السلام عليكم
الشيخ & العشگ
°بسبس
مساء الفل حبايب
قراءة ممتعه
. . . . . . . . . . . . .
جاسر
كاعدين بالمطار ننتظر موعد الطيارة فهد كاعد بصفي و يهز برجله متوتر و كل شوية ينافخ خليت ايدي على جتفه أطمنه
جاسر . . انه ربك اذا احبه عبده إبتلاه هذا اختبار من الله اصبر و شوف حكمته انه الله مع الصابرين
فهد . . و نعم بالله . . بالي يم سجى أكيد زعلت مني
جاسر . . سجى اختي و اعرفه تلكاه تبجي بس تضل تحبك كوم احجي وياها قبل لا نطلع للطيارة
فهد . . ماشي
كام فهد يخابر سجى طلعت تلفون احجي ويه سما دكيت متجاوب رجع مره ثانية دكيت شوية طول يله جاوبت
سما . . الوو حبيبي
جاسر . . يروحلج فدوه الألوو و حبيبج
سما . . اسم الله عليك
جاسر . . يحيلي من هسه مشتاقلج
سما . . اني هم والله
جاسر . . ارجع
سما . . اي
جاسر . . و فهد خطية
سما . . جا شكو دكول ارجع
جاسر . . اضوجج
سما . . رحمه الله والديك ضوجتني توصل بسلامة ان شاء لله يله باي
جاسر . . ههه وج اوكفي احجي وياج
سما . . شتريد
جاسر . . احبج
سما . . اي اضحك عليه بكلامك و قشمرني
جاسر . . لا و العباس احبج
سما . . اني هم
جاسر . . شنو
سما . . احبج
جاسر . . يحيلي يله في امان الله لازم نصعد بالطيارة
سما . . الله وياك من توصل طمني عفية
جاسر . . ان شاء لله يله راح اسده
سديته منه شفت فهد جاي من بعيد و الإبتسامة شاكه حلكه تقرب مني
جاسر . . هاا اشوفك مرتاح
فهد . . حجيت وياها لكيته تبجي و زعلانه راضيته و صالحته
جاسر . . شوف فهد تراني لحد هسه شايل على خاطري منك من عرفت انت تحب اختي من وراي
فهد . . جا احبه من كدامك. . جاسر انه لو جنت ناقص و عار ماروح اخطبه من الشيخ لا جان اخذت رقمه من اختي و اتواصل وياها و اخليه تحبي و اعشمه بالزواج
و اتركه بس انه مو هيج و انت تعرفني انه من شفته اول مره من دجيبلك الريوك و عباله انت حبيته و دخلت كلبي
حاجيته اخذ موافقته بالزواج مني لو ادري بيه متريدني انعل كلبي و حبه اعوفه و اعتبره خيتي بس هي تحبني و انه كذالك ماردت اكلك لحد ما تأكد من تأكدت خطبته بيه شي هاي
جاسر . . انه لو ماعرفك زلمه و تستاهله مجان خليتك تطخه بس انت زلمة معدل و راح تحافظ عليه
فهد . . ان شاء لله بعد بس تكمل هل سالفة خاف العلاج ميفيد و احرمه من الخلفة و انه ماريد هل شي يمكن اتركه و لا اخليه يمي و يمكن اذا اتركه اموت انه
جاسر . . لا شهل حجي تتعالج و تتعافه و محد يترك الثاني هي لك و انت زلمته ترجعه و تزوجون و تخلفون هم ان شاءالله
فهد . . الله يسمع منك
جاسر . . يارب . . يله تراه الطيارة راح تروح للهند بدونه مشينه تأخرنه
فهد . . يالله يله
شالو الجنط و راحو يصعدون بالطيارة متجهين الى الهند بلد الطب
. . . . . . . . . . . .
