قيود بين سلاسل الماضي(مكتمله)

البارت ١٩

قيود بين سلاسل الماضي

البارت ١٩

ريتاج الموسوي

،،،،،،،،،،،،،،،،،،،،،،،،،،،،،،،🌺،،،،،،،،،،،،،،،،،،،،،،،،،،،،،،،،

افنان

كملت طبخ الغدا وبدون ماتدري امي ضميت حصة ميس بحافضات

وخليتهن بعلاگه سمعت امي تحجي راسا ضميتهن جوه الميز

مريم...هاا يمه كملتي

...اي يمه كملت

مريم...خوش عاشت ايدج بس يجي ابوج صبيلنه اكل

..ان شاءالله يمه تامرين امر

خليتها لمن طلعت وصحت لسيف

،،،،سيوفي حبيبي

هاك اخذ هذا غدا ميس مثل ماعلمتك صير وره شباك غرفتها ودگه شويه شويه

مو تخلي احد يسمعك

سيف ....ماعليج اعتمدي على اخوج

...يمه فديت اخوي والله احجي واكرص بخدوده

سيف يدري بسالفه ميس بس اني منبها عليه مايحجي لاحد ويخليها بيني وبينه

وره ساعه يلا اجه ابوي وصبيت الغدا

افنان...بابا صبيت تجي تتغدا

امير...مااااريد زقنبوووووت تسممو انتو

عافنه ودخل للغرفه

اشرت لأمي يعمي شبيه رفعت اكتافها بمعنى ماتدري

وراحت وراه

باوعت ع البنات

...شبيه بابا

ابرار...يعني جديده على ابوج صارلج 19 سنه ماعرفتيه

عدل

تعودنه عليه وعلى سوالفه وجياته تالي اليل يتطوطح

الاء...ابراااار عيب عليج

مهما يكون هذا ابوج وميصير تحجين عليه هيج

حته لو جان غلطان

ابرار،،،، سكتنه انطمينه بهذا البيت كلشي مايصير وعيب لازم نشوف الغلط ونسكت عليه بحجه هذا جبير وهذا ماعرف شنو

افنان،،،صفنت على كلام البنات

والله وكبرتن ولحگتن على القهر بس اقلها احسن مني ماعشتن ايام الخوف الي جنت عايشتها

