#أختناق_الندم
(((الحلقه 11)))
روحت زينب وبناتها :
امل: را حتي نحنا نبو فساتين؟؟
زينب: بنبدا انجهز للعشاء من توا تبيلنا حاجات :/
ايه: ماما بتجيبي وحده تطبخ العشاء؟
زينب: اكيده مالا من بيديره بنجيب طباخه وغسالة ماعين
ايه: عندي رقم وحده تغسل فلماعين جابوها في عرس اخت صاحبتي تشكر فيها وقالتها سعرها مش غالي :*
زينب: فكيني من قطاف الفرخات اربطي معاها من اليوم -_-
ايه: توا بس وين فونك مامي :*
زينب: قاعد في شنطه مطلعتش شنو تبي فيه :/
ايه: معندش رصيد ^^
عدت وخت الرقم من فون امها لان من قبل سجلاته زينب من عائشه
وايه حاضره الموقف((حلقه1))
رن علينا رقم غريب:
ماما: ايواه
ايه: السلام عليكم؟
ماما: وعليكم السلام تفضلي يابنتي؟
ايه: عندنا بيان يوم الاحد ونبو غسالة ماعين ^^
ماما: وين السكن؟؟
ايه: في @#$
ماما: من طرف منوو؟
ايه: من طرف سعاد؟؟؟
ماما: اهاا اهلين باهي ان شاءالله^^
ايه: خلاص تو نرن عليك السبت اناكدلك؟؟
ماما: وانتي طيبه بسلامه
ايه: باي باي
صكرت:
....
ام عمر: العرب كويسين والله فرحانه قيب انطير نسيت همي
سليمه: والبنت سمحه ماشاءالله عليها
ام عمر: كنك ساكت ولا مش عاجبتك؟ -_-
عمر: كويسه
ام عمر: نا كنت خايفه ان امها تقول مزوج لا
سليمه: لالا عمر اصغير فلعمر وبعدين نصيب يعني
ام عمر: هدرزت معاها؟؟؟
عمر........
سليمه: عمر
عمر: نعم
سليمه: امي تدويلك :/
عمر: نعم ياامي
امه: قتلك شنو حكيت معاها؟؟
عمر: عادي?? انا طالع توا توصي علي شي ياامي
امه: سلامتك
طلع عمر :
امه: واخيرا هم ونزاح علي قلبي هالفاتن
سليمه: بس عمر مش راضي حسيتها فيه؟
امه: تو يرضي بعد يجوز حنونه تو يرضي ^^
سليمه: باهي خطرها احكيلي كيف طحتي من ع دروج
امه: هيا اللي تقصدت وطيحتني تبي تقتلني بتاخد ولدي والحوش
سليمه: ......
امه: كنك سكتي؟
سليمه: والله ياامي تبي الحق نا صح مش راضيه علي زواج
عمر وفاتن وصح مانحبها لاكن البنت متربيه
امه: تكذبي فيا ؟
اسليمه:حشاك ياامي بس نحكيلك يعني بلكي انتي فهمتي غلط
او هيا كانت مصبيه وراك
امه: لالا جت ورايا ودفتني
سليمه: كيف يعني لو طيحاتك يعني بتجي علي وجك او بتشقلبي
من دروج بس انتي زحلحقن كرعيك وجت حاشية الدرجه
علي العمود الفقري يعني كيف طيحاتك هيا؟؟
امه: بتطلعيلي فيها ممحلله سياسيه انتي ؟؟؟ وتكذبي في امك؟
سليمه: مش قصدي ياامي بس البنت يتيمه وظلمها واعر
امه: لا ظلمتها ولا جيت شورها هيا اللي تبي تقتلني
سليمه: كان هيا ربي ياخد حقك منها
امه: خوك ميبش يطلقها؟؟؟
سليمه: لا مجاب سيرة الطلاق
امه: مرات هل حنين يشرطو الطلاق؟
سليمه: مش عارف .. حسيتها مدلعينها وسمينه شويه
امه: لا مليانه مش سمينه ومش دلع هذي تربية بنات العز
سليمه: ربي يقدم اللي فيه الخير
امه: نا مستعجله تو نكلمهمم ونقوللهم ايعجلو
سليمه: باهي
امه: خششيني للحمام
سليمه: حاضر
~
~
~
~
ماما: بكره عندك معهد؟
انا: اها
فاتن: كنك معش تخرجتي؟
انا:......