سجى
صعدت ركض للغرفة فتحت الباب و ذبيت نفسي على السرير ابجي بصوت عالية
. . أناني قاسية ما ودعتني مشفتك قبل لا تروح اكرهك فهد اكرهك
ياسر . . سجى
سجى و هي تبجي و تشهك . . يا يا ياسر روح روح كول لل للشيخ ماريد ماريدة لفهد ماريده
ياسر . . صدك جذب على شنو كل هذا شو كومي
راح يمه كعد على السرير و خلاها على صدره ايده على راسه يمسح على شعره و هي تبجي و تشهك
ياسر . . اششش لج سجاوي لتبجين
سجى لارد بس تبجي
ياسر . . يبعدهم على شنو هل دموع على فهيدان انتي مو متريدي شكو تبجين عليه
سجى . . هو اناني ميفكر باحد بس بنفسه ميكول عندي خطيبتي اروح اسلم عليه اودعه لا ماكو بسرعة ركض ركض اخذ جاسر و راح هو مزوجيني الي لو لجاسر
ياسر . . ههه ولج مو زين اصلا معبرج و معتبرج خطيبته انتي مشايفته قبل شلون جان
سجى و تمسح بدموعه . . شلون
ياسر . . جان واحد متكبر و بومه اربعة و عشرين ساعة و جهه مكلوب ميضحك لا يشاقة هذا الحجي من مات ابوه هو هيج نوب دخل عسكرية و صار ضابط يبوو صار انكس عصبي و عياط و صياح
سجى . . بس هو مو شي هسه
ياسر . . اي جايج بالكلام تذكرين من جاسر اجه من السفر و رحنه نجيبه جان نفسه فهد البومه بس ثاني يوم قبل لا يندعم محمد تغير تخيلي نشوفه صافن و يضحك ويه نفسي اني عبالي تخبل نوب طلعته سالفة لبنيه رجع عصبي تصاوب من رحنه نزوره رجع يضحك
سجى . . اي
ياسر . . من ذيج اللحظه تغير فهد صار يضحك ويشاقه حته اخوه ابو الفضل مستغرب من التغيير يكول جان بس عياط و صياحه بالبيت على اقل شغلة هسه هادئ و يشاقة ويانه و راها خطبج تغير اكثر صار ياخذ إجازات من شغلة وهو بحياته ما مسواه إلى اذا جانت والدته مريضة و هذا كله من وراج
سجى . . اني شعلية
ياسر . . مقصدي انتي غيرتي حبج هو الي غيره فهد من كام يحب ما حبج إلج و بس لا حب دنيه هم حب يعيش بالمختصر اكلج فهد حب الدنيا بيج ف لتعوفي و تتركي و خاصة بهل وكت هو بحاجتج سجى احنه الزلم منعرف نعبر عن مشاعرنه مثل الثور الهايج نمشي و نخرب كلشي بس بدون قصد اعذري تراه تلكيه يفكر بيج هسه
كمل كلامه دك تلفون سجى شالته فتحت عيونه على وسعهن
. . ياسر هذا فهد
. . هههه ابن الحلال يله اعوفج تحجين وياه . .باس راسه و طلع
ضلت تباوع على الباب . . الله يحفظك الي يا حنون
رجعت باوعت للتلفون تذكرت من عافه بدون ميحجي ويها دموعه نزلن مجاوبت دك مره ثانية هم ماردت
. . خليك ادك شوية خلي اشعوط كلبك مثل ما شعوطت كلبي
ضل يدك مجاوب لحد ما صارن خمس مكالمات بالسادسة له جاوبت اجاها صوته الخايفة
فهد . . الوو حبيبي ليش تاخرتي بيج شي صاير عليج شي . . الو سجى وياي
سجى بنفسه . . شبيك تركص إركد شوية بس دكمز قلب لو رقاصه خرب يومك
سجى بصوت ناصي . . الوو وياك
فهد . . شبيج يروحي ليش صوتج ناصي جنتي تبجي
سجى . . أي من وراك
فهد . . احترك بنار و نفط اني و عشيرتي و لا دموعج ينزلن
سجى . . نزلن عيني ميحتاج تحرك نفسك و عشيرتك
فهد . . اوف اوف شايلة هواي عليه
سجى . . اي والله هواي بلوكه و على كلبي كاعده
