مااعرف شحجي عَل تعليقات المهم البشر الي يتأخر اكيد عنده ظرف المهم حبايب اني وضعي الصحي تعبان واليوم راح اروح للدكتور يحدد موعد للعمليه ومااعرف الموعد شوكت يحدده ....خاف اختفي
ملاحظه/التواريخ الي ذكرتهن غير حقيقيه غيرتهن
🌹🌹صرخات غير مسموعه🌹🌹
🌱🌱بقلمي ام غايب🌱🌱
عمر/اثير متكلي انت ليش تركض وراي .....متروح لاحكني شبيك
اثير/ليش .....لان انت ماعندك عقل ابد وتتصرف تصرفات بدون متحسب حسابهن
عمر/اثير ....لتدخل ابد ....لتخليني اسمعك كلام ميعجبك
اثير/براحتك ......عمر .....بس اكلك هذا بكر اذا اتصلت بي اعتبر نهايتك لو موت لو سجن
عود اذا انسجنت لتجي تزورني
طلع من يمي اثير ضايج......ماكو نص ساعه واتصل اخويه جاوبته
أهلاً اخي شلونك
لا أهلاً ولا سهلاً انت شدتسوي وتلعب
خبرك بكر اكو شي
شنو هذا الي سمعته
شسمعت
لتلعب بروحك لعب ......عمر باجر تحجز تجيب امي وتجي هناك بعد متبقه
مااجي
مو بكيفك
بكيفي ......اني مو طفل
تريد تبقه هناك حتى تصير مجرم .....انت شنووو من بشر فهمني ....بنيه حبيتهه ماتت ....الله يرحمهه
ماارررررتاح اذا مااكتل هذا الكلب
انت شعليك بابا .....هم اهلهه يطلعون حقهه
اهلهه همه كتلوهه.....سيطلعون حقهه
انت دتحجيهه همه اهلهه ساكتين انت شنو ابن الاوادم
عمر باجر تحجز فهمت أو لا .....مااعيد الكلام بعد
هذا اثير كلك مو
اي اثير.....لان خايف عليك يا مطي
سد الخط بوجهي ........خابرت على اثير
اثير/ها عمر
ليش خابرت بكر ررر اخويه
بكيفي
ماشي اثير .....ماشي بس مو عبالك بكر راح يأثر عليه
براحتك انت الي تخسر وتتندم بعدين
لزمت دفتر شيرين ......تلمسته بيدي .....وكلماتهه وبقيت اباوع على عمر هو
بس لا تشكين بيه يا شيرين .....لتسويهه بيه تعرفين انت روحي وكلشي بدنيتي ......لو تدرين شلون احس بالضياع هسه .....محتاجج هواي والله
ادري بيج عايشه .....انتظريني مبقه شي واطلعج من هذا البيت
..............................................................
اي والله هو غير من جنتي صغيره جنج خنفسانه
عضيته من صدره ....
اخخخ ولج متوحشه شو مجلوبه
مااحس اله اجته رساله من رقم باوعت عليهه .....
كبل كمت من فوك فارس ولزمت موبايله
فارس/هاي شبيج تخبلتي ليش تلزمين موبايلي
باوعت عَل رساله
انت انسان متنوصف .......ياريت لو كل الناس مثلك جان الدنيا بخير
فاااااارس منو هاي
منيه
منيه .....مووووو .....هاك باوع
والله ماادري
بس اني ادري .....كمت ....خل توكفلي اليوم اكسرلهه رجلهه الثانيه
كمت كام ورايه جرني
انتي مخبله .....ولج شمدريج هيه
هيه والله الحيه ....اني اعلمه
دتعالي يا حبيبتي اعقلي شويه وجر الموبايل
انطيني الموبايل
اكعدي بنيتي ....