ماما: متقراش بكل
انا:......
فاتن: ملل بكل مفش طلعه اليوم؟
ماما: لالا بنتريح اليوم وبكره منش طالعه
انا: بما ان الحمدلله نفسيتي قعدت خير من قبل بنرد نطلع معاك
ماما: لالا اقعدي وانتي ساكته
انا: بعد تقعد عرس او مناسبه انعدي معاك ونس ونقعدو مع بعضنا
~
~
~
مرن يومين :
عائشه: باهي عشان خاطري
ياسر: مش فاضي ياامي مش فاضي؟
عائشه: ساعه وروح بيهن
ياسر: عليك قصه
عائشه: علي السريع محل او اثنين
ياسر: محل مش 2؟؟؟
عائشه: باهي سلم ولدي جنات هيا خوك وافق
طلعت جنات وركبو في سياره:
ياسر: انحس في روحي ازرطت في القصه؟
جنات: من اول كان قعدت صريح وبلا اللف ودوران
ياسر: لو رفضت ابتسام امي تمكر ومستحيل تاخد ساره
جنات: قلت لساره ان دفعك امس وبتلبس الدبله يوم الاحد
ياسر: اكيده لا حاجه عن نفسي مش مقتنع فيها انعدي انقولها
جنات: حتنصدم البنت اللي فيها مكفيها
ياسر: بنت خالتك البارده هذي معش بت تفهم
جنات: ان شاءالله غير جهزت روحهاا
وعدو لابتسام ركبت من لورا:
جنات: سومه شنجوو؟
ابتسام: الحمدلله كيف حالك ياسر؟
ياسر: .......
جنات: ابتسام تحكيلك
ياسر: الحمدلله وين تبن تعدن ؟
جنات: محلات #@$
ياسر: محل واحد؟؟عندي شغل
ابتسام: لو مش فاضي عادي ننزل؟ :/
ياسر:........
جنات: لالا فاضي غير داير روحه متعصب وواعر :3
ابتسام: هههههه =D
وصلن للمحل:
ياسر: مطولنش -_-
ابتسام: انزل عشان تختار معايا؟ :/
ياسر: ؟؟؟ :3
جنات: هيا ومن بيدفع حقه؟؟
نزل ...
دورن كم فستان:
جنات: هضا حلو
ابتسام: لالا مخرب عليه الازرق شوفي هضا؟؟؟
جنات: تحسيه مخربش واجد ويسمن من الوسط
ابتسام: هضاا؟؟؟
جنات: حلوو ياسر شن رايك؟
ياسر: مش عارف شنو نا اللي بنلبسه؟
جنات: ناخدو في رايك؟ :3
ياسر: هيا بسرعه بس
جنات: تخشي غرفة القياس؟
ابتسام: باهي
جنات: خشي؟؟
خشت قساته ووخشت وراها جنات وصورتها بيه
طلعت:
جنات: يهبل ياياسر جاا كان شفتها؟
ياسر: ملاحظتش انك عايشه اللقطه؟
جنات: اسفه سكتت نكد كلا انت -_-
طلعت ابتسام:
جنات: كم سعره؟
صاحب المحل( عيسي) : 400 دينار
ياسر: لالا غالي رديه
جنات: اسكت عيب :) :3
ابتسام؟؟؟؟؟؟؟
ياسر: رديه؟
جنات: البنت قساته خلاص خوده مش شورك تو ماما تدفعلك فلحوش
ابتسام: او عادي تو نا ندفع حقه
ياسر: انتي مش شايفتيني راجل قدام؟
جنات: واطي حسك صاحب المحل؟
ياسر: نحكيلك نا مش شايفتيني راجل قدامك؟
ابتسام: اسفه
ياسر: خلاص خوديه وادفعي حقه وقمعزي بيه فحوش هلك
طلع وركب في سياره
ابتسام: حي عليا زعل؟؟
جنات: فضيحه قدام صاحب المحل؟؟
عيسي: ولا يهمك عادي
جنات: سامحنه؟؟؟
عيسي: عادي جدا حصل خير هضا كرت المحل :*
جنات:؟؟؟؟؟؟؟؟ :o
ابتسام: احم خوديه وهيا بسرعه را يعدي ويسيبنا^^
خذاته وطلعت:
ركبن في سياره:
ابتسام: سامحني ياياسر والله ماقصدي بس عجبني
ياسر:........
