#أختناق_الندم
(((الحلقه الثالثه)))
عائشه: ابتسام تعز علي ياسر واجد ومن قبل فتحتله الموضوع
وبصراحه قال معندش مشكله
زينب: مانلقي خير من ولد اختي
عائشه: ومزال راي العروسه
ابتسام: (تحشمت )
رانيه: العروس موافقه صوت دقات قلبها نسمع فيهن
سميه: هههههههه
ايه صبت وطلعت وقعدت تبكي
~
~
~
~
ماما: شنجو المعهد اليوم؟
انا: كيف كل يوم
ماما: اليوم راحه مفش شغل :3
انا:.........
ماما: بكره بنعدو للعرب اللي حوشهم سمح
انا: (سارحه فتلفزيون وعلي سارح في همومي)
ماما: ساره؟ :/
انا: نعم؟ :o
ماما: قتلك بكره علعصر بنعدو للعرب
انا: به
ماما: ساره اقعدي انا منبيكش تتعبي عارفه ان شغل تعب
انا: مش تعب
ماما: اقعدي حاولي انك تفتحي اكتاباتك :/
انا: لالا بنعدي معاك
ماما: صوت نقالي يرن تو نشوف من
ونسمع فيها تحكي مع وحده في نقال
رقدت علي الوطا وبحت في سقف غمضت اعيوني
وخذيت نفس طويل نبي انتريح نبي الغصه تطلع
جتني ماما:
ماما: صبي كنك ؟؟؟
انا: لا شئ
صبيت وقمعزت ع صالون
كسدنا علي التلفزيون
ماما: بكره عندك معهد؟
انا: لا
ماما: اهاا
~
~
~
~
جا الليل خشيت رقدت حطيت راسي علي المخده ونفكر
تقدر الدكتوره تساعدني؟؟
او نقعد طول عمري هك؟؟؟
خشت ماما:
ماما: ساره نوضي صلي قيام الليل
انا: حاضر
خديت الوضوء وصليت
جيت ورقدت جنب ماما
ماما: ساره غمضي اعيونك واقري معوذات وارقدي متفكرش في شي
انا:.........
~
~
~
طلعت قدام الحوش
كانت في وحده كبيره فلعمر مقمعزه
شفتني وتبحت فيا وساكته
نا خفت جيت بنرد للحوش انطبق
بنبدا اندق ايديه تنملن وصوابي مرخيات
نبي انضبح صوتي انبح
نقول ياماما افتحي يااماما افتحي تخلنش بروحي بره
ماما افتحي ياماما افتحي
والمراءه تقرب مني ونا خايفه منهاا
كان منظرها يخوف وكان عزوز شعرها ابيض
لابسه جلابيه سوده
نا نادي علي ماما وهيا متسمعش فيا
الشارع فاضي
حسيتها بتخنقني تبي تقتلني :o :o :o
~
~
ماما: ساره سااره حولي يديك من رقبتك ساره؟؟؟
انا: اعوذ بالله من الشيطان
ماما: نوضي قمعزي نوضي
انا: اعوذبالله من شيطان الرجيم
ماما: كنك تبي تخنقي روحك
انا: مش نا هيا؟
ماما: من هيا؟؟؟ :/ -_-
انا:........
