#أختناق_الندم
(((الحلقه_السابعه)))
ياسر: شنو الموضوع؟؟
جنات: احكي انت قبل؟؟ :p
ياسر: احكي انتي قبل؟ -_-
جنات: ابتسام كنك معاها :/
ياسر: كني معاها؟؟؟
جنات: مش مهتم بالبنت بكل يااخي جامل :/
ياسر: خلينه من ابتسام بنسألك ع بنت ساره ??
جنات: خلو البنت في حالها مش ساد ظلمتوها واهنتوها خلاص
اصكرت قصتهاا -_-
ياسر: اقلبي وجك معش بنحكي معاك -_-
جنات: ياسامط والله نحكي جديات البنت كويسه :(
ياسر: ساره؟؟
جنات: نا نحكي علي ابتسام -_-
ياسر: كنها ابتسام شنو ناقصها؟؟
جنات: ناقصها اهتمام اهتم بلبنت حسسها انك تبيها
ياسر: عندك رقمهاا؟؟؟
جنات: اها اكيد سجل عندك هههه مش بنت خويله اكتب هي؟ ^^
ياسر: منحكش علي رقم ابتسام نحكي علي ساره؟ -_-
جنات: هبلتني نا نحكي علي ابتسام ياهمي
ياسر: ونا نحكي علي ساره؟
انت شن تبي فيهاا ياسر البنت مش لللعب
ياسر: تي كنه عقلك خارب نبي نسال كيف حالها؟؟
جنات: وليش قلت الرانيه انها هيا اللي كلمت رافع؟
ياسر: لان اختك تبيه ومبيتش نجرحها
جنات: والبنت اللي شوهت صورتها علي خاطر مشاعر الدكتوره رانيه
ياسر: عندك رقمها؟
جنات: معندهاش نقال
ياسر: مستحيل؟؟ في بنت في الوقت هضا بلا نقال؟ :/
جنات: اها في هيا معندهاش -_-
ياسر: متاكده
جنات: متاكده
ياسر: به ورقم امها؟
جنات: عند ماما
ياسر: جيبيه ليا توا^^
جنات: بس بشرط؟ -_-
ياسر: شنو -_-
جنات: صبي احكي مع ابتسام :(
ياسر: باهي غير هيا بسرعه جيبي الرقم
خشت جنات بتاخد الرقم من فون امها
وياسر خش للبحر ولقا سميه وامل وابتسام يلعبن بلكوره
ياسر: ابتسام
ابتسام: نعم؟^^
ياسر: تعالي؟
ابتسام: هاا؟^^
ياسر: كيف حالك؟
ابتسام: هههههه تمام^^
ياسر: عليش تضحكي :/
ابتسام" لا شي استغربت بس
ياسر: ههههه شكلك متعرفش تعومي؟
ابتسام: مش واجد
ياسر فك الكوره من سميه وقعد يلعب معاهن
~
~
~
دلال: حاولتي انك تطلعي من حالتك؟؟
انا: يائسه انحس في روحي عبئ علي المجتمع مفش حاجه عايشه علي شانها
دلال: ليش يعني بعد اللي داراته ساميه عشانك؟؟
انا: هيا اللي مخليتني انتنفس لعندتوا خايفه ننتحر متسمحش هيا روحها
دلال: ساره؟؟؟ بنت تستحق انها تعيش من جديد؟؟
انا: مستحيل
دلال: محولتش انك تردي لهلك
انا: عارفه ردت فعلهم
دلال: ساره تستحق فرصه جديده
انا: ساره ماتت ماتت يوم الرحله
دلال: يوم فرحتي فيه من قلبك بعد الحادثه هذي؟؟
انا: يوم زفة فاتن لانها اختي
كانت معايه في نفس الدار من اول ماقعدت معاها
