الـسـلامُ عـلـيـكـم 🌻🌼
طاقة تحمل
الكاتبه_العباديه
البارت_5_ج2
يا فرحة لم تزل كالطيف تُـسكرنـي
كيف انتهى الحلم بالأحزان والـتيه..
حتى إذا ما انقضى كالعيد سـامرنـا
عدنـا إلى الحـزن يدمـينا.. ونُدميـه
~~~~~~~~~~~~~~~~~~~~~~~~~~~~~~
زهراء
سمعنا صياح ساره وكرار .. وبعدهه بشويه صارت ركضه قويه مرت ع الصاله ودبّه صارت ع الدرج وعيطة ساره !!
طلعنه اني ومحمد نتراكض وگلبي يخفق بكل قوته ورجليه يرجفن مايشيلني خايفه لا الببالي صح وواگعه ساره والنوب تخسر الطفل لا ياالله ..
نزل محمد بسرعه سوه الدرج بايتين واني اركض وراه ..
بلشت المح كرار گاعد وساره بحضنه !
نزلت وشفت ساره غرگانه بالدم وكرار يگعد بيهه ويرجف ووجهه مخطوف وحاصرتهه البچيه !
كرار.. يووووووم وووييينننججج
محمد.. لك شبيهه
كرار.. محمددد هذذا سؤؤؤال مدتشوف غرگانه بدمهااا خل ناخذهه للمستشفى الطفل حيوگع يييووووم
إجتي عمتي ام محمد شافت ساره ظلت تدگ وتلطم
ام محمد.. صخام الصخمج يسعده راحو وليداتي ظلوا بدون بزره يبووو شورطني ويه ذني الفگور العواجر ماااات الطفل يبوو
كرار.. البسي عباتج لخاطر الله يللااااااااا
محمد.. گوم لك گوووم المن ماخذ مره للمستشفى خنشيلهههه
اشرلي محمد
- زهراء عباه وشال بسسررعه
دخلت بحالة صدمه لااخذ ولاانطي بس صافنه بساره ودموعي تصب واهمس(مااتت) .. محمد يصيح وماكو ..
اخر شي هززني حييل وعاط
- لججج زززهرررااءء مابيهه شيييي مامااتت بس الحگيهه لتمووت وجيبيي عباااه وششال
ركضت بسرعه جبتلهم العباه والشال لفوهه وشالهه كرار وطفروا ع السريع للمستشفى ..
ظلينا بالهول ومتوترين واني گاعده ع الدرج وارجف ودموعي تصب بغزاره ..
عمتي وعمي گاعدين ع القنفات وعمتي تلطم
ام محمد.. اني صوچي ييمه صوچي المن اخذتهن اخوات ودارن عليه ثاري چانن يمثلن حتى يعجبني واخطبهن !!
ابو محمد.. يامره شنو هالكلام المخربط هـٰذا لاتنسين بنات اخوج
ام محمد.. صخم الله وجهك يخوي على هيج بنات
ابو محمد.. سمي بإسم الله لاتدعين حراام
عاطت بيه بصوت عالي خوفني
ام محمد.. مااتگوووميين تمسحين الدم مال اختج لو منتظرتني اني امسسحه ان شاء الله
غمضت عيوني حيل بنفاذ صبر وگمت جبت الوصله ومسحت الارض كلهه وگعدت ابچي وهم عاطت بيه
ام محمد.. تبچين تريدين تفگريني
- يعني انتِ هسه شدتسوين مو دتبجين لو لا حرام عليه وحلال عليج؟
ام محمد.. انه ابچي على وليداتي راح يبقون بدون بزر انتِ شكو
- يعني اذا ماتت اختي يفيدنه بزر؟
سكتت..//
~~~~~~~~~~~~~~~~~~~~~~~~~~~~~~~
ساره
هالفتره كلهه وآني اشك بكرار ودائماً أشوف اسم ابو رقيه يتصل عليه خبلني معقوله هالگد يحب ابو رقيه وهيج يتصل عليه؟
الشيطان ظل يتطافر فوگ راسي .. صعدت للغرفه بالليل هوَ كنك ونعس شمر الموبايل ع الشحن ونام ..
بيه طبع إذا تعبان حيل ينام چفي مايحس على نفسه ونومه يصير ثگيل .. بس اذا مرتاح لا بسرعه يفز اذا تمر من يمه نمله يگعد ..
