روحي ملیـــــان محـــــنه ... 🍃
و گلبــــي ملیان اشتیــاق ... ♥
لو تدري اشـــگد احبـــــك ... 💕
يــــمكن بگـــد الـــعــــراق ... 🌍
بالمناسبه هذا البارت ما قبل الاخیــــر .... 😇😇
👀...🎬
©©©©©©©©©©©©©©©©©©©©©©©©
بــــــعــــد مــــــرور 5 خـــــمســـة اشـــــهـــر ...
( نتالیا )
مر خمسة اشهر علی زواجي ،،، حیاتنه حلوة الحمد لله خالیه من المشاكل تقریبا ،،، بس مرات نتعارك لان اسامه یغار من جوجو 😂😂😂 ،،،
لحد الان مصار عندي حمل لان اخذ حبوب مانع حمل تره بعدني صغیره یا حمل یا صخام ،،، هو اني ینرادلي واحد یربیني مو انوب اربي جاهل 😂😂 ،،، بالبدایه اسامه مچان یعرف اخذ حبوب ،،، بس مرە لزمني متلبس و اني اخذ الحبوب و تعصب مني بس اني راضیته و فهمته السبب و بالتفاهم حلینه الموضوع و وعدته اخذ الحبوب لمده سنه و وراها اعوفه و ما اخذ ...
اما بالنسبه لساره فهي حیل حبابه و صارت صدیقتي و بالبیت مقسمین الشغل بیني و بینها و بین مریم ( طبعا ایاد هم تزوج و هسه رح احچیلکم عنە ) سارە اول ما تزوجت آدم حملت منە و هسە حملها 5 اشهر سوت سونار و عرفو انها حامل بتوم ولدین 😍 ،،،،
و ورە ما تزوج ادم تحسنت علاقتە باسامە وبایاد و خلصت مكاونهم و بالعكس صارو یحبون بعض حیل و متاخین و دائما یتشاورون بیناتهم باي شغله ،،، یعني بالمختصر الولد ما عدهم اي مشاكل بیناتهم مثل زمان ،،
( ساره ) الحمد لله علاقتي بادم كلش قویه هسه و خصوصا ورة ما حملت بس الاشهر البدایه چان عدنە مشاکل شویە بس بعدین تحسنت علاقتنه ،،، و هسه حملي صار خمس اشهر و آدم كل یومیه جایبلي اسم یوم یگول نسمي ولدنه محمود و محمد و یوم یگول نسمیە مراد و ممجد و لحد الان ممستقر علی اسم 😂😂 ..
( نتالیا ) ...
و بالنسبه لایاد ،،، فتزوج مریم وره شهر من زواج آدم و ساره و خیریه زعلت و رجعت حردانه لبیت اهلها و طلبت الطلاق ،،
ایاد مطلگها و خلاها تهدی ،، لحد ما جابت قبل شهرین ،،، جابت ولد و ایاد سماە ادهم حسب وصیة ابوه ،،، و خیریه ما ربته گالت ما اریدە یعني بالمختصر تبرت منه ،،، فگام ایاد اخذه من خیریه و هسه مریم و خالتي ام ایاد یربونه ،،، فدیتە کلش حلوو و كیوت 💕👼♥ ..
هذا هو ادهم حبیبي ❤👼 ...
قبل اسبوع ایاد راح لخیریە و لح علیها کلش حتی ترجع و تربي ابنها بس هي رفضت تماما و طلبت الطلاگ ،، فایاد هم ما بقاله غیر حل ،، فطلگها ..
هسه مريم و ایاد یحبون بعض كلش و عدهم ادهم الحلو یربونه و کلنە نحبە و نموت علیە لان اول طفل بالعائلە ،،
و بالنسبه لبیت اهلي ،،، سیف تزوج دیانه ،،، و الحمد لله هسه هي حامل منه ... و یعیشون ابیت وحدهم ،، و سیف یحبها لدیانه و دیانه تموت علیه ،،،
اما یوسف گدر ینسی دیانە و عاف حبە الها ،، و گام یحب ملاك بنت خالي ،،، فحچە لامي و ابویه و همه خطبوها اله و تزوجو ،،، و هسه یعیشون ویه بیت اهلي ،،، بس لان هي هم صغیره مثلي ،، فهي هم تاخذ حبوب مانع حمل ...