ومااگدر اغمض عيني

مالحگتن ع الضرب لان جنتن صغار وتختلن وره اي شي وابوي يستخطيجن

اما اني وميس ف جنه بوجه المدفع ابد ماعشنه طفوله مثل البنات

فزيت من صفنتي على صوت سيف

سيف،،، افنان انه اجيت ويهز بايدي

،،، اهاا يلا هسه راح اصب غدا تعالو

الاء...ليش وين جان ويكلج اني اجيت وشمعنه انتي

افنان،،،يووو ي الاء كلشي تسوينه قصه

دزيته ع المحل يجيبيلي شغلات

،،، وين شو ماكو بأيده شي

افنان،،، مالگه بالمحل زين وهسه سدي حلكج وتعالي اكلي

الاء،،،، ولو متاكده اكو بالسالفه ان

بس راح اعبرها بمزاجي

ابرار،،، ام مزاج ممكن تسدين بوزج شويه وخلينه نعرف ناكل

،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،

عماد

دخلت للبيت جنت كلش متضايق واسمع صوت ونين بالبيت طالع من غرفة سرى

والباب مفتوح ع النص

سرى،،، بصوت موجوع،،،، احمد فدوه الحگلي

اخذني للمستشفى

احمد،،، يطبج مرض وابو زايد تستاهلين كل الي يصير بيج

سرى،،، راح امووووت

احمد،،،بلكي يالله وااخلص منج

سرى،،،، لهالدرجه تكرهني

احمد،،، مااكرهج بس انتي شكو سالفه ناقصه طابها بنصها بكل عزاا

لطامه مره اگعدي وسكتي گبالي رجلج وبناتج

ماصارت هاي اروح للدوام

الگيج ماكو بالبيت

سرى،،،،اااااااخ يمه لحگيلي بطني

عماد،،،دكيت الباب ودخلت

واشوف سرى الدم مغرگها بالغرفه وتبجي

هاااا خير سرى شبيج

سرى،،، عماد فدوه الحگلي راح اموت واخوك مايقبل يوديني للمستشفى

عماد، ،باوعت على احمد

يمعود گوم اخذها للطبيب لاتموت المره ومالنه خلگ مشاكل

احمد،،،موتتهم خلي تولي حيل وياها

رايحه لبيت اهلها ومتعاركه وي ميس وهاي النتيجه

تفضل

عماد،،، يمعود عوف المشاكل البينكم ووديها ماتشوف دمها مغرگها تره ابنك ابطنها

احمد،،مااخذها

انه ماخذ عهد على نفسي اذا سوت مشاكل مااحلها الها تتصرف وحدها وانه سبق وحذرتها

عماد،،،عفته صحت امي شالتها وياي

وخلتها بالسياره خطيه من شافتها هيج ضلت ادگ وتلطم

وصلنه للمستشفى اخذوها بسرعه خلوها على السديه وگالو بشهر الرابع والطفل ميت ابطنها

لازم نسويلها اجهاض وحالتها خطره

انه خابرت على اهلها بلغتهم

اجت ابالي ميس هم حامل وهاي سرى لازم مسويتلها مصيبه معقوله

تعوفها ل الله وهيج صاير بيها اكيد محد ابحالها

مرت عمي واعرفها نسخه طبق الاصل من سرى

گلت خلي اخابر على

ام افنان وابلغها

افنان

للعصر دك التليفون

وشالته امي

عماد،،،الو عمه شلونج

،،،هلا عمه الحمدالله انته شلونك الوالده شلونها

عماد،،،كلنه بخير الحمدالله بس حبيت ابلغج عمه

تره ميس وسرى متضاربات

وهسه سرى بالمستشفى حالتها خطره

امي ،،،،عزه بعين سرى وبنتي عماد وابنها شبيهم خومابيهم شي

عماد

هو اني خابرت حتى ابلغكم

ترحون على بنتكم اذا هاي مستشفى لعد ميس شنو حالتها

ما اعرف ياعمه هذا كل الاعرفه هاي الليله من دخلت البيت اسمع سرى تون حيل

و تصيح ساعدوني وزوجها موجود يمها واسمعه يكولها حيل وابو زايد بيج هاي الي ردتيها

دخلت عليهم

من كثر متصرخ أسئلتهم شنو الصار وحجالي أخويه والا هي مقبلت تسولف ابد

امي ،،،عماد بنتي مسمعة شصار

عماد

لا والله ياعمه روحوا الميس ترى حتى اني كلبي يمها

وحتى زوجها السرى عاقبها وحلف ابد مياخذها للمستشفى

واني من شفتها غركانه بدمها شلتها ورحت اركض بيها للمستشفى وصلت واخذوها مني السسترات وكالولي بلغ اهلها كل الي عرفته هي طرحت بس وضعها خطر

امي نهت المكالمه من يم عماد وراحت الغرفتها تركض ‏بسرعه

واني هم رحت وراها

...ماما شسوين

مريم بأستغراب ... شسوي ولج مسمعتي

...اي سمعت بس وتالي وي اختج وبناتها

مريم، ،،،

والله يايمه مدري قبل جنت اكول كله بسبب عماد بس هسه لا اني كنت ضالمته للولد وين تريد توصل سرى اريد افهم شوراها وهيج داتسوي

افنان

امي تلبس ملابس الطلعه وتحجي واني اسمعها ومن كد مامحروك كلبي عطت بصوت وكتلها لان سرى وحده مو شريفه وجاي تسوي هيج

مريم...

افنان ولج شنو هالحجي عيب يمه لو مهما يكون هاي عرضج ميصير تحجين هيج عليها

افنان

لا اني لهنا وبس لازم الي بكلبي احجي ومراح اسكت

واجتني امي لزمتني من ايدي ولج افنان صخم الله وجهك يابليس

شنو الي بكلبج ولازم تحجيه

افنان

يمه سرى تخون زوجها ويا واحد اسمه ضرغام معلم بمدرسه وعندي دليل

مريم...

