صرخـــات غــير مـــــسموعه
بقلـــــمي امـــ غ ـــايب..........
اخذت ركن بعيد بقيت انتظر بلكت تطلع صار الغروب شفت ابوهه دخل مااحس اله صوت اجاني من وره.....
. ماذا تفعل هنا
درت بسرعه مفهمت الكلام لان بالتركي جان باوعت بصدمه
إيسون.....
البنيه الي ساعدتني البارحه .....انصدمت
كلتلهه احجي بالإنكليزي تعرفين مااعرف اللغه التركيه
ماذا تفعل هنا
حبيبتي تسكن هنا
حبيبتك ....الم تقل انك لا تعرف احد هنا
لم اكن اعلم انها في تركيا
بقت واكفه يمي وتسألني عبالك محقق بعدين عزمتني عَل عشه رحت وياهه طبعاً محجيتلهه كلشي لان مااعرفهه ولا تعرفني
.......................
شهد/بقيت حابسه نفسي بالغرفه اشتغل الهي نفسي .....تعبانه من التفكير ....احس كلشي مخربط حتى عقلي .....بس الي اعرفه من كل هاي الهوسه مااريد ارجع الـ فارس ولا احب اكرم ....لان متأثرت
الله يحبني وكشفه .....بسبب عاداتنا الهمجية الي تربينا عليهه ومجتمعنا الي علمنا انو المطلقة تتجرد من اي حقوق مستقبليه يمكن الهذا السبب حسّيت روحي احب اكرم
جنت اسوي حافظه كلنكس ومندمجه بيهه ......
شهد......شهد ....تعالي تعشي
جنت لابسه تراكسود ويه الكمر .....لبست جاكيته طويله وطلعت اني مااللبس حجاب يم اي احد من ولد عمي ....لا قبل ولا بأي وقت ....
اول مفتحت الباب صارت عيني بعين فارس ....دنكت رأساً ورحت نقلت وياهم الاكل
ميزنا دائري يعني وين ميكعد فارس اشوفه ويشوفني
واني شايله الماعون اخذ محمد منه وامي صاحت بي
اكعد وأكل
مستعجل
مصارلك هواي من اجيت
متواعد ويه جماعتي باس ماما وطلع
كعدنه كلنه ناكل وفارس
كل شويه ارفع عيني الكا يباوعلي بحديه
رحاب/شنو فارس شوكت ترجع للعراق
بابا خزرهه الـ ماما انتبهت علي
فارس/شنو ثقلت عليكم اظاهر عمه
رحاب/لا بس كاعد اسأل
فارس/من اخلص أوراق شهد
هنا اني متحملت ...اسكت بعد
اي أوراق فارس ......اي أوراق .....انت شنووو
باوعت على بابا ....بابا شو ساكت انت ....شنو يعني بكيف فارس مصيري .....
انصدم فارس وباوع عليهه
شهد/اني مااريد فارس ....فارس مااريدك ....كافي ....وبعدين انت شنووو ....شلون رجولتك تسمحلك تتوسل بوحده هانت رجولتك
مااحس اله انكلب الميز كله همزين من صارت الهوسه كلهه كام
بابا كام عليه رأساً وضربني راشدي ودفعني
طايحة الحظ امشي دخلي جوه
فارس محجه ولا كلمه اكتفه بس بكلب الميز وراد يطلع واسمع بابا يكله ....تعال فارس وين رايح
هذا هو عمو اظاهر فعلاً اني مو رجال ....لان بذاك اليوم مطلكتهه ....ومو رجال لان اجيت ارجع وحده مثلهه وانركع الباب
جان الباب مفتوح ...شويه مال غرفه واسمع
ماادري بروحي من حجيتهه ...اظاهر جفصت جفصه ثانيه دخل عليه بابا ....عصبي
جنت ابجي
يوم بعد يووووم اعرف بنفسي معرفت اربيجن ...لج انتي شنوووووو فهميني شلون هيج تتجاوزين حدودج وبوجودي هاااااا
سكتت دنكت عيني
اااااحجي ....لج احجججي ليش دوم تطلعيني كدامهم مااعرف أربي .....ليش متلزمين اللسانج
لي........ش كام كوه يحجي وصار وجهه ازرك اني كمزت علي من مكاني
بابا .....بابا ...شبيك
