رغم عذابك ألي حبيتك((باللهجه العراقيه))

part-19

يله نبدء
بسم الله
-صلو على نبي-

ديم"خطيه واضح حيل ماثر بيگ الموضوع....

عبدالعزيز"طبعآ ياثر انتي ماتعرفين بالگوه گدرت اقرأ الامتحان حتى توقعت روحي ارسب بس معرف شلون جاوبت على شرحه اليوم...
☆☆☆☆☆☆

عند ديم

"أباوع ع عبدالعزيز من البدايه واني شاگه مرضه والي شگگني أگثر گاعد مو بقسمنه بالبيطره وميقبل يگول لحد ومايقبل يروح للمستوصف أگيد يدور اهتمام وهاي نور بعد عيني مصدگته وخايفه لذلگ گل شويه اقصفه اريد نور تنتبه بس لگن لاحياة لمن تنادي..

ديم"صدگ مادامگ تعبان وصيتگ قبل لاتموت شنو هي..

عبدالعزيز"ليش متفائله علي..

نور"أسم الله علي الله يطول بعمره شبيچ وياه..

ديم"گلشي مابيه راح أروح أشتريله عصير..

عبدالعزيز"ميحتاج مامشتهي..

ديم"مدگلي شتريد..

احنه واگفين وعبدالعزيز گاعد فاتت من يمنه بنات لبسهن فاضح مو محتشم وحده منهن غمزت لعبدالعزيز بس ماهتملها وبعد ماراحن..

عبدالعزيز"هاي الي غمزتلي ماتستاهل تگون چنة امي..

نور"ليش؟

عبدالعزيز"لن أريد لامي بنيه مؤدبه محتشمه تخاف ربها..داري بابا وماما لو گبرم..

ديم"أذا تريد أني ألگالگ بنيه مؤدبه واحنه نروح نخطبلگ شدگولين نور..

نور بارتباك"اي عادي مامبيها شيء بس أشر واحنه نخطبلگ..

عبدالعزيز بنبره حزن"عايف الموضوع هسه بين مالگي بنيه مناسبه لن اعرف گل بنيه احط عيني عليها طير.

نور"ليش أحسگ مقهور أگو بنيه ردتها ومحصلتها...

عبدالعزيز"ماريد ازعجج بسوالفي...

نور"لا عادي احجي...

عبدالعزيز بنبرة ألم"قبل لانجي لتگريت اني وبنت جيرانه بس وعيت على هل دنيه واني اعرفها وربينه سوه واني جنت احبها واحسها هي هم تحبني على الرغم بعدنه چنه مراهقين ابتعدنه سنتين بسبب عمل بابا وبعدين رجعنه رجعت مشتاگ بس لي شوفتها وشوفت عيونها بس صار لگيتهم شايلن نحرگ گلبي عليها واني أريد اشوفها...

قاطعته ديم"لا لا فطرت گلبي يراد الحنلگ لحن حزين..

نور"أسگتي خلي يگمل گمل مالگ دخل..

عبدالعزيز"دورتلها بگل مگان وامالگيتها تصدگين حتى مرات اباوع للسمه وللگمر وأشوف صورتها بيهن...

نور"وشنووو صار مالگيتها...

عبدالعزيز"وصلني الحجي بانها تزوجت وعدها طفل..
تزوجت اول مشلنه خانتني أذگر بوقتها احترگت عيوني دموع وگمت أگره أباوع لبيتهم لن يذگرني بيها ملاگ هي اسم على مسمى بس راحت وعاد احنه سكنه تگريت وانكطعت اخبارها...

ديم"بالله عليگ شو ابجي شويه تا نعيش جو وياگ۔۔

نور"الله يعينگ والله..

عبدالعزيز"أنتو مامريتووو بموقف حزين او شيء اثر بحياتگم..

نور"وفاة جدتي چانت حيل غاليه علي..

عبدالعزيز"الله يرحمها وانتي ديم..

ديم"ماگو شيء اصلن الحياة متستاهل نحزن علمودها..