رحت فتحت باب الكنتور وسديته حيل وصفگت بإيديه وظليت اسوي واوا .. واوا .. ماگعد أمنت بعد .. يعني نومته اليوم ثگيله ..
جبت موبايله من الشحن وسحبت إصبعه البصمه . كلما يتحرك اطفر . وكل نفس ياخذه روحي تطلع وياه ..
گوه حطيت ايده ع البصمه وضغطت حيل انفتح .. رحت لمكان الشحن مال الموبايل ودخلت على ابو رقيه الحاطلي علّه ..
يحچي بصيغة ولد بس هيَ بنت حتى دازه صوتيات صوت بنت..
دازلهه رسائل
( انتِ غدرتيني ف لتتوقعين احبج بيوم احب مرتي وبس)
كلش فرحت بهالرساله بس من نزلت ظليت اتفاجئ شويه شويه ساحبته. يوم تدزله ريوگ وتگله تمنيتك وياي .. ويوم تدزله غرف وتگله هاي غرفتنه من نتزوج .. بس اخر شي من ادزه سيت نوم وهوَ راد عليهه تخبلت .
كاتبلهه
( يجنن هـٰذا الثوب منين مشتريته تدرين تخيلته !!)
ظليت الطم يعني تخيله عليهه ويكتبلهه بكل صراحه !
ظليت احوس اريده يگعد نتحاسب مااگدر ابقى للصبح ..
إتصلت عليهه وبسرعه رجعت إتصلت.
ركضت بالموبايل لكرار وگعدته
- كرار إگعد موبايل يدك
- هممم
- إكعد يخوي
گال والنعاس طاغي على صوته
- منو المتصل؟
- امم ابو رقيه2
گعد على حيله گال انطيني النقال .. انطيتهيا واني اباوعله اشوفه يرد لو لا .. توتر وظل يباوع بالشاشه محتار يرد لو لا
استغليتهه فرصه وگتله
- ماترد؟
- آآآ خيولي شعنده متصل بيه بهالليل
سحبت الموبايل بسرعه من إيده وحطيته على إذني إجاني صوت مال بنت .. هوَ ظل مصدوم ومن سمع الصوت سحبه مني وعاط
- منو گاللچ تجاوبين؟
- لان بنت؟
ليش عبالك ماادري كاشفتك تره
- شدتخربطين انتِ؟
- بسرعه بسرعه منو هاي ؟
- مو احد يمكن زوجة صديقي وردت عليج
عطت بعلو صوتي والحرگه بيه تغلي
- زوجة صديقك شعدهه بالليل شعدهه؟
- ساره اريد انام كافي
- تنام؟ تنام؟ وسوالفك الطايح حظهه
- احترمي نفسج ولتتجاوزين
- ليش چذبت؟ شفت المحادثات كلهه
عگد حاجبهه وگال بإستغراب
- شوكت شفتيها؟
- هـه هسه وانتَ نايم
- شلون فتحتي نقالي بيه رمز سري !!
- يعني هـٰذا الهاااامك ومتبررر شنو هالمحادثاات الهامك منين دريت وشلون فتحت موباييلك ؟
- اششش ماكو شي ارجعي نامي
هوَ گال هيج لو تخبلت استفزني حيل ببروده وكلماته المستهزأه
- اليوم ماابقى هيج والله هسه اروح لعمي اگولله اذا مبررت تصرفاتك ومراسلاتك
- ماابرر لاأي أحد ومو إنتِ تتحكمين بيه ششفتي انتِ من المراسله واجيتيني هاده؟
- شفت السيت چا ششفت؟
- انتِ شنو هالصصصصلافه العندج؟؟
- لك جاوب منين هاي المحادثات ومنيه التراسل بيه
سحبني من شعري حيل وهزني
- ولكلاكه تلكلك عيونچ لك شنووووو لك طفلج الصغير اني
حطيت إيدي فوگ إيده وخرمشتهه تأذه وبعدهه من شعري دفعته حيل وطلعت
- والله رايحه لعمي لااگولله بكل سوالفك
- تعاللليييي ساااارررره تعالللييي اشتعلووواا عشيررتجج تعااااللليي
ركضت بسرعه ع الدرج وبدون مااحس الا تزحلگت .. عطت بصوت عالي وواهن وتدربيت ع الدرج .. حسيت روحي راحت.. لزمت بطني بكل قوتي وابچي شكد مابوسعي حاولت احافظ على الببطني ...
بعد مادريت بشي بس اتذكر صوت كرار وراي واغمى عليه .
............................................................
