يله نبدء
بسم الله
-صلو على النبي-
حسام"احجي يابعد گلبي مو اشتعل جدي أحجيلي عن گلشي بگلبچ لاتضمين شيء...
هديل"خايفه من گلشيء الي دا يصير هسه والي راح يصير بعدين..
حسام"شنووو هي مخاوفچ اسمعچ.
هديل"شوف لقائنه گان غريب وخطوبتگ اليه گانت الاغرب اني بعدني صغيره15سنه وراح اطب ب16 لي احلامي وطموحاتي اني اعرف باني ماهتم حيل بالدراسه بس لگل شخص اهدافه وطموحاته ماشفت من الحياة شيء غير الضحك والمغامرات من المدرسه للبيت واني ذگرتلك بان گلشي ماعرف أطبخ ولا اسوي شيء وانت گلتلي مايهمك الشغل
بس اني خايفه مهما يگن اني بعدني مراهقه ومشايفه من دنيتي شيء وبعد الي صار وموقفي الاول وياگ خلاني أشگ أنت ليش خطبتني أخذتني الافگار واني أگول أنت تريد تنتقم مني لن ضربتك وتهديدك لازال يردد بذني لذلگ گلي وريحني أنت خطبتني تا تنتقم من عدي..
گالت گلامها واني أباوع عليها بقهر..
گلت بنبره غاضبه"أنتي شايفتني شخص مخاف الله جاوبي...
ضربت الاستيرن بغضب..
هديل بنبره خائفه"ماعرف ماعرف لذلگ أسال..
حاولت ألسيطره ع أعصابي واني ماريد أخوفها مني..
حسام بنبره هادئه"شنو دگولين أنتي هل اني شخص حقير بنضرج أنووو اني تصل بيه الدنائه أخطب مراهقه تا انتقم من عدها شنو شايفتني بلا ضمير..
شفتها ساگته ومتردده بالجواب..
حسام"لاتخافين أحجي أدري بروحي اني المذنب لاني خليتچ تاخذين فگره خاطئه احچي مراح ازعل..
باوعتلي بتردد أبتسمت تا اطمئنها..
هديل بنبره مرتبگه"الصراحه اني ماعرف لحد ألان مرات أحسگ انسان هادئ متفهم ومرات أنسان عصبي ما اعرف ياهو طبيعتگ شنووو تفگر بس ع الاغلب بعد الي صار أحسگ شخص طيب مستحيل تاذي أحد بس ردت أسئلك تا أرتاح الخوف سيطر علي..
حسام"تذگري دائمآ مستحيل أذيچ اني لو أريد أذيچ چان اذيتچ من البدايه چانت أگو أهوايه فرص گدامي لو رايد أستغلها گان دمرتچ بس اني مو هيچ اني شخص اخاف الله وبس شفتچ گلت بعد ماريد أي احد غيرها يدخل حياتي....
لاتخافين أبد من أي شيء واني يمچ تاگدي راح أخليچ تتغلبين ع مخاوفچ واي شيء تشگين بيه أساليني واني حاضر أجاوبچ بگل رحابة صدر.....وهسه مادگليلي ليش بعدچ لازگه بالباب عبالگ اني قاتل واريد اموتچ.
شفتها مبينه متوتره وعرفت هاي الطريقه ماتفيد وياها اعرفها خايفه وبعد الي حجيته هسه أهوايه أگو اشياء بعقلها عليه لو اعرف شلون يفگرون المراهقين أگيد عقولهم عايشه بالخيال...وقررت ارجعها للواقع
بقت ساگته ومجاوبت...
مديت أيدي وگمشت گف أيدها لو حسيتها أنتفضت وخافت وسحبت ايدها....باوعتلي بارتباك..
حسام بنبره غاضبه"شبيچ خايفه اني الغبي الي گلت هاي أفتهمت موقفي وصارت متخاف من عندي.....بس الضاهر لحد الان تشوفيني شخص حقير وميخاف الله بنضرچ مادام تفگيرچ هيچ راح أرجعچ هسه للبيت وبعد ماطلع بوجهچ مره ثانيه..سقت سيارتي بسرعه
☆☆☆☆☆☆☆☆
حچه گلامه بغضب وساق سيارته حسيت روحي تورطت هذا اخذ ع خاطره ياربي شسوي هسه وخفت من سرعته حيل..