ولج يادليل وج هذا الحجي جبير عليج افنان تحجين لو شلون شنو دليلج احجي لاتبقين ساكته خليني اعرف الحقيقه

ولج شلون عرفتي

افنان

يمه سرى من جانت ايام خطوبة ميس تجينه وتدخل الغرفتنه وبعدها تطلع بعد ماتتصل مكالمه بيوم شكيت بيها ورحت للصاله

ورفعت السماعه وسمعتها شلون تحجي وي هذا الشخص وبديت اسولف الامي كل الحجي الي سمعته بيومها

مريم...الله الله كل هذا ومتكولين هاي امي خل احجي الحجي كدامها

ولج ليش يمه ليش لعد هاي احسن هيج وضع اختج من مصيبه المصيبه

افنان

وهسه كتلج شراح تسوين

مريم...مراح يصير شي بعديش اختج بين ايديهم واني اكول ليش مسويه سرى كل هذا الحرب حتى لايزوجج عماد توني فهمت

افنان

صفنت على كلام امي وسالتها وليش بالله شفهمتي

مريم...ولج ياعوبه شكد على نياتج وفطيره حتى لاتسولفين العماد عن خياساتها وتنكشف

كدام عيالها

افنان

بقيت صافنه على كلام امي اي والله صدك والله ووكعتي بين اديه ياسرى راح

تروح ايامج وعربدتج وكوتج هاي اني اعلمج ولج وين ترحين من ايدي

صدك هالمره وكعتي ومحد سمه عليج احجي بكلبي وامي خلتني وطلعت راحت الميس

بقيت صافنه وافكر

اليوم اله ارد السرى نفس الالم ونفس الصفعه والا اعيشها نفس المعناه الي عشناها كل هاي الفتره بس مستحيل اكوله العماد

لا لا مستحيل عماد ميستاهل يسمع عن زوجة اخوه هيج كلام ولايستاهل اجرحه بعرضه بس اني الج ياسرى وبقيت افكر

شلون راح اردلها نفس الالم والوجع

مريم

طريق كله افكر بوضع ميس وبطفلها وشلون راح اتواجه وي اختي وبناتها

بينوا على حقيقتهم يقتلون القتيل ويمشون بجنازته

ابد ماتصورتج هيج ياسهام معقوله

اكو خاله تسوي هيج ببنت اختها

وصلت البيت سهام ودخلت وجنت بكلبي اكول شيريد يصير خل يصير

دخلت ماكو كل احد بالبيت الكل طالعين

وبنفسي اكول اكيد بالمستشفى راحوا على بنتهم مشيت الغرقة ميس وصحت ميس ميس

ميس

سمعت صوت امي لو احس الدنيا كلها نورت بعيني

...تعاي ماما تفضلي اني هنا

...دخلت الميس بلهفه ولج يمه ميوسه شبيج شسوتلج هاي الحقيره

ميس

ماما مابيه شي تعاي اكعدي واهدي

مريم

يمه شلون اهدء وانتي نايمه بفراشج ولج ميس سولفيلي السالفه

ولتضمين كل شي عليه

ميس

شبكت امي وكمت اشهك وابجي شحجيلج يمه يوميه عذاب شكل ويوميه مصيبه شكل

وسولفتلها كل سوالف خالتي شلون تضم الاكل وشلون تحبسني وشلون افنان من درت كامت كل يوم دزلي اكل شكل يوم لفات فلافل

ويوم كباب ويوم اكل من الطبخ الي تطبخوه امي تسمع وكامت تضرب على صدرها من التسمعه كل هذا وساكته

ميس ،،،

يمه الخاطر محمد والله هو زين وياي بس اختج اوف شلون مااحاول افهمه تكلب الحجي كدامي وتطلعني اني الكذابه

مريم....وهسه شلون اني اجيت لازم اخذج وياي بعد ماالج مكان هنا بعد السوته سرى

ميس

سرى اوف ياسرى المشؤمه محد مسوي حياتنه جحيم غيرها

مريم...اي يمه ولهذا السبب لازم تجين وياي سرى طرحت وفوكاها هم كلهم يردولها ولد

وهسه يحطون التهمه براسج على انتي ضربتيها وطرحت الولد

ميس

صافنه على امي مقتنعه بكلامها بس بنفس الوقت خايفه حيل من المجهول اذا ابويه عرف شلون حيصرف

مريم...هايمه قبل لايجون شكلتي كومي حطيلج كم قطعه وامشي وياي

ميس

لا ماما لا محمد هالمره مراح يسامحني وراح يصدك اني السبب بطرح سرى اذا طلعت من البيت بدون علمه اني ابقى وشنو الكاتبه الله يصير

