كلش اسفه ع التاخير والله ضروف وهليومين التهيت بلتقديم وانشاءالله اتفرغ واعوضكم ككواياتي انتم 😍💜
💫 #بين الحب والنهوة 💫
للكاتبة # نور الشمري (#نوشه)
# البارت الثامن
# كم هو جميل عندما اكون طير يمتلك جناحات واستطيع مغادره هذا العالم متى اريد اكون حره بلا قيود انتقل بين البلدان بدون قيود طيرٍ حر تحرر من قفصه الصغير لينطلق نحوه السماء ليرى العالم من تحته وكانما هو احد مهم 💔 ......
ميس : صوت الرصاصه الطلعت رجت اذاني رج اباوع الكل صافن ومستغرب ركضت بان للمطبخ وركضت ازل وراها واني رجليه بعد ماتعيني
كل عقلي وكل فكري رسلان جاي واهلي كتلوو افكار واشياء ببراسي شلتني شل سمعت شهكت امير وهي تضرب ع صدرهااا
جمعت كل قوه عدي ومشيت بتجاه المطبخ كمشتني بان وهي اتهز بيه وتحجي بس احس روحي فقدت السمع كلياً انتبهت عليها وهي تضرب ع خدودي علمود اصحه
باوعت عليها وهمست منو منوو الي انضرب
- ماكو شي لا تخافين بس ابراهيم ضرب بلهوى مادري ليش وكلها طلعت تكمش بي وطببو لجوه
شويه ارتاحيت من سمعت كلامها وهديت محد مصوب من اهلي لو رسلان كل بالي يمه خايفه لا اصير مشكله ثانيه
يمكن مرت دقائق مو هواي وماحس غير بباب المطبخ اندفر وطب ابراهيم كمت واني ارجف اتجه عليه وخطوات تسرع اكثر واكثر واني احس روحي هاي نهايتي
وراح اموت بس والله ممسويه شي سمعت صوت عمي ناصر وهو يصيح اكتلهاا وخلصنا منهااا تاليتنااا اسمنا ينجاب بدواوين من وره وحده ساقطه
كلمات عمي ناصر خلتني ابلع ريكي واني اباوع لعيون اخوي وسندي شنو راح يسوي بس جنت اباوع بعيونه ومارمشت عيوني ولا بينت خوفي كدامه
جنت واكفه واباوع عليه بكل قوه واصرار وشموخ كانما واحد يعرف نهايته شنو ويحفظ اخر قطره كرامه عده
ومايدنك راسه ابد سمعت عيطت ذياب وهو يكول يالله ابراهيم بس سمع صوته جرني من شعري حيييل وكام ويجر بيه ويصعدني فوك واني
امشي وياه ومامعارضه طريقه اموت بشرف وكرامه ولا اعيش بذل وقهر واتهايم باطله
شمرني بغرفه وقفل الباب ووجه المسدس عليه باوعت ع عيونه وابتسمت ماخايفه بلكعس فرحانه لان راح اموت واخلص ومحد يمسني غير رسلان ومحد يعيرني بحبي ولا احد يذلني ويقلل من قيمتي
ويسمعني انواع الكلام ثواني وصار الضرب ع الباب وصياح ابويه وصوته المكسور وههو يصيح
- لك ابراهييييييم افتح الباب والله ان مسيت ميس بشعرايه اتبره منك افتح الباب
جان يحجي بكل انكسار اعرفه ضايج مني بس مايطي كلبه يعوفهم يكتلوني كدام عينه
YOU ARE READING
بين الحب والنهوة
Romanceقصتي الجديده ...... محتواها تتحدث عن فتاة يتيمة الام حالها حال جميع الفتيات تقع في الحب لتعيش معاني ذالك الحب وعذابه واحساسه لكن فجئتا يتدخل في ذالك الحب تلك النهوه التي تكون سبباََ في فراق الحبيبين فتنجبر على فعل شي لم تتوقعه بيوم ان يحدث فتدفع ثم...