عبدالعزيز"طبعآ ماعندچ قلب عندچ حجر بگانه..
ديم"واني افتخر بهذا الشيء خما مثلگ گلبک ارهيف..
عبدالعزيز"الحمدلله غير أني عندي قلب..

نور سالته واريد انهي جدالهم"ماتشتاگلها هسه لو تشوفها گدامگ شنوو تسوي..

عبدالعزيز"صدگين اتمنى للها سعاده بس ماتحمل أشوفها گدامي لن تفتح گل جروحي..

دا يحجي عبدالعزيز بس مدري ليش مامصدگه قصته والدليل يريد يعرف هل احنه مارين بهيچ شيء فسالنه وصح نور چانت متاثره وياه اما اني بس گضيتها اقصفه هو غير يگثر درامه ويبجي تا نصدگه لا والنوب يشوف صورتها بالگمر لعد ليش ميشوفها بالشمس اريد احلف بانه دا يمثل بس ماگدر لن معندي دليل لو فايت تمثيل احسله شنوو سواه تحليلات مدري..

ديم"أشتريلگ ملح وحط عليه شويه يحرگگ بس بعدين يطيب..

نور"شبيچ دستي بگلب الولد مايصير..
عبدالعزيز"عوفيها على راحتها وهسه شگرآ راح أتصل بفارس واطلع تعبتكم ويايه..

نور"العفووو دلل انت ساعدتني هوايه هذا أقل شيء أسوي بحقگ.

ديم"شلون نعوفگ لاتروح يصير بيگ شيء مع العلم اشوفگ تحچي وتحسنت بس خلي احد يجي ياخذگ راح نگفلگ يم الحانوت وانت أبقه گاعد واتصل بس نشوفگ رحت يله نروح..

عبدالعزيز"تمام....

أبتعدنه ودقايق اجه فارس علي وعلى ملامحه القلق وبعدين گاده وراحم.

نور"ليش احس بينچ وبين عبدالعزيز عبالگ عداوه..

ديم"لا انتي متوهمه حياتي وضيعنه الوقت تا نگمل محاضراتنه...

☆☆☆☆☆☆☆☆☆

محافظة البصره
عند معتز

نسيت ماعرفتگم عن نفسي وخليتگم تشوفوني من چانب ريم فقط....اسمي معتز العمر33سنه تخصص جراحه عامه بس عندي خبره مجال طب الاطفال واشياء هوايه تعرفونها عني لاحقآ.....

أجيت من الخارج واول ماجيت لفت نظري بالبيت يحچون عن ريم هدى چانت تخابر تدور عريس لريم...

سمعت من اهلنه انها عدها مختبر تطلع تفوت بكيفها وبان ماتشتغل بي شيء اصلن استغربت ليش يريدون يزوجونها دفعني الفضول بس ماگترثت....

بعد ايام تمرضم جهال هدى ودگت عليه فسويت رحت للمستشفى وردت اصدم بيها اعرف جنت مستعجل بس عطت عليها لو ردت صدمتني جرائتها..
والحلو بالموضوع أگتشفت انها ريم الي اخبارها وصلتني قبل لا اشوفها.....

بوگتها طلعت من المختبر تسوي تحليل وركبت سيارتها لو نرفزتني حرگتها شلون اخوها هيچ يخلها بوحدها مايخاف عليها لا احد يخطفها الدنيه ماتتامن....

رجعت وتشاجرت وياها وگلتلها اله اربيچ...واحلى شيء قبلها بس عرفت اني دكتور.

اني يحبوني بالمستشفى وگلمتي مسموعه ومدير المستشفى صديقي طلبت من عنده يخليني مدير قسم فوافق وصرت المسؤل عليها الي فاجئني چانت ماداوم يساعدونها هوايه وهذا الشيء مايصير...

.فغيرت جدولها وخليتها داوم الاسبوع گله تا اشبع من شوفتها ودزيت عليها وحجيت وياها والي عجبني حجت ويايه بهدوء وبعدها انتظرتها بالگراج وتجادلت ويايه اعترف انها تصير احلى بس أتعصب شخصيتها قويه وتبقى تستفزني رحتلها ع مختبر ومقبلت تاخذ تحليل اصلن تحججت ورحت بنفسي وعناد بيها مشيت گلمتي عليها أريد اثبتلها بان أگو يوم راح يجي واتعلم شلون تحترم وطيع...

