بين الحب والنهوة

part_20_

وهذا بارت البارحه الي كاعده انشر بي ربع ساعه وبلاخير يطلع النت ماكو ربع ساعه انشره ويكلي فششل فشششل اخر شي طلعت شفت نت ماكو هههههههه وهاا غلسو ع السحك لان كااااارثه وماصححته 😂😂😂

💫 #بين الحب والنهوة 💫

للكاتبة # نور الشمري (#نوشه)

# البارت العشرون

#آبشركم أجت بس حيل #ذبلآنه 👌💔
#متعبهآ الخذاها وردهآ #عطشآنه

ميس : شكوو منو الي اجه ع كيفك اخذ نفس وفهمني

- مادري بس اكو واحد اجه يصيح وراد يكتل جدي ناصر وصارت عركه جبيره وعمتي سرى دزتني علمود اكلج تعاي يمي لو ماتطلعين من البيت

- اووكف ماا اضلن وحدي تعال انروح اني وياك اخذت ليوثي وجنطتي ومشيت واني صافنه الف فكره وفكره اجت ببالي منو ممكن يكون

الي كتل ناصر لا ماصدك منو هذا الي بايع روحه ههه وراح يتلكاه عزرائيل الولد يركض

واني كل مشيه امشيها افتح رجليه شطول الوحده جني لوفي من يمد رجليه المطاطيه صرت مطاطيه عود امشي ع السريع وماكدر اركض من وره ليث شايلته

وصلت يم بيت عمي ناصر واشوف هوسه شكبره وولد عمي ناصر دايرين ع واحد ومشبعي كتل بقيت واكفه صافنه

الذكريات رجعتني لوره رجعتني لقبل سنتين بنفس المكان وبنفس الاشخاص الي مدايرين الشاب

رجعت ذكرياتي واني اشوف الشخص النايم مستلمي ولد عمي ناصر اذكرت رسلان نفس المكان هذا ونفس الاشخاص الجانو يضربون بي هسه يضربون بهذا الولد بس منو هو

اسمع صوت ضحك بس مااميز الضحكه وين ومنو صاحب المصدر

اباوع ماكدر اشوفه من الحشد الي مداير عليه صايرين زلم براس المسكين رجليه بعد مااحس بيهن اريد اوكف عليهن ماكدر احسهن صارن خيوط واني عبالك الي كدامي رسلان

صرت اتخيل كلشي قبل سنتين وبالي يروح لهناك ويرجع اريد استوعب الي يصير ماكدر احس راسي راح ينفجر حسيت ع ايد جرتني باوعت عمه سرى

- عمه سرى شكو ومنو هذاا الولد وليش هيج حاله شدايصيرر

- مصيبه وطاحت ولج ميس مصيبه الله لا يبارك بيك ناصر الله يسود وجهك مثل ماسودد وجهنا اليوم يناصر الله لا يوفقك عار يطمك ويطم شيباتك يا عديم الرجوله اااخ يالله

- عممممه شكوو احجيي

- تعااي تعاااي لا يشوفج واحد منهم شيخلصج بعد من السانهم

جرتني ورحنا للممر مال المطبخ كبال الساحه مال الطرمه صاير والكل واكف حته زلم ماعرفهم

اضاهر جانو مجمعين بلدوان واجه هذا الشاب ليث كام يبجي اسكت بي ماكوو

شفت فهد دخل لبيت عمي هايج دفع باسم واخوته وراح ع الولد شاله وباوع ع عمي ناصر وهو يحتلهن الغضب ومبين اعصاب

بقيت اباوع شفت الولد كام يمسح بوجهه وصوت الضحك وجع مرة الثانيه حسيت روحي اتخيل لان اباوع محد يضحك كلها صافنه ووجوهم ماتتفسر

سمعت الشاب حجه ورجع ضححك من ضحك عرفت المصدر مال الضحكه يعني هو جان يضحك هذا مو صاحي يعني يكتلون بي ويضربون بي وهو يضحك جان مسودن مو صاحي
دار وجهه ع عمي ناصر وصار ضهره علينا لحد لان ماشفته

صار يحجي وياشر ع عمي ناصر

- هههه هاي شنو شيخ ناصر هيج تستقبل ضيوفك لا لا مامرجيه منك وانت ابو المضايف والكرم هههع

