#أختناق_الندم
(((الحلقه السادسه)))
جونا في سياره سوده شابين وائل وجنبه واحد اخر
وائل: اهلا بلحلوات :*
وعد: احم نغار ههههههههه^^|
وائل: حبيبي ماكيفه حد هيا اركبن :*
ركبنا نحنا الاثنين من لورا
ولع السياره وشالنا لشاليه...؟؟؟
انا:.؟؟؟؟؟
وعد: وين هضا؟؟
وائل: انزلن كنكن؟؟؟
هوا: خايفات... ههههه
نزلووو
وائل: انزلن ؟؟؟؟
نزلنا نا ووعد
وعد: الرحله تكمل 1 يعني 12 نقعدو فلمدرسه
وائل: تم ياعيوني ^_^
خشينا للحوش اصغير
كنت متحشمه وخايفه تمنيت اني انروح
سمير: كنك خايفه هههه
وائل: ساره دلوعه شويه حسب دوت وعد
وعد: ههههههه مش شويه وااااجد
سمير: متخافيش ههههه
بحتت في ساعتي كان الوقت 10:23 بزبط
بحتت في وائل و وعد يهدرزو ويضحكو كانو قريبين واجد من بعضهم
حولت وشاحها وقعدو يبيبصرو ويضحكو معجبنيش الوضع
سرحت في حوش شن جيبني هنا وين جيت نا
ليش معديتش لرحلتي؟؟؟
انا: بنروح هيا وعد :(
وائل: مزال بدري
وعد: شن رايك يابيبي انتمشو ع بحر المنظر يجنن
انا: خلاص بنروح
سمير: ماعجبهاش الجو ههههههه
وعد: ساروو كنك نكد انتي شويه بس وانروحو
وائل: شويه بس اندهور دودو ع بحر وانعدو تمام؟
انا: به حتي نا ب نطلع بنشم هواء
سمير: اقعدي كنك متخفيش انتي في الحفظ والصون
وعد: نبرمو طشه نا وائل ونجوو منبش حد يطلع معانا
وائل: ناعليا من لي تبيني نقعدلها وحدها
وعد: هههههههه
طلعو هما الاثنين وصكر الباب
انا: بنطلع ؟
سمير: اقعدي هدرزيلي عليكم علي هلك؟؟؟
(كان اسلوبه قمة الروعه هادي ورايق يحسس أي بنت بالامان)
انا: هههههه شنو تبي تعرف وعليش تبي تعرف؟
سمير: مرتبطه؟؟
انا: اها مرتبطه
سمير: شن جابك هنا؟؟
انا: (خفت) مع صحبتي
سمير: ههههههه به تمام وعليش بتروحي؟
انا: مليت
سمير: عجبك الحوش؟؟؟
انا: اها سمح تفصيلته مميزه
سمير: اعيونك السمحات^^
انا: تسلم
سمير: صبي تفرجي عليه
انا: به
وراني المطبخ وشفت البلكوني
وخشينا للدار النوم؟؟
انا: انت عايش هنا؟؟
سمير: هضا حوشي عايش هنا اندير فسهرات مع شباب مرات
لقيت مكتبه؟؟؟
انا: شكلك تحب لقرايه؟؟؟ :*
سمير: دكتور نا
انا: اها ماشاءالله هههههه بس هذنه واجدات قاريهن كلهن
سمير: كلهن منرقدش لعند مانقرا
مسكت كتاب اسمه(تثاؤب الشرق)
انا: ههههه عنواانه غريب؟؟؟ واسم غريب وملفت للنظر
سمير: حابه تعرفي شن قصته؟؟
انا: ياريت
سمير: ياستي هوا واحد اصله عربي تمام وسافر
انا: وليش تثاؤب الشرق؟؟؟ شن يدل الاسم
سمير: الشرق هما نحنا العرب بصفه عامه وتثاؤب من النعاس
يعني بعد الانسان ينعس؟؟؟ يرقد وبعد يرقد يحلم خلاص لكتاب هضا حلم كاتب قصته هوا رجل عربي سافر لاحدي دول الاروبيه