ماما: منو اللي بتخنقك؟
انا: ياربي ياربي الساعه كم؟
ماما: الفجر اذن نوضي صلي وردي ارقدي
انا: عيطت؟؟؟
ماما: لالا اليوم معيطش بس سمعت الاذان نضت لقيتك حاطه يديك
علي رقبتك وترعشي
انا: اها
ماما: نوضي صللي
انا: حاضر
صليت ودرت نسكافي
انا: نحسبك؟
ماما: به احسبيني
درت سندوتشين وصبيت الحليب ولميه في الاكواب
وطلعت السفره
ماما: ردي ارقدي؟
انا: لالا خلاص منبش نرقد
ماما: به
دق الباب
ماما: بسم الله من جاين الساعه 6 الصبح؟
انا: متفتحش متفتحش :(
ماما: مش حنفتح بس نشوف من :/
صبت ماما وشافت من العين السحريه
انا: من؟؟
ماما: عيل اصغير
(فرحت كنت نحسابها العزوز اللي فلحلم قلبي وقف ورد النبض)
فتحت ماما:
ماما: ولد عيت من انت؟
العيل: ولد جيرانكم نا عندي مدرسه وقالتك ماما عطينه خبزه
ماما: عندنا لاكن من امس؟؟
العيل: عادي^^
ماما: به ارجني شويه
طلعتله فردتين وصكرت الباب
ماما: هههههه ولد جيرانه يبي خبزه
انا: اهاا
فطرنا:
ماما: بنرد نرقد نا
انا: خشي تريحي؟
ماما: حطي راسك حتي انتي.؟؟
انا: لالا بنولع التلفزيون
ماما: به براحتك يابنتي
خشت ماما عده الوقت ناضت مع ال11 لقتني واعيه
وحاطه علي فيلم ونتفرج
ماما: مرقدش؟ :/
انا: لالا
ماما: نا رقدت رقده سمحه ^^
انا: به تمام
ماما: انعدو لسوق نشرو مواد غذائيه توا؟؟
انا: به ندوش قبل
ماما: به هيا بسرعه
عدينا لسوق ع كرعينا جبنه حاجا ت المهمه
وروحنا حطت ماما الظنجره متاع الغذاء ع نار
تغذينا وماما كلمت فاتن تطمن عليها
كسدنا شويه وقعدنت تحكيلي ع سوق واسعار ايام زمان
وبعدها وتينا رواحنا وعدينا للعرب
كانو حايسين واجد وموتين الكراسي وطاولات
للرجاله فجنان
جت جنات:
جنات: اهلا كيف حالكن؟^^
ماما: الله يسلمك^^
انا:.........
جنات: تفضلن للمطبخ من هنا^^
خشينا للمطبخ كان كبير وفيه باب يطلع ع جنان من لورا
وموتين حلويات وسفر عرم وانواع سلطات وفواكه
جت ايه: جنات هيا وقت الصبايا بيبدن ايجن وتي روحك :/
جنات: لالا نوتي العزومه قبل وبعدها تو نوتي روحي :*
ايه: به نا بنركب فوق
عائشه: ياسر مش قاعد بره؟
جنات: لالا راقد الناس جاين عشان يباركوله وهوا راقد -_-
عائشه: معلش ملاحظتش^^ كيف حالك ياساميه اليوم؟ ^^
ماما: الحمدلله سلم حالك
عائشه: كيف حالها بنيتك؟؟؟
ماما: الحمدلله كويسه ^^
عائشه: كل حاجه واتيه ناقصه حاجه؟
جنات: ان شاءالله نقولو تمام
عائشه: به
(كانت لابسه بدله حلوه وفخمه ودايره شعرها سمح وحاطه مكياج
كانت فلعمر اكبر بواجد من ماما ساميه بس كانت باينه اصغر منها
مهتمه بروحها ومتريحه بعيالها وبناتها وبحوشها الفخم
اما ماما طول عمرها تعاني وتتعب وزايدتها نا هم فوق همها
ومع هضا كله متحمله وديمه مبتسمه وتغيرلي في جوي
وكلمة الحمدلله متفارقش فمها)
جنات: ماما
عائشه: نعم؟
جنات: كلمي خواتي وبنت خالتي يساعدني؟ :(
عائشه: لاهيات فرواحهن وفكوافير الي جايبتها فوق -_-
جنات: مراد الله عليا والبنات اللي حجزتيهن من القاعه ؟؟
عائشه: هذنه يمدن العصير وقهوه والعشاء بس ممنوع انهن يجهزن
جنات: اه ياربي:(
عائشه: تو نا نساعدك
جنات: لالالا تمسخي دبشك اطلعي وخللي كل حاجه شوري ;)
ماما: بعد اذنك تو نحنا انساعدوها مزال غسل لماعين ^^
عائشه: بارك الله فيكن^^
جنات: عدي سلمي ع ناس عيب
عائشه: به
ماما: تو نا نوتي فناجيل القهوه
جنات: معلش شنو اسمك؟
انا: انا؟
جنات: اها انتي^^
انا: ساره
جنات: كنك ديمه ساكته -_-
انا: .....
جنات: را نا نحب الهدرزه ومستحيل نسكت =D
ماما: هههههه ربي يحفظك =D
جنات: ههههه ويحفظك ياابله =D
ماما: وين السكر ؟؟ دايرين اكياس؟
جنات: بره صفره متاع الفناجيل
ماما: خلاص نا نوتيهن وانتي وساره وتن الحلويات
طلعت ماما للمنور اللي في سور
جنات: تقري؟
انا: معهد حاسوب
جنات: ماشاءالله
انا: اهاا
جنات: تقهرك بعد يقعدن عندكم عرم بنات في عيله ومتحصلش من يساعدك
انا:.........