لتكول بنيتي
يابه حبيبتي .....شهد كافي هسه اني نعسان وانتي كل شويه تطلعين بشغله
اني .....يعني مو انت حضرتك الي تجيك رسائل من البنات ويجوز حتى تعرفهه
تعال تعال شسويتلهه هناك وخليتهه تتمناك هيج .....هااا ....كلي ....كتلك لتروح للمستشفى وانت اله تروح حضرتك
شهدددد كافي بديتي تمسلتين باعي شهد راح اناااااام هسه دير بالج تحجين كلمه وموًبس هنا وياهه هم متحجين هسه هيه يومين وتنكلع
احجي.....والله احجي ....عينك عينك تتصرف هيج والله اكل الزوجهه
خزرني.......وانتي منين تعرفين زوجهه
مااعرفه
ولج .....احجي
والله مااعرفه بس يعني حجيتهه.....هسه عوفني احجي
شهدددد كافي
مو كافي ....وخر عني انت شكلك فرحان الهذا الوضع
لج بابا ليش افرح شنو يريحج اذا احضرهه ترتاحين
باوعتله بس محجيت شي
وهاي شوفي كدامج راح احظر رقمهه .....خل تولي بابا هاي ......بشرفج هيه هاي منو حتى تغارين عليه منهه لج بابا فهمي اني احبج الج وولا وحده تملي عيني غيرج .....خوب اني جنت بالخارج والله وداعتج اي بنيه اباوعلهه كبل تصير ضحكتج كبالي
وخر فارس....والله نار وشابه بكلبي تونه تصالحنه الكه هاي الحيه كبالي نغصت عليه
والله اطمئني .....وشيلي هالتفكير من عقلج واني اعرف شلون اصدهه واخليهه متتجرء تدز رساله بعد
شبكته وخليت راسي على صدره
فارس/قزززمه
انت طويل زايده اني طولي حلوو
انتي كلج على بعضج تخبلين .....شحجي عليج طيرتي النومه
نزلت اسوي ريوك الي والـ فارس جنت جوعانه وبعدهم نايمين سويت ريوك الي والـ فارس وصعدت لكيته نايم
رحت كعدت على طرف الجربايه ....فارس ليش نمت تجذب عليه تكلي اتريك وياج
جرني وشبكني خل ننام حبيبتي وباسني من خدي
جريت روحي اريد أكوم جوعانه رجع جرني ........نااامي
منعسانه
هسه تنعسين
خنكني بشبكته ميخليني اتحرك
كوه وهو غافي سحبت روحي نزلت الصينيه وحميت الجاي من جديد
كعدت عمه ام قيصر شايله خشمهه عليه
كوه ترد
عمه شبيج .....تره اني مسويت شي هيه وحده حيه
كتفي شهددد عيب عليج
لا مو عيب ....هيه عينك عينك تتحارش برجلي واليوم تدزله رساله وانتي واكفه وياهه
اني مواكفه وياهه بس هيه خطار ببيتي شتريدين اسوي مثلا عيب من ازل اطرد اختهه
اي عمه بس لتعامليني هيج
شهوده بنيتي اريدج تتعلمين الخطار ألعدنه يجي لازم نحترمه
واذا هو ممحترم نسكتله .....شوفي عمه اني سكتت ومحجيت بالبدايه بس من حجت على عمر وتكول هاي تتوالمًً ويه زوجي .....نسيت اسمهه هذا الطلي لان لو مو طلي ميخلي مرته تزعل يم ناس غربه
اوووف من اللسانج يا شهد.....صبيبلي جاي وخليني نكمل سوالف وياج ونشوف تاليهه
.................................................................
عمر/رغم ماجنت نعسان لان منايم جان اثير يمي وبقينه سوالف للصبح خطر ببالي اروح للبيت ألبي شيرين اليوم قفلت أأكد شكوكي
بقيت أراقب بس ذبيت السياره بعيد عن فرعهم ومن راس الشارع اراقب ........بس خوف بكلبي انو هذا ابن عمهه متزوجهه لان شلون يبقه يمهه شلون......اخخخ يا مجيد الله لا ينطيك
.........................................