مرت الايام وماخلت من مجادلاتنه

باحد الايام سمعت بيت ام هيثم تقدمم للها راح تسالوني شلون عرفت عن طريق اهلي گالتلهم هدى...

فعرفت هذول ناس چاين ع طمع حچيت وياها بس چانت مستعجله ولبسها صدمني الجني بس يشوفها راح ينخرش شگلها ماتريد زواج مثل مادكول هدى عنها..

..الي محد يعرف الى الان اني الي خابرت وگلتله لمازن عن بيت ام هيثم وبانهم ناس جاين على طمع ومايفدونها فسمع گلامي...

بعد فتره بدت تطلع أشاعات من بيت ام هيثم انها بنيه ماتخاف الله وتطلع وطب بگيفها ومامربيه ومثل الايمو.
اني ماگترث بحچيهم لن اذگر شگلها فالناس حچم الي شافوه...

اني جنت أدور أفتح عياده قريب من عدها فسويت تاجرت گبال مختبرها ماريدها تفارگ عيوني حتى مرات أوصلها للبيت بدون متشعر الحگها بسيارتي..

رحت لبيتهم ردت اشوف ردت فعل مازن لن هدى گالت مگلتله وبقيت للعشى واجتي متاخره گالعاده ومقبلت تجي تعشه وگالت بان بس تشوفني يزداد تعبها أعرفها تقصدني واعترف گلما اشوفها ماقدر اشيل عيني عنها....

الي افتهمته أنها تمشيء الي تريده والي براسها تسويه وماطيع احد....

.ثاني يوم شفتها مافتحت المختر والي بعده مجتي للمشفى أجتي سها تدور أجازه للها طلبت من عدها تگعد وتخابرها وتسالها ع سبب

أرتبگت واعدتها بان مگللها شيء وانو احنه نسابه وخاف واگعين بمشگله تا اساعدهم سمعت گل حچيها ويه سها وشلون مسويه ويه ام هيثم وبان مازن يريد يغصبها على زواج وبانه حابسها وميريدها تطلع أبتسمت واني اگول والله ثاريچ مو هينه هبلتي الناس...

گطعت الخط وبعد دقايق اتصلت من تلفون سها عليها اريد اسالها اشوفها شنو تريد تجاوبني وعذرها ع اجازه

الي صدمني بس گالت اليوم خطوبتي وباجر عرسي مبقه عقل براسي واني أفگر انها راح تتزوج ماعرف ليش بحياتي گلها مانجذبت لبنيه واحس روحي هي تشدني للها...

..أنتضرت وسالت هدى...وهدى گالتلي يريد يزوجها غصب وانها أتفقت اتساعدها

سالت وعرفته مزعل....چنت دا افگر شلون اخرب الخطوبه بس هدى گالت أنهن متفقات فما تدخلت...

انتظرت ومحصلت رد أدك على هدى ماتشيله واني مشتعله روحي اريد خبر من عدها قررت ادگ على مازن والي فاجئني يگلي هدى تعبانه....الف شيطان گمز شنوو صار ليش تعبت سقت سيارتي ورحت للمشفى الدقايق صارت تمشي بطئ نزلت من سياره هدى مبينه متعبانه مثل مگال وريم..

اكيد هاي ريم لابسه عبايه ومتلثمه والله متنعرف يجوز هججتهم بهيچ لبس...راح مازن وشفت نظرات هدى وريم....وبعدين گاليلي عن الي صار...

وقررت اساعدهم چانت تسالني واني ارد برود واتذگر شجارنه الاخير لوما لازم اعصابي بذاگ الوقت ردت اضربها اعترف....

اخر شيء شفتها تنرفزت فگلتلها راح اساعدچ مشيت وعفتها.....

دگيت على الشيخ كريم وطلبت مساعدته لن ماريد مازن يشگ گل شويه مخرب خطوبة اخته فوافق الشيخ وحجيتله عن الخطيب مزعل...

