يله نبدء
بسم الله
-صلو على النبي-
ملاحظه(الى گل من لم يشاهد بارت 20تجدونه في الاعلى🔝🔝🔝🔝لن اليوم نزلت بارت20وبارت21اتركه الان بين أيديكم أعزائي)
عبدالعزيز"انت الي فگرة وانت المسؤل تشرحلنه وننتظر ابداعگ ونساعدگ لاتخاف واذا متقبل ماندرس بس هسه طش الخبر وانت ردت تفيد الگل لن دخت من سالفة مفاهم تعال اشرحلي...
فارس"امري لله راح اشرح بس ماريد احد يقاطع شرحي لن تعرفني زين بس اعصب حتى اخويه ماعرفه..
عبدالعزيز"لاتخاف محد يعصبگ واذا شفت أحد تدخل وبديت تعصب نلوفلگ الموضوع..
فارس"شايفني مجنون ماسيطر ع اعصابي تره عندي عقل وعصبيتي اطلعها ع الي يستحقونها مو ع الگل..
عبدالعزيز"تقصد ديم..
فارس"عوفني من الموضوع وشگرآ ع العزيمه هسه رايح ع البيت...
عبدالعزيز"يحتاج أوصلگ.
فارس"تسلم ماتقصر ميحاتج بارگ الله بيگ..
☆☆☆☆☆☆
محافظة صلاح دين
بيت ابو ثامر
رانا
طلعت من غرفتي ورحت للمطبخ أشتغل وياهم واقدم للنسوان...
زينه"رنا خما متضايقه من شيء لن سمعت نسوان گل شويه فاتحين موضوعچ..
رنا"خليهم يحچون على راحتهم حچيهم ماياثر بيه..
وهسه راح أروح أگعد يمهم..
رحت گعدت..
مره سالت هيفاء"عندچ عادي تگونين مره ثانيه وانتن بعدتچن صغار ثنيناتچن..
هيفاء"طبعآ عادي لن أعتبر روحي منتصره فضلني ع رنا وتزوجني وعزلني بيت..
المره"ماتخافين لا يتزوج ثالثه.
هيفاء"واثقه يحبني ومستحيل يتزوج علي..
.وحده من النسوان گالتلي"أنتي ماتغارين من هيفاء لو الوضع عادي عندچ..
رنا"لا شعندي أغار لن أثق ثامر يحبني وميگدر يفارقني حتى لو أتزوج عشره فوگايه مو وحده وثنين وماسامعين المثل الي يگول متعرف خيري اله تچرب غيري..
سگتت المره ومجاوبتني باوعت ع هيفاء لو شفتها شايطه وگامشه اعصابها والله تستاهل تا متندگ بيه أبد..اني واثقه السالفه راح تصل ثامر بس شريد يسوي خلي يسوي المهم ابرد نار گلبي ومستحيل اخلي احد يفرح بهانتي مدام خشمي يشتم الهوى....
بقم گاعدين لليل وبعدين راحم سويت فتت لغرفتي ارتاح حتى مشفت ثامر ماليه واهسه واني متوقع راح يجي الصبح والسبب گلنه نعرفه تنحيش مدام هيفاء اگيد لو بيدها چان ذبحتني گدامهم
☆☆☆☆☆☆☆☆
محافظة الانبار قضاء راوه
العصر
بيت محمد
عند هديل گاعده بغرفتي وفاتت عليه رهام..
رهام"شنوو اخبار الحب شو لا حس لا خبر اذا ماتصل يسئل أنتي خابري واطمني عليه شنوو منتظره بدال مگاعده لحالچ وصافنه..
هديل"لا طلبت منه يومين أفگر وافق..
رهام"والله أنچ غبيه شغلي عقلچ بابا راح يگول ماخذ چاهله تتهزم مني وراح يعوفچ وين أودي روحي ياگاع أنشگي وابلعيني وطميني ولاترجعيني..
هديل"شبيچ رجال وافق انتي ليش تدخلين..
رهام"هذا راح يصير نصچ الثاني وتشارگينه گلشي اهم شيء الثقه بيناتگم..