.....شلون تبقين هنا وهالوحوش هسه على طبه امشي وياي

ميس

لا يمه اترجاج محمد بعده ميعرف الحقيقه وبطلعتي راح اثبت اني المتعديه

بهذا كلامنه ودخلت خالتي هي واماني ومحمد وياهم سرى تون ون من الالم

لزمت ايد امي يومه احلفج بكل عزيز على كلبج لاتبدين وياهم شوفيهم وين راح يوصلون وشراح يحجون

محمد

دخلت للبيت وبعد مادخلنه سرى دخلت للغرفه على ميس ولكيت خالتي موجوده وسلمت عليها

...هلا خالتي زارتنه البركه

...هلا بعد خالتك

محمد...شعجب ماره بينه اليوم مو عوايدج

مريم...والله يايمه سمعت ميس مالها خلك واجيت اشوفها

محمد ،،،،احجي واسولف وي خالتي ودخلت امي على اصواتنه

سهام....اش اش اصواتكم لاخر الدنيا شصار بيكم يعني متعرف وضع اختك شلون جان وشلون وصلت للموت

محمد يمه هي سوالف

سهام

دخلت وشفت ام سيف كاعده حطيت ايدي على كلبي بس لاتسولف لمحمد السالفه ومحمد بلياها بالمستشفى شك وسالني

محمد،،،،، يمه السالفه بيها انه

سهام،،،،ياسالفه ولك احجي مباشر

لاتكعد تصفط الغاز مو فاضيه الك

محمد

وتردون دخلون السالفه بعقلي انو ميس نايمه وقافله الباب عليها وتكولين عياره حوامل وبنفس اليوم سرى تطرح الموضوع بي انه ياوالدتنه

سهام

ماكو سالفه ذيج مرتك مثل الحصان

واختك قدر ومكتوب

ضهرها مايتحمل الولد وطرحت

اوف ياميس اني الج بس خل ارجع للبيت

اعلمج انتي واختج افنان احجي بكلبي واتافاف على وضع سرى

سهام

سلمت على اختي ام سيف حتى اجنب شك محمد وهم اكسبها الصالحي ومتسولفله على الصار اذا ميس حاجيتلها

ام سيف

محمد طبيعي وامه دااعرف هي دااتتضاهر بس هاي شلون كدرت ترهمها كتلهم اني اترخص

اجيت اشوف ميس ومااوصيكم عليها وانت بعد خالتك محمد دير بالك ميس وصلت شهورها الاخيره خلي عينك عليها لاتزحلك

لاتوكع لاتنضرب على بطنها ترى الوضع مال البجر يخوف

سهام

شتقصدين تنضرب

ام سيف

لاداده مااقصد بس هي وتمشي لاتضرب روحها بالباب او الميز او الحايط احجي وابسمر واباوع المحمد

محمد

كلام خالتي زاد شكي حيل وخلتني فعلا احاول اوكع على الحقيقه

ام سيف

طلعت واباوع على سرى نايمه ومغطيه حتى وجهه

عدها العافيه داد سهام

سهام ،،،الله يعافيج

ام سيف

طلعت واني كلبي نار على ميس بس همزين وصيتها تخابر او دز خبر اذا احد اذاها صح مو كافي هالشي بس شكدر اسوي واني زوجي

هذا وحالي هذا الله يادنيا اجيت افرح بناتي كلت كبروا وراح افرح بيهم من اشوفهم مسعدات عند الزلم تالي هاي اولهم هيج عايشه

صدك لو كالوا الماعنده حظ مستحيل يصيرله حظ

سرى

مرت الايام يوم ويومين وثلاثه واني بيت اهلي وزوجي محاول ابد يطمن عليه

بقيت افكر شلون راح ارجع لعيالي يجوز عماد حجالهم كل السالفه وبكلبي

ازيد حقد على ميس وافنان واتوعدهم بالف وعد بالاخص من شفت محمد

بالفتره الاخيره شلون يعامل ميس وشايلها بالصلوات اخ يانار كلبي والله والله لخرب كل فرحتكم على رووسكم اني فلا سرى

وفعلا توصلت القرار انو ارجع البيت عيالي رغم محد اجه منهم ولااحد زارني

حتى الحقير زوجي اني الكم اصبرولي رجعت وشايله وياي الي راح انتقم بي من افنان وهالمره شي اكبر من الي سويته بيهم

