بارت مفاجئ
هذا قسم من البارت مكدرت مااكتبلكم وانتو طلبتو مني هواي مو تكولون قصير هذا الي كدرت اكتبه
🌸🌸صرخات غير مسموعه🌸🌸
🌸🌸بقــلمي ام غــايب🌸🌸ق
امشي كدامي اكلج....لتخافين مااسويلج شي بس احجي وياج
احس اللساني انبلع اريد اصرخ واخاف فكرت اضربه بالجنطه وانهزم....لس فكره فاشله لان اخاف
مشيت مثل مكلي ......وعمه خوله ولا يمهه ملتهيه لازمه سله وتعبي بيهه رجلي ترجف ومو بس رجلي كلبي
الشاب/دخلي بهاي القيصريه
شهد/عليك الله لتخطفني
امشي وسكتي لتحجين
شهد/والله ادعيلك بالصلاة وبكل وقت ....بس لتخطفني
امشي بابا لتلغين هواي كتلج مااسويلج شي
امشي وادعي يارب خلصني والله امشي عدل بعد بس طلعني من هاي المصيبة
دخلت للقيصريه اكو بيهه مخزن كلي دخلي هنا .....دخلت واني ارجف
اول مدخلت
طلع سجينه خلاهه بوجهي
عمر صارله اسبوع مختفي
شهد/عمر الساقط الله ياخذه ان شاء الله
عاط بيه ......اسكتي لا اذبحج ......اخويه مختفي والي هدده قبل فتره اهلج بسبب اختج الساقطه
لتحجي على اختي .....حقيرررر
مااحس اله لزمني حيل وخله السجينه على صدري ....تخايلته راح يذبحني قطع قطع
عليك الله لتذبحني....
احجي وسكتي اكيد حاجين كدامج عن عمر وين ودو
ماادري والله ابد ميحجون بهاي السوالف كدامنه
يعني اهلج مأخذي
ماادري والله احجي وابجي
لتبجين الصمي ......زين موبايل اختج وين
اخذو
منو اخذه منهم بالضبط اي واحد بيهم
ماادري
شنو الي متدربين وين عايشه انتي ....منو اخذ موبايل اختج
لتخليني اضطر اخذج ويايه ...ولتخافين حتى اذا اخذج مااسويلج شي
عليك الله لتاخذني والله اني ممسويه شي ....والله مااكول عنك شي
الصمي بابا شكد تحجين ......كتلج ماأذيج بس اريد يرجعون اخويه
الله يخليك انت مجرم حباب ....الله يوفقك عوفني عندي ذهب انطيك بس لتاخذني
لج بابا اني مو مجرم ولا حرامي ....اخويه صارله اسبوع مختفي مكاعد نلكي واهلج الوحيدين المشكوك بأمرهم
اخوك فضح اختي ونشر صورهه
عمر ماله دخل بالسالفه ابد
لا والله لعد منو ....اختي انذبحت من وره اخوك وتكول ماله علاقه
امشي وياي ولتخافين
اكلك بسبب اخوك انذبحت اختي وانت هسه تريد يذبحوني روح منا الله يخليك أو اني اقصد خليني اروح
لج بابا ماأذيج والله هنه ساعه وارجعج لان متأكد من اهددهم بيج يعوفون عمر والموبايل أريده حتى ابرأ اخويه واختج
والله ما......انت منين طلعتلي ماادري ساعة السوده الطلعت بيهه
زين عوفني ارجع واني اجيبلك الموبايل
عندج
بالبيت هو بس مااعرف وين لدوره وانطي آلك
باعي راح انطيج موبايل حاولي تعرفين شي عن عمر وترجعيلي خبر وإذا تلعبين بذيلج ادخل للبيت اذبحج
واني ليش اسوي هيج ....اني بودي اخوك يكتلو
لج بابا عمر ماله دخل أصلا هو مقبل يسافر لان ديدور على الي سوا هاي السالفه ويبين براءة اختج
وإذا طلعت بريئه شيتغير ....شيرين وانكتلت
هسه شنوو تساعدوني لو لا