يدفعني بيده
امي عاطت
ستار شبيك .....يمه اسم الله شبيك
شيرين/بابا ....ودفعتني.....وخررري من كدامه
كعدو عَل جربايه وماما جابت مي .....شويه هدء اني اباوع علي ....من بعيد ماما وشيرين يفرجون بيده ورجله
رحاب/هااا حبيبي ....شلون صرت
تعبت يا رحاب ....غير الله ياخذ عمري ....بناتج هدن حيلي ....تعبني هووواي وكام
وين رايح
اريد اطلع اختنكت ....اختنكت من كل الدنيا ....الله ....يا الله اسمعني اخذه العمري وخلصني
ركضت امي لبست جبتهه وطلعت
شيرين/شبيج انتي تخبلتي
شهد/اسكتي عني شيرين
شيرين/ما اسكت كااافي انتي شنو اللسانج هذا صح انتي اختي بس فارس هم ابن عمنه ليش دووم تهينين رجولته ....ليش
كااافي شيرين ....لتحجين ....هوبسببه ....كتله مااريدك لطش
امداج
أنتي امداج لتغلطين فهمتي
دولي ولي....متصيرلج چاره ...طلعت وطبكت الباب حيل وراهه كعدت بالكاع وتجين نفسي عَل حايط وضميت راسي بين رجلي
شلون كتلهه هيج يا ربي
سمعت الباب وره شويه اندك مااعرف منو اجه وماكو حس فتحت الباب شويه وطلعت راسي ماكو شيرين ..طلعت جسمي كله
سمعتهه تحجي ويه فارس
يعني راح ترجع للعراق ....انتظر بابا يجي
ماكو داعي ....
شهد تجفص هيه مو قصدهه هيج خوانهه التعبير تلكاهه
فارس/شيرين سدي الموضوع ولتحجين بي بعد ابد ....شهد تحرم عليه بعد
مااحس إله صار بوجهي شايل جنطته
باوعت جانت عيوني مورمه من البچي
فارس اني اسفه
وخري شهد من كدامي
والله ماادري شلون حجيتهه والله متندمه
بت عمي بلعكس انتي صحيتيني اني من وره الحب نسيت رجولتي
فارس والله مو قصدي
عافني وراح ولا سمع مني
شيرين/شكو تحجين وتتأسفين منه هااا يعني شتريدين شو رادج مقبلتي بي وهسه من راح تتوسلين
كاعد اعتذر منه ماااريد حتى ارجعله لان غلطت بحقه
ودخلت وركعت الباب ....بجيت بوقتهه حيل
لفلفت روحي بالبطانيه وبقيت ابجي جواهه الدرجة جنات تبجي مالي دخل بيهه تعبانه حيل ومقهوره من نفسي وعلى نفسي
داخلي محترك ....مااعرف شنو الصح ألي ....دوم اختار الغلط ....تعبت من كلشي داير مدايري
مقهوره من امي الي بس تحجي علينه وحتى كدام الكل من محمد الي عنده فارس اهم مني وكلشي يحجيله ومقهوره على بابا الي ميستحق بنات مثلنه
كعدت الصبح بعد ماغفيت ...شلون ماادري
راسي يوجعني وعيوني مورمه ....كعدت متأخره حيل بابا ماكو
كلت صباح الخير
مجاوبت ماما ....عفتهه ورحت للحمام .....لكيت بالتعلاكه تشيرت فارس ناسي شلته وشميت ريحته وبجيت ....اي احبه ....وأحبه حيل ....ومااريده ...مااريده لان تزوج ومو بس تزوج من اتذكر يطلعني اني ام المشاكل وهو يزعل من اشك بي احقد علي
غسلت وطلعت .....رجعت للغرفه .....رحت الـ جنات باوعت عليهه وتأملت وجهه وهيه نايمه
شكد شوفتهه تنطيني أمل
جانت مندمجة بنومتهه ....شلتهه خليتهه على صدري .....وبستهه وريحتها تخبل ريحة طفوله
كامت تتحرك وتلملم بروحهه .....رجعتهه رجعت استقرت ونامت هاي لو بليل جان بسرعه فزت
رحت الموبايل ماما .....شفت فارس شوكت اخر اتصال .....من البارحه .....اخر شي
...................................