وهيا تهدرزلي وتحكيلي مع ان مكنتش انرد عليها
بس كانت مستحيل تيأس ديمه تهدرزلي كانت اكثر بنت
تمني انها تحصل عائله لانها لقيطه ومن اول مافتحت
اعيونها ع دنيا بلا هل بعد انتقلت وعشت مع ماما ساميه
كانت تزور فيا كانن احيانا يجن معاها بنات
بس كانت اكثر وحده تجيني 7 سنوات مرن عليا
ونا في ظلام ونا في الخوف مقدرتش نطلع من حالتي
النفسيه بس كانت فاتن مصبيه معايا هيا وماما ساميه
يوم زفتها كانت طايره من الفرح لدرجة انها مبطلتش بكاء
كانت مش مصدقه انها تبي تعيش في حوش وتستقر ويقعد
عندها راجل واعيال كانت امية حياتها تحصل اسره
تعرفت علي عمر بصدفه قعد احلي حاجه في حياتها
واجوزو درنالها احلي عرس كنت فرحانه وقتها
اول فرحه واخرها بعد الحادثه
دلال: شنو نوع الكوابيس؟؟اللي تجيك فلحلم؟؟
>>>>
قعدت نحكيلها علي نوع الكوابيس اللي نشوف فيهن
ود\دلال تسمع فيا من غير مقاطعه
~
~
~
ياسر: شنو صار؟؟
جنات: هضا رقم امها مش رقمها هيا
ياسر: مش مهم هاتيه
جنات: ياسر شن قصتك شن تبي من البنت؟
ياسر: نبي نسال عليها طريقة بكيتها الحاله اللي قعدت
فيها بعد صار موضوع رافع
جنات: هيا را بنت متحكيش بكل نا نعرفها يحكي الساس وهيا متحكي
ياسر: عدي مع البنات
جنات: خزيه خديت مصلحتك وطفشتني
ياسر: عدي عدي
~
~
~
انا: صوت الباب؟؟
دلال: شكلها ساميه وصلت خلاص اليوم ساد لعند هنا بس نبيك تستمري ع دواء حنخففلك الجرعه
انا: بس جسمي مرتخي دوخه بسيطه
دلال: عادي لان الدواء قوي بس كولي واجد
انا: شكرا واجد
دلال: الشكر لله ردي بالك ع روحك
طلعت سلمت علي ماما وعدت
ماما: الحمدلله اليوم كويسه؟؟
انا: اهاا الحمدلله شكلك تعبانه
ماما: معش عندي جهد :(
~
~
~
~
عمر: هيا فاتن؟؟
فاتن: خلاص نلبس عبايتي بس
ونزلو
ام عمر: وين وين وين؟؟؟
عمر: فاتن ماشيه بتشوف اختها
امه: ههههههههه ومن وين جتها اختها
فاتن:...........
عمر: هيا فاتن
امه: امس كانت عندهم اليوم مفش اطلوع
عمر: نقولك مريضه البنت
امه: مفش اطلوع مش كل يوم وبعدين انت مساد مراتك من الشارع
واخري تشيل فيها للشوارعيات بنعرف كيف بتربي بناتك
فاتن قعدت تبكي وركبت للشقه
عمر: امي خلاص
امه: قلت حاجه غلط نا واجهني وقولي قلت حاجه غلط؟
عمر: كلامك كله غلط في غلط بس لانك امي ساكت
وركب في جرت مراته
امه: اركبلها وراضيها بيع امك علي سبه اشكالها
مردش علي امه مكنش بيخسر رضا ولديه
خشن وصكر باب الشقه ولقي فاتن تبكي...
