رغم عذابك ألي حبيتك((باللهجه العراقيه))

part-8

يله نبدء
بسم الله
-صلو على النبي-

هديل"تمشيء من گدامي لا أضربگ راشدي اخر أنت باوع على شگلك بالمرايه طول وعرض وچاي واگف اهنانه أنت تجاوزت عليه بالحچي واستحقيت الضرب لذلگ تعادلنه واذا ماعاچبگ انطح راسگ باقرب حايط......

حسام"والله وطلع لسانچ طويل يرادله گص تا أشوف ألسانچ يبقى نفسه بس أگول لمچ ع سويته..

هديل"شلون عين صلفه روح گللها تا أشوف راح تسگت على تحرشگ بطالبه مراهقه وانت بگبر جدي..

حسام"وين بگبر جدچ توني عمري،23سنه..

هديل"واني مسألتگ عن عمرگ يابابه روح ولاتضيع وقتگ ويايه اني نسيت الصار وانت هم أنسه وگافي تلاحگ بنات العالم والتهي بنفسگ معندگ شغله ولا عمله بس تراقب..

حسام"للاسف معندي وشفتچ بعدچ مراهقه والناس متتامن وگلت خلي احميچ خاف هم تطلعين من مدرستچ قبل نهاية الدوام..

هديل"باوع اني مو نفس المراهقات الي تعرفهم روح ألگالك بنيه ثوله اضحك عليها وصحيح أنت ماتخاف الله تره الحياة دين وگما تدين تدان باچر عگبه تطلع باختك واذا مو باختك بنتك عوف بنات الناس بحالهم..

باوعت عليه شفته يباوع عليه..ويبتسم...أستغربت ماعصب ماعرف سؤال غبي بداخلي يگول
هم هذا يعرف يبتسم

حسام"راح أروح أم لسان أنتبهي على نفسچ ويجي يوم وأگص هذا اللسان على أيدي..

هديل"الله واكبر هم رجعت تهدد.

أبتسم ومشه وقبل لايرگب سيارته...

حسام"لاتخافين مراح أطلع گدامچ اله يحين الوقت المناسب...

رگب سيارته وراح ومفهمت مقصده فتت لگيتها فرصه تذگرت عدنه عربي طلعت الادب وگعدت أراجع القصيده

اني وميس الي ياخذنه بالعربي أستاذ عمار شايب بگد بابا طبيعته مرحه ويحب يخلي الگل يشارگ بالقصيده
ويخلينه نوگف بنص القاعه گدام الطالبات يگول لاتصير عدگم جرأه بعدين بالجامعه وتگدرون تشرحون
اليوم تحضيرنه( معلقه أمرو القيس)...
عنوانها....وليل كموج البحر...
گعدت اول رحله اني وميس

أول شيء گومني الاستاذ وقريتها وبده يمدحني بس بهاي فالحه بالقصائد لن احبها وبعدي گامت ميس وقرتها..

عاد گوم طالبه قرتها....وصلت مقطع وگلبته حتى الاستاذ صفن....وهذا المقطع

وكان الثرايا علقت في مصامها
...............................براس گتان من الحرير جندل
وهو تكمله الصحيحه ..بامراس كتان الى صم جندل