#أختناق_الندم
الحلقه31
~
~
~
فرحت بكل وخصوصا معايه فاتن وابراهيم يمشي قعد
اصلحت حياتي طبعا
بس ولو يمكن ننسي الماضي ولا ننسي عذابي ولا ننسي مامي
الحمدلله علي كل حال
ياسر: انتي يافسخه
انا: تي ها؟
ياسر: هياا وقت
انا: باهي تو نلحق عليكم
ياسر: في عينك منرجاش تو نكلملك دلال تفاهم معا كنا غلبت فيك
انا: امممم ياسر
ياسر: اعيونه
قربت منه وحطيت يديه ع رقبته:
انا: متبش تحكي مع امك
ياسر: ؟؟؟؟؟؟؟
انا: اللي صار صار وخلاص
ياسر: تو نروحو من تركيا انعدولها؟؟؟
انا: به ههههههه نجك انت
ياسر: انحبك
انا: حتي نا ياسر امتي بنروحو؟
ياسر: يوم الخميس ليش مليتي؟
انا: لا بس خلاص بنروحو
ياسر: اتفقنا ان الخميس نروحو
انا: تمام
ياسر: حنرايف عليك لفعند بعدين؟
انا: اكيده حتي نا
ياسر: اممم انزلي كسدي عند فاتن او دلال
انا: لالا بنرتب الدبش خايفه ننسو حاجه وفي اللي يبي غسل
ياسر: به خلاص براحتك متعبش روحك واجد
انا: حااضر
طلع برمت ع شقه كنه ماجرين في تركيا في نفس العماره
نا وفاتن ودلال
ورتبت الدبش نسمع في باب يدق
فتحت
فااتن :*
انا: اهلا برهومي حبيبي
فاتن: الرجاجيل طلعو ههههههه
انا: ههههههههه دلال وين؟
فاتن: دلال قاعده عند قريبتها ليبيه وجايه تركيا
انا: اهاا
فاتن: كنك منكته الدبش؟
انا: بنروحو الخميس
فاتن: قالي عمر بس مزال 4 ايام
انا: اللي تخف تخف
فاتن: والله صدقتي به احيلي شن جوك مع ياسر؟
انا: الحمدلله تمام
فاتن: كنك؟؟
انا: كني؟
فاتن: نسألوك انتي كنك؟
انا: مضايقه
فاتن: ليش؟
انا: مش عارف عللي صار كله يعني ياسر ميحكش مع هله
ونحس في روحي ظلمت بنت خالته وياسر مضايق عشان
امه بس ميبش يوضحلي
فاتن: ياسر ناضح وعقله في راسه يعني يعرف يصرف متفكرش بداله
انتي تحبي تندي ع روحك وخلاص
انا: عقلي ميوقفش عن التفكير وجيج بكل خايفته يندم او يكرهني عشان
يحس ان نا سبب مشاكله مع هله
فاتن: شنوه الافكار من جدك انتي؟؟؟ ياسر يحبك ياهبله ويموت فيك
ساره معش تفكري في هله وفيه هوا فكري في روحك وبس
فكري في حوشكم اللي قريب يكمل في ليبيا فكري كيف تسعدي زوجك ومتخلش يندم ان
فضلك ع هله فكري في انك تحملي وتجيبيلي اعيال عشان تقوي علاقتكم ويقعد في رابط
قوي بيناتكم
انا: نحمل؟؟؟؟؟؟؟؟؟؟؟
فاتن: ها مالا عليش عابيه؟؟؟طبعا تحملي وتجيبله هكي حتي تشغلي روحك
وتقعدي تفكري في اعيالكم وبطلي وسواس زايد
انا: مش عارف
فاتن: ساره معش تفكرؤي في شي هوا تو يصرف
انا: ربك يستر وخلاص رايفت ع ماما واجد
فاتن: حتي نا
انا: مزلت لعند توا مش مصدقه موتتها انحس فيها بترد مش عارف
بعد فقدتها حسيت روحي مش مستعده نفقد حد اخر
فاتن: والله حتي نا رايفت عليها الله يرحمها
انا: كل يوم ندعيلها كل مانفتح اعيوني في صبح نذكرها كل مانرقد نذكرها
صورتها ديمه في بالي
فاتن: هذا حال الدنيا بس الحي ابقي من الميت ساره اللي صارلك مش شويه
ومجمتع الليبي ميرحمش شفتي شن كانت ردت فعل هلك بعد رديتيلهم
وكيف ان خوتك متقبلوش انتي بروحك حسيتي روحك غريبه رغم ان طول عمرك
كنتي تحلمي تردي تعيشي في وسطهم ساره توا محد لك في دنيا غير نا وياسر
وبالاخص ياسر ..حاولي انك تحافظي عليه هوا الوخيد اللي يتحملك ويصبي جنبك
مهما صار كلا الباقي متثقويش في حد بعد تقعدي مكسوره ومذلوله هوا الوحيد اللي
يصبي معاك باتك بعد عمر طويل ميبش يعيشلك ديمه
وامك متقدرش ع خوتك ومعندهش معاهم شخصيه يعني بعد الله مالك اللا ياسر
متزعلبش ومتنكدش عليه ولو ع موضوع هله خليه هوا يحله بطريقته
انا: عارفه والله عارفه
فاتن: عارفتك تعرفي بس نذكر فيك الغلطه في مجمتعنا بورطه لو لسمح الله صارت
بيناتكم حاجه الناس كلها تلوم عليك لان محد نسي اللي صار زمان
رد بالك عليه وزي ماقتلك احملي عشان يهتم بيك زياده ويدلعك
انا: .........