فتحت عيوني بعد فتره مااعرف شگد دامت ! حسيت بأضويه قويه ضربت بعيني .. قلصت عيوني ورجعت غمضت .. سمعت صوت كرار يحچي ويه الدكتوره ويسألهه عن حالتي .. اول ماتذكرت الصار تلمست بطني خايفه وتذكرت انو بطني مابارزه لان بعدني بالاشهر الاولى .. إحس الدكتوره يمي دتضبط بالمغذي .. فتحت عيوني وقاومت الاضويه وسألتهه ..
- دكتوره الطفل ؟؟
سكتت وطلعت !!
بسرعه بچيت هم على خيانته إلي وهم على طفلي ..
شويه ودخل يمكن الدكتوره گالتله ..
تقرب وبسرعه درت وجهي للجهه المعاكسه ودموعي تصب ..
گعد ع الكرسي مقابيلي وسحب إيدي المابيهه كانونه . سحبتهه من عنده ورجع اخذهه وعصرهه حيل ثبتهه بحضنه وظل يتحسر .
التفتتله بجمود گتله
- إبني بيه شي؟
سكت.//
- شبببييكمممم مااتتحججوون بس تتصفنون بيه
- اهدأي مو زين على صحتج
- شبيك يابه شبيك اگله الطفل يگلي صحتج احچي الطفل بيه شييي؟
- لا مابيه مابيه بس لاتتهورين
- الحمد لله
- سووت الدكتوره ربط ولازم تنامين شهرين على ظهرج
- اي ميخالف عود
سكتت. وهو هم ساكت
كرار.. راح اجيبلج عصائر ومي واذا جوعانه گولي
نترت
- كلشي مااريد منك
همس يستغفر وگال
- ساره ياعيني خلينا بصحتج هسه وصحة طفلنا اهم شي
- معليك بيه خليك بعيد
- شلون اكون بعيد انتِ غير زوجتي وإم طفلي؟
نترت بعصبيه
- اريد اطلع لااهلي
- ميصير ع الاقل اسبوع تبقين هنا
- اريدددددد ااررجع دبرلياهه بمعارفك الهوواي يلااا
- استغفر الله سسساااااررره لتسوين هيج وتتأمرين عبالك خادم إنتِ مريضه وخلي الخاطر طيب وياج
- تعال فد نوب اخذلك راشدي
- احمدي ربج حامل
وّنيت بعدم رضا
- اممم
- رايح ادبر واسطه راح تبقى الدكتوره يمچ مو تاكليهه بگشورها ديري بالج نخاف على بنات العالم
- لا لتخاف اكل بس ولد
خزرني ورفع حاجبه وطلع رگع الباب بعصبيه ..
بعد نص ساعه يلا إجه هوَ ومحمد شالوني بالسديه بهدوء وبعدها للسسياره ..
شايليني بحذر خاف يصير بيه شي ..
وصلنا للبيت لگيت زهراء تبچي وعيونهه حمر وعمتي گاعده بالباب اول ماشافتنه اجت تلطم وتعزي
ام محمد.. ها يمه بشرووا بس لا الوليد وگع اصخم والطم
محمد.. احمدي ربچ حجيه الطفل مابيه شي وسالم
ام محمد.. يمممه فدوه رحتلك الحمد لله والشكر ربي الف الحمد لله والشكر نذر عليه لسيد خضير
كرار.. يوم اليوم نحتل غرفتج لان ساره متكدر تصعد فوگ ف خل تنام بيهه علما تجيب
ام محمد.. يا ميحتاج تطلب مني الكم الغرفه وراعيتهه كدامكم شوكت ماتريدون
كرار.. الله يحفظج النه
راحت زهراء فرشت الچربايه ورتبت غراضي الاحتاجهه بالغرفه ودخلني للغرفه هوَ وگام طفى الاضويه وتمدد يمي ..
- ليش اجيت يمي تكدر تصعد بغرفتك
باوعلي متفاجئ وملامح الصدمه تعتليه
- غرفتي؟ ليش مو غرفتج؟
- من يوم الراسلت بيه صارت مو غرفتي ولااعرفههه
- اووف ياساره انتِ ليش التفاهم ممحي من قاموسج؟
- ليش تريد تكذب عليه؟
- مااكذب وداعة ابني الماشافته عيوني بس ردت ابررلج وافهمج الموضوع
- مااريد اسمع اي شي لان شفت بعيوني.