شيرين/بعد ما رحت للشباك وباوعت وراهه نمت بالكاع عل كاشي جانت الدنيا حاره وطافيه الكهرباء وأحس روحي مسحونه
مااحس اله فزيت على دفره بظهري ....عطت
حسن/ووجع
كومي سويلي ريوك
بكلبي/الله يأخذك ان شاء الله.......... الضربة وجعتني حيل كمت ....سويتله ريوك وخليته كباله ورحت للغرفه
اريد اكمل نومتي
وين موليه
نعسانه
تعالي هنا يا حيوانه ......متنامين ماكو نوم .....كافي
نعسانه ....حيل ....ليش ماانام
بكيفي اني .....اني الي اقرر هنا ....اني مورين مخليج عايشه
باوعت ماادري حتى ندب الحظ شيفيد .....صفنت الزماني الي خلاني بيد حسن .....وبرحمته
بت الكلب انعل ابوج يابو الخلفج ....أيا..................
تباوعين عليه ....لازم مشتهيه تنكتلين
أصلا تعودت على ضربك .....كافي حسن ....كافي ....كلي ليش هيج دتسوي ....ليش كل هذا الحقد عليه وعلى بابا مااحس اله شمر الماعون عليه لاح شويه من راسي
صحت .....انت مريض والله مريض الله ياخذك
اجه دفعني حيل وكام يضرب بيه مبقه شي مركعني بي واني اعيط روحي راحت
بعد معافني ......احس نفسي بلا شعور .....بلا اي شي .....مجرد جسد بلا روح ....نايمه بالكاع حسّيت بوجع ببطني صار
وينك يا بابا وينك ....تعال شوف بنتك شديسوي بيهه هذا النذل
بقيت على نفس نومتي فاتحه عيوني وابجي ومخليه ايدي على بطني
مااحس اله اندك الباب الاول مره يندك الباب ...لو بابا يعرف حسن يطلع هيج وقت واصلا جانت عنده نسخه ونسخه يم الولد بس بعدين من تزوجنه انطاهن ال حسن كلهن
ماابيه أكوم اشوف منو من الشباك بيتنه جان الهول عَل شارع وماعدنه طرمه كبل بابا الهول بس قوي من ذني الحديد
عمر/بيني وبين نفسي......طلعي يا شيرين .....طلعي وخليني ارتاح
بقه يندك الباب شويه وراهه ماكو .... ...
عمر/فكرت اطفر بس المشكله ممتأكد ميه بالميه شيرين
ضليت حاير وكلبي يوجعني تعبت حيل من يوم مشاع موبايلي الهذا اليوم واني ألراحه مشايفهن
شيرين/كعدت كوه على حيلي واني اتوجع مو بس من بطني جسمي كله يوجعني وأصيح على كيف من الوجع لزمت بطني الي هيه ممبينه أصلا
بس حجيت ويه هاي الروح الي ببطني
ابني مدري بنتي.....لتتمسكون بدنيا أمكم صارت ثكيله بيهه.....لتج أو تجين ماكو اب مناسب الكم ....
زاد وجع بطني ......حسيت شويه وكع دم أكوم ....واني وابجي تذكرته
عمر/هاي شبيهه ايدج
شيرين/ابتسمت .....اكو غير المتوحشه
عمر/شهد ......وهي شنو تسوي بيج هيج
عادي متعوده عليهه بالشقه
مااتحمل حتى بالشقه احد يأذيج
صورلي الدنيا وَيَا حلوه .....خلاني احب الحب
بس الحب دمرني.....كلشي كاعد أعيشه هسه ذنبي بي لان حبيت
كوه كمت على حيلي اسحل بروحي سحل رحت للشباك فتحت البرده واباوع عمر ديحجي ويه ولد
كلبي كبل مدري شصار بي انوجع على انقبض .....شديسوي هنا ياربي ......شفته يحجي ويه ولد وعينه على بيتنه مثل اليحجي وَيَا ويوصي على بيتنه
وبعدهه راح ......ورجع باوع عَل بيت
اي موجوده هنا.......موجوده بس مو آلك ......جنت اعرف اني وانت مجرد حلم منعيشه ......بس كابرت وتأملت وواعترضت على جدو وهاي صارت نتيجتي
لو تدري يا عمر شصار بيه وبجيت بصوت ......لو تدري حبيبتك كم مره أعتده عليهه هذا الكلب ......لو تدري المر الي كاعد أعيشه بسبب حبك لو تدري شكدمتمنيه الموت
