يله نبدء
بسم الله
-صلو على النبي-
ديم"هي غلطانه بس قررت تسجل صديقتها حضور ودا تگبر غلطها بس تجاهل أستاذها المفروض تخلي الامر طبيعي گل بني أدم خطأ ..وخير الخطائين التوابين.
ماگو شخص معصوم عن الخطأ بس المفروض ماتگبر الموضوع أگثر..
نور"گلامچ صحيح ..
ديم"شنووو رائيچ نروح نفتر مامليتي من الگعده.
نور"لا خلينه گاعدين مرتاحه هيچ..
احنه وگاعدين أجتي ياسمين وگعدت...
ديم"شنووو أخر أخبارچ..
ياسمين"ع حطت أيدگم بس أگو موضوع شاغلني..
نور"شنووو هو..
ياسمين"أبن عم ماما سمعته يريد يحاچي عليه وينتظر موافقتي تا يچي واني حايره أوافق لو لا.
ديم"أنتي مفگره بالارتباط لو لا..
ياسمين"نور تعرف چنت اتمنى قصة حب مثل ماما وبابا بس هذا شيء يمگن مستحيل وماما دگلي الولد شاريچ.
نور"مادام الولد شاريچ ويحبچ حبي وتزوجي ولادوخين روحچ أگثر..
ديم"قرارچ وحياتچ فگري زين وتذگري اخذي الي يحبچ لاتاخذين الي تحبيه يجوز گلبه عد وحده غيرچ
ياسمين"ماعرف الله گريم ريحتني الگعده وياگم حلوه..
راحت ياسمين..
نور"تحسينها دا تالم المفروض تفرح معقوله تحب رائد.
ديم"ماتعرفينها أهم شيء گرامتها هسه راح توافق ع الاغلب ودوس ع گلبها ورائد الي خسرها لن معرف قيمتها..
☆☆☆☆☆☆☆☆
جامعة تكريت
عند
عبدالعزيز
أبتعدت عن مگانهن واني دا اغلي غضب ع تصرف محسن أگيد هذا ناوي ع شيء رحت للگافتريا ع جماعتي....وگعدت..
رائد"شبيگ رحت تضحك ورجعت متگدر الخاطر صار شيء..
عامر"احچيلنه شبيگ..
عبدالعزيز"محسن دا يحاول يتقرب من نور وفوگاها بگل وقاحه أجه يحچي وياها گدامي وعبالگ دا يگلي لاتفگر بيها هاي ليه وهي الفطيره فوگاها تشگره...
رائد"وانت شنووو الي قاهرگ بالموضوع هو أبن منطقتها ليش مقهور..
عبدالعزيز"دا يتقرب منها بحچة ابن منطقتها وهو عنده غير نيه شفت نضراته بتجاهه ماگلها أگل ردت أگرهها بمحسن بس مفادت هاي الطريقه صار فتره ألاحظ نضراته تجاها بس هي مدا تنتبه محسن مسوي روحه فطير وماله دخل وعنده علاقات أهوايه بره ألقسم...
فارس"شنووو راح تسوي..
عبدالعزيز"أگيد راح ابقه يمها مستحيل أخلي يقرب منها..
فارس"أذا شافت تدخلگ زياده عن اللزوم راح تگرهك..
عبدالعزيز"الله گريم تنحل تا أشوف أراقبه فتره يله..
رائد"سوال راح يذبحني أذا ما أسئل..
عامر"أسئل.
رائد"فارس أنت گلت لديم شيء يم الصبوره.
فارس"لا ليش تسئل..
رائد"لن أشوفها گعدت ومبينه معصبه..
فارس"يجوز لن معرفت الناتچ..
عامر"أگلك ليش مافشلتها مو البارحه شرحتلنه هذا السؤال وحليته گله اني أعرف أنگ خطئت روحگ بس ليش..
فارس"مو من عوايدي وشيمي أن أفشل طالبه گدام لشعبه واخليها مسخره لليسوه والي مايسوه..
رائد"الي يسمع حچيگ مايگول أنت الي عصبت من حچيها لوما خليناگ تهدء اني وعامر.
فارس"گلشيء بحدود واني ماحب افشل بنيه گدام أحد مثل ما انا ماقبلها ع اختي ماقبلها ع بنات ناس..