- ماشفتي شي
- تگوللهه اتخيله عليج السيت؟ ليش اني مقصره وياك بشي؟
- لا حشاج والله ردت اشتريلج منه وهسه انتظري
- شنو وين رايح؟
- هسه اجي
طلع .. وره شويه دخل بإيده علاگه وبيهه مبين كارتونه ..
إجه طلع الكارتون وفتح الكارتون طلع نفس السيت البالصوره!!
- هـٰذا قصدي والامير علي تخيلته عليج وماگلتلهه تخيلته عليج كلت بس تخيلته فهمتي
- وهيَ منيه هاي؟
- احزري؟
قطبت حواجبي مستفهمه ؟
- مااعرف ليكون عندك صديقات هواي وتريدني احزر
- لا هاي نور !
- شنووو؟؟ شرجعها
- تگوللي إنتَ خاطبني وقارين فاتحه بإعتبار مرتك ههههه ضحكتني فوگ الفلوس الاخذتهه بعدهه تبالط والهه عين وتحجي
- شنو من طاقه هاي واحد هيج يسوي !! الله واكبر وبعدين هيَ مفكرت ذني الفلوس حرام
- المهم سحلناهه ورجعناهن بس هيَ من شافت نفسهه خسرت كلشي رادت تشمر نفسهه عليه بلكي اتزوجهه وتغريني وتجيبني للطريق حتى هيَ المستفاده تصير مليونيره من الخمط
- وانتَ شلون هيج تراسلها؟
- شگلتلها؟ كلتلها مرتي احبها ومااخونها تنكرين هالشي
- امم لا
- إذن خلاص وهسه خل ننام
سحبني بحضنه وحط إيده على بطني همس بإذني
- ماتتوقعين شگد خفت عليه. يمكن لو صاير بيه شي اموت ومااسامح نفسي
- آني شكد حاولت احافظ عليه وحطيت إيديه عليه لان ماادري بحالة الجنون الصابتني بذيج اللحظه وخصوصاً من سحبت شعري
- غير تجاوزتي ماتدرين بنفسج من تضلين تخربطين
- لا ادري بس اني مااتحمل الخيانه اي شي ولا خيانه
- اممم اني مااخون لان احبج
- حبتك حيه ام راسين
عفس وجهه وكال
- اكو وحده هيج تكول لزوجها وتبادله الرومانسيه بهيج طريقه
- ههههه لك يابه شعندي غيرك اعشكنك
- مصطلح جديد ياالله هههه
~~~~~~~~~~~~~~~~~~~~~~~~~~~~~~
زهراء
من جابوا ساره مابيهه شي كلش ارتاحيت وخصوصاً بعد ماكو حجه تلزمهه علينه عمتي وتبقى تعير بينه الحمد لله الله سترنا ..
دخلنا ننام للغرفه وكال محمد
- تعالي نامي بالمكان الچنتي نايمه بيه
- اممم
- تتعالي شبيج
- محمد اني اريد اتعالج كافي
- اي تعالجي شبيهه عادي
- باجر اريدك تاخذني للدكتوره تكتبلي علاجات
- اي تدللين عيوني
غلس ع الاتفاق وسوه نفسه ميعرف اي شي اني هم ماحبيت اذكره بس بعدني ماخذه موقف وياه ومااتدخل بأموره بحيث ثاني يوم الصبح دگ المنبه وهوَ وگفه مزعوج اني گاعده بس ماگعدته هيج عناد بيه ..
كل مره اني اگعده لان المنبه مو كفيل بگعدته .. ظليت اتگلب وهوَ نايم ..
وظل نايم ونايم جره وحده للـ10 ونص وآني گاعده اتصفح بموبايلي ..
شبع نوم وشال راسه لگاني گاعده واتصفح گال بثقل
- صباح الخير
إبتسمت بخبث ووجهي ملامح إنتصار
- صباح النور
تمغط بجسمه وطگگ أعصابه
كال
- بيش الساعه
- بالـ10 ونص
گعد عدل وفتح عيونه على وسعهن
- شنووووو
- بالـ10 ونص شبييكك
- ياغبيه الدوام راح عليه
گام يركض منا ويركض منا يروح ويجي بس يترادم واني مستمتعه بشكله المخبووص
اجه يجيب ساعته من الميز الصغير اليمي واني موبايلي بإيدي منزلته بحضني ومبتسمه بخبث اباوع عليه ..