وتالي وكعت براسي اله ادفعهم ثمن الي صار بيه اني اطرح من ورى سرى وهي مصار بيها شي احجي ونار الحقد تسعر بكلبي عليهم

عماد

بعد الصار بقيت مصر على حبي الافنان وهالمره زدت وكل ماسرى تحاول تاذيهم اشوف شلون الله ينصرهم رغم كل الشر الي جاي تسوي بيهم

كاعد اشرب جاي الضهر بعد ماتغديت من دخلت سرى وجهها اصفر

ومبين عليها الشحوب وتلكتها امي وتحمدت الها بالسلامه

،،،الحمد لله على سلامتج يمه

سرى،،، الله يسلمج عمه

سرى

مردت ارد بس مجبوره حتى انفذ الي براسي

اباوع على عماد يشرب جاي وتجاهلني رغم هو شافني بس ابد محجه وحتى سلام مسلم عليه رغم يعرف شصار بحالي

بس بسيطه ياعماد اني والزمن عليكم

عماد

اباوعلها شلون تنكط سم بس تجاهلتها لان مااريد اشوف هيج وحده عرمه كدامي ومقرر اكعدها كدام والدي واجيب زوجها واخليها كدام

الامر الواقع حتى الكل يعرف شسوت وليش طرحت بس خل انطيها مجال تكوم الحيلها

سرى

نظرة عماد تخوف مااعرف ليش باوعلي ودار وجهه لابس افنان حاجيتله عن علاقاتي عزه العزاج ياسرى والله وراح ترحين بالرجلين احجي هيج

ودخل عمي

من الشغل واول مدخل بعدني ممكمله سلام وياه

وجان يكول عمي

،،،اي همزين اجيتي اليوم

،،،ليش عمي خير

،،،خير خير اليوم راح نروح نمشي العماد على بيت ابو سيف

حتى انتي تبقين يم بناتج وعمتج وحمواتج يرحون لهل البنيه

سرى

اباوع على عماد الضحكه شاكه حلكه سويتها ياعماد هاي اول ضربه وجهتها الي

قاطع تفكيري عمي يله بويه كلمن يشوف شغله لان منريد تاخير كافي الولد صار فترة رايدها

سرى

اني بعدني مريضه اصبروا يوم يومين شدعوه مستعجلين هيج اقلها حتى اروح وياكم

عماد

سمعتها هيج حجت فزيت من مكاني وكتلها لا يبنت عمي كدها اصلا انتي ام المهمات الصعبه

خيرها بغيرها

سرى

احس مثل الخنجر وكع بكلبي هاي ٣ ايام كدرت ترتب امورك ياعماد

والله والله لحول الامر جهنم عليكم اصبرولي مشيت الغرفتي وكلبي ينكط دم اليوم نار جهنم ولا يرحون يمشون على افنان

عماد،،، بعد ماحجه ابوي هيج جنت طاير من الفرح

ماعرف شلون اوصف مشاعري بهاي اللحظه

طلعت للبستان

جانت دنيا الصبح والأشجار والزرع المي الي تسقي الگاع ريحتها ترد الروح

واصوات العصافير

افيشش صدگ لو گالو الماء والخظره والوجه الحسن

ماضل شي للوجه الحسن

كلها شكم يوم وتصيرين ابيتي

مااصدگ معقوله راح افتح عيني واصبح بوجهج ي افنان واجي من الشغل تعبان وتتلگيني بأبتسامتج الي تنسيني التعب كله

ومنتظرتني الا اجي يلا تتغدين

اووووف شوكت تجي هالايام فزيت من افكاري على صوت ابوي

،ابو عماد،،،، هااا يولد وين صافن

عماد...لا بويه ماكو شي بس صافن ع الزرع هالسنه خوش محصول

ابو عماد،،، اي الفلاحين خوش اشتغلو هالسنه ان شاءالله يعوضن خسارتنه مالت العام

جنه نسولف ع الگاع والبستان بقينه ساعتين بره لحدما ابوي تعب

،،،،، انه تعبت رايح للبيت

عماد،،، خوش بويه روح ارتاح وانه شويه واجي وراك

سرى

كعدت بغرفتي

وطلعت ورقه وبديت اكتب واكتب وطلعت من غرفتي اشوف الوضع عمي ماهو طالع وعماد بشغله

وعمتي كاعده تغسل ملابس

واني اعرف كل الزين هاي وقت دخلت عمي من البستان يعني لو الحك لو ماالحك اسوي وانفذ الخطه طلعت بكل سرعتي من سمعت صوت عمي بداخل الفرع قريب على ااباب وشمرت الورقه كدام