الناس الواكفه تعرفني منو اني لو اعرف عن نفسي صحح نسيت وين تعرفني لا شايفتي ولا انت حاجيلهم عني خل اعرفهم عن نفسي اااخ يابه متني

ناصر : امشي اطلع بره وبعدين نصافه ونحجي امشييي

- لا لا لا هاي شنو تطرد ضيفك يا ناس يا عالممم تعالو شوووفوو شيكم هيج يستقبل ضيووفه

يا اهل الكرم والمرجله اني حازم ابن ناصر الرجال الواكف كدامكم اني ابن هذا العار الواكف كدامك والي اسمونه شيخخ

اني ابن هذا الشخص الي ينفخ ويفتخر بروحه مثل النفاخه وهو كلمة رجال قليله بحقهه

اني ابن هذا الواكف كدامكم بس ناقصله لبس نسوان ويصير حاله حال المره لان وسفه ينحسب ع الزلم

راح سئلوني شلون ابنه واحجي هيج اني اكلكم هيج اب مايشرررفني ابد واني يتيم الاب ومايشرفني يكون هذا الشخص ابوي

اني ناسي اسم ابوي ومطلعه من كل حياتي تدرون ليش تدرون ليش وسفه ينحسب ع الزم

شايفين رجال يزوج وراها بشهر يطلك لان مرة الاولى مااتريدها وره شهرين رجعها علمود نزواته

ورجع هجرهااااا لان رفضته من عرفت حقيقته ياريت ع الهجر وبس هذاااا الكدامكممممم عاف مرته اجدي الربع منه بس علمود اتعيششش ابنها

ربع دينار مايطي المرته هذا رجال هذااااا سنين مرته وابنه عايشين بلجوع ويجدون من الرايح والراد لكمه وحده

وابنه هه الي وين ماراح يكولون عليه ابن حرام ليشششششش!!!!! لان زواج امه وابوه زواج سري مامعترف بي

تدرون منو هذا الابن تدرون منو هذا الطفل الي عايش ويه امه ويتمنه الربع دينار وابوه يلعب بلفلوس لعب

اني اني هذا الطفل الي كبر وصار مهندس يعتمد عليه صار رجال فهم كلشي وفهم ان ابوه شخص ضالم عار كو**

شفتو هذا شيخكم بلا عليكم هذا ينحسب رجاااال احجو هذا سنحسب رجااااال والله حته كلمه ذكر هواي عليه

وهسه من اجيت اخذ انتقام امي الي ماتت من القهر ومن كلام الناس الي 30 سنه ما سكتو كل مايشوفون امي كالو عاهره ليشش

لان صدكت بواحد وحبته لان صدكت هو رجال ويعتمد عليه ويخلصها من ضلم الحياه رادته عون طلعلها فرعوون

ماتت وهي تسمع كلام الناس عن شرفهااا اجيت اشوف الناس الي تحترمه حقيقة شيخهممم

انصدمتو موو ههههههه تؤ تؤ كسرتو خاطري شايف يا ناصر افندي

مارتاح اله اذلك واخليك تتوسل بيه مثل ما امي اتوسلت الربع منك علمود تشتري الحليب الي

مارتاح اله واخليك اشوف الضيم ع اصوله واخليك اضوك من الي ضاكته امي اله اخليك اتعيش الي عاشته

مارتاح اله واني مخليك اتخيس بلسجون لو مخبل تفتر بديرتك والجهال تركض وراك واصيحلك المسودن

ما اطلع حازم ابن امي

- جان يحجي بكل حركة دم وياشر ع عمي ناصر ومنفعل طول ماهو يحجي مبين عليه شكد محروك دمه

جان لابس بطرون وقميص اسود باسود وجنطتته محطوطه بلكاع ملابسه السود مليانه تراب

وجنطته كذالك مليان تراب من الكاع

جان لاف علك اخضر او ماعرف شنو ع معصم ايده ومبين من رفع ارداناته وهو يحجي

جنت صافنه واني اباوع عليهم واسمع الكلام مصدومه اعرف بسوالف عمي بس ماعرف وصلت بي المراصيل يعوف ابنه جوعان ويخلي مرته تتوسل بي علمود درهم تشتري الحليب لابنها

حظنت ابني واني صافنه ع كميه الوحوش الي عايشه بوسطهم اني وين وين عايشه معقوله هذول بشر

