قزومتــي المــسودنة 💕

تغییر الاراء♥ ... p.15

آدم : اساااامه !!!!

اسامە (و عیونە تلمع من الدمع ) : لك انته شنو من بشر ما تستحي ما عندك احساس ،،، حاط عینك علی البنیه الي ارید اخطبها ،،، شلون اخ انته ؟؟

آدم : مو بكیفك مراح تخطبها ،،، انته حتی ممدبر روحك شوف حالك شصایر بیك تالي ترید تتزوج ،،

اسامه : مو شغلك ،،، و اذا سمعتك مره اللخ تحچي علی نتالیا اگص لسانك ....

آدم : مو بكیفك راح اتزوجها و غصبا علی شورابك ...

اسامه (بصیاح) : هاي علیمن ولكككك ... ( تهجم علی آدم و بده یضربه بوكسات بوجهة )

آدم : تضربني وللككك والله اذبحك الیوم !!!!

(و آدم هم بده یضربه .....

اماني (بصیاح) : لااااا شبیكم آدم لا لا اساااامه ..

اسامه : یا &%&$ انتە شنووو ما تگلي ... ( و هو یضربه )

آدم : تغلط علیه اني اراویك ... ( و طلع سچینە من جرارتە و هجم علی اسامە ... و اسامە بس یحاول یصده عنه ... )

اماني (بعیاط ) : الحگووووووونە اییییااااود یووومم هذووولي راح یذبحون بعضهم یا عالللللم ...

آیاد(بصیاح من الطابق الاول ) : شكو شصایر یوليي اماني شصایر ؟؟؟

اماني (بصیاح و بچي ) : ایااااااد الحگنە ایااااد ادم راح یذبح اساااامه

ایاد (بصیاح) : شنوووووو !!!!

ایاد بساع رکض فوگ .... و اجە بساع فككهم من بعض و اخذ السچینە من ادم و شمرهە بالگاع و زگح بیهم ...

ایاد (بصیاح) : شبیكممممممم تخبلتو انتو ؟؟!!!!!!

آدم : اسٲل اخوك كل یومیه متعارك ویه واحد منه ما عاجبه العجب ...

اسامه ضل ساكت و ما حچە شي .... بس دنگ راسە و عیونە دمعت ...

ایاد تخبل من شافە بهالحالە ،،،،،، بلا ما یعرف شنو المشكله ضرب آدم راجدي بكل قوته .....

آیاد : تفووو یا %$& تشیل علی اخوك سچینە ،،، ترید تذبحـــــــه !!! واني عبالييي انته رجال مثقف و عاقل و واثق بیك طلعت اتنه انگس من الگ%$%*&

آدم : هیچ صارت تضربني یا ایاد علمود هذا النگس ... !!!

اسامه (بصیاح ) : لا تغلط تره والله اموتككككك ...

ایاد (بصیاح ) : بسسسسسسسس !!!! ‌انتو ما تجوزون من سوالفكم ،،، علیش تعاركتو بالله ... ؟؟ !!

اسامه : هذا القذر حاط عینه علی البنیه الي ارید اخطبها ،،، عاف بنات الكوكب كلهن و اجه عل الي احبها ...

ایاد : شنووو شهالحچي ؟؟؟؟ ما تستحي آدم !!!

آدم ( مسح وجهة و گال ) : و لیش حتی استحي غیر هذا الصدگ اني احبها و مستحیل اخلیه یتزوجها علی موتي ...

ایاد : انچب ابن القندرە انتە صدگ حقییر ،،، الدیره ملیانه بنات صارلي شهر اگلك اختار منهن وحده و من عیوني اخطبلك ایها عفتهن كلهن و تالي حطیت عینك علی خطیبه اخوك !!!!!

آدم (بصیاح) : مو خطیبته لا تخبلووووووني اكثر مو خطیبته !!!!

اسامه : خطیبتي و مرتي همینه و علی عنادك راح اخذها حتی لو ما چنت اریدها و راح تشوف ....

آدم : اخخخ یا چلبب ... !!