هديل"تمام بس هسه أتفقنه يومين ودللي ان شاء الله أحچيله عن گلشيء.
رهام"الله يهداچ يخيه وينطيچ ع گد نيتچ يارب.
هديل"الله يسمع منچ يارب تعالي گليلي بدال ماتنصحيني ليش مدگلين لابن عمي متعب يچي يخطبچ أو يعوفچ تا تشوفين طريقچ..
رهام"گلتلچ نگتب مصيري وماريد أزوج هسه أله أتخرچ
لذلگ عوفچ مني والتهي بالي صار زوجچ..
هديل"تمام عفتچ على راحتچ خيه
☆☆☆☆☆☆☆☆☆
م
حافظة البصره عند ريم
گاعده اني ورانيا بغرفتي بعد مراح معتز..
رانيا"سمعت بان متقدميلچ بيت ابو مزعل ورفضتي شنوو السبب.
ريم"ماگو نصيب وهذوله ناس تعبانين اترگيهم خلي يروحون ناس بطرانه.
رانيا"تدرين شنو اتمنى..
ريم"شنوو.
رانيا"أتمنى تلگيلچ شاب اخلاق وتصرين احلى عروس ياربي واهم شيء مايخليچ تسوقين هل سياره الي مخوفتني عليچ والله دنيه تخوف لاتروح تطلعلچ عصابه وتخطفچ.
ريم"لاتفائليلي تره أگو أهوايه ناس تسوق سيارات ومعليها شيء بس لا الخاطفين منتظرين ريم ترگب سيارتها تا يخطفونها لاتخليني أضحك ع أفگارج.
رانيا"گوني حذره والحذر واجب ولاتطلعين بوحدچ بلليل..
ريم"أصلن اني قبل المغرب بلبيت والدليل اني هسه گاعده يمچ.
☆☆☆☆☆☆☆
معتز
اجه حقي وگعد يرگب بالگامرات خليت أثنين گدام مختبري وبالشارع صغار...وحده صغيره ختلها حقي گدام باب مختبرها ع سقيفه ماتبين يم الشمعه..بهاي الحاله راح أطمئن عليها وعرف اذا تچرء مزعل وراد يقترب من عدها خلصنه وگاعد أحچي ويه حقي شفت سياره فاتت من يم المختبر ونزل وباوع وشاف المختبر معزل ومشه...
معتز"تعرف منووو هذا تا أتگد من الي شفته..
حقي"هذا مزعل شنووو يسوي أهنانه بس لاناوي ع مگسوره لصاحبة هل مختبر.
معتز"أگسر رجله قبل مايفگر يتجرأ ويچي يسوي شيء اهنانه..
حقي"سويت الگامرات لهذا السبب مو..
معتز"ليش هو أگو غير سبب.
حقي"أحچيلي ماعندي گلشيء.
معتز"اني أحچيلگ مو هسه والشيء شفته والي سمعته لاتحچي لاحد فاهم..
حقي"تمام دلل.
راح حقي ورگبت سيارتي ورحت للبيت ودا أفگر بمزعل أگيد ناوي ع نيه مو زينه ولازم احمي ريم من عنده بشر لزگه خما لزگه رفضتگ روح شوف طريقگ شعندگ مصر وبعدگ تريدها والله اني لو مثل مازن احبسها بالبيت ومخليها تطلع اله تنتهي المشگله نهائيآ.
☆
☆☆☆☆☆
صباح اليوم التالي
جامعة تگريت
عند ديم
بالجامعه گاعده اني ونور ع مسطبه بعد انتهاء المحاضره الاولى والثانيه الدكتور مامداوم..
ديم"تدرين أتوقع الي يشرح عبدالعزيز لنه يريد يلفت أنتباهچ..
نور"لا اذا شرح عبدالعزيز فهو خايف علينه وهاي شهامه من عنده..واذا ماشرح فهو مايريد البنات يلزگن بيه وهيچ بعد احسن
ديم"شگلچ قافله ع القضيه وماگو فايده من الحچي.
نور"دا تلاحظين نفسچ صاير تنتقدين عبدالعزيز ليش تريدين تگرهيني بيه وابتعد عنه..