هذا حازم هذا حازم الي كال عنه عمي ويريدني ازوجه

دار وجهه علمود ياخذ الجنطه بس انصدمت من شفته باربي شكد بي شبهه من ذياب

كانما ذياب الي كدامي كانما ذياب ومحطوط كدامي يمكن لو ماعرف عن نفسه جان كلات هذا ذياب

نفس الملامح ونفس النضرات والعيون والرموش نفس القامه والجسم والطول

بس الفرق ذياب ماعده لحيه هذا عده سكسوكه لحيه بس بحنجه من الشارب ومتمده للحنج فقط

بقيت اباوع ممصدكه الي كدامي اخذ طنجته وطلع لحكه فهد وهو يحجي وياه واكفه بصدمه ماحس بس ع عضةة ليث الي طفرت واني اشوف ليث يباوعلي بغزره وهو يحجي ومبرطم

- مامه بتني اتيد نمنم ( ماما بطني اتريد اكل )

ابتسمت اله وعضيته من خده واني احجي وياه تتدل البتينه مال ليوثي هسه اسويلها اطيب نمنم

اخذته واني لسه مصدومه باوعت ع عمه سرى واشرتلها ع ليث كالت امشي نرجع

رجعنا وبطريق صار فهد وهذا الولد حازم كدامنا وكفت مصدومه دنكت راسي واني شايله ابني ومدنكه ماعرف شنو المشاعر الي بداخلي خوف ع توتر ع خجل ع قلق ماعرف

اجه فهد وهو يضحك ثار كدامي اخذ ليث مني وحجه ويه عمه

- شمطلعجن بهذا الوكت يا عمه صدك جذب وحدجن تتمشن الدنيا خطره امشن كدامي

تعال ابو الحزم تعال هذه عمتك وبت عمك لا تستحي هههههه

عمه سرى باوعت ع فهد الي راسا كام يسولف ويضحك ويه هذا مدري شسمه وفهد ضحكه اتقدم الولددوهو يباوع علينا

- شوف ابو الحزم هذه عمتك ههههه لا تستغرب اصغر منم بعد جدك وبطولاته هههههههههه

سرى : فهدددد شهلحجي هذا اله اكول الامي عليك امشي ميس هذا طالعه عينه

ردتا نمشي بس وكفنا صوته وهو يكول
حازم : شلونج عمه انشاءالله بخير اسف الضروف جمعتنا بهيج ضرف وماتعرفت عليكم غير هلوكت

سرى : ع شنو تتاسف عادي مو صوجك صوج ابوك الي ماعرف يصرف ااااااخ اااخ فشلنا وسود وجهنااا كدام الناس

امشوو امشوو هسه امي تجي وماتلكي احد بلبيت

-ردت اخذ ليث بس فهد ماقبل بس ماخفت عني نضرات حازم الليث وهو يباوع ع رجليه مستغرب ومتفاجئ من الي يشوفه عفتهم ومشيت ويه سرى وهم يمشون ورانا

اسمعهم يسولفون وفهد يعرفه عليه سمعته سئل

- منو هاي ومنو هذا الطفل

- هذه مرت ابن عمك المرحوم ذياب الي

- اعرفه اعرفه هههه ذيابو هذا منو مايعرفه بس هذا مرته !!!!

- اي وهذا ابنه راح وتركهم وترك البشر تنهش بيهم

- بعدها صغيره شعجب اخذت دذاب يعني قصدي اذا اجه ذياب اكبر منها ب 10 سنوات

- ضروف بعدين اسولفلك تعال انروح اعرفك ع حبوبتك بس ها من هسه حظر روحك للكتل وهاا شغله لخ صير اخرس تنحب هههههه

- وصلنا للبيت والوقت صار المغرب ومو مال روحه للدكتور لجلتها للسبت دخلت ودخلو هم اني صعدت فوك بدلت ملابسي ولبست دشداشه طويله ولفيت حجابي ونزلت

لكيت حبوبه جايه وليث بحظنها وفهد كاعد يم رجلها وحازم يم رجلها الثانيه منضرهم هذا ذكرني بذياب جان دائما يكعد هيج

عفتهم ورحت للمطبخ اسوي عشه واسمع حبوبتي فاتحه استجواب ويه حازم صفنت ذياب يعرفه زين منين يعرفه هاي شبيج ميس نسيتي ذياب جان ايده ورجله العمي ناصر اكيد يدري اااخ هيج يجازي لعد