ایاد (بصیاح ) : بسسس سكتو ،،، اسمعوني زین ،، اليوم راح نفضها لهاي السالفه ،، راح اخابر ابو سیف و نحدد موعد لخطوبه اسامه ،،، و انته یا آدم اخطبلك بنت عمي ابو سعد ،،،،
و آدم لو سمعت صوتك او عرفت تحاول تسوي اي مشكله قسما عظما انهیك افتهمتتتتتتت !!!!

آدم(بصیاح) : و منو گال اني اریدها لبنت عمي ،،، بالگوە هي ؟؟

ایاد : اي بالگوە ،،،، و راح تتزوجها غصبا عن عینك ،،، خلاص اني بعد ما اگدر اتحمل مشاكلكم ،،،، تعبت ،،، ما صایره شهر من ابویه توفی و اني راح اتخبل من وراكم ....

آدم : ماشي ایاد سوي الي تریده بس صدگني راح اندمك و راح تشوفون (اخذ فونه و سویچ سیارتە و طلع و ضرب الباب قوي وراە ) .....

اسامه ضل واگف و ما یحچي اي شي ...

ایاد باوعله و گال ...

ایاد : یمته ترید اخطبلك اخویه ؟؟

(اسامه) تعجبت من ایاد و من ردتە فعلە ،، لان ایاد دائما یوگف ویە آدم من نتعارك ،، هاي اول مره یدافعلي و یرزل ادم گدامي ،،، ما ادري لیش هیچ تصرف ،،، یمكن یرید نتصالح ..

اسامه : بكیفك يمته یناسبك حدده ..

ایاد : الیوم سبت ،،، اني اگول الخمیس تكون الخطوبه ..

اسامه : تمام ...

ایاد : عجل خلي اروح اخابر ابو سیف .....

اماني : اييييي فدوة راح تعرس اسامه ،،، احله عریس والله

اسامه (بابتسامه) : فدوة لگلبچ ...

(ایاد) نزلت جوە للحدیقه و خابرت ابو سیف....

ابو سیف : الووو

ایاد : الله بالخیر حجي ..

ابو سیف : الله بالخیر حبیبي ...

ایاد : تعرفني لو لا ؟؟

ابو سیف :لا والله ،،، منو حضرتك ..

ایاد : اني ایاد ابن حجي مسلم ..

ابو سیف : اهاااا ،،، اهلا ایاد حبیبي شلونك ..

ایاد : الحمد لله عمي انتو شلونكم الولد ؟؟ عروستنه شلونها ؟؟

ابو سیف (بتوتر ) : هاا ،، الحمد لله زینین ..

ایاد : دومكم ان شاء الله ...

ابو سیف : الله یخلیك حبیبي

ایاد : والله عمي اعتذر حیل ،، انشغلنه شویه بسالفه اسامه و ذاك الرجال الي دعمه و نسینه سالفه الخطوبه ..

ابو سیف (بتوتر) : هاااا لا حبیبي و لا یهمك ..

ایاد : اي عمي ،،، شنو رایكم نجي الخمیس و نخطبها .؟؟

ابو سیف (بتوتر): احمم و الله ابني ما اعرف شگلك ..

ایاد : لیش عمي ،،، اكو شي ؟؟ العروسه مریضه بیها شي ؟؟

ابو سیف (بتوتر) : لا والله ابني ،،، بسسس ...

ایاد : بس شنو ؟؟

ابو سیف : ایاد ابني اسمعني ،،، نتالیا ..

ایاد : اي ..

ابو سیف : نتالیا اجوها مشایه ناس یعرفون الاصول و رایدیها لبنتي ...

ایاد : شنووو ،، شقصدك یا ابو سیف ،، مو عیب هالحچي ،، انته مو انطیتنه البنیه شكو هسه غیرت رایك ...

ابو سیف : لا ابني لا غیرت رٲیيي و لا شي بس یعني قسمه و نصیب و انته تعرف .... (قاطعه ایاد )

ایاد (بصوت عالي ) : لا ما اعرف اي شي ،،،، انته انطیتنه حچایە و عیب علیك تتراجع هسه ،،، و البنیه النه و مراح تصیر لغیر اسامه ..

ابو سیف : بس اني مستحیل اغصب بنتي او اجبرها تتزوج واحد ما تریده ..

ایاد :شنو یعني نتالیا ما ترید تتزوج اسامه ... لعد لیش بالبدایه وافقت و ما رفضت ،،،

ابو سیف :لان بالبدایه ما اخذت رٲیها ...