(انسجمت فلقصه قمعزت ع سرير وقعدت نسمع فيه وهوا يحكي)
سمير: سافر وأجر دار من راجل وزوجته زوجة الراجل انعجبت واجد
برجل الشرقي العربي
انا: قصدك الكاتب؟؟
سمير: ايواه .. وبعدها قعدت تعديله بحجة تمدله غذاء عشاء الي اخره
(قمعز جنبي ع سرير )
انا: وبعدها؟؟؟
سمير: وزوجها كان اغلب الاحيان في العمل وهوا الكاتب كان يقرا فصبح ويشتغل في الليل يغسل في صحون احدي المطاعم
وفلعشيه؟؟؟ يقعد فاضي كان حاس باعجابها لاه بس محبش يستغل الفرصه لان زوجها كان رجل
تعامله طيب مع الكاتب وحاطله سعر مناسب للاجار
ومره من المرات لبست المراء احلي فستان عندها
كان شفاف ومفاتنها كلهن واضحات
دارتله عشاء فخم وزوجها كان بايت بره الحوش عشان الشغل
ولبست كعب عالي
وجاته ودقت عليه الدار وفتحلها خشت وقالتله نبي انتعشاء معاك
طبعا شافها وشاف لبستها واغراءها الواضح
حطت السفره وقربت منه
(حط ايده علي كتفي نا خفت)
قرب منها
(حط وجه في وجي نظرته طريقة تبحيته في اعيوني )
دلال:.....اهدي؟؟
انا: (نبكي بعبرتي)
دلال: كمليلي؟؟؟
انا: كان كل مايحكيلي حاجه ع راجل ومراء ينفذها عليا
لعند ماوصل بيا فتحلي لبلوزه رعشت دفيته
انا: خلاص بنطلع بنروح وين وعد؟؟
سمير: (مسكني من يدي) تبش تسمعي باقي القصه
انا: نبي نروح اطلقني
مسكلي يديه لاثنين ودفني ع ساس
كنت نحاول نهرب ودفيته ونبكي
بس كان اقوي مني طريقة اغتصابه الوحشيه عطاته قوه
عيطت ناديت لعند صوتي راح ولا حد سمعني
قعدت نقاول لاخر لحظه ونحاول نهرب
كتفلي يديه حسيت روحي هذنه اخر لحظات حياتي
حسيت مش شرفي اللي قاعد يضيع لالا
حسيت ان روحي اللي بتطلع مني
حسيت ان قصة ساره بتنتهي
عطيت عيطت عيطططططت
مسكت ايده ليا مسكته لشعري
.....
دلال: اهدي خلاص اهدي عشان نفهم منك
انا: مرن عليا احلي لحظات حياتي ومرن برضو اسواء ايام حياتي
واخرها منصف؟؟؟؟
...
وعد: صوت اعياط؟؟
وائل: غير تهيالك في ناس عايشين هنا بس عشان الجو مصقع
قاعدين جوه
وعد: نحنا تباعدنا علي ساره هيا انردوو خلاص بنروحو
وائل: ماشبعتش منك
وعد: مش اخر مره انتلاقو تو نشوفك مره اخري هيا بس
ردو وقربت
وعد: صوت ساره والله صوت ساره صاحبك شن دار فيها
وائل: (انصدم)
قعد يدق ع باب بلقوه صوتي ضعف معش نقدر انقاوم نفتح فمي
او عيوني خلاص
وعد: (خافت وقعدت تبكي وهربت وائل يجري وراها )
وائل: استني انا والله ماندريش علي شي وعد اصبري
وعد هربت منه ونا؟؟؟؟؟؟؟؟؟
رد وائل يجري للحوش سمير وقعد يخبط ع باب
لعند ماكسره :
وخش يجري فتح الباب ولقي سمير يلبس
وائل: ياحقير ياتافه ياولد ال%$#
سمير: ........