فهد . . شيليه بويه شيليه و احجي اسمعج
سجى . . اكرهك اناني قاسي اكرهك فهد ماحبك ابد ماحبك
فهد . . بس اني احبج
سجى . . ليش رحت و ماسئلت عليه و لا شفتني لهل درجة انه ماعنيلك
فهد . . انتي كل حياتي
سجى . . هه اي مبين
فهد . . و الله احبج بس سجى افهميني ماريد ادخل و اشوف دموعج او اشوف الشفقه بعيونج اتجاهي هذا الشي يأذيني يخليني اضعف و انه ماريد هل شي يحسسني بعجزي
سجى لارد
فهد . . لا تسكتين احجي
سجى . . زعلتني منك فهد
فهد . . يروحه الفهد و انفاسه ماكدر اشوف دموعج هربت منهن
سجى . . جان بس خليتني اسلم عليك
فهد . . سلمي هسه
سجى . . لا والله
فهد . . طيارتي راح تطلع متريدين دكليلي شي قبل لا روح
سجى . . لا
فهد . . متأكده
سجى . . اي
فهد . . جا في امان الله رايحه انه . . راد يسده
سجى . . فهدد انتظر
فهد . . هااا
سجى . . احبك
فهد . . هههه جان من اول ليش تشلعين كلبي
سجى . . احسن جا بس انت مسموحلك تشلع كلبي
فهد . . اويلي يابه لحد هسه زعلانه لو ما مضطر اسد التلفون جان صالحتج بس انتظري من اول للهند و اخبارج
سجى . . توصل بسلامة ان شاء لله
فهد . . في امان الله
سجى . . الله وياك
سديته منه و اني مرتاحة و اضحك الي يشوفني قبل شوية ابجي و هسه اضحك يكول تخبلت كمت خليت تلفوني على الشحن انداريت شفت كتبي اهوو الامتحانات بقاله اسبوع و تبدي شلون قهر يله وره الغده اقره طلعت من الغرفة نزلت جوه
ساعدتهم بالغده تغدينه الشيخ و ياسر جانو يتفقون على الشغل و الشركة مال العائلة منو يلزمه خلوه بيد ياسر و سرمد لان ياسر ميكدر وحده
كملنه شلنه لماعين سما تغسل اني و ديت الجاي و جيت اساعده كملنه درتب المطبخ و نسولف بيناتنه شوية جان
تطب مريم علينه تسحل بجنطته ضلينه صافنين عليه
مريم . . سجى عفيه تعاي اخذي الجنطه مني فوتيه جوه
سجى . . نعم يا ختي
مريم . . شبيج ثكيله ماكدر اشيله فوتيه جوه
سجى . . ليكون اني خدامه عندج و مادري بعدين شعندج جايبه كل هل لهدوم احد كلج فاتحين فندق
شو المولود و خلص و كل واحد راح لبيت انتي متروحين تشوفين شنو وراج
مريم . . هاا سجى اشوف لسانج طولان و تلاسنين طبعا عاشرتي ناس زبالة و من عاشر القوم بعد . . تحجي و تباوع على سما
سجى . . هههه عفية زين تعرفين هل مثل من عاشر القوم من طبيتي لبيتنه لساني صار زفر
مريم . . ادبسزز والله لكول لجاسر عليج
سجى . . هههه خطية ليش متدرين جاسر راح
مريم . . شنو وين راح
سجى . . شي ميخصج
مريم . . سجى تحجين لو شلون
سجى . . لا و الله شو ماحجي و خليج بفضولج
صعدت و عافت مريم معصبه و الفضول كاتله باوعت على سما
مريم . . انتي كليلي وين راح
سما باوعت عليه من فوك ليجوه عافته و صعدت وره سجى
مريم . . كبر اي و الله موت الطمجن اروح اسئل شيخة احسلي
راحت على شيخة وسن سئلته كالت راح بشغل ماعجبه جوابه راحت على الحجية هم نفس الشي كالته بشغل
مريم بنفسه . . شغل مو خلي نشوف شنو هل شغلة مبين ضامين شي نعيش و نشوف يابيت عمي
. . . . . . . . . . .