هديل"ع گيفك حسام خفف السرعه لاتدعمنه..
ماجاوبني دقايق وصل گدام بيتنه..
حسام بنبره غاضبه"أنزلي من السياره.
چنت خايفه گلش واني اباوع عليه معصب تذگرت گلام رهام بس گالتلي راح تخسرينه أذا درى بالي افگر بيه خفت من گلشي دا يصير وماعرف ليش مگدرت انزل..
حسام"شبيچ مدا تسمعيني أنزلي أنتي الي تردين هذا الشيء وانتي دا تتهميني لذلگ لاتعبيني زايد والله اتعذب بس أشوفچ خايفه مني تحسسيني باني شخص حقير لذلك انزلي وريحيني..
گمت أرجف من القهر من گلامه ودموعي بدت تنزل واني أگول اني الغبيه الي خسرته بسبب غبائي بسبب طيشي وهسه هو معصب من ورايه يربي ماعرف گلشيء ولا اعرف أتصرف بهيچ موقف ومبينه عليه انسان متفهم واني ظالمته..
حسام"گافي بچي امسحي دموعچ ونزلي لايطلع احد من اهلچ عبالهم مسويلچ شيء..
هديل بنبره بگاء"مانزل مانزل مانزل...
حسام بتنهد"وليش ماتنزلين..
هديل"أنت زعلان مني مو..
حسام"فگري بالي دا تسوينه وتهربچ مني هذا شنوو أگول عنه لذلگ لاتعاندين وانزلي وفگري زين قبل ماتتهمين احد.
يربي اني سويت أگيد هذا زعلان من عندي معرف ليش طنت بعقلي گلام مدرسة الفيزياء بس سالتني ليش مامتحنتي گلتلها بان گانت خطوبتي ومكدرت امتحن گالتلي يامسگين الي بتله بوحده مثلچ مامنچ فايده أگيد اغراء شگلچ بس يعرف تصرفاتچ وطولة اللسانچ اله يعوفچ......ورهام اذا درت راح ترزلني..
هديل بنبره مليانه ندم"گلتلگ مانزل والله مگان قصدي شبيگ مدا تفتهم..
حسام"شنوو الشيء الي مدا تفتهمينه دگليلي لخاطر الله.
هديل"ماعرف والله بس اني مسويت شيء انت لحالگ عصبت علمود سبب مايسوه..
حسام بنبره غاضبه"أسبابي ألي ماتسوه هو أتهامچ ليه باني أريد انتقم منچ واذيچ واذلچ مو أنزلي..
يربي هاي اريد اهدي بيه شو يعصب يربي شسويله هسه هذا أگيد اليوم احد داعي عليه لايتعگر مزاجه ويصير عصبي....تذگرت هو گمش ايدي واني سحبتها لن تفاجئت وارتبگت...باوعت عليه واستجمعت شجاعتي وحطيت ايدي ع ايده..
هديل برتباك"باوع حسام والله مگان قصدي اتهمگ بس انت سالتني واني جاوبت تعرف أني ضلمتك والله اعرف روحي ماستاهلگ بس عفيه تفهمني راح أحاول أتعود علمودگ گلشيء ولازعلگ ماعرف ليش ماگدر أتخيل روحي بعيده عنگ..
شفته ساگت ويباوعلي بنضرات مگدرت افسرها
گلما اباوع عليه واذگر تفهمه بالخطوبه دموعي تزداد
هديل"والله اسفه مگان قصدي انو أزعلك وباوع هاي أيدي لازمه ايدك ماخايفه وراكبه وياگ ودا اباوع عليگ مو خايفه منگ والله اعرف اخجل اتوتر ارتبگ اي بس صدگ مخايفه منگ لن اثق بيگ انت مستحيل تاذيني.
شفت احتضن گف أيدي بيديه...وبطارف اصبع ايده الخ مسح دمعتي...