جنات: .......
ابتسام: ؟؟؟؟
جنات: نبو المحل هضا ؟؟؟
ياسر: ....
ابتسام: خلاص اسفه؟؟
ياسر: حصل خير
نزلو للمحل الثاني
ابتسام: هضا سمح؟
جنات لالا متخاذيش اقصير؟
ابتسام: القصير ارخص من الطويل ومنبش انكلف علي خوك
جنات:؟؟؟؟؟
ابتسام: اصلا سمعت من خالتي ان بيبدا يبيني ومصاريف البيان والفرح
جنات: هابا ياخيتي -_-
ابتسام:؟؟؟؟؟؟؟ :/
جنات: هيا شوفيه
قساته وطلعن سألن ع سعر
صاحب المحل: 130دينار
ابتسام: (بحتت في ياسر)
ياسر: ارجني في سياره ندفع حقه ونجيكن
ركب في سياره وحط ابتسام عند هلها :
جنات: بالغت باالغت
ياسر:..........
جنات: بجد مش ذنبها البنت تحرجها قدامي وتخليها تعتذر كم مره
ياسر: ......
جنات: حرام تاخد فستان اقصير عشان بيانها واخرا لا تشوز ولا شنطه
ياسر:...(زات صوت المسجل وخلاه عالي بكل)
جنات: طووول عمرك قليل ذوووووق
~
~
~
فاتن: اهلا تفضي حماتك بتحبك دايره كيكه بشكولاطه تهبل <3
دلال: ءوووه سلم يدياتك ساره وين :*
انا: اهلا
ماما: تفضلي تفضلي
سلمت علينا وهدرزت شويه
دلال: هيا ساره؟؟؟
انا: هياا
خشينا للدار وصكرناها:
دلال: باهي؟؟؟
انا: شنو؟
دلال: احكيلي ؟؟
انا:؟؟؟
دلال: احكيلي علي ياسر؟
انا: من وين نبدا؟؟
دلال: تحكو يوميا
انا: شبه يوميا
دلال: تغريتي واااجد مع ان ليافتره بسيطه بس نعرفك بس فرق واضح
بين اول مره شفتك فيها وبين توا بس نفس الشهقه
انا: الشهقه هذي خنقه مرافقتي من يوم الرحله نحاول انطلع بيها همومي بره عشان متخنقنش العبره ونبكي لان انحس فدموعي جاهزات
دلال: شنو اللي تغير من يوم ياسر كيف قعدت ساره؟
انا: حسيت باهتمام واضح حب واضح
دلال: وثقتي فيه؟
انا: الثقه جت بروحها
دلال:........
انا: يخاف عليا يحاول ان يحسسني بالامان ديمه يقولي متخافش نا معاك لدرجة بعد نرقد انغمض اعيوني ونحط صورته بين اعيوني
نرقد علي طول نحس فيه معايا طول الوقت لان عارفته يفكر فيا
دلال: ياسر عرف ماضي ساره؟
انا: حنطلب منه ان يقعد جنبي طول العمر ومش ملزوم ان يجوزني
دلال: ليش تعذبي في روحك هكي؟
انا: خلاص مش حننقهر او نتعب او نتعذب كيف ماتعذبت زمان
دلال: بس قلبك يدق وانتي قاعده تنفسي ونحنا بشر؟
انا: مش حنخسر اكثر ما نا خسرت في حياتي
دلال: لو طلب منك زواج؟
انا: حنرفض
دلال: يطلب السبب؟
انا: منقدرش نحكيله اذا كان نا بعد نذكر نكره روحي فمابالك هوا اللي حبني
ووثق فيا
حكينا واجد بس الدكتوره كانت ذكيه ركزت في جلستنا كلها ع موضوع
ياسر عشان عرفت ان بدا الموضوع هضا يااثر فيا اجابيا
طلعت وصكرت وراها باب الدار ورنيت عليه:
ياسر:.......