فاتن: امه مش متقبلك اساسا فمابلك حاطه في راسها انك سبب ان سيب مراته
بنت اختها يعني لو ياسر رد علاقته بامه في احتمال ان تخليه يصف معاها
انا: ياسر مستحيل يديرها؟
فاتن: توقعي أي شي وخليه شخصيتك قويه وخليه براحته عش تضغطي عليه
انا: حاضر
فاتن: اسمعي دلال ترن شكلها جت خلينا نطلعو لنا لسوق
انا: ياريت بس نشاور ياسر
نزلت وجهزت روحها والبست برهوم
ونا ودلال نفس الشي وطلعنا لسوق
ابراهيم هبل فاتن ويجري هك وهك وهيا حاملوتجري في جرته
قعدنا نضحو عليها
دلال: تعب لفروخ
انا: هههههههه هبلها
دلال: مفش حاجه هك او هك؟
انا: لا هههههههه وانتي؟؟
دلال:.........
انا: غريبه مع ان لكم فتره مجوزين انتي ومحمد؟.
دلال: نا سبحان الله من عند ربي الحمل ميثبتش عندي
كل مانحمل يطيح وننزف واجد ونتعب
انا: واااووو لاول مره نعرف؟
دلال: الحمدلله ع كل حال توا اول مانحمل ضروري ما نتخيط
عشان يثبت قاعده نرجي امتي ربي يكتبلي للمره الرابعه
انا: اكيده توت جيبي عيل قمر كيفك :*
دلال: وانتي نبو حاجه تفرحنا
انا: بصراحه ناخد في حبوب منع
دلال: ؟؟؟؟؟؟؟؟؟؟؟؟؟؟؟؟؟؟؟؟؟؟
انا: متحكش لفاتن تقتلني لو عرفت
دلال: ساره من جدك انتي؟؟؟؟؟؟؟
انا:............
دلال: حرام
انا: خايفه والله عايشه في رعب انحس في حياتي مهدده مش نتريحه
خايفه ياسر يسيبني او خايفه تردلي التي اللي زمان
والبيبي ينظلم معايه خايفه نقعد ام فاشله
دلال: لو عرف ياسر يزعل منك وهك بجد تخسريه
انا: فاتن اليوم دوتلي في نفس الموضوع
دلال: حبوب المنع لهن اثار سلبيه ومش كويس عليك
معش تفكري في الاسواء توقعي الاحسن ساره انتي تعالجتي
حتي وجودي جنبك معش لاه داعي متخافش
انا: نا بروحي مش ظامنه اني انعيش في حياه هذي انحس في اللي كانت متقبلتني
ومتحملتني وحاميتني ماتت وسبتلي هم ثقيل قعدت عند هلي فتره سببتلهم مشاكل مع ناس
وسببت مشاكل بين باتي وخوتي امي بعد انبحت فيها انشوف نظرة اللي ياريتك
ماجيتينا بس مش قادره تقولها فاتن عايشه مع عمر في شقه اصغيره
يعني وفي نهايه لو يصير مايصير مش ملزومه انها تقعدني عندها وياسر؟؟؟
ياسر مشاكل مع امه وكل يوم انحسه يارايف عليها مرات يقعد يحكيلي عليها
كيف كانت قريبه منهم وكيف دارت المستحيل عشان تربيهم وتكبرهم
متأثر ان ميحكش معاها بس ميبش يبينلي عشان ميزعلنش
نا عباء ع مجتمع ولو جبت عيل او بنت من بيهم؟؟؟
دلال: واااو ع تشاؤم ساره مش هك الحياه
انا: كل حاجه صارت معايه علمتني نتوقع الاسواء ونفكر 100 مره في أي موضوع
حتاي لو تافه بنسبه لغيري بس بنسبه ليا مهم عانيت واجد ومنبش نظلم حد اخر معايه
دلال: انتي سلمي امرك لله
انا: ونعم بالله
دلال: اللي كاتبه ربي يصير وربي مش ناسيك انتي كنتي اتمني
انك تاخدي ياسر وتعيشو مع بعضكم توا هوا زوجك ومن حقكم يقعد
عندكم بيبي مش يمكن البيبي هضا يلين قلب امه عليك؟
انا:.............