حسام بنبره حنان"مايهون علي أشوف أدموعچ انتي غاليه عليه لذلگ مستعد انسى گلشيء الي صار ونبدء من جديد وشرط انتي تنسين هم.
هديل ببتسامه"تدلل سيادة المحامي
☆☆☆☆☆☆☆
محافظة البصره
عند ريم
بيت عبدالغني
گعدت الصبح وتجهزت وديت رانيا لگراج البصره...
وبعدها رحت للمستشفى اني ماجبت طاري لاي شخص عن الي راد يسويه مزعل ماردته يخاف عليه..
دخلت المستشفى ورحت لمگتب معتز واني أذگر الي صار بيناتنه ترددت أفوت لمكتبه بس مو اني لضعف..
دگيت الباب وفتت.....
ريم"السلام عليكم.
معتز"وعليكم السلام متاخره 30دقيقه ليش.
ريم"رحت أوصل رانيا اذا تريد تگطع من راتبي ع تاخير عادي...
معتز"لا اني مو من هذا النوع وتفضلي وقعي.
تقدمت بتجاهه ورحت وقعت....
ردت توني أمشيء وگفني صوته..
معتز"تقدمت لخطبتچ ومازن وافق بس گلتله أسئلها لن بدون موافقتها ماتم الخطوبه لذلگ منتظر اسمع ردچ لاطولين..
ريم بنبره غاضبه"مادگلي شنووو دا اتحس أنطيتگ جوابي لاتعاند اني ماموافقه أتزوجگ باي لغه تفهم..
معتز"فگري زين وانتظر أسمع ردچ لاتتسرعين لن مانطيتني سبب مقنع لرفضچ للزواج..
ريم"ليش تصير لزگه ماريد اتزوج هي غصب واسباب رفضي ماتخصگ روح تزوج تلگه مية وحده توافق عليگ بس مو اني شو گاعده ومرتاحه واطب واطلع بگيفي..
معتز بنبره غاضبه"عاچبتچ گعدتچ ومزعل يلاحگچ اذا ماوافقتي عليه يعني عاجبچ الي يسويه مزعل أگيد راح يچبرچ تتزوجينه لو انتي يمي ماخليچ تخطين بره البيت بوحدچ لذلگ وافقي عليه وخلينه ننتهي من سالفت مزعل وخليني احميچ.
ريم"ما وافق لا عليگ ولا على مزعل أقطع نفسگ واني ماحتاج حمايه من احد اني مو ضعيفه..
معتز"رديلي الجواب ويه مازن وتذگري أحترم قرارچ مهما گان بس فگري زين وتذگري أذا رفضتي راح أبقه وراچ لحد ماعرف سبب رفضچ للزواج شنوو.
ريم"گلتله ماموافقه ولاتخاف تسمعه اليوم من مازن هم..
طلعت من المگتب
ورحت للمختبر اشتغل
بعد مرور بعض الوقت
رحت للبيت لن مازن گالي تعالي عندي حچي وياچ اني وبالطريق تذگرت حچيه اني اعرف انوو هسه دا يتهمني بان گل الي يسويه مزعل عاجبني واريد اوفق عليه هاي الگلمات تاذيني حيل گل الرجال للاسف تفگيرهم همچي والبنيه دائمآ الي تتحمل الخطأ البنيه بس يتغزل بيها شاب گالم هي انطته وجهه مايگولون هو شاب طالع عن الطريق...
بگل المجتمات الضحيه هي أنثى بس محد دا يفهم هذا الشيء الناس عقولها تحجرت وهم يتهمون البنيه يجي يوم وراح تفتهمون أسباب رفضي بس ياترى راح أگلهن لمنووو أني بهذا الوقت چنت ماعرف المگتوبلي بس بعدين فهمت وانتوو هم راح تفهمون..
وصلت البيت وگعدت بالصاله وهدى گاعده...
مازن"تقدملچ معتز اخو هدى اليوم واني ماعندي مانع شنوو رائيچ بالموضوع..
هدى"جاوبي ولاديرين بال مهما يگن چوابچ مازعل لن الحياة قسمه ونصيب..
ريم"جوابي واحد وهو الرفض وماعندي شيء اخر...