اما مؤید ،،، فمره ثانیه شاف ایمان ( صدیقتي ) بالسوگ ،،، گام خابرني و اعترف انو معجب بیها و یحبها فاخذ مني عنوان بیتهم و طلبوها من اهلها ،،، همه هم وافقو و اتزوجت ایمي حبیبتي بمؤید ،،، و ماشاء الله علی علاقتهم ،،، یموتون علی بعض ♥ ،،، و علساس اتفقت ویاها تاخذ حبوب حتی نحمل سویه ،،، ما لحگت تاخذ و حملت😂😂😂 و فشلت مختطاتنه بس یلا میخالف فرحت كلش لان رح اصیر خاله 😻 ...
(اسامه )
و اکید کلکم تتسالون عن ایلاف و شصار بیها ،،، طبعا ایلاف ما عافتني كل یومیه چانت تراسلني من حساب ،، و لو ارد عیلها او ما ارد و انطیها بلوك ،،،
لحد ما بیوم نتالیا چانت تباوع بموبایلي و هي دزت رساله كاتبه هلو حبیبي اشتاقیتلك ... بحساب غریب كالعاده ،،، نتالیا شافتە تخبلت و گامت تبچي و تتگول لیش تخونني و ما ادري شنو و ما حچت ویایە لمدە اسبوعین حتی مچانت تنطیني مجال اشرحلها و وراها بیوم ضجت حیل و گتلها انتي ما مل گلبچ من زعلنە ؟؟
هي رئسا بچت و حضنتني و اني هم حضنتها چنت مشتاقلها حییییییییل و روحي و گلبي و كلشي بیه متخبل علیها،،، خلیتها حضني و حچیتلها کلشي و فهمتها انو هي چانت مجرد غلطه و حب مراهقة و هسه حرفیا و فعلیا اکرهها و گلبي متسجل باسم نتالیا یعني مستحیل احب غیرها ،،، فبالگوە صالحتها و راضیتها ،،، و طبعا ما رضت الا لمن راضیت جوجو 😒😒 معقولە اني اتعارك ویه مرتي البطانیه شدخلها
نتالیا (بعصبیه ) : شنو هذا دتحچي علی جوجووووو 😑😑
اسامه : استغفر الله ... لا لا ...
نتالیا : امممم عبالي 😑 ..
اسامە ( بضحك) : ربي اهدیها لهاي المسودنه ،،،، خبلتني ویاها ...
نرجع لموضوعنه ،،، وره ما تزوج ایاد مریم ،،، و خیریه راحت حردانه لبیت اهلها ،، انقطعت اخباري عن ایلاف ،،، و بعدها ابد ما راسلت ،،، لحد ما سمعنه انو ابن عمي مهند ناوي یخطبها ،،،
و فعلا خطبها و تزوجها هسه ایلاف مرته ،،، الله یعینك یا مهند ،،، اجتك بلوة مو مره ،،، و ذاك الیوم عمي ابو سعد ( ابو مهند ) خابر عمي ابو صهیب حتی یروحون یرجعون ایلاف من بیت اهلها ( لانها رجعت حردانه و هي حامل لان مهند ضاربها ) والله لو اني بمكان مهند اموتها مو بس اضربها ،،، بس یلا ما علینه بیهم ،،،،
و بعد ما اعرف شصار بیها ...
و بالنسبة لحسین ،،، فهو بعده علی حالته ممتزوج و دائما مشغول بالمحل ،،، و دائما یگلي حلمي انو نوسع المحل و حتی یصیر عدنه مشترین اكثر ویگعد یخطط و اني اگلە انتە اتزوج الاول ،،، یهز راسە و یگول اللە کریم ... ابوه شكم مره وصاني انصحه و الح علیه یتزوج بس هو یگول بعد وکت ما اعرف شنو ینتضر ،،، 😕😕 ...
اما اماني ،،،
( اماني ) ،،، كبر حملي الحمد لله و هسه طبیت بالشهر الخامس و خالد و عمتي ما یخلوني اتحرك من مكاني و بس یوكلوني سمنت صرت دبە ،،، 😂🐮
خالد (بضحك) : چذابه بعدها عصعوصه مثل ما هي بس كرشها كبران ... 😂😂
اماني : خااااااالد ،،، مو د احچي ..
خالد (بضحك) : سوري حبیبتي كملي كملي ...