عمر/٣أيام وشيرين مطالعه شلعتي كلبي شيرين .....شنو قصتج ليش متطلعين ......فكرت معقوله صاير شي بيهه تعبت من المراقبه ببلد مااعرف كلشي بي
خابرني بكر قبل يومين اخويه ......عصبي جان .....وتعصب من دره بيه بـ تركيا .....مع العلم كتله ويه صديقي بالمستشفى بس مصدك هذا الشي
بكر/حسبي الله عليك يا عمر والله موتي على ايدك انت ....شلعت كلبي .....انت شتريد ....تريدتقضي عليه .....لك فهمني انت شتريد بالضبط بالعراق خليت العشاير كلهه تركض ورانه .....هنا شتريد تسوي فهمني ...لك انت عاااار والله عار واني كلب لان معفتك بس الاذيه وطيحان الحظ من وراك
وسده قبل لا احجي وَيَا
جنت كاعد جوه شجره جانت بيهه مجروحه صغيره ....كاعد منتظر الفرج
................................
يلله شهد تره تأخرتي هواي
شهد/كملت والله ....كملت .......طبعاً لا بابا ولا ماما يحجون ويايه بابا زعلان مني بعده ومقبل يحجي وياي
فارس عرفت بي رجع من محمد .....بعد ماترزلت منه
وهسه رايحه ويه شيرين راح تسجل معهد تعليم لغه تركيه
لبست حذائي الرياضي الأبيض وطبعاً بنطرون وتشيرت بي طول شويه
كاعد اطلع
وين ...هاي
شهد/ويه شيرين غير
لزمتني من ايدي .....تعالي ....تعالي
نزعي هذا التشيرت لا رجلج اكصهه
شبي يمه ....شبي والله موتيني
ميعجبني ميت مرره كتلج مااقبل تلبسين هيج
يعني مو تشيرت طويل
شيرين/طبعاً اني سديت الباب وكعدت أيست امي وشهد. منخلص بعد كم ساعه هيه لبسهه طبيعي بس امي من تشد وياهه تستلمهه بكلشي
زادت اصواتهم
شيرين/ماما شنو قصتج
انتي مالج دخل .....لتددخلين...هاي وحده ناقصة تربيه
شهد/انتي شنووو ماما فهميني شنووو شوكت تقتنعون بينه ونعجبج
من تصيرون أوادم
شيرين/اني شعليه هسه شمسويه
رحاب/انتي سكتي لتحجين
شهد/هاي كله لان مرجعت الـ فارس.....كووه يعني مااريده
رحاب/ومنو كلج علمود فارس اني على اسلوبج الي يطفش الناس منج ....هاج حتى اكرم انهزم لا حجه ولا كال من يوم الكعتو الله اعلم شكلتيله وهزمتي
شهد/كااافي ...كااافي رحمه الدينج كااافي والله تعبت ....حتى ساعات اكول هاي خاف مو امي ....انتي شتريدين بالضبط ....هاااا
وطلعت وعفتهه ولحكتني شيرين ...
خبله شبيج
متشوفيهه
متعودين على اسلوبهه من تضوج من واحد
مو حاله هاي ....مو حاله
طلعنه ....مالي مزاج امشي بعد ...شيرين خل نروح تكسي
لا ولج ...اريد امشي بلكي كرشي ينزل
مالي مزاج
اهووو انجبي ...خل نمشي
.........................
عمر جنت كاعد مااحس اله لمحت شيرين ....حسّيت كلبي دك قوي .....
ممصدك اشوفهه ....متغيره هواي ....شويه زايد وزنهه عن قبل ....وخدود عدهه جانت لابسه نفنوف سمائي مقلم ناعم بأبيض وترانشوز ابيض
مشيت وراهه ....هيه وشهد تفاجئت بوجود شهد بس جانن ضايجات
رحت وراهن شويه بعدن عن العماره
صحت شيرين ....شيرين بصوت ناصي
شيرين/جنت امشي .....احس روحي اسمع اسمي......مستحيل انسه هذا الصوت ......عبالي أتوهم واتخايله يصيحني بس شهد دارت وجهه .....درته وياهه جنت كايدتهه وامشي
انصدمت .....هذا عمرر.
