قزومتــي المــسودنة 💕

ظلم 😞💔 p.6

نتالیا ...

شمرت روحي من السیارة ،،،، سمعت صوت بریك سیارة عالي ،،، صحت باعلی صوتي ،،،،

نتالیا : یــــماااااااااا

هدوء ما اسمع شي ،،،، فتحت عیوني و رفعت راسي ،،، شفت دعامیة السیارة قاب قوسین من عندي ،،،، مصدومة ما اعرف شسوي ،،، بساع اجه عمر و شالني من الگاع و بدە یدفعني حتی اصعد سیارته ،،، واني اصیح جوه ایده و احاول اقاومة بتعب ....

نتالیا (ببكاء وتعب): وخر الله یخلیك وخرر ،،، والقرآن مراح احچي شي لاحد بس عوفني هنا ،،، اني راح ارجع وحدي بس عوفني،،،،

عمر :الله یاخذج امشي گددددامييي ،، ابتلیت بیچ یالگح.... ،،

قاطع حچینە صوت صیاح ...

اسامة : نتاااااللللییییاااا !!!

نتالیا بتعجب : اسامة ؟!

(اسامە)رجعنه اني و مرتضی لمدرسة نتالیا الظهر ساعة 12 بلكد اگدر احاچیها هالمرە ،،، شفتها طلعت و صعدت السیارة الخط رئسا و هم ملحگت احاچیها ،،،، اتعصبت و شغلت السیاره بسرعه ،، مرتضی چان واگف و منتچي عالسیارة اشرتله یصعد ،، صعد ،،،،،

بساع لحگت سیارە الخط مالتها،،اشوو ابو الخط بس یلووف و یدور و راح لمناطق ابعد من بیتها و ما رجع نتالیا للبیت ،،،، اتخلبت شنو هذا یلعب علیه ؟؟؟؟؟

اخیر شي ضلیت لاحگهم لاشوف تالیها ویاهم ،،، حسیت السیارە خفت سرعتها ،،، ثواني و نتالیا انشمرت منها و اتمرغلت عالشارع ،،، اللە ستر و دست بریك بس بعدني ما اعرف صدمتها لو لا !!! .... انصدمت من الموقف ،،، ما اعرف انزل ؟؟ ما اعرف اشرد ؟؟ شصار اني شسویت ؟؟؟؟؟

استغفرت ربي و توكلت و نزلت و گلت الي يصير خلي يصير اني مو خایف من شي .... نزلت واني بس ادعي ربي كون ما اذیتها ،،، شفتها مصدومة هي هم و ایدها مجروحة ،،، رئسا گامت رادت تمشي نزل ابو الخط و لزمها وضل یدفع بیها و یغلط ویرید یصعدها السیارة وهي تقاومه و تبچي ،، اني بحالة صدمة غیر معقولة ،،، شكو هذا منو وشیرید منها و لیش جایبها هنا و شچانو یسوون بالسیارە وحدهم

اسامة (بصیاح) : ولكككك انته منو ؟؟ شترید من عدها هااا؟؟ وین تودیها ؟؟؟ لو ما الله ستر و دست البریك چان زمان البنیە رایحە بیها ....

عمر : رحمة لاهلك اخویة عوفنا و لا تدخل ،،، روح الله یسامحك محد حاچي ویاك ...

نتالیا (ببكاء) : اسامة الله یخليك لا تعوفني ویاه ...

عمر : من وین تعرفینه ؟؟؟

اسامة : منو هذا نتالیا ؟؟؟

نتالیا (ببكاء و شهگە ) : اللە یخلیك اسامة لا تعوفني ویاه ،،، ما اعرف شیرید مني هذا الحقیر؟؟؟؟

عمر : لا تصدگها خویە ،،، زعلانه شویه اني اراضیها انته معلیك ...

اسامة ( لزمته من قمیصه و صحت بعصبیة ) : منو المعلیه ابن الكح.... ،،، احچي شترید من عدها ؟؟؟