وائل: نحنا مش متفقين علي هك؟؟؟ قلنا من فوق
سمير: مقدرتش انقامومها
وائل: انت انسان دير هكي؟؟؟ انت واحد مريض
شمرني؟؟
سمير: وين شايلها
وائل: للمستشفي
سمير: تمام شلها وتو تنوض وتورط انت فلقصه انا مسافر
طيارتي بعد ساعتين
وائل: انت واحد نذل انت درتلي كارثه انت ضيعت البنت
وعد وعد عرفت كل شئ انت ضيعتني وضيعت البنت
سمير: جن بايردتهن مغصبنش عليهن
وائل: شنو البرود اللي عندك؟؟انت واحد مريض والله مانك طبيعي
بحت فلبنت هضا تصرف راجل بعقله حيوان ميدرش اللي انت درته
سمير: كملت كلامك؟؟
وائل: .....
سمير: (كمل لبس دبشه) خود البنت واعزقها ع بحر زانت اهرب
ومتخافش صاحبتها مش حتفضح روحها ان هربت من المدرسه
وعدت مع شباب للشاليه؟؟؟؟ ومتخافش الشاليه مش بااسمي
ومفش حاجه تدل علي اني كنت هنا نا طالع
وائل خاف علي روحه طلع في جرته ورد عليا الباب
اصوات غريبه هرجه في راسي افكار تشويش
اعياط موت دم كانت كل حاجه وقتها قدام عيوني د
مقدرتش انووض
~
~
~
حاتم : انا متاكد اني حطيتها هنا البنت؟؟؟
الابله: يااستاذ نحنا الطلبه كلهم مايصلوش ال100 طالب
ونا نعرفهم فرد فرد وساره من الطالبات المعروفات
وحتي اسمها مش مسجل فللي عدو للرحله وهضا الكشف
حاتم: (قعدت يخبط) وين كيف انا متأكد
الابله: اهدي يااستاذ لو سمحت
حاتم: حطيتها انا انا حطيتها قداااااام الدرسه نا حطيتها اليوم
الابله: نقدر انساعدك ونعطيك عنوان صحباتها
حاتم: يارب يارب سترك ياارب
سأل مروي وقالتله انها مشفتش
وسأل وعد وقالتله انها مرضت ردت للحوش ومعدتش للرحله
وهلها صدقوها لانها روحت مع 12
قعد يدور فيا في كل مكان عدا للملاهي دق ع حواشين اقاربنا
في شوارع في محلات كان زي المجنون يجري ويدور فيا
وعيت لقيت الساعه 4 ونص دبشي جسمي
خفت من روحي
انقرفت من روحي ونبكي
ياريتني ما عديت؟؟
وشنو ينفع
(نبكي )
دلال: (دوعها نزلن) شن درتي وين عديتي
انا: (مسحت دموعي وصوتي يرعش وضحت)
دلال: كنك تضحكي
انا: وين توقعي اني عديت بحالتي هذي؟؟
دلال: وين؟
انا: رديت لهلي
دلال: ؟؟؟؟؟؟؟؟
لبست طلعت من الشقه نبكي بعبرتي كرعيه مشيتي مش متحكمه في روحي
ولا في مشيتي نخبط في وجي انقول بالك حلم؟؟؟ بالك كابوس
بس موعيتش؟؟؟ نحاول اني نوض نقول تو ماما تخش تنوضني تقولي
وقت ع مدرسه ماوعيتش؟؟؟
انقول حاتم يخش يبصر معايا ويكب عليا ميه ويقولي
نوضي ورايا جامعه را نسيبك بس ماوعيتش
ليش ليش ؟؟؟؟
لان مش حلم مش كابوس
واقع؟؟؟ واقع متت فيه نا حقيقه قتلتني ونهت حياتي
نادمه ؟؟؟وشن ينفعي الندم وين نعدي وين نهرب
صقعانه نفس يضيع مني نحاول ناخد نفس بس روحي
منقرفه مني مخنوقه نبي هواء مبش يخش
بنحكي مقدرتش نحكي
طلعت وصبيت ع طريق لقيت عائله ام وزوجها وعندهم بنتين اصغار
شافتني الوليه
هيا: كنك يابنتي مريضه؟؟
انا: ......