ماشي اساعدك بس خليني اروح
دير بالج تحجين الاحد والله اذبحج وماارحمج
عافني وخلاني اطلع ......رجعت ملكيت عمه خوله .....اباوع هذا بعده ورايه الحقير ....غير مجرم لاكف مبين علي الخوف جان ....بس هم اخاف الحمدلله عافني يارب
ظليت ادور ماكو ....متت واخاف ارجع وحدي بقيت بين الناس علمود اذا تقربلي اصرخ وألم الناس علي
تقرب مني.....امشي اوصلج للبيت مبين راحت عمتج
مالك دخل انت ....والله اصرخ وألم الناس عليك أنوب يوصلني هذا وين عايش يا ربي
مو صوجج صوجي اني ....خابريني ....عرفيلي عمر وين مودي ......واله اذا معرفتيلي ادخلج للبيت واذبحج والله
افتهمت والله
ردت اكله والله انت متخوفني يا جبان لان لو مو جبان جان مخيرتني بس الحمدلله طلعت جبان
شفت عمه من بعيد عفته ورحت الهه
خوله/الله لا ينطيج ان شاء الله نشفتي ريجي وين جنتي يمعزايه مبقيت مكان مدورتج بي
اني لو انتي عمه وين رحتي صار ساعه منتظرتج
ولج مو جنتي واكفه يمي بحاجه الف وين رحتي
شمدريني يا عمه ديلله خل نرجع بسرعه
بقت الطريق كله تدردم عليه ماعولت اوصل للبيت والله خايفه صح هو ميخوف بس اني خايفه بس رهبة السجينه كلش كافيه
اخذت موبايل عمه وصعدت فوك ظليت متردده اتصل بـ فارس لو بـ محمد
اخر شي اتصلت بـ ........؟
الو
شهد
اي
شتريدين
شلونك
زين .....انتي شلونج.....خيرج
مو زينه ابد
ليش بيج شي
اليوم رحت للسوك
زين هسه انتي دتبلغيني رحتي لو دتاخذين إذن وانتي رايحه مفهمت اتصالاج
شو سكتي.....تدرين ليش للن انتي كلج على بعضج غلط ماعندج اي تصرف صحيح ....
مااعرف بيوم من الايام شلون اقتنعت وقبلت اتزوجج هاي عقلي مكاعد يستوعبهه
فارس......كافي .....كافي بعد مااتحمل طلكني هسه واخصم السالفه
بس كليلي انتي سوالفج الي تسويهه طبيعيه
اي ....طبيعيه .....مثل ماانت عندك حق اني هم عندي حق
اني غلطت واكو شي كاعد يمنعك تسامحني وهيه كرامتك واني هم عندي شي يمنعني منك .....انت واحد من الي اخذو حياة اختي بكل برود هذا الشي ديمنعني منك مع العلم اني .....وسكتت
انتي شنو ....شو سكتي
سكتت وأخذت نفس ....(اني احبك هواي )
متجاوبين انتي شنو
اني تعبانه فارس
انتي متعبه نفسج بنفسج ....شهد اني الحد الان ممقرر ابقيج لو اطلكج اني مكاعد اكدر انسه الي سويتي ....ابد .....جنتي بعيني فد شي جبير بعد الي سويتي صغرتي بعيني هواي
فارس ....براحتك ...ماعندي كلام احجي آلك
المهم شهد بعد طلعه ممنوع بدون متكليلي ....فهمتي لو لا
ماشي بس مثل ماانت تطالبني بواجباتي تجاهك انت هم عندك واجبات تجاهي
مثلا
ام الوردي تكلي منيه وهيه نفسهه الي تتبسم وتضحك وياهه
سكت .....شلطشتي بأم الوردي
منيه هاي فارس يعني شجاب تشيرتهه بالشقه مالتكم معناهه
شمعناهه بلله
ماادري ....فارس منيه
ليش ....كليلي ليش يهمج تعرفين .......واني اكلج منيه
فارس منيه
لتغلسين جاوبي ...