وگالي راح ادگ على مازن....صح ماطول ودگ لن مبين مزعل لزگه ويريد يتزوجها على الرغم من مرض هدى...
اجه مازن متردد وحجيت وياه واقتنع جزيئآ وحجيتله ع دوام وگال باجر داوم مردت اشگگه...

صراحه تعودت على شوفتها بالدوام وبالمختبر واليوم ميحلى بدون مواقفها.....رحت للمستشفى وطلبت من گل شخص يبصم وحصرآ بمگتبي تا اشوفها وطلبت من سها دگللها بس تجي.
☆☆☆☆☆☆☆☆
محافظة البصره
عند ريم

گعدت صبح وخابرتني اختي راح تجي من العامريه هي وجهالها وگالت راح تجي بگراج البصره واخذها مناگ واجيبها للبيت چنت فرحانه گلش..

رحت للمستشفى واني مشتاقه گلش للداوم والمختبر وللطلعه....وصلت المستشفى گان الگي سها بالمختبر..

سها"دكتور معتز ينتظرچ بالمكتب...

ريم"خير أگو شيء..

سها"لا بس روحي وقعي حضور لن يعتبر الشخص غايب اذا مايوقع گدام اسمه...

ريم"تمام..

رحت للمگتب ودگيت الباب...

معتز"تفضل..

فتت....ريم"السلام عليگم..

معتز"وعليگم السلام..

ريم"بس بخصوص الحضور...

معتز"تعالي وقعي...

تقدمت وقعت گدام أسمي..

معتز"انحل موضوعچ وشلون هدى گلشي تمام...

ريم"اي تمام وماگدرت أشگرك كدام مازن شگرآ ع سويته..

معتز بنبره مبتسمه"ماسويت غير الواجب بس يحيرني ليش ماتردين تتزوجين.

ريم"بس لا شفت نفسك ساعدتني عبالگ يحقلگ تسأل عن حياتي الخاصه محد له دخل بيها دكتور..

معتز"يجي يوم ومصيري أعرف سبب رفضچ للزواج وانتي دكليلي بنفسچ..

ريم"ابقه احلم دكتور سلامي..

معتز"بس معظم الاحلام تحقق..

ريم"اليوم فرحانه ماريد شيء يعگر مزاجي لذلگ ماريد ارد عليك...

معتز"الله يديم الفرح عليچ..

ريم"تسلم دكتور..

طلعت من المگتب وماريد أطول حچي وياه...ورحت اشتغل...

.بعد مرور بعض الوقت...
خلص وقت الدوام ورحت للمختبر....

فتحته وگعدت اشتغل استئذن ياسين وحلا وطلعم..
بقيت فاتحه المختبر وعيني على الساعه گل شويه أدگ..
على رانيا اشوفها وين وصلت...

ريم"ها رنووو وين وصلتي...

رانيا"تقريبآ كمنه نصل وهذا حسين يريد يحجي وياگ..
گمت من مگاني تا اطلع خارج المختبر..

ريم"هلا حسوني حياتي گلبي...

حسين"خاله أنتي تجين تاخذينه مووو واريدچ تعزمينه لن جوعان حيل..

طلعت بره المختبر واريد اسد الباب...

ريم"أنطيگ اعيوني اذا اتريد أمر مسافة الطريق واگون عندگ وأبارقى مطعم أغديگ....

حسين"بعدچ تحبيني خاله لو نسيتيني.

ريم"احبگ ومستحيل أحب احد غيرگ...

حسين"ماما دكول هسه تزوجين وتنسينه..

ريم"ماأزوج لاتخاف تا ابقى احبگ انت وبس وهسه باي مسافة الطريق واكون عندگ...

گطعت الخط...وگعدت اسد بالمختبر..

سديت الباب والتفتت واريه

..وشفت معتز واگف ومعصب هذا شبيه يربي....قررت تجاهله والمشيء..

معتز بنبره غاضبه"هذا منو الي دا تحچين وياه..

ريم"مايخصگ....