سويت العشه وكعدو الكل يتعشون واني منعززله شكد لحو اكعد يمهم بس اتحججت بلدوام وتعبانه اهذت ليث وصعدت نمت كل ماشوف حازم اتخيل ذياب كدامي

مرت يومين الجمعه والسبت وكل يوميه هوسه حازم يريد يبقه هنا وعمي ناصر مايقبل يخاف ع سمعته وهذا معاند اله يكعد هنا ويخلي الناس كلها تعرفه هو ابن ناصر

بهليومين فهد صار حزب هو وحازم طلعتهم وكعدتهم وسوالفهم سوه بس شفت شي مختلف حازم مو نفس باسم ولا طالع ع ناصر

عبالك ذياب حته ببعض التصرفات يشبهه ابد مايشبهه عمي وولده جنت متصوره يكون نسخه باسم الثانيه بس من كعد شفت غير شي

يوم احد كعدت من الصبح خاف اتاخر بدلت وحظرت نفسي ونزلت كعدت عمتي سرى تصعد تنام فوك يم ليوثي وكعدت انتضر اوس شويه واجه

من طلعت لكيت حازم كاعد بصدر انصدمت واستغربت شعده هذااا

صعدت وره وصار اوس يحجي وياي واني مدنك ارد بس كد السؤال وماا احجي اكثر ابد

وصلني للجامعه وراحو استغربت وين يريد هذا شفت اوس نزله يم العماده وراحو للعماده مال قسم الهندسه مافهمت

عفتهم ورحت لقسمي بقيت كاعده ومحاضره اجر محاضره لحد ما بلمحاظره الاخيره كالو الدكتور الي ياخذنه مريض وراح يجي بمكانه دكتور يدرس الطبيه

كمشت كلبي لا بس رسلان يجي اخذت زاويه بنهاية القاعه وكاي امل مايشوفني وساعه اكول اطلع بس كلت خل اتاكد كمت رحت للممثل مال القاعه

اسئله اول ما وصلت اله دخل طالب كال الدكتور اجه

غمضت عيوني حيل واني ارجف خاااايفه واحساس اول مره احسه رحت للستول مالتي وكعدت عليه واني مدنكه اول ما دخل رفعت عيني

انصدمت بس بنفس الوقت اتنفست براحه بس بقه الخوف بداخلي واني اشوف الي كدامي
امير !!!! صديق رسلان

اكيد راح يكول الرسلان اذا شافني بس اكو امل مايكله اهم شي مو رسلان اتنفست براحه وبدت المحاضره لحد ما كام يفتر وصارت عينه بعيني دنكت بساع واني ارجف وهو مثل الي انصدم

رجع وصاح للممثل واخذ الاسماء منه عرفته يريد يتاكد شفته بقه يباوع ع ورقة الاسماء ورجع يباوعلي وهو مصدووم

اتقدم وضل يفتر وعينه عليه لمعت الدموع بعيني واني احس برجفه شنو ممكن راح يكون خفت مادري من شنو بس خفت وبس

بقه يباوعلي لحد ما خلصت المحاظره والكل كام يطلع شفته يلم بغراضه ع كيف من وصلت يم الميز حته اطلع همس

- ميس خليج عدي حجاي وياج

- انصدمت وصرت ارجف من فوك لجوه شنو ممكن يريد معقوله راح يكول الرسلان ويجي هسه زين معقوله راح يخلي رسلان ينتقم مني ويهيني مثل ما اني ائهنته

ماعرف هواي افكار دارت ببالي ماكدر فكري مشدد واحس دخت

باوعلي من فوك لجوه جنت لابسه عباية راس وحجاب اسود وماحاطه قطرة مكياج مبين ع شكلي الحزن والتعب بقه يباوعلي مصدوم وبعدها دنك وكال

- هه قشمرتي ابن عمج وداومتي مثل ماقشمرتي رسلان مو

- باوعت مصدومه من كلامه فتحت عيوني ع وسعهن ردت احجي رفع ايده وكال

- اشششش ماريد اسمع منج كلمه واريد اكلج شي واحد بس ماريد صاحبي يشوفج هستوه كدر يوكف ع رجليه ويستعيد نفسه

وكدر يكون روحه بعيد عنح وعن طيفج الي ماكدر يتركه بحاله خلص عوفي يعيش بسلام بعيد عنج

ماريده يشوفج ولا حته يلمحج لان الماضي راح يرجع يلاحقه من جديد كل يوم كلامج الاخير يرن بباله رن وماكدر ينسااه ابتعدي عنه وعيشي ويه زوجج

