معقول وفتح الوووو أخيرا سمعنا صوتك
حسن : يزيد باشا ليك وحشه والله
يزيد : أنت أكتر يا حسن عامل ايه
حسن : عامل ايه دى فيها قاعده وكلام لو وقتك يسمحلى
يزيد : انت بالذات عارف انى أعتبرتك ابنى كفايه الا كنت بتعمله واكتر من مره تعرض نفسك للخطر عشانى ها تيجى البيت وأستناك والا فى اى مكان برا زى ما تحب
حسن : مش ها ينفع البيت خلينا برا
يزيد : دا الموضوع كبير انا ها انزل حالا ونتقابل فى ...
حسن : تمام ها أكون عند حضرتك على طول سلام
************
محمود : صفيه حصلت حاجه غريبه
صفيه : خير يا حج
محمود : تخيلى مريم مش قايله لأهلها حاجه خالص ابوها كلمنى انهارده وقعد يعتذر انه مش بيكلمنى وبيشكرنا عل راحه مريم واد ايه مبسوطه مع ابنى
صفيه : بنت أصول والله ما حبتش تشوه صورتنا الله يسامحك يا حسن يعنى كدا بردو مش ها نعرف هى فين
محمود : بضحكه سخريه المفروض انها فى بيت ابنك بس فرحت وقلبى اطمن انها بخير وبتكلم اهلها
صفيه : الحمد لله .. ربنا يحميها ويجمعها بيك يا حسن على خير
**********
حمزه : أنت راجع أمتى
مصطفى : لسا الاجازه فيها أسبوع احنا لسا نازلين
حمزه : يعنى ها أفضل لوحدى بردو انا مش ها انزل اجازتى وها أستناكو
مصطفى : ياريت وحشتنا والله
حمزه : وانتو اكتر حسن فين
مصطفى : مشغول شويه فى حوار مراته الا حكالك عنه
حمزه : لسا بردو ربنا معاه الستات دى ها تجننا يا جدع
مصطفى : تجننك لوحدك ياخويا
حمزه : هههه يا راجل قول كلام غير دا
مصطفى بانصاف : يعنى احنا شويه وهما شويه
حمزه : اه يا مصطفى انا تعبان قوى نفسى دنيا تحس بيا وترحمنى من وحدتى
مصطفى : سيبك منها ممكن يكون فى حد فى حياتها
حمزه : تفتكر عشان كدا بتصدنى
مصطفى: الله أعلم بس مش ها تفضل انت تحب فيها وهى ولا سامعه ولا شايفه
حمزه : مش بأيدى قلبى مش عارف يحب غيرها انا ها اقفل سلام
مصطفى : سلام وربنا يريح قلبك
حمزه : على طريقة أسماعيل ياسين يارب يا خويا يارب وقفل
*************
يزيد : بعد ما سلم على حسن هاه يا سيدى خير
حسن : مش عارف رد فعلك الصراحه لانى عارف ومتأكد انك على علم بكل حاجه انا جوز مريم صاحبة كارما
يزيد : بصدمه وعدم تصديق لا يمكن تكون انت الا عملت كدا
حسن : للاسف انا ها تسمعنى والا خلاص حكمت عليا زى ما انا عملت فى مريم
يزيد : لازم أسمعك رغم انى كنت مقرر لو شوفت جوزها هاا أخنقه بأديا
حسن : عندك حق طبعا انا وقص عليه كل ما حدث وازاى هو كمان اتغير واد ايه بيحبها وهو مش فارق معاه شكلها دلوقتى لانه حبها زى ما كانت واتقبل كل حاجه فيها لحد ما اتفاجئ بيها فى شقته
يزيد : كلام جميل بس انا ممكن أعمل ايه البنت اتغيرت تماما
حسن : مش عايز غير انى لازم أعرف كل حاجه عن مريم وازاى كانت عايشه وتساعدنى ارجعها تانى ازاى