دلال: ساره غلط اللي قاعده ديريه فيه وتفكيرك بطريقه هذي يتعبلك نفسيتك
ومعش تخليه شيطان يوسوسلك اللي فات انسيه وحتي لو خسرتي عيلتك
وماتت امك نا عيلتك فاتن عيلتك كلنا معاك
فاتن: دهشني الفرخ ههههههه واااو
دلال: حبيبي برهومه تعال
انا: هههههههه شعره تخرب
كسدنا شويه وتعشينا ورحنا لقيت ياسر في شقه
خشيت نا:
نا: غريبه روحتو بدري
ياسر: رايفت ع زوزتي ههههه
انا: حاسبني في عشان تعشيت ياروحي نا
ياسر: حتي نا تعشيت نحسلبك متبش اطولي وين عديتوو؟؟
انا:.....(حكيله)
ياسر: هههه صار لعب فيكم ابراهيم؟
انا: هبل امه ياروحي تجري وراه وخلاص شيطان بكل
ياسر: نحس في موعدها قرب بطنها كبيره
انا: اها هههههه ربي يعينها
ياسر: بس فرحانين بيهم هيا وعمر :*
انا: .........
ياسر: انشاءالله نجرو في جرت عيالنا
انا: (في خاطري شن قصتكم اليوم مع الحمل والعيال)
ياسر: ولا لا؟
انا: اها هههههه ان شاءالله مع انك قتلي متحبهمش
ياسر: محد يكره ان تقعد عنده نسخه من حبيبته :*
انا: وين تندري مرات يجو يشبهوك انتتعالي بس تو نقولك لمن يشبهو اكثر
ووو,,,,,,,,,,,:*
نضت في صبح ادوشت اتصلت بفاتن ع اساس بنفطرو كلنا مع بعضنا
نوضت ياسر ونزلنا فطرنا
مرن الايام بسرعه وروحنا
عدينا للشقتنا (اجرناها)
لان شقة ياسر لاولي كانت لامه مش لاه
مقدرنش نقعدو فيها
اول ماوصلنا
ياسر: تعبانه؟
انا: لا مش واجد
ياسر: نا راسي من صوت الطياره بنرقد
انا: في العشيه نا انعدي لهلي وانت شوف هلك؟
ياسر: نوضيني ع عصر
انا:تمام
خشيت قبله غيرت فوطة السرير
وخش رقد
برمت ع شقه نضفت العجاج
دق الباب:
شفت من العين لقيتها رباب (اللي ماجرين منهم الشقه)
انا: اهلاا
رباب: اهلاا انستو الحمدلله ع سلامه
انا: الله يسلمك تفضلي
رباب:لالا بنعدي سمعت هرجتكم وانتم راكبين
انا: تسلمي
رباب: سندوتشات شورما درتهن في الحوش ع غذاء حسبتك فيهن
انا: مشكوره تسلميلي تعبتي روحك
رباب:تعبك راحه سامنه يابنت :*
انا: واجد؟؟؟؟؟؟
رباب: ههههه لالا
انا: خشي عاد
رباب: والله بنعدي واكيده تعبانين وحايسه عاد نساعدك؟
انا: لالا تسلمي حبيبتي
رباب:؟والله؟
انا: نضفتها لشقه وغسلت دبش ونشرته وفضيت الشناطي
رباب: ربي يحفظك كلا انتي يعوين راجلك بيك
انا: ويحفظك خشي نشربو قهوه؟
رباب: لالا بنعدي لاختي ولدها مريض
انا: لاباس عليه
رباب: الله لا يوريك باس حبيبتي تبي حاجه قوليلي عاد؟
انا: تسلمي وشكرا ع سندوتشات
رباب: صحتين اوك
انا: اوك
صكرت الباب وناض ياسر
نا: نضت؟؟
ياسر: من هرجتك انتي تفلعمي بصوت العالي خشي وتسلمي ومش عارف شنو
انا: كان عاجبك؟؟؟؟؟؟
ياسر: الله الله بارمه ع حوش عمتي نظافه
انا: مجنش نوم
ياسر: ومفضيه الشناطي لقانك حاجه كبيره