معتز"تگفي شري ياريم وجاوبي مادام النفس عليچ طيبه..

ريم"منووو انت تا تدخل منو انت وباي حق تسالني ويه منووو اتصل اخوي مازن هو أخوي وماعمره سالني.

معتز"ماعيد گلامي ياريم أتقي شري.

ريم"لا صدگ تراني خفت عمي روح من گدامي مابقالي وقت أخرتني..

تقدم معتز بتجاهي وملامحه ماتبشر بخير ابد...
ماعرف ليش جنت أرجع ولزگت باب المختبر..

وگف گبالي يفصلنه نص متر..

معتز بنبر حاده"جاوبي..

ريم"لا..

محسيت اله ايده تنمد واخذ تلفوني من عندي...

ريم"باي حق تاخذه رجعلي ياه..

مارد عليه وگعد يگلب بيه...اول شيء مصدومه من طريقة تفگيره معقوله عباله دا احچي ويه شاب..
ثاني شيء احنه مگان عام والناس دا تتمشى ماريد اسوي فضيحه..

دگ معتز وحط تلفون على اذنه..
شووووو انصدم وانطاني تلفون...

رانيا"الو ريومه هاي وينج تسمعيني دا ننتظرج وينچ..

ريم بارتباگ"دقايق واگون عدگم اجاني مريض فاطريت اتاخر...

رانيا"تمام ننتظرج...

سديت الخط...

ريم بنبره قهر ماتعرف ليش ناس تضلمها دائمآ"نصيحه روح تعالچ تفگيرك مريض وهاي أختي خاف متعرفها رانيا وجهالها واذا مامصدك تعال للبيت شوفهم.

باوعت عليه ماعرف شبيه يباوعلي بنضرات غريبه ماگدرت افسرها...

تذگرت رانيا ورگبت سيارتي ومشيت ومنتظرت اسمع رده
☆☆☆☆☆☆☆☆
محافظة صلاح دين
جامعة تگريت
عند عبد العزيز

فگرة هوايه ولگيت طريقه لن نور احسها زعلت لن تهمت روحي بدالها چنت اراقبها وشفتها وحدها وتضاهرت بالمرض وطلبت منها نروح بعيد عن قسمنه تا محد يفضحني من ربعي..

شفت خوفها وقلقها بعيونها وگعدنه چتي ديم وهاي اخر وحده تمنيت وجودها چتي بوقت مامتوقعه وخفت لاتلوصلي الاول والتالي أحسها صدگ گاشفتني گضتها گل شويه تستهزء بيه واني أعصابي بالگوه گامشها وخايف تا انگشف اعرفها چانت تستفزني وخليت الامور طبيعيه..

فاتت بنيه معرف منين هي غمزتلي ماهتميت استغفر الله بنات اخر زمن...

گتلها بان مترهم چنة امي سالتني وگعدة احچي تدخل ديم دا يلوصلي سلسلة أفگاري..

حاولت اتجاهل تعلقاتها بس الي أنتبهت بس چابت موضوع الخطوبه ديم نور أرتبگت حسيتها تگن لو واحد من10مشاعر اليه..

گعدت أرويلهن قصه وسويتها قصة حبي الحمدلله اني سريع بالتاليف حتى اني انصدمت من نفسي لو صاير گاتب احسلي..

بس هم ديم چانت تستهزء علي اما نور لامبينه متاثره بالقصه سالتهن مارات بهيچ شيء چان يدفعني الفضول اريد اعرف نور حابه تعرف بقصص الحب لو لا..

فچاوبتني بان جدتها ماتت ومنقهره محصلت شيء وتا ماتشگ بيه سالت ديم وجوابها گالعاده صادم..وقصفتني وبعدها حجيت شويه وعاد شگرتهم مردت اتجادل أگثر وراح تشگ باني مو تعبان..

گتلهم راح اتصل بفارس فبقن ينتضرن على بعد مسافه..تنهدت ودگيت ع فارس..

عبدالعزيز"هلو شلونگ فارس اني تعبان ودايخ تعال ع گافتريا البيطره بوحدگ ولادگول لحد...