رحت وفتت بغرفتي واني أگول وصدگ سويتها معتز افندي ماتوقعتك تخطبني لاسباب تافهه وعناد بيه ثاريگ ماتختلف عن مزعل.....
بعد مرور بعض الوقت
گاعده بغرفتي چان ينفتح الباب بگل قوه...واني اگول هذا أيمت يصير مثل الناس ألاؤادم ويدگ الباب...تقدم الي مازن...
مازن'ليش رفضتي....
ريم"ماريد أتزوج ليش هي غصب خما غصب
مازن"راح تتزوجينه برضاج وأذا ماوفقتي غصب عنچ لا أكسر راسچ شفتيني ساگتلچ وگلتي ماله دخل بحياتي تذكري دگومين ودگولين لخته أنتي موافقه على الزواج لو أطيح حظچ...
ريم بنبره صارخه"ماتزوج من هذا الصايع ماتزوج من هذا الصكط حتى لو تذبحني هاي حياتي وأني حر بيها...
طلع وقبل لايطلع گالي أريد موافقتچ بلليل فاهمه....طلع وطبگ الباب وراه
شگول عليگ ان شاء الله يامعتز اني ليه واهس مازن ومصار شگم يوم تقريبآ بدت تصفى الامور ويه اختگ ليش تريد تخربلي حياتي...جوابي هو الرفض لو اخليها تصير حرب طاحنه..
سمعت صوت مازن طلع من البيت
اندك باب الغرفه وفاتت هدى..
هدى"تره والله اني ماليه دخل أتفاجئت مثلچ بس دريت بالموضوع حتى معتز مابلغني..
ريم"أعرف ياهدى أنتي مالچ دخل بالي يصير هسه والي يصير بعدين..
هدى"لاتكترثين بمازن واذا تريدين ارفضي واني راح احاول أساعدج..
ريم"لاتدخلين ياهدى لن ماريد اسببلچ مشاگل بسببي يگفيچ الي صار من ورايه لذلگ لاتتورطين ويايه وشگرآ ع گلشي تدرين أني اباوع لمازن واگول الله يعينچ ع عصبيته اني اخته وهيچ تعامله ويايه وانتي مرته أني عارف انو حارمچ من هواية امور حتى تعينچ ترگتيه من وراه.
هدى"الي يحب يضحي علمود الي يحبه اني متقبلته بگل عيوبه بس اباوع أنحرمت من التعين صدگ بس هذوله التوائم لو اني متعينه وين أوديهم هذوله فضل من الله ويچي يوم تفتهمين هذا الشيء اني أفهم أنچ متعقده من شيء اسمه زواج وماخذه نضره سلبيه عنه بس يجي يوم وتلگين الي يفهمج ويصححلچ نضريتك السلبيه...
ريم"ماتوقع هذا اليوم يجي واريد أذگرچ اشعر بمازن معصب وراح يحط حرگته بيه بلليل گلشيء لتشوفينه لاتدخلين..
هدى"الله يستر وهم حاولي لاتستفزينه لن تعرفينه عصبي..
ريم"الله كريم..
بعد مرور ساعات...
رحت للمختبر علمود تزاحم المراجعين لن حلا طلبت مني أجي لن مايگدرون بوحدهم ساعدتهم بقيت هيچ ساعه وياهم ورجعت للبيت......ولگيت مازن بالصاله..
مازن"ها فگرتي..
ريم"اي ماموافقه ع الزواج..
مازن"مو بكيفچ شايفتني عايفچ براحتچ هسه ادك عليه ورجعله الجواب واگله انتي موافقه.
ريم"مو بكيفك والله راح أكول لهدى اني ماموافقه واذا جمي افضحك كدامهم..
مازن بنبره غاضبه"دا تعصين گلامي فوگ ماريد أمن مستقبلچ..
ريم"اي اعصي أنت ليش أيمت اهتميت بيه ايمت سالت عني تره اني أختك عايفني لليسوه والمايسوه وگلمن دك بابك توافق شنووو انت من بشر مادگلي ماعندك احساس ضمير..خاف الله بيه..
مازن"أنجبي ليش ترفعين صوتچ صدك انت مامتربيه گلمه زايده اضربچ..
