💫 #بين الحب والنهوة 💫
للكاتبة # نور الشمري (#نوشه)
# البارت الاول
#البدايه
#بين ثنايا الحب وقعت انا الضحيه وبين سنينه وقعت عليه واخذت سعادتي مني كنت انا وما زلت انا الفتاة المضلومه تحت مسمى القدر والعادات
#في مجتمعي يجب ان تكون الفتاة جاهله لا تعرف شي ويجب ان تأخذ دور الفتاة الصامته في كل شيئ
#لا يقتل جمال الانثى سوى ثلاثة
:مراهق لا يعرف الحب ،
وأحمق لا يعرف جمال قلبها
وحقير يذلها بعدما اغرمت به
ميس : نزلت واني اتمشه ع الدرج وادندن بكلمات من وحدي واسويهن ع شكل اغنيه من تحت تئليفاتي المبدعه الي اخترعتهن من دماغي الجميل
وافر بضفيرتي الطويله الي مسويتها صفح والي واصله لحد افخاذي حاطتلها كتر من جوه وبي طوب كامشتها بأيدي وافر بيها
وايدي الثانيه كامشه حجابي بيها نزلت ووصلت لاخر بايه من الدرج وشفت ابراهيم اخوي كاعد يلعب وسيم ابنه
وكباله اميره مرته وبان ومسوين حزب ويلعبون سكتت وباوعلي ابراهيم صاح لج ميس تعاي وياي بعد اخيج راح اخسرر الحكيلي هههااي ضحكت و هزيت ايدي ومشيت رحت للمطبخ ادلل بطونتي وبعدين اروح العب وياهم هههه
صارت خاله ام خضير كبالي باوعتلي وصاحت
- هلا هلا بنور البيت وسورها هلا ببنيتي الحليوه جا يمه توه نور البيت جنتي خوينسه فوك وكامشه هلكتيبات هاي الي راح يسودننج
- ههههه حبيبتي خالتي حظنتها واني ابوس خدها خاله تدرين بيه هواي تعبت علمود احقق حلمي واكون صيدلانيه وخايفه من النتائج ادعيلي لان راح اشبعين شوف مني بس ادعيلي انتي
- جايايمه ادعيلج كم ميسه عدي انه بس يمه اهلج يخلوج اتكملين
- عقجت وجهي من سمعت كلامها وضجت وبانت ع ملامحي والله انهزم واحقق حلمي شنو وين صرنا احنه وهم بعدهم بجهلهم هذه
سكتت ماحجيت شي رحت ع الطباخ وكعدت اسوي ريوك الي واني سرحانه معقوله يمنعوني من تحقيق حلمي لا يالله الله لا يكولها
واني صافنه افكر ماحس بس ع ضربه بركبتي من وره بعلابيتي طفرت وطفر الدهن عليه
- يا حقيررر ولييي
- هههههههه شسوين خاتون سويلي وياج
- ولي حركت ايدي ماسويلك شي
- انجبي انجبي وسوي يلا رايح يم الوالد اني عود دزي ابراهيم عليه ميت جوع
حجه وراح باوعت عليه بنص عين اكو دولكه مال مي بصفي اتحضرها خاله ام خضير من اسوي الغده اتحطها ع التمن اذا احتاجت
YOU ARE READING
بين الحب والنهوة
Romanceقصتي الجديده ...... محتواها تتحدث عن فتاة يتيمة الام حالها حال جميع الفتيات تقع في الحب لتعيش معاني ذالك الحب وعذابه واحساسه لكن فجئتا يتدخل في ذالك الحب تلك النهوه التي تكون سبباََ في فراق الحبيبين فتنجبر على فعل شي لم تتوقعه بيوم ان يحدث فتدفع ثم...