الي اختاريتي انتي واتركي هذا المسكين يعيش بسلام

تركني وطلع مصدومه من كلامه ههه حقه ميس حقه شتصورين لعد شنو الفكره الي راح ياخذها عنج لعد تردي يصفكلج وياخذج للرسلان

غمضت عيوني وارتاحيت من عرفت ماراح يكول الرسلان عني

رجعت للبيت واني الافكار محطمتني كل يوم اذبل من جديد وتتحطم احلامي واوكع كل يوم يصير شي

وماعرف شنو راح يكون مصيري وشنو الي ضامه القدر الي

كل يوم مشاكل ماتخلص عمي ناصر كب حرب ويه ابنه حازم وكل احد يوكف وياه يعادي

واشوف اكثر شخص صار قريب من حازم هو فهد ومايهمه اي شي

اشوف حته حبوبتي كامت اتميل اله ودائما اتعزمه ويجي لبيتها مارتاحيت ابد كل يوميه حرب وياي من شخص كل فترا اسمع حجي وكلام واسكت مو خوف لا

بس صرت بارده مايهزني شي ولا يهمني كلامهم ليث كل فترا اراجعه للدكتور ونفس الكلام ننتضره يكبر ويكوم يفهم حته يكدر يخليله طرف ويمشي طبيعي وهشي

جان يزيد القهر قهرين من اشوف ابني هيج لحد ما فد يوم جنت مداومه واحس بيئس وكل جوارحي يئست وباتت بلفشل واحس لو اموت هواي احسلي من هاي العيشه

طلعت اتمشه بلحديقه مال قسمي وبعيده عن انضار الكل وكلمات بنات قسمي اديور بالي

قبل ساعه بس جنت واكفه بباب قسمي انتضر الاوراق الي دز عليه الدكتور حته ناخذهن

دخلن بنات يباوعلي وصارن يذب حجي وصارن يحجي ع العباه الابستها وصارن يحجن من كيفهن ويالفن قصص من كيفهن ذيج الي تكلها تبيع شرف بهذا لبسها وماتحت السواهي دواهي

😐وذيج اتكلها دائما اشوف دكتور امير يباوعلها بنضرات اكيد وراهم شي وغير الحجي الي طلعنه عليه

لحد ما وصل بيهن الحجي يطعنن شرفي

كعدت ع سطبه وصرت ابجي ودموعي تنزل من وحده حطيت اديه ع وجهي وصرت اشهك الى متى ابقه هيج الى متى الله ينصفني ويوكف وياي

حسيت ع رجلين صارن كدامي رفعت راسي وعيوني مليانات دموع والشمس ضاربه ع الشخص الواكف كدامي وكفت حته اميزه زين وجانت الصدمه الي من شفته واكف

وصدمة تعادل صدمات صدمتي واكف صافن عليه وفاتح عيونه ع وسعهن مثل الي يريد يصدك الي كدامه حقيقه مو خيال عيوني المليانات دموع صارن ينزلن وحده وره الخ

واني اباوعله واكف بسدي يباوعلي مصدووم مثلي واضعاف صدمتي مرسوم ع ملامحه العصبيه والصدمه بنفس الوقت

نضراته اتحولت من بريق وحزن الى عصبيه و كره وحقد

باوعلي وحط ادينه يجيبه اتحولت ملامحه لشخص بارد عصبي جامد ولا كانما نفس الشخص الي جان واكف قبل لحظات كدامي

باوعلي وكال وهو يباوع عليه من فوك لجوه

- اكول الجامعه مضلمه اثاري اكو ناس كلوبهم سود صارو يداومون بيها

نزلت دموعي ودنكت باوعتله واني اجمع قوتي ابتسمت بوجهه بنكسار وهمست

- ههه لا تخاف صارت صدفه واتلاكينا ماتكرر انشاءالله

- وليش ماتكرر هلينا انشوف هذا الوجهه الشيطاني اوو اقصد الملائكي الي متلبس بروح شيطانيه هههع

- ماا اسملحككك رسلان اجاوزت حدودككك

- لاااا صدك اي بشري كم طفل صارو عدج ههه واحد ثنين

- غمضت عيوني حييييل وهمست بصوت ناصي لا تخاف حوبتك ماتعدتني وراحت تركت بيه اثر عمري ماراح انساه