ريم"متربيه قبل ماشوفگ ماخاف منگ..
تقدم بتجاهي وضربني راشدي وخله اذني تصفر..
ريم بنبره قهر"حسافه بيگ ياخوي بابن امي وابوي ماموافقه ع الزواج حتى لو تذبحني..
مازن"اليوم اله اموتچ وارتاح منچ
رفع ايده وراد يضربني راشدي أخر.....
چنت مستعد لضربته وتجمدت مگدرت أتحرگ وابتعد لگن أيد گمشت أيده....
باوعت شفته معتز..
معتز"ماتفقت وياگ يامازن على هيچ مهما يگون هاي أختگ وابنيه يتيمه ماللها احد غيرگ واني مو من نوع الي أجبر بنيه ماتريدني عليه..
مازن"منووو گال بان ماتوافق لا توافق وغصب عنها ايمت صار شورنه بيد النسوان..
ريم"الي تريد تسويه سويه يامازن ماموافقه وهذا اخر جواب عندي..
شفت مازن عصب بالزايد ونسه وجود معتز وراد يضربني ماحسيت اله ايد معتز يسحبني وراه وگف گدامي.....اني تجمدت وخفت بس شفته هيچ چنت متحاميه بمعتز واحس بجسمي رجفه من الموقف...
معتز"استغفر ربك يامازن وتعوذ من أبليس هاي اختگ لاتهينها گدام احد لو احد غيري يگول انت شايف عليها شيء ودا تجبرها أني أحترم قرارها مادام رفضتني ماعندي نصيب وياها والله يگتب للها الخير بس اريدك توعدني يامازن ماتجبرها ع اي زواج بدون أيرادتها...
مازن"تدري والله حسافه أنت بيها يامعتز هاي بنيه ماتعرف تختار طريقها وبعدين اله تتندم بس راح اوعدگ تا ترتاح وعد مراح أجبرها ع الزواج من اي شخص هسه رضيت..
معتز"اي والله رضيت واحب أگلها گدام الگل وانتي ياريم تسمعين والشاهد هدى ومازن متى ماغيرتي رائيچ بموضوع الزواج اني حاضر بگل وقت واعذريني يامازن ع تدخلي بمشگله عائليه بس ماردت تسبب بشيء راح تنقهر وتتندم علي بعدين بسببي..
مازن"انت من الاهل والله يامعتز وعمري ماعتبرتك غريب هلا بيك بگل وقت واعذرني ع شيء شفته تره من خوفي عليها سويت هيچ وهسه راح أروح ارتاح بالغرفه ارتفع ضغطي من وراها
معتز"ماصار شيء ولاتاگل هم....
فات مازن للغرفه وبقيت اني ومعتز وهدى بالصاله واني أحس روحي شابه ع الموقف الي صار حابس دمعه عيني بالگوه اه يامازن تاليتها الغريب الي ماعرفته من ايام يدافعلي گدام اخويه والله حسافه بيه گلمت اخ صابر بالگوه احس رجليني يشلني احسه موقف محرج گدامه اهانة مازن بس الي فاجئني تدخله وحماني من اخويه وخلاني وراه مع العلم رفضته وهنته..
هدى"راح أشوف مازن شبيه وانت معتز اذا تريد تبقى بيگيفك واذا تريد تروح تندل طريق..
راحت هدى للغرفه.....
راح معتز بتجاه المطبخ وشفته راد بفتح الباب تا يطلع فلحكت بيه
ريم"ليش دافعتلي هسه برائيك اني مثيره للشفقه..
معتز"لا بالعگس گبرتي بعيني بعد الي صار وتذگري الگلب رايدچ وشاريچ متى ماحنيتي اسمع ردچ.
ريم"شوف يامعتز روح الگه بنيه تستاهلك اني مامفگره ازوج لا هسه ولا بعد سنه ولا مية سنه لاتضيع وقتك ويايه..
معتز"اني مستعد ماتزوج طول عمري وانتضر ردج واني شنو الي راح اخسره ماخسران شيء وهسه مازن وعدني واعرفه مايخلف باي وعد لاتخافين هسه مراح يزعجج ع اي واحد يتقدملچ ولايجبرج توافقين تتزوجين غصب عنچ.