ایاد :و لیش هسه رٲي بنتك صار مهم یمك .. ؟؟؟

ابو سیف : اني طول عمري راي بنتي مهم یمي ...

ایاد : اسمعني ابو سیف ،،، الي فهمته من حچیك نتالیا ما ترید تتزوج اسامه و ترید تتزوج العریس الجدید ،،، بس اني ما مقتنع بهاي السالفه ،، و حتی اتٲكد راح اجي باچر و اجیب ویایە عمامي هم و ارید اسمع منها هي تحچي .... ماشي ..

ابو سیف : بس یا ابني (قاطعه ایاد )

ایاد : عمي لا بس و لاشي .... هذا اخر كلام عندي و هذا الي راح یصیر ....

ابو سیف (تنهد و گال ): لا حول و لا قوه الا بالله ،،، ماشي ابني ماشي ....

ایاد : تمام عمي فیمالا ..

ابو سیف : الله ویاك ..

سدیت التلفون و بدیت ادخن و اصفن و احچي ویه نفسي ..

ایاد (بسره) : اخخخخ یا ایاد بشنو ورطت نفسك .... انته تعرف كلش زین نتالیا ما ترید اسامه ... هي مو گالتلك من چنتو بالمستشفی ... شبیك لازگ بیها ترید تزوجها غصب لاخوك .... و بعدین هاي البنیه راح تجیبلك مشاكل ،،، یعني
مو شایف شلون آدم مخلي عیونه علیها ...و هي یعني ابد مو راحه ما تتوالم ویه خیریه ،، و انته مو ناقص مشاكل .. واللە باچر عگبە من تجي راح تگلبە للبیت من ورە مشاکلها ،،، بس شسوي و شیطلع بایدي غیر وصیه ابویه المقیدتني ... ما اگدر اکسر کلمتە .... یلا الله یسترها ویانه ... (قاطع تفكیري جیه اسامه )

اسامه : ها اخوي انته هنا ؟؟

ایاد : اي والله ... غیر خابرت ابو سیف ..

اسامه : هاااا ،، خیر شگال موافقین عالخمیس ...؟؟؟

ایاد : والله اخي ما اعرف شگلك هذوله غیرو رٲیهم ...

اسامه : یعني شنو ؟؟

ایاد : یعني نتالیا جایلها خطابه و امبین ناس زناگین و عامیهم عمي .... فهمه مستغلین الفرصه و ناوین یطوها الهم ..

اسامه (بعصبیه ) : شهالحچي غیر انطوها الیه ،،، لیش عبالهم ولد العالم لعبه بیدینهم ...

ایاد : والله ما ادري ....

اسامه (بعصبیه) : غیر راح احرگ اهل اهلهم ،،، نتالیا الیە و بس ،،، شکو العالم کلها طمعانین بنصیبي ...

ایاد : المهم اني سویت الي علیه ... و گتلهم باچر راح نجیکم و ارید اسمع منها هي تختار ،،، یٲما تختارك او تختاره ..

اسامه :زین سویت ،،، اكید راح تختارني ما یحتاجلها تفكیر ...

ایاد : هاااه هیچ واثق تختارك ..

اسامه : ولیش حتی ما تختارني ،، ناقصني شي ..

ایاد (بضحك): الله یشهد لااء ... كامل مواصفات ..

اسامه : اي لعد شعبالك ...

ایاد : ماشي استاذ كامل اني رایح انام تحتاج شي ؟؟

اسامه : سلامتك ..

ایاد : دیلا انته هم روح نام .. او قبلها روح اكلك لگمە ،،، حتی وجهك یصحصح شویه لباچر ... خطیه نتالیا حتی لو چانت موافقە علیك زمان هسه راح ترفضك من تشوفك ،،، عبالك طالع من مجاعه ... شنیهااي

اسامه : ههههه ماشي ..

ایاد (بضحك ) : تصبح علی خیر

اسامه : و انته من اهلو ابو ادهم ..

ایاد ( ابتسمتله ) فرحني حیل من صاحلي ابو ادهم ،،،

انداریت وطبیت جوه و رحت لغرفتي ... و نمت

///////////////////////////////////////////////////////////////////////

بغداد .... ساعه 11 بالیل ... بیت نتالیا ..