العصر سما بغرفه سجى هي تقره و سما تمتحنه لو تراجعله كملت فتحن التلفزيون يتفرجن على فيلم خلصنه و نزلن
وسن . . يمه وين جنتن عايفات مريم خطية وحده محد وياها عيب يمه مايصير
سجى . . يمه هي شجابه اصلا متروح لبيتهم
وسن . . اشش يمه شهل حجي طردين بالعالم ميصير
سجى . . ماطرده بس انتي تعرفيه حيه الله يستر من جيته مو خاليه كل متجي و تضل لازم تسوي مصيبة ياستار
وسن . . سايسنهه يا يمه شنسويله
سجى . . ماشي يمه ماشي
راحت شيخة و عافتهن بالصالة كاعدات
سجى . . شفتي تلكيه رايحة الاميه و متبجبه كدامه امي متحبه لان تعرفه بس دكول لخاطر عمج و مرته عيب منهم
سما . . هيه عليمن طالعة هيج اشو خواته زينات حته امه فقيرة
سجى . . هو هذا السؤال الي نفسي ألكاله جواب بس ماكو مادري عليمن طالعة
ديحجن طلعت مريم من غرفة الحجية
مريم . . اي و اخيرا شفناجن عرايس جان بعد وكت اذن المغرب مسعدات
سجى . . عفية انتي كلتيه مسعدات رجلينه محنايه او بالاصح مريد نشوف شكولج
مريم . . سجى احترمي تراني ساكتتلج من الصبح لخاطر عمي
سجى . . لا والله خوفتيني شوفي سما كمت ارجف شوفي لج اعلى ما بخيلج اركبي و هذا اسلوبي ويه امثالج و ماغيره يعجبج اهلا و سهلا ميعجبج البوب تفوت ثواره
كامت سجى و اخذت سما وياها للمطبخ
مريم بنفسه. . والله ياسجى اذا ماخليج إبالي و اشوفج منو هي مريم اذا ماخليج تجين تبوسين ايدي تطلبين رضاي بسيطة
. . . . . . . . .
جاسر
وصلنه للهند جان منتظرنه مترجم تابع للمستشفى عمود نكدر نتواصل وياهم بسهولة و صلنه لفندق قريب على مستشفى و راح كال باجر الصبح نسوي فحوصات اخيره و يبدون بالعلاج و يشوفون تطور الي يصير بعدين العملية
حجزنه غرفة بيه سريرين و صعدنه فهد من تعب راستن ذب روحه و نام
اني خابرت الاهل طمنتهم و كلت لسجى دكول الاهل فهد انو وصلنه لان هو نام و خاف يبقه بالهم يمنه
سديته منهم طبيت سبحت و طلعت راستن نمت
هل حجي ساعة بال 12 بالليل بتوقيت العراق لان التوقيت يختلف تقريبا بينه و بينهم ساعتين و 30 دقيقة تقريبا
نمت و محسيت بشي بعد من التعب مال طيارة
كعدت على صوت فهد يكعد بيه باوعت الساعة بال 9:00
كمت للحمام غسلت و بدلت فهد جان جاهز طلعنه تريكنه و رحنه للمستشفى لكينه المترجم ينتظرنه اخذنه لغرفة الدكتور
هو يحجي و الثاني ترجم كومو فهد فحوصات كاملة
انتظرنه لما طلعت شافهن كال الشغلة سهلة ماكو قلق الرتاحينه شوية انطاه علاج يستمر عليه اسبوع
و بهل فتره انضل بالفندق منرجع للمستشفى لحد ميخلص الاسبوع فهد كال نسوك للاهل عمود بس اسوي عملية راستن نرجع
صدك ثاني يوم طلعنه نفتر و نشوف الاماكن و طبعا المترجم ويانه لان مستأجريه اول يومين بس نفرفر
بعدين كمنه نشتري للاهل اشكال اشترينه
ما نسينه احد للكل اخذنه استمر الاسبوع على هل موال طلعة و فرفره خلص الاسبوع رحنه للمستشفى
هم فحوصات بس هو هواي مثل ذيج المره
شافه الدكتور كال اكو تحسن على الادوية يعني اكو امل جبير انو العملية تنجح بنسبة 90%
و هذا الشي كل زين طبعا فهد القلق ماكله اكل ما يأكل هواي و بس يصفن لو يخابر اهله من سمع من الدكتور انو العملية نسبة نجاحه عالية شفت الدمعة بطارف عينه
بس يبقه يكابر و مينزله
ثاني يوم من الصبح احنه بالمستشفى فحوص و اشعه و تحاليل و دكتور طاب و الثاني طالع ديحضرون فهد للعملية يسويه باجر بس لازم يبقه تحت رعايتهم
بقيت يمه العصر خابر اهله و سجى و حجه وياهم
و كامو يدعوله و امه تبجي هو يبتسم بوجهم من كمل سد التلفون و خلاه على الميز بصف السرير
و بقه صافن عرفته مختنك و متضايق عفته و رحت للحديقة مال مستشفى اشرب جكاير صافن و جكاره بيده و افكر باوعت على الحديقة لكيت ثنين كاعدين بعيد عني يسولفون بنيه و ولد