صفن بوجهي مستغرب من كلامي بعدها طكها بضحكه وكال

- ههههههههااي لا بس طلعتي ماتخلفين وتركج حبيب الكلب

- ياريتتت ياريت والله ياريتت اتقدمت خطوه وباوعت بعيونه وهمست الله اخذ حقكك مني ومن ذياب

حجيت هلكلمات هاي وتركته ورحت

ومن يومها وماشفته بعد او بلاحرى ماطلعت من قاعتي بعد مرت الايام واليوم دورة سنه ذياب

الكل انجمع وهوسه صارت ببيت حبوبتي وهذا طلب منها شفت مرت عمي ام ذياب ماهتمميت الها وتركتها مجرد سلمت عليها

جنت اني حديث الساعه شلون ارجع اداوم بعد الي سويته الكل جان يحجي بهذا الشي والكل جان مستغرب السنه راح تخلص وهم هستوهم درو

سمعنا صوت العياط بره والكل ركض واخذله ركن بشباك يعرف شكو بس اني حاطه ليث بحظني والدمعه بعيني اليوم صار الذياب سنه ماكو

ااااخ اااخ

سمعت حازم وعمي ناصر اتعاركو ماراح اتفض ابدددد بس والله ودوه ناصر ابنه حازم ههههه

لليل وخلص كلشي وكلساع وكابه عيطه جوه وبره ساعه نسوان عمامي جوه وساعه عمامي بره ماطلعت دورة سنه طلعت لطام واطلابه

حته بهاي ماخلصت يذياب وين متروح لاحكتك الطلابات الله يرحمك

الكل نام واتفقو باجر الصبح نطلع للمقبره للنجف جنت حيل مشوقه اروح ازوه ومامصدكه واخيراا جنت كل ماريد اروح يمنعوني

وخاصه بلاربعين ماكدرت اروح بسبب العده الي لازمتها جنت

قضيت الليل كله حاظنه ابني وابجي وانتضر باجر يجي واعاتب ذياب ليش تركني وراح صح ماحبيته بس يمكن بمرور الايام وبعد ما تعودتت عليه ولامس من حبه شويه من قلبي

جان كدرت يحتل قلببي بس راح وتركني واني وحيده وحامله عبئ جبير حيل عليه وع عمري حامله طفل معوف انرتك بركبتي واني وحيده

حته الاب الي جانت معتبرته سند الي تركني وماسئل عليه ولا كال بتي شلونها شنو الذنب الي سويتها وهيج اتعاقب بس لان حبيت بسسسس

شنو من عقاب هذا ع ذنب طاهر ما جان بيدي للفجر ياله كدرت عيني تغمض وساعه وكعدتني ازل حته انروح للنجف هم ياله انلحك

كعدت بدلت وبدلت لليث ونزلت لكيت الكل متحظر ويردون يطلعون طلعت ويه حبوبتي وكعدت يمها اسمع مرت عمي ام ذياب تحجي

شعدها هاي الفكر جايه اشوف ابني واذب فكره عليه وهو بكبره الله ياخذها واخلص منها بجاه الحبيب المصطفى

عاطت بيها حبوبتي

- لجججج اسكتين لا اكوملج وحك ابو فاضل اكسر العوجيه ع ضهرج هذا المكسر اخر وكت ينحجي ع حفيذتي من هاي ام الكمل الي جان ابني يشكي منها كبر الي يطمج ويطم كلمن مثلج

سمعت ضحكت سرى وهي اتكلها يمه مو هيج فشلتيها

- جا شني ترديني اسكتلها الهل  الخايسه هاي شو انطمي انتي هم

ابتسمت ورجعت راسي ع الجامه غفيت لان مامايمه بس ساعه كعدت مالكيت ليث بحظني فزيت اباوع مخروعه باوعتلي حبوبتي وهزت راسها

- رجعي نامي حبوبه رجعي وليدج عد فهيد خذاه

اتنفست براحه ورجعت ميلت راسي ع الجامه وصلنا وبس شفت الكبور حسيت كلبي يريد يطلع من مكانه ورجفه احتلت كل جسمي

نزلت امشي وكامشه ازل وادموعي اصب وادموعها هي هم اصب

شفت قبره محطوط عليه الورده واكو صوره اله جبيره كلششش محطوطه جان لابس بيها دشداشه ولاف الجراويه ع راسه

ولازم السلاح مالته وضاحك ضحكته جانت من كل كلبه مجرد ماشفت الصوره شهمت وصرت ابجي شمرت روحي ع الكبر وصرت اعاتب بي