ممشه رجليه ودخلت بسرعه حتى لايشوفني احد وبقيت اراقب من الشباك دخلته لان تقصدت عمي الي يلكه الورقه ويقراها

وفعلا دخل وهو يفتح الباب خطه اول خطوه وال٢ وصارت عينه

على الورقه وشالها وبده يفتحها ويقراها

ومن صدمته بقى فاتح حلكه وعيونه وصاح بكل صوته عمااااااااد

،،،،،،،،، ، ،..............................

مريم،،، افنان احنه رايحين لبيت عمج مازن

نشوف مرته خطيه مريضه

ديري بالج على اخوانج وهذا سيف يبقى وياكم

واحنه مانتأخر بس نتعشا ونجي

بس قفلو البيبان زين خوش

طلعو من البيت وفعلا قفلت البيبان

عدنه خبز طلعته من الثلاجه وگليت بيض

وتعشينا بيه

خلصنه من التلفزيون تونسنه عليه طفينا

وصعدت فوك السطح فرشت فراشاتنه

وصحت عليهم

،،،يلا تعالو فرشتلكم

اجو فوك بعد ماتأكدت من البيبان مقفوله وسرگيت باب السطح علينه

لان وحدنه ودنيا ليل نخاف الاء وابرار وسيف جانو يلعبون محيبس

واني جنت متمدده على فراشي والعب بشعري واباوع ع النجوم

اتذكر عماد معقوله مثل ماگال راح يخطبني ويوفي بوعده

بس اهلي شلون راح يوافقون وهمه شرطهم هيج ويا اعيال ميس

اوووف ياربي حته احلامي البسيطه ماتتحقق

جنت صافنه

وسمعنه الباب اندگ مالت الحوش

تقربت وصحت منووو

ماكو رد

رجعت صحت گلت اكيد محد سمع

منوووو

شويع

وسمعنه حركه بالباب مالت السطح السرگي تحرك

كلنه فزينه نباوع ع الباب

گام ينفتح وينسد الوحده رغم انو الباب مقفول بالسرگي من يمنه

بس احنه بوقتها متنه خوف لو يذبحونه قطرة دم مابينه بقينه واحد شابگ الثاني من الخوف

نرجف ونبجي جانت اصعب لحضات مرينه بيها والباب مستمر ينفتح وينسد بقوه

بقت هالسالفه نص ساعه جنه ننتضر احد يجي بس ماكو

حجيت بصوت يرجف،،، خلونه نروح للحايط الي يطل ع الشارع بلكي احد يمر ويصيح اهلنه من بيت عمي

وفعلا

رحنه نباوع والاء تراقب الباب وتبجي الي مستمر بالفتح والسد

وكل شويه تقوا اكثر مرت ساعه وربع محد بالشارع شويه واشوف ابن جيرانه هوه وخالته رادو يدخلون للبيت

صاحلهم سيف

،،،،عموو

...الرجال بقه يباوع منا ومنا ماكو احد

كال منو الديصح

صاحله سيف، ،،عمووو هنا فوك انه

،،،ها عمي خير خو ماكو شي

،،،،

كله عمو احنه وحدنه بالبيت وامي وابويه طالعين وجاي نخاف حيل ممكن تروح تصيح اهلي بيت عمي مازن

والولد

فعلا مقصر راح هو يصيح اهلنه ابن خالته بقى واكف كال حتى لاتخافون راح ابقى لحد ميجون اهلكم توه راد يمشي حتى يصيحلهم وبدت الحجار تنضرب بي من كل مكان

واحنه نصرخ صراخ بوقتها كانت اصعب ليله مرت علينه وهالحجار هذا متعرف منين مصدره حتى ابن جيرانه بده يصيح

ولكم منو هيج دايسوي بيت الجيران حرام عليكم الاطفال حيتخبلون

ويباوع يمنه ويسره وماكو اي شي غير الحجار يتجه من الأسفل للااعلى بصوبنه

يتبع.......

وللحكايه بقيه انتظروني بتكملة الاحداث