تذكرت سما و من شفته للمستشفى و سويت نفسي دكتور عمود احجي وياها ابتسمت و شلت التلفون دكيت عليه
التواصل بيه كله على النت لان بلدين مختلفة ميصير على الرصيد خابرته شوية و جاوبت
سما . . الوو جاسر
جاسر . . يحيلي جاسر شلونج
سما . . الحمد الله بخير و انت
جاسر . . بخير
سما . . شبيك
جاسر . . كاعد بالحديقة مال مستشفى و تذكرتج
سما . . هههه تذكرني بالمواقف الموحلوه
جاسر . . لا ليش بالعكس احلا موقف هذا زين شفتج و عرفت انج مو مخطوبة
سما . . امم فرحت
جاسر . . لا عادي
سما . . والله
جاسر . . هههه غير طرت من الفرح لج جنت ادعي انو تكوني من نصيبي و الحمد الله الله جبر بخاطري
سما . . ليش تحبني
جاسر . . من ارجع اكلج
سما . . لا ليش دكول هسه
جاسر . . سما من ارجع اكلج . . يله راح اسده يريدوني
سما . . ماشي دير بالك على نفسك
جاسر . . في امان الله
سما . . الله وياك
سديته منه و رحت على فهد داز واحد يصيحني
طبيت للغرفة لكيته كاعد يكلب بالتلفون
جاسر . . هاا فهد
فهد . . وين رحت و عفتني وحدي ضوجة هنا اخذني وياك
جاسر . . طلعت بره حجيت ويه الاهل و جيتك . . اني جوعان رايح اجيب اكل اجيبلك وياي
فهد . . اذا يقبلون اي جيب
جاسر . . اسئل الدكتور و اشوف
طلعت متوجه للغرفة مال دكتور دكيت الباب و فتت لكيت المترجم يمه اي الحمدالله كتله كول للدكتور عادي فهد ياكل لو ميصير
سئلة و ترجملي يكول لازم شي خفيف شوربة او هيج شي لان يأثر على العملية لان بالبطن تصير
طلعت منه و رحت على فهد كتله كال ماشي جيب شوربة شنسوي
. . متأكد تشرب شوربة
. . اي
. . لك انت اذا مو سوب و ثريد متشبع اقل شي يشبعك فد سمجتين
. . جاسر رحمه الاهلك تراني جوعان و انت دكلي سمج و سوب تره هسه ارجع للعراق و انعل ابو العملية
. . لا لا يمعود دشاقة شبيك ألطف الجو عليك كلبت وجهج رايح اجيب شوربة الي و إلك
. . انت شعليك ليش شوربة
. . جا قابل اكل كدامك تمن و كباب و انت تشرب شوربة لازم سوا على الحلوة و مره
طلع جاسر عايف فهد مبتسم من حجي صديقهه و هسه اثبتت المقولة الصديق وقت الضيق
صار الليل جاسر نايم على التخم الي بالغرفة و فهد متمدد على السرير و يفكر لحد ما اذن الفجر هو كاعد صله و نام شوية كعده جاسر
الصبح جوي الممرضين اخذو يجهزو للعملية بدل ملابس خضر و مشكلين كانونه بيده رجعو للغرفة مالته كالو ربع ساعة و نجي ناخذ نطببه للعملية
هو خابر والدته حجه وياها و هي تدعليه جاسر كاعد كدامه على التخم شايل القرآن و يقره لحد ماصار وكت العملية جوي اخذو فهد و طببو
جاسر
ضليت اني بره منتظر لحد مايخلصون المترجم كال إطول هواي كلت خل استغل الوكت طلعت رحت للفندق سبحت و بدلت و اخذت هدوم الفهد خاف يحتاجهم و كم غرض مهمات و رجعت للمستشفى
لكيت المترجم كاعد مثل ماعفته خطية ابد ماعافنه عبالك واحد منه رحت للغرفة خليت الغراض و رجعت كعدت يمه اقره قرآن وهو صافن عليه و يسمع
طولت العملية هواي صارلهم بال 4 ساعات جوه شوية و طلعت ممرضة سأله المترجم كالت نحتاج دم لحالة الطوارئ اخذت دم و رجعت
ساعتين مرن يله كملت العملية و طلع الدكتور طمنه العملية نجحت و بقت العملية الثانية بسيطة مطول هواي
من سمعنه العملية نجحت خطية المترجم حضني عبالك شخص من عائلته جوه مو شخص غريب عنه ميعرفه
ربع ساعة و طلعو فهد من غرفة العمليات و دو لغرفته هو نايم كالو شي ساعتين يله يكعد
ضليت يمه خابرت الاهل طمنتهم و خابرت والدته خطية كامت تهلهل و دكلي اشوفه صورته و دزيتلهم الصورة و رجعت اقره قرآن لبين ما يكعد
. . . . . . . . . . . .