جنات: عندك خوت وخوات؟
انا: لالا
جنات: نا عندي نحنا 5 حشا اعيونك
انا: ربي يحفظكم
جنات: اهو بديتي تنطلقي ههههههه =D
انا: اهاا :)
جنات: اضحكي كنك هكي؟ :/
انا: هههه
جنات: ايواه^^ عندي سفيان الكبير دكتور اسنان خاطب وفرحه قريب
وعندي سميه خريجة اقتصاد كانت مرتبطه بواحد وخطبها بس
ربي مكتبش نصيب؟
انا: اهاا
جنات: فسخة خيطبتهم واجوز هوا وحده اخري وهيا يتقدمولها بس متوافقش تحسيها تحبه واجد
انا: اهاا :(
جنات: وبعدها ياسر؟
انا: ........
جنات: ياسر هضا اللي دايرلنا الحوسه ههههه هوا اللي كان بره
بريطانيا ويقرا طياران من هوا طفل يحب الطيارات حتي بعد بابا
يجيبلهم سيارات هوا وسفيان يقعد يبكي ويقول نبي لعبة طياره
انا: هههه^^
جنات: والله زي مانحكيلك المهم تخرج وجاب الشهاده وتوا ماما خطبتله بنت خالتي ابتسام تو نوريها لك
انا: به
جنات: وبعدها رانيه؟؟؟ رانيه مغروره شويه بس طيبه كانت مخطوبه لولد خالتي اللي يقعد خو ابتسام ؟؟؟
انا: اهاا بدلتو؟
جنات: هههه اها قبل ع اساس هكي بس بعدها افسخت الخطبه وبيني وبينك الغلط من اختي يعني متكبره عليه واجد لانها دكتوره :3
انا: اها
جنات: وبعدها العسوله جنات هههههه انا اخر العنقود عمري 22 ونقرا
جامعه نقرا كلية العلوم قسم رياضيات ومتقولش عليا معقده
انا: هههه
جنات: هخههههه لان في ناس واجد يقولو علي طلبة الرياضيات معقدين
انا: اهاا
جنات: هذي هيا عائلتنا وطبعا بابا المحروس ديمه يسافر
ومامتي العسوله عويشه اللي شفتيها
انا: اهاا
جنات: تذكري البنات اللي شفتيهن اول امس يوم الفرش؟
انا: اهاا
جنات: هذن بنات خالتي زينب الكبير رافع الي كان خاطب رانيه
وبعدها ابتسام اللي بناخدوها ل ياسر وبعدها امل اندادي وبعدها
واخر وحده ايه عمرها 18 دلوعه بكل وطبعها يشبه رانيه اختي
خالتي قعدت فتره وبعدها جابت احمد عمره 4 سنوات اللي انعجب بيك :*
انا: اذكرته ربي يحفظه ^^
جنات: ريتي الهدرزه تخليك تكملي بسرعه ههههههههههه
انا: كملنا
جنات: سرسوره شكرا واجد
انا: .....^^
جنات: انا....