يزيد : بتفكير طيب سيبنى أفكر .. وعمتا لازم انت الا تكسبها بدون مساعدة مننا
حسن : اعرف كل حاجه وانا قادر انى ارجعها ان شاء الله ... انا فعلا حبتها
يزيد : انا مش ها اتمنى لها واحد غيرك وانت عارف .. وعلى العموم طول ما احنا عايشين بنجرب وبنتعلم . اهم حاجه ما تكررش غلطك فى حقها دايما الست او البنت جسمها فى تغير
حسن بتفهم : فهمت وعرفت والله .. وخلاص اتعلمت الادب بقالى اربع شهور ها اتجنن .. وفضلو وقت يتكلمو مع بعض كتيرررر .. على مريم وعلى اوقاتهم مع بعض
💗💗💙💙💚💚
بقلم : لبنى طارق
💗💗💙💙💙💚💚💚
عندما يعشق الفدائى 10
لا إله إلا أنت سبحانك انى كنت من الظالمين
💗💗💗💗💙💙💙💙💙💚💚💚💚💚
مريم : يابنتى أرحمى الستات طلعتى عنيهم يا كارما
أيه : قوليلها وأقنعيها إننا بنى ادمين ولسا كمان مش واخدين على الرياضه والمجهود الكبير انا بروح كل حته فيا فى ناحيه
كارما بعصبيه : أيه هنا كل حاجه بتم تحت اشراف متخصصين يعنى مش جايه عليكى ولا ظلماكى تخنتى اد ايه الاسبوع دا قولى
أيه : بكسوف 2 كيلو
كارما : كلتى ايه بقى طول الاسبوع وأوعى تكذبى
أيه ابتسمت وباحراج : الصراحه جوزى الله يسامحه منك لله يافتحى 😂😂😂من أول ما بدئت رجيم وجيم وملتزمه بقالى شهر وهو كل يوم بشئ وشويات الاسبوع دا كان جحيم عليا ...... وبعياط مسطنع هئ هئ هئ حلويات من أفخم وأحلى الانواع وبتشاور على نفسها .. والنفس ضعيفه ..وخدى عندك مشاوى الهى تتشوش فى صوابعك يافتحى 😂😂😂 خد عندك جاتوهات هئ هئ هئ واقوله انت متسلط عليا والا بتدايقنى
مقدرتش يا جماعه وخصوصا قصاد المحشى والممبار اه يا أيه وعلى ظلم البشر ليكى
مريم : دا أنتى عايزا علقه انتى وجوزك المستفز دا 😂😂 ايه يا أيه انتى وفتحى .. ملكوش كبيررر يا حبيبتى
أيه بتتصنع التأثر : مش انا دا هووو فتحى
كارما بتبص لمريم : عشان تعذرينى وتعرفى بيحرقو دمى ودم الدكتور المتابع ازاى أنا قربت أحجز للدكتور عبدالله عند دكتور نفسى من الا بيعملوه فيه كل يوم ادخل جرى وهو صوته جايب اخر المركز .. فى مره لحقته وهو بيجرى ورا واحده تخنت فى اسبوع 5 كيلووو .. وبيقول بعلو صوته .. بينفخوكى يا مجرمه 5 كيلووو ليه
أيه : 😂😂😂😂 الدكتور عبدالله قرب ينتحر ياعينى والله بيصعب عليا
مريم : 😂😂😂 والله أنتو تجننو فعلا بصى انا فى وقت من الاوقات كنت أضعف منكو بس الاراده بتعمل المستحيل وما تحرميش نفسك بس الطريقه والكميه بتفرق يا أيه
كارما : أتكلى يا ايه بدال ما ازود التمارين 50 عدا عليكى
أيه : لا أتكل أحسن بس ها أقدر على نفسى ومش ها أكسفكو والله
كارما بتبص لمريم : ها ايه رايك
مريم : عادى يا كارما ياما بنضعف
************
معتز : يا مصطفى سيبنى بقى نايم
مصطفى : ليه عشان تقوم تسهر وتسكر فوق كدا عايزك