مسحلها دموعها:
عمر: خلاص عاد معش تبكي وترعشي روحك حامل انتي
فاتن: (تبكي) تعبت خلاص
عمر: متقوليش تعبت انتي ضحي زي ماانا ضحيت
انا لو امكانياتي يسمحن ناخدلك حوش بروحك وانتي عارفه
فاتن: كلامها واعر
عمر: تحكي هكي عشان متعرفكش مقهوره عشان مخديتش
الشفشوفه لمعفنه قريبتها :p
فاتن: ههههههههههه
عمر: ههههه ايواه اضحكي معش تبكي خليك قويه اسمعي واعزقي
تو يجيها يوم وتعرفك وتحبك
فاتن: اهااا
باسها علي راسها
عمر: هيا انشيلك ل ساره :*
فاتن: تو نعديلها بكره منبش مشاكل بينك وبينها وبكره تفش غلها فيا
عمر: هيا بس خلاص كلمه وحده
فاتن: عموري عادي تو نشوفها بكره
عمر: ساره مريضه واخدات علي بعضكن ونا عارفك بالك مشغول عندها من امس صبي هياا
فاتن: به حاضر.. بس انزل شوفها مزالت في صقيفه؟؟
عمر: ههههه اصبري شويه انشوفها ونجي
طلع ورد لفاتن
فاتن: وينها؟؟
عمر: نزلت قاعده في الحمام هيا بسرعه انزلي ^^
فاتن: هههههه هيا هي
نزلو يسلسو مع بعضهم ويضحكو وركبو فسياره
وجتني تضحك من قلبها:
ماما: دوم دوم دومها يارب
فاتن: كيف حالكم اليوم
ماما: كويسين ضحكينه معاك
فاتن: ناخد نفسي وتو نحكي بس ساره وين؟؟
ماما: قاعده في الدار
فاتن: هيا نقعدو معاها
خشتلي....
فاتن: لالالالا ماشاءالله تبارك الله خير من امس
ماما: حتي نا مش مصدقه
فاتن: بس كنك قاعده في دار
انا: دواء دايرلي دوخه
فاتن: ياروحي انتي
انا: الحمدلله
فاتن: نحكيلكم شنو صار (وقعدت تحكي وتضحك)
ماما: ههههههه والله صحه لاه عمر
انا: من جده هوا؟؟
فاتن: والله زي مانحكيلكن
ماما: بس بالغت معقوله تدخل في طلعه وخشه
فاتن: طلعه خشه وكله شربه رقده كل حاجه :(
ماما: ربي يهديها
فاتن:ان شاءالله يارب... سرونه
انا: امم
فاتن: شنو صار امس عند العرب ليش قعدتي هكي
ماما: (فنصت فيها) خلاص خلاص اهم شي توا كويسه
انا: عادي نقدر نحكي
فاتن:.؟؟؟؟؟؟؟؟؟
انا: ولدهم
فاتن: كنه؟؟
انا: كرني من يدي خفت
فاتن: خزيه لمسخ هض حقير الواطي مش راجل
انا: اهاا
ماما: ساره يابنتي نا معش بنطلعك معايا
انا:........
ماما: ضروي ماندورلك مكان تقعدي فيه لعند مانروح
فاتن: والله خاطري تقعدي عندي بس خايفه عمتي متريحكش
ماما: اكيده هذي لالا نبيلها مكان امن اكثر
انا: ماما منقعدش بلاك نا
ماما: ساره نا واجعتيني انتي ومعش نقدر انخش بيك للحواشين
نا وليه كبيره بس انتي اصغيره ولعيون عليك واغلب الناس اللي شابعه فلوس لا تحلل لا تحرم
فاتن: كلامك صح .. شنو رايك وقت اللي تعدي فيه انتي
تاخدها دلال؟؟؟
ماما: والمعهد؟؟
انا: ..
ماما: قرايتها ضروري ماتكملها
انا: حافله ومصاريف المعهد وتوا معش بتخليني نشتغل
واجد عليك
ماما: ربي موسعها يابنتي
فاتن: نا تو نتفق مع دلال ان تجيها كل ماتطلعي انتي
ماما: الوليه بالك تشتغل ومتفضاش
انا: خليني نقعد بروحي
ماما: لالا
انا: خليني نحاول نشجع
ماما: به براحتك بس متسيبش دراستك
فاتن: تليفونك يرن؟؟
ماما: رقم غريب؟؟
فاتن: منو؟؟
ماما: الووو
ياسر:.........