انا: عدي وتي روحك
جنات: خلاص شكرا اسمعي كل حاجه وتيناها تمام تو يجن توا 3 بنات
ماما طالبتهن من قاعه عشان يمدن لصبايا القهوه وهك
نا نبدل ونواسي شعري ونسلم ع ناس ونجيك نوتي العصير
انا: به
ركبت تجري لدارها
وخشت لقت ابتسام
جنات: طالعه قمر يافرخه
ابتسام: احم اسمعي ياسر ناض
جنات: ماما اعتقد نوضاته تو نعدي نشوف ونجي :*
خشت عليه فدار لقت امها تصقمله في البدله
جنات: لووووووووللي عريس الصلاة ع نبي :* :p
ياسر: حلوه؟
جنات: تي تهبل :*
عائشه: ربي يحفظه اسمع اطلع من الباب اللي لاورا
ياسر: قصدك الصاله لوطه تعبت؟؟؟
عائشه: تي صبايا عرم
ياسر: تو ننزل من الباب الاخر
عائشه: عدي وتي روحك
جنات: اصبري شويه
جنات: تعالي اجري يابتسام
ابتسام: (تحشمت وخشت لدار ياسر) نعم؟؟
جنات: احم شن رايك؟؟؟
عائشه: ماشاءالله تهبل بسومه
ابتسام: شكرا ياخويله
جنات: ماما نا مسألتكش نسأل في ياسر اللي كمل العطر ع بدله
ابتسام:ههههههههههه
ياسر: كنك؟
جنات: تي شن رايك في ابتسام؟
ياسر: كويسه نا نازل
باس امها علي راسها ولبس الساعه ونزل
عائشه: بننزل انشوف البنات متاعات المد
جنات: نا بنوتي روحي
نزلت عائشه:
وخشت جنات لدارها تغير في دبشها
ابتسام قعدت مصبيه بين ديار وطلعن الاخرات
خواتها امل وايه وبنات خالتها سميه ورانيه اللي هنه خوات جنات
رانيه: هيا ننزلو مع بعضنا
ابتسام: بنرجي جنات تلبس وبتمكيج
رانيه: ناب ننزل هيا ايه
ايه: ياسر نزل؟؟؟
ابتسام: اها نزل توا
رانيه نزلت ونزلن معاها امل وايه
كانن لابسات فساتين حلوات واقصيرات بس فخمات
وكعب طويل ودايرات تسريحات بسيطات
ومكياج حلوو
ابتسام:كنك مانزلتي ياسميه
سميه: الكعب هبلني بس قوليلي كنك زعلانه؟
ابتسام: لا عادي حفلة عشان زوجي المستقبلي متخرج من الطياران عليش بنزعل؟
سميه: احم؟
ابتسام: توا وتي روحه وسالته جنات شن رايك في ابتسام قال كويسه
سميه: هههههههه يعني مش عارفه ياسر؟
ابتسام: ......
سميه: ياسر رافع خشمه من يومه ومستحيل يتنازل وبعدين لو ميحبكش كان
موافقش عليك ولا لا؟؟؟
ابتسام : اهاا :(
~
~
~
~
ماما: طلعي لكناسه عند الباب اللي بره
انا: وين؟؟
ماما: اهوا بس اسرعي وافطني را حد يشوفك
انا: حاضرر
مسكت الكيس الكبير وطلعته ولقيت باب من لوراا
فتحته وحطيت لكناسه وصكرت الباب ونلف :
انا: اه فجعتني؟؟؟ :o :o :o :o :o :o
(قلبي قعد يدق بسرعه من الخوف رعشت بكل)
ياسر: شنو ديري بره؟؟؟ :/
انا: ....
(حطيت يدي علي قلبي وداهشه من الخوف)
ياسر: شفتي جن او ابليس قدامك ؟ -_-
واطيت راسي وعديت نجري للمطبخ وصكرت الباب
ماما: ساره افتحي الباب عيب متاع العرب كنك :/
انا: رعشت :(
ماما: من من؟؟
انا: شفت راجل بره برمت لقيت قدامي خفت بكل
ماما: افتحي الباب -_-
فتحت الباب ونلقاه في وجي :o :o :o
ياسر: خوافه هههههههههههه :p
رديت صكرت الباب في وجه :o :o :o
ماما: كنك؟؟ :/
انا: الراجل قاعد قدام الباب :(
ماما: وين -_-
وجت وفتحت الباب وملقتش حد :/
ماما: مفش حد -_-
انا: شكله عدا :/
ماما: ساره نحنا مش في حوشنا
انا: منتخايلش انا انا متاكده اني شفت راجل؟ :/
ماما:به -_-
وخشن بنات لابسات نفس اللبس متاع عمل
4بنات بدن يمدن في السفر اللي جهزناهن نا وجنات وماما
نا وماما طلعنا في سور
ماما: حوش يفتح النفس
انا:...........
ماما: تحسي روحك تريحي نفسيا =D
مشا الوقت وجت جنات تجري
جنات: كل حاجه تمام؟؟
البنت اللي تشتغل: مدينا القهوه ونسكافي و6 انواع حلويات
جنات: الوليه اللي كانت هنا وين مع بنتها؟
البنت: طلعن قمعزن في سور
طلعتلنه :
جنات: اقعدن في طاوله اللي فلمطبخ معقوله مقمعزات ع وطا؟؟
ماما: منبش اضايقو البنات
جنات: هيا بس خشن تعالي انتي
البنت:.....