معتز : أتعدل أهو يا سيدى عايزا ايه انجز
مصطفى : انجز ازاى يعنى فوق كدا على ما أعمل قهوه ونقعد اتنين أخوات ما شافوش بعض بقالهم فتره اتعدل
معتز : اوف على الأخويه قايم غور بقى
مصطفى: هى الأخويه خانقك قوى كدا ماشى ياله انجز ها تلاقينى فى البلكونه مستنيك
معتز : قام وراح لأخوه البلكونه نعم ياسيدى
مصطفى : أقعد واشرب القهوه الاول
معتز : قعدنا وشرب القهوه وفاق تماما
مصطفى : وبعدين معاك يا معتز ها تفضل كدا كتير ابوك تعب وأختك كلها كام سنه وزيها زى أى بنت ها تتجوز يعنى جوزها يقول على وضعك ايه يعيرها بيك
معتز بزعل : هو انا وحش قوى كدا وبقى كمان ها تتعايرو بيا
مصطفى : مش قصدى ابدا انت أخونا وحبيبنا مهما عملت ومهما حصل لو انت ابشع واحد فى الدنيا حبيبى وما اقبلش عليك الهوا بس بالنسبه للغريب لا وكمان انت لازم تتجوز مين البنت الا أهلها ها يأمنو على بنتهم مع راجل بيشرب وساب شغله قولى
معتز : ......
مصطفى : انا مش بدايقك والله يا معتز بس لازم تفهم انك أخونا الكبير وانك لازم يبقى ضهرك فى ضهر أبوك وسنده مش تكسر نفسك وتكسر نجاح ابوك
معتز : .......
مصطفى : طيب قولى ايه الا عامل فيك كدا وليه اتغيرت قوى كدا من بعد موت أمى الله يرحمها
معتز : ماقدرش يتمالك نفسه أكتر وانهار فى العياط وكأن داس على جرحه
مصطفى : أتألم من منظر أخوه الكبير وقهره يااه أكيد حاجه كبيره الا عامله فيه كدا ...... قولى وفضفض يمكن ترتاح
معتز : أقولك إنى السبب فى موت أمى انا السبب يا مصطفى انا السبب ماحدش يعرف غير هى وهى ماتت وسابتنى أتعذب
مصطفى : بأنداهاش وصدمه انت ازاى ماما ماتت فى حادثه ايه ذنبك
معتز : ذنبى انها كانت بتفادينى بعد ما واحد خبطلى العربيه من ورا ووقفت وبنزل له وهى نزلت خافت انى أتخانق معاه عارفه انى عصبى وجايه تجرى عليا ما تخيلتش ان الحيوان بعد ما وقف ها يطلع بسرعته عشان يهرب منى وكنت فى وش العربيه مش أبعد لاء زقتنى يا مصطفى وما لحقتش أعمل لها حاجه ولا أجيبه ولا أعرفه مين حاسس انى ضعيف قوى ياريتنى ما وقفت ياريتنى يا مصطفى
مصطفى : خد معتز فى حضنه هششششش بس كل دا فى قلبك وشايله لوحدك اى واحد فى مكانك كان ها يعمل كدا كله قضاء وقدر وعمرها لحد كدا وخلص انت مش ها تقدم فى عمرها ولا تأخره
معتز بعياط : بس انا السبب
مصطفى : لا مش أنت منه لله الهمجى الا ما يعرفش ربنا صحيح ماما وحشتنا قوى وحنيتها وخوفها علينا بس ان شاء الله هى فى مكان أحسن وبطل تحمل نفسك المسؤوليه بس هى أكيد مش مرتاحه عشان وضعك وحالك
معتز : وحشتنى قوى يا مصطفى مش قادر أنسى نظرة عنيها وهى بتودع الحياه وخايفه علينا وعلى ابوك
مصطفى : الله يرحمها عشان خاطرى لو انت بتحبها ها تتغير وترجع أحسن من الاول
معتز بكسره : حاضر انا قايم