لان تركني مكسوره وراح ليش اخذني اذا عافني ليششش بقيت ابجظ واعاتب بي يمكن ساعه بفيت ع هذا الحال

كل مايوخروني ارجع احظنه وابجي شفت ابني شايله فهد وكاعد من الجهه الثانيه ويكله

- كوم ابو الشباب هذا وليدك جبته الك كوم شوفه محتاجك والله كوم هلنومه هاي مو الك يااا عضيدي كوم

صرت ابجي اكثر بمجرد ما سمعت كلام فهد خلصت الساعتين واحنه ع هذا الحال بعدها طلعنا للامام زرنا وخلصنا حسيت براحه

جنت فاقدته صالي 3 سنوات ونص وهستوني لكيتها

اتنفست براحه واني كاعده بصحن الامام علي ابو الايتام واني يتيمه ومالي احد صرت ادعي ربي يخلصني من هلضيم

رجعنا ومرت الايام وع حطيتها ورحعت اداوم  وصار شهر ع دورة سنه ذياب

وصارو يحظرون لعرس فهد وازل وازل كامت تبذل وحالتها اسوء كل ما يقترب الموعد لحد ما فد يوم اجه عمي ناصر

وبقه يباوعلي طلبني ورحت كعدت يمه بدوانيه وحدنه وصار يطير فياله وشكد يحب ذياب ويعزه ووووووو

سوالف وجذب للستار اخر شي كال وصدمني ووكف شعر راسي مصدومه من كلامه

- شوفي انتي وجودج هنا مو خوش احنه عدنا شباب وانتي بعدج صغيره وارمله وولد عمامج يطبون ويطلعون للحبوبتج والناس كامت تحجي وواكلت وجوهنا وانه كلت

بس تجيها قسمه زينه وحته وان كان غريب اطيها اله بس اشترط ابنها كل شهر اجيبه اسبوع يمنا حته ماينسه اصله

وانه اليوم جايج وجايب خوش قسمه الج وماريدج اترفضين دورة سنه ذياب وطلعت وماكو بعد اي سبب يخلينا انجل زواجج

- عميييي شتحجي انت وكفت مفزوووعه من كلامه وعيوني نارر تحولن

عمي نسيت كلام حيدررررر

- انجبيييي لجج اتهدديني بحيدر ماخايف من حيدر وخليها ترجيه بذنج اذا ماقبلتي ابنج بعد اتحلمين اسمعين صوته مو اشوفي اتحلمين اتلمحين حته خياله

فكري زين اذا تردين ابنج ازوجي وولي من كدامي الناس كامت تحجي وخاصه فهد طاب طالع ع حبوبتج وانه ماريد كلمه اتمسني

واذا ماوافقتي راح ادفعين ثمن عدم شوفتتج الابنج خليها ببالج وباجر اريد الجواب يا اما ابنج ياما اتعيشين هنا

تركني وراح واني مصدومه هذا عمي هذاا زين ربييي ليش هيج ليش ومنو هذا الي يريد يزوج ارمله وعدها طفل معوق معقوله

لالا ليش لا ميس اكيد هذا حازم ياربي دخيلك ماريده ياربي اول زواج هددوني برسلان وهسه يهددوني ببابني ليش ربي شنو سويت وتعاقبني هيج واني يتيمه شسوييييت

خلصت الليل كله ابجي وفكري مشدد ع الاخير مصدومه من كلام عمي اذا ماوافقت اعرف عمي يسويها ويمنعني من ابني بس

حازم شلون قبل ياخذني شلووون ياربي دخيلك راح اجننننن ماكدرت انام واني اتخيل روحي اتعذب من جديد

طلعت الشمس واني صافنه ع ليث اذا رفضت راح يدفع الثمن  ابني
ااه ربي ماكدر اعيش يوم بدون ليث

مسحت دموعي وعيوني احسهن نار مشتعله بيهن الليل كله ابجي وهم  ما نايمه  مسحت دموعي واني ماعدي قرار ثاني ماعدي تلفون اتواصل ويه حيدر

وبس فهد يتواصل وياه وماكدر اطلب من فهد هشي لان اكيد راح يوصل الحجي العمي وساعتها اخوي يروح هذاااا مجرم