ماما: من معاي؟
صكر في وجهه
قعدنا نحكو ونا مقدرتش نصبي من السرير كان مفعول الدواء
قوي علي جسمي وفاتن رغم معناتها تحاول انها ضحكني
وتغيرلي جوي دارت ماما عشاء ساخن وتعشينه روحت
رقدت بدري عشان الحبه منومه
~
~
~
رافع: ياسر وين؟؟؟
جنات: رد للحوش
عائشه: طيح سعده مش اتفقنا انه يبات معانا
سميه : بلكي مشغول؟؟
زينب: كله ولدك هضا ماتفهميه كيف
عائشه: بكل متعبني
برمت ابتسام علي جنات وحكتلها بصوت الواطي
ابتسام: حكيتيله؟؟
جنات: اها حكيتله شن قالك؟؟
ابتسام: حكي معايا ولعبنه وهدرزنا ع جامعه وهكي
جنات: عطيتيه رقمك؟
ابتسام: مطلبش
جنات: سجليه عندك ورني عليه توا قبل مايرقد
ابتسام: به هاتيه
سجلته ورنت:
ابتسام: الوو
ياسر: من؟
ابتسام: ابتسام؟
ياسر: اهلين كنكم في حاجه؟؟؟ صارت حاجه؟
ابتسام: يعني منرنش عليك الا وصايره حاجه؟
ياسر: هههههههه به تمام شن الاخبار
ابتسام: الحمدلله كنك روحت؟؟
ياسر: عندي شغل بكره في صبح بدري؟؟
ابتسام: اها فاتك توا رافع وسفيان قاعدين يشوو في كباب
وماما وخويله يهدرزن والبنات يلعبن في كورة طائره
ياسر: وانتي؟
ابتسام: قاعده ع شط منظر يجنن
ياسر: بكره بنتغذا غادي
ابتسام: اهاا به مطولش علينا
ياسر: خلاص تم هيا تصبحي علي خير..؟؟
ابتسام.... (تفاجأت)
ياسر: الوو
ابتسام: وانت من اهله
صكر منها
جنات: بسومتي
ابتسام: نعم
جنات: شنو صار؟؟ جو رومانسيات وبحر في ليل ومكالمات احم
ابتسام: وزعني نا نحكي معاه ومزلت ماكملت كلامي
جنات: بلكي ناعس او يحسابك كملتي
ابتسام: قال بكره عنده شغل
جنات: مقالكش وين ماشي؟؟؟
ابتسام:لالا مسألتش
جنات: في شنو يفكر هضا؟
ابتسام: كيف وين ماشي؟؟
جنات: منعرفش منعرفش هيا تعالي العبي معانه
~
~
~
ونضت علي صوت الحافله
ماما: بتعدي؟؟
انا: منعرفش
ماما: لو تعبانه نطلع نقوله لا؟؟
انا: لالا بنعدي
ماما: به معناها اسرعي تو نطلع انقوله يرجاك
انا: به
طفي هيثم الحافله ودراتله ماما نسكافي عشان يرجاني
وكملت لبس وطلعت
انا: صباح الخير اسفه
هيثم: صباح الخير لا عادي اول مره ههههه قبل ديمه تراجي فيا
انا: خداني النوم
هيثم: شكلك مريضه واجد؟؟؟
انا: لالا تمام
وصلت للمعهد نزلت نحس في دوخه بسيطه
بس مسكت روحي
كنت حاطه في راسي
اني نبي انتغير بنتعالج لاني مليت
بنحاول انكمل حياه طبيعيه كيف البنات