مصطفى : تعالى نصلى المغرب فى الجامع مع بعض
معتز قام : حاضر
مصطفى : بفرحه ايوا كدا بابا ها يفرح قوى وحضنو بعض جااامد ونزلو مع بعض
**************
مريم : روحت وكان الفراغ والوحده هى الانيس الوحيد لها والتفكير فى حسن والا كارما قالته لها ..وبصوت هامس موجوع .. ياااه هو انا للدرجه دى رخيصه قوى كدا ...ها يضحكو عليا بكلمتين عشان أرجع .. ارجع للطلقنى يوم ما شافنى عشان سبب تافه .. امال لو كنت عملت حاجه بقى كان عمل فيا ايه ..انسى وإنسيه يا مريم خلاص الموضوع اتقفل لازم انزل البلد الاسبوع دا أخلص طلاقى منه مش عايزاه يقرب دا مشاعره مزيفه
**************
حسن قاعد بنفس حيرة مريم : بيفكر ها يعمل ايه معاها لازم متاخدش فرصه تسيبنى وتطلق وممكن فعلا بابا يقف جمبها ولو لغيت التوكيل فى الوقت دا بابا ها يفهمنى غلط وممكن يقاطعنى خالص ها أحاول أجيب عنوانها كان فيه ايه لو يزيد ريحنى وادانى العنوان لازم أقابلها ونام بعد وقت كبير وتفكير أكتر
*************
داليا : ها يا حبيبتى أخبار الشغل ايه
كارما : الحمد لله يا ماما كله تماما ناقص وجودك بس
داليا : انا زهقت يا كارما ويزيد بقى دماغه ناشفه قوى معايا
كارما : اه انتى ها تقوليلى بس بيحبك يا دودو قوى اولدى بقى قبل ما يجيلى الضغط منكو
داليا : هو انتى عمرك ما بتكملى كلمتين حلوين للاخر
كارما : 😂😂😂 الصراحه لا بس يا دودو انتو الاتنين بقيتو مسهوكين قوى حاجه كدا مستفزه
داليا : اه دماغى اه لا بطنى لالا ها تشلنى ياربى ايه الكائن الحى دا
كارما : كائن قمور وظريف ودمه خفيف أسيبك أنا بقى قبل ما البس فى الباش ودا ما مبقاش بيرحم
يزيد : وهو داخل هو مين دا يا أم لسان طويل
كارما : باشا وعم الحته 100 مسا
يزيد : انا بدئت أشك انك بنتى
كارما : وانا كمان يا باشا والله
يزيد : انتى ومريم رحتو شقة حسن جوزها
كارما : اه عرفت منين
يزيد : منه شخصيا
داليا : ازاى يا حبيبى انت تعرفه
يزيد : حسن هو نفسه الظابط الا حاكتلك عنه يا داليا الا كان بيأمن الشركه فاكراه
داليا : بتذكر اه فاكراه بس ازاى دا أنت كنت بتقول فيه شعر ازاى هى دى الشخصيه الا عملت كدا فى مريم ؟!!!!
يزيد : يا ستى هو أعترف ليا ان كان منطقه وتفكيره وقراره تجاه مريم غلط وأقسملى انه بيحبها وعايز يكمل معاها فى اى وضع وانا واثق انه مش بيكذب عليا لانه فعلا حد يحترم جدا ومخلص
كارما : بتعجب من كتر ثقة ابوها كمان فيه والله يابابا انا بقيت محتاره بس للاسف مريم قافله دماغها وقافله الموضوع تماما
يزيد : احنا ها نساعد بقدر الامكان وبس من غير ضغط مجرد توضيح الصوره مش أكتر و إلا فيه الخير يقدمه ربنا هو يتصرف معاها
كارما بتفكير : ماعنديش مانع طبعا .. ربنا يقدم الا فيه الخيررر
💗💗💙💙💚💚
بقلم : لبنى طارق
💗💗💙💙💚