لان ....لان انت زوجي
وبعد
بس .......شنوبعد
يعني متغارين عليه
لا ....بس انت زوجي يعني
مممممم يلله راح اجاوبج على هذا السؤال حتى متموتين
اموت
من الغيره
مااغار
خوش متغارين .....من اكلج انتي غبيه تضوجين
لا والله
ووجعه .....ام الوردي الي تحجين عليهه تدرين منيه
منيه
انتي
اني
اي انتي خاتونه من حضرتيلي الجنطه .....مصفطته ويه الملابس اني من شفته كلت هاي تتحارش بيه واستغربت ....نسيت انتي متسويهه لو تموتين
يا تشيرت هذا مااتذكره يا ربي
هسه ادزلج صورته وضحكي على نفسج
ضحكت....زين ومن تبتسم بالموبايل
هاي شنو ....شو مصدكتي ولج ....شنو أنوب لازمه حلكي
فارس
نعم
ردت اكله احبك....بس مطلعت مني ابد ....وتذكرت المصيبة الي صارت اليوم الي راح تمحي الابتسامه الي صارت بيناتنه
محجيتي شتريدين
انت شسويت ال عمر
يا عمر
تعرفه كلش زين
اهوووو....هم رجعت الهاي السالفه .....شهد اذا تريدين وضعنه يرجع شويه طبيعي عوفي هاي المواضيع ....موضوع شيرين راح انتهى وأي شي يخصه هم راح
انت ليش متحجيلي ....شيرين اختي فارس
موضوع راح ....انسي طلعي من عقلج
شيرين مظلومه
مظلومه أو لا مراح يتغير شي شيرين راحت وكلشي راح وياهه انفضحت بين الناس ولو نصيح منا لسنه شيرين انظلمت مراح يتغير شي
هذا الشي الي يخليني مااكدر أتقرب آلك فارس .....
براحتج شهد
تذكرت من كلي اخو عمر .....اجيب الموبايل ويظهر براءة شيرين
فارس اليوم بالسوك اكو واحد مااعرف منو راد يخطفني
شنوووووو شدتحجين....
مااريد اضم علي وتصيرلي مصيبه يجي يوم ويطلع حق شيرين اذا مظلومه مااكدر أورط روحي واخون فارس لان مجرد احجي وَيَا تعتبر خيانه ال فارس
اي والله وكوه خلصت
شلون
ردت أصيح وانهزم
صح مكتله الي صار بالضبط لان خاف تصير سالفه جبيره هو هيج وكلب الدنيا بالصياح
خرررب حضي كل مااسافر يصير شي .....انتي شطلعج اليوم فهميني....بكيفج تلعبين ولا عبالك مره على ذمة رجال
انتي اله تموتيني يالله ترتاحين
يوميه مصيبه من وراج
اني شسويت
ولج لتحجججججين
حسّيت آذاني انطرشت سده بوجهي .....غلقت الموبايل الي انطانيا اخو عمر ونزلت بطلعتي من الغرفه سمعت قيصر يحجي ويه فارس ويكله ماادري واظاهر فارس يصيح
نزلت الموبايل ال عمه واستلموني تحقيق
قيصر/مفروض متكولين ال فارس ......شهد
شمدريني
شنو شمدريج يعني فارس بالخارج شيسوي غير بس يضل باله هنا ويكوم يلوب
مااعرف والله معرفت شلون اتصرف مردت اضم علي شي
اي صح ميصير تضمين علي شي بس مو وهو بعيد تكليله مفروض اول مأجيتي تكولين الي وبعدين عمه خوله مو وياج شعجب مكالت
هو هددني جنت واكفه وكلي اذا تطلعين صوت افرغ المسدس براسج
جذاب ميكدر كدام الناس
شمدريني خفت
بعدني كاعد احجي رجع اتصل فارس جاوبته
فارس/احجيلي شصار بالضبط
حجيتلك
شسوالج وعمه خوله مو علساس وياااااج
اي وحجيتله نفس الحجيته ال قيصر
خوووكا لزمج احجي
بخوف ....لا
ااااااااااااااخ الله .......لج والله راح تموتيني انتي وحق هذا الفوكايه راح امووووت من وراج