ديم"سوري بعد ماتدخل واذا تدخلت زاعليني...
أچتي ياسمين..
ونادتنه وفتنه للقاعه..علمود شرح
گعدت بالقاعه بملل اول ستول يم الشباگ ..ودا يجتمعون طلابنه ويگعدون وينتظرون الشرح العظيم الي يشرحه متاگده عبدالعزيز.....الگل گعد دقايق واجه عبدالعزيز وفارس وفاتم للقاعه..
الي فاجئني گعد يشرح ويحل الواجبات فارس...
شرح الاول والثاني وصل واجب رقم7عاد.
باوعت شفته بدأ يحل غلط لن ماگو هيچ قانون عدنه..
هو وادا يشرح شفت الگل مندمجين ومحد قاطعه
تذگرت شلون بده يحچي عليه ذاگ اليوم بس گمشه رائد باوعت عليه واني أگول أگيد ماراح يتخبل أذا حچيت گدام الطلاب ولازم اگول خاف يرسبون من وراه.
ديم"ممگن سؤال.....باوع عليه بنضره حاده...
فارس"أگو شيء مفاهمته..
ديم"منين أجه هاذا القانون..
گعد يعيد الخطوات...ومصر ع حله قررت أحچيها والي يصير خلي يصير..
ديم"بس حلگ غلط القانون ماگو بالمنهچ...
گلت هيچ لو گلها صارت تباوع عليه شفت الانزعاچ واضح ع ملامحه باوع عليه واني مستعده اسمع رزايله..
فارس"أذا دگولين حلي غلط تعالي وحلي بطريقتچ تا نشوف نفس الناتچ...
باوعت عليه واستغربت ردة فعله بس تاگدت يريد يحرچني بس مو ع ديم هاي السوالف..
ديم"گمل حلگ واذا طلع مثل الگتاب فهو صحيح بس اني واثقه حلگ غلط اصلن القانون ماگو بالمنهج..
گعد يحل وطفر خطوه وطلع الحل مثله الناتچ النهائي..
ديم"غلط غلط انت رهمت الحل ترهيم بالله عليگ وين صار اگو هيچ قانون..
فارس"تعالي على الصبوره وحلي وشوفيني الحل الصحيح وگافي تعلقين...
..مد ايده وبيها القلم تا اخذه....
گمت من مگاني واخذت القلم من عنده شفته مبتسم واستند على الصبور بالزاويه وينتظر حلي..
ماعرف ليش شعرت بالريبه من عنده بس تقدمت أشعر بانه دا يتحداني.....گمت مو ديم الي يخوفها شيء مع العلم اني مو فاتحتها للماده ع شرح دكتور قبل گعدت احل واحس الگل يباوع عليه وهو من ضمنهم.....وصلت النهايه واتفاجئت الحل غلط.....
سمعت صوته ناصي أثق محد سمعه غيري...
فارس"ردت أثبتلچ لاتتحديني لاني المنتصر
دائمآ وتره طفرت خطوه تامتتفشلين گدامهم لذلگ اذا تريدين تحفظين مي وجهچ ابقي بعيده عني ولاتشوفيني وجهچ ابد انطيچ انذار اخير تگفي شري..
بقيت ساگته واني اباوع عليه حطيت القلم على المگتب وگعدت....باستولي واني أغلي هذا شنووو دا يحس لا وعود مسوي روحه يتفضل علي لوما گاعدين چان عرفت شلون أوگفه عد حده وعلساس اني الميته ع شوفت شگله
فارس"هذا سوال أتضح بيه أشگال راح نسأل دكتور بس يجي وخلينه نگمل هسه شرح شگرآ على تقديم رائيچ نسيت أسمچ ذگريني..
ديم"أذگرك مابيها شيء ديم يجوز الشرح أثر عليگ خلاگ تنسه..
رائد"گمل شرح فارس لن راح تبدي المحاظره لاتضيع وقت أگثر..
فارس"تمام.
اعرف ليش تدخل رائد يخاف من فارس لايسوي مشگله اعرفه يريد يستفزني بحرگته الله يگفيني شره يارب.