عمر
تقرب عليه
السلام عليكم
شهد/هذا انت شجابك هنا
شلونج شيرين
انصدمت وجفلت ....وكلشي صار بيه ....احس روحي راح ابجي ياربي اني بحلم لو شنو بقيت ساكته
شهد/امشي يمعوده ليشوفنه احد ....وانت روح منا
شلونج شهد
شهد/والله اليوم ابد مو زينه من كعدت وانت هسه جملتهه....امشي منا يمعود هسه تسويلنه مشكله
عمر/شيرين اريد احجي وياج
شهد/ممنوع
شيرين/اني ساكته أصلا ممستوعبه عمر كبالي وشلون اندلني وهو وشهد كبت
شهد انتي مالج دخل ....لازم احجي ويه شيرين
روح منا تره هسه الم الناس عليك والله انت شنو ماعندك حدود موكفنه بنص الشارع بلله شافونه واحد من اهلي
عمر/بودّي الزمهه واكتلهه بنص الشارع وين جنت محضر من اشوفهه وهي خربت كلشي
عمر/بقيت ساكت وشيرين ساكته عيونه جانت كفيله انو تعبر عن الاشتياق والحب ....يمكن الي خلاني احجي بسرعه اول مطلعت من يم العماره لان شفت شيرين قليل تطلع لذلك اعرف مراح الكه فرصه ثانيه وخاصه وحدهه ويه اختهه
طبعاً شهد مكطعت اخر شي لزمت شيرين من ايدهه وجرتهه لحكتهم دارت عليه شهد
راح الم الناس
بابا شبيج اريد احجي وياهه وأروح
متحجي
مااحس اله شيرين وكفت ...شهد شبيج
شهد/هاااا بس لا تريدين توكفين تحجين وَيَا
لا اكعد واحجي وَيَا
عزززه بعينج .. انتي تخبلتي
شهد شبيج ...
وبالشارع
عمر راح ندخل لمعهد التعليم ....هناك نحجي
ابتسمت....ماشي وراج اني
شيرين/ممستوعبه ياربي الحمدلله من شفته بخير .....شكد مشتاقتله وشكد متغير....ضعفان ومسمر
دخلت للمعهد وطبعاً شهد مسكت وبس تهدد بيه .....احس جسمي كله يرجف ممصدكه ياربي
اول مدخلنه وكفت ووكف كبالي
احس روحي مستحيه مو مثل قبل البعد البيناتنه خلق حاجز .....مااحس روحي مثل اول .....خجلانه وكانما اول يوم نحجي
شلونج شيرين
زينه وانت
اني هسه يالله صرت زين ...بشوفتج الي صارت حلم
باوعت ....شلون لكيت مكاني
اااه يا شيرين ....معجزه والله ....حتى أيست الكاج .....وأخذ حسره
شيرين/ليش تدور عليه واحنه صرنه مستحيل
هز راْسه ....من عيوني تغفه والله يأخذني ....بذاك الوكت افقد الأمل
كليلي شلونج مرتاحه لو لا وشلون عايشه
مااحس اله شهد وكفت يمنه ......
شهد/يلله كافي
عمر/شيرين راح تسجلين هنا
شهد/لا ......يلله شيرين
عمر/هواي سوالف شيرين اريد احجيهن
شهد/اكلك انت متفهم عربي ....انت اله توكعهه بمصيبه يالله ترتاح
شيرين/شهد
شهد/اسكتي انتي .....يلله امشي
عمر/شيرين خاف مااشوفج بعد
شهد/طبعاً متشوفهه
عمر/دير بالج تروحين للعراق .
شهد/مالك دخل انت بيهه
عمر/انتي شبيج
شيرين/ابتسمت لا ارادياً عَل موقف .......جرتني شهد ....شبيج يمعوده
شبت بيج .....شكلج مصدكتي انتي متوبين
حتى ملحكنه نسولف
شتسولفين خاتونه
خل اسجل اوكفي
ماكووو متسجلين
وكفت ......شبيج شهد تخبلتي
انتي تخبلتي ....لج لو ما بسببه ردتي تنذبحين
مو بسببه ....