عامر"لو گل الطلاب مثلگ لگان صلح المجتمع..
☆☆☆☆☆☆☆☆
صلاح دين
بيت أبو ثامر
عند رنا
گعدت صبح وتجهزت وچنت دا اشتغل دا أسوي غده للهم عمي ابو ثامر بالشغل وخالتي طلعت هي وبنتها وبقيت اني وزينه وزينه طالبه ملتهيه تقره لذلگ گاعد أطبخ وفات ثامر معصب يصيح...."رنا رنا وينچ...
رنا"أني بالمطبخ محتاچ شيء.
اني اعرف ليش أجه بدينه ع تناحيش يالله..
فات للمطبخ..
ثامر"أنتي شنووو مسؤيه البارحه.
رنا ببرائه"ماسويت شيء ليش صار..
ثامر"ولچ عين تچذبين هيفاء رجعت للبيت تبجي من وراچ ودكول أنتي مفشلتها گدام النسوان..
رنا"ماسويت شيء هاي لحالها تتبلى علي أذا مامصدگ روح أسئل أمگ او أختگ..
ثامر"شلون لحالها تتبلى ودگول انتي گايله بان أني أحبچ لو أتزوج عشره فوگاچ.....هيفاء منين تجيب هيچ حچي..
رنا"ها توني ذگرت بس يمگن هيفاء عدها خلل بالسمع اني سالتني وحده گالت تغارين من هيفاء گلتلها لا لن أعرف يحبني مثل مايحبها وبانگ شخص عادل لعد تريد أگول يگرهني لعد شعندي گاعده يمگ..
ثامر"تچي أمي وانشوف حچيچ صدگ لو چذب والله اذا طلع چذب ماتلومين اله نفسچ..
رنا"بس سالفه أذا ماحچيها تبقى حسره بگلبي أنت شعندگ مدخل نفسگ بحچي النسوان صاير مثل المحبس گلشيء لي دگلك ياه صدگ وتجيني طاير هاي معدها عقل لذلگ نصيحه روح گللها هاي گلها أشگاليت ولاتچي للبيت لاتروح تغار وتچي للبيت لن هاي ناقصه عقل وتسويها..
ثامر"أنچبي گلمه أخرى أضربچ أقوى من البارحه..
رنا"دامك چيت وخاف بعد مترجع ردت أنطيگ خبر سجلت ع محاضرات وراح أبدي ادرس هم أغير جو البيت شويه.
ثامر"طلعه ماگووو أنچي وگعدي بالبيت بين ماطلگچ وگلشي تردين سويه..
رنا"No No No اخذت القرار من والدگ وهو سجلني وباچر أداوم تذگر اتفاقنه گلمن له حياته لاتدخل واني ساعدتگ أهوايه ومدا تحس أنت تغيرت ماعرف ليش تريد تحط قهرگ بيه اذا متگدر تحاجي هيفاء أنطح راسگ بالحايط بدال مدا تتقوي عليه وتذگرت شعندك چاي اهنانه مصارلگ سبوع بس تزوجت روح ع مرتگ خاف تحتاج شيء أذا ماتندل الطريق ادليگ.
طلع وطبگ الباب وراه بقوه..
تنهدت والله وصرنه نسمع گلام النسوان وانفذ حچيهن.
وگعدت أگمل شغلي..
بعد مرور بعض الوقت العصر
گاعدين بالصاله اجه ثامر واني اعرف المدام دزته تا يتاگد..
ثامر"ماما البارحه شنوو حاچيات النسوان شو رجعت هيفاء ضايجه خما رنا مسمعتها شيء
ام ثامر"گلشي ماحچن واني شنو الي يذگرني بحچيهن حچن اهوايه بس انت شنوو الي دخلگ بحچي النسوان شووو هاي رنا شگد يحچن عليها من وره عرسگ ومافد يوم حچت او شگتلنه بشيء شو أنت ماهتميت بمشاعر رنا بس تزوجت عليها روح لا بارگ الله بيگ أگيد هاي هيفاء دا تنحشگ تا طلگ رنا ويخلالها الجووو روح وگل لهيفاء بعد لاطب بيتي الي يريد يسلم يروح عليگم..