وراهه راح ومكمت اشوفه من الشباك....بقيت احجي ويه نفسي على أساس احجيله ......فضفضت ويه نفسي شويه
عمر/شفت شاب بالمنطقه اول شي حاولت اجز نبضه جانت واضحه حالته الماديه ومع ذلك محجيت كبل وراهه تجرأت وطلبت منه يراقباي هذا البيت ومن تطلع مره منه يتصل بيه ......وافق وتبادلنا الأرقام .......ورحت ......رجعت للبيت
اول مدخلت البيت ......جانت امي كاعده تبجي
امي........شبيج يا نور عيوني من مبجيج وكعدت بالكاع جوه رجلهه واباوع عليهه
انت .....انت سبب دموعي
شسويتلج يوم
شسويتلي......ليش تريد تحرك كلبي عليك مو كافي الي صار بيه ......مو كافي عزاز كلبي الي خسرتهم.....تريد انت هم تروح
وين رايح...اني ....موجود حبيبتي
شدتسوي بروحك انت.....تعاطفت ويه شيرين بالبدايه بس هسه كمت اكرهه بسببهه ابني ديضيع مني
اااااااخ منك اثير ......اخ
اثير ماله دخل.....شنو قابل اني مكاعد اشوفك .....لا دراسه ولا راحه .....ياحبيبي كافي وباوعل النفسك وباوعلي .....لتأ ذيني وتأذي روحك
مت من الكاع وكعدت بصفهه وحضنتهه......امي .....شيرين عايشه
امي بعصبيه.......كااافي شيرين......شيرين .....شيرين .....انت متخاف عليه .....عمر باجر نسافر ونروح منا .....اني صوجي قبلت بقه هنا تكمل دراسه.....ساعة السوده
يووووم مااتحرك منا قبل ماالكه الي باك موبايلي ودمر شيرين
انت دواك واحد بس .....اصطبرلي
كمت من يمهه وصحت بصوت عالي
عوفوني ......لحد ليتدخل بيه .....كلت العندي .....متاسافر منا اذا ملكيت هذا الكلب
ودخلت الغرفتي فلشت شكو شي موجود بيهه وأصيح .......اخخخخخخخخخخخخخ لو اعرررررفك يا ساقط اله العب بعرضك واكرهك بالساعه الي سويت هذا الفديو
وامي من جهه ثانيه هم تصيح ومبقه كلمه محجتهه
...........................................................................
شهد/بعد اسبوع راحت الحيه الشكره .......وخلصت من شرههبعد مرجعت اهلهه بس شنو كل شويه متكافئين اني وفارس من وراهه ......عينك عينك رسمت علي وتتصرف بوضوح لا تخاف ولا تستحي ....
ساعات حتى تتغزل بي
وفارس بده بداوم محاضر بجامعه اهليه مسائيه.......وجان كلش فرحان
وره مراحت الشكره يالله رحت البيت اهلي ......مكدرت اروح من هيه موجوده هو اني هناك وهيه هلله هلله أنوب لبسهه تبدع بي ومرات من تشوف فارس تلزم رجلهه وتصيح اخخخخخ
ووجعاخ التوجع عظامج كوّن دوم اكول هيج مرات بصوت ناصي ومرات بصوت عالي حسب الاستفزاز الي يصير ومدا صبري
بيومهه رحت الاهلي وجان محمد حديث الساعه بلسان جدي
مبين على سالفة مريم ......اول مدخلنه سكتو
بقه كاعد فارس شويه ووراهه
فارس/يلله حبيبتي اني رايح
متتغده هنا
لا بيتنه تعبان اريد اروح انام .....العصر تره اجيج اول مااكعد
ماشي حبيبي
خوله/دوام هنا شعندك
والله يا خوخه تعبان حيل ومارتاح اله بفراشي
بوسته ورجعت جان محمد كاعد ضايج حيل وجدي هم ضايج وعصبي
شويه ورجع انفتح الحديث فجأه بعد الصمت
محمد .....اعقل واسمع كلامي
محمد/واذا مسمعت شيصير
لا اعرفك ولا تعرفني ولا ارضه عليك طول عمري وحتى يفاتحني أوصي متكعد
حجي كتلك مااريدهه للبنيه كوه هو ما كوه
واني كلت تتزوج مريم يعني تتزوجهه