لا بسببه ونص ....امشي لا اكول الـ بابا والله
باع هاي ....عوفي ايدي اريد اسجل شنو طفله كدامج
درت وجهي لكيته يباوع ولا تشبع عيوني من شوفته
اخخ يا حبيبي شكد احبك
كملت التسجيل وهو واكف وشهد دايره وجهه علي وتخزر بي
شهد/رجعنه للبيت بعد ما شيب راسي من هذا عمر الي مدري منين طلع
وشيرين فرحانه .....دخلت ماما شايله خشمههه وجانت تبدل الـ جنات حجت ويه شيرين
ها سجلتي
اي من باجر ابلش
تعالي همزين اجيتي ردت اسويلهه ممه تعالي رضعيهه مادام اجيتي
شيرين/جنت فرحانه وطايره ....الحمدلله من اطمئني علي ....جنت خايفه وافكر بوضعه والف فكر يجيني
جنت كاعده يم ماما ...وتحجي
ام اكرم حتى اتصال متصلت بيه من ذاك اليوم ....شبيهه هاي
اني بالي مو يمهه
معقوله هيه ممقتنعه بـ شهد وفرت راس اكرم
اني مو احجي ويها ماما ....اسفه والله نعسانه بالي مو يمج
اكلج هذا واحد قبل ٤يام مدري كم يوم حاجي كايل مرحبا
بلله اشوف
هو مو صديقي شلون يدز رسائل
عادي ....
هاج سويله تأمين
ماشي هسه من اكمل رضاعته جنات
كملت جنات وناغيتهه شويه بعدهي بس تلملم بحلكهه وتباوع بالوجوه بستهه من حلكهه وخليتهه بحضني
باوعت ألي داز مرحبا اثير ....فتحت عيني ....اثير ولا شايفتهه لان اصلاً مشايفه موبايل ماما ....بس شعجب شهد مشايفتهه
باوعت الصفحه جديده بس مخلي صورته بيهه
دزيتله اثير كاعد
رأساً جاوب
واخيراً شيرين شلونج ...كلت اجرب بلكت انت تشوفيهه وتجاوبين
شفتي عمر لو بعدج
شفته اليوم
شيرين السوالف هواي متكدرين تتصلين بيه
لا ...مااكدر
واني كاعد احجي وَيَا صاحت ماما راح اروح اجيب كم غرض اكوغرض جنات عدهه حفاضات
اي عدهه سويت الموبايل صامت ...خاف تريد تاخذه وكمت نومت جنات بجربايتهه
موبايلي مو يمج عفته
علـ...قنفه خليته
ماكو
علـ قنفه عفته ماادري بعد
رايحه ملازم
طلعت بالصاله
بقينه نحجي ....حجالي اثير عن سوالف عمر ....تخبلت ....محسيت غير دموعي يصباً
حاولي تلهي شيرين ....عمر اذا اجه للعراق يموت مااعرف منو الي ديلحكه والي يلحكه يعرفني لذلك باك موبايلي وعرف هو ب....كندا ...اكيد لان حاجين هواي اني وَيَا اني دايره بيج ....خلي عَل اقل يبقه هنا بتركيا
جذبت علي وكتله بكر طلع من السجن
احس روحي رحت الغير عالم ....ممستوعبه الي سوا عمر ....ابداً
ماشي اثير دخلت بالحمام احجي وَيَا رسائل مكدرت الزم روحي من البجي شيصبرني للباجر
مااعرف شلون خلص اليوم ....وشهد كل شويه تسألني ....مكدرت انام ماعولت الصبح يجي ويجي موعد المعهد ماما كالت اني اوصلج
اختنكت مكدرت اكلهه لا ....من طلعت دورت علي ماكو ملكيته
بقيت امشي وأتلفت ...وماكو .....مااتحمل مااحجي الي بكلبي اريد اشوفه
وصلت ماما عافتني ....دخلت لكيته كاعد
رحت علي بعصبيه
انت هنا
ابتسم وباوعلي ....همزين شهد مو وياج
باوعت علي واني عيوني فاتحتهن كل وسعهن وبحقد
شبيج شيرين
ممصدكه انت نفسك عمر والله
ليش
ليش وتسأل ليش ممبقي واحد مكاتله حضرتك وتكول ليش
كبل سد حلكي....اششش يمعوده تخبلتي
وخررر ايدك لتطخني
ماشي ....بس مو هنا تحجين
وين لعد
تعالي وياي
لو تموت
تخافين مني
طبعاً اخاف منك ....اكيد اخاف منك ....اليكتل كلشي يسوي
شيرين لمي الناس بعد
ليش هيج سويت
لزم ايدي
وخرررر لتلزم ايدي شبيك وخزرته
ماشي ....اني رايح
وين رايح
قبل ليلزموني لان اذا بقينه نحجي هنا بفضلج اخذ اعدام ....