ثامر"أذا تمنعين هيفاء من البيت قسمن بذات الله يرحم ع رنا البقاء بالبيت ومن اليوم أدزها لهلها والقرار ألچ..
رنا"عمه هيفاء أگيد ماللها دخل ثامر هو دا يستنتج واجه سالچ فسامحي هل مره لخاطري..
أم ثامر"والله لوما خاطر بنتي رنا وتهمني سعادتها وربي يرضى عليها چان عرفت شنوو احچي واذا خلصت تگدر تروح لئن غثيتني الصراحه..
تقدم ثامر وباس رأس امه.
ثامر"الله يرضى عليچ سامحيني مايهون عليه زعلچ.
ام ثامر"روح يا ابني سامحتگ.
طلع من البيت ثامر.
ام ثامر"والله ضلمناچ يابنتي بهل زواج...
أبتسمت تا ماتنقهر خالتي"لا خالتي لاديرين بالله گلشي ماگو وهذا سوء فهم واني ماشايله بگلبي ع اي احد وتهمني سعادتگم.
ام ثامر"ربي يرضى عليچ يابنتي..
رنا"وعليچ يارب يسلمووو خالتي..
گعدت دقايق وبعدها رحت للغرفه واذگر گلام ثامر الي يسمعه عبالگ عله ع گلبه گل شويه يهدد يريد يخلص مني....
والله بس يحين الوقت المناسب مابقه يمگ دقيقه قابل أني ناقصة عقل وماعندي أهل تا يعاملني هيچ بس قبل ماروح أذا ماجننگ مايگون أسمي رنا..
☆☆☆☆☆☆☆
محافظة البصره
عند ريم
طلعت الصبح ورحت ع المستشفى
وفتت للمگتب تا أوقع حضور..
ريم"السلام عليگم.
معتز"وعليكم السلام تعالي وقعي متاخره 2دقيقه..
ريم"شلون متاخر وانت وصلت گبلي بدقايق حاسب روحگ قبل لاتحاسبني..
معتز"تعالي وقعي عندي حچي وياچ..
تقدمت وقعت وگعدت..
ريم"خير صاير شيء.
معتز"گالچ مازن باخر الاخبار عن بيت ابو مزعل..
ريم"گالي رفضهم مگالي شيء اخر ليش اگو شيء جديد.
معتز"بعد أسبوعين راح يجي أبو مزعل بنفسه ياخذ الجواب منچ ومن حچيه مبين واثق بانچ راح توافقين عليه..
ريم"يخسى جوابي هو الرفض لحالهم يتعبون نفسهم بالحچي..
معتز"لازم ماتبقين وحدچ تطلعين وطبين بگيفچ ولازم يگون دائمآ حولچ اشخاص لن أگيد مزعل ناوي ع شيء موزين..
ريم بنبرة أستهزاء"الي يسمعگ يگول عصابه ملاحگتني شبيگ ويخسى يطخ شعره مني تعاملت أهوايه وياه سابقآ وهسه وبعد أعرف شلون أتعامل وياه نوب أذا ذب حچي امشيء واخليه..
معتز"عفيه تفگيرچ سليم عمي ألناس تغيرت وهو سمعته موزينه والله واعلم شريد يسوي تا يچبرج ع الزواج منه..
ريم"ماعاش الي يجبرني ع شيء ماريده واطرد تفگيرك شگلك متاثر بافلام أهوايه..
معتز"هاچ هذا گرت بي رقمي أذا أحتچتي شيء أتصلي عليه..
ريم"احتفظ بالرقم دگتور معتز عمري ماخذ ارقام شباب
روح ألگالگ وحده اضحك عليها ماتوقعت ترقم بنات.
معتز"وليش ترفضين ليش أني ماعچب..
ريم"شگلت..
معتز"سلامتچ تگدرين تاخذين راحتچ.
طلعت من المگتب واني أگول شبيء معتز يحجي هيچ واگيد ميگدر يسويلي شيء واني أعرف شلون أدافع عن نفسي..
☆☆☆☆☆☆
معتز
طلعت ريم من مگتبي وتنهدت يابه شنوو هل عناد البيها مدا تفتهم بانها بخطر ماخذه الامور بساطه وبرائه لازم احميها أذگر وصيت أمن المستشفى يگلولي اذا شافوه يچي للمشفى ونطيتهم صورته لگيتها ع الفيس بوگ ومسچل روحه مطيح قلوب العذاري وجه....