واني ماااااااريدهه ....مااريدهه
شنو شايف عليهه شي .....احجي كول .....ليش تضم بكلبكً
راح أعيد الآخر مره البنيه مشايف شي محلو منهه بس مااااريد اتزوجهه
بلحظة كلام محمد رجع فارس ناسي موبايله طلع
ليش محمد بيهه شي اختي وبعدين جدو اني مااقبل تدلل على اختي
فارس.....لتزعل .....بس جدك يلح هواي وخلاني احجيهه هيج ....انت تعرف كلش زين اني ممستعد للزواجوشنو الطريق الي واسمه وجدي للصبح احجي وميفيد
طلع فارس ضايج حيل
محمد/ارتاحيت
مااحس اله جدو نزع شحاطته وضربهه بيهه مااحس اله محمد كلب الطبله الجام وصاح
كافي رحمه الدينك .....كافي .......راح تخلينه...........وسكت.........استغفر الله العظيم
ولَك ابن ستار توكف بوجهي
اي اوكف بوجهك .....كافي تسلط عرفته احنه نختار ......بس فهمني انت شنو من كلب عندك ......بسبب تسلطك ماتت شيرين
هو حجه هيج واني روحي انسحنت من تذكرت شيرين
الجد/شيرين اخذت جزاتهه......تحجين دووم ليش الي سوته شيرين مو جريمه
شهد/لا......هيه بس حبت شنو جريمه .....لعد قيصر مو تزوج على حب
مااحس اله جدو اجه عليه بالعوجيه جنت كاعده مسأله قريبه عليه وضربني بيهه على ظهري
انتي لازم تحجين ميت مره كايلج متدخلين روحج اااااخ يا ولد ستار يلشالعين كلبي ااااخ وراهه هبط سكره من العصبيه الحد العصر يتكافشون
خابرت على فارس ......من موبايل ماما مشغول
رجعت اتصلت بي وره عشر دقايق هم مشغول
ووراهه اتصلت رِن ......جاوبني
ها حبي
هلو حبيبي ......شنو منايم
جنت نايم حبيبتي وانتي كعدتيني هسه
لعد ليش مشغول جنت
شنو حبي تحقيق ......
لا حبيبي بس كاعد أسأل
يلله اني راح ادخل للحمام هسه واجيج حضري روحج
ماشي حبي
كمت حضرت روحي نص ساعه تقريباً واجه بس جان وجهه مو طبيعي ضايج ......يجوز ضاج من سمع محمد ميريد يتزوج
طلعنه .....تمشينه الحد بيت عمو وهو ميحجي ولا كلمه
فارس حبي.....شبيك ضايج
مابيه شي
عليك الله
كتلج مابيه شي لتلحين
بكلبي.....هذا شبي والله ياربي
......................................................
جنت نايم كعدتني دكة الموبايل جاوبت الوووو
ها ك..............
بكر ......هله ولك
شخبارك .....نايم .....دكوم كوم .....جيت اني ال بغداد
هااا واخيراً
طبعاً اجي اذا ماأجي علمودك المن اجي
ديلله كايم اني وين اجيك بالضبط
راح اوكفلك يم بغداد ترحب بكم .......والله مشتاق ال بغداد.راح اعبرلهه عن اشتياقي بطريقه ثانيه
كمت بدلت بسرعه وطلعت من البيت .....وامي جانت نايمه ملتقيت بيهه
رحتله لكيته واكف ينتضرني
ها سكط
أيا سكط انت .......مشتاقين .....شبكته وصعد وياي بالسياره ......جان شايل جنطه ردت اشيلهه مقبل
بكر/اي
عمر/شنو
اي ....منين تريدنه نبدي
اريد ....اعرف أو مو اعرف أتأكد شيرين عايشه لو لا
اليوم تعرف وتتأكد وتشوفهه .....هم
لا بربك.....تتشاقه اكيد
اليوم بليل احنه ببيتهم
انت شدتحجي شلون....مااريد مشاكل
لك بابا انت مطي ....يعني قابل راح ندخل بوجوهنه
شلون لعد
لَبْس مكافحه وملثمين لا من شاف ولا من دره
شلون يعني
مالك دخل خليهه ورايه
بس اني وياك شلون يصير يعني تبين السالفه
بابا شتحجي عندي مجموعه هنا
مجموعة شنو
بعدين تعرف
اعرف طريق بكر مو نضيف بس اني شعليه بي اكمل شغلي واعوفه .....