ريم"لاتتوقع مني أشگرك لانگ انت الي تسببت بالمشگله وانت اجيت تصلحها...
معتز"مامنتضر منچ تشگرين بس اريد أگلچ ياريم ليش ضامه بگلچ وماتبچين تره الحزن دا اشوفه بعيونچ ليش مخليه دموعچ ع الباب خليهن ينزلن وتعلمي لاتضمين اي قهر بگلبچ تعلمي تفضفضين الاحد عن اهمومچ تاميصير عندچ مرض قلب من القهر مازن قسى عليچ وخدچ احمر من الضربه أبچي عبري عن الي بداخلچ.
ريم"شعندي انقهر مامقهوره وگافي مسوي روحك فيلسوف اذا خلصت حچيك تقدر تروح.
معتز"ليش گلام الحق يجرحچ أعرف انتي ماره بمواقف محزنه وشايفه شيء أو سامعه شيء ماثر ع نضريتچ بالزواج تذگري اني موجود ايمت ماتريدين تعالي احچيلي واني اسمعج تذگري مو گل اصابع الايد سوى ومو گل الرجال واحد ويجي يوم احميچ حتى من نفسچ.
ريم"انت شدا تحچي.
معتز"حچي واضح ياريم بس انتي مدا تستوعبينه وهسه راح اروح وانتبهي من مزعل وكوني حذره ونسيت لا أگلچ تره دارس عن الطب النفسي وافهم ع ردود الافعال....سلامي..
طلع معتز واني صافنه بشخصيته هذا شنووو من أنسان احسه متقلب المزاج ودافعلي أهوايه واني رفضته فتت للغرفه وسديت الباب وگعدت ع الگاع ودمعة قهر وگعت من عيني حطيت ايدي ع خدي واحسه مشتعل وينچ ماما تعالي شوفي شلون ابنچ يعاملني بغيابچ بقيت اردد مو اني ريم الي أنجبر ع شيء ماريده...ومعتز تقريبآ ارتحنه منه ومزعل بعد ميرجع ومازن وراح ارتاح من مشاگله
☆☆☆☆☆☆☆
صباح اليوم التالي
محافظة صلاح دين
جامعة تگريت
عند نور گاعده بالحديقه ودا اراجع الامتحان لن گالولنه البارحه قبل مانطلع صار اليوم گعدت اني وديم انراجع وبعدها اجه عبدالعزيز
عبدالعزيز"السلام عليكم.
نور وديم"وعليكم السلام .
عبدالعزيز"بس نور هذا السطر مو واضح يمي ومدا افهم اقره تعرفين شنو مكتوب..
نور"هذا تعريف التفاعلات الانعكاسيه وتگون المواد المتفاعله عند بداية التفاعل...تگون المواد الناتجه والناتجه تستطيع ان تگون المتفاعله اني فهمته هيج ع حجي دكتور.
عبدالعزيز"شگرآ..
نور"العفو
عبدالعزيز"أگو شيء مفاهمته من المسائل اشرحلچ ياه انتي ع ديم
ديم"تسلم منحتاج شيء..
قاطع حديثنه چية
الممثل محسن..
محسن"السلام عليكم.
عبدالعزيز نور وديم"وعليكم السلام
محسن"اذا ماتصير زحمه نور تگدرين تشرحيلي هاي المسئله لن مفاهمها..
نور"اي سوال..
محسن"سوال4
نور"اي عادي اشرحلك اهنانه..
محسن"تگدرين تجين ويايه وتشرحيلي بالمكتبه المركزيه لن هم اكو اشياء مفاهمها..
عبدالعزيز"ماگو وقت هسه والامتحان راح يبدي لذلگ اذا مفاهم شيء گلي اني اشرحلك وعوف البنات بحالهم.....يتبع الى اللقاء في البارت القادم ان شاء الله
يسلمووو ع تشجيعكم ودعمكم وتصويتكم واتتظاركم اليه.
لاتنسو
التصويت
التعليق الحلو
في الختام
(استودعكم الله الذي لاتضيع وداعه)