جنات: مديرلهن قهوه وحلويات
جنات: ساره شن رايك؟؟ ^^
انا: حلوه طالعه
جنات: الفستان ???
انا: حلو
جنات: خلاص تكمل الحفله نعطيه لك
انا: لالا شكرا منبش
جنات: توا من مبدري وانتي ساكته ونهدرز بروحي توا خطرلك
تدوي؟؟؟؟ هيا نا بنطلع
كملت العزومه وغسلنا نا وماما لماعين كانن واجدات ودارو العشاء
وساعدتهن في تجهيز التباسي بس البنات هنه اللي يطلعن
وفي بنت اطلع للرجاله في العزومه
وسفيان واقاربهم يمدو وياسر قاعد ع كرسي يبحت في ناس
وساكت
كملت الحفله
عائشه: الفرش تعفن
صقمنا وشاحتنا نا وماما وطالعات
جتنني جنات : هاك
انا: لالا
جنات: والله نزعل ياساره
انا: به شكرا
جنات: مش خساره فيك^^
عائشه: تفضلي
ماما: .....
خذت ماما لفلوس
عائشه: عندكن من يوصلكن
ماما: لالا تو ناخدو سياره
عائشه: تبي تركبي بنتك سياره اجره الساعه 11 في ليل؟؟؟
ماما:.......
عائشه: جنات شوفي حد يوصلهن
جنات: حاضر
عائشه: او تو توصلكن بنت اختي عادي
ماما: شكرا
عائشه: اسمعي اغلب الفرش تمسخلي نبيك تجيني بعد بكره
ماما: بس في ظهر؟؟
عائشه: خلاص تمام اتفقنا
طلعت جنات
سفيان: خشي في رجاله؟؟
جنات: اسمع نبو واحد يوصل الوليه وبنتها اللي غسلن لماعين
سفيان: نا اصحابي مش قاعدين
جنات: شوف ياسر او رافع ولد خالتي
سفيان: به؟؟
سفيان: ياسر توصل الصبايا كانن يحوسن جوه؟؟
ياسر: لالا مش فاضي فوتني
سفيان: رافع؟
رافع: لالالا مش شوري
جاه سفيان: مبوش مفش حد خليهن لل12 تو نا نوصلهن
جنات: اوك
خشت:
جنات: عليك فضايحمبوش سفيان قال لل12
عائشه: كلمي ابتسام وعدي معاهن انتي
جنات: به
طلعنا مع ابتسام كانت لابسه عبايه ووشاح
ومعانا جنات ركبنا ونا وماما من لاورا
وجنات لاقدام وابتسام تسوق
وصلنا لحوشنا ونزلنا
خشت كنت تعبانه لان بذلت جهد واجد
ماما: بندير حمام
انا: ونا بعدك
ادوشت ورقدت...
~
~
~
انا نمشي وفي بحر كان ليل وظلام مفش حد
من جابني هنا ؟؟؟
كان ظلام مش طبيعي وحتي قمر مفش
بحر منظره مرعب
صبيت علي شط
حسيت كرعيه ينزلن في رمله
ولميه تركب
حاجه تسحب فياا
حاولت اني نطلع بس مقدرتش
قعد يسحب فيا البحر جوه جوه جوه
مخنووقه صوتي مطلعش ودموعي مبنش ينزلن
مقدرتش انعوم لان منعرفش
الموج عالي واسود
حاجه تسحب فيا لوووطه مخنوقه نبي انعيط
وصلت لميه لرقبتي
انحس في حد يحاول يرفعني
حاولت اني نبرم ونشوف وجه بس مقدرتش
حسيت جسمي ثقيل
يديا مسقعات
لميه وصلت لفمي
نبي انعيط مقدرتش نفتح فمي بكل
قمعزت وعيطت:
حطيت ايدي علي فمي وبحتت في ماما لقيتها راقده
نضت غسلت وجي وصليت الفجر وعديت للمعهد
حضرت المحاضره وتلاقيت مع دكتوره دلال:
سلمت عليها وقمعزنا فلقاعه برواحنه:
دلال: وصلنا المتكم انتي وهلك علي الغذاء؟؟؟
.....يتبع
نبي منكم طلب نبي كل واحد يدير تاق اقل حاجه لشخص واحد
تمام ؟؟ نبي تفاعل اليوم طولت عليكم عشان الضي
انتمنالكم متابعه طيبه
#Fatma