من مر من يمي لاحظ نظراتي وإبتسامتي الماكره فهمني .. سد الجرار بهدوء ويأس .. باوعلي بخزره گال
- چنتي تدرين موو؟
قوّست حواحبي بأستغراب
- بششنوو؟
- ماگعدتيني عناد بيه ؟؟
- وآني شعليه انتَ عندك منبه وإگعد عليه
- زين وإنتِ شنو شغلج؟
- لاعليك بيه ولاعليه بيك هـٰذا الاتفاق وبعدين تريدني اگعدك وانطرد لو اترزل
ضرب النفاضه الچانت ع الميز .. صارت طشار بالارض
- انتِ شنو ماتفهميني اني ماارتاح منج
جاوبت ببرود واستفزاز
- اطردني عادي
- كاااافييي راح تشفطينيييي كاافيي رحمه لله
سكتت.. وگعدت اهز برجلي .. گال بنتر
- گومي طلعي ملابسي رايح لشغل جدي هـٰذا الساعه بـ11 وين اكو شغل بعد
- ملابس إيشش؟
عاط بعلو صوته
- ملابسسسسس بييتت هم متعرفييهن
- ايي وشبيك تعصبت شسويتلك هسه اني
- روحي من يمي تره روحي طافره وتعاي بدلي ملابسي
- شأبدل؟
- لج انتِ غبيه لو تستغبين؟؟ فوتي نزعيني سترتي والربطه اختنگت راح اموت
- استغفر الله يربي
رحت تقربت منه نزعت سترته والربطه مالته.. من تقربت انزعه الربطه هب عطره الفواح سطرني سطر .. ظليت ارمش بعيوني مسطوره وهوَ هم تقريباً إنسطر ..
بلعت ريقي وظليت اسوي بيهه من السطره ضبيتهه حيل خنكت رگبته
گال بهمس وصوت ذايب
- اخخ خنگتنيني
- اعتذر
رجعت سويتهه وفليتهه بهدوء وحاولت اكون هادئه ..
شلتهه اريد ابتعد بسرعه سحبني من خصري وقربني عليه .. حط راسه على راسي وهمس
- مشتاقلج
للحظه وحده نسيت زعلي ونسيت ثگلي عليه .. بس من تذكرتهن بسرعه حطيت إيديه على إيديه وبعدتهن عني .. انصدم وفتح عيونه حيل خزرني وكال
- شنو هاي
- وخر عني مااريدك
عصر شفته التحتيه بكل قوته وضرب بقبضة إيده ع الحايط عاط
- مو صوجج والحُسسسين مو صوججج اني كلب ابن كلب واسوي هيج واتنازللج اكول خطيه ظلمتهه بس مابيج خطيه
- ليش اني طلبت منك شفقه لو كتلك كول عليه خطيه؟ وبعدين شنو هالالفاظ الدتتلفظهه اشو حتى حچيك صار مدري شلونه هاي انتَ المحترم عود
- غصباً عليج محترم وماتعلميني شلون اتلفظ وشلون اتكلم اني بكيفي اشتم عشيرتي اشتم نفسي معليج بيه ومادام هيج اني اعلمج والله الا اخليج تتندمين على دفعتج الي وشوفي وگولي هـٰذا ماگال
- تمام
- لج لاتستفزززييينني والله اجنزج هسه لتسوين هيج خلاااص ارحمي نفسج
سكتت لان صار يغلي من العصبيه
خليته ونزلت اسوي غدا شيريد يسوي خيسوي
لگيت عمتي طابخه الغدا ومكملته اليوم الله هاديهه ..
كالت
ام محمد.. خل نصلي وبعدهه صبي
- تمام
صلينا وبعدهه صبيت .. عزلت صينيه وانطيتهه لكرار وساره وكعدنا نتغدا بهدوء محمد طول ماگاعد يمي بس يهز برجله وعلى لحظه يگوم يسطرني راشددييين ..
مااهتميتله وظليت اكل .. شويه واندگ الباب ترگع ترگع ..
وع الجرس وع الباب انخبصنا الترگع بفلس والجرس يرن ع الصلي ..
ركض محمد يفتح الباب واحنه وراه لان هالدگه تنبه وجود عاصفه قويه جايه ..
فتح الباب وصارت بوجهه سجى مدمايه وتبجي وواگفه گوه مستنده ع الباب وتشهك بالبجي ووجهه خريطه اني بالنسبه الي ماعرفتهه اله من صوتها من كالت
- الحگوللييي فددوووه
يتبع ..
الـعـبـاديــه🌻🌼