راجلها: شكلها متحكيش
انا: مخنوقه؟؟؟
هيا": كنك وين هلك؟.؟؟ رايحه انتي؟؟؟
انا: نسوني هنا (وقعدت نبكي)
هيا: هيا تو نوصلوك
راجلها: فكينه من المشاكل خليها بالك يردو عليها
هيا: حرام مرات يظلم عليها الظلام بنت اصغيره
ركبت في سياره ولقيت بنتها عمرها 8 سنوات تقريبا ترسم
في رسم ؟؟؟؟
هيا: وين تسكني انتي؟؟
انا: (بنحكيلها مقدرتش)
خديت من البنت الرسم والقلم وكتبتلها العنوان
حطتني في بداية الشارع وعدت....
دلال: عديتلهم؟؟
انا: اها رديتلهم ولقيت شارعنه مليان سيارات
كأن عزا كان خاطري انخشلهم ونقوللهم انا حيه
مديروش عزا
بس مقدرتش صوت اعياط حاتم
وهوا يقول بنقتلها مالي الشارع
وناس ملتمين وحاتم يعيط بصوت عالي ويبكي
ويقول بنقتلها ؟؟؟؟
خفت انشليت معرفتش وين انعدي اذكرت منصف
املي الوحيد ؟؟؟
دلال: عديتيله؟؟
انا: عديتله في شقتنا اللي يكمل فيها ليه؟؟؟؟
لقيته يزوق وفاتح الباب وميندرش علي شي
انا: منصف؟؟؟
جاني يجري ؟؟؟
منصف: كنك؟؟؟
نبكي بعبرتي وحكيتله كل حاجه
كل حاجه ؟.....
انا: (نبكي) اجوزني ونا نقعدلك خدامه والله نخدمك
نقعد كلبه عندك انديرلك اللي تبيه بس متخلش حاتم يقتلني
متخلش محد ياخدني انت تقولي نا انحبك وناخدك مهما صار؟؟؟
منصف: (منصدم)
انا: رد عليا متقدش ساكت (نبكي بعبرتي ونرعش)
منصف: ساره منقدرش
انا: (قمعزت تحت كريعيه ومسكتهن) تقدر والله تقدر
نا مش هكي نا بنت كويسه نا وحده نحبك
منصف: قعدتي هكي
انا: شنو قصدك
منصف: ساره خيبتي املي فيكي
انا: (نبكي)
منصف: منقدرش ناخد وحده كيفك
دلال: ؟؟؟؟؟؟؟ بعدها؟؟
(حطيت ايدي ع فمي نبش صوتي يطلع؟؟؟)
رن تليفونه؟؟
رد:
امه: البنت اللي كنت بتخطبها افتكينه منها قالو هربت من مدرستها
بحت فيا
منصف: لا حول ولا قوة الا بالله
امه: والله هلها حالتهم حاله افتكيت من شرها ياوليدي حماك ربي
منصف: امي نحكو بعدين
امه: رد بالك توجعك هذي وحده شوارعيه وربي نجاك منها
منصف صكر في وجه امه
منصف: ساره اطلعي بره حتسببيلي مشكله
انا: لالا لالا الله يربحك متخلينش في شارع حرام عليك
منصف: هلك يدورو فيك
انا: (نبكي) انا معندش حد الا انت الله يربحك متسيبنيش
انا بروحي خايفه نا خايفه متخلينش في شارع الله يربحك