انا: ههههه خش خود الوذوء وصلي
ياسر: اذن؟؟
انا: ملش 5 دقايق
ياسر: باهي به
صليت نا وطلع هوا صلي
ياسر: اووو شن البنه الحلوه هذي؟
انا: ههههه نا درتهن ؟
ياسر: امتي لحقتي؟
انا: انبصر جابتهن الوليه رباب
ياسر: (كله منهن) بس حاجه صح
انا:؟؟؟؟؟؟؟
ياسر: مش عاديات والله خطيره بكل الشورما مش عادي سلم يديها
انا: ساهله لحم يحطز في زبادي ويتبلوه بس حسستني حاجه كبيره
ياسر: وكنك غرتي انتي؟
انا: عليكانت اللي تقول عمرك ماذقتها عاديه كيف أي شورما
ياسر: غيوره تحسدفي ناس خزيه
انا: قصدك شورمتها احلي من متاعي؟
ياسر: اهاا طبعا هههههههه
انا: معش بنديرلك خللي رباب ديرلك معناها
ياسر: زعلتي؟
انا: اها
ياسر: اطربقي هههههههههه
انا: ياسامط را نزعل جديات
ياسر: حبيبي انت نبصر معاك
انا: ......
ياسر: كولي
انا: معجبتنيش مكثرتلها الملح
ياسر: ههههههههههه
انا: عليش تضحك؟؟
ياسر: مجنونه ههههههههه
انا: بنغير دبشي هيا عشان نطلعوو
غيرنا وطلعنا
حطني عند هلي
خشيت انفجعو طبعاا
لقيت زينه وماما وسهام لوطه يهدرزن
سلمت عليهن
اما ياسر عدل لخوه سفيان
دق ع باب شقته فتحتله اروي:
اروي: اهلاا ياسر
ياسر: مرحبا البرنس قاعد
اري: تفضل في حمام قاعد
ياسر: زيد فضلك ناديه ليا
اروي: حاضر
نداته وطلع
سفيان: حمدلله ع سلامه ياريس
ياسر: لك وحشه
سفيان:شن امورك
يااسر: تمام طمني ع امي؟
سفيان: كويسه الحمدلله
ياسر: بنعديلها اليوم ولانقانك عدي معايا
سفيان: انت عارف امك؟
ياسر: باهي لعند امتي؟
سفيان: باهي اجلها بكره خلينا اليوم نعديلها بروحي وبالك نقنعها
ونجو ن اوياك بكره
ياسر: لا بنعدي معاك اليوم
سفيان: والله ربك يستر وخلاص امك مش ناويه ع خير من الاخر
ياسر: بنريح ضميري
سفيان: لانقانك غلطت ومشكلك متسمع شالا في روحك عاجبك الوضع؟
ياسر: اللي صار صار
سفيان: خربت الدنيا ياريتك حتي من البدايه اصرفت بعقل ظلمت بنت خالتك
والله اكثر وحده واجعتني هيا شن ذنبها
ياسر: ..........
سفيان:حتي الغريب ميديرش اللي انت درته فمابالك هذي بنت خالتك
وشبه متربيات عندنا تخايل الموقف هضا يصير لجنات ؟؟ او رانيه؟
ياسر: ..........
سفيان: امك بصدق شايله عليك
ياسر: والله مرايف عليها وع صوتها منحبش انزعلها لعند اخر لحظه نبي رضاها
بس
سفيان: اجل الموضوع شويه
ياسر: بنشوفها اليوم ونبيك تعدي معايه تبي اوك متبش تو نعدي بروحي
سفيان: اقل حاجه نحكي معاها قبل جيتك؟
ياسر: مفش داعي تو نخشلهاا نا ونحكي معاها
سفيان: اصبر نغير دبشي
غير وطلعوو
وصلو للحوش..........
...يتبع
كتبها وامتسحت :(
وكتبتها اخري -_-
اليوم مخشيتش في تفاصيل عشان نبي ننعش ذاكرتكم ^_^
بكره الحلقه ال2 باذن الله ^^ يبدن الاحداث :*
#فاطمةه