چنت گاعده بغرفتي ... طلعت للبلكونه الموجوده بغرفتي اشم هوا شویه ،،،، شفت ابویه گاعد عل المرجوحە و صافن ... گلت اکید هسە دیفکر بسالفە سیف و یوسف ،،،، و اشتغل عندي الفضول ،،، ارید اعرف منو هي الي خطبها ابویه لسیف ؟؟ .... فگلت اروح اسٲله احسن شيي ...

لفیت شعري الكفشه و نزلت جوه للحدیقه ... تقربت من المرجوحە و گلت ...

نتالیا : گواك الله حجي ..

ابو سیف : اهلااا نونو لیش ما نایمە بویە ..؟؟

نتالیا : ما اعرف ما یجـیني نوم ...

ابو سیف : لعد تعاي گعدي یمي خلي نسولف شویه ...

نتالیا : ماشييي

ابو سیف (بضحك) : كیفتي موو ،، هسه بس لو تشوفنه امچ راح تگلب خلقتها و تگعد تخوزر بوجهي ...

نتالیا : ههههههه اي حقها غیر انته زوجها و لازم تدللها ... هي منو عدها غیرك ..

ابو سیف : هااااه لسانچ طولان ست نونو ...

نتالیا : ههههه هو من زمان طویل بس اني چنت ضامته ..

ابو سیف : ههههه فدوه ... یاریت هذا الطول چان بجسمچ مو بلسانچ ...

نتالیا : لااااا لیش ،،، تعیب علیه ابو سیف والله زعلتني ..

ابو سیف : لاا لا كلشي الا زعلچ ..

نتالیا : اممم ..

ابو سیف : نونو سؤال..

نتالیا : جواب ..

ابو سیف : انتي منو تریدین تتزوجین اسامه لو علي ؟؟

نتالیا ( و باوعتله بصدمه) : شهالسؤال الغریب ؟؟؟ !!

ابو سیف : و شنو الغرابه بیه ؟؟

نتالیا : ما اعرف یعني لیش تسٲلني هیچ سؤال ؟؟

ابو سیف : لان هذا نصیبچ ،،، لازم تختارین واحد منهم ..

نتالیا (بخجل ): ما اعرف ،،، بكیفك انته اختار ..

ابو سیف : والله اني یا بنیتي اگول لو تتزوجین علي احسن ..

نتالیا : لیش ؟؟

ابو سیف : لان هو شاب حلو و مرتب و ابن اصول ... و عنده سیاره و بیت و شغل و حالته زینه ...

نتالیا (بخجل و حزن) : الي تشوفه ...

ابو سیف : ها شكو لیش خدودچ صارن حمر ..

نتالیا (بخجل ) : لا ماكو شي ..

ابو سیف : هههه وین راح لسانچ الطویل رجعتي ضمیتیه ؟؟

نتالیا (بخجل ) : ههه اييي

ابو سیف : ماشي یعني اتفقنه هسه ..

نتالیا (بخجل ) : بكیفك ..

ابو سیف : ماشي لعد باچر راح یجوون بیت خالتچ ،، یریدون یسمعون رایچ ،، عاد انتي ارفضي و گولي ما اریده ..

نتالیا : لیش ؟؟

ابو سیف : غیر حتی ازوجچ لعلي ... اوهو صارلي ساعه شدا الغي ..

نتالیا (بخجل ) : اها نسیت ،،، ماشي ..

ابو سیف : عفیه ببنیتي العاقله ..

نتالیا : زین یصیر اني هم اسٲلك سؤال مثل ما انته سٲلت ..

ابو سیف : سؤال اله علاقه بالزواج ؟؟

نتالیا : ايي

ابو سیف : ماشي سٲلي ..

نتالیا : منو هي البنیه الي ناوي تخطبها لسیف ؟

ابو سیف (بابتسامه) : و لیش تسٲلین ؟؟

نتالیا : هیچ بس فضوول

ابو سیف : اهاا ... هي دیانه بنت عمچ ...

نتالیا (بتعجب) : والله !!

یتبع .......

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شنو تتوقعون یصیر ،، انتضرو البارت الجاي ...❤❤❤

#قـــزومتي_المســودنـه