.هو ليش احد يباوع عليگ تا مطيح گلوبهن اني عندي اصدقاء أهوايه وبگل مكان ومحتلين مناصب.....بس اريد أشوفه يگرب منها تا اشبع بيه ضرب..
دقايق واچاني تصال من حكيم الضابط..
حكيم"دكتور معتز الي شوفتنه شگله هسه موجود گبال المستشفى ومطفي سيارته..
معتز"اذا دخل للمستشفى گلي واذا طلعت ريم گلي..
حكيم"تمام دلل..
كطع الخط واني قلقان عليها أريد اخذها واحبسها واخبيها عن العالم گله ماخليها تطلع وطب بگيفها بس مابيدي شيء اني أبقه مجرد زميل أو مسؤل عمل مر بحياتها لو اعرف ليش ترفض گلمن يجيها چان برد گلبي اريد اجرب حضي واعرف ترفضني واني مو من النوع الي يجبر أي وحده عليها واگيد مازن راح يسببلها مشگله قاطع افگاري اتصال جاسم..
جاسم"هلا بالي وصل البصره ونسانه صدگ من گال من لگه احبابه نسه أصحابه..
معتز"تلهيت مشاغل وتعرف من المستشفى للعياده حتى معندي مجال احگ راسي وانت أخبارگ فتحت عياده لو بعد ومناوين ترجعون للبصره..
جاسم"لا والله بعدني دا ادور مگان مناسب تا فتح العياده واريد اني وام عطيه مگان واحد..
معتز"الله يثخن لبنگم ومعزتكم لبعض مجاوبت مناوين ترجعون للبصره.
جاسم"لا الوالده الله يحفظها تريد اهنانه وتعرف الوالد مايگسر بخاطرها وتعرفه هم عنده اشغال بصلاح دين دا يديرها هسه بتگريت وين يگدر يعوفها..
معتز"وشغله بالبصره..
جاسم"مايقصرون عمامي دا يديرونها ولد عم أبويه بس غير أبوگ مالله يهداه يشتغل وياهم وبقه ع مضخر الادويه...
معتز"بابا يحب مهنته ومايغيريها ابد.
جاسم"صدگ مو وعدتني تچي زياره يمنه لو راح تنسه وعدگ.
معتز"وعد الحر دين لاتخاف ازورك بس اخلص الاشغال الي بيدي.
جاسم"صدگ ماناوي تتزوج..
معتز"لا بعدني انتظر شورايه...
گعدنه نحجي عن اشياء مختلفه وگطعت الخط
☆☆☆☆☆
عند ريم
خلصت دوام وطلعت من المستشفى ورحت للمختبر لن ياسين وحلا أتفقم ويايه يفتحون من الصبح ويطلعون3تايحللون لگمتهم ومايگدرون يتاخرون أگثر فوافق..
گعدت أشتغل ع التحاليل المراجعين...
بعد مرور بعض الوقت طلع ياسين وحلا وبعد طلعتهم بنص ساعه أجه مزعل...
گمت من مگاني...
ريم"خير شعندك چاي أهنانه..
مزعل"چيت أشوفچ واگول شنوو الي يصبرني أسبوعين تا توافقين عليه لذلگ گلت تشوفيني وتغيرين رائيچ ياحلوه..
ريم"گلام وحطه حلقه باذنگ لا اليوم ولا سنه ولا العمر گله لذلگ أنقلع من گدامي أحسلگ..
مزعل"ليش ترفعين صوتچ ياحلوه لادگولين هيچ لنچ ماتصيرين غير الي..
ريم"لا بله أنقلع من گدامي أنسان بلا أخلاق.
مزعل"هيچ تعاملين صديق قديم مو چنت أگعدلچ ومايمر يوم ماسمعچ غزل بس گلبچ مدري شبيه.
ريم"أنت مريض نفسي روح أتعالچ واذا ماوليت من گدامي الم الناس عليگ..
مزعل"أذا ماتوافقين برضاتچ تگونين مرتي تصيرين غصب عنچ...
ريم"وشنو راح تسوي خفت گمت أرجف باوع..
