طاقة تحمل

بــارت تـَصـبـيـره

الـسـلامُ عــلـيـكـم🌻🌼

طاقة تحمل
الكاتبه_العباديه
بـارت تـصـبـيـره لـ11

بِـمَ الـتّـعَـلّـلُ لا أهْـلٌ وَلا وَطَــن
وَلا نَـديـمٌ وَلا كـأسٌ وَلا سَـكَـنُ.

~~~~~~~~~~~~~~~~~~~~~~~~~~~~~~~~

راح حضر الخبطه مال السميت واني واكفه يمه والباب الرئيسي مردود رد مامقفول.

ظليت انطيه وهوَ لازم المالج ويلبخ بالحايط.

هبت ريح قويه وبسرعه الباب انفتح ومر واحد من الشارع وجان يباوع على بيتنه يعني صارت عيني بعينه هوَ معلگ يلبخ من شاف الباب انفتح ماحسيت غير المالج اجت طايره عليه بالهوى..

اني من رفعة إيده عرفتهه راح يشمرهه عليه بسرعه رجعت لوره .. بس مرت من يم عيني كلش يعني لو ماراجعه وباقيه صافنه جان نبتت بعيني.

نزل ركض سد الباب وبلش الغلط وناط من الحرگه ظل يعض بإصبعه

- ولججج شاااففججججج شااااففجج

اني بس صافنه بردة فعله هاي بدل مايعتذر وييرر موقفه محتار شلون شافني

- اخخخخخ يربي انتِ شلون ماتسدين الباب وشلوون تلبسين هيج دشداشه شلللووووون

ظل يفتر ويغلي .. اني جنت لابسه دشداشه شلحه ربع ردن بإعتبار بيتي ومحد بيه بس اني وياه ف ماخذه راحتي شعرفني هوَ ماساد الباب اني هنا طفح الكيل رديت بعصبيه.

- يعني منو خله الباب مفتوح هم اني؟؟ وبعدين شنو شلون البس هيج هـٰذا بيتي وبراحتي البس وشنو يعني واذا شافني موقف وصار هسه من عصبت وضربتني رجعت الوقت؟؟؟؟ ماسويت شي بس دتضر بيه

- ومكيفه حضرتج شافج بهالمنظر؟؟؟ هسه شيكوول؟؟

- يكول رجال ومرته عايشين وحدهم وتلبس براحتهه

- انتِ ناويه تخبليني بسسس كولي ناويه عليه اليوم اذا خاف ماطيرت عينج هالمره اطير راسج

- تعال طيرني بعد حطلي جناحات وخل اسوي مثل عباس ابن فرناس عود اذا وگعت مشكلتك

- إنتِ جايه تحششين عليه

- لا لا حشاك يابه حشاك كلشي ولانحشش عليك

ظل يباوعلي وخازرني بنظرته هزيت إيدي ودخلت من باب المطبخ. صاح وراي

- بعد ممنوع منعاً باتاً توصلين للطارمه

التفتت عليه ببرود كتله

- ليكون جايبني بقفص حتى تسجنني؟؟

- اي والله بكيفي شأسوي أسوي براحتي وبعد طلعه ماكو

زفرت نفس بعصبيه ودخلت لجوه..

كال

- هاي الدشداشه غيريها وبعد مااريد اشوفهه ابد

رديت ببرود واستفزاز

- والله هالدشداشه خصيصاً كلشش احبهه وماراح اسويلهه اي شي

- هـا لان شافوج بيهه؟؟؟؟؟

استهزأت بنبرة كلامه

- هـه شتريد تفكر فكر

دخلت هوَ وراي واتجه لمكانه بالصاله بس بركان مطمور بوجهه بأي لحظه ينفجر !! ..

اني رحت للصاله اتمختر بمشيتي مقابيله  وطلعت اللحم من المجمده .. دنگت برزت ملامحي من الخلف اول مالتفتت لكيته خازرني ويلعب بلحيته والحاجب معلگ بالهوى.

هز راسه بوعيد ونزل عينه ع الموبايل وظل يتصفح ويهز براسه ويهمس ويمد باالكلمه مد مال تهديد قوووي

- تــمــام ... تــمــام

ضحكت بداخلي بس مابينتله. رحت للمطبخ نكعت اللحم وظليت احمس بيه ..

حسيت بخطواته وراي اني هم كابرت ومالتفتت ويكول كاتله نفسهه عليه وتتلفت .. بقيت بمكاني ومندمجه اطبخ.

حسيت انفاسه صارت برقبتي وكلش قريب عليه !

ماحسيت غير على صوت (وششششت) شگة الدشداشه !! حسيت جسمي كله إنكشف !! عرفته شگ الدشداشه عليه !!

شهگت والتفتت مصدومه .. لگيته شكله مدخن والجكاره بحلگه.. ورافع حاجبه بإنتصار وشماته !!

لزم الجكاره بإيده وعض شفته التحتيه

- هـا هسه تحبيها موو؟؟

- إنتَ صدگ ماتستحي !!

- هـاي جزاة اليعاند

سحب الدشداشه واني مچلبه بيهه بس هوَ اقوى مني سحبهه حيل ٱجت بإيده لزمهه وشگگهه وصله وصله واني محتاره اغطي ياجزء بجسمي !!

كال

- هاي حتى بعد ماتكدرين تخيطيهاا !!

ظليت صافنه على تفكيره الشيطاني !!

