رغم عذابك ألي حبيتك((باللهجه العراقيه))

part-16

يله نبدء
بسم الله
-صلو على النبي-

عبدالعزيز"دخيلگ فارس لاتدخل بعد لان انته تلوص الاول والتالي اعرفگ مو وجه بنات

فارس"لو عايفيني بس چان عرفت شلون اعلمها بعد مترفع صوتها علي تعرف اني الگل يحترمني بگل مگان اني ابن الشيخ جبار(ابومطر)الي گل تشهد باخلاقنه واحترامنه بين ناس تجي بنيه وترفع صوتها علي..

عبدالعزيز"والنعم من اصلگ ابو الفوارس استر عليه ولاتدخل بعد اذا تدخلت راح تعوفني نور من وراگ..

فارس"لعد اني تسميني مجنون ترضونها...

عبدالعزيز"لخاطر الله بس أسگت واستر علينه ندري قهرتگ بس هذا من حقها دافع لصديقتها لذلگ رجاءآ لاتدخل وتجادل وياها لاتلوصلي الاول والتالي..

فارس"ماشي سگتت من حقها دافع بس اني تعرفوني اتنرفز من هيچ امور..

رائد"نعرفگ لذلك بعد لاتطلع بطريقها...

فارس"تمام هسه خلونه نقرأ صرعتوني بالحجي عن البنات...

عامر"علساس احنه الصارعينه من هو الي دا يتوعد ويحچي عن احترامه بين ناس نصيحه عوف بنت ناس بحالها..

رائد"صدگ ابو العز قبل ما اقرأ گلي ليش اخذت ورقتها گدام الطلاب گلهم..

عبدالعزيز"اريد أگللهم احنه سوى
ولحد يگرب من عدها

رائد"ثاريگ مو هين..

عبدالعزيز"طالع عليگ.

☆☆☆☆☆☆☆☆

محافظة البصره
بيت عبدالغني

ريم

گعدت الصبح اليوم عطلت المستشفى
طلعت بره تا اروح افتح المختبر چان اشوف مازن بالصاله ومبين عليه معصب....

مازن"ماتگليلي شمسويه أنتي ماتستحين على نفسچ.
تذگرت معتز والي سويته بي ياربي معقوله گاله سويت روحي معرف شيء وگلتله..
ريم"ليش سويت...

مازن"ام هيثم تحجي باخلاقنه من وراج دكول بنتهم مامتربيه وتلبس مثل الايمووووو لا والحچي الحاچيته وصلني...لا وشنو هذا تصرفچ مال بارحه سگتت لن معتز موچود بس ماراح اسكتلچ منا وغاد لن راح يگولون اخت مازن مامتربيه ومتحترم احد...

ريم"اني سويت هيچ لانگ تريد تجبرني على شيء ماريده....

مازن"بعد طلعه من البيت ماگووو لحد مازوجچ لن فضحتيني بين الناس أن ماتشرف تگون اختي مثلچ..