گعدت واني مو مهتم لشرحه ولا اريد أبقه بس باقيه علمود نور وتاميگول سمعت گلامي وراحت...
خلص الشرح وطلعت اني ونور وگعدت بالحديقه
نور"ها شفتي توقعچ غلط..
ديم"لاول مره اتمنى يطلع صحيح..
نور"ليش دگولين هيچ وتراها مابيها شيء گمتي تحلين وحتى فارس خطأ وهو مسيطر على الماده لاديرين بال.
ديم"لا ماديره بالله والامتحان الله گريم ان شاء الله تچي اسئله سهله والگل ينجح..
نور"الله يسمع منچ يارب..
أچتي منى...
منى"عفيه ديؤمه اريد اروح للاسواق التربيه تجين ويايه ضروري..
ديم"تمام دللي تچين ويانه نور..
نور"لا أبقه أنتظرچ اهنانه..
رحت اني ومنى للسواق التربيه..
چان اشوف فارس فات من يمي وباوعلي بنضرات مگدرت افسرها تجاهلته وگملت طريقي واني أگول يمه هذا شنو يريد مني..
☆☆☆☆☆☆☆☆
عند نور
گاعده بالحديقه..
أنتظر ديم واباوع لفت نضري بنيه چانت تمشي وبس شافت أستاذ هاني.... ختلت وره الشجره وصدت بغير چهه شفتها مرتبگه وبعد مراح تنهدت براحه علامة أستفهام صارت براسي...
تقدمت من يمي البنيه وگالتلي ببتسامه أگيد شفتي الموقف وانتي مرحله الاولى مو...
نور"اي.
البنيه"باعي الاستاذ هاني هل سنه يدرسگم علم الارض عملي خليني أحذرچ من سالفه اني چانت عندي صديقه گلش غاليه عليه فيوم من الايام ضربت المحاظره وطلبت مني أسجلها حضور فافترت الورقه علينه گلنه وسجلت اسمها ويه اسمي بان حاضره لگن الصدمه الي چانت ألدگتور بده يذيع اسماء الي بالورقه ويباوع ع شگل وعاد گالوله غايبه ماتبع الاستاذ ع الموضوع وتنهدت براحه معبالي عرفني من ذگائي گل واحد يسچل حضور بقلمه وقلمي گان احمر.ويختلف عن الباقين.
نور"گملي.
البنيه"خلصت المحاظره وطلعنه من القاعه عاد شافني بالساحه وناداني ورحت واني خايفه أهوايه من الي راح يصير..گالي أني تغاضيت عنچ اليوم بس بعد لاتعدينها تدرين سالفة الحضور بالجامعات مو أنچ حضرتي المحاضره بس وعلمود الدرجات سالفة الحضور واذا طلعت البنيه ماواصله الجامعه وصاير عليها حادث وانتي مسجلتها حضور لو ياسامح الله تنخطف ويفتحون تحقيق الشرطه راح تحملين مسؤليتها أنتي لن مسچلتها حضور وهي ماگو..گلتله ياستاذ بس اني مچان قصدي..
.گالي"أني ردت أگلچ تا تاخذين حضرچ وبعد ماتدخلين لن هاي وراها مسؤليه وتفوتين بسين وچيم وانتي على نياتچ بعد لاتعيدينها...
گلتله"أسفه استاذ والله مگان قصدي لاتحاسبني..
گالي"راح أمشيها لچ هاي المره وبس ردت احذرچ وهسه تگدرين تاخذين راحتچ.....مشيت واني ميته من الاحراچ فايته بهدومي ومستحيه أباوع عليه ماصدگت ع الله يخلص الگورس چان باقي محاضرتين وحده غبت بيها والثانيه حضرتها وانا ماگدر اباوع عليه أحس روحي مسويه مگسوره....أفشل وماگدر أواجهه هسه اني مرحله ثالثه وماگدر احط عيني بعينه ألؤم نفسي ع سويته وخايفه لا ماخذ غير نضره عني وگلما اشوفه بطريق اني اغيره أو اختل ماريد ألتقيه هسه راح دگولين ليش حچيتلچ قصتي تا تستفادين وماتگررين خطئي أبد وهسه رايحه محاضرتي راح تبدي..