ركضت من يمه بسرعه وسحبني من إيدي عليه انلزكت بصدره !!

كال

- تعالي انتٍ مو تكولين تشافيت ومابيه اي تكيس خل نشوف النتيجه

- عززا وخررر

ادفع بيه وماكو شالني واني اصرخ وميته من الخجل تمنيت الارض تنشگ وتبلعني على هالفشله ..

صح زوجي والمفروض مااخجل منه بس شي بداخلي عنده حياء من كلشي يصير ع المكشوف..

سحبني للغرفه وطلع إشتياقه مال فتره طويله.

بالـ10 يلا تعشينا ونمت هاليوم نام يمي ع الچربايه وتصالحنه طبعاً ماإلي نيه اصالحه بس حچي ساره براسي كله تلوم بيه وتكول هسه لما يروح منج يلا ترتاحين وتكول انو لساني طولان وارادده واعانده !!

مگروده شوكت مراددته عمي افقر الفقراء آني.

كعدته الصبح وتريگنا بهدوء اخيراً ولازم إله يوكلني بإيده شكد غريب هالمخلوق محيرني والله ماگدر احزر تصرفاته شنو !

ساعه هادئ ساعه معصب ساعه حنين وماكو أحن منه وساعه خبيث ويعاند !!

اريد احدد شخصيته بالضبط شنو مااعرف !!

طلع للدوام وآني رحت خابرت ساره هم گاعده لان اثنينهم يطلعون سويه ..

زهراء.. يلا لج انطيني الموجز مال الاحداث

ساره.. خفه ويهچ شگالولج عني الشرقيه نيوز

- لا والله الشرقيه مگروده وفقيره اذا توصل يمج بشبر

- شهاده افتخر بيهه هههههاي

- اي ع الگالات تفتخرين .. دحجي اليوم شنو اخبار السعالو شسون ماسون

- يعني شسون كالعاده صافات سويه واني فقيره مسكينه مستكينه لااخت عندي ولااخ

- اهوو راح تدگ اليتيمه ... احچي يختي شنو الاخبار

- اكلج بصراحه بصراحه .. وره ماراحت ام سعيد إجه كرار وانطيته الموجز وتخبل كال شلون هيج تجي مره غريبه وتخطب وحده متزوجه وين صايره هاي وسجى عرضنا وبنت خالتنه تايهه هيُ وتجي تخطبها لاابنها لا ومطلگ

- إي وشسوت السعلوه الصغيره

- راحت لعمتي ولعبت لعب تلگهه آني اريد اتزوج شنو لهسه محد متقربلي وج تريد تموت لان محمد لابسها هاي البنت مفلفله

- سسسساررره عيبببب هالكلمه

- يـااا شمالج وياي عود داحجي براحتي شكولج مو مال شقى مالت عليج وعلى ويهج

- اهو راح تگلب ع الكويتي كملي يختي

- اي خيه المهم اني مثل ماتعرفيني وشلون مااحب الگالات ولااطيقهن ف رحت گلت لكرار وكتله شلون سجى تركض منا ومنا وطايره بالعريس وكتله تكول لو هوَ لو مااريد وزودت كلام من يمي مو بيدي عراقيه وهاي موهبتنا لازم شويه كلمتين منا ومنا تتجمع الگاله

- ههههه ذني الكلمتين التكولين عنهن إحتمال مطيراتنا للفضاء واحنه مانعرف

- يجوز الله اعلم كلشي يصير

- عزززا ولج شمسويه كولي

- فقيره اني شأسوي قابل

- نشوف يسويران نششوف

صارت بالـ10 سديته منهه وبلشت اطبخ بالغدا ومرتاحه اليوم لااول مره .. اطبخ وادندن احس نفسي طايره تقريباً المشاكل خلصت لاسجى ولاتكيس ولاعمتي بس العناد وان شاء الله اقلله ومن البارحه وعدت نفسي .. بس شأسوي للساني ألا اسويله تخدير من يحجي محمد يلا ارتاح..

صارت الساعه بـ12 ومحمد لهسه ماكو !!

أتصل عليه مغلق !!

عززا وين راح ؟!

الخوف دب بجسمي وحسيت برهبه مو طبيعيه خاف صاير بيه شي !!

لا ياالله كلشي ولاتفجعني بيه اموت وراه.

تهيألي كلشي واني لحد الآن ممتأكده ..

ركضت بسرعه ع الموبايل إتصلت بساره ماترد !

يربي خير شكو !!

اتصلت بكرار هم ماكو رد !!

گلبي راح يوگف يممممه..
رحت إتصلت بساره وظليت الح ماخليت الاتصال ينقطع..

ردت ساره وصوتهه مرتبك

- شبيج ولج ليش متجاوبين خبلتيني اريد اسئلچ على كرار رجع من الشغل محمد لهسه ماكو

- محمد هاذيا عدنه !

- شيسوي عدكم

- زهراء صخام بوجهج

رجفت وحصرتني البچيه رأساً

- ساره شكو رحمه لربج لاتهبطين

- هـٰذا رجلج جاي متحامي ويعارك يريد مرته !!!!!!!!!

يتبع..

               الـعـبـاديـــه🌼🌻