قزومتــي المــسودنة 💕

شروط لا تنفع 💔 p.27 * ج٢

مساء الخـيــــ«🥀»ـــــر ...

قراءه ممتعة للجميع ❤️ ...

#قزومتــي المــسودنة 2💕

#نيڤين & #آسر :-

من اسولف ضيم هجرك للعصافير ...
تحط يم بابنه و ما تقبل اطير ...
صارلي سنين حبك ساكن العين ...
اجيب منين يوسف ينطيني تفسير ...
نهر شوگك يبس ما ظل اثر بيه ...
و ماتت بالهجر كل النواعير ...
عساها ابخت كلمن جبرنه نروح ...
و عساه اتصيبه دعوات المكاسير ...
مو ايوب طبعي و اصبر بهاي ...
صرت شجرة و علي فزعت مناشير ...
تفرهد بيه كولشي الحيل والحال ...
ابشرك ثمر زرعي بلا نواطير ...
تعال و شوف حالي يبچي جلمود ...
مثل ام الغريج من تشكي للبير ...
مثل ضايع بوادي وكومه اذياب ...
وين ايروح گلبي بيا وجهه يسير ...
الصارن بيك كلهن صارن وياي ...
بس البيه صار ما ظن بيك يصير ...

للکاتبە °l||l°( ℣õ℣õ )°l||l° 💕

  
    ▁ ▂ ▄ ▅ ▆ ▇ █ P.27 * ج٢█ ▇ ▆ ▅ ▄ ▂
▁

نيڤين : اني موافقه على بلال بس عندي شرط ...
چنت احچي و احس ويه كل كلمة اغرس بگلبي خنجر ،،،
باوعتلي و عگچت حاجبها
نتاليا ( بتعجب) : شنو هذا الشرط ؟؟؟
نيڤين : يعقد عليه هسه بس الزفه والعرس وره ما اتخرج ...
نتاليا : انتي صاحيه يا بنتي هستوچ مرحله ثانيه تريدين تتزوجين وره اربع سنوات ؟!! اكيد مراح يقبلوها ...
نيڤين : هذا شرطي الوحيد ...
نتاليا : ما اعتقد يقبلون ايمان ممصدگه تزوج ابنها تتوقعين هسه تقبل تخليچ اربع سنوات هاي مصايره ...
نيڤين : اني الي عندي گلته و اذا موافقين على هذا الشرط اني هم موافقه ،،،
نتاليا : اكيد مراح يوافقون ...
نيڤين : اذا ميوافقون رحم الله لوالديهم الباب مفتوح يطلعون و يدورون على غيري ،،، و انتي تگليلهم ما عدنه بنات للزواج اذا مو بهذا الشرط ...
نتاليا : خليتي هذا الشرط لان تدرين مستحيل يقبلون بيه مو؟؟
نيڤين : انتوا مو تگولون بلال يحبچ و كاتل روحه عليچ ؟؟ اذا من صدگ يحبني رح يوافق على شرطي ...
نتاليا : تريدين تتحدين الولد و تختبرينه لو شلون ...
نيڤين : اني اريد هاي الفتره الطويله اقلها حتى ابتدي اتأقلم وياه و اتعرف عليه و اتعود على وجوده ،،، تدرين بيه شگد اتعقد من الريايجيل و شگد صعبه عليه ادخل واحد غريب لحياتي ... كولشي ما اريد غير هذا الشرط ... و اذا تريديني اتزوجه من صدگ هاي تبقى عليچ انتي تقنعيهم بشرطي ....

گمت من يمها و رحت صعدت لغرفتي و ابچي ،

نيڤين ( ببچي ) : اسر اني سويت الي عليه ،،، سامحني مبقه عندي غير هذا الحل ... كوون يا ربي ميوافقون على هذا الشرط و يعوفوني ... تعبت حيل