انا: الو
ياسر: هلا
نا: اهلين كنك متعقد مني؟ :/
ياسر: لالا :(
نا: به كنك؟
ياسر: غامتلي من هلي
انا: عليش؟
ياسر: كنك اليوم مرنيتش؟
انا: توا غير فضيت
ياسر: ساره انتي عندك حساسيه في صدرك؟
انا: لا
ياسر: عندك ضيق تنفس
انا: اهاا
ياسر: نحس فيك تاخدي في نفس واجد وتدهشي بعد تحكي
انا: ,,,,,,,
ياسر: شن رايك بكره بعد نطلعو من المعهد نشيلك للمستشفي؟
انا: لالالاللا
ياسر: ليش؟
انا: مستحيل ياسر لو مره اخري تطلب مني اني نطلع معاك
معش تسمع صوتي
ياسر: اهدي خلاص نا عشانك بس
انا: نا مافيا شي
ياسر: به اسف بس حسيت من اول ماعرفتك صدرك تعبان ونحس فيك مريضه وكل ماكلميني تاخدي في نفس
انا: مافيا شي نا
ياسر: به خلاص اسف...لابسه هديه متاعي؟^^
انا: قاعده في يدي
ياسر: متسلحيهاش
انا: حاضر
ياسر: تحبيني؟؟
انا:...........
ياسر: سؤال صعب لدرجه هذي؟
انا: خايفه
ياسر: خايفه مني ؟؟ متخافيش ساره نا نبيك
انا: اه وخلاااااص
ياسر: مزلتي تعدي للدكتوره؟
انا: اهااا هيا تجيني
ياسر: لعند الحوش؟
انا: اها
ياسر: دواك تاخدي فيه فلموعد
انا: اهاا
ياسر: عليش خايفه مني؟
انا: دكتورتي مزالت بره نطلع انشوفها
ياسر: اقعدي هدرزي معايا نبيك محتاجلك
انا: ياسر الوضوع اكبر من اللي انت تخيله
ياسر: موضوع شنو؟
انا: منعرفش خلاص متظغطش عليا
ياسر: حاضر وبراحتك ساره وين خاطرك تسافري؟
انا: اهههه كيف ؟
ياسر: وين خاطرك تعدي؟
انا: اممم معمرش حطيت في بالي بلاد
ياسر: نا انحب السفر
انا: وين ماشي انت؟
ياسر: بريطانيا قعدت فيها واجد قريب 5 سنوات
وماشي اسبانيا وفرنسا وتركيا وو مصر طبعا
وتونس وومغرب بس
انا: ماشاءالله هههههه
ياسر: وانتي عمرك سافرتي؟
انا: زمان سافرت مصر مع .
ياسر: مع من؟
انا: ......
ياسر: الو
عائشه دقت ع باب
ياسر: من؟؟
عائشه: امك؟؟
ياسر: شويه بس
انا: اوك
صكرت منه وطلعت لقيت ماما ودلال وفاتن يهدرزن
~
~
~
~
عائشه: انت بتهبلني بتخششني عقل مش عقلي؟
ياسر:عليش شنو درت^^
عائشه: كيف تاخد قفطان اقصير لابتسام فضحت بيا قدام اختي
واخري تقول لالا غالي ورخيص مستحقين نحنا؟؟؟
ياسر: وهيا قالتها لك؟؟ معندش فلوس
عائشه: كان قتلي را عطيتك المبلغ اللي تبيه
ياسر: منحبش حد يصرف عليا وانتي عارفتيني
عائشه: عيب التصرف اللي اليوم درته عيب
ياسر:.......