انت اللي نبيها انديرها لك بس استر عليا
منصف: صبي
انا: وين بتشيلني؟؟؟
منصف: صبي بس
انا: تبي تجوزني صاااح انت تبيني صااح
منصف: اهدي وتعالي معايا
ركبت معاه في سيارته ونبكي
وهوا دموعه ينزلن
وقت شفته وهوا يبكي عرفت
ان دموعه عليا كيف دموع واحد قالوله حبيبتك ماتت
حطني قدام مبني؟؟؟
انا: شنو هضاا؟؟
منصف: انزلي
انا: شنو هضا
منصف: انزلي بس
نزلت وخشنا للمكتب وطلعت وحده؟؟
زهره: اهلا منصف كيف حالك؟
منصف: بخير قتلك هذي بنت لقيتها في شارع
وشكله هلها بيقتلوها يعني ومتبرين منها
زهره: لا حول ولا قوة الا بالله
منصف: نبي تاخديها وديرلها اوراق ان هلها وافقو علي حطتها في
دار الرعايه؟؟
زهره: لا حول ولا قوة الا بالله
قعدت يحكي معاها نا انهرت علي الوطا ونبحت في روحي
ونبحت في المبني نبي نصبي مقدرتش
بنعيط خلاص سكوت سيطر عليا
عدا منصف وبحتت فيه
نضبحله ونقوله متسيبنش هنا
متخلينش بروحي
مش ذنبي نا
منصف الله يربحك رد
التفت نا ساره منصف نا ساره
كان خاطري انصبي نجري وراه
بس كرعيه خلاص من الرعشه ومن اللي صارلي
معش عندي طاقه انصبي
بعد طلع وملتفتش وراه بكل ولا حاول ان يسكتني
ولا حاول ان يقولي تو نردلك متخافيش
عدا ومحكش ولا كلمه معايا
قعدت تحكيلي زهره وتقولي صبي
بس مقدرتش
كان غمضت اعيوني نشوف سمير
وكان فتحتهن انشوف الواقع اللي قعدت فيه
دلال: كيف تأقلمتي في دار الرعايه؟؟؟
كنت منحكش مع حد مرات تجيني حاله كيف اللي جتني امس
قعد في فاصل كبير بين واقعي وخيالي معش قدرت نحلم
كيف أي بنت لا بشهاده ولا بعرس ولا بفارس احلام
قعد حلمي كله كوابيس قتل دم ماتت ساره في الرحله المدرسيه
تمنيت وقتها اني طحت من فوق لعبه عاليه ومتت
تمنيت وقتها ان درت حادث في طريقي للملاهي ومتت
تمنيت وقتها اني متت من الصبح وموعيتش ولا جهزت روحي للرحله
هذنه كانن امنيات حياتي
ضيعت هلي وروحي ومنصف
دلال: حاولتي الانتحار؟؟
انا: اكيد واكثر من مره بس كانن البنات اللي معايا
يشجعن فيا ع حياه بس مقدرتش
توقعت ان منصف بعد فتره يزورني او حتي يسألني
كيف حالك؟؟؟
مجش ولا سأل ؟؟؟
اخر محاولة انتحار ليا كانت بعد6 اشهور من اغتصاب؟؟؟
خديت دواء كميه كبيره معدتي متحملتش
عديت للحمام ..