عافني وراح
رحت ورا
وين رايح
اروح قبل لا انسجن
مااكدر خارج هذا المعهد احجي وياك ...اخاف
بيت صديقتي هنا قريب
لو يبقه اخر يوم بعمري
صرنه ورا المعهد .....هو يمشي واني ورا دخلنه بحديقه
بجيت ....ليش سويت هيج بروحك فهمني
وكف ...باوعلي .....لان متحملت احد ياخذ شرفج
راح تذبهه براسي ....الجريمه الي سويتهه تخليلهه مبرر اني
مبرر ....اني ممخليلهه مبرر اخذت الي اخذ شرفج
انت مريض والله مريض نفسي من البارحه لليوم افكر ومالكه الك غير انو انت مريض نفسي لا وفرحان بروحك صاير مجرم
مجرم
اي مجرم ....اليكتل مجرم
والي اعتده عليج مو مجرم والي باع شرف مرته مو مجرم والي ركب فديو الج والغيرج مو مجرم
وانت متفرق عنهم شي
باوعلي بصدمه ....هيج يعني
اي هيج ونص ....صح والله يوم بعد يوم اقتنع بكلام جدو صحيح ...
شنو كلام جدج
وخررر عمر من طريقي ....
شيررررررين
هاااا عمر ....ولو انت تحجي بزودك يعني هسه بأي لحظه اي شخص ميعجبك كلامه تموته بكل سهوله
منين عرفتي
ميحتاجلهه روحه للقاضي انت مجرم ومعروف هم ارهابي مطلوب للدوله والعشاير ....لا والحلو خال بينك وبين نفسك مبرر ....شتريدين اشيل ذنبك ...اني مالي علاقه مو ذنبي انت ضيعت روحك ...لتكول علمودج ابد
عمر/تقاجئت ...وانصدمت .....معقوله هيج اني حبي الهه حب اعمى ومشاف أنانيتهه قبل ....ضيعت حياتي علمود انسانه مشايفتني ولا مقدره حبي الهه
شيرين/بقه يباوع عليه بس نظراته جانت تحجي عن صدمته والوجع الي بكلبه حسّيت بيهن
ممتندم ابداً لان يستاهلون ومو انتي الي تقيمين وتكولين مريض روحي عالجي نفسج انتي ....لو بدال متاخذين دروس باللغه أخذي دروس عن الحب وتعلمي شلون يصير الحب الحقيقي ....لان اظاهر انتي متعرفين شنو الحب ....بس تعرفين حب النفس وبس
وعافني وراح تذكرت كلام اثير
رحت ورا
وين رايح
مالج علاقه
عمر وين رايح فهمني
مالج علاقه كتلج
راح يكتلوك
وكف ....مالج علاقه انتي ....ياريت لو تطلعين منا ...وأشر على كلبه ....بس اطلعج لتخافين
عمر لترجع الكندا ولا تروح للعراق
عاط بيه ....مالج علاقه لو اروح للجحيم لو اروح للنار بيدي انتي مالج دخل فهمتي لو لا
راح سريع ....بقيت واكفه بمكاني ابجي ....متغير ...متغير هواي يا عمر
رجعت للدرس كلشي مفهمت منه......طلعت عبالي الكا ....ملكيته
....................................