عائشه: سيب النقال اللي في يدك وبحت فيا
ياسر: نعم؟
عائشه: بكره تجيب طاقم كامل مكياج ماركه وتجيب سلة عطور
فخمه ؟؟؟
ياسر: معندش فلوس؟؟
عائشه: تو نعطيك قول كم تبي
ياسر: مناخدش منك شي بنت اختك عاجبها هكي باهي مش عاجبها
هيا حره في 100 بنت اتمناني غيرها
عائشه: باهي ياسر تو تشوف عليها
طلعت امه وخشت جنات وصكرت الدار:
جنات: قعدن خواتها يشفطن عليها والله وجعتني عشان بيانها واخده فستان عادي
ياسر: يا حرام؟ :(
جنات: يابارد نحكي جد"؟ -_-
ياسر: اطلعي بنبدل دبشي وبنطلع
جنات: وين ماشي
ياسر: حاجه تخصني اطلعي
طلعت خشت للدار :
سميه: شنو الكرت هضا؟
جنات: هههههه هضا صاحب المحل
سميه: ؟؟؟
جنات: شكله انعجب بيا مده ليا انحرجت خديته وطلعت
سميه: من امتي؟
جنات: من قبل يومين يوم اللي شرينه قفطان ابتسام
سميه: رني عليه سمح؟
جنات: كويس شكله بس خوك دارلي فضيحه وقال ع قفطان غالي قدامه
سميه: ياسر كريم بكل غريبه؟؟؟
جنات: ضرب الفقر دره كبدي واحرجني
سميه: لو ولد ناس وحسيتيه كويس رني
طلعت سميه:
خد تفونها ورنت ع رقم:
جنات: ايواه السلام عيكم
عيسي: وعليكم اللسلام منو؟
جنات: امم نا البنت اللي جاتك قل يومين في محل
عيسي: والله في اليوم يخشلي اكثر من 30 بنت؟
جنات: اها تعطي فيهن كلهن في رقمك؟
عيسي: هههه لالا عرفتك اوك
جنات: به من؟
عيسي: البنت اللي خوها هزب ع فستان وقال غالي
جنات: فضح بيك ياياسر دنيا واخره
عيسي: شنوو؟
جنات: لالا شي اها نا هيا
عيسي: كيف حالك ؟
جنات: الحمدلله كويسه
عيسي: اسمعي نا قاعد في محل شويه ونرن عليك؟
جنات: باهي براحتك اوك
عيسي: اوك
صكرت منا وراقالها لان اول مكالمه متوقعتش هكي ...
~
~
~
مرن ايام ونلاقه نا وياسر يوميا فلمعهد زدت تعلقت بيه غصبا عني
كان حنون معايا حسسني حاجات واجده
اولهن ان نا مش ميته وان نقدر نبدا حياهخ جديده
عارفه ان وضوعه مستحيل بس كانت فتره حلوه محبيتش نحرم روحي منها
مرن ايام سريعه وجا يوم الاحد ...
ماما: نا توا طالعه هيا ساره؟
ساره: هيا
ماما: تبي حاجه رني ومتفتحش لحد؟
فاتن: حاضر
طلعنا وعدينا لحوش ..
فتحتلنا وحده غريبه
عليا: اهلا تفضلن
انا: ......
ماما: اهلين
خشينا
ماما: صباح اهلين كيف حالك؟؟
صباح: اهلا اهلا كيف الحال
ماما: ربي يعطيك الصحه
صباح: سلمك شخيارك وكيف حالكم؟
ماما: الحمدلله سلم حالك
صباح: منو هذي:..
ماما: سلمي يا ساره هذي بنتي
صباح: ماشاءالله اهلين
انا: اهلين
ماما: صباح هذي يدين عسل طبخها مش عادي وليبيا لها تحكي عليه
صباح: تسلمي وربي يخليك
ماما: والله شهاده لله
صباح: تسلمي يارب
شويه هك وطلعت امل:
امل: صباح قلتلك ماما ءءءءءءء
انا: .......... :o
ماما:............... :3
امل: انتم؟؟؟؟ :o
ماما: البنت هذي شايفتها من قبل
انا: (اذكرتها علي طوول بس نحساب صدفه) :/
خشت امل تجري
امل: ماما ماما
زينب: كنك؟
امل: البنت وامها الخدامات ؟
زينب: احكي بشويه علي من تحكي
امل: البنت اللي جابتها خالتي عائشه وصارت معاها مشكله هيا ورافع
زينب: كنها؟
امل: هيا اللي بتغسل لماعين مع امها
زينب:.؟؟؟؟؟؟؟؟؟؟؟؟؟؟؟؟؟؟؟؟؟؟ :o
امل: وشن جابهن؟؟؟
زينب: ايه الكلبه توا بديرلنا فضيحه :o
امل: شنو اندير
زينب: معش تطلعي للمنور عليك قصه ايه نهارها اسود مني
امل: ابتسام شكلها جت؟؟
زينب: عدي استقبليها
امل: حاضر..
~
~
~
ياسر:........