وصلت للبيت والحد العصر كلشي تمام جنه كاعدين بالاستقبال اندك الباب اثير
مكتله بكر موجود دخل كبل
اثير/اليوم معزومين على عيد ميلاد عزوز العصر تجي من شاف بكر سكت وبين علي
اهلا بكر
اهلا اثير .....شخبارك
الحمدلله بكر انت شلونك
مبين علي كاعد على أعصابه نص ساعه وطلع ....طلعت وَيَا للباب
اثير/سويت الي برأسك
روح اثير
ماادري شحجي لك بابا ارهابي .....ارهابي ياالأسلام
ممسوي شي شبيك .....يعني اجه اطرده
يعني مو انت اتصلت
لا ....طبعاً
اي صحيح .
راح وهو ضايج مني .....يحجي ببرود وميفهم شنو النار الي بكلبي
.....................................
شهد/بعد ما وصلنه للبيت كبل صعد فارس وكلي تعالي .....رحت ورا أسأل بكلبي شبي ياربي
دخل وكعد عَل جربايه ....احس كلبي راد يطلع من الخوف مو طبيعي الف شغله اجتي بعقلي معقوله دره بالرساله لو مخابرتي ال عمر
مااحس اله طلع الموبايل القديم الي خربته جنت ذابته جوه الجربايه شمدري بي خليته بوقتهه كلت من باجر اذبه بالزبالة بس نسيته......
هاي شنو شهد
باوعت مااعرف شجاوب ....حسّيت الدنيا افترت بيه ...
موبايل عادي
موبايل وبي سيمكارت وبغرفتي واني ماعندي هاي النوعيه ابداً
وجوه الجربايه
انت شوداك الجوه الجربايه
كام على حيله
شهددددددد لتتشاقين أو تستفزيني ابددددداً.
ماادري
شنو الي متدرين ....شنوووو.....مااحس اله لزكني بالحايط وخنكني
شهدددد تموتيني انتي ....ولج انتي تخونيني
لا ...والله لا انت شدتحجي ....شنو اخونك
وهذني شنوووووووو.....
شوفني رساله مرسوله لهذا الرقم
شهد وينج ....شتفقنه احنه
من شفتهه كمت ارجف وابجي .....والله مااعرفه
يكلج شهد ....لج انتي تضحكين عليه تريدين ....يكول اسمج وبغرفتج الجهاز وتكولين ماادري
ادري.....الله يخليك اسمعني
مااحس اله ضربني راشدي وكام يدفع بيه .....الصمي
والله مو الي ببالك
............يتبع
............................
شيرين/ايامي متشابهه ويه حسن بس الابداع من ناحيته مستمر ....يوميه شي عقاب جديد الي مااعرف شنو سببه جان شخص ثاني.....مستحيل ...عقلي ميستوعب هذا حسن
بيومهه جان شارب حسن .....هواي جنت نايمه عَل جربايه وهو بصفي ......مثل يوميه مااحس اله سمعت أصوات لتتحرك .....
اذا حجيت طلقه برأسك
كل ضني هذا حلم
فتحت عيني اباوع بال5ملثمين
فزيت ووياهه شهكه قويه .....جانو اثنين يربطون ب حسن
الخوف الي حسيته مينوصف ....شكد مااكول اريد اموت بس المنظر والأشياء المجهوله تخوف
اجتي....بعقلي الف شغله راح يسووهه بيه
واحد كلهم .....ربطو ايدهه باوعت واحد لزم هذا الشخص من ايده
حسن/لتطخووووهه.....لتطخووهه.ولد الخررره
واحد كفخه على راْسه
انلصم ولَك ...لتحجي
حسن/ابن النعال أو انت رجال خل نتواجه
شيرين/تفاجئت ب حسن اول مره اكتشف ميخاف
واحد كله ....هيه شتصير منك
مرتي ابن ............
اكو واحد بيهم........يتبع