ليش شسويت اني ....والله صوجي كتلك
انووووب متريدين تكليلي....غير لو مكايلتلي والله وحق الله الفوكايه اله اموتج بيدي
لعد شسوي هسه اني اكلك تصيح مااكلك تموتني شسوي بلله هسه اني
لج اني الي موتني انو هذا كله صايرر وانتي تسولفين طبيعي وبالنهايه يالله حجيتي ....لج انتي كلشي عندج عادي ....مو مشكله .....سهل
بس كليلي انتي من شنوووو مخلوقه.....مستحيل بشر انتي
استغفر الله حرام هيج تحجي....وبعدين اني مخلوقه من طين
مااحس اله سده بوجهي .....والله ياربي راح انت تموتني مو اني انطيت العمه الموبايل وصعدت حتى عشه مااريد .....والله ياربي شهد دوم غلطانه
رحت للموبايل ذبيته بدولكه مال مي حتى يحترك.....ناقصني بلاوي اني
صعدت مريم وجايبه الموبايل مال عمه ...هاج فارس يريدج
غمضت عيني بملل ...بكلبي والله ياربي شوكت راح اخلص من هذا الموضوع هسه
اول مكلت الو
شهدددد باعي اذا تطلعين بره البيت بعد رجلج اكسرهه فهمتي لو لا
بلله تمرضت
شهدددددددددددددد من اكول كلمه تكولين حاضر وبس
حاضر
تستهزئين شهد بيه
باوعت مريم كبالي ....طلعتهه بيدي وهي لطشت ضربتهه براسهه وطلعت
بسيطه شهد اوكفيلي كلبه
أشرتلهه بيدي ولي
متجاووووووبين ولج
شجاوبك فارس انت تتحجج عليه والله العظيم واني تعبت حيل
ساعه سوده ومصخمه الي حبيتج بيهه يا شهد وسده بوجهي
مفروض هسه احزن لو افرح ....والله ماادري
طلعت رحت الـ مريم
اكلج بت خالتج المايعه شو مشفتهه
انجبي ولي منا
انجبي لج ورحت كعدت على بطنهه جانت متمدده
عاطت ....ووجع كومي خنكتيني
كولي مزعلانه وأكوم
ولي مزاعلتج والله
يعني زوج وزوجه انتي شكو نريد نتغازل
تتغازلون ....انتوووو فارس وشهد اخويه اصدك يغازلج بس انتي لا والله ابد
انجبي لج ....شكالولج عليه اني
ولي شهد
جريت شعرهه.....كولي مزعلانه
ولي
جربته أقوى ....مااعوفج والله
اخخخخخخ ولي هم هيج مصالحه متنراد
كولي سامحتج
اخخخخ ولي متوحشه ...سامحتج بس عوفيني
كولي ...احبج
شهد كافي تفاهه
جريتهه أقوى منو التافه
مريم/اني ....اني
شهد/عبالي وكمت منهه مشيت للباب وبستهه بؤسه هوائيه وغمزتلهه
مريم/عابت اي والله
اول مطلعت منهه وجهلي الحزن والمواضيع الي بعقلي ياربي والله تعبت من موضوع شيرين الي مااعرفه
رحت للدفتر فتحته على اخر صفحه
اخر يوم كتبت بي مريم
.........................................................مذكرات شيرين
شيرين /بعد وكت
عمر/شيرين موبايلي مكاعد الكا
شيرين/يااا...وين راح حبيبي واني احجي عليك
عمر/موبايلي انباك مدري ضاع ....ماادري وين وله
شيرين/فدووه حبيبي ...هو موبايل
عمر/ولج غير كله صورج ...طبه مرض الموبايل هو غير متروس صورج شيرين ماادري يم منو الموبايل بيد أمينه أو لا
يعني شلون عمر شيسوون بصوري
ماادري شيرين والله ماادري من البارحه لليوم منايم ابد مبقيت مكان مدورته بي
عزززه بعيني عمر
كمت اطفر بالكلمات اخر شي قريت ....شيرين اسف مـــ........يتبع