عائشه: طلعيهن راكن تنسن حاجه الحاجات متاعات العروس واتيات
ياسر: هيااااااااا
عائشه: باهي اصبر
سميه: خلاص كل حاجه ركبها سفيان
عائشه: سلة العطور وصفره؟؟
سميه: كله طلعته
عائشه: خواتك وين ياهمي؟
سميه: رانيه مزالت ماكملت وجنات تلبس في عبايتها
عائشه: هيا به
نزلن كلهن وركبن في سياره ياسر وعدن معاهم عماتهن 3 وبنت وحده
وعدو للحوش ابتسام:
صباخ: مخطوبه بنتك؟
ماما: لالا نبيها تاخد الشهاده
|صباح: عجبتني وبالك يصير نصيب بينها وبين ولدي؟
ماما: والله منبش نضغط عليها هيا رافضه الفكره
صباح: باهي نخطبها ويرجاها؟؟ :*
ماما: والله البنت مصكره راسها
صباح: وعليش كنها؟
ماما: هكي متبش
صباح: شربيها مية رقيه وشيليها شيخ عمرها مناسب لزواج حرام
ماما: حاضر حاضر
صباح: كم عمرها؟؟
ماما: 23 سنه
صباح: حتي العروس قالو هك عمرها
ماما: لعيت منو؟
صباح: هضومه لعيت@@$
ماما: والعريس؟
صباح: والله مانعلم بس قالو قريبها قالو ماشاءالله ناس ورق وبوهم سفير وهوا الشاب قاري بره طيران قالو ماشاءالله عليه حكتلي عليه امس جارتي تلاقيت معاها فلمستشفي قالتلي ناس تبارك الرحمان
طبعا نا كنت سرحانه ومنسمعش فيها شن تحكي ومركزتش
صباح: العقبه لبنتك تفرحك
ماما: ان شاءالله
صباح: كنها سرحانه؟؟
ماما: ساره ساااره
انا: نعم؟
ماما: (فنصت فيا) عمتك تهدرزلك
انا: اهاا
وصلو هل العريس ونسمع في البيابات بيب ب
والعاب ناريه وطلعن الصبايا يستقبلن فيهم
ونزلن وعلو الاغاني ..
طبعا مقدرتش انخش كله قاعده فلمنور
مرت قريب ساعه
وخشت وليه تجري وتقول شن صار فلعشاء
صباح: عشاء جاهز كلمو لبنيات يساعدن فلحط
الوليه: باهي هيا هي
خشت جنات :
انا : (انفجعت) :o
جنات: (انصدمتتتت) :o
انا: اهلا^^
جنات: ......... :3
انا:..... :/
جنات: شنو ديري هنا؟؟
انا: كلمونا؟؟ :/
جنات: كارثه -_-
انا: شنو؟
جنات: لالالا شي انا تو نجي :)
وطلعت من المنورر
وقعدت ترن علي ياسر بس ميردش
امل: شنو صار جبتي الطواسي من المطبخ
جنات: من مكلم ساره وامها؟
امل: هذي ايه وخدت رقمها من صاحبها وبصدفه طلعت نفس الوليه
الحمدلله مطلعتش ماما عمتي هيا الي تفاهم معاهن وشكلهن معرفنيش خلي الموضوع يعدي ع خير مانبوش فضايح
جنات: ربك يستر
امل: لالا مش حيصير شي اصلا ماعندهن مايديرن رزقهن في نهايه
جنات: موضوووع
امل: جيبي طواسي وتيهن فلمربوعه بيخش ياسر وبيلبسها صاح؟؟
جنات: منعرفش نا شي
طلعت وجهزت امل كل حاجه
طلعو ابتسام فلمبربوعه
وخش ياسر غصبا عنه عشان امه
طلعتلي ايه:
ايه: اهوووو انتي هنا؟؟؟
انا:؟؟؟؟؟؟؟؟؟
ايه: اذكرتيني؟؟؟
انا: اهاا
ايه: هههههه سبحان الله عليك صدفه منحسابش ان انتم نفسكم^^
انا:..........
ايه: اليوم تلبيسة اختي ابتسام العقبالك
انا ربطت الاحداث واستقبال جنات الغير مرغوب ليا
معش فهمت شي
مسحت ايديه في دبشي وطلع من المنور والمطبخ
ولقيت الدنيا صبايا ومعازيم
وكلهم يبحتو فيا لان مش لابسه ولامكيجه
ولبستي عاديه مركزتش مفكرتش لقيت روحي قدام المربوعه
...........يتبع
اسفه واااااااجد ع تاخير قبل بنولها من 6 بس النت توا كيف تحسن
شكرا ع تعليقاتكم الحلوه^^
متنسوش التاق حتي ولو الشخص واحد
#Fatma