اماني ... اي نعم ،،، لحد الان ما اعرف شنو هو جنس الجنین علساس باچر اروح و اشوف ،،، انتو شتتوقعون اجیب ؟؟؟ كتبلوي رٲیكم .. 😇
و فاطمه حبیبتي تزوجت و علاقتها زینه و هسه حامل ،، هستوها طابە بالشهر الثاني ،،، و ضحی خالتي بس تگللها حملي و جیبي جاهل لاخ بس هي ترفض ما تقبل ،،، تگول رغد و فهد یكفوون و یوفوون ،،،
و هسه اني و خالد نعیش ویه عمتي و ندی ،،، بس امنیة حیاتي اني ارجع اشوف بیت اهلي و اخوتي و امي ،،، اشتاقیتلهم حیل ،،، ما اعرف شصار بیم یا تره اسامه و آدم تزوجو ؟؟؟ و خیریه جابت ؟؟ الله اعلم ،،، حالیا خالد یرفض فكرة اني ارجع لاهلي یگول من تجیبین یلا اودیچ تشوفیهم ،،، ان شاء الله 🙏🙏 ....
و هذا هو مختصر الي صار بالخمسه اشهر ،،،
££££££££££££££££££££££££££££££££££££££
یوم الاحد ... الساعه 4 العصر ،، اماني و خالد ..
(اماني ) الد وداني للدكتور لان موعد المراجعه مالتي ،،، الدكتوره گالت صحه الجنین كلش زینه الحمد لله و ما عندچ اي اشكال و طلع بالسونار انو جنس الجنین ولد ،،، طبعا خالد طار من الفرحه و خبصني الا لازم نروح نشتریلە ملابس ،،،
وافقت و رحنە للسوگ ،، طبینه لمحل بیه ملابس جهال تخبل ... كلش حلوات ...
ما اشتریت هوایة ،، لان بعد وکت عود بالاشهر الاخیرات اشتري ...
طلتنه من المحل ،،، فحبیت اتمشی شویه بالسوگ ،، تمشینه اني و خالد و الجو شته و بارده ،،، و مطر خفیف ،،، جو یخبل ،،
بردت حیل و خالد گلي ...
خالد : ابقي هنا .. رح اجیبلنە نسکافیە ،،،
اماني : ماشي ...
راح خالد و اني ضلیت واگفە بمكاني ،،،
لگیت طفل صغیر یمكن عمره سنتین هیچ ،، دیلعب وحده ،،، تعجبت منه وین اهل ؟؟؟
ضلیت اباوعله و هو یركض منا و مناك ،،، شویه و وگف اندار و باوع وراه حسیته دیدور ع اهله ،،،
و لان م لگاهم برطم شفایفه و گام یبچي فرفحت روحي علیه ،،،، رئسا رحت و اخذته بحضني و گمت ابوسە و اهدیە ،،،
اجە خالد و انصدم و سٲل ...
خالد : منو هذا ؟؟؟
اماني : واي خالد شایف هذا الولد متیهه اهله ،،، خطیه الله علیك خلي ندور علی اهله گلبي ما ینطیني اعوفه هنا بهالبرد...
خالد : ماشي ...
ضلینه اندور علی اهله ،، بس ملگیناهم ،، بس الولد اشرلي علی محل مال البسه رجالیه ،،،، و گال مامي و گام یتحرك بحضني یرید یروح ...
خلیته عالگاع و لزمت ایده و هو یركض للمحل و اني هم اركض وراه ،،،
طبینه و وهو رئسا ركض لحضن مرة چانت واگفە ،،،
اماني : هذا ابنچ ؟؟
الوالدة : اي ،،، لیش ؟؟
اماني : چان تایهە و یبچي ،،، و اني اخذته و بدیت ادور ،،
الوالدة : صدگ ؟؟؟ وليييي اسودي ماما وین رحت ،، شكرا حیاتي
الوالد : رحمه الله لوالدیچ تعبناچ اختي ،،،
اماني (باتسامه) : لا عادي كلش ،،،،
خالد : بس بلا زحمه ممن سؤال ؟؟
الوالد : تفضل اخي ...
خالد : شسمه الصغیر ؟؟
الوالد : ٲُسید ،،،
خالد : عاشت الاسامي كلش حلو اسمه مو امونه ؟؟
اماني : اي كلش ،،، ( ویه حچایتي واحد حچە ورایە و گال )
ــــــــ : هاك القیاس الي تریده اخویه ،،،
حسیت اني سامعه هالصوت قبل انداریت و انصدمت !!!!!! 😐😐....
یتبع .....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
منو تتوقعون یطلع ؟؟؟ انتضرو البارت الجاي و الاخیر ... ❤❤❤
#قـــــــــزومتي_المــــسودنــە