أبتسم بتسامه حقيره وبده يتقدم بتجاهي..
مزعل"تدرين مافارق شگلچ خيالي طول الايام الي راحت أشوف شگلچ گدامي گلما انام واتخيلچ أنتي يمي أنتي عشقي وهوسي لسنين مستعد أموتچ ولا تصيرين لغيري..
گلامه خلاني أشمئز هذا مخبل أگيد ونيته مو شريفه...
تحذيرات معتز گلها صارت گبالي...فگرت للحظه بان أهدء الموقف..
ريم"بس اني مامفگره بالزواج وانتظر سبوعين والله گريم..
مزعل بخباثه"عبالچ غشيم وتضحگين عليه...گربي يحلوه شبيچ خايفه..
ماگو حل غير أطلع بره المختبر.....شفت مزهريه موجوده ع المكتب وگمشتها بيدي...
وطلعت أرگض من يمه وگمش ساعدي يم باب المختبر وصرت مقابيله...
ريم"بعد ايدگ لا أضربگ..
مزعل"أضربيني الضربه منچ حلوه واتقبلها بگل سرور..
.ما لحگ يخلص حچيه وأجه معتز وضربه وگعد يتعارگ وياه منضرهم چان يخوف گلش شفت معتز ضرب وجهه مزعل وطلع من عنده الدم خفت لا يبتلي بيه من ورايه....
..رحت عليه وگلتله..
ريم"معتز گافي راح تبتلي بيه...
بس ماسمع گعد يضرب بيه بالزياد وجان معصب..رميت المزهريه
وگمشت ساعده باديني..
وگلت بنبرة رجاء"أمانة الله عليگ معتز گافي أمانه...
باوعلي معتز ونضرتله بنضرات گلها رجاء..
عافه..
معتز"روح من گدامي لا ابتلي بيگ..
گام مزعل وگال وهو يترنح وگامش خشمه الي ينزف..
مزعل"لاتفرح حلفت تصير ليه مراح تمنعها مني أبد..
راد يضربه معتز وگفت گدامه...
راح مزعل وساق سيارته..
معتز بنبره غاضبه"فرحانه بالي صار ماتسمعين گلام احد لوما چاي چان الله أعلم سوالچ الحقير.
ريم"هسه گافي لا ينتبهون الناس..تعال أگعد أرتاح بالمختبر...
فات وگعد وهو ينافخ..
معتز"عاجبچ الوضع ألي أنتي بيه هسه جوابي..
ريم"شگرآ ساعدتني انتهه الموضوع مصار شيء شبيگ معصب.
معتز"ماصار شيء لو عايفتني أوگفه عند حده لهل حقير..
ريم"ردت تبتلي بيه شوف حتى خشمه گام ينزف خطيه..
معتز"خايفه علي ومستخطيته فوگ الي راد يسويه بيچ فرحانه ع الي صار لو بس شفتيه حنيتي اله بس لاتطلعين تحبينه واني مادري منا وقاد اذا شفتچ بوحدچ طالعه أگسر رجلچ.
ريم"مالگ حق تحاسبني أنت باي حق تدخل بيه بس لاتگون زوجي واني مادري..
معتز"راح أگون زوجچ وعن قريب ان شاء الله شگرآ لنچ ذگرتيني..
ريم"انت گمت تخرف دگتور يمگن عرگتك ويه مزعل طيرت عقلگ..
معتز"ليش لازم الي يخطبچ ماعنده عقل..
ريم"روح بطريقگ ولاتفگر بهذا الموضوع اني ماموافقه ع الزواج ليش محد يفهم لاتصير مثل مزعل.
معتز بنبره معصبه"لاذگرين اسم هل حقير گدامي ولاتقارنينه بيه ومادگليلي ليش رافضه الزواج بس لاتطلعين حابه واحد وتريدينه..
ريم"أنت تخبلت روح من گدامي لاتفگر تخطبني لو تبقه اخر واحد بالحياه گلها مامفگره أزوجك والناس تچي من الباب مو من الشباگ ولو تجي من الباب تره أرفضگ هم.
معتز"راح أروح سدي المختبر وارجعي للبيت وع گلامچ هذا راح أتقدملچ باچر وانتظر أسمع ردچ.