مسحت دموعي ونزلت حبوبتي وسرى يباوعلي مصدومات من شكلي

وحبوبتي تدعي ع عمي ناصر شلت التلفون مال عمتي سرى  واتصلت بعمي ناصر حته اكوله جوابي

موافقه اييي موافقه اهدم حياتي من جديد واعيش مرة اللخ بنفس الذل والعيشه ونفس الجبر

بس لخاطر ابني كلشي اسوي اطيته الموافقه واني اسمع ضحكته سرى مصدومه وضلت اسب وتغلط عليه واني صافنه ماتحس بيه

ماتكدر اتحس بيه نارر نار بداخلي ازل شبكتني وتبجي يمكن الوحيده الي تحس بيه هي هم مجبوره

بقيت شابكه ازل بس هلمره ماانزلت دموعي لاا غريبه صح ماعرف يمكن خلصن ههه لان الليل كله ابجي

العصر كالو العقد ولازم يكون ببيت ابوي ابوي !!!  الي نساني وسد بابه بوجهي واتخلى عني ليششش شنو سويت

الكل عرف وطش خبر خطوبتي للناس والكل اجه للخطوبه واني مصدومه الكل فرحان ويضحك مثل اول عرس الي غريبه

اسمع الكل يكولون شوف حظها شلون كاعد ومجنص دارة السنه مال زوجها منا وراح اتعرس منا غمضت عيوني حيل محد يحس بنار الي بداخلي محدددد

اخذني نورهان وازل للصالون ومناك يرجعني للبيت ابويه وعمه سرى اخذت ليث وراحت للبيت ابويه

خلصت ام الصالون مجرد تسريحه ومكياج بسيط لان هو عقد وهو نيشان سوه

دخلت لبيت ابوي الي راح يصير 3 سنوات ماداخلته

اباوع ع اركان البيت الي عشت بي شكد متغير كلشي متغير بي  بان هناك  ملتهيه بروحها واميره اشوفها بس تبتسم بمكر شنو بيها مادري شبيها

صعدت لغرفتي القديمه غرفتي الي تركتها وتركت شبابي بيها فتحت الباب و

دخلت للغرفه واني اباوع ع كل ركن بيها ذكرى اتغيرت غرفتي بس حياطينها ماتغيرت ولا احلامي اتغيرت بس الزمن اتغير وصار قاسي وياي

باوعت صارت المرايه كبالي دنكت واني الدمعه بعيني رفعت راسي واني اباوع ع روحي من المرايه معقوله هاي اني

معقوله انتي ميس المليانه حيويه وامل والضحكه ماتفارق وجهج هيج صرتي ليش ليش صرت انجبر ع فعل اشياء ماريده ليش صار اي احد يجي يجبرني

هاي مو ميس القويه ام الروح رياضيه هاي شتات فتاه عانت من ذاك الحب الي ماناوي يتركها ومن النهوه الي دمرت كل حياتها وبقيت اني واكفه ببينهن ماعرف شنو موقعي حسيت ع الباب انفتح

درت وجهي صارت اميره كبالي باوعتلي وابتسمت بكره وكالت يلا ينتضروج جوه غمضت عيوني حيل وقويت روحي هزيتلها راسي بمعنى اي

اخذت الشال المحوط ع الجربايه حطيه ع شعري ونزلت الدرج واني اباوع ع غرفة ابراهيم اخويه صار ليوثي نايم كبالي وبان ملتهيه اشسور شعرها بغرفه ابراهيم واميره دخلت الها

دخلت للغرفه وراها ورحت بست ليوثي حبيبي شفته غاط بنومه مالته عفته وطلعت للاستقبال دخلت واني احس كل جسمي يرجف دخلت واني احس دخلت للنار برجليه

كعدت يم عمتي سرى واني افرك بديه رفعت راسي شويه وجانت الصدمه الي ماراح انساها طول حياتي ………… يتبع

توقعاتكمم .... وين تفاعلكم شوفوني ليش التفاعل نزل يعني اله اكول ياله البارت ال18 نسبة المشاهده فوك 700 وماكو تصويت وتعليق ليش هيج  اذا القصه مو حلوه كولو امسحهاا يعني اجدي منكم راعو تعبي والله تاركه كومه اشياء وكاعده اكتب الكم

المهم احبكم وشوفوني تفاعلكم بهذا البارت ليش من اكللكم ياله اريد تعليقات وتصويتات تركع اريد اتخبلون التلفون ههههه

#نور الشمري

#نوشه