شهد..../كعدتني شيرين قبل لتروح ....علمود جنات ....كمت على حيلي بعد مطلعو بست جنات ورحت سويتلي ريوك
فتحت البلكونة ....الحلو بتركيا انو عادي اطلع بالبلكونه اللبس حجابي ....واكعد بيهه ....هناك عادي محد يباوع عليك كل واحد علي بنفسه
سويت ريوكي وكعدت اباوع عَل رايح والجاي همه ميباوعون بس اني اباوع
رجعت ماما ....اني احس راسي يريد ينفجر من التفكير بكلشي
دخل محمد
شعندج كاعده هنا
ليش محمد مودائماً نكعد هنا
اي بس كل مره سوه نكعد ....دخلي جوه
ماشي ....واخذت نفس ....دخلت ورا بس اكلك بشغله
شنو
انت ارتاحيت هسه
شكووو ليش
من خليت فارس يجي وخليتني اجفص صح مااريده بس اني غلطت بحقه لان أح ويايه هواي
هذا مو مبرر ابداً وبعد شغله ميت مره كتلج اني مكايله
لا والله لعد منو غيرك ....محمد اني اختك ....مو فارس جنت حنين علينه فجأه تغيرت
لج بابا مكايله والله شبيج ....تخبلتي ... انتي اني هم حالي من حالج تفاجئت بجيته
فارس يعرف مسمع او تفاجئ
مو اني كتلج لتلحين ....وبعدين انتي دومج تجفصين شوكت تتعلمين ماادري
سكتت
تعبان اريد انام عوفيني كافي عليه سطوة المستشفى والعيادة
رحت الموبايل ماما أخذته بسكوت وخابرت على مريم
الووو ها ولج
مريم/عاااااا عاش من سمع صوتج ولج
شخبارج مشتاقتلج
اني هم كومه مشتاقتلج ....شخباركم
زينين
شخبار عمه
زينه ملتهيه بـ كيان ابن قيصر
جابت ازل
اي البارحه بليل مو قيصر خاير عمو كله ....
ماادري مبرروك يتربى بعزكم
مريم/انتي شخبارج
زينه ....شخبار ....وسكتت ....شخبار فارس
زين فارس ملتهي بالعياده مالته ....لج لو شايفه صديقه الي وَيَا دكتور يا يابه يخبل
اني حتى الاعور تكولين يخبل
لا والله حلو ....وانوب السكرتيرة مالتهم تخبل مدري منين جايبهم فارس
سكرتيره
اي ....حلوه بنيه بمدنه توسلت بـ فارس كتله خل أصير سكرتيرتك جدوو كبل نط والله مليت هسه حتى محد يخطبني من كثر مكاعده بالبيت ...مليت اريد اتزوج انيالج عايشه بتركيا
اي نيالي....يمعوده دطيري ....حتى حريتهم بالساعات ....ساعه فري وساعه يرجعون الطبيعتهم ميثبتون بيهم انفصام
طيري يمعوده لعد شتكولين على حضي
فارس شخباره
يمعوده ميت مره كتلج زين شخبصتيني.....لووووو حنيتي
لا شحنين
ممممم علينه سيدي ....والله فديته اخويه يخبل ووسيم وانتي تتعيقلين علي
انجبي مريم
مدريتي
شنووو
غير عمه خوله خطبوهه
صدددوك منوووو حبيبهه
ولج سهام يا حبيب عمه خوله عدهه حبيب بهالعمر واحد ارمل عنده اربعه ولد و٣بنات
وعمه قبلت
جدو قبل بس هي لا وتعرفين جدو ديقوم بواجبه بالاجبار
يااااا سوده عليه شوكت هذا الحجي
البارحه حجو بيهه واليوم جدو ليحاول يفرض وعمو سعد واكف بوجهه لان عمه انهارت مدري شبيهه عمه اني لو منهه اقبل
وهسه شنووو
ماادري والله
اوووف ضوجتيني بس لا جدو يغصبهه
هسه هيه عمه معنيه اني لو منهه أطير من الفرح
انجبي مريم.....اكلج
ها
هيج ماكو شي عود دزيلي صورة ابن قيصر
اي ....صدك نسيت اكلج بس لتتخبلين
اصدميني بعد كل شويه وصادمتني بشغله
فنج منو هنا يمنه
منو
...............يتبع