نور: هلا هلا هلا بلمعقده ب أم سكوت ههههه
انا: اهلا
نور: ساره كنك؟؟
انا: كني؟؟
نور: وجك مرهق بكل واعيونك ذابلات مريضه شكل
انا: كويسه تا
نور: منو هضا؟؟
انا: من؟؟؟
نور: اللي لاورا شكله يلحق فيك شفته وراك وتوا بعد صبيتي
نحكو صبي ويبحت فيك
برمت وشفت ياسر؟؟؟؟
خفت قلبي قعد يدق بسرعه خياليه
شنو يبي مني وشن جيبه هنا
انا: نور اقعدي معايه؟؟
نور: قاعده متخفش
انا: هيا نخشو للقاعه بسرعه بسرعه
نور: كنك ساره ؟؟
انا: هيا هياا
خشيت للقاعه وهوا ورايه كنت خايفه
نور: تي باهي شوفيه شن يبي
انا: لالا متعدلش عليه
طلعت البنينه وكل مانمسكها طيح من يدي
صوابعي مش متحكمه فيهن مفهمتش كني
قلبي داهش وتعبانه
كملت المحاضره ونا خايفه من ياسر
نور: هيا اكيده عدا لها ساعه ونص المحاضره
انا: منقدرش نصبي
نور: كنك؟؟
انا: كرعيه مبنش يتحركن
نور: ساره كنك؟؟؟
خش ياسر:
ياسر: السلام عليكم
نور: وعليكم سلام
ياسر: بنحكي مع ساره شويه
انا: (دموعي نزلن :'( ) متسيبنش يانور معندش جهد انصبي
نور:؟؟؟؟؟؟؟
ياسر: ساره متخافش كنك؟؟
انا: (نبكي حطيت ايديه علي وجي)
نور: ساره وسعي بالك الطلبه يبحتو فيك
كلهم يبحتو فيا حاولت انسيطر علي روحي علي تصرفاتي
بس معش قدرت صوتي قعد عالي من البكيه شهقتي
عاليه حاولت نمسك روحي مقدرتش نبي نمسك
دموعي مقدرتش خايفه من ياسر وخايفه من روحي
خايفه ننفضح قدام الناس ردت فعل جسمي وهزتي
المستمره مقدرتش انسيطر عليها
نور: كنها هذي؟؟؟
ياسر: معلش صايره مشكله في حوشنا وهيا قريبتي
خلوها تو نا نتفاهم معاها
طلعو كلهم الا نور
ياسر: لو سمحتي
نور: باهي كنها؟؟؟
ياسر: اطلعي ارجيها بره
طلعت
ياسر : ساره كنك خايفه اسكتي خلاص
قعدت نبكي كان خاطري نسكت بس مقدرتش
كان خاطري نصبي ونهرب منه بس كرعيه انشلن
المشكله اني معش عرفت روحي نحلم او واقع
حطيت راسي ع درج
ياسر: ساره؟؟؟
انا: ......
ياسر: ساره كنك ؟؟؟
انا:.........
ياسر: ساره نا عارف ان مفروض دافعت عليك وقتها اكثر
يعني منحبش نشوف حد مظلوم قدامي بس انتي اصلا مدافعتش
عن نفسك وقتها قعدتي تبكي وخلاص هوا رافع قريبي
ووو مش عارف شنو نقولك بس عارف ان غلطان
انا:.........
ياسر: ردي عليا؟؟؟
انا:.........
مقدرتش انرد عليه كنت نحاول نجمع قوتي ونصبي ونطلع
صبيت ..