فارس بنبره قلق"خما بيگ شيء..

عبدالعزيز"خفيفه ان شاء الله..

دقايق واجه فارس وسويت روحي تعبان واستندت عليه ورحنه بتجاه الگراج وخليته يسوق بدالي..

بالطريق

فارس"تگدر تخدع الگل بس شگلك مايوحي بمرضگ مادگولي شنوو هل الدراما الي خليتنه نضرب اخر محاضره من وراها..

عبدالعزيز"والله أنگ ذگي بس تدري ديم هم شگت مثلگ بالامر..

فارس"ليش شنوو صار احجيلي..

عبدالعزيز"حچيتله گل الي صار..

فارس"ههههههه تستاهل والله ردها أجه بگانه تا تعلم ماتصير حيال ع بنت ناس..

عبدالعزيز"هسه انت ويايه لو ويه ديم..

فارس"صراحه هل بنت عجيبه احسها تعرف بگل شيء وبنفس الوقت ذگيه تدري لحد ألان شايل بگلبي عليها شلون تجرأت وسمتني مجنون بس ماريد اضهر گدامها لخاطرگ بس نصيحه عوف نور لو أخطبها..

عبدالعزيز"شگلك مصر ع قضيه گلشي بوقته حلو لاتخاف وأگلك لاتحط ديم أبد بعقلگ گلبها حجر أشگ عدها مشاعر واحاسيس..

فارس"ومنووو گالك أفگر بهيچ أمور اني ماتهمني غير دراستي وعملي ومستقبلي بس..

عبدالعزيز"اتمنى يگون گلامك صحيح وماتورط مثلي..

☆☆☆☆☆☆
محافظة الانبار
قضاء راوه

عند هديل.

گعدت الصبح واني أذگر أتصال حسام بيه واني مجاوبته وأخر شيء گتبتله تعبانه بعدين نتخابر لن هسه نايمه أحس روحي محتاجه وقت تا أتعود ع الوضع الي اني بيه أحس حياتي دا تمشيء بسرعه واني ماحس بيها.....دگ تلفون وباوعت حسام وماشلته..
وصلت رساله فتحتها..

حسام(والله اذا مافتحتي خط دقايق وأگون گدام بيتچ واگول لهلچ اريد اوصلها للدوام وتا اشوف الي يمنعني)

صفنت ع رساله واكول هذا شبي فات بيه جني من صباحية الله..

اتصل عليه وجاوبته..

هديل"الو هلو خير شرايد من صبح..

حسام"الناس تسلم تگول صباح الخير عمري وحياتي صباح الورد والياسمين مو خير شرايد..

سگتت ومجاوبته..

حسام"وين راح السانج ياروح حسام أحچي حتى لو بضوچه بطلنه منريد غزل.

هديل"بالله عليگ عوفني اعتاد ع الوضوع شويه انطيني يومين أرتب أفگاري واوعدگ أول مادگ اشيله ماطالبه هوايه بس يومين..

حسام"تدرين اليوم الي ماسمع بيه صوتچ شنوو يصير بيه..

هديل"أرجاگ لاتگمل خليني أرتب أفگاري..

حسام"تمام بس تره بعدني مذگر وعدچ وتحچيلي بعد يومين ان شاء الله ديربالچ ع نفسچ ولاتطلعين بوحدچ ابد.

هديل"تمام وشگرآ ع گلشيء تسويه من اجلي..

حسام"دللي في حفظ الرحمن..

گطع الخط وراح يابه وين أگوو مثل حنيتگ وتفهمك ياحسام ربي يحفظك والله خايفه أنت ماتستاهلني تستاهل وحده تحبك ومعدله.....يتبع الى اللقاء في البارت القادم ان شاء الله

تعبان وماهان ع گلبي انام بدون مانزل لخاطركم بارت حتى لو گان مو ذاك الطول بس لخاطركم اسوي گلشيء

يسلمووو ع تصويت والتعليق والتشجيع
لاتنسو
التصويت
التعليق الحلو

في الختام

(استودعكم الله الذي لاتضيع داعه)