سما
مره الاسبوع ماكو احداث بس عركات بين سجى و مريم الي مجلبه يمنه متقبل تروح و الشيخ ميكدر يحجي بت اخوه و اكرام الضيف واجب
وهي شلون ضيفه لزكه و لا تحس بس تسائل على جاسر الحجية ترزل بيه و ميفيد تتحجج على انو ابن عمه و تطمن عليه
من إطمج لكبور و نخلص منج يا حيه نحاول اني و سجى من يتصل جاسر او فهد منخليه تسمع خطية تكعد تعير بسجى اذا عرفت بفهد عقيم و راح يتعالج
سجى بدت امتحاناته و اني و ياسر انتابعه بيوم عملية فهد جان عده امتحان كيميه و بالكوه قنعته تروح تمتحن
جتي تبجي دكول ما مجاوبه لان ما مركزه بالامتحان خطية قهرتني ضليت اواسي بيه لحد ما خابرنه جاسر كال طلع فهد و العملية ناجحة و هو بخير دزلنه صورته
ضعفان خطية جان حالته حاله امدد على السرير و كانونه بيده ضعيف ووجهه مصفر سجى شافته كامت تبجي لحد ما نامت
باجر ماعده امتحان بس الي بعدو عده عربي
لمى اخابره دكول مجاوبه لان ياسر هم وياها متابع و ان شاء لله يطلعن المعدلات العالية
بالليل خابرنه جاسر كاميرا صعدنه بالغرفة مال سجى عمود مريم لتعرف
سجى جانت ناميه كعدته على صوت فهد خطية شافته كامت تبجي عفته تحجي وياه و رحت لغرفتي احجي ويه جاسر من تلفوني
سما . . الوو حبيبي
جاسر . . هلا يا يحيلي
سما . . شلونك
جاسر . . والله تعبان و متكسر العملية طولت كلش و لحد هسه منايم علمود فهد
سما . . الله يساعدك
جاسر . . ويساعدج
سما . . يعني فهد هسه مو عقيم تعالج مو ويكدر يخلف
جاسر . . العملية نجحت الحمدالله بس بعد عملية ثانية الدكتور يكول بسيطة و سهلة مادري بعد
سما . . ان شاء لله تكمل على خير ويتعافه و نزوجهم و نشوف جهالهم بيدهم
جاسر . . ان شاء لله
سما . . خطية سجى شكد بجت دكول خاف متنجح خاف يصير بفهد شي لحد مانامت هي تبجي
جاسر . . ام دميعة شلونه بالامتحانات
سما . . لا زينه بس اليوم بالكيميه دكول مركز
جاسر . . ان شاء لله خير يله حبيبي اروح انام نعسان و تعبان
سما . . تصبح على خير
جاسر . . و انتي من اهل الخير
سما سديته منه و كمت اشوف سجى فتحت الباب و جان انتبه شخص يركض على درج رحت دشوف منو
. . . . . . . . . . .
تأخر البارت من وره النت ضعيف و مينحفظ تعبني لحد ما نحفظ استمتعو بيه و صوتو و علقو و تابعو صفحتي حته توصللكم القصص الجديدة
تصبحون على خير
° بسبس