قعدت نستفرغ
كانت ماما ساميه تنظف فيه
ساعدتني وكلمتلي الابلات
دارولي غسيل مستعجل
قعدت جنبي مرضت واجد وقتها سببلي مضاعفات واجده
وطولت فلمستشفي وقعدت هيا معايا سهرت عشاني
خششتني لحمام ووكلتني ومنها تعودت عليا
روحت من المستشفي كانت معايا فاتن في نفس الدار
طلعت ونسمع فيهن يتناقشن
زهره: الدكتور قال ضروري ما مصح نفسي
ساميه: البنت متحملش مكان كيف هضا تتعب نفسيتها اكثر
انتصار: بس هكي وجودها غلط البنت مش اول مره تنتحر والبنات اللي هنا اللي فيهن مكفيهن
زهره: عندها حاله نفسيه ضروري ماتعالج
ساميه: والله لبنيه وراها قصه حرام تعزقنها
زهره: ومن قالك بنعزقوها؟؟ بلعكس يعالجوها وتقعد احسن
انتصار: وبعدين انتي وظيفتك التنظيف مش الدخل في شؤون البنات
ساميه: بارك الله فيك بس نا معش عندي شغل هنا
زهره: وسعي بالك ياساميه انتصار مش قصدها
انتصار: لا قصدي نحنا ادري بمصلحة البنات
ساميه: بناخدها عندي منقدرش انخليها تخش للمستشفي نفسي تتعب اكثر وتخاف اكثر واكثر وتمدر نفسيتها بعد تشوف الناس اللي غادي ..ناخدها نا ونعتهم بيها
انتصار: ممنوع البنت في عمر مستهدف وانتي راجلك حي
ساميه: راجلي مقعد وشايب كبير فلعمر يبي من يعانيه
وقاعده بروحي مستعده اني نساعدها وتقعد عندي وانتي
يازهره كل فتره شوفيها واطمني عليها
زهره: ياساميه هذي مسؤوليه
ساميه: ونا قدها نبيها البنت نقعد اكثر من امها
انتصار: خلاص خليها دير اوراقها وتاخدها
استقالت ماما ساميه من العمل وخدتني في حوشها
عاملتني اكثر من بنتها فرحت بيا كانت تمشطلي في شعري
وديرلي في حمامي وتلبس فيا في دبش لانها انحرمت من الجياب
قعدت تعدي للشغل ونا نهتم بعمي ابراهيم (راجلها)
كان حنون وطيب توفي بعد 8 اشهور من سكنتي عندهم
لان كان مريض واجد
معش قدرت نقعد بروحي فلحوش قعدت نطلع ونشتغل معاها
وهذي قصتي؟؟؟
~
~
~
عائشه: جهزتو كل حاجه؟؟؟
زينب: شوفي البنات
سفيان: هيا وقت راا الساعه 12
عائشه: هيا مزالن البنات :3
زينب طلعت الرافع؟؟؟
زينب: حكيت مع ياسر؟؟ :/
رافع: تي هوا الغطلان؟؟ -_-
زينب: اعتذرله مش ساد خطبة رانيه اللي فركشتها؟؟ ولا ناوي
تخرب حتي علي اختك؟؟ :o
لاافع: الصبر ياربي؟؟
زينب: قاعد يركب فلحاجات في سيارته عدي ادويله -_-
عداله
رافع: مرحبا يابو نسيب؟ :)
ياسر: اهلا :3
رافع: مزلت زعلان؟ :/
ياسر: عليش انسيت اصلا :)
رافع: باه تمام عموما سامحنا البنت هيا الي نادتني؟
ياسر: ههههه شباب ونعرفو بعضنا من اول ماخشيت للبكوني
نزلت تجري وتحججت بلقهوه بحتت فيك من البلكوني بعد طلعتلها
رافع: .......
ياسر: جيب الكانون الكبير من جنان وصكر ع موضوع :)
رافع: به :3
وتو رواحهم وعدوو لشاليه
امل: البحر لونه خياااااااااال
ايه كانت متحشمه من ياسر ومحطتش عينها في عينه بكل :3
ابتسام: خاطري نعووم :*
سميه: هيا انغيرو ونخشو ^^
رانيه: لالا نا بعد المغرب بنعوم تو ننسمر :3
سميه: هيا ابتسام هيا جنات
جنات: لالا بنحكي مع ياسر شويه
طلعت للياسر لقاته واخدد كرسي وقاعد ع شط
جنات: روقان ع اخر كلا انت؟؟ :*
ياسر: تعالي قمعزي ^^
جنات: نبيهن النظارت يهبلن :*
ياسر: في عينك جديدات هذنه -_-
جنات: هههههه :v
ياسر: شنو الموضوع؟؟
جنات: احكي انت قبل؟؟ :*
ياسر: احكي انتي قبل؟ :p
جنات: ابتسام كنك معاها -_-
ياسر: كني معاها؟؟؟ :/
جنات: مش مهتم بالبنت بكل يااخي جامل :/
ياسر: خلينه من ابتسام بنسألك ع بنت ساره ??
,,,,,,,,, يتبع
#Fatma