نور"الله وياچ ديربالچ ع نفسچ..
البنيه"يسلمووو..
راحت ونسيت مسألتها عن اسمها بس قصتها غريبه ليش فشلانه من عنده ليش ماتواجهه وهذا خطأ حصل بالماضي ليش متذگرته لهسه منووو يگول الدگتور متذگرها
قاطع أفگاري جية عبد العزيز
عبدالعزيز"هاي ملزمه نازله جديده وهاي اخر نسخه چبتلچ ياها والبقيه تنزل باچر..
نور"يسلمووو عبدالعزيز تعبتگ ويايه..
عبدالعزيز"دللي ماسويت اله الواجب..
نور"شلون صرت بقه بالي يمگ وماگدرت أسالگ أول ماداومنه..
عبدالعزيز"صرت أحسن بس شفتچ..
أستحيت من حچيه....وباوعت للگاع.
عبدالعزيز"أذا انتي بخير اني اصير بخير وافتهمتي ع شرح فارس..
نور"اي افتهمت ع شرحه عاشت ايده قاطع حچينه چية محسن وگف گبالي..
الممثل"هاچ هاي ملزمه أشتريت وتذگرتچ..
اخذتها..
نور"شگرآ محسن تعبتگ ويايه..
محسن"تعبچ راحه ادللي تراني أبن منطقتچ لاتستحين من عندي امانه گليلي بس تحتاجين شيء..
نور"تسلم ماتقصر بارگ الله فيگ ربي يحفظك من گل شر ان شاء الله لادير بال..
راح محسن وتذگرت وجود عبد العزيز چان واگف ويباوع بنظرات غامضه
عبدالعزيز"ليش أخذتي الملزمه من عنده مو اني أنطيتچ ملزمه...
نور"عيب مردت أفشله وهو أشتراها واچه اذا افشله يصير تصرف مو حلو...
عبدالعزيز"خايفه ع مشاعره ماتردين تجرحينه مو طبعآ ابن منطقتچ وتحنيله...
نور"شبيگ عبدالعزيز شنوو هل حچي دا تحچيه من گل عقلگ تحچي هيچ وشبيگ ماصار شيء...
عبدالعزيز"أعذريني أنفعلت شويه بس أذگر مشگلت اخر مره وانزعچت وحطيت قهري بيچ..
نور"مايحتاج تعتذر مصار شيء...
عبدالعزيز"متاگده مشايله بگلبچ شيء عليه..
نور"أعرف هذا من حرصگ لاتخاف أنت معزتگ خاصه ومحد يغيرها بداخلي...
عبدالعزيز ببتسامه"شنوو نوع هل معزه...
باوعت شفت ديم چتي..
ديم"خير صاير شيء خما مريض..
عبدالعزيز"أحسن ان شاء الله شگرآ لاهتمامچ وهسه رايح اني اترخص...
راح عبدالعزيز..
ديم"شعنده اهنانه شنوو دا يسوي..
نور"جابلي ملزمه وشافني وحدي وبقه بين ماجيتي..
ديم"والله ويعرف يستغل الفرص..
نور"لاتضلمينه چانت يمي بنيه وحچيتلها القصه گامله مالتها..
ديم"هي غلطانه بس قررت تسجل صديقتها حضور ودا تگبر غلطها بس تجاهل أستاذها المفروض تخلي الامر طبيعي گل بني أدم خطأ ..وخير الخطائين التوابين.
ماگو شخص معصوم عن الخطأ بس المفروض ميگبر الموضوع أگثر..... يتبع الى اللقاء
في البارت القادم ان شاء الله
وعدتكم وقررت اوفي بوعدي2000گلمه واعلم بان هاي قليله بحقكم بس ماردت اطول عليگم ونزلته بس ان شاء الله البارت22يگون اطول
يسلمووو على تشجيعكم وتصويتكم ودعمكم اليه وعلى تعليقاتكم الحلوه
لاتنسو
التصويو
التعليق الحلو
في الختام
(استودعكم الله الذي لاتضيع وداعه)