ريم"احفظ مي وجهك ولاتتقدملي لن جوابي هو الرفض.
معتز ببتسامه"گلي هذا لحچي لمازن سلامي..
راح وگعدت وتذگرت مزعل وسديت المختبر وسقت سيارتي واني أگول يربي هذوله شبيهم الناس قحط نسوان ويريدون يخطبوني تذگرت أهانة معتز شلون يتهمني باني حابه احد صدگ تفگيره صگط..
تذگرت معقوله يسويها ويتقدملي بس لا أگيد يريد يرفع ضغطي لن يعرف چوابي الرفض وصلت لبيت ونزلت فتت جوه وتلاگني..
حسين"خالتوووو اجيتي..
ريم"اجيت ياروح خالتگ.
طلعت رانيا من المطبخ..
رنيا"باچر صبح تگدرين توصليني لگراچ البصره..
ريم"ليش.
رنيا"لازم أروح عمتي حيل وضعها مو زين..
ريم"تمام راح أوصلچ.
☆☆☆☆☆☆
محافظة الانبار
قضاء راوه
عند حسام
گاعد بالمكتب وافگر بيها وماتحمل اصبر لباچر
تا أشوفها گلتلها يومين بس روحي شابه عليها أني گلتلها ماخابرچ يومين خما احرم عيني من شوفتها
أجتي بالي فگره وابتسمت رحت لمدرسة ماما وفتت چوه واستذنت من ست منال أنو اطلع ويه هديل أنتغده ساعه وارجعها....
گالتلي أشوف ابوها يوافق..
گلتلها عوفيها علي...دگيت ع ابوها وگلتله بس ساعه أطلع وياها مگان عام نتغده ونرجع وافق خطيه ومعارض شگرته وشگرت امها وطلعت
و رگبت سيارتي
دا انتظر حلتهم شفتها دا تمشيء تريد تروح ع مدرسة امها....فنزلت من السياره ورحت عليها..
حسام"هديل أوگفي اريد احچي وياچ.
باوعتلي بصدمه.
هديل"حسام.
حسام ببتسامه"لا خياله شبيچ هيچ عبالگ شايفه شبح..
هديل"شنو دا اتسوي اهنانه..
حسام"تعالي ويايه خلينه نحچي شويه..
هديل"لا ماچي وشعندك مو تفقنه لباجر يله نحچي واگيد ماما تنتضرني.
حسام"گلت الامچ والابوچ وافقم والله تطلعين ويايه واذا مامصدگ أتصل بيهم عادي..
باوعتلي بنضرات گلها شگ ماحبيت نضرت الاتهام الي بعيونها...طلعت امها وشافتنه..
ام هديل"شو بعدكم واگفين هديل روحي ويه الولد عيب مخليته ينتضر..
هديل"ماشيء..
رحت وياه وبتجاه سيارته ورادت ترگب لي وره..
ام هديل"لاتفضحينه يابنيتي هذا خطيبچ خما سايقچ تعالي أرگبي لي گدام..
شفتها رگبت لي گدام ورگبت السياره وگفتها مگان قريب ع المطعم بس منزلت باوعت عليها وگلت..
حسام"من أول مارگبتي ويايه أحسچ خايفه ولازگه بالباب مادگليلي سبب هل خوف شنوو..
هديل"شنووو الي تريد دگول أحچي وخلينه نرجع.
تنهدت.
حسام"چاوبي ع سوالي وگليلي عن مخاوفچ وريحيني تقبلين تشوفيني ماندل دربي واني أفگر هاي البنيه شبيها الي شوفچ عبالگ اريد اموتچ مو خطيبچ المفروض تفرحين بس تشوفيني..
هديل"أذا أحچيلگ ماتعصب وتزعل مني.
حسام"أحچي يابعد گلبي مو اشتعل جدي.......يتبع الى اللقاء في البارت القادم ان شاء الله
لدي ضروف طارئه أدعووو تحسن ضروفي
سوف أضطر أن اغيب لبضعة ايام لگن باذن الله اعود واعوضگم بالمزيد من البارتات.
يسلمووووو ع تشجيعكم وتصويتكم ودعمكم اليه
لاتنسو
التصويت
والتعليق الحلو
في الختام
(استودعكم الله الذي لاتضيع وداعه)