ياسر: ساره انتي مريضه
معدلتش عليه سيبت لكتابات وشنطه وطلعت
قعدت ماسكه فساس ونمشي
وصلت بره المعهد وهوا ورايا وماسك كتاباتي وشنطي
كنت بناخدهن منه بس خفت لان كلام مبش يطلع
وايديه منقدرش نمسك بيهن وصلت لباب اللي بره
كنت نشوف في ضباب قدامي ورؤيه مش واضحه
طلعت وقعدت ندور فلحافله وشمس قويه ومعش نعلم علي شي
وعيت فلعشيه ولقيت جهاز التغذيه في يدي
كنت مرهقه بكل كان المستشفي تكييف وسرير رطب
ومخده ناعمه رقدت رقدت رقدت
ماما: ساره ساره
انا: ها
ماما: نوضي ياامي تحسي في روحك كويسه؟؟
انا: وين نا؟؟
ماما: فلمستشفي
انا: كني؟؟
ماما: الدكتور قال ان الدواء قوي واجد وهوا اللي سببلك هبوط
قتلك اقعدي اليوم
انا: من جابني؟
ماما: ياسر الله يربحه ولد حلال ومش كيف هله جابك وحطك فلمستشفي
وكلمني وقالي ان جا عشان يعتذرلك عللي صار؟؟؟
شفتي الدنيا مزالت بخيرها وناس مزالو كويسين
انا: ناعسه
ماما: من دواء مهدئ قوي وجرعه قويه متحملهاش جسمك
انا: اهاا
ماما: تو نجيك نشوف الدكتور شنو يقولي وامتي بيطلعك
انا: مطولش علياا
طلعت ماما وخش ياسر :
ياسر: الحمدلله ع سلامه
انا: (خفت غطيت وجي بالفوطه)
ياسر: عموما نبش نضغط عليك رد بالك علي روحك
طلع وصكر الدار حولت الفوطه
رد فتح الدار افجعت
ياسر: خوافه هههههه
وصكر باب الدار
ضحكت يعني الواضح ان طويل وعريض وشخصيه
متوقعتش عنده حركات عبيطه هكي
خشت ماما:
ماما:ساره الدكتور قال بكره تطلعي
انا: اهاا
ماما: جيبلنا غذاء وعصير ورد وشكولاطه
انا: منو؟
ماما: ياسر.. بارك الله فيه
انا: اهاا
ماما: نفتحلك شكولاطه
انا: به
~
~
~
ياسر عدا للشاليه؟؟؟؟
عائشه: علي اساس بتغذا معانا توا 6 العشيه وين كنت؟
ياسر: كنت مشغول
سميه: كنه راقيلك؟؟؟
ياسر: جو سمح مايكذب عليك حد
غير دبشه وخش للبحر لحقت عليه ابتسام
ابتسام: ياسر؟؟؟؟؟؟؟؟
ياسر: ايواه؟؟
ابتسام: ع اساس بتجي ع غذا ورنيت عليك مرديتش
ياسر: كنت مشغول مع شباب
ابتسام: كنه جوك شين
ياسر: وجيج العمل وانتي ماغباك
قعدت تهدرز وتضحك معاه ويلعبو بلميه
رافع خش يجري لامه وقعد يهزب ويعارك بصوت العالي
زينب: كنك؟؟؟
رافع: توا ولد اختك مش خاطب رسمي عليش حركات هذنه
مش محترمني نا ولا مش مقدرني ميشوفش فيا راجل قدامه
زينب: فكنا من المشاكل سلم ولدي
رافع: الكلام هضا ميرضش بيه حد وعيب مش قلت حياء
امل: كنك؟؟؟؟؟؟؟؟؟
رافع: صكري فمك واطلعي بره
امل: ماما كنه هضا فشن يحس بزبط
رافع: ياتعدي تطلعي بنتك من البحر ياما والله معش تشوفي وجي
زينب: عدي نادي ابتسام
امل: حاضر
ضبحت امل لاختها ابتسام وطلعت
وامل حكتلها خافت من رافع وقعدت مع خالتها عائشه
وياسر مطلعش
جنات: انت ياوجه البومه
ياسر: كنك؟؟
جنات: اطلع نبيك ؟
ياسر: خشي تعالي ميه سمحه دافيه
جنات: لالا كيف غيرت تعال نبيك
قدملها قعد هوا فلبحر وهيا مصبيه ع شط
جنات: شنو صار؟؟
ياسر: في من؟؟؟
جنات:في ساره
ياسر: من ساره؟؟
جنات: ههههههه علي بابا ياماما
كرها وبللها دبشها وقعدت تعيط
وغرقها كم مره
جنات: خلاص حرام عليك بنموت
ياسر: ههههههه
جنات: خزيه عليك كيف بدلت نا
ياسر: هكي احلي قعدتي
جنات: توا الحركات هذنه كلهن تغير فلموضوع
ياسر: أي موضوع
جنات: ساره
ياسر: من ساره؟
جنات: عطيني رقمها عطيني رقم امها عطيني عنوان حوشهم
عرفتها من ساره
ياسر: قتلك البنت مظلومه بس مصرش شي قبل بنشوف شخبارها
جنات: كذاب وحق ربي كذاب عبيط ميعرفش يكذب
ياسر: خاطرك في تغريقه اخري تعالي
جنات: ونبي تحكيلي
ياسر:بس اذا الموضوع طلع بره رقبتك نفصعها
جنات: من عويناتي ياعويناتي
ياسر: عديتلها فصبح وراجيت قدام حوشهم
جنات: فصبح بدري
ياسر: من 6 ونص الفجر
جنات: وبه؟؟
ياسر: جتها حافله وخدتها اول وحده وقعد ياخد فلبنات
جنات: هههههه وانت من جدك في جرته
ياسر: مش عارف اصلا ليش لحقتها
جنات: حكيت معاها
ياسر: نزلت كانت مريضه واجد مش كيف اول مره شفتها
جنات: انت شفتها قبل موضوع رافع؟
ياسر: ههههه شفتها يوم الحفله علي مرواحتي تلاقيت معاها فلباب
اللي لاورا
جنات: ياسلام سلم من ورانا
ياسر: شافتني خافت وخشت تجري للمطبخ وصكرت الباب
جنات: هههههههه اليوم شن صار
ياسر: نزلت وراها حكت مع بنت شكلها صاحبتها بعد شافتني خافت
خشت لمحاضرتها راجيتها وبعدها جتها حاله غريبه
جنات: كيف؟
ياسر: قعدت تهزز بشكل مش طبيعي وتبكي بصوت العالي
لدرجة كلهم قعدو يبحتو وبعدها سكتت وصبت كان واضح
عليها تعب لدرجة مقدرتش تمشي بروحها مسكت في ساس
ونست شنطتها وكتاباتها لحقتها نا... داخت انفجعت عليها
شمرتها وشلتها للمستشفي
جنات: من جدك
ياسر: والله كيف مانحكيلك
جنات: وانت تغامر لو صارت فلبنت حاجه را هلها اتهموك فيها
ياسر: مقدرتش انسيبها اصلا مفكرتش وقتها شلتها للمستشفي
وكلمت امها وجت تجري خافت عليها بكل
جنات: به شنو عندها؟؟
ياسر: مفهمتش بس تاخد في دواء يعطو فيه لتخدير الدماغ
جنات؟؟؟؟؟؟؟؟؟؟؟؟؟؟؟
ياسر: الدكتور قالي نوعه قوي وشكلها البنت تعبانه نفسيا وتابع
مع دكتور سألني ومعرفتش انجاوبه
جنات: انظر شن وراها؟؟؟ البنت مش طبيعيه
ياسر: متحكش عللي صار لحد
جنات: حاضر ياقلبي بنعدي انغير دبشي
ياسر: طيري من قدام وجي
طلعت جنات وطلع وراها بشويه ورن علي ماما:
ماما: ايوه؟؟؟
ياسر: اهلين كيف حالك؟؟
ماما: الحمدالله بفضل ربي كيف حالك انت وكيف حالك هلك؟
ياسر: بخير الحمدلله كيف حال ساره؟؟
ماما: قاعده تفرج علتلفزيون كويسه الحمدلله
ياسر: ممكن نحكي معاها؟؟
ماما: تبي تحكي مع ساره (تسمع فيا)
انا: (شيرتلها بصبعي بمعني لالا)
ماما: هاك اهيا معاك
......يتبع
بنسبه للناس اللي مطلعتلهش الحلقه 6 تلقاه الرابط فتعليقات
اسفه ع تأخير ضي وادراك ماضي قصه معش فضت
عموما تنسوش